Human angle

ప్రస్తుతం ఎక్కువ చర్చలో ఉన్న సెలబ్రిటీ సోనూసూద్. లాక్ డౌన్ కారణంగా వేరే ప్రాంతాల్లో చిక్కుకుపోయిన చాలామందిని సోనూసూద్ వాహనాలు ఏర్పాటు చేసి తమ స్వస్థలాలకు పంపించారు. అంతేకాకుండా సోషల్ మీడియాలో ఎవరైనా ఆర్థికంగా ఇబ్బందులు పడుతున్నారు అని తెలిసిన వెంటనే స్పందించి తన వంతు సహాయం చేస్తున్నారు. సోనూసూద్ గురించి కొన్ని ఆసక్తికరమైన విషయాలు ఇప్పుడు తెలుసుకుందాం.

పంజాబ్ కి చెందిన సోనుసూద్ ఇంజనీరింగ్ రెండవ సంవత్సరం లో ఉన్నప్పుడు తన స్నేహితుల ప్రోత్సాహంతో మోడలింగ్ రంగంలోకి అడుగుపెట్టారు. ఇంజనీరింగ్ అయిపోయిన తర్వాత ముంబైకి వెళ్లి మోడల్ గా ఎన్నో షోలు చేశారు. అంతేకాకుండా ఆర్థికంగా నిలదొక్కుకోవడానికి మోడలింగ్ చేస్తూనే సౌత్ ముంబై లో ఉద్యోగం చేసేవారు. తర్వాత గ్రేవియెరా మిస్టర్ ఇండియా కాంపిటీషన్ లో పాల్గొని టాప్ ఫైవ్ కంటెస్టెంట్ల లో ఒకరిగా నిలిచారు సోనూసూద్.

1999 లో విజయ్ కాంత్ నటించిన కల్లాళగర్ అనే తమిళ చిత్రంతో తన నటన కెరీర్ ని మొదలు పెట్టారు సోనుసూద్. తర్వాత హ్యాండ్స్ అప్ అనే తెలుగు సినిమాలో కూడా నటించారు. అమ్మాయిలు అబ్బాయిలు, చంద్రముఖి సినిమాలతో తెలుగు వారికి సుపరిచితులయ్యారు. కానీ తనకంటూ ఒక గుర్తింపును తీసుకొచ్చింది మాత్రం సూపర్, అతడు సినిమాలు.

ఆ తర్వాత వచ్చిన అరుంధతి సినిమా సోనుసూద్ కెరీర్లోనే ఒక మైలురాయి గా నిలిచింది. ఆ పాత్రలో సోనూసూద్ తప్ప ఇంకెవరిని ఊహించుకోలేం. తర్వాత దూకుడు, కందిరీగ, జులాయి, ఆగడు లాంటి ఎన్నో తెలుగు చిత్రాలతో పాటు దబంగ్, హ్యాపీ న్యూ ఇయర్, సింబా వంటి ఎన్నో హిట్ హిందీ చిత్రాల్లో, అంతేకాకుండా కన్నడ లో వచ్చిన కురుక్షేత్ర లో అర్జున పాత్ర పోషించారు. ఇంకా కొన్ని చిత్రాలు షూటింగ్ దశలో ఉన్నాయి.

చదువుకునే సమయంలో సోనాలి తో పరిచయం అయింది. ముందు ఇద్దరు స్నేహితులు అయ్యారు. ఆ తర్వాత వాళ్ళ స్నేహం ప్రేమగా మారింది. సోనాలి మన తెలుగు అమ్మాయే. తర్వాత ఇద్దరూ పెళ్ళి చేసుకున్నారు. వాళ్లకి ఇప్పుడు ఇద్దరు పిల్లలు ఉన్నారు. తను  సినిమా అవకాశాల కోసం ప్రయత్నాలు చేస్తున్నప్పుడు సోనాలి తనని ఎంతో ప్రోత్సహించారు అని  సోను సూద్ ఎన్నో ఇంటర్వ్యూలలో చెప్పారు.

ఇప్పుడున్న కష్ట పరిస్థితులలో ఎంతోమందికి సహాయం చేసి నిజజీవితంలో హీరో అయ్యారు సోనుసూద్. చాలామంది ఇదంతా రాజకీయాల్లోకి వెళ్ళటానికి ప్రణాళిక ఏమో అని సందేహం వ్యక్తం చేశారు. ఇటీవల ఒక ఇంటర్వ్యూలో ఇంటర్వ్యూ చేసిన వ్యక్తి ఇదంతా రాజకీయాల కోసమేనా అని అడిగారు.

దానికి సోనూసూద్ తనకి గత పది సంవత్సరాల నుండి రాజకీయాల్లోకి రావడానికి ఎన్నోసార్లు ఎంతోమంది ఆహ్వానించారు అని, కానీ ఇదంతా ఎటువంటి ప్రణాళికతోనూ చేసేది కాదు, తను చేస్తున్న దానికి రాజకీయాలకి ఎటువంటి సంబంధం లేదు అని,  సాటి మనుషులకు సహాయం చేయడంలో ఒక తృప్తి ఉంటుంది అని, అందుకే తన వంతు సహాయం చేస్తున్నాను అని జవాబిచ్చారు.

ఆ అమ్మాయి అబ్బాయిని ప్రేమించింది. పెళ్లి చేసుకోవాలనుకుంది . ఇంట్లో వాళ్లు  ఒప్పుకోలేదు. అతన్నే చేస్కుంటానని పట్టుపట్టింది. చివరికి తల్లిదండ్రుల్ని ఒప్పించి పెళ్లిచేసుకుంది. ఏముంది విశేషం . ఇవాళ రేపు ఇలాంటి పెళ్లిల్లు చాలనే జరుగుతున్నాయి కదా . కానీ ఈ పెళ్లికి ఒక విశేషం ఉంది. ఆ అమ్మాయి ప్రేమలో ఒక నిజాయితి ఉంది. అందుకో సోషల్ మీడియాలో హాట్ టాపిక్ గా మారి దేశంమొత్తం చేత శెభాష్ అనిపించుకుంటుంది. ప్రేమించిన వాడు, పెళ్లి చేసుకోబోయే వాడు దివ్యాంగుడని తెలీసి ముందడుగు వేయడం మామూలు విషయం కాదు.

ప్రణవ్ ది కేరళలోని త్రిసూర్ కి 25కిలోమీటర్ల దూరంలో ఉన్న తాజేఘాట్ . చదువుకునే రోజుల్లో బైక్ యాక్సిడెంట్ కి గురై, తుంటి కింద భాగం దెబ్బతిని నడవలేని పరిస్థితి వచ్చింది. దాంతో పక్షవాతంతో చక్రాల కుర్చీకే పరిమితమయ్యాడు. అన్నింటికీ ఇతరుల సాయంపై ఆధారపడాల్సి వస్తోంది. అయినప్పటికీ నిరుత్సాహపడని ప్రణవ్ అందరు యువకుల్లానే ఉండాలని అనుకునేవాడు. అందులో భాగంగా అక్కడి ఆలయాల్లో జరిగే ఉత్సవాలకు వెళ్తుండేవాడు. పండుగల్ని కళ్లారా చూసేవాడు. ఫ్రెండ్స్ తో పాటు తను కూడా డ్యాన్స్ చేస్తూ ఎంజాయ్ చేసేవాడు.  ప్రణవ్ ఫ్రెండ్ అతని వీడియోలు తీసి , సోషల్ మీడియాలో పోస్టు చేసేవాడు.ప్రణవ్ తల్లి తన కొడుకుకి అన్నం తినిపిస్తున్న వీడియోలు కూడా సోషల్ మీడియాలో షేర్ చేసేవాళ్లు. ఈ వీడియోలు వైరల్ గా మారాయి.

వైరలైన వీడియోస్ ఒకరోజు అనుకోకుండా షహానా అనే అమ్మాయి చూసింది. షహానాది తిరువనంతపురం. ఆ వీడియోస్ లో ప్రణవ్ కాన్పిడెన్స్ షహానాకి ఎంతో నచ్చింది. తన వైకల్యానికి కృంగిపోకుండా అందరిలానే ఉండాలనే ప్రణత్ తత్వం నచ్చింది. ఫ్లైట్ ఎక్కి నేరుగా అతని దగ్గరికి వెళ్లింది. తర్వాత సోషల్ మీడియాలో అతడితో ఇంటరాక్ట్ అయింది. కొన్ని నెలల తర్వాత ప్రణవ్ ఫోన్ నంబర్ తీసుకుంది. అతనిని ఫోన్‌ చేసి మాట్లాడింది. అలా ఇద్దరూ పరిచయమయ్యారు. కొన్ని రోజుల తర్వాత ప్రణవ్‌కు తన ప్రేమ విషయాన్ని చెప్పిన షహానా, పెళ్లి చేసుకుందామంది.

షహానా ప్రపోజల్ కి ప్రణవ్ ఒప్పుకోలేదు. నా లాంటి వాణ్ని చేసుకొని నువ్వు సుఖంగా ఉండలేవు. ఇంకెవరినైనా చేసుకో హాయిగా ఉండు అన్నాడు. ప్రణవ్ మాటకి  షహానా ఒప్పుకోలేదు. పెళ్లంటూ చేసుకుంటే నిన్నే చేసుకుంటా లేదంటే ఇలాగే ఉండిపోతా ,నేనంటే నీకు ఇష్టమా కాదా అని అడిగింది.దానికి సమాధానంగా నువ్వంటే ప్రాణం , కానీ ఏదో చెప్పబోయాడు. అంతే నీ సందేహం నాకు అర్దం అయింది. మా పేరెంట్స్ ని నేను ఒప్పిస్తా అంది.

కానీ షహానా పేరెంట్స్ ఒప్పుకోలేదు. చూస్తూ చూస్తూ ఏ అమ్మాయి జీవితాన్ని నాశనం చేయాలనుకోరు. మొదట కోప్పడ్డారు. తర్వాత వద్దు తల్లీ అని బతిమలాడారు. తల్లిదండ్రుల మాటకి షహానా ఒప్పుకోలేదు. నాకు లేని బాధ మీకెందుకు అని తల్లిదండ్రుల్ని ప్రశ్నించింది.పెళ్ళంటూ చేస్కుంటే ప్రణవ్ నే చేస్కుంటానని తెగేసి చెప్పింది.

ప్రేమంటే భౌతిక రూపంతో పనిలేదనీ, మనసులు కలిసేదే నిజమైన ప్రేమ అని చాటిచెప్పింది. ఆమె అంతలా ఇష్టపడుతుండటంతో ఇక తల్లిదండ్రులు కూడా ఒప్పుకున్నారు. అలా ఓ ఆలయంలో ఫిబ్రవరి 3న ఈ ప్రేమ జంట పెళ్లి చేసుకొని ఒక్కటైంది.

కన్నడ నటుడు చిరంజీవి సర్జా గుండెపోటుతో హఠాత్తుగా మరణించిన విషయం తెలిసిందే.. చిన్నవయసులో చిరంజీవి మరణించడంతో అందరూ ఎక్కువగా బాధపడింది అతడి భార్య మేఘన గురించే..పదేళ్ల స్నేహం,ప్రేమని పదిలం చేసుకుంటూ రెండేళ్ల క్రితమే వారు పెళ్లి చేసుకున్నారు..మరి కొన్ని రోజుల్లో చిరు తండ్రి అవుతారనగా హఠాత్తుగా దూరం అయ్యారు. జూన్ 7 న ఆయన మరణించారు. తాజాగా మేఘన సీమంతం వేడుక జరిగింది. భర్త ఫోటోను పెట్టి సీమంతం వేడుక జరిపిన ఫోటోలు నెట్ ఇంట వైరల్ అవుతున్నాయి. అవి చూస్తుంటే మరింత కన్నీళ్లు వస్తున్నాయి.

image credits: classy captures

image credits: classy captures

image credits: classy captures

గతంలో దూరం అయిన భర్తని తలచుకుంటూ మేఘన పెట్టిన ఎమోషనల్ పోస్ట్ అందరిని కంటతడిపెట్టిస్తుంది..

చిరుని ఉద్దేశిస్తూ.. “చిరు,నీకు ఎన్నో విషయాలు చెప్పాలనుంది..కానీ ఎంత ప్రయత్నించినా మాటల్లో వర్ణించలేకపోతున్నాను.. నువ్వు నాకు ఎంత ముఖ్యం అన్నది చెప్పలేను..నువ్వే నా ఫ్రెండ్,లవర్, లైఫ్ పార్టనర్..నా స్ట్రెంథ్…నువ్వు నాకొక చిన్న పిల్లాడివి… నా ప్రాణం కంటే నువ్వే నాకు ఎక్కువ..నువ్వు లేవని గుర్తొచ్చిన ప్రతి క్షణం ..వేలాదిసార్లు చస్తున్నంత నరకంగా ఉంది..నువ్ లేవని దిగాలుపడిన ప్రతిక్షణం నువ్వ నా చుట్టు ఉండి నన్ను సంరక్షిస్తున్నట్టుగా ఉంది..”

“నన్ను వదిలి ఉండలేనంతగా ప్రేమించావ్..ఇప్పుడు ఎలా ఉండగలుగుతున్నావ్.. మన ప్రేమకి గుర్తుగా నీ రూపం నా కడుపులో పెరుగుతుంది.. మన బిడ్డని ఈ భూమిపైకి తీసుకువచ్చేందుకు నేనెంతగానో ఎదురు చూస్తున్నాను..మన పాపలో నీ నవ్వులు చూసేందుకు ,నీ నవ్వులతో గదంతా వెలుగులు విరజిమ్మేందుకు ఎంతగానో ఎదురు చూస్తున్నాను..నా శ్వాస ఉన్నంత వరకు నువ్వు బతికే ఉంటావు.. నాలో ఉన్నది నీవే.. ఐ లవ్ యూ చిరూ..” అంటూ మేఘన పెట్టినపోస్టు అందరిని ఏడిపించేస్తుంది..

మేఘన పోస్ట్ పై రెస్పాండ్ అవుతూ నెటిజన్స్ తనకు ధైర్యం  చెప్పడానికి ప్రయత్నిస్తున్నారు.. మేఘన తోటి నటులు కూడా కామెంట్స్ రూపంలో చిరుని తలచుకుంటూ..పాప రూపంలో చిరు మన మధ్యకు వస్తాడు.. మనతో ఉంటాడు అని మేఘనలో కొత్త ఆశలు నింపడానికి ప్రయత్నిస్తున్నారు.. మేఘన కోరుకుంటున్నట్టగా వారి పాప ఆయురారోగ్యాలతో పుట్టాలి..