Human angle

మనం ఇవాళ పరిస్థితిని చూసి మన భవిష్యత్తు ఎలా ఉంటుందో అనే విషయాన్ని నిర్ణయించకూడదు. అంటే ఒకవేళ ఇవాళ మన దగ్గర కేవలం పది రూపాయలు మాత్రమే ఉంటే, రేపు కూడా మన దగ్గర పది రూపాయలు మాత్రమే ఉంటాయి అని అనుకోకూడదు.

పరిస్థితులు మారి రేపు వందలు, వేలు, లక్షలు, కోట్లు కూడా కావచ్చు. ఈ కథ చదివితే ఒక మనిషి భవిష్యత్తుపై వాళ్ళ ఇవాల్టి పరిస్థితిని చూసి ఒక అంచనాకు రావడం ఎంత తప్పు అనేది అర్థమవుతుంది.

ఒక అబ్బాయి కాలేజీలో చదువుతున్న సమయంలో తన క్లాస్ మేట్ అయిన ఒక అమ్మాయిని ప్రేమించాడు. ముందు ఈ విషయం ఆ అమ్మాయికి చెప్పడానికి భయపడ్డాడు. తర్వాత ధైర్యం చేసి ఫైనల్ ఇయర్ లో ఉన్నప్పుడు ఆ అమ్మాయితో ఈ విషయం చెప్పేశాడు. ఈ విషయం విన్న తర్వాత ఆ అమ్మాయి, ఆ అబ్బాయి ఆర్థిక పరిస్థితి సరిగ్గా లేదు అనే కారణంతో రిజెక్ట్ చేసింది. తర్వాత కాలేజ్ అయిపోయింది. ఎవరి దారిన వాళ్లు వెళ్లిపోయారు. ఒకరితో ఒకరికి కాంటాక్ట్ కూడా లేదు.

12 సంవత్సరాల తర్వాత ఒకరోజు ఒక షాపింగ్ మాల్ లో ఆ అమ్మాయి షాపింగ్ చేస్తోంది. అంతలో అటు వైపు నుంచి వెళ్తున్న వ్యక్తి తనకు తెలిసినట్టుగా అనిపించింది. 12 సంవత్సరాల క్రితం తనకు ప్రపోజ్ చేసిన తన క్లాస్ మేట్ అతనే అని గుర్తుతెచ్చుకున్న ఆ అమ్మాయి వెళుతున్న వ్యక్తిని పిలిచింది. ఆ వ్యక్తి వెనక్కి తిరిగి చూశాడు. అమ్మాయి వెళ్లి వ్యక్తిని పలకరించి, “ఉద్యోగం ఏమైనా చేస్తున్నావా? ఇంకా అలానే ఉన్నావా?” అని వెటకారంగా అడిగింది. అందుకు ఆ వ్యక్తి నవ్వి, “నువ్వేం చేస్తున్నావు?” అని అడిగాడు.

అందుకు ఆ అమ్మాయి “ఒక సాఫ్ట్ వేర్ కంపెనీలో ఉద్యోగం చేస్తున్నాను. నాకు పెళ్లయింది. నా భర్త కూడా ఒక పెద్ద కంపెనీలో ఒక పెద్ద పొజిషన్లో ఉన్నాడు” అని చెప్పింది. అంతలోపు తన భర్త వచ్చాడు. “ఇక్కడ ఏం చేస్తున్నావు?” అని అమ్మాయిని అడిగాడు. దానికి ఆ అమ్మాయి జవాబు ఇచ్చేలోపే అవతలివైపు ఉన్న వ్యక్తిని చూసి ఆశ్చర్యపోయాడు. “మీరేంటి ఇక్కడ?” అని ఆశ్చర్యంగా అడిగాడు. అందుకు ఆ అమ్మాయి ” ఇతను నీకు తెలుసా?” అని అడిగింది.

