Mythology

భారతీయుల్లో ఎక్కువ మంది తులసి మొక్కని పవిత్రంగా భావిస్తూ ఉంటారు. ముఖ్యంగా హిందువులు ఈ మొక్కకి పెద్ద పీట వేస్తారు. దాదాపు ప్రతి హిందువు ఇంట్లోనూ ఓ తులసి మొక్క కచ్చితంగా ఉంటుంది. ఎంతో పవిత్రంగా దానిని పూజించుకుంటూ.. ఉదయం, సాయం సమయాల్లో ఆ మొక్క వద్ద దీపారాధన చేసుకుంటూ ఉంటారు.

ఇలా చేసుకుంటే శుభప్రదమని హిందువులు విశ్వసిస్తారు. అయితే.. అటువంటి తులసి మొక్క వద్ద కొన్ని వస్తువులను ఉంచకూడదని, ఉంచితే లక్ష్మి దేవి ఆగ్రహిస్తుందని చెబుతుంటారు.

ఇంతకీ ఆ వస్తువులు ఏంటో ఇప్పుడు తెలుసుకుందాము. తులసి మొక్కను హిందువులు నారాయణుడి రూపంగా భావించి పూజిస్తారు. అందుకే చాలా మంది తూరుపు దిక్కుగా తులసి కోటని ఏర్పాటు చేసుకుని పూజిస్తూ ఉంటారు. తులసి మొక్క ఆకులని కూడా పూజలలో భాగంగానే ఉపయోగిస్తూ ఉంటారు. అయితే ఈ మొక్కకి ఏదైనా సమస్య వచ్చినా.. ఆ ఇంట్లో ఏదో ఉపద్రవం రాబోతోందని భావిస్తారు.

తులసి కోట నారాయణ రూపం అయితే.. తులసి మొక్క లక్ష్మి దేవి రూపం అన్న సంగతి మరిచిపోకూడదు. అందుకే.. తులసి మొక్కని అపవిత్రం ట్రీట్ చేస్తే లక్ష్మి దేవి ఆగ్రహిస్తుందని పండితులు చెబుతుంటారు. తులసి మొక్కని ఎప్పుడు అందంగా ఉంచాలి. చుట్టూ ఉన్న పరిసరాలను పరిశుభ్రంగా ఉంచాలి. తులసి మొక్క చుట్టూ చెత్త చెదారం లేకుండా చూసుకోవాలి.

అలాగే.. తులసి మొక్కకు దగ్గరలో చెప్పులను షూలను విడువకూడదు. అలాగే తులసి మొక్క చుట్టూ పక్కల ప్రాంతాలలో బకెట్ నిండా నీటిని నింపి ఉంచకూడదు. ఎందుకంటే నీరు నిండి ఉన్న బకెట్ నుంచి నెగటివ్ ఎనర్జీ వస్తూ ఉంటుంది. ఈ నెగటివ్ ఎనర్జీ తులసి మొక్కని చేరి ఆ ఇంటికి ఎన్నో ఇబ్బందులు వచ్చే అవకాశం ఉంటుంది. అందుకే తులసి మొక్క చుట్టూ ఉండే పరిసర ప్రాంతాలను పరిశుభ్రంగా ఉంచుకోవాలి.

భారతీయ సనాతన ధర్మం భారతీయులకు ఎన్నో మంచి గ్రంధాలను అందించింది. పురాణాలే కావచ్చు, ఇతిహాసాలే కావచ్చు.. మనిషి జీవన విధానాలు ఎలా ఉండాలి..? అన్న విషయమై ఈ గ్రంధాలు ఎంతో గొప్పగా మార్గదర్శకం చేసాయి. అటువంటి పురాణాలలో విష్ణు పురాణం కూడా ఒకటి. శ్రీ మహా విష్ణువు అవతారాలు, శక్తీ మహాత్యాల గురించి వివరించే విష్ణు పురాణంలో మనిషి జీవన విధానం గురించి ఓ విషయం స్పష్టంగా వివరించబడింది. “అతి సర్వత్ర వ్యర్జయేత్” అని మన పెద్దలు ఎప్పటినుంచో చెప్తూనే ఉన్నారు.

ఎంత పని అయినా.. ఎలాంటి చోట అయినా.. అతిగా ప్రవర్తించడం మంచిది కాదు. ప్రతి పని లోనూ అతిని తగ్గించుకోవాలి. అయితే.. విష్ణు పురాణం ప్రకారం ముఖ్యంగా ఈ ఆరు పనులను ఎక్కువగా చేస్తుంటే.. అవి కచ్చితంగా అనారోగ్య సమస్యలను తీసుకొస్తాయట. దాని వలన కొన్నిసార్లు మరణం వరకు వెళ్లే ప్రమాదం ఉంటుందట. అవేంటో తెలుసుకుని.. అటువంటి పనుల్లో అతిని తగ్గించుకోండి.

#1 స్నానం: మానవ జీవితంలో స్నానం ముఖ్య పాత్ర పోషిస్తుంది. ప్రతి మనిషికి స్నానం చేయడం అవసరమే. కానీ.. ఇది పరిమితిని మించకూడదు. అవసరమైన సమయం కంటే.. ఎక్కువ సేపు స్నానం చేయడం వలన అనారోగ్య సమస్యలు వచ్చే ప్రమాదం ఉంటుంది. కాబట్టి కొంత సమయం వరకే స్నానం కోసం కేటాయించుకోవాలి.

#2 నిద్ర: ఇక రెండవది నిద్ర. నిద్ర మనిషికి ఎంత అవసరమో చెప్పక్కర్లేదు. నిద్ర ఎక్కువైనా, తక్కువైనా ఇబ్బందులు తప్పవు. అందుకే అతి నిద్రను మానుకోవాలి.. అలా అని అసలు నిద్ర పోకుండా పనులు చేసుకోవడం కూడా మంచిది కాదు. కనీసం 6 నుంచి 7 గంటలు హాయిగా నిద్రపోవాలి.

#3 రాత్రి వేళల్లో రహదారుల్లో తిరగడం: రోడ్లు ఖాళీగానే ఉంటాయి కదా అన్న ఉద్దేశ్యంతో చాలా మంది రాత్రి వేళల్లో రహదారుల్లో తిరుగుతూ ఉంటారు. ఇది కూడా అంత మంచిది కాదు. ఎటువైపు నుంచి ఏ పరిస్థితి వస్తుందో ఎవ్వరికీ తెలియదు. చీకటిలో పరిస్థితిని మనం గమనించే లోపే ప్రాణాలు కోల్పోయే పరిస్థితి రావచ్చు. అందుకే రాత్రి వేళల్లో రహదారుల్లో సంచారం చేయడం మంచిది కాదు.

#4 స్మశానం లో తిరగడం: స్మశానం లో కూడా ఎక్కువ సేపు ఉండడం మంచిది కాదు. ఎందుకంటే ఆ ప్రదేశంలో ఎక్కువగా నెగటివ్ ఎనర్జీ ఉంటుంది. అక్కడ ఉండే గాలి కూడా స్వచ్ఛమైనది కాదు. అక్కడ ఎక్కువ సేపు ఉండడం వలన శరీరంలో అనేక మార్పులు చోటు చేసుకుంటాయి. అక్కడి గాలి ఎక్కువసేపు పీల్చడం వలన ఊపిరితిత్తులలో ఇబ్బంది కూడా ఎదురవుతుంది.

#5 నెగటివ్ ఆలోచనలు ఉన్న వ్యక్తులకు దూరంగా ఉండడం: మనం మన చుట్టూ ఉండే వ్యక్తుల వలన ప్రభావితం అవుతూ ఉంటాము. మన చుట్టూ ఉండే వ్యక్తులు నెగటివ్ ఎనర్జీ ఉన్న వారు అయితే వారి వలన మనం కూడా నెగటివ్ గా ఆలోచిస్తూ ఉంటాము. అందుకే.. నెగటివ్ గా ఉండే వ్యక్తుల వద్ద ఎక్కువ సేపు ఉండకూడదు. వారికి దూరంగా ఉండడమే మంచిది.

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది.

ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది.

చాణుక్యుడు తన చాణక్య నీతిలో కుటుంబంలోని ఇంటి పెద్దలు ఎలా నడుచుకోకూడదో కూడా వివరించారు. భారత దేశంలో ప్రస్తుతం ఎక్కువ పితృస్వామ్య వ్యవస్థే నడుస్తోంది. ఇంట్లో పిల్లలు ముఖ్యంగా ఇంట్లోని పెద్దలని చూసే అనుకరిస్తూ ఉంటారు. అందుకే పెద్దలు తమ ప్రవర్తన పట్ల జాగరూకతతో వ్యవహరించాలి. ఇంటి పెద్ద ఎల్లప్పుడూ అందరితో ఉత్తమ సంబంధాలను నడుపుతూ ఉండాలి.

ఇంటి పెద్దలు ఎల్లప్పుడూ ఆహారాన్ని వృధా చేయకూడదు. ఆహారాన్ని గౌరవించాలి. దీనిని పెద్దలు ఆచరించి పిల్లలకు కూడా అలవాటు చేయాలి. ఎంత అవసరమో అంతే పెట్టుకోవాలి. పిల్లలు కూడా పెద్దలని చూసే నేర్చుకుంటారు కాబట్టి ఈ విషయంలో జాగ్రత్త తప్పనిసరి. అలాగే అందరితోనూ సరదాగా మాట్లాడాలి. కేవలం అధికారం చూపడం కాకుండా.. అందరి మాటలను వినాలి, చర్చించాలి.

అలాగే ఇంటి పెద్ద ఎప్పుడూ భవిష్యత్ ను దృష్టిలో పెట్టుకుని నడుచుకోవాలి. ఒక్కోసారి వృధా ఖర్చులు ఇబ్బంది పెడుతూ ఉంటాయి. అందుకే డబ్బుని ఆదా చేసుకోవాలి. అవి కష్ట సమయాల్లో ఆదుకుంటాయి. ఏదైనా నిర్ణయం తీసుకునే ముందు ఎక్కువ సార్లు ఆలోచించుకోవాలి. ఎప్పుడూ తొందరపాటుతో నిర్ణయాలు తీసుకోకూడదు.

మనం నిద్రపోతున్న కూడా మన మెదడు పని చేస్తున్నప్పుడు వచ్చేవే కలలు. మనిషికి కలలు రావటమనేది ఎంతో సహజం. కలల్లో ఎన్నో రకాలు ఉంటాయి. కొన్ని మంచివి, కొన్ని భయపెట్టే ఇంకొన్ని ప్రమాదకరమైనవి. కొన్ని కలలు ఎందుకు వచ్చాయో దానికి సమాధానం కూడా దొరకదు. అంటే పైన చెప్పిన రకాల్లో మనకొచ్చిన కల ఏ కోవకు చెందుతుందో తెలియని కలలు కూడా ఉంటాయి.

అందులో ఒకటే చనిపోయిన మన పూర్వీకులు మన కల లోకి రావడం. అలా వచ్చినప్పుడు మనకి మంచి జరుగుతుందో, లేదా వాళ్ళు మనతో ఏదైనా చెప్పడానికి వచ్చారు లాంటి ఎన్నో అనుమానాలు వస్తుంటాయి. ప్రతీ కలకి ఒక అర్థం ఉంటుంది. అలాగే ఇలాంటి కలలకి కూడా కొన్ని అర్థాలు ఉన్నాయి. అవేంటంటే

మామూలుగా హిందూ ఆచారాల ప్రకారం చనిపోయిన వాళ్లకి కర్మ, అలాగే వాళ్లని ప్రతి సంవత్సరం స్మరించుకుంటూ సంవత్సరీకం కూడా చేస్తాం. పురాణాల ప్రకారం అలా క్రమం తప్పకుండా సంవత్సరికం చేసే కుటుంబాలలో మంచి జరుగుతుంది అని చెబుతారు. అలాగే ఆ చనిపోయిన పూర్వీకుల ఆశీస్సులు కూడా వారిపై ఉంటాయని చెబుతారు.

చనిపోయిన వాళ్ళు నవ్వుతూ లేదా ఆశీర్వదిస్తున్నట్లు కనబడితే దాని అర్థం మనకి ఏదో మంచి జరుగబోతోంది అని. మీరు ఏదైనా పని చేయాలి అనుకుంటే కానీ మధ్యలో ఎన్నో ఇబ్బందులు ఎదురవుతుంటే, పూర్తి చేయడం కష్టం అవుతున్న సమయంలో ఎవరైనా మీకు తెలిసిన పెద్దవాళ్ళు ఆ ఇబ్బందుల నుండి నుండి మీకు బయటికి రావడానికి సహాయం చేస్తే అది పరోక్షంగా మీ పూర్వీకులు మీకు సహాయం చేసినట్లే. మీ పూర్వీకుల ఆశీస్సులు అలా వారి రూపంలో వచ్చి  మిమ్మల్ని ముందుకు నడిపించడానికి ప్రయత్నం చేస్తాయి.

మీ పూర్వీకులు యాక్సిడెంట్ లాంటివాటిలో కాకుండా సహజ మరణానికి గురైతే, ఖచ్చితంగా వారు మీ మంచినే కోరుకుంటారు. వారు మీ కలలో వస్తే మీరు చేస్తున్న పనులు ఇంకా చేయబోయే పనులు సరిగా పూర్తవ్వాలని, మీరు జీవితంలో ఎంతో ముందుకెళ్లాలి అని వారు కోరుకుంటున్నారు అని అర్థం.

మీకు అనుకోని సమయంలో డబ్బులు వచ్చిన, కొత్త వ్యాపారాలు ఏమైనా ప్రారంభించిన, తలపెట్టిన పనులు సమయానికి పూర్తి అయిన, అలాగే ఎప్పటినుండో వాయిదా పడిపోయిన పనులు పూర్తయినా కూడా అందులో పూర్వీకుల ఆశీస్సులు కొంత ప్రాతినిధ్యం వహిస్తాయి.అది కూడా ప్రత్యేకించి కర్మలు చేసే సమయంలో ఇలాంటి సంఘటనలు ఎదురైతే కచ్చితంగా అందులో మీ పూర్వీకుల ఆశీస్సులు తప్పకుండా ఉన్నట్టు అర్థం.

మీరు మీ తోబుట్టువులను తల్లిదండ్రులను బాగా చూసుకుంటునట్లయితే మీ చనిపోయిన పెద్దవాళ్ళ దీవెనలు మీకు మెండుగా ఉంటాయి. ఇప్పటివరకు మనం చెప్పినవన్నీ పూర్వీకులు కలలో కనిపించిన ఇప్పుడు జరిగే విషయాలు. కానీ మీకు కలలో పాములు రావడం కూడా మీ పూర్వీకులకు సంబంధించిన విషయమే. అవును. మీకు కలలో పాములు కనబడితే మీ పూర్వీకులు ఎల్లప్పుడూ మీ మంచినే కోరుకుంటారు, మీరు చేసే ప్రతి మంచి పనికి వారి ఆశీస్సులు కచ్చితంగా ఉంటాయి అని అర్థం. అలాగే వారు ఏదో ఒక లోకంలో సుఖంగా ఉన్నట్టు మనకు చెబుతున్నట్టు కూడా ఆ కల సూచిస్తుంది.

representative image

ఇవన్నీ శాస్త్రాలు చెబుతున్న విషయాలు. కానీ ఒకసారి మనం సాధారణంగా ఆలోచిస్తే ఇలా కలలు రావడానికి ఇంకో కారణం కూడా ఉంది. మీరు ఒకవేళ రోజు మొత్తంలో ఆ వ్యక్తిని ఒక్కసారైనా గుర్తు చేసుకున్నప్పుడు, అలా గుర్తు చేసుకున్న సమయంలో మీ మెదడు దృష్టి అని ఆ విషయం మీద కేంద్రీకరిస్తే, తర్వాత మనం వేరే ఎన్ని పనులు చేసుకున్నా, మనం ఆ వ్యక్తి గురించి శ్రద్ధతో విన్నాం కాబట్టి ఆ విషయం మన మెదడులో స్టోర్ అయిపోయి ఉంటుంది. అలాంటప్పుడు ఆ వ్యక్తి మన కలలోకి వస్తారు అని కూడా అంటారు.

representative image

ఏది ఏమైనా దీన్ని బట్టి అర్థమైంది ఏంటి అంటే మన పూర్వీకులు ఒకవేళ మన కలలోకి రావడానికి దాదాపుగా ఉన్న కారణం వారు మన మంచిని కోరుకోవడం, మనకు ఏదో ఒక రూపంలో వారి సహాయాన్ని అందించడానికే అని తెలుస్తోంది.

సమాజంలో నాస్తికులతో పాటు ఆస్తికులు కూడా ఉంటారు. దేవునిపై ఎటువంటి నమ్మకం లేని వారిని నాస్తికులు అని పిలిస్తే.. నమ్మకం కలిగిన వారిని ఆస్తికులు అని అంటాం. అయితే.. వీరందరికీ అతీతంగా సన్యాసులు తమ ధర్మాలను నిర్వర్తిస్తూ ఉంటారు. వారు సర్వసంగ పరిత్యాగులు. దైవారాధన తప్ప తక్కిన విషయాలను పట్టించుకోరు.

అయితే.. ఒక ట్రైన్ లో నాస్తికురాలు అయిన ఓ అమ్మాయికి తన ఎదురు సీట్ లో ఓ సