Mythology

గ్రహణ సమయంలో ఆచరించవలసిన విషయాలు చాలా ఉన్నాయి. నిజానికి చాలా మందికి గ్రహణ సమయంలో ఎటువంటి పనులు చేయాలి..? ఎటువంటి పనులు చేయకూడదు అనే విషయాలు తెలియవు. గ్రహణ సమయంలో మనం చేసే పనుల పట్ల శ్రద్ధ పెట్టాలి అని చాలా మంది భావిస్తారు.

పైగా పెద్దలు చెప్పే వాటిని కూడా ఫాలో అవుతూ వుంటారు. గ్రహణ సమయంలో అన్నం వండకూడదు, గ్రహణ సమయంలో అన్నం తినకూడదు అని పెద్దలు చెప్తూ ఉంటారు. అయితే మరి గ్రహణ సమయంలో అన్నం వండకూడదా..? అన్నం తినకూడదా ఒకవేళ తింటే ఏం అవుతుంది అనేది చూద్దాం.

నిజానికి గ్రహణ సమయంలో అన్నం వండచ్చు మరియు గ్రహణ సమయంలో అన్నం తినచ్చట. గ్రహణం సమయంలో అన్నం వండకుండా ఉండడం, తినకుండా ఉండడం లాంటివి చెయ్యక్కర్లేదు. చాలా మంది గ్రహణానికి రెండు గంటల ముందు కానీ ఒక గంట ముందు కానీ తినేస్తూ వుంటారు. కానీ అలా ఏమి చెయ్యక్కలేదు అని నిపుణులు అంటున్నారు.

సైన్టిఫిక్ గా చూస్తే అన్నం వండకుండా ఉండడం, తినకుండా ఉండడం లాంటివి చెయ్యక్కలేదుట. దీని వలన ఏ సమస్య ఉండదు అని అంటున్నారు. గ్రహణం పట్టిన సమయంలో అన్నం వండచ్చు, తినచ్చు లేదంటే తినకుండా కూడా ఉండచ్చు. అలానే గ్రహణం వలన గ్రహణం మొర్రి వస్తుందని పెద్దలు అంటారు. కానీ దీనికి కారణం ఇది కాదు అని నిపుణులు అంటున్నారు. సైన్టిఫిక్ గా చూస్తే ఇది జన్యుపరంగా వస్తుంది అని తెలుస్తోంది.

సూర్యగ్రహణం అంటే ఏమిటి..?

భూమికి దగ్గరగా ఉన్నప్పుడు చంద్రుడు భూమికి సూర్యునికి మధ్య వచ్చినప్పుడు సూర్య గ్రహణాన్ని ఖగోళ సంఘటన అంటారు. ఈ క్రమంలో ఏమవుతుందంటే చంద్రుడు నీడ భూమి మీద డైరెక్ట్ గా పడుతుంది దీని మూలంగా సూర్యుడు కనపడడు. దీనిని సూర్య గ్రహణం అని అంటారు.

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు.

చాణక్య నీతి ప్రతి అంశాన్ని కూడా ఎంతో అద్భుతంగా వివరించింది. చాణక్యుడు ఎలాంటి పనులు చేస్తే సమస్యలు వస్తాయి వంటి విషయాలను కూడా చెప్పారు. మరి ఆ విషయాల గురించి మనం ఇప్పుడు చూద్దాం.

పుట్టుకతోనే ధనవంతులు అయిపోరు. ఎంతో కష్టపడి పైకి వస్తే కానీ ధనవంతులు అవ్వలేరు. నిజానికి డబ్బులు బాగా సంపాదించాలంటే ఎంతో కష్టపడాల్సి వస్తుంది. జీవితంలో డబ్బులు సంపాదించడానికి ధనవంతులు కావడానికి ఎంతగానో పడాలి.  ఆ తర్వాత మాత్రమే ధనవంతులు అవ్వచ్చు. అయితే ధనవంతులు అయిన వాళ్లు కచ్చితంగా ఈ తప్పులు చేయకూడదు అని ఆచార్య చాణక్య చెప్పారు. మరి ఎటువంటి తప్పులు చేయకూడదు అనేది ఇప్పుడు చూద్దాం.

