Human angle

మనందరికీ ఉండటానికి ఇల్లు, తినడానికి తిండి ఉన్నా కూడా దేనికోసం ప్రాకులాడుతూ ఉంటాం.. కానీ నాణేనికి రెండో వైపు ఉన్నట్లే, కొందరు వ్యక్తులు ఉన్నదాన్లోనే సంతృప్తి గా గడిపేస్తుంటారు. తమకు నచ్చినా విధం గా తమకు ఉన్న దాన్లోనే సర్దుకుపోతుంటారు. అలాంటి కోవకు చెందిన వ్యక్తులే గార్సియా మరియు ఆమె భర్త మిగ్యుల్ రెస్ట్రెపో. వీరిద్దరూ గత 22 సంవత్సరాలు గా మురికి కాలువ లోపల నివసిస్తున్నారు. నమ్మబుద్ది కావడం లేదా? నిజం.. వీరి కధ వింటే ఎవరికైనా కన్నీళ్లు వస్తాయి.

మరియా మరియు మిగ్యుల్ ఇద్దరు కొలంబియాలోని మెడెల్లిన్‌లో కలుసుకున్నారు. అప్పటికి వీరిద్దరూ డ్రగ్స్ అడిక్ట్స్. వారు నివసించే ప్రాంతం కూడా హింస మరియు మాదకద్రవ్యాల అక్రమ రవాణాకు బాగా ప్రసిద్ధి చెందింది. వారు అలాంటి వీధుల్లో నివసించడం వలన, వారు మాదక ద్రవ్యాలకు బానిసలు గా మారిపోయారు. ఈ బాధ లో ఉన్నప్పుడే ఇద్దరు ఒకరి సాన్నిధ్యం లో మరొకరు ఓదార్చుకున్నారు. ఈ మాదక ద్రవ్యాల వ్యసనాన్ని వదిలించుకోవాలని ఇద్దరు అనుకున్నారు. కానీ, వారికి సాయం చేయడానికి ఎవరు ముందుకురాలేదు.

స్నేహితులు కానీ, కుటుంబ సభ్యులు కానీ ఎవరు వారికి ఆశ్రయం ఇవ్వలేదు. దీనితో, డ్రైనేజీ లోనే వారు నివాసం ఏర్పాటు చేసుకున్నారు. అక్కడే వారు తమ జీవితాలను కొత్తగా మలుచుకున్నారు. ఈ క్రమం లోనే వారిద్దరి మధ్య ప్రేమ చిగురించింది. అప్పటినుంచి వారు అక్కడే నివాసం ఉంటున్నారు. అక్కడనుంచి వదిలి వెళ్లి కొత్త ఇంట్లోకి వెళ్ళడానికి కూడా వారు ఇష్టపడటం లేదు. మాములుగా అయితే, డ్రైనేజి లోపల ఎంతో అపరిశుభ్రం గా ఉంటుంది.. కానీ వీరిద్దరూ తమకు అవసరమైన వస్తువులతో ఆ ఇంటిని నివాసయోగ్యం గా మార్చుకున్నారు. ఆ ఇంట్లో వారికి కరెంట్ ఉంది. లైట్లు వేసుకుంటారు. చిన్న టీవీ, కిచెన్ తో సహా అవసరమైనవన్నీ ఏర్పాటు చేసుకుని హ్యాపీ గా ఉంటున్నారు.

అందరిలాగే, వారు పండగలను కూడా కలిసి జరుపుకుంటారు. వారిద్దరూ కలిసి బ్లాకీ అనే ఓ కుక్కను కూడా పెంచుకుంటున్నారు. ఈ కుక్క వారు లేని సమయం లో ఇంటికి కాపలా కాస్తుంది. వారి చింతలేని కుటుంబం లో ఈ కుక్క కూడా ఓ భాగమైపోయింది. జీవితం లో సంతోషం గా బతకడానికి మనకు కావాల్సింది ప్రేమ ఒక్కటే అని వీరి కధ మనకు పాఠం నేర్పుతుంది.