అప్పుడు తన భర్త “తెలుసు. ఈయన చాలా పెద్ద వ్యాపారవేత్త. ఇండియాలో చాలా చోట్ల ఈయన కంపెనీ బ్రాంచెస్ ఉన్నాయి. ఈయన స్పీచెస్ యూట్యూబ్ లో చాలాసార్లు చూశాను. మా బాస్ కూడా ఈయనని చాలా అభిమానిస్తారు. ఎంతో మందిని ఇన్స్పైర్ చేశారు. ఒక రకంగా చెప్పాలంటే నేను కూడా చాలా సార్లు ఈయన మాటలు విని ఇన్స్పైర్ అవుతూ ఉంటాను” అని అన్నాడు. ఈ మాటలన్నీ విన్న ఆ వ్యక్తి  “థాంక్యూ” అని చెప్పాడు.

అందుకు అమ్మాయి వాళ్ళ భర్త ” గ్లాడ్ టు మీట్ యు సర్” అని చెప్పాడు. ఆ వ్యక్తి “బై” అని చెప్పి వెళ్ళిపోయాడు. బహుశా అమ్మాయిని ప్రపోజ్ చేసినప్పుడు ఆర్థిక పరిస్థితి సరిగ్గా లేదేమో, కానీ తర్వాత మారింది. ఇలా ఎదుటి వ్యక్తి పై ఒక అంచనాకు రావడం ఈ ఒక్క సందర్భంలో మాత్రమే కాదు, ఇలాంటివి ఇంకా చాలా మందికి చాలా సందర్భాల్లో ఎదురవుతూనే ఉంటాయి. పరిస్థితులు మారుతాయని, ఒక మనిషి ఇవాళ ఉన్న పరిస్థితిని చూసి భవిష్యత్తు ఎలా ఉంటుందో నిర్ణయానికి రాకూడదు అని చెప్పడానికి ఇది ఒక ఉదాహరణ. అంతే.

NOTE: images used are for representative purpose only. but not the actual characters

గంగూభాయిని మొదట్లో ఎంతో హీనంగా చూసేవారు. ఆమె దగ్గర ఎక్కువ డబ్బులు కూడా ఉండేవి కాదు. కానీ అటువంటి గంగు భాయ్ అవమానించిన వాళ్ల కళ్ళ ముందే దర్జాగా బతికింది. మాఫియా క్వీన్ గా ఈమె మారింది.

అయితే గంగూభాయి రియల్ స్టోరీని మీరు చూస్తే ఆమె కోసం ఎన్నో విషయాలు తెలుసుకోవచ్చు. 500 రూపాయల కోసం గంగుభాయ్ ని ప్రేమించిన వ్యక్తి వ్యభిచారి గృహం కి అమ్మేశాడు. అక్కడి నుండి ఆమె మాఫియా క్వీన్ గా మారింది. మరి ఇప్పుడే చూసేయండి.

1939 గుజరాత్ లోని ఒక వ్యాపారికి గంగా అనే ఒక అమ్మాయి జన్మించింది. వ్యాపారి అవ్వడంతో తన కూతురికి మంచిగా చదువు చెప్పించాలని అనుకున్నాడు. కానీ ఈమె మాత్రం హీరోయిన్ అవ్వాలని అనుకుంది. దీంతో సినిమాలో అవకాశాలు కోసం ముంబై వెళ్లాలని అనుకుంది. అయితే గంగ తండ్రి దగ్గర ఒక అకౌంటెంట్ పనిచేసేవాడు. అతని పేరు లవ్నిక్ లాల్. అయితే వీళ్ళిద్దరూ మొదట మామూలుగా మాట్లాడుకునే వారు. తర్వాత ప్రేమ మొదలైంది. ఒకరోజు గంగ తనకి హీరోయిన్ అవ్వాలని ఉంది అని చెప్పింది.

ఇక ఆమెను అడ్డంపెట్టుకుని డబ్బు సంపాదించుకోవాలి అనుకున్నాడు. ఆమెకు మాయమాటలు చెప్పి ముంబై తీసుకువెళ్ళాడు. డబ్బు, బట్టలు తీసుకుని గంగ లవ్నిక్ లాల్ తో పాటు ముంబై వెళ్ళింది. త్వరలో పెళ్లి చేసుకుందామని ఒక గది తీసుకుని అందులో ఇద్దరు ఉన్నారు. కొన్ని రోజులకి తెచ్చుకున్న డబ్బులు అయిపోయాయి. ఇక గంగా పై ఆసక్తి తీరిపోయిన లవ్నిక్ లాల్ ఆమెను వదిలించుకోవాలని అనుకున్నాడు.

గంగా నువ్వు దగ్గర్లో ఉన్న మా చుట్టాల ఇంట్లో ఉండు నేను నీకోసం సినిమా వాళ్ళతో మాట్లాడడానికి వెళుతున్నాను అని చెప్పి టాక్సీ ఎక్కించాడు. టాక్సీ డ్రైవర్ కి అడ్రస్ చెప్పి గంగని తీసుకు వెళ్ళమన్నాడు. అయితే ఇక్కడ గంగకి తెలియని విషయం ఏమిటంటే ఆమెని వ్యభిచారి గృహానికి పంపిస్తున్నాడు. 500 రూపాయలు కి గంగని అమ్మేశాడు. గంగ ఇంక వ్యభిచార గృహానికి వెళ్లి పోయింది. అయితే అక్కడ పెద్ద పెద్ద వాళ్ళు అందరూ వచ్చి ఎక్కువ డబ్బులు ఇచ్చి గంగని అనుభవించేవారు.

ఈ డబ్బులు ఏమీ గంగకి ఇచ్చేవారు కాదు. అక్కడ ఉండే యజమానే డబ్బులు అన్నీ తీసుకునేది. అయితే గంగ యజమానురాలి పీడ వదిలించుకోవాలి అనుకుంది. కొన్ని రోజులకే ఆమెను తరిమేసి గంగ యజమానురాలు అయింది. ఆ తర్వాత గంగ ఎవర్ని హింసించేది కాదు. యజమాని అయినా సరే అందరి బాధలు అర్థం చేసుకునేది. రౌడీలు పోలీసులు గొడవలకి వచ్చినా తరిమేసేది గంగా. ఇలా గంగ ఒక నాయకురాలిగా మారింది. గంగ ఉండే రెడ్ లైట్ ఏరియా కరీంలాలా అధీనంలో ఉండేది.

ఒక రోజు అతని మనిషి వచ్చి గంగని దారుణంగా రేప్ చేశాడు. ఇలా చాలాసార్లు జరిగింది. దీనితో గంగ ఆస్పత్రిలో చేరింది. ఆస్పత్రి నుంచి బయటకు వచ్చాక డైరెక్టుగా కరీమ్ లాల దగ్గరికి వెళ్ళింది. ఆ తర్వాత అతను గంగ ధైర్యానికి మెచ్చి నీ దగ్గరికి ఇంకెవరు గొడవలకు రారు. నా మనుషులు కూడా రారు అని చెప్పాడు. ఓరోజు వేశ్య గృహాల ఎలక్షన్ జరిగింది. దానిలో గంగ నిల్చుని గెలిచింది. దీంతో గంగ గంగూబాయి కతీయవాడి అని పేరు మార్చుకుంది.

అలానే ఆమె వేశ్య ల ద్వారా వచ్చే డబ్బును వాళ్ళ కోసమే ఖర్చు చేసేది. వేశ్యల కోసం ఆమె విప్లవాత్మక ప్రసంగం చేసింది. అది అప్పట్లో ఎంతో ఫేమస్ అయ్యింది. వేశ్యలకి కూడా హక్కులు ఉండాలి అని ఆమె అప్పట్లో చెప్పగా… ఆమె మాటలు విన్న జవహర్ లాల్ నెహ్రూ ఆమెకి అపాయింట్మెంట్ ఇచ్చి మాట్లాడారు. మహారాష్ట్ర ప్రభుత్వంతో ఎవరు వేశ్యలని వేదించద్దు అని చెప్పారు. అలానే వారిని హీనంగా చూడకూడదని ఆదేశించారు. ఇలా వేశ్యల కోసం గంగుబాయి ఎంతగానో కష్టపడింది.

వొలొదిమిర్ జెలెన్‌స్కీ ఉక్రెయిన్ అధ్యక్షుడిగానే ప్రపంచానికి తెలుసు. కానీ, ఆయన అధ్యక్షుడు కాకముందు కమెడియన్ గా చేశారన్న సంగతి చాలా మందికి తెలియదు. గతంలో ఓ సారి వొలొదిమిర్ జెలెన్‌స్కీ యుక్రెయిన్ దేశ అధ్యక్షుడిగా ఓ డ్రామాలో నటించారు.

కల నిజం అయినట్లు.. ఆ పాత్ర నిజంగానే నడిచి వచ్చినట్లు.. 2019 ఏప్రిల్ నెలలో ఆయన నిజంగానే అధ్యక్షుడు అయిపోయారు. 4.4 కోట్ల జనాభా ఉన్న ఉక్రెయిన్, మరో వైపు పొరుగు దేశం రష్యా సైనిక ముప్పుని ఎదుర్కొంటు ఆయన నాయకత్వం వహిస్తూ వస్తున్నారు.

ఎన్నో ఆటు పోట్లు ఎదుర్కొంటు ఆయన పాలన చేసారు. గతంలో ఆయన “సర్వెంట్ ఆఫ్ ది పీపుల్” అనే కామెడీ సిరీస్ లో నటించారు. ఇందులో ఆయన ఎంతో అణకువగా ఉండే హిస్టరీ ప్రొఫెసర్ పాత్రని చేసారు. అయితే, ఇందులో అవినీతికి వ్యతిరేకంగా ఆ ప్రొఫెసర్ మాట్లాడిన ఓ వీడియో సోషల్ మీడియాలో తెగ వైరల్ అవుతుంది. దీనితో అనుకోకుండా ఆ ప్రొఫెసర్ కి పాపులారిటీ వస్తుంది.

ఆ క్రమంలో అనుకోకుండా ఆయన దేశాధ్యక్షుడు అవుతారు. నిజానికి ఈ సిరీస్ అంతా ఓ కల్పిత కథ. ఉక్రెయిన్ రాజకీయాలపై ప్రజలకున్న భ్రమలపై సంధించిన అస్త్రం లాంటి సిరీస్. ఈ సిరీస్ తోనే జెలెన్‌స్కీ రాజకీయాల్లోకి వచ్చారు. ఈ సిరీస్ మోటోనే పార్టీ మోటో గా చెప్పుకుంటూ రాజకీయ అవినీతి ప్రక్షాళన చేస్తామని జెలెన్‌స్కీ ప్రచారం కూడా చేసారు. ఈ క్రమంలో ఆయన అధ్యక్షుడు కూడా అయ్యారు.

ప్రస్తుతం ఉక్రెయిన్ లో ఏర్పడ్డ సంక్షోభం ఆయనని చిక్కులలో పడేసింది. వాస్తవానికి ఆయన అధ్యక్షుడు అవ్వాలని ముందు నుంచి అనుకున్నది కాదు. జిలెన్స్కీ ఉక్రెయిన్ నగరం క్రివీ రిహ్‌లో యూదు తల్లిదండ్రులకు జన్మించారు. కీవ్ నేషనల్ ఎకనామిక్ యూనివర్శిటీ నుంచి న్యాయశాస్త్రంలో డిగ్రీని పొందారు. ఆ తరువాత కామెడీ రంగంవైపు ఆయనకీ అభిరుచి ఏర్పడింది. దీనితో రష్యన్ టివి నిర్వహించిన ఓ కామెడీ పోటీల్లో పాల్గొనే వారు. 2003 లోనే ఆయన తన బృందంతో కలిసి ‘క్వార్టల్ 95T’ అనే సంస్థని కూడా ఏర్పాటు చేసారు.

ఇది ఇలా ఉండగానే, లవ్ ఇన్ ది బిగ్ సిటీ (2009), ర్జవ్‌స్కీ వెర్సస్ నెపోలియన్ (2012) లాంటి సినిమాల్లో కూడా నటించారు. 2015 అక్టోబర్‌లో ప్రసారం అయిన “సర్వెంట్ ఆఫ్ ది పీపుల్” సిరీస్ ఆయనకు మరింత ఫాలోయింగ్ ను పెంచింది. ఈ సిరీస్ లో లాగానే ఆయన రాజకీయ జీవితం అంచలంచెలుగా ఎదిగింది. 2014 నుంచి 2019 వరకు ఉక్రెయిన్ కు అధ్యక్షుడిగా కొనసాగిన పెట్రో పోరోషెంకో పై జెలెన్స్కి విజయం సాధించారు.

మన దేశం లో రైతుల సంఖ్యా ఎక్కువే. అలాగే, రైతుల ఆత్మహత్య ల సంఖ్యా కూడా ఎక్కువే. ఎందుకంటే మన దేశం లో వ్యవసాయానికి విలువిచ్చే రైతులు ఎంత ఎక్కువ మంది ఉన్నారో.. ఆ రైతులకు విలువనిచ్చే మనుషులు అంత తక్కువ మంది ఉన్నారు. అందుకే రైతుకు కన్నీళ్ళొస్తే..మనుషులు పట్టించుకోరు. చివరకు ఆ రైతు ఏ పురుగులమందు శరణ్యమనుకుంటాడు. సోషల్ మీడియా ఫ్లాట్ ఫామ్ లలో రైతుల గురించి ఎంతో గొప్పగా పొగిడే మనం.. నిజ జీవితం లో మాత్రం భిన్నం గా ప్రవర్తిస్తుంటాం. అందుకు ఉదాహరణే ఈ కథ.

ఓ గ్రామం లో ఓ రైతు ఉండేవాడు. తనకు ఉన్న పొలాన్ని సాగుచేసుకుని ఉన్నంత లో బాగానే సంపాదించాడు. ఆ రైతుకు ఒక కూతురు ఉండేది. ఆమె ను కూడా పెళ్లీడు కు వచ్చాక ఓ మంచి అబ్బాయిని చూసి పెళ్లి చేసి అత్తారింటికి పంపేశాడు. రైతు మాత్రం వ్యవసాయం చేసుకుంటూ కాలం గడుపుతున్నాడు. కొంతకాలానికి కూతురును చూడటానికి ఆ రైతు పట్నం వచ్చాడు. కూతురిని చూసి తిరుగు ప్రయాణం అయ్యేసరికి చాలా ఆలస్యం అయిపొయింది. దీనితో ఆ రైతు రైల్వే స్టేషన్ వద్దకు వచ్చాడు. అక్కడే ఓ పక్క గా ఫైవ్ స్టార్ హోటల్ ఉండడం గమనించాడు. రైలు వచ్చేలోపు ఆ హోటల్ లో భోజనం చేయవచ్చని ఆ రైతు భావించాడు.

ఆ రైతు ఆ హోటల్ లోకి వెళ్ళగానే పంచె కట్టు లో ఉన్న అతన్ని చూసి అందరు అదోలా చూడడం ప్రారంభించారు. ఈ లోపు అక్కడి వెయిటర్లు ఈ విషయాన్నీ మేనేజర్ కు చేరవేశారు. ఆ మేనేజర్ రైతు వద్దకు వచ్చి.. నీవు ఇక్కడకు ఎందుకు వచ్చావు. నీ వద్ద డబ్బులు ఉన్నాయా అంటూ ప్రశ్నించాడు. నీకు ఏమైనా తినాలని ఉంటె.. బయట చిన్న చిన్న హోటల్స్ ఉంటాయి. వాటిలో తిను అంటూ రైతు వైపు హేళన గా చూసాడు. దీనితో, అసలు విషయం అర్ధం చేసుకున్న రైతు తన వద్ద ఉన్న డబ్బుని తీసి టేబుల్ పై పెట్టాడు.. వెంటనే ఆ మేనేజర్ గొంతు సవరించుకుని సర్ కి ఏమి కావాలో పెట్టండి..అని వెయిటర్లకు ఆదేశించి అక్కడనుంచి వెళ్ళిపోయాడు.

ఆ రైతు ఆ హోటల్ లో ఉండే అత్యంత ఖరీదైన ఫుడ్ ను తెప్పించుకుని, శుభ్రం గా తినేసి, అక్కడి వెయిటర్ కు రెండు వేల రూపాయలను టిప్ గా ఇచ్చాడు.. వెళ్తూ వెళ్తూ, మనుషులు వేసుకున్న దుస్తులను బట్టో, పై పై మెరుగులు చూసే ఓ వ్యక్తి గురించి ఒక అంచనా కి రావద్దు, ఎవరిని తక్కువ చేసి చూడవద్దు అంటూ హిత బోధ చేసి అక్కడి నుంచి వెళ్ళిపోయాడు.

దేశం ఎంత అభివృద్ధి చెందుతూ పోతున్నా.. అమ్మాయిలకి మాత్రం ఈ దేశం లో రక్షణ లేదు. గడపదాటి బయటకి వస్తే, తిరిగి ఇంటికి వచ్చే వరకు వారిపైన ఎన్నో కళ్ళు ఉంటాయి. వారి ఇంటికి వెళ్లెవరకూ అనుక్షణం భయపడుతూనే ఉండాల్సిన పరిస్థితి ఏర్పడింది.

ఆఫీస్ నుంచి ఇంటికి వస్తూ.. క్యాబ్ డ్రైవర్ చేతిలో దారుణానికి బలి అయిన ఓ అమ్మాయి తనకు జరిగిన అన్యాయం పై ఆక్రోదన చెంది రాసిన లేఖ ఇది..

representative image

ఆఫీస్ లో లాగ్ అవుట్ చేసి బయటకు వచ్చేసరికి రాత్రి పది అయ్యింది. బి షిఫ్ట్ వేయడం తో రాత్రి పది వరకు పని చేయాల్సి వచ్చింది. డ్యూటీ అయ్యాక బయటకు వచ్చి ఓ క్యాబ్ ను ఆపి ఇంటికి బయలుదేరాను. ఆ టైం లో క్యాబ్ దొరకడమే అదృష్టం అనుకున్న నాకు జరగబోయే దుర్ఘటన గురించి తలంపు రాలేదు. వెదర్ బాగుంది..పక్కనే ఉన్న టీ స్టాల్ ఓ టీ తాగుతాను అని క్యాబ్ డ్రైవర్ అడిగితె.. నాకు ఏమి అనుమానం రాలేదు. కొంత సేపు అయ్యాక రోడ్డు పై ఎక్కడా జనసంచారం లేకపోవడం తో డ్రైవర్ నా పై కన్ను వేసాడని అర్ధం అయింది.

representative image

తప్పించుకోవడానికి దారి వెతుక్కునే లోపే వాడు కారు ఆపి వెనక్కి వచ్చి కబంధ హాస్టల్లో బంధించాడు. అంత క్షణం లో జరిగిపోయింది. తప్పించుకోవడం నావల్ల కాలేదు. ఎంత బతిమిలాడినా ఆ రాక్షసుడు నాలో ఓ అమ్మనో, చెల్లినో చూడలేకపోయాడు. అన్నా అని పిలుస్తూ ఎంతో బతిమిలాడినా అతను కనికరించలేదు. అతని వాంఛ కి నా శరీరం పచ్చిపుండైంది. ఒళ్ళంతా అసహ్యమైన భావన కలగసాగింది.

representative image

#. ప్రతి తల్లికి ఉండే పాలిండ్లను సిగరెట్లు గుచ్చుతూ హింసించే వాడు గా తన కొడుకు మారతాడని తెలిస్తే.. ఏ తల్లి బిడ్డకు పాలివ్వదేమో అని ఆక్షణం నాకు అనిపించింది..

#. పరస్త్రీ పై ఇలా తన కొడుకు పంజా విసురుతాడని తెలిస్తే.. ఆ తల్లి చిన్నప్పుడే ఇంత విషం ఇచ్చి చంపేసేదేమో..

#. పులి జింకను వేటాడినట్లు ఈ గోళ్ళతో మరో ఆడదాని శరీరం పై గుచ్చుతాడని తెలిస్తే.. ఏ తల్లి అయినా తన కొడుకు వేళ్ళను పట్టకారు తో పట్టి పీకేసేది ఏమో..

representative image

#. “కుక్కలాగా మీద పడి మరో ఆడదాని మూతులు నాకేవాడు అని తెలిస్తే.. ఏ తల్లి అయినా తన కొడుకు మూతి మీద వాతపెట్టేదేమో.

#. బలవంతం గా మరో స్త్రీ పై ఆక్రమణ చేస్తాడని ముందే తెలిస్తే.. ఏ తల్లి అయినా ఇలాంటి కొడుకుల్ని ఉయ్యాలా లో వేసిన సమయం లోనే కిందకు తోసేసి పీడా విరగడ అయిందని భావించేదేమో..

representative image

#. జన్మస్థలాన్ని కేవలం కామం తోనే చూసేవాడిని తెలిస్తే.. ఇలాంటి వాళ్ళ తల్లి తన కొడుకుని అబార్షన్ పేరిట బయటకే రానివ్వకుండా చేసేదేమో..
#ఇలాంటి దౌర్భాగ్యపు పనులు చేసే కొడుకులను ముందే చంపేసి.. రేపటి రాక్షసుడ్ని చంపేశానంటూ ఆ తల్లి సంబరాలు చేసుకునేదేమో..

featured image: a screenshot from Aa gang repu short film

ఒక్క ఐడియా మీ జీవితాన్నే మార్చేస్తుంది. ఆ ఐడియా చిన్నదే కావచ్చు. కానీ దాని ప్రభావం ఎంత వరకు ఉంటుంది అన్నదే ముఖ్యం. ఆ ఐడియా ను మీరు ఎంత సమర్ధవంతంగా అమలు చేయగలిగారు అన్నదే ముఖ్యం.

ఎంత డబ్బుతో వ్యాపారం మొదలు పెట్టాం అన్నది కాదు.. ఎంత లాభాన్ని తీసుకురాగలిగాం అన్నదే ముఖ్యం అంటూ ఈ కడియం కుర్రాడు చెప్పకనే చెబుతున్నాడు. మనం చేసే పని చిన్నదే కావచ్చు. కానీ, దానికి బ్రాండింగ్ తీసుకొస్తే రిజల్ట్ ఎలా ఉంటుందో చూపిస్తున్నాడు.

ఆ కుర్రాడి స్టోరీ ఏంటో ఇప్పుడు చూసేద్దాం. కడియం అనే ఊరు రాజమహేంద్రవరానికి 15 కిలోమీటర్ల దూరంలో ఉంటుంది. వ్యాపారం చేయడం కోసం కడియంకు చెందిన తంగెళ్ల ఉదయ్‌శ్రీనివాస్‌ అనే కుర్రాడు తన ఉద్యోగాన్ని వదిలేసాడు. అదేదో చిన్న చితకా ఉద్యోగం కూడా కాదు. ముప్పయ్యేళ్ల వయసులోనే విదేశాల్లో లక్షల వేతనం వచ్చే సాఫ్ట్ వేర్ ఉద్యోగం చేస్తున్నాడు శ్రీనివాస్. కానీ, ఈ వ్యాపారం కోసం ఆ ఉద్యోగాన్ని వద్దు అనుకున్నాడు.

తన వ్యాపార లక్ష్యం వెనుక యువతకి స్వయం ఉపాధి కల్పించాలనే లక్ష్యం కూడా ఉంది. 2017 లోనే ‘టీ టైమ్‌’ పేరిట టీ కొట్టు బడ్డీని ఏర్పరిచాడు. దానికి అధునాతన హంగులను జత కలిపి సరికొత్త బ్రాండ్ ను సృష్టించాడు. తక్కువ టైంలోనే ఈ ‘టీ టైమ్’ కు ఆదరణ లభించడంతో దేశవ్యాప్తంగా తన టీ స్టాల్స్ ను విస్తరించడం మొదలు పెట్టాడు. కేవలం 10 వేలతో మొదలైన “టీ టైం” ఇప్పుడు పది కోట్ల టర్నోవర్ తో నడుస్తోంది. కేవలం ఐదేళ్లలోనే ఈ ఘనతని “టీ టైం” సాధించింది.

శ్రీనివాస్ హైదరాబాద్ లోనే బిటెక్ కంప్లీట్ చేసారు. ఆయన తండ్రి వీరభోగవసంతరావు దక్షిణాది రాష్ట్రాలలో టాప్ కాంట్రాక్టర్ గా కొనసాగుతున్నారు. ఈ క్రమంలోనే శ్రీనివాస్ కు కూడా దక్షిణాది భాషలపై మంచి పట్టు లభించింది. బిటెక్ తరువాత జాబ్ కోసం దుబాయ్ వెళ్లిన శ్రీనివాస్ అక్కడ బ్రాండెడ్ కాఫీ షాపుల్లో కప్పు కాఫీ ఐదొందలు ఉండడం చూసారు. అందులో వాడే పదార్ధాల కంటే బ్రాండింగ్ కే ఎక్కువ ధర ఉందన్న విషయాన్నీ గుర్తించిన శ్రీనివాస్ అదే ఫార్ములాని ఇండియాలో అప్లై చేసారు.

అయితే.. సంపాదన కోసమే కాకుండా.. సామాన్యులకి కూడా బ్రాండెడ్ టీ ను అందుబాటులో ఉంచాలన్న లక్ష్యం తోనే “టీ టైం” ను ప్రారంభించానని శ్రీనివాస్ చెబుతుంటారు. రాబోయే మూడేళ్ళలో మరో 10 వేల అవుట్ లెట్స్ ను ప్రారంభించే ఉద్దేశ్యంలో ఉన్నారు. అందుకు తగ్గట్లే ప్రణాళిక రచించుకుని ముందుకు వెళ్తున్నా అంటున్న ఈ యువ బిజినెస్ మ్యాన్ ను అభినందిద్దామా..

బాల్య వివాహాలు చాలా చోట్ల నిషేధించినా కూడా ఎక్కడో ఒకచోట జరుగుతూనే ఉంటాయి. అలా తనకి జరిగిన బాల్య వివాహాన్ని ఒక యువతి ఎంతో కష్టపడి కోర్టు దృష్టికి తీసుకువెళ్ళింది. వివరాల్లోకి వెళితే. సుశీల బిష్ణోయ్ రాజస్థాన్ కి చెందిన యువతి. సుశీలకి 12 సంవత్సరాలు ఉన్నప్పుడు తన కంటే ఆరు సంవత్సరాలు పెద్దయిన నరేష్ తో పెళ్లి చేశారు.

రాజస్థాన్ లో బాల్య వివాహం జరిగిన తర్వాత ఆ యువతికి 18 సంవత్సరాలు వచ్చేంతవరకు తన పుట్టింట్లోనే ఉంటుంది. సుశీలకి 18 సంవత్సరాలు వచ్చిన తర్వాత తన తల్లిదండ్రులు తనని అత్తవారింటికి వెళ్ళమని ఒత్తిడి చేశారు. ఏప్రిల్ 2016 లో సుశీల తన అత్తవారింటి నుండి బయటికి వచ్చేసింది.

బాల్య వివాహాల్లో నుండి బయటకి రావడానికి యువతులకు సహాయం చేసే సారథి ట్రస్ట్ అనే ఒక ఎన్జీవో ని నడుపుతున్న క్రితి భారతిని కలిసింది. భారతి, సుశీల నివసించే చోట ఉండే చుట్టుపక్కల వాళ్ళని, బంధువులని కోర్టుకు వచ్చి సాక్ష్యం చెప్పమని కోరారు. కానీ సాక్ష్యం చెప్పడానికి ఒక్కరు కూడా ముందుకు రాలేదు. అప్పుడు నరేష్ ఫేస్ బుక్ అకౌంట్ టైం లైన్ లో వీరిద్దరి పెళ్ళికి సంబంధించిన ఫొటోలు ఉన్నాయి.

వాటిని కోర్టులో ఆధారాలుగా సబ్మిట్ చేశారు. 2017 సెప్టెంబర్ 25 వ తేదీన జోధ్ పూర్ కోర్ట్ వీళ్ళ పెళ్లిని రద్దు చేసింది. తర్వాత సుశీల నేషనల్ ఓపెన్ స్కూల్ సిస్టం లో 12వ తరగతి పరీక్షలను రాసి 62 శాతం స్కోర్ చేసింది. బాగా చదివి పోలీస్ ఆఫీసర్ అవ్వాలి అనేది తన ఆశయం అని చెప్పింది సుశీల.