Human angle

ఇప్పుడు ఎక్కడ చూసినా కరోనా వైరస్ వార్తలే. టీవీలో పేపర్లలో రేడియోలో ఫోన్లో కూడా ఈ వైరస్ మన దగ్గరికి రాకుండా ఎలా కాపాడుకోవాలి ఎలాంటి జాగ్రత్తలు తీసుకోవాలి లాంటి విషయాలు చెప్తూనే ఉన్నారు. కానీ అన్ని చోట్ల ఇలాంటి సదుపాయాలు ఉండవు. టీవీలు పేపర్లు అందుబాటులో లేని మారుమూల గ్రామాలు కూడా ఉంటాయి.

అలాంటి గ్రామ ప్రజలకు ఈ విషయాల గురించి అంతగా తెలియదు. ఒకవేళ తెలిసినా కూడా అదేంటి?,  అది వాళ్ళ దగ్గరికి రాకుండా ఎలాంటి జాగ్రత్తలు తీసుకోవాలి ఇలాంటి విషయాల పై పూర్తి అవగాహన ఉండదు. అందుకే ఎన్జీవోలు ఇలాంటి మారుమూల గ్రామాలకు వెళ్లి ప్రతి విషయం వివరంగా చెప్పడానికి ప్రయత్నిస్తూ ఉంటారు. కానీ ఇప్పుడు లాక్ డౌన్ కావడంతో వాళ్లు కూడా ఏం చేయలేని పరిస్థితి ఏర్పడింది.

అందుకే తన ఊరి ప్రజలకి తనే అర్థమయ్యేలా చెప్పాలని వీధి గోడలమీద పెయింటింగ్ వేసి కరోనా పై అవగాహన కల్పించే ప్రయత్నం చేస్తున్నాడు 25ఏళ్ల ఆంధ్రప్రదేశ్ కి చెందిన సోమశేఖర్ గుడిపల్లి.

సోమశేఖర్ ది అనంతపూర్ లో ఒక ఊరు. తను ఉండే చోట నుండి 90 కిలోమీటర్లు దూరంలో ఉన్న యోగి వేమన యూనివర్సిటీ లో ఫైన్ ఆర్ట్స్ డిగ్రీ చదువుతున్నాడు. ఇప్పుడు కాలేజీ కూడా సెలవు కావడంతో తన ఊరి ప్రజలకి కరోనా సోకకుండా తీసుకోవాల్సిన జాగ్రత్తల గురించి ఇలా పెయింటింగ్ ల రూపంలో చెప్తున్నాడు సోమశేఖర్.

దీని గురించి సోమశేఖర్ బెటర్ ఇండియా తో మాట్లాడుతూ ” ఊర్లో ఉన్న వాళ్లందరికీ టీవీ, న్యూస్ పేపర్ లేదా ఇంటర్నెట్ సదుపాయం ఉండకపోవచ్చు. ఇలా వీధిలో పెయింటింగ్ వేస్తే దాని గురించి అందరికీ తెలుస్తుంది. సోషల్ డిస్టెన్స్ గురించి వీలైనన్ని ఊర్లలో అవగాహన కల్పించడమే నా ధ్యేయం” అని చెప్పారు.

తాను బొమ్మలు వేయడమే కాకుండా వాటి పక్క ఇలాంటి హెచ్చరిక కూడా రాస్తాడు.

తుమ్మినా దగ్గినా చేతి రుమాలు వాడండి .

కరోనా మహమ్మారిని నిర్మూలించండి

మాస్కులు ధరించండి

సామాజిక దూరం పాటించండి

పెయింటింగ్స్ వేయడానికి ముందే సోమశేఖర్ తన ఊరి పోలీస్ ఇంకా పంచాయత్ లో మాట్లాడి వారి దగ్గర అనుమతి తీసుకున్నాడు. తనకి దగ్గరలో ఉన్నాయి 50 ఊర్లలో 90 కి పైగా పెయింటింగులు వేసి తన కళని ప్రదర్శించడమే కాకుండా ప్రజలందరికీ అవగాహన కల్పిస్తున్నాడు. ఒక రకంగా చెప్పాలంటే మనం చదివే చదువు నలుగురికి ఉపయోగపడాలి అన్న దానికి సోమశేఖర్ ఒక నిదర్శనం.

దేవుడు ఎక్కడున్నాడు ఎవరు అంటే… మనం ఆపదలో ఉన్నప్పుడు సహాయం చేసేవాడే దేవుడు,ఉదాహరణకు అత్యవసరంగా ఆసుపత్రికి వెళ్లాల్సి వస్తే ఆ సమయంలో మనల్ని అక్కడి నుండి తీసుకువెళ్ళేవారు ఎవరూ లేకపోతె ఆ సమయంలో మనకి లిఫ్ట్ ఇచ్చినవాడే ఆ సంఘటనకు సంబందించిన దేవుడు అని దర్శకుడు త్రివిక్రమ్ శ్రీనివాస్ ఒక సందర్భంలో అన్నారు.ప్రస్తుతం చైనా లో జరిగిన ఓ సంఘటన సరిగ్గా ఈ మాటలకూ సరిపోతుంది.అపార్ట్మెంట్ పై నుండి కిందికి పడిపోయిన బాలుడిని ఓ డెలివరీ బాయ్ తన ప్రాణాలకు తెగించి కాపాడాడు..ఇప్పుడు అందరూ ఆ డెలివరీ బాయ్ నిజంగా దేవుడు అని అభివర్ణిస్తున్నారు..పూర్తి వివరాల్లోకి వెళ్తే ..

సోమవారం చైనా లో అపార్ట్మెంట్ రెండవ అంతస్తు నుండి అనుకోని పరిస్థితులలో ఓ బాలుడు కిందకి పడిపోయాడు.పక్కనే ఉన్న స్థానికులు బాలుడిని పైకి లాగడానికి శతవిధాలా ప్రయత్నించారు కానీ లాభం లేకపోయింది.ఇంకా కొద్ది సమయంలో కిందకి పడిపోతాడు అనే సమయానికి అటు వైపుగా వెళ్తున్న డెలివరీ బాయ్ చూసి తన ప్రాణాలకు హాని జరుగుతుందా లేదా అని ఏమి ఆలోచించకుండా వెంటనే ఆ అపార్ట్మెంట్ పైకి ఎక్కి బాలుడుని కాపాడాడు.ఆ డెలివరీ బాయ్ పేరు జియూజున్ .ప్రస్తుతం దీనికి సంభందించిన వీడియో సోషల్ మీడియాలో వైరల్ గా మారింది.జియూజున్ సరైన సమయంలో దేవుడిలా వచ్చి ఆ పిల్లవాడిని కాపాడాడని లేకపోతే ఆ పిల్లవాడి ప్రాణాలు గాలిలో కలిసిపోయి ఉండేవని పలువురు నెటిజన్లు తమ అభిప్రాయాలను వ్యక్తం చేస్తున్నారు.

అనాది కాలం నుండి కూడా మనుషులకు ,కుక్కలకు విడదియ్యలేని బంధం ఉంది.కుక్కలు కుటుంబ సభ్యుల కంటే ఎక్కువగా మనుష్యులతో కలిసిపోతాయి.కుక్కలకు ఉన్న విశ్వాసం మనుష్యుల కు కూడా ఉండదని ఓ సామెత చెప్తూ ఉంటారు.అందుకే మొదట నుండి కుక్కలను నమ్మకానికి ,విశ్వాసానికి ప్రతీకగా చెప్తూ ఉంటారు.అయితే తాజాగా చైనాలోని వుహాన్ లో ఓ కుక్క తన యజమాని కోసం 3 నెలలకు పైగా ఎదురుచూస్తూ ఉంది.ఈ ఘటన అందరి కళ్ళు చెమర్చేలా చేస్తుంది.వివరాల్లోకి వెళ్తే…

representative image

చైనా లోని వుహాన్ లో ఓ వ్యక్తి గ్జియావో బేవో అనే కుక్కను చాలాకాలంగా పెంచుకుంటున్నాడు.అయితే ఆ వ్యక్తి అనారోగ్యం రావడంతో ఆసుపత్రిలో జాయిన్ అయ్యాడు.ఆ సమయంలోను బేవోను తన వెంట ఆసుపత్రికి తీసుకువెళ్లాడు ఆ వ్యక్తి..అయితే ఆ వ్యక్తికీ మొదటగా కొంత అస్వస్థతగా ఉండడంతో ఆసుపత్రిలో కొన్ని రోజులు ఉండాల్సి వచ్చింది.ఆ సమయంలోను బేవో తన యజమాని కోసం ఎదురుచూస్తూ ఉంది.కానీ కొన్ని రోజుల తర్వాత ఆ వ్యక్తికీ కరోనా పాజిటివ్ గా నిర్దారణ కావడంతో ఐసొలేషన్లో ఉంచి చికిత్స అందించగా ఆ వ్యక్తి మరణించాడు.

కానీ ఆ విషయం తెలియని బేవో అక్కడే ఉండీ తన యజమాని కోసం నిరీక్షిస్తూ ఉంది.దీంతో ఆసుపత్రి సిబ్బందికి మనసు చెలించి బీవోని వేరే వారి ఇంటి దగ్గర ఉంచారు.కానీ బేవో మళ్ళీ అక్కడ నుండి తిరిగి ఆసుపత్రి కి వచ్చి తన యజమాని ని వెతుక్కుంటూ తిరుగుతుంది.తన ఓనర్ ఇంకా తిరిగి రాడు అని తెలియక బేవో ఆలా నిరక్షించడం అందరి హృదయాలను కదిలించివేస్తుంది.కుక్క కాబట్టి అంత విశ్వాసం ఉంది బెవో కి అని పలువురు నెటిజన్లు సోషల్ మీడియాలో కామెంట్స్ చేస్తున్నారు.

ప్రేమ పుట్టడానికి కారణాలు ఉండవు అని చెప్తూ ఉంటారు.ప్రేమ అనేది ఎప్పుడు ,ఎక్కడ ,ఎలా మొదలవుతుందో తెలియదు గాని ఒక్కసారి ప్రేమ మొదలైతే మాత్రం ప్రేమకు ఏది అడ్డు రాదని చరిత్ర నుండి మనకు తెలుస్తుంది.అయితే తాజాగా కాన్పూర్ లో ఓ ఆటో డ్రైవర్ ఒక యాచకురాలిని ప్రేమించి వివాహం చేసుకున్నాడు.ఆ వివరాలేంటో చూద్దాం.

ఉత్తరప్రదేశ్ లోని కాన్పూర్ లో నీలం నివాసం ఉంటుంది.చిన్నతనంలోనే తల్లితండ్రి మరణించడంతో తన అన్న దగ్గరే ఉండీ జీవనం సాగిస్తుంది నీలం.అయితే తాను ఇంట్లో ఉండడం తన అన్నకు మరియు వదినకు ఇష్టం లేదు.కాబట్టి తనని నేరుగా వెళ్లిపొమ్మని చెప్పలేక ఏదో రకంగా లేని పోనీ మాటలు అంటూ పలు రకాల వేధింపులకు గురిచేసేవారు.మొదట్లో అవి అన్ని ఎంతో ఓపికగా భరించిన నీలం తర్వాత ఆ వేధింపులను భరించలేక ఇంటి నుండి బయటకు వచ్చేసింది.తనకు తెలిసిన వృత్తి ఏమి లేకపోవడం చేరదీసేవాళ్ళు ఎవరూ లేకపోవడం వలన రోడ్ల మీదకు చేరి బిచ్చమెత్తుకుంటూ జీవనం సాగిస్తూ ఉంది నీలం.

సొంత వారే కసాయి వారీగా మారి ఇంట్లో నుండి నీలం ను గెంటేయడంతో ఎంతో బాధగా నీలం రోడ్ల మీద జీవిస్తూ ఉంది.అయితే ఈ క్రమంలో కరోనా వలన విధించిన లాక్ డౌన్ తో రోడ్ల మీదకు వచ్చి దానం చేసేవాళ్ళు కూడా లేకపోవడంతో నీలం పరిస్థితి మరి దయనీయ్యంగా తయారైంది.దీంతో ఆహారం దొరకక అలమటిస్తూ అలాగే రోడ్ పక్కన నివసించేది.ఈ క్రమంలో లాక్ డౌన్ కారణంగా రోడ్ల పక్కన ఉండేవారికి చాలామంది ఆహారం అందించడానికి ముందుకు వస్తున్నారు.అయితే ఓ ఆటో డ్రైవర్ ఆహారం అందచెయ్యడానికి రోడ్ మీదకి వచ్చినప్పుడు నీలం కనిపించింది.

representative image

అయితే ఆ ఆటో డ్రైవర్ నీలం ను ఎందుకు నువ్వు ఇంత చిన్న వయసులో బిచ్చగత్తె గా మారావు అని అడిగాడు.దీంతో తన కథ అంతా కూడా నీలం ఆటోడ్రైవర్ తో పంచుకుంది.ఆ విధంగా వారి మధ్య పరిచయం ఏర్పడింది.ఈ క్రమంలో రోజు ఆమెకు ఆహారం అందించడానికి వచ్చి తనతో కాసేపు ముచ్చటించేవాడు.ఆ విధంగా వారిద్దరి మధ్య ప్రేమ ఏర్పడింది.ఒక రోజు ఆ ఆటో డ్రైవర్ ఆ యాచకురాలిని నన్ను పెళ్లిచేసుకుంటావా అని అడిగాడు కాగా ఆమె కూడా వివాహానికి అంగీకరించడంతో వీరిద్దరి వివాహం జరిగింది.