#1. డబ్బుల గురించి ఎవరికీ చెప్పొద్దు:

ఆచార్య చాణక్య మీ దగ్గర ఉండే డబ్బుల గురించి ఇతరులకు చెప్పకూడదని చెప్పారు. కష్టపడి సంపాదించిన డబ్బుని మనమే కాపాడుకోవాలి. మీ డబ్బులు గురించి ఇతరులకి చెప్తే అది తరిగిపోతుంది. కొన్ని కొన్ని సార్లు మీరు చెప్పే వాళ్ళు దొంగలు కింద మారి మీ డబ్బులు దొంగిలించ వచ్చు. ఇలా డబ్బు కి ముప్పు ఉంటుందని అంటున్నారు.

#2. ఖర్చులను చూసుకోండి:

డబ్బులు ఉన్నాయి కదా అని ఇష్టానుసారంగా ఖర్చు చేయకూడదు మీరు మంచిగా డబ్బును ఖర్చు చేసుకుంటూ ఉండాలి. భవిష్యత్తును దృష్టిలో పెట్టుకుంటే డబ్బులని సరిగా ఖర్చు చేస్తారు.

#3. గొప్పలకు పోకండి:

ఇతరులకు చెప్పి గొప్ప పోవద్దు డబ్బులు వచ్చాయని గొప్పలకు పోకండి. మనిషి దగ్గర ఉండే డబ్బులను ఇతరుల అభ్యున్నతికి ఉపయోగించాలి అని చాణక్య అంటున్నారు.

#4. చెడు పనులు చెయ్యద్దు:

డబ్బులు ఉన్నాయి కదా అని చెడు పనులు చేయద్దు ఇలా చేస్తే ఆ ఇంట్లో లక్ష్మీదేవి ఉండదని ఆచార్య చాణక్య చాణక్య నీతి ద్వారా చెప్పారు.

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు.

చాణక్య నీతి ప్రతి అంశాన్ని కూడా ఎంతో అద్భుతంగా వివరించింది. చాణక్యుడు చెప్పినట్టుగా అనుసరిస్తే సమస్యలే రావుట. పైగా చాణక్యుడు చెప్పినట్టే నడుచుకుంటే జీవితం ఎంతో బాగుంటుంది. ఈరోజు చాణక్య చెప్పిన ముఖ్యమైన విషయాలను చూద్దాం.

#1. మంచి విషయాలను ఆచరించాలి:

ఎలా అయితే మంచి ఆహారం తీసుకోకపోతే అది విషంగా మారుతుందో అలానే మంచి విషయాలను అనుసరించకపోతే గ్రంథాలలోని జ్ఞానం కూడా పనికి రాదని అంటున్నారు చాణక్య. ఇది కూడా విషం లానే ప్రాణాంతకం అవుతుందని అన్నారు చాణక్య.

#2. అభ్యాసాన్ని వదులుకోకూడదు:

అభ్యాసం చాలా ముఖ్యం. ఎప్పుడు కూడా అభ్యాసాన్ని వదులుకోకూడదు.

#3. సాధన:

సాధన ప్రతీ ఒక్కరికి చాలా అవసరం. సాధన చేసారంటే సమస్యలు వుండవు. ఎందుకంటే సాధనతో సమస్యలను మనం పరిష్కరించుకోవడం సులభమట. సాధన మధ్యలోనే వదిలేయడం మంచి పని కాదు. ఇలా చేస్తే అది విషంలా మారుతుంది.

#4. శ్రమిస్తేనే విజయం:

ఏ వ్యక్తి అయినా సరే విజయం సాధించాలంటే శ్రమించాలి. అలానే భవిష్యత్తు విద్యాభ్యాసం మీద ఆధారపడి ఉంటుంది అని ఆచార్య చాణక్య అన్నారు.

#5. వీళ్ళకి ఏ చదువైనా వ్యర్ధమే:

ఎప్పుడు కూడా పనులను చేసుకునేటప్పుడు సరిగ్గా సమయానికి చేసుకోవాలి. కానీ చాలా మంది ప్రతీ పనిని వాయిదా వేస్తూ వుంటారు. అయితే ప్రతీ పనిని వాయిదా వేసే వారికి ఏ చదువైనా సరే వ్యర్ధమే అని ఆచార్య చాణక్య అన్నారు.

#6. మధ్యలో వదిలేయడం మంచిది కాదు

ఎప్పుడు కూడా పనులను వాయిదా వేయడం లేదంటే మధ్యలో వదిలేయడం మంచిది కాదు. చక్కగా సమయానికి పనులను పూర్తి చేసుకోవాలి. మీ పనులను సక్రమంగా పూర్తి చేసుకుంటే విజయాన్ని కూడా చేరుకోవచ్చు.

హైందవ సాంప్రదాయ ప్రకారం పెళ్లి కి చాలా ప్రాధాన్యత ఉంటుంది. అంతకంటే ముఖ్యమైన ప్రాధాన్యత ఆ పెళ్లి జరిపించే విధివిధానాలకు, ఆచారాలకు మరియు సంప్రదాయాలకు ఉంటుంది.

కానీ ఈమధ్య పెరిగిన టెక్నాలజీ పరంగా చాలామంది కొత్త పద్ధతులు అలవర్చుకుంటున్నారు. పెళ్లి ఏర్పాట్లలో ఎన్ని మార్పులు తీసుకొచ్చినప్పటికీ కొన్ని తప్పనిసరిగా అనాది నుంచి మారకుండా వస్తున్నాయి. వాటిలో ముఖ్యమైనవి తాళి ,తలంబ్రాలు, బాసికం. విదేశాల్లో స్థిరపడిన వధూవరులైన సరే సాధ్యమైనంత వరకు మన సంప్రదాయాలకు విలువ ఇచ్చి అన్ని శాస్త్రం ప్రకారమే జరిపించడానికి ప్రాముఖ్యత ఇస్తున్నారు.

మన సంప్రదాయం ప్రకారం జరిగే వివాహాలలో అతి ముఖ్యమైన అంశం పెళ్ళికొడుకు పెళ్ళికూతురికి బాసికం కట్టడం.ఈ బాసికం అనేది కేవలం అలంకారం కోసం కట్టే వస్తువు కాదు. దీని వెనక ఆధ్యాత్మికమైన శాస్త్రీయపరమైన కొన్ని కారణాలు లాభాలు ఉన్నాయని మన పెద్దలు చెబుతుంటారు. మరి ఈ బాసికం కట్టడం వల్ల జరిగే ప్రయోజనాలు ఏమిటో చూద్దామా…

మన శరీరంలో మొత్తం 72 వేల నాడులు ఉండగా అందులో 14 నాడులు చాలా ముఖ్యమైనవి. ఇవి మన శరీరాన్ని అన్నివేళలా ఉత్తేజంగా చురుకుగా ఉంచడానికి అత్యంత ప్రధానమైనవి. ఈ 14 నాడుల్లో కూడా పింగళ,సుషుమ్మ, ఇడ అనేవి అత్యంత ముఖ్యమైన నాడులు అని మన పెద్దల నమ్మకం.సుషుమ్న అనబడే నాడికి సూర్యనాడి కుడి పక్కన ఉండగా , చంద్రనాడి ఎడమ పక్కన ఉంటుంది.

మన నుదుటి భాగంలో ఈ రెండు నాడులు కలవడం వల్ల ఒక అర్థ చంద్రాకారం ఏర్పడుతుంది. మన వేదాల ప్రకారం ఈ భాగాన్ని ఋషులు దివ్యచక్షువు అని పిలుస్తారు. నుదుటభాగాన బ్రహ్మ కొలువుంటాడని కొందరు కాబట్టి వివాహం లాంటి శుభకార్యాలు జరిగే సమయంలో ఇతరుల దృష్టి ఈ దివ్యచక్రంపై సోకకుండా ఉండడానికి అడ్డుగా బాసికం నుదుటకు కడతారు. ఇలా చేయడం వల్ల కొత్తగా పెళ్లి చేసుకున్న జంటకి ఎలాంటి కీడు కష్టం రాదని పెద్దల నమ్మకం. అందుకే చాలా వరకు బాసికాలు అర్థ చంద్రాకారం త్రిభుజాకారం లేక చతురస్త్రాకారంలోనే ఉంటాయి.

‘అట్ల తద్ది’ పండుగను అశ్వీయుజ మాసంలో తదియ తిథి నాడు జరుపుకుంటారు. ఈ రోజు అట్లతద్ది నోము చేసుకుంటే ఎంతో మంచి కలుగుతుంది. ఉదయాన్నే అన్నం తిని, తమలపాకు చెక్క వేసుకుని, ఉయ్యాల ఊగుతూ ఆనందంగా చేసుకునే నోము ఇది.

గోరింటాకులు పెట్టుకుంటారు ఆడపిల్లలు, స్త్రీలు కూడా. ఆ తరవాత రాత్రి దాకా ఉపవాసం ఉండి. చంద్రుడికి పూజ చేసుకుని, కధ చదువుకుని అక్షింతలు వేసుకుని 11 అట్లను ఇస్తారు.

అట్లతద్ది నోము కధ:

పూర్వం ఒకప్పుడు ఒక రాజు కూతురు మంత్రి కూతురు, సేనాపతి కూతురు, పురోహితుని కూతురు ఎంతో స్నేహంగా కలిసి మెలిసి ఆడుతూ పాడుతూ ఉండేవారు. ఆరోజు అట్లతద్ది. రాత్రి చంద్రుడు ఉదయించాక చేసే పూజ కోసం వారు సన్నాహాలు చేసుకుంటున్నారు.

పెద్దలంతా రాత్రికి దేవీ పూజ నైవేద్యం కోసం అటు వేయడంలో నిమగ్నులయ్యారు. ఇంతలో రాజుగారి కూతురు ఆకలితో సొమ్మసిల్లి పడింది. రాజకుమారుడు తన చెల్లి అవస్థ చూసి ఇంద్రజాలం చేశాడు. ఒక అద్దంలో తెల్లని వస్తువు చూపించి అదిగో చంద్రోదయమైంది. అమ్మా కొంచెం పండు తిని సేదతీరి పూజ చేసుకో అన్నాడు.

రాజకుమార్తె అన్నగారి మాట విశ్వసించి ఆహారం సేవించి పూజ చేసుకుంది. అయితే ఈ పూజ నియమం ఏమిటంటే చంద్రోదయం చూసి అప్పుడు పోడశోపచారాలతో ఉమాదేవిని పూజించాలి. అందుకే ఈ వ్రతానికి చంద్రోదయ ఉమావ్రతం అని పేరు వచ్చింది. ఆరోజు స్త్రీలు, దేవిని ఆరాధించి తొమ్మిది అట్లు నైవేద్యంగా పెట్టి, తొమ్మిది -అట్లు వాయనం ఇచ్చి, తొమ్మిది పువ్వుల ముడితో తోరం కట్టుకుంటారు. ఇలా చేస్తే మంచి భర్త లభిస్తాడని నమ్మకం. రాజకుమార్తె తన స్నేహితురాళ్ళతో అన్నీ యథావిధిగానే చేసింది.

కానీ అన్న చెప్పిన మాట నమ్మి చంద్రోదయానికి ముందే భోజనం చేసింది. దీనితో ఆమెకి ముసలిభర్త వస్తాడు. అందరికీ మంచి భర్త వస్తాడు. దీనితో రాజకుమార్తె దిగులు చెంది అందరికీ మంచి భర్త వచ్చారు నాకేమి ఇలా జరిగిందని అడుగుతుంది.

అప్పుడు రాజకుమార్తెతో జరిగింది చెబుతారు స్నేహితురాళ్ళు. అప్పుడు రాజకుమార్తె చేసిన తప్పు తెలుసుకుని మళ్ళీ అట్లతద్దికి చంద్రుడు వచ్చే దాకా ఎదురుచూసి అపుడు ఫలహారం తింటుంది. అట్లతద్ది నోము చేసే ఆడపిల్లలకి మంచి భర్త వస్తారట. అందుకని ఆడపిల్లలు నోచుకుంటారు. వివాహం అయిన వారు చేస్తే సంపద కలిగి ఆనందంగా ఉంటారట.

దసరా.. హిందువులకు అత్యంత ప్రీతిపాత్రమైన పెద్ద పండుగల్లో ఒకటి. దుర్గాదేవి మహిషాసురుడు అనే రాక్షసుడిని సంహరించిన రోజును మనం దసరా పండుగ గా జరుపుకుంటాం. శ్రీ రాముడు తొమ్మిది రోజులు దుర్గను పూజించి.. ఆ తరువాత రావణుడిపై యుద్ధం లో గెలిచాడని చెబుతుంటారు. అందుకే చెడు పై మంచి చేసే యుద్ధానికి ప్రతీకగా దసరా పండుగను వేడుక లా చేసుకుంటారు.

భారత దేశమంతా తొమ్మిది రోజుల పాటు.. తొమ్మిది అవతారాలలో దుర్గాదేవిని పూజిస్తారు. చివరి రోజైన దశమిని “విజయ దశమి” గా జరుపుకుంటారు. ఆ రోజే పాండవులు కూడా తమ ఆయుధాలను శమీ చెట్టు పైనుంచి దింపి పూజ చేసుకుని యుద్ధం చేసారని.. వారు కూడా విజయం సాధించారని చెబుతుంటారు. అందుకే విజయ దశమి రోజున ఎవరి ఆయుధాలను వారు పూజించుకుని ఏ కార్యం తలపెట్టినా విజయం సాధిస్తారని చెబుతారు.

పురాణం లో చెప్పబడ్డ మహిషాసుర వధ కథను తెలుసుకుందాం. పూర్వం మహిషాసురుడు అనే రాక్షసుడు మానవులను, ఋషులను, దేవతలను సైతం హింసించేవాడట. మహిషం అంటే దున్నపోతు అని అర్ధం. ఈ రాక్షసుడి తల కూడా దున్నపోతు తలలా ఉండేదట. అతన్ని సంహరించడం కోసమే.. దేవతలంతా కలిసి దుర్గాదేవిని సృష్టించారట. అయితే.. ఆమె అందాన్ని చూసి మహిషాసురుడు మోహిస్తాడట. తనను పెళ్లి చేసుకోవాలని కోరతాడట.

అందుకు ఆ అంబ కొన్ని షరతులు పెడుతుంది. తనతో యుద్ధం చేసి గెలవాలని కోరుతుంది. గెలిస్తే.. పెళ్లాడతానని మాటిస్తుంది. అలా మొదలైన యుద్ధం తొమ్మిదిరోజుల పాటు సాగుతుంది. తొమ్మిదవరోజున, అమ్మ మహిషాసురుడిని అంతం చేస్తుంది. అతని తలని నరికేస్తుంది. ఆరోజు ప్రజలంతా పండగ చేసుకుంటారు. అందుకే నేటికీ.. కొన్ని ప్రాంతాలలో దున్నపోతు తలను నరికి అమ్మకు బలిస్తుంటారు. ఈ తొమ్మిది రోజుల పాటు తొమ్మిది రూపాలలో దుర్గాన్ని కొలిచి.. ఆమెను ప్రసన్నం చేస్తారు.

మరో కథ కూడా ప్రచారం లో ఉంది. అమ్మ వారు పరమేశ్వరుడి దగ్గర ఓ వరం పొందుతుంది. అదేంటంటే..ప్రతి ఏటా తొమ్మిది రోజుల పాటు ఆమె తన తల్లి అయిన భూమి వద్ద ఉండడానికి శివుడు ఆమెకు వరమిస్తాడు.  అందుకే ప్రతి ఏడాది ఆమె వచ్చే తొమ్మిది రోజులను మనం నవరాత్రులుగా జరుపుకుని ఆమెను సంతుష్టపరుస్తాం. దసరా రోజున, చాలా ప్రాంతాల్లో ఆయుధ పూజలు చేస్తారు. తమ కార్యాలు విజయవంతం కావాలని అమ్మవారిని వేడుకుంటారు.

ఆశ్వయుజ మాసం వచ్చిందంటే చాలు తెలంగాణలో ప్రతి ఊరు, ప్రతి వాడలో బతుకమ్మ సంబరాలు మొదలవుతాయి. అచ్చ తెలంగాణ ఆడపడచు ప్రతి ఏడూ పుట్టింటికి వెళ్లి చేసుకునే పండగే బతుకమ్మ. దసరాకు తొమ్మిది రోజుల ముందే బతుకమ్మ వేడుకలు మొదలవుతాయి.

అత్తింటి నుంచి పుట్టింటికి చేరుకున్న ఆడపిల్లలు రకరకాల పూలను త్రికోణాకారం లో పేర్చి బతుకమ్మను ఆహ్వానిస్తారు. ఆ బతుకమ్మను ఆడపిల్లలంతా ఓ చోట పేర్చి.. దాని చుట్టూ తిరుగుతూ పాటలు పాడుతూ.. ఆటలు ఆడుతూ ఉంటారు. “బతకమ్మ బతకమ్మ ఉయ్యాలో బంగారు బతుకమ్మ ఉయ్యాలో” అంటూ బతుకమ్మ చుట్టూ తిరుగుతూ పాట పాడుతారు. ఎంగిలి పువ్వు బతుకమ్మతో మొదలుపెట్టి దసరా కి ముందు చేసే సద్దుల బతుకమ్మ వరకు ప్రతి ఇంట్లోనూ సంబరమే నెలకొని ఉంటుంది.

మగవాళ్లేమో తంగేడు, గూనుగ వంటి రకరకాల పూలను ఉత్సాహంతో సేకరిస్తారు. ఆడపిల్లలు తాము అందం గా అలంకరించుకుని.. ఈ పూలను కూడా బతుకమ్మకు అలంకరించి ముస్తాబు చేస్తారు. ఈ బతుకమ్మను మధ్యలో పెట్టి.. చుట్టూ తిరుగుతూ పాటలు పాడుతారు.. ఆటలు ఆడుతారు. ఆ తరువాత ఈ బతుకమ్మను తీసుకెళ్లి నీటిలో వదిలివేస్తారు.

బతుకమ్మని నీటిలోనే ఎందుకు వదిలేస్తారో తెలుసా? రాబోయే కాలం వర్షాకాలం. ఈ కాలం లో వాగులు, నదులలో నీరు పొంగి ఉంటుంది. బతుకమ్మలో పెట్టె గానుగ, తంగేడు పూలకు నీటిని శుభ్రపరిచే గుణం ఉంటుంది. అందుకే బతుకమ్మను నీటిలో వదిలివేస్తే ఈ పూలు నీటిని శుభ్రపరిచి పర్యావరణాన్ని కాపాడతాయని పెద్దలు అలాంటి ఆనవాయితీ ని పెట్టారు.

చాలామంది తిరుమలలో ఉన్న శ్రీవారిని దర్శించుకుంటూ ఉంటారు. విదేశాలలో ఉండే భారతీయులు కూడా భారతదేశానికి వచ్చినప్పుడు తిరుమలకు వెళుతూ ఉంటారు. శ్రీవారిని దర్శించుకోవడం వల్ల అంతా మంచి కలుగుతుందని ఏడు కొండలు ఎక్కి వెళ్లే వాళ్లు కూడా చాలా మంది ఉంటారు.

అయితే శ్రీవారిని దర్శనం చేసుకునేటప్పుడు ఎక్కువ మంది ఈ తప్పులు చేస్తారట. మీరు కూడా చాలా సార్లు తిరుమల వెళ్లారా..? మీరు ఈ తప్పులు చేశారేమో చూసుకోండి.

ఈ తప్పులను చూసి మరోసారి తిరుమల వెళ్లినప్పుడు వాటిని చేయకండి. మరి తిరుమల వెళ్లే వాళ్ళు ఎటువంటి తప్పులు చేయకూడదు అనేది తెలుసుకుందాం. స్వామివారిని దర్శనం చేసుకునేటప్పుడు ఈ నియమాలను తప్పనిసరిగా పాటించాలి.

వెంకటేశ్వర స్వామి దర్శనం కోసం వచ్చేవాళ్ళు కచ్చితంగా అమ్మవారిని కూడా మనం దర్శనం చేసుకోవాలి. తిరుచానూర్ పద్మావతి అమ్మవారిని శ్రీవారిని దర్శనం చేసుకోవడానికి వచ్చిన వాళ్ళు దర్శనం చేసుకోవాలి. దీని వెనుక అర్థం ఏమిటంటే మనం సాధారణంగా మనకి ఏం కావాలన్నా అమ్మని అడుగుతాము. అమ్మ నాన్నని అడిగి ఒప్పిస్తుంది ఇక్కడ కూడా అదే జరుగుతుంది. అందుకనే కచ్చితంగా ఇద్దరి దర్శనాలు చేసుకోవాలి.

వెంకటేశ్వర స్వామి దర్శనం చేసుకునే ముందు శ్రీ గోవింద రాజుల స్వామి వారి గుడిని కూడా దర్శించుకోవాలి. పాలకడలిలో ఉండే శ్రీమహావిష్ణువే గోవిందరాజులు వారు. అలానే తిరుమల కి వెళ్ళాలి అంటే మీరు అలిపిరి మెట్లు కానీ శ్రీవారి మెట్టు నుండి కానీ వెళ్ళవచ్చు. ఇది నిజంగా ఉత్తమం.

వరాహ నరసింహస్వామి వారిని కూడా తప్పక దర్శించుకోవాలి. ఎందుకంటే మనం ఇప్పుడు వెంకటేశ్వర స్వామి వారిని దర్శనం చేసుకుంటున్నాం అంటే దానికి కారణం వరాహ నరసింహ స్వామి వారు. తిరుమల కొండల్లో మొట్టమొదటిసారి వరాహ నరసింహస్వామి వారు ఉండేవారు అయితే తిరుమలలో ఉండడానికి వెంకటేశ్వర స్వామి వారికి కొంత స్థలం కావాలని వరాహ నరసింహస్వామి వారిని అడగగా… దానికి బదులుగా వెంకటేశ్వర స్వామి వారు ప్రథమ పూజ, ప్రథమ నైవేద్యం వరదం నరసింహ స్వామి వారికి ఇస్తానని మాటిచ్చారు.

కనుక వెంకటేశ్వర స్వామి వారిని దర్శించుకోవడానికి వెళ్లేవారు మొట్టమొదట వరాహ నరసింహస్వామి వారిని దర్శించుకుంటే మంచిది. ఇలా వెంకటేశ్వర స్వామి వారి దర్శనానికి వెళ్లే వారు ఆచరిస్తే స్వామివారి అనుగ్రహం మీకు కలుగుతుంది.

Also Read: నవరాత్రుల్లో తినకూడని పదార్థాలు ఏవో తెలుసా..?