Human angle

ఏ రిలేషన్ షిప్ లో అయినా ఇబ్బందులు రావడం సాధారణం. పదే పదే ఏదో ఒక సందర్భం మీద వాదించుకోవడం, ఇబ్బందులు రావడం వంటివి సహజమే. అయితే చాలా మంది భార్యా భర్తలు చిన్నచిన్న గొడవలకి కూడా విడిపోవాలని నిర్ణయం తీసుకుంటున్నారు. ఇందుకు కారణం కొన్ని అంశాలని వాళ్ళు తీసుకోలేకపోవడమే.

అయితే భార్యా భర్తల మధ్య వచ్చే చిన్న చిన్న సమస్యలు కూడా తొలగిపోవాలన్నా విడిపోకుండా ఆనందంగా కలిసి ఉండాలన్నా భార్యా భర్తలు ఇద్దరూ కూడా ఈ విషయాలని గుర్తుపెట్టుకోవాలి. ఈ మూడు విషయాలని భార్యా భర్తలు గుర్తుంచుకుంటే వారి వైవాహిక జీవితంలో ఎలాంటి సమస్యలు రావు. ఏ ఇబ్బంది లేకుండా ఆనందంగా ఉండొచ్చు.

#1. అనుమానం లేకుండా ఉండండి:

భార్య భర్తలు మధ్య పారదర్శకంగా వ్యవహరించడం చాలా అవసరం. పారదర్శకంగా ఉంటే ఎలాంటి ఇబ్బందులు రావు. ఇది లేకపోతే నెగిటివ్ గానే ప్రతి విషయం కూడా అనిపిస్తూ ఉంటుంది. కాబట్టి నెగిటివ్ గా లేకుండా పాజిటివ్ గా ప్రతిదీ చూసుకోండి. అప్పుడు కచ్చితంగా భార్యా భర్తల మధ్య ఇబ్బందులు రావు.

#2. క్షమించడం అవసరం:

ప్రతి ఒక్కరు కూడా తప్పులు చేస్తూ ఉంటారు. తప్పులు చేయడం మానవ నైజం. మనం క్షమిస్తూ ఉండాలి. అంతే కానీ ప్రతీ చిన్న తప్పుని వెతుక్కుని దానిని సాగదీస్తే సమస్యలు తప్పవు. కాబట్టి క్షమించడం అలవాటు చేసుకోండి. క్షమిస్తే ఖచ్చితంగా మీ మధ్య సమస్యలు ఉండవు. క్షమించకుండా కోపగించుకుంటూ ఉంటే మీ బంధం ముక్కలైపోతుంది. సమస్యలు కూడా ఎక్కువవుతాయి కాబట్టి క్షమించడం అలవాటు చేసుకోండి.

#3. తప్పులేదు మారండి:

భార్య భర్తలు ఇద్దరిలో పెళ్లి అయ్యాక ఎన్నో మార్పులు వస్తూ ఉంటాయి. నేనేందుకు మారాలి అని అనుకోకూడదు. తప్పులేదు మారండి. ఇలా భార్యాభర్తలు ఈ మూడింటిని గుర్తుపెట్టుకుంటే వాళ్ల బంధం బాగుంటుంది. వాళ్ల బంధం లో ఎలాంటి ఇబ్బందులు రావు. కలిసిమెలిసి ఆనందంగా జీవించచ్చు.

సాధారణంగా పేపర్ మరియు ఇతర మెటీరియల్స్ ను అతికించుకోవడానికి ఉపయోగించే గ్లూ బ్రాండ్స్ లో ఫెవికాల్ చాలా ప్రముఖమైనది. అయితే ఈ కంపెనీ యొక్క వ్యాపారం 1959 నుండి చాలా బాగా కొనసాగుతోంది. అయితే ఇదంతా రాత్రికి రాత్రి జరిగినదే కాదు. బల్వంత్ పరేఖ్ ఫెవికాల్ బ్రాండ్ ను స్థాపించారు.

ఆ ప్రయాణంలో ఎన్నో కష్టాలను కూడా ఎదుర్కొన్నారు. ఈ ప్రయాణం ప్రారంభించే ముందు ఈయన లాయర్ కావాలని అనుకున్నారు, అయితే ఆ సమయంలో మన దేశం స్వాతంత్రం కోసం పోరాడుతోంది.

దాంతో అందరి విద్యార్థులతో కలిసి స్వాతంత్రం కోసం పోరాడడం జరిగింది. తర్వాత ఎంతో కష్టపడి లాయర్ డిగ్రీ ను సంపాదించారు కానీ లాయర్ వృత్తి ని ఎంపిక చేసుకోలేదు. సరైన ఉద్యోగం లేకపోవడంతో చాలా కష్టాలు ఎదుర్కోవాల్సి వచ్చింది. స్వాతంత్రం వచ్చిన తరువాత స్వదేశీ ఉత్పత్తుల ప్రాముఖ్యత పెరిగింది దాంతో ఎన్నో ఇండస్ట్రీలు స్థాపించారు. కొన్ని సంవత్సరాల తర్వాత బల్వంత్ పరేఖ్ ఆయన సోదరుడుతో ఒక కెమికల్ ఇండస్ట్రీను ప్రారంభించారు.

ఈ విధంగా వ్యాపారాలు చేస్తున్న సమయంలో భారీగా ఉండేటువంటి చెక్కలను అతికించడానికి సరైనా గ్లూ లేకపోవడంతో కొంత పరిశోధన చేసి మన దేశానికి కొత్త ఉత్పత్తిని తీసుకు రావడానికి ఎంతో కృషి చేశారు. జర్మన్ కంపెనీ నుండి కొన్ని మెటీరియల్స్ ను కొనుగోలు చేసి ఫెవికాల్ అనే గ్లూ ను కనుగొన్నారు. ఈ ఉత్పత్తిని పిడిలైట్ ఇండస్ట్రీస్ లో మ్యానుఫ్యాక్చర్ చేసేవారు. అయితే అప్పుడు కేవలం ఫెవికాల్ ఉత్పత్తి మాత్రమే ఉండేది, తరువాత ఈ ఉత్పత్తి ఎంతో ఫేమస్ అవ్వడంతో ఈ కంపెనీ మోనోపోలీగా స్థిరపడింది.

ఆ తర్వాత ఇతర స్టేషనరీ, ఫుడ్, ఫ్యాబ్రిక్ కు సంబంధించిన మొదలైన మెటీరియల్స్ ను ఉత్పత్తి చేస్తోంది. ఈ విధంగా భారత దేశంలోనే కాకుండా ఇతర దేశాలకు కూడా ఉత్పత్తులు చేరాయి. 2013 లో పిడిలైట్ ఇండస్ట్రీస్ స్థాపకుడు పరేఖ్ చనిపోయాడు. మొదట ఒక్క ఆఫీస్ ని మొదలు పెట్టి దానిని విస్తరించుకుంటూ వెళ్లారు. యుఎస్, థాయిలాండ్, దుబాయ్, ఈజిప్ట్ మరియు బాంగ్లాదేశ్ లో కూడా ఈ కంపెనీ ఫ్యాక్టరీలు వున్నాయి.

ఒక ప్రశ్నకి ప్రపంచం మొత్తంలో ఎక్కడినుంచైనా సమాధానం దొరికే చోటు కోరా. ఇందులో ఎంతో మంది ఎన్నో రకాల ప్రశ్నలు పోస్ట్ చేస్తే, దానికి ఎంతో మంది తాము ఏం అనుకుంటున్నాం అనేది వ్యక్తపరుస్తారు.

అలా కొంతకాలం క్రితం ఒకరు “మీ పార్టనర్ పై మీకు ఉన్న ఆకర్షణ మీలో ఏ విధంగా మార్పుని తెచ్చింది?” అనే ప్రశ్నని కోరా లో పోస్ట్ చేశారు. అందుకు శ్వేత గార్గ్ ఈ విధంగా సమాధానం ఇచ్చారు.

“మాది లవ్ మ్యారేజ్ కాదు. భారతీయ సంప్రదాయం ప్రకారం జరిగిన అరేంజ్డ్ మ్యారేజ్. నాకు అప్పుడు 19 సంవత్సరాలు. నాకు యాక్టర్ అవ్వాలనే కల ఉండేది. అంత తొందరగా పెళ్లి చేసుకోవాలనే ఆలోచన నాకు లేదు. అందుకే వద్దని చెప్పాను. జూన్ 2013 లో మా అమ్మకి క్యాన్సర్ ఉందని తెలిసింది. మా అమ్మ నేను తనని ఎంత తొందరగా వీలైతే అంత తొందరగా పెళ్లి చేసుకోవాలని అనుకున్నారు.

నా భర్తకి నాకు పది సంవత్సరాల ఏజ్ డిఫరెన్స్ ఉండడం నాకు అంత బాగా అనిపించలేదు. ఏమవుతుందో? ఎలా ఉంటుందో? అతను నాకంటే చాలా పెద్దవాడు. నేను అసలు ఎలా అడ్జస్ట్ అవుతానో? ఇలాంటి చాలా ప్రశ్నలు నా మెదడులో ఉన్నాయి. నాకు ఇంక వేరే ఆప్షన్ లేదు. డిసెంబర్ 2013 లో మేం పెళ్లి చేసుకున్నాం. అలా మా ఇద్దరి జర్నీ మొదలైంది.

పెళ్లవ్వక  ముందు నేను ఇంట్రవర్ట్ ని. నా యాక్టింగ్ మోడలింగ్ అనే డ్రీమ్స్ వల్ల ఇంట్లో గొడవలు అవడంతో నేను మా తల్లిదండ్రులతో అలాగే బ్రదర్ తో మాట్లాడే దాన్ని కాదు. కానీ నా పెళ్లి అయిన నెల తర్వాత వాళ్లు బాగా గుర్తు వచ్చే వాళ్ళు. అప్పుడే నాకు కుటుంబం ఎంత ముఖ్యమో అనే విషయం అర్థం అయ్యింది. ప్రతి సండే నా భర్త నన్ను నా కుటుంబం దగ్గరికి తీసుకెళ్లే వాళ్ళు. నా తల్లిదండ్రులను కూడా తన తల్లిదండ్రులలానే ట్రీట్ చేసేవారు.

నన్ను ఎప్పుడూ ఇంటి పనులు చేయమని బలవంతం చేయలేదు. రోజులు గడిచేకొద్దీ నేను ఇంకా మంచి వ్యక్తిని అవుతున్నాను. నా భర్తని ఇష్టపడటం మొదలు పెట్టాను. కానీ నా కెరీర్ విషయంలో మాత్రం హ్యాపీగా లేను. నాకు ఏదో ఒకటి సాధించాలి అని ఉండేది. ఇప్పుడైతే నా కలలు మారాయి. సివిల్ సర్వీసెస్ లో జాయిన్ అవ్వాలి అని ఉండేది. నాకు నా భర్త పూర్తి సపోర్ట్ ఇచ్చారు. 2014 సెప్టెంబర్ లో నాకు అబ్బాయి పుట్టాడు.

నాకు ఎప్పుడూ యాక్టర్ అవ్వాలని కల ఉండేది అందుకే లుక్స్ విషయంలో నేను చాలా జాగ్రత్తగా ఉండేదాన్ని. కానీ ప్రెగ్నెన్సీ తర్వాత నాకు పింపుల్స్ వచ్చాయి. స్ట్రెచ్ మార్క్స్ వచ్చాయి. జుట్టు రాలిపోవడం మొదలైంది. అప్పుడు కూడా నా భర్త నాతో మామూలుగానే ప్రవర్తించేవారు. లుక్స్ గురించి అంత పట్టించుకోవద్దు అని చెప్పేవారు. సంతోషంగా ఉండమని అనేవారు.

ఇప్పుడు నాకు నా భర్త ఇంకా నా కొడుకు జీవితం అయ్యారు. నేను నా భర్తని ఎంతో గౌరవిస్తాను. మేమిద్దరం మా కుటుంబానికి ఒక ఐడియల్ కపుల్. ఒక్కొక్కసారి మనకు ఏది మంచిదో మనకి తెలియదు. కానీ మన తల్లిదండ్రులకు తెలుసు. ఇవాళ నా భర్తని నాకు లైఫ్ పార్టనర్ గా ఎంచుకున్నందుకు నా తల్లిదండ్రులకు నేను థాంక్స్ చెప్తున్నాను. నన్ను హ్యాండిల్ చేయగలిగే వ్యక్తి నా భర్త మాత్రమే” అని చెప్పారు.

image credits: quora/shweta-garg

ఇప్పటి కాలంలో చాలా మంది యువత ఆత్మ సౌందర్యం కన్నా, బాహ్య సౌందర్యాన్ని చూసి ఇష్టపడి ప్రేమించేవారే ఎక్కువ శాతం. తొలి చూపులోనే ప్రేమలో పడి, ఆ ప్రేమను సక్సెస్ చేసుకునేవారు చాలా తక్కువ మందే ఉంటారని చెప్పవచ్చు. మనం చదవబోయే  ఈ ప్రేమ కథ ఎంతో అద్భుతంగా ఉంటుంది. లవ్ ఎట్ ఫస్ట్ సైట్ అనే మాటకి ఈ జంట పర్ఫెక్ట్ నిర్వచనం. మనం ఎప్పుడూ సినిమాల్లోనే చూస్తూ ఉంటాం కాని, నిజజీవితంలో కూడా ఇలాంటి లవర్స్ ఉంటారా అనిపిస్తుంది.

ఆమె పేరు లుజ్ యెసేనియా సెర్నా.  మెక్సికోలోని న్యూవో శాన్ జువాన్ కి చెందిన యువతి. ఈమె 2009 లో కార్లు కడుగుతున్న దుకాణంలో ఒక వ్యక్తిని చూసింది. తొలిచూపులోనే అతని ప్రేమలో పడిపోయింది. అతనే జువాన్ మెన్డోజా అల్విజార్. జువాన్ ఓ నిరాశ్రయులు. కార్లు తుడుచుకుంటూ వచ్చిన డబ్బుతో పొట్టను నింపుకునేవాడు. చింపిరి జుట్టుతో, మాసిన బట్టలతో వీధుల్లో తిరుగుతూ రోడ్లపై నిద్రపోయేవాడు. ఇతని మంచి గుణంతో ఎదుటివారితో ఇట్టే కలిసిపోయేవాడు. అతనిలో ఈ గుణమే సెర్నాని ఆకట్టుకుంది. తొలిచూపులోనే అతని ప్రేమలో పడిపోయింది సెర్నా.

జువాన్ తో పరిచయం ఏర్పడిన తర్వాత సెర్నా మొదటిగా అతడి చింపిరి జుట్టును కట్ చేయించింది. ఆ హెయిర్ కట్ తర్వాత జువాన్ లుక్ ఒక సినిమా హీరోలా మారిపోయింది.  ఇలా వీరిద్దరి ప్రేమ బంధం రెండు సంవత్సరాలు కొనసాగింది. తర్వాత ఇంట్లో పెద్దలను ఒప్పించి సెర్నా మరియు జువాన్ వివాహ బంధంతో ఒకటయ్యారు. వీళ్ళ పదేళ్ల అన్యోన్య దాంపత్యానికి గుర్తుగా ముగ్గురు పిల్లలు కూడా ఉన్నారు.

ప్రస్తుతం కుటుంబ పోషణ కోసమై జువాన్ తాపీ పని మరియు ఖాళీ సమయంలో మొబైల్ ఫోన్లో రిపేర్లు వంటి పనులు చేస్తున్నాడు. సెర్నా తన అందమైన ప్రేమకథను మరియు జువాన్ రోడ్లపై తిరిగేటప్పుడు పాత చిత్రాలను, ఇప్పటి చిత్రాలను తన సోషల్ మీడియా ఖాతా ద్వారా పోస్ట్ చేసింది. ఈ ఫొటోలు కాస్త సోషల్ మీడియాలో వైరల్ గా మారాయి. అ ఫొటోస్ చూసిన నెటిజన్లు సైతం ఆమె నిజమైన ప్రేమకు హ్యాట్సాఫ్ చెబుతూ ప్రశంసల వర్షం కురిపిస్తున్నారు.

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే.

కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

NOTE: images used in this article are just for representative purpose. But not the actual characters.

ఒక ప్రశ్నకి ప్రపంచం మొత్తంలో ఎక్కడి నుంచైనా సమాధానం దొరికే చోటు కోరా. ఇందులో ఎంతో మంది ఎన్నో రకాల ప్రశ్నలు పోస్ట్ చేస్తే, దానికి ఎంతో మంది తాము ఏం అనుకుంటున్నాం అనేది వ్యక్తపరుస్తారు. అయితే తాజాగా కోరా లో “అత్తగారు ఎప్పటికీ అమ్మ కాలేరా..??” అన్న ప్రశ్న ఒకరు పోస్ట్ చేయగా.. దానికి ప్రత్యూష ఈ విధంగా సమాధానం ఇచ్చారు.

“తల్లిదండ్రులకి పిల్లలకి ఉండే బంధం ఆత్మీయత తో ముడిపడిన.. అతీతమైన బంధం. పిల్లల జీవితం లో తల్లిదండ్రుల పాత్ర కీలకమైనది. అలాంటి తల్లిదండ్రుల స్థానం అత్తమామలు కాదు కదా భార్య భర్త కూడా తీసుకోలేరు. ఎవరైనా తల్లిప్రేమ లాంటి ప్రేమ, తండ్రి లాలన లాంటి ఆప్యాయత పంచగలరేమో కానీ ఎవరూ కూడా తల్లిదండ్రులు కాలేరు. పసిపిల్లలుగా ఉన్నప్పుడు ఏం అశించక పెంచిన ఆ బంధంతో వేరే ఏ బంధం పోటీ పడలేదు.

నేను పదేళ్లుగా అత్తమామలతో కలిసి ఉన్నాను. ఒకటి అర తప్పించి మాటలు విభేదాలు వచ్చింది కూడా లేదు. అయినా కూడా మా బంధం అత్త కోడళ్ళ బంధమే. ఒక ఆత్మీయ అనుబంధం. మా నాన్న నన్ను చాలా చాలా బాగా చూసుకున్నారు. మా వారు నన్ను మా నాన్న చూసుకున్న దానికన్నా బాగా చూసుకుంటారు. అయినా మా నాన్న లేని లోటు నాకు అలానే ఉంటుంది. ఏ బంధం దానికదే ప్రత్యేకం. ఒక బంధం లో రెండు వైపులా సహకారం, సర్దుబాటు అవసరం. ఎక్కువ తక్కువలు, వయసు వ్యత్యాసాలు, ధనం, స్థాయి బేధాలు పట్టించుకోకుండా ఉండే మానసిక పరిపక్వత. అది ఏ ఒక్కవైపు నుండి లేకపోయినా కన్న వాళ్ళు, సొంత వాళ్ళు కూడా పరాయి కిందే లెక్క.” అని ప్రత్యుష కోరా లో సమాధానం ఇచ్చారు.

సాధారణంగా ఇది చాలా మందిని వేధిస్తున్న ప్రశ్న.. అసలు ఇలా ఎందుకు జరుగుతుందో చూద్దాం..కోడలు ఇంటికి వచ్చినప్పటి నుండి కొడుకులు వారికి ఎక్కువ ప్రాధాన్యం ఇచ్చినట్లు అత్తలకు అనిపిస్తుంది. అది నిజం కాకపోయినా వారు అలాగే ఫీల్ అవుతారు. ఒకప్పుడు తల్లి చెప్పిన మాట విన్న కొడుకు పెళ్లాయ్యాక భార్య చెప్పే మాటే వింటున్నాడు, కోడలు చెప్పినట్టే చేస్తున్నాడు అనుకుంటారు అత్తలు. అలా కోడళ్లు అంటే అత్తలకు ఈర్శ్య, అసూయ మొదలవుతుంది. అది కాస్త కోపం రూపంలో ప్రదర్శిస్తారు. ఇంకా ఇంటి పనుల విషయం లో కూడా ఈ కోపం అటు వైపు మళ్లుతుంది. దీంతో ఇంట్లో శాంతి నశిస్తుంది.

ఈ మధ్య కాలంలో పెళ్లి చూపులలో మార్పులు ఎక్కువగా వచ్చాయి. ఇది వరకు అయితే కుటుంబ సమేతంగా పెళ్లి చూపులకి వెళ్లేవారు. కానీ ఎన్నో మార్పులు వచ్చాయి. కేవలం పెళ్లి కూతురు పెళ్లి కొడుకు మాట్లాడుకోవడం లేదంటే పెళ్లి కూతురు, పెళ్లి కొడుకుల తల్లిదండ్రులు కూర్చుని మాట్లాడుకోవడం మాత్రమే జరుగుతోంది.

ఇది వరకు అయితే ఇంట్లో ఉండే వాళ్ళు బంధువులు అందరూ కలిసి వెళ్లేవారు. మంచి, చెడు చూసి చెప్పేవారు. ఆ తర్వాత వివాహాలను నిశ్చయించేవారు.

image source: a screenshot from “Software Ammai Pelli Choopulu” short film

పైగా ఇంకొక మార్పు ఏమిటంటే ఇది వరకు పెళ్లి చూపులు ఇళ్ళల్లో జరిగేవి ఇప్పుడైతే హోటల్స్ లో జరుపుతున్నారు ఇలా పెళ్లి చూపుల్లో చాలా మార్పులు వచ్చాయి.

అసలు పెళ్లి చూపుల్లో చూడాల్సినవి ఇవి:

#1. ఇరు కుటుంబాలు ఎలా వున్నాయి. ఇంట్లో ఎవరుంటారు, కుటుంబం మంచిదా కాదా అనేది ముఖ్యం.

#2. ఒకే కులంలో పెళ్లిళ్లు చేస్తున్నటైతే గోత్రం, శాఖ వంటివి చూడాలి.

#3. అబ్బాయి లేదా అమ్మాయి మంచివాళ్లేనా అనేది చూడాలి.

#4. అబ్బాయి ఏం చదువుకున్నాడు, ఏం ఉద్యోగం చేస్తున్నాడు అనేది కూడా చూడాలి. ఇప్పుడు అమ్మాయి చదువు, ఉద్యోగం కూడా చూస్తున్నారు.

#5. సేవింగ్స్ గురించి కచ్చితంగా వుండాలి.

#6. కమిట్మెంట్స్ గురించి కూడా అడగాలి. పెళ్లి చూపుల్లో ఇది అబ్బాయి అమ్మాయి ఇద్దరు కూడా దీని గురించి చెప్పుకోవాలి.

#7. అలవాట్ల గురించి నిజాలు చెప్పాలి. ఎప్పుడు కూడా అలవాట్ల విషయంలో నిజాయతీగా వుండాలి. ఇది కూడా పెళ్లి చూపుల సమయంలో చెప్పుకోవాలి.

#8. ఖచ్చితం జాబ్ ప్రొఫైల్ ని చూడాలి. జాబ్ ఏం చేస్తున్నారు అనేది చూడాలి. అమ్మాయిలు, అబ్బాయిలు ఇద్దరి విషయంలో కూడా ఇవి అవసరం.

#9. వంశపార్యంగా వచ్చే ఆస్తులు, అనారోగ్య సమస్యల గురించి కూడా అడిగి తెలుసుకోవడం మంచిది.

#10. వ్యసనాలను కూడా తెలుసుకోవాలి. వ్యసనాలను అడగకుండా పెళ్లి చేసుకోకూడదు. ఈ విషయంపై తల్లిదండ్రులు ఓపెన్ గా మాట్లాడితే మంచిది. కచ్చితంగా వివరంగా దీని గురించి మాట్లాడుకోవాలి.

#11. రిలేషన్ షిప్స్ గురించి కూడా మాట్లాడుకోవాలి. పెళ్లి అయ్యాక దానికి కట్టుబడి ఉండడం ఎంతో అవసరం. అలా లేని వాళ్లు పెళ్లి చేసుకోక పోవడమే మంచిది. బాధ్యతతో ప్రవర్తిస్తూ వుండాలి. బాధ్య లేక పోతే వైవాహిక జీవితంలో సమస్యలే ఉంటాయి. మరొకరితో రిలేషన్ షిప్స్ ని పెట్టుకుని చాలా మంది అనవసరంగా జీవిత భాగస్వామిని బాధ పెడుతూ ఉంటారు అందుకనే ముందే దీని గురించి తెలుసుకుని పెళ్లికి ఒప్పుకోవడం మంచిది.

చాలా మంది ఉద్యోగం వచ్చేసింది కదా పెళ్లి చేసుకోవాలి అని తొందరలో ఇటువంటి విషయాలను పట్టించుకోకుండా ముందడుగు వేస్తూ ఉంటారు. ఆ తర్వాత ఏడు అడుగులు వేశాక చిక్కులే తప్ప ఆనందం ఉండదు కనుక పెళ్లి చేసుకోవాలని అనుకునే స్త్రీలైనా పురుషులైనా వీటిని పరిగణనలోకి తీసుకుని నడుచుకుంటే మంచిది.