అందరికి అన్ని లభించవు. కానీ, తమ వద్ద ఉన్నవాటిలో సంతోషం వెతుక్కోవడం అనేది చాలా తక్కువ మంది చేయగలుగుతారు. అలాంటి వారిలో మలీశా ఒకరు. ఆమె స్ఫూర్తి కి హాలీవుడ్ , బాలీవుడ్ తారలు సైతం ఫిదా అవుతున్నారు. ప్రముఖ హాలీవుడ్ నటుడు రాబర్ట్స్ హోఫ్‌మన్ ద్వారా మలీశా ప్రపంచానికి పరిచయం అయ్యారు. ఆమె ఎవరో.., ఆమె కథ ఏంటో ఓ సారి చూద్దాం.

మలీశా ముంబై లోని సముద్రపు ఒడ్డున ఓ మురికి వాడలో తన తండ్రి, తమ్ముళ్ళతో కలిసి నివాసం ఉంటోంది. అక్కడే, స్థానికం గా ఓ ప్రభుత్వ పాఠశాలలో ఏడవ తరగతి చదువుతోంది. చిన్న పిల్లే అయినా, మలీశా చదువులో బాగా రాణిస్తోంది. ఆమె ఇంగ్లీష్ లో కూడా అనర్గళం గా మాట్లాడగలదు. ప్రముఖ హాలీవుడ్ చిత్రం “ది స్ట్రీట్” లో నటించిన హాలీవుడ్ నటుడు రాబర్ట్స్ హోఫ్ మన్ ఓ సారి ఇండియా కి వచ్చినపుడు అనుకోకుండా మలీశా ను కలిశారు. ఆమె స్ఫూర్తి ని చూసి మెచ్చుకోకుండా ఉండలేకపోయారు. ఆమె ఫేస్ లో ఉన్న కళను చూసి మెచ్చుకుని, ఆమె కు “ప్రిన్సెస్ ఫ్రమ్ ది స్లమ్” అనే బిరుదుని కూడా ఇచ్చారు.

మంచి డాన్సర్ గా, మోడల్ గా రాణించాలన్నది మలీశా కల. అయితే, ఆమె తనను కలను నెరవేర్చుకోవడం కోసం.. రాబర్ట్స్ గో ఫండ్ మీ వెబ్ సైట్ సాయం తో విరాళాల సేకరణను కూడా మొదలు పెట్టారు. అలాగే, ఆమెకోసం ఓ ఇంస్టాగ్రామ్ ఖాతా ను కూడా తెరిచారు. అందులో ఆమె కు సంబంధించిన వీడియో లు, ఫోటోలను కూడా పోస్ట్ చేసారు. మలీశా కూడా స్థానికం గా ఉన్న తన స్నేహితుల సాయం తో కొన్ని వీడియో లు చేసింది. మురికి వాడలో ఉండే వారి జీవితం గురించి కొన్ని వీడియో లను యు ట్యూబ్ లో పోస్ట్ చేసింది. ఆమె ఇంస్టాగ్రామ్ ఖాతా కు కూడా చాలామందే ఫాలోవర్లు ఉన్నారు. దాదాపు అరవైవేలమంది వరకు మలీశా కు ఫాలోవర్లు ఉన్నారు. వీరిలో దియామీర్జా, అదితిరావు చౌదరి వంటి సినీ ప్రముఖులు కూడా ఉండడం విశేషం.

ఇటీవలే, మలీశా ఓ ఫ్యాషన్ మ్యాగజైన్ కోసం ఫోటో షూట్ లోకూడా పాల్గొంది. ఈరోజుని తన జీవితం లో ఎప్పటికి మర్చిపోలేనని మలీశా చెప్పుకుంది. అయితే,ఆమె కష్టాలు ఇంకా తీరలేదు. వారు ఉండే ఇంట్లో కొన్ని ఇబ్బందులని ఎదుర్కొంటున్నారు. తన తండ్రి, తమ్ముడు కోసం ఆమె చేయగలిగిన పనులన్నిటినీ చేస్తోంది. కొన్ని కొన్ని సార్లు పనులు దొరక్కపోతే.. ఖాళీ కడుపుతోనే పడుకున్న రోజులు కూడా మలీశా జీవితం లో చాలానే ఉన్నాయి.

అలాగే, తన తండ్రి, తముళ్లకోసం ఉండడానికి ఓ ఇల్లు ఉంటె బాగుంటుంది అని మలీశా అనుకుంటూ ఉంటుంది. అయినప్పటికీ, ఇప్పుడు తాము ఉంటున్న ఇల్లు కూడా ఎంతో ఇష్టమని చెబుతుంటుంది. కానీ, వర్షాకాలం వచ్చినపుడు మాత్రం వీరు చాలా ఇబ్బందులు ఎదుర్కొంటుంటారు. దోమలు ఎక్కువ గా ఉండడం వల్ల కూడా వీరు ఇబ్బందులు పడుతున్నారు. ఇన్ని ఇబ్బందులు ఉన్నప్పటికీ, మలీశా ముఖం లో అసహనం కనిపించదు. తన కలను నెరవేర్చుకోవడానికి తాను పడుతున్న తపన మాత్రమే కనిపిస్తుంది. మలీశా తప్పకుండా తన కలను నెరవేర్చుకోవాలని కోరుకుందాం.

భార్య భర్తలన్నాక ఒకరిపట్ల ఒకరికి ప్రేమాభిమానాలు ఉండడం సహజం. చాలా మంది భారతీయ స్త్రీలు తమ భర్త తోనే జీవనం అన్న నైతిక భావాలను కలిగి ఉంటారు. అయితే.. పరిస్థితులు మాత్రం అందరికి ఒకేలా ఉండవు. ఓ అమ్మాయి.. తన భర్త ఎనిమిదేళ్లు గా దూరం గా ఉండడం వలన.. తన సహోద్యోగిని ఇష్టపడుతోంది. ఇప్పడు ఏమి చేయాలో అర్ధం కాక సలహా కోరుతోంది.

విషయం లోకి వెళితే, ఆ అమ్మాయి ఇలా చెప్పుకొచ్చింది. నా వయసు 36 సంవత్సరాలు. ఇద్దరు పిల్లలు కూడా ఉన్నారు. ఉద్యోగ రీత్యా నా భర్త దాదాపు ఎనిమిది సంవత్సరాలు గా విదేశాల్లోనే ఉంటున్నారు. దీనివలన స్వతహాగానే మా ఇద్దరి మధ్య దూరం ఏర్పడింది. పిల్లలు కూడా ఆయనకు మానసికం గా దగ్గరకాలేకపోతున్నారు. దానికి తోడు.. ఆయన ఐదారు నెలలకు ఒకసారి ఇంటికి వస్తుంటారు.

తండ్రికి అలవాటు కాకపోవడం తో పిల్లలు కూడా ఆయన వచ్చినపుడు ఇబ్బంది ఫీల్ అవుతున్నారు. మరో వైపు నాకు కూడా ఆయన పట్ల ఇష్టం తగ్గిపోయినట్లు.. మా ఇద్దరి మధ్య దూరం పెరిగినట్లు అనిపిస్తోంది. ఇది ఇలా ఉంటె.. నాకు మా సహోద్యోగి తో సాన్నిహిత్యం ఏర్పడింది. నాకు భర్త ఉండి.. ఇలా మరొకరితో సన్నిహితం గా ఉండడానికి మనసొప్పడం లేదు. భర్త తో నాకు మానసిక బంధం లేనట్లే ఉంది. మా బంధాన్ని తిరిగి బలపరుచుకోవడానికి కూడా ఎలాంటి ప్రయత్నాలు చేయలేదు.

మరో వైపు నేను ఇష్టపడ్డ వ్యక్తి కి కూడా ఇదివరకే పెళ్లయింది. మా ఇద్దరి విషయం నా భర్త కు తెలియదు. నాకు ఏమి చేయాలో తెలియడం లేదు.. వైవాహిక బంధంతోనే ముందుకెళ్లాలా? లేక మనసుకు నచ్చిన వ్యక్తి తో కొత్త బంధం మొదలు పెట్టాలా..? అన్న విషయమై నాకు సలహా ఇవ్వగలరు.

మనం ఎంతో ఇష్టపడి తినే KFC చికెన్ వెనక ఓ వ్యక్తి నలభైయ్యేళ్ళ ఓటమి దాగుందని మీకు తెలుసా..? నమ్మలేకపోతున్నా ఇది నిజం. ప్రయత్నిస్తూ ఉంటె కచ్చితం గా విజయం మన తలుపు తడుతుంది అనడానికి అతనే ఉదాహరణ. మీకెప్పుడైనా మీ లైఫ్ లో ఓటమి ఎదురై నిరాశగా అనిపించిందా..? అయితే, ఈ స్టోరీ చదివి చూడండి. ఎన్ని సార్లు ఓడినా, తిరిగి పోరాడాలన్న స్ఫూర్తి లభిస్తుంది. ఆ వ్యక్తి ఎవరో కాదు. KFC ఫౌండర్ కలోనేల్ సాండర్స్.

హర్లాండ్ డేవిడ్ సాండర్స్ చిన్న తనం నుంచి పని చేసి సంపాదించాల్సిన అవసరం వచ్చింది. హర్లాండ్ డేవిడ్ సాండర్స్ సెప్టెంబర్ 9, 1890 న ఇండియానాలోని హెన్రీవిల్లేలో జన్మించారు. తన తండ్రి 6 సంవత్సరాల వయస్సులో మరణించిన తరువాత, సాండర్స్ తన తమ్ముడు మరియు సోదరిని పోషించడం కోసం బాధ్యత వహించాల్సి వచ్చింది. అంత చిన్న వయసులోనే అనేక రకాల పనులు చేసేవాడు. రైతు, స్ట్రీట్ కార్ కండక్టర్, రైల్‌రోడ్ ఫైర్‌మాన్ మరియు ఇన్సూరెన్స్ సేల్స్ మాన్ తో సహా పలు చోట్ల పని చేసాడు.

కానీ, అన్ని చోట అతను పని నుంచి రిజెక్ట్ చేయబడ్డాడు. ప్రతి పనిలోనూ ఓటమిని ఎదుర్కొన్నాడు. అలా నలభై సంవత్సరాల వరకు సాండర్స్ ఎదో ఒక పని వెతుక్కుంటూ చేసుకుంటూనే ఉన్నాడు. అతనికి నలభై ఏళ్ళు వచ్చాక, కెంటుకీలో ఒక సేవా స్టేషన్ నడపడం స్టార్ట్ చేసాడు. ఎవరైనా ఆకలితో వస్తే, వారికి కడుపునిండా పెట్టి ఆకలి తీర్చేవాడు. ఆ తరువాత దానిని ఒక రెస్టారెంట్ లాగ డెవెలప్ చేసి అందరికి ఫ్రైడ్ చికెన్ ను అందించడం మొదలుపెట్టాడు.

ఇది సాండర్స్ ని బాగా పాపులర్ చేసింది. 1935 లో గవర్నర్ రూబీ లాఫూన్ హర్లాండ్ డేవిడ్ సాండర్స్ ని కెంటుకీ కల్నల్ అంటూ పిలిచి గౌరవించారు. అప్పటినుంచి అందరు ఆయన్ను కెంటుకీ కల్నల్ అనే పిలుస్తున్నారు. 1952 లో, సాండర్స్ తన చికెన్ వ్యాపారాన్ని ఫ్రాంచైజ్ చేయడం ప్రారంభించాడు. అతని మొట్టమొదటి ఫ్రాంచైజ్ అమ్మకం పీట్ హర్మాన్ కు వెళ్ళింది.

అతను సాల్ట్ లేక్ సిటీలో ఒక రెస్టారెంట్ నడపడం ప్రారంభించాడు. అక్కడ కూడా “కెంటుకీ ఫ్రైడ్ చికెన్” దక్షిణ ప్రాంతీయ ప్రత్యేకతతో అందరికి ఫేవరెట్ ఫుడ్ అయిపొయింది.. నార్త్ కరోలినాలోని సాండర్స్ సొంత రెస్టారెంట్‌లో కొంత ట్రాఫిక్ తగ్గడం తో 1955 లో ఈ ప్రదేశాన్ని విక్రయించాడు. తరువాత అతను దేశవ్యాప్తంగా ప్రయాణించడం ప్రారంభించాడు. రెస్టారెంట్ నుండి రెస్టారెంట్ వరకు బ్యాచ్ లు గా చికెన్ ను వండటం, ప్రతి చికెన్‌కు ఒక నికెల్ (నార్త్ అమెరికా లో ఐదు సెంట్ల కాయిన్ ను నికెల్ అంటారు) చెల్లించే ఒప్పందాలు చేసుకునేవాడు. 1964 లో, 600 కంటే ఎక్కువ ఫ్రాంచైజ్ అవుట్‌లెట్లతో అతను తన వ్యాపారాన్ని విస్తరించుకోగలిగాడు. ఆ తరువాత తన సంస్థను 2 మిలియన్లకు పెట్టుబడిదారుల సమూహానికి విక్రయించాడు.

కెంటుకీ ఫ్రైడ్ చికెన్ 1966 లో బహిరంగమైంది మరియు 1969 లో న్యూయార్క్ స్టాక్ ఎక్స్ఛేంజ్ జాబితా లో చేరింది. 1971 లో హ్యూబ్లిన్ ఇంక్ KFC కార్పొరేషన్ను 285 మిలియన్ డాలర్లకు కొనుగోలు చేసినప్పుడు, KFC సంస్థ కు 3,500 కంటే ఎక్కువ ఫ్రాంచైజ్ మరియు కంపెనీ యాజమాన్యంలోని రెస్టారెంట్లు ప్రపంచవ్యాప్తంగా పనిచేస్తున్నాయి. ఆ తరువాత KFC, R.J. యొక్క అనుబంధ సంస్థగా మారింది. KFC ను అక్టోబర్ 1986 లో RJR (నబిస్కో. ఇంక్) నుండి పెప్సికో ఇంక్., సుమారు 840 మిలియన్ డాలర్ల కు కొనుగోలు చేసింది.

అలా KFC ప్రపంచానికి పరిచయం అయింది. సాండర్స్ తన తరువాతి సంవత్సరాల్లో అంబాసిడర్ ప్రతినిధిగా ప్రపంచవ్యాప్తంగా ఉన్న KFC రెస్టారెంట్లను సందర్శించేవారు.. అతను కెంటకీలోని లూయిస్విల్లేలో 1980 డిసెంబర్ 16 న తన 90 సంవత్సరాల వయసులో మరణించారు. అలా మొదట్లో అన్ని ఓటములనే చవి చూసిన సాండర్స్ తన నలభయ్యవ ఏట తన జీవిత గమ్యానికి మార్గాన్ని కనుక్కుని, అందులో విజయం సాధించాడు. ఓడిపోయామని కుంగిపోకుండా.. ఆ ఓటమి కి గల కారణాన్ని వెతికి పట్టుకుని తిరిగి విజయం సాధించి నిలబడాలి. అందుకు ఇలాంటి వారి కధలను స్ఫూర్తి గా తీసుకోవాలి.

సేవ చేసే ప్రతి సంస్థ మొదలైనప్పుడు చిన్న మొక్కలానే మొదలవుతుంది. నిదానం గా అంచెలంచెలుగా మహా వృక్షమవుతుంది. శ్రామిక్ మహిళా వికాస్ సంఘ్ కూడా అంతే. నిరాశ్రయులు, నిస్సహాయ స్థితి లో ఉన్న మహిళలకు రక్షణ కల్పించడం కోసమే ఈ సంస్థ మొదలైంది. మొదలైనప్పుడు ఈ సంస్థ కేవలం మూడు వేల రూపాయలతో మొదలైంది. ప్రస్తుతం, ఈ సంస్థ మూడు కోట్ల రూపాయల టర్న్ ఓవర్ కు చేరుకొని ఎందరో అభాగ్యులకు ఆశ్రయమిస్తోంది.

వివరాల్లోకి వెళితే, ఈ సంస్థ 1991 లో ప్రారంభమైంది. ఇందుమతి బార్వే గారు ఈ సంస్థ ను ప్రారంభించారు. ఆమె వృత్తి రీత్యా టీచర్. వసాయ్ ప్రాంతం లో ఆమె నివసించేవారు. అక్కడే ఈ సంస్థ ను ప్రారంభించారు. మగదిక్కు లేని ఆడవారు, సంపాదన లేక, ఎటువంటి ఆధారం లేక సతమతమయ్యే ఆడవారిని ఈ సంస్థే చేరదీసి ఆశ్రయం కల్పిస్తుంది. వారికి వచ్చిన పని లో ప్రోత్సహిస్తుంది. వారు సొంతం గా కాళ్ళ మీద నిలబడే విధం గా సాయం అందిస్తుంది. ఇలా.. ఇప్పటి వరకు 300 ల మంది మహిళలకు ఈ సంస్థ ఆశ్రయమిచ్చింది.

ఆమె ఈ సంస్థ ప్రారంభించే సమయానికి ఆమె చేతిలో కేవలం మూడు వేల రూపాయలు మాత్రమే ఉన్నాయి. ఆమె స్నేహితులు సుభదా కొత్తవాలె, జయశ్రీ సామంత్, ఉష మనేరికర్ లు ఈ ట్రస్ట్ లో సభ్యులు గా ఉన్నారు. వీరందరి వృత్తులు వేర్వేరు. ఒకరు టీచర్ అయితే మరొకరు గృహిణి, మరొకరు సోషల్ వర్కర్ గా పని చేస్తున్నారు. ఈ నలుగురు తమ వద్ద ఉన్న డబ్బులను పోగు చేసుకుంటే మూడు వేలు గా తేలాయి. ఆ మొత్తం తోనే ఈ సంస్థను మొదలుపెట్టారు.

ఓ ఏడుగురు పేద మహిళలకు వీరు తొలుత ఆశ్రయమిచ్చారు. వారిచే వీరు రకరకాల వంటలు వండించి వర్కింగ్ బ్యాచిలర్స్ కు, ఆటో, రిక్షా డ్రైవర్లకు ఇవ్వడం ప్రారంభించారు. క్రమం గా వీరికి ఆదరణ పెరగడం తో సంస్థ బ్రాంచీలను కూడా ప్రారంభించింది. 2021 వచ్చేసరికి వీరికి ఆరు ఔట్లెట్స్ ఉన్నాయి. ప్రస్తుతం ఈ సంస్థ లో 175 మంది పనిచేస్తుండగా.. ఏడాదికి మూడు కోట్ల టర్న్ ఓవర్ తో నడిపిస్తున్నారు.

స్కూళ్ళు, కాలేజీ లు, ఆఫీసుల్లో వీరి ఔట్ లెట్స్ ఎక్కువ గా ఉన్నాయి. తక్కువ ధరకు నాణ్యమైన ఫుడ్ ను అందించడం వీరి ప్రత్యేకత. కేవలం లాభాల కోసం చూడకుండా.. నాణ్యతను మైంటైన్ చేస్తూ.. మహిళలకు ఆసరాగా నిలవడం వీరి లక్ష్యం. ఈ సంస్థ లో పనిచేసిన వారందరు లైఫ్ లో సెటిల్ అయిన వారే. అందరికి నెల నెలా టంచనుగా జీతాలు ఇచ్చేస్తారు. అన్నిటిని పక్కా గా ప్లాన్ చేస్తారు. అందుకే.. ఎందరో మహిళలు ఈ సంస్థలో పని చేసుకోవడానికి ముందుకొస్తున్నారు. వీరి లక్ష్యం నెరవేరాలని కోరుకుందాం.

పెళ్లి చూపుల్లో ఆ అమ్మాయి నాకు బాగా నచ్చేసింది…కానీ నా గతాన్ని చెప్పాలంటే భయంగా ఉంది.! మీరే పరిష్కారం చెప్పండి.! అంటూ ఓ అబ్బాయి మాకు పంపిన మెసేజ్ ఇది. అతని సమస్య చదివి మీ సలహా కామెంట్ చేయండి.

చాలా మంది లైఫ్ లో వచ్చిన స్వేచ్చని దుర్వినియోగం చేస్తూ ఉంటారు. నేను కూడా అలాంటి వాడినే. సాఫ్ట్ వేర్ ఉద్యోగం, చుట్టూ అమ్మాయిలు, వీకెండ్ పార్టీలు, శాలరీ పేరిట చేతినిండా డబ్బు.. లైఫ్ కి ఇంకేమి కావాలి అనుకున్నా… నా ఇష్టం వచ్చిన వైపు పరుగులు తీస్తూనే ఉన్నా. కానీ, ఓ రోజు ఇంట్లో వాళ్ళ బలవంతం పై పెళ్లి చూపులకు వెళ్ళా.. అక్కడే ఆగిపోయా. కాదు, ఆమె చూపులు నన్ను ఆపేసాయి.

representative image

తను ఎంత పద్ధతి గా ఉందో. తన మీద నుంచి చూపు తిప్పుకోలేకపోయా. నేను హైదరాబాద్ లో ఉండి జాబ్ చేస్తున్న రోజుల్లో చాలా మంది అమ్మాయిలతో డేటింగ్ చేశా. కానీ, అందరు మేక్ అప్ అందాలు, ప్లాస్టిక్ నవ్వుల్నీ పులుముకున్నవారే. అందుకే అందరు నా కళ్ళకి నచ్చారేమో కానీ..మనసుని మాత్రం టచ్ చేయలేకపోయారు. కానీ, తను అలా కాదు. అసలు ఏమి మేక్ అప్ వేసుకోకుండా వచ్చి కూర్చుంది. తను నవ్వుతుంటే ఎంత నాచురల్ గా, హాయిగా అనిపించిందో. పెళ్లంటే తననే చేసుకోవాలి అనిపిస్తోంది.

representative image

తనని చూసినప్పటినుంచి.. నాలో నేను లేను. తనకి, తన ఫామిలీ కి నేను నచ్చడం తో మా ఇద్దరికీ పెళ్లి ఫిక్స్ అయింది. అయితే, తను చాలా పధ్ధతి గల పిల్ల. ఎంతో సంప్రదాయబద్ధం గా ఉంది. ఆమెకు గతం లో నేను డేటింగ్ చేసినట్లు చెబితే, ఎలా రియాక్ట్ అవుతుందోనని నాకు కొంత భయం గా ఉంది. తన కంటినుంచి ఒక చుక్క కన్నీరు వచ్చినా నేను భరించలేను. తనని అంతలా ప్రేమిస్తున్నాను.

representative image

గతం లో చేసిందేదో చేసాను. కానీ, వర్తమానం, భవిష్యత్ అన్ని తనతోనే జరిగిపోవాలనిపిస్తోంది. తనకి ఎలాంటి కష్టం రాకుండా చూసుకోవాలనిపిస్తోంది. కానీ, నా ఫ్రెండ్స్ గాని, ఇంకెవరైనా గాని నా గతం గురించి తనకు చెప్తారేమోనన్న ఆందోళన నా పై మరింత ఒత్తిడి పెరిగేలా చేస్తోంది. తను లేని భవిష్యత్ ని ఉహించుకోలేను.. కానీ, నా గతాన్ని తనతో పంచుకోలేక సతమతమవుతున్నా. మా మారీడ్ లైఫ్ సంతోషం గా ఉండాలని కోరుకుంటున్నా. అందుకు నాకేదైనా పరిష్కారం చూపిస్తారని కోరుతున్నా.