Human angle

ప్రతి ఒక్కరి జీవితంలో కూడా కష్టాలు ఉంటాయి. కష్టాలు ఉన్నాయని పదేపదే బాధపడడం వలన ఆ కష్టాలు మన నుండి దూరం అవ్వవు. ప్రతి ఒక్కరు కూడా కష్టాల నుండి బయటపడడానికి చూసుకోవాలి. కష్టాలని అధిగమించి బాడీబిల్డర్ గా ఎదిగిన ఈ ఒంటరి మహిళ పడిన కష్టాన్ని చూస్తే శభాష్ అంటారు. మరిక ఆమె కథ చూద్దాం..

తమిళనాడులోని మధురై కి చెందిన వేరోనికా వాళ్లది మధ్య తరగతి కుటుంబం. భర్త వదిలేసిన తర్వాత ఆమెకి ఎన్నో కష్టాలు మొదలయ్యాయి.

కొన్నాళ్ల తర్వాత తన తండ్రి కూడా చనిపోయారు నిజానికి తన తండ్రి మరణంతో ఆమె కుంగిపోయారు. కానీ తర్వాత ఆమె దాని నుండి బయట పడి బాడీ బిల్డర్ గా ఎదిగారు. ఇప్పుడు ఎంతోమందికి ఆమె స్ఫూర్తిదాయకంగా నిలిచారు. నిజానికి ఆడవాళ్లు జిమ్ కి వెళ్ళకూడదని పొట్టి పొట్టి బట్టలు వేసుకోవాలని ఇలా ఎవరికి నచ్చినట్లు వాళ్ళు చెప్తూ ఉంటారు. కానీ అవి ఏమి నిజం కాదు. కేవలం అపోహలు మాత్రమేనని అంటున్నారు ఈమె. కేవలం కొన్ని కొన్ని వ్యాయామాలకే అటువంటి బట్టలు కావాలి అని అన్నారు.

ఈమె జిమ్ కి వెళ్లడంతో పాటుగా తన పిల్లల్ని చూసుకోవడం పెంపుడు జంతువులతో సమయాన్ని గడపడం… ఇంటి పనులు చేసుకోవడం వంటివి చేస్తూ ఉంటారు. పిల్లలు పుట్టిన తర్వాత ఈమె బరువు బాగా పెరిగి పోయారు. తర్వాత బరువు తగ్గాలని చూశారు. బరువు తగ్గేందుకు ఆమె జిమ్ కి వెళ్లడం మొదలుపెట్టారు. అయితే ఆడవాళ్ళు జిమ్ కి వెళ్ళకూడదు అని ఇలా చాలామంది ఎన్నో చెప్తూ ఉంటారు కానీ తనకి తన ఆరోగ్యమే ముఖ్యమని.. పిల్లలు, ఆరోగ్యం కోసమే ఇలా చేస్తున్నానని ఆమె చెప్పారు. అయితే ఈమె జిమ్ కి వెళ్లడం వలన చాలా మంది ఈమె ని దూరం పెట్టేసారు.

కొంతమంది స్నేహితులు కూడా మాట్లాడడం మానేశారట. ఆరోగ్యం కోసం జిమ్ కి వెళ్తున్నారు. బాడీ బిల్డింగ్ లో ఈమె రాష్ట్రస్థాయి జాతీయస్థాయిలో 7 8 టైటిల్స్ ని గెలుచుకున్నారు. ఓపెన్ ఏషియా ఉమెన్స్ బాడీ బిల్డింగ్ లో ఈమె ఆరవ స్థానంలో నిలిచారు. ఈమె నార్త్ ఇండియా బాడీ బిల్డర్ గా మారాలని అనుకుంటున్నారు. ఆమె లక్ష్యాన్ని ఆమె చేరుకోవడం కొంచెం కష్టమే… కానీ ఆమె దానిని చేరుకుంటానని చెప్తున్నారు. ఆమె తన లక్ష్యాన్ని చేరుకోవాలని మనం కూడా ఆశిద్దాం.

పెళ్లి ప్రతి ఒక్కరి జీవితం లో ఎంతో ముఖ్యమైన భాగం. కానీ ఒక మహిళకు ఈ పెళ్లి తో కూడా ఎన్నో సవాళ్లు ఎదురవుతూ ఉంటాయి. ప్రపంచం ఎంత ముందుకు వెళ్తున్నా.. మారనిది ఏమైనా ఉంది అంటే అది స్త్రీ కి దురయ్యే సవాళ్ళే..పుట్టినప్పటి నుంచి వారు వద్దు, కూడదు అన్న మాటలే ఎక్కువగా వింటూ ఉంటారు.

అయితే ఎంతో ప్రేమించి పెళ్లి చేసుకున్న భర్త తో ఆనందం గా జీవిస్తున్న తరుణం లో.. విధి వక్రీకరించి తన భర్తను దూరం చేస్తే.. ఒక మహిళ జీవితం ఎలా మారిపోయిందో.. ఆమె ఎన్ని ఇబ్బందులు పడిందో ఇప్పుడు చూద్దాం..

గంగ కోనసీమ దగ్గర్లోని ఒక టౌన్ లో ఉండేది. సెలవులు వచ్చిన ప్రతిసారి దగ్గలో ఉండే అమ్మమ్మ గారి పల్లెటూరికి వెళ్ళేది. అలాగే 10 వ తరగతి చదువుతూ ఉన్న సమయం లో కూడా ఒకసారి ఆ ఊరికి వెళ్ళింది. అప్పుడు ఒక యువకుడు తనని ప్రేమిస్తున్న అంటూ వెంటపడ్డాడు. జీవితానికి సంబంధించిన పెద్ద నిర్ణయాలు తీసుకొనే వయసు కాదు అని ప్రేమని తిరస్కరించింది. అయితే అతడు ఆమె వెంట పడుతూనే ఉన్నాడు.

అయితే గంగ 10 వ తరగతి పూర్తి కాగానే.. నకి పెళ్లి సంబధాలు చూడడం మొదలు పెట్టారు. అప్పుడు తనని ప్రేమించిన యువకుడు వాళ్ళ ఇంట్లో తన ప్రేమ విషయం చెప్పి.. ఒప్పుకోకపోతే చచ్చిపోతే అని బెదిరించి..గంగ వాళ్ళ పెద్దలతో కూడా మాట్లాడి పెళ్లి చేసుకున్నాడు. అంతా బాగానే ఉంది ఒక పాప కూడా పుట్టింది. పెళ్లికి ముందు అబ్బాయి ఆ అమ్మాయి నీ ఎంత ప్రేమించాడో, అంతకన్న ఎక్కువ పెళ్ళి అయ్యాక ఆమ్మాయి ప్రేమించింది.

పాపకి ఒక సంవత్సరం వయసు వచ్చిన తర్వాత గంగ మరోసారి తల్లి కాబోతుంది అని తెలిసింది. కుటుంబం పెరుగుతుంది అని సంబరపడ్డారు. కానీ అనుకోకుండా ఆమెకు అబార్షన్ అయ్యింది. భార్యాభర్తలు ఆ బాధని భరించ లేక పోయారు. ఇద్దరు ఇంట్లోనే ఉంటూ బాధపడుతూ ఉన్నారు. అయితే ఒక రోజు అతడి స్నేహితులు ఇంటికి వచ్చి.. ‘ఇద్దరు ఇలా ఉంటే ఎలా.. నువ్వే బాధ పడుతూ ఉంటే మా చెల్లిని ఎవరు ఓదారుస్తారు, పదా అలా తినటానికి బయటకి వెళ్లి తనకి ఏమైనా తినటానికి ఇంటికి తీసుకుని వద్దువు గాని..’ అని చెప్పి ఆ యువకుడిని బయటకి తీసుకెళ్లారు.

కానీ అనుకోని విధంగా లారీ ఆక్సిడెంట్ అయ్యి ముగ్గురు మరణించారు. విషయం తెలిసిన ఆ అమ్మాయి తన భర్త లేడని తట్టుకోలేక కృంగి పోయింది. అంతే కాకుండా అత్తవారింటి సపోర్ట్ కూడా ఆమెకు దక్కలేదు. ‘కేవలం మా కొడుకు కోసం నిన్ను కోడలిగా ఒప్పుకున్నాం ..కానీ ఇప్పుడు కొడుకే లేడు.’ అని గంగ ని ఇంటి నుంచి వెళ్లగొట్టారు. ప్రభుత్వం నుంచి వచ్చిన పరిహారాన్ని కూడా వాళ్లే తీసుకున్నారు.

ఆ సమయం లో న తల్లిదండ్రులు నన్ను అక్కున చేర్చుకున్నారు. కానీ నేను నా బాధ నుంచి బయట పడలేకపోయాను. ఒకే గదిలో నన్ను నేను బంధించుకున్నాను. కానీ కొంత కాలానికి నా బిడ్డ గురించి ఆలోచన మొదలైంది. మా ఇద్దరి భవిష్యత్తు గురించి ఆలోచించడం స్టార్ట్ చేశాను. పుట్టింటి వాళ్ళని ఒప్పించి.. నర్సింగ్ చదివి.. ప్రస్తుతం ఒక ఉద్యోగం సాధించుకుంది. ప్రస్తుతం తన కాళ్ళ మీద తాను నిలబడి తన జీవితాన్ని తన చేతిలోకి తీసుకొని సంతోషం గా జీవిస్తోంది గంగ. చిన్న చిన్న విషయాలకే ప్రాణం తీసుకొనే ఈ సమాజం లో ఈమె జీవితం అందరికి ఆదర్శం.

తల్లిదండ్రులే పిల్లలను చిన్నప్పటి నుంచి మార్చుకుంటూ రావాలి. అప్పుడే పిల్లలు పెద్దవాళ్ళు అయిన తర్వాత మంచి అలవాట్లను అలవాటు చేసుకుంటూ ఉంటారు. లేదంటే పిల్లలు పెద్దయిన తర్వాత ఇబ్బంది పడుతూ ఉంటారు. అయితే ఒక్కోసారి పిల్లలు కొన్నిటిని వదిలి పెట్టేయాలని డిసైడ్ అయి పోతూ ఉంటారు.

నిజానికి ఇది కనుక వారికి అలవాటు అయితే పెద్దయిన తర్వాత కూడా సమస్యలు ఎదుర్కోవాల్సి వస్తుంది. అందుకనే తల్లిదండ్రులు ఈ విషయం పట్ల బాధ్యతగా ఉండాలి. వాళ్లు కనుక విడిచి పెట్టాలని అనుకుంటే తల్లిదండ్రులు ఇలా చెప్తే పిల్లల భవిష్యత్తు బాగుంటుంది.

#1. నువ్వు ట్రై చేస్తున్నందుకు నాకు గర్వంగా ఉంది:

మీ పిల్లలు గెలవలేక మధ్యలోనే విడిచి పెడుతూ ఉన్నట్లయితే ‘నువ్వు ట్రై చేస్తున్నందుకు నాకు గర్వంగా ఉంది’ అని చెప్పండి. దీనితో వాళ్ళు మరోసారి ట్రై చేయడానికి చూస్తారు. విడిచి పెట్టిన దాన్ని మళ్ళీ ప్రయత్నం చేయాలని వారికి అనిపిస్తుంది.

#2. నీ ఆలోచనకి నాకు గర్వంగా అనిపిస్తోంది.. నీకు తోడుగా ఉంటాను:

విడిచిపెట్టాలని మీ పిలల్లు నిర్ణయం తీసుకుంటే.. నీ ఆలోచనకి నాకు గర్వంగా అనిపిస్తోంది.. నీకు తోడుగా ఉంటాను అని మీరు కాస్త పిల్లలకి దన్ను ఇవ్వండి అప్పుడు వాళ్ళు కొత్త విషయాలను నేర్చుకోవడానికి తెలుసుకోవడానికి అవుతుంది.

#3. మీరు ఆనందించిన వాటి కోసం చెప్పండి:

మీ పిల్లలు విడిచి పెడుతున్నప్పుడు.. మొదలుపెట్టినప్పటి నుండి విడిచి పెట్టిన వరకు మీరు ఏ విషయంలో గర్వ పడ్డారు ఏ విషయంలో ఆనందపడ్డారు అని వివరించి చెప్పండి. దీంతో వారు ఆ ఓటమి నుంచి బయట పడి మరొకసారి ప్రయత్నం చేసినప్పుడు గెలవడానికి అవుతుంది.

#4. దీని నుండి నేర్చుకో:

ఎప్పుడైనా మీ పిల్లలు మధ్యలో దేనినైనా విడిచి పెడితే దీని నుండి నేర్చుకోమని చెప్పండి.

#5. ఏం పరవాలేదు:

నీవు మధ్యలో విడిచిపెట్టవు అయినప్పటికీ ఏమీ పర్వాలేదు అని వాళ్ళని ప్రోత్సహించండి. అప్పుడు మళ్ళీ వాళ్ళు నేర్చుకోవడానికి అవుతుంది.

#6.మరిన్ని అవకాశాలు వస్తాయి:

ఈసారి విడిచి పెడుతున్నందుకు బాధపడకు ఇంకా ఎన్నో అవకాశాలు ఉంటాయి. వాటిని నువ్వు ప్రయత్నం చేయాలి అని చెప్పండి. ఇలా చెప్పడం వల్ల పిల్లలు మంచి విషయాలు నేర్చుకుంటారు. గెలవడానికి అవుతుంది.

ప్రతి స్త్రీ కూడా జీవితంలో ఎన్నో ఇబ్బందుల్ని ఎదుర్కొంటూ ఉంటుంది. ఏ చిన్న పని చేయడానికి అయినా సరే స్వేచ్ఛ ఉండదు. ఏదైనా సాధించాలంటే కూడా సాధించడానికి కుదరదు.

తన కలల్ని, ఆశలని, ఆశయాలని అక్కడితో ఆపేసుకోవాలి. పైకి చెప్పడానికి కూడా లేని దుస్థితి వస్తుంది.

అమ్మానాన్నలు ఇలా…

పుట్టినప్పటి నుండి కూడా ఇదే తంతు. పుట్టిన తర్వాత అమ్మ మాట నాన్న మాట వినాలి… ఒకవేళ బయటకు వెళ్లాలంటే ఎవరినైనా తోడుగా తీసుకుని వెళ్లాలి. నలుగురిలో మాట్లాడటానికి కానీ నలుగురు మధ్య నవ్వడానికి కానీ అవకాశం లేదు సరి కదా చెప్పాలనుకున్న మాటలను కూడా గొంతులోనే ఆపేసుకోవాల్సిన దుస్థితి వారిది. పైగా ఆమె చదువుకోకూడదని కూడా చాలా మంది చెప్తూ ఉంటారు. ఎవరో ఒకరికి కట్టబెడితే వాళ్లే పోషిస్తారని చదువుని కూడా ఆపేస్తూ ఉంటారు.

పెళ్లి తర్వాత అత్తామామలు అలా…

పెళ్లి తరవాత ఏదో అదృష్టం వచ్చేస్తుందని అనుకోవద్దు. పెళ్లి తర్వాత పుట్టింట్లో ఉన్న స్వేచ్ఛ కూడా ఉండదు. బాధలే తప్ప ఆనందాలు తక్కువ. తర్వాత పిల్లల్ని కనడం అలానే అత్తమామలు ఆడపడుచులతో సరిపోతుంది.

ఇక వారి కోరికలకి రోజులేవి..?

ప్రతిరోజు వాళ్ళు చెప్పేది వీళ్ళు చెప్పేది పాటించడం తప్ప తను అనుకున్నది చేయడానికి వీలు లేకపోయింది. అయితే ఇలా సమస్యలను ఎదుర్కోలేక చాలా మంది మహిళలు ఒంటరి జీవనాన్ని గడుపుతున్నారు. ఏ అర్థం లేకుండా జీవితం ముగిసిపోతుంది. కానీ ఇలాంటి వారు కౌన్సిలింగ్ కి వెళ్లడం మంచిది.

భయంకరమైన ఇబ్బందులు కూడా…

కొందరు స్త్రీలైతే వరకట్న వేధింపులు వంటి వాటిని భరించలేక మరణమే మేలని ఆత్మహత్యలకు పాల్పడుతున్నారు. ఇలా ఒక్కొక్కరిది ఒక్కొక్క కథ. నిజానికి చాలా మంది మహిళలు చస్తూ బతుకుతున్నారు. కానీ స్వచ్చంద సంస్థలు వున్నాయి. అలానే ఇలాంటి జీవితం నుండి బయటకి వచ్చేసి మహిళలు అనుకున్న దారి లో వెళ్తే సమస్యలకి దూరంగా ఉండచ్చు. నచ్చినది చెయ్యచ్చు. అనుకున్నది సాధించచ్చు. ఇప్పటికైనా మేల్కొని మీరు అనుకున్నది అందుకోండి.

మనిషికి  ఎన్నో చేయాలి అని ఉంటుంది. అవి కెరీర్ విషయంలో కావచ్చు, జీవితం విషయంలో కావచ్చు, అలా చాలా పెద్దవి కాకపోయినా ఏదైనా ప్రదేశానికి వెళ్లాలి అనో, ఎవరైనా సెలబ్రిటీ తో ఫోటో దిగాలి లాంటి చిన్న చిన్న కోరికలు అయినా కావచ్చు. చాలామంది ” నేను చనిపోయే లోపు వీటిలో ఒక కోరిక అయినా తీరాలి” అని అంటూ ఉంటారు.

కానీ మన జీవితం ముగించే సమయం ఎప్పుడు వస్తుందో ఎవరికీ తెలియదు. ఒక్కొక్కసారి మనం అంచనా వేసిన దానికి ముందే ఏదో ఒక రూపంలో అలాంటి సమయం వస్తుంది. అప్పుడే ఇలా అనుకున్న కోరికల్లో కొన్ని అయినా నిజం చేసుకోవాలి అని అనిపిస్తుంది. ఇలాంటి పరిస్థితి నిజ జీవితంలో ఒక జంటకు ఎదురైంది.

అజూ రమేష్ భార్య భర్తలు వాళ్ళకి ఒక కొడుకు కూడా ఉన్నాడు. అజూకి క్రికెట్ ప్రత్యక్షంగా స్టేడియంలో చూడాలి అనే కోరిక ఉండేది. ఎన్నిసార్లు ప్రయత్నించినా స్టేడియం లో చూడటం కుదరలేదు. ఇందాక చెప్పినట్టు జీవితం ముగిసే సమయం ఎప్పుడూ ఎవరికీ తెలీదు. అజూకి అనారోగ్య సమస్యలు వచ్చాయి. అవి మెల్లగా పెద్ద సమస్యలుగా మారాయి. అజూ ఆరోగ్యం రోజు రోజుకి క్షీణించసాగింది. డాక్టర్లు తను ఇంకా ఎక్కువ రోజులు బతకలేదు అని చెప్పారు. అప్పుడు అజూ భర్త రాజేష్ తను ఎప్పటినుండో చూడాలి అనుకుంటున్న క్రికెట్ మ్యాచ్ ని ప్రత్యక్షంగా స్టేడియం కి తీసుకెళ్ళి చూపించడానికి నిర్ణయించుకున్నాడు. అప్పటికి అజూ ఆరోగ్య పరిస్థితి సరిగ్గా లేదు. కానీ అజూ ఎప్పటినుండో అనుకుంటుంది కాబట్టి, ఇంకా ఎక్కువ సమయం కూడా లేదు కాబట్టి రాజేష్ తగిన జాగ్రత్తలు తీసుకొని తన కోరిక ను ఎలాగైనా నిజం చేయాలి అని నిర్ణయించుకున్నాడు.

తనకి ఫ్రెండ్స్ కి తెలిసిన వాళ్లకి ఫోన్ చేసి ఎలాగైనా క్రికెట్ టికెట్స్ కావాలి అని చెప్పాడు. ఆఖరికి ఎంతో కష్టం తర్వాత టికెట్లు సంపాదించాడు. పరిస్థితి అందుబాటులో లేకపోతే హాస్పిటల్ కి తరలించడానికి ఆ స్టేడియం దగ్గర్లో ఉన్న ఒక హాస్పటల్లో మాట్లాడాడు, అలాగే స్టేడియంలోని పోలీసులకి కూడా తన పరిస్థితి వివరించాడు. విషయం అర్థం చేసుకున్న పోలీసులు లు తగిన జాగ్రత్తలు తీసుకోవడంలో రాజేష్ కి సహాయం చేశారు. ఇలా ముందే అన్ని ఏర్పాట్లు చేసి జాగ్రత్తగా అజుని క్రికెట్ మ్యాచ్ చూడడానికి తీసుకెళ్లాడు. తను ఎన్నాళ్ల నుండో అనుకుంటున్నది ఇప్పుడు నిజం అవడంతో అజు ఆనందానికి అవధులు లేవు. తన బాధంతా మర్చిపోయి మ్యాచ్ ని ఎంజాయ్ చేసింది. ఇది తన చివరి కోరిక అయింది. క్రికెట్ మ్యాచ్ కి వెళ్లి వచ్చిన కొన్నాళ్ళకే అజు మరణించింది.

ఇదంతా గతేడాది రాజేష్ తన ఫేస్బుక్ అకౌంట్లో పోస్ట్ చేశాడు. తన భార్య ఎంతో ధైర్యవంతురాలు అని, అతను కొద్ది రోజులకే చనిపోతుంది అని తెలిసినా ఎంతో ధైర్యంగా ఉంది అని, జీవితం ఎంతో విలువైనది, రాబోయే వాటి గురించి గడిచిపోయిన వాటి గురించి ఆలోచించకుండా ప్రస్తుతాన్ని ఆస్వాదించండి, మీకు ఉన్న వాటి కై దేవుడికి ఎప్పుడూ కృతజ్ఞతలు చెప్పండి, ఆనందంగా ఉండండి అని రాశాడు. ప్రస్తుతం వాళ్ళ కొడుకు తో సమయం గడుపుతున్నాను అని చెప్పాడు.నిజంగానే భవిష్యత్తులో ఎవరికి ఏమవుతుందో ఎవరు ఎలా ఉంటారు ఏమీ చెప్పలేం. అలాగని వాటి గురించి ఆలోచిస్తూ భయపడుతూ కూర్చోవద్దు. అలాగే జరిగిపోయిన వాటిని తలుచుకొని బాధపడొద్దు. ఇప్పుడు ఎలా ఉంది అనేది ముఖ్యం. ఇప్పుడున్న పరిస్థితి గురించి ఆలోచించండి. ఇదే అజూ నుండి మనం నేర్చుకోవాల్సిన విషయం.

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే.

కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

NOTE: images used in this article are just for representative purpose. But not the actual characters.

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు.

అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.

భార్య భర్తల బంధం చాలా ప్రత్యేకమైనది. ఇద్దరూ కలిసి మెలిసి అన్యోన్యంగా ఉన్నప్పుడే ఆ కుటుంబంలో సంతోషం ఉంటుంది. అయితే కొన్ని విషయాల్లో భర్తలు తమ భార్యాలకు ప్రాధాన్యత ఇవ్వకపోవడం వల్ల భార్యలు డిప్రెషన్ కు లోనయ్యే ప్రమాదం ఉందని నిపుణులు చెబుతున్నారు. దానివల్ల వారు అనారోగ్య సమస్యలతో ఇబ్బంది పడవచ్చు.

ముఖ్యంగా భర్త భార్యకు, పిల్లకు తగినంత సమయం కేటాయించకపోవడం వల్ల ఆ కుటుంబంలో సమస్యలు తప్పవు అంటున్నారు. సాధారణంగా భర్తలు తాము డబ్బు సంపాదించాలని, పగలు రాత్రి తేడా లేకుండా కష్టపడతారు. భార్యకి, పిల్లలకి అన్ని సమకూరుస్తున్నాము. ఇంతకంటే ఏం చేయాలి అనే భావనలో ఉంటారు. వారు చేసే ఇలాంటి పొరపట్ల వల్ల భార్యలు మానసికంగా బాధపడుతారు. అవి ఏమిటో ఇప్పుడు చూద్దాం..
#1 భార్యలు తమ భర్త సంపాదించే డబ్బు కన్నా, తమకి సమయం ఇవ్వాలని కోరుకుంటారట. రోజు భర్త తమతో కొంచెం సమయం గడపాలని భార్యలు ఆశిస్తారు. కాబట్టి భర్త బిజీగా ఉన్నప్పటికి ప్రతి రోజు భార్య కోసం కొంత సమయం కేటాయించాలని చెబుతున్నారు.
#2 భర్తలు తమ భార్యాలకి ఆర్ధికంగా స్వేచ్చను ఇవ్వకపోవడం కూడా ఒక సమస్యే. కొందరు భర్తలు తమ భార్య ఉద్యోగం చేస్తున్నప్పటికి ఆమె శాలరీ రాగానే మొత్తం తీసుకొని వాడుకోవడం చేస్తుంటారు. జాబ్ చేసేవారు అడిగి తీసుకో గలుగుతారు. కానీ ఇంట్లో ఉండే వారు తమకు కావలసిన డబ్బుని ఆడగలేక ఇబ్బంది పడుతుంటారు.
#3 కుటుంబానికి సంబంధించిన పెద్ద పెద్ద నిర్ణయాలు తీసుకునే విషయంలో భార్యతో చర్చించకపోవడం వాళ్ళ భార్యలు ఇబ్బంది పడే అవకాశం ఎక్కువగా ఉంటుంది. కాబట్టి అలాంటి విషయలలో వారితో చర్చించి నిర్ణయం తీసుకోవాలి.
#4  సాధారణంగా భర్తలు భార్య తల్లిదండ్రుల పట్ల తమకు ఎలాంటి బాధ్యత లేనట్టుగా వ్యవహరిస్తూ ఉంటారు. వారికి కుమారులు ఉంటే వారి బాధ్యతను ఆ కుమారులే తీసుకుంటారు. కానీ కుమార్తె మాత్రమే ఉన్నట్లయితే భార్యకు తన  పేరెంట్స్ చూసుకోవాల్సిన బాధ్యత, ప్రేమ ఉంటుంది. వారి కోసం బాధపడుతుంటుంది. కాబట్టి మిమ్మల్ని నమ్మి పెళ్లి చేసుకుని అందరిని వదిలి మీతో బ్రతకడానికి వచ్చిన భార్యని బాధపెట్టకుండా సంతోషంగా చూసుకుంటే ఆ ఇల్లు ఆనందంగా మారుతుంది.

Also Read: 30+ వయసు దాటాక పెళ్లి చేసుకుంటే…ఎదురుకోవాల్సిన 5 ప్రధాన సమస్యలు ఇవే.! తప్పక తెలుసుకోండి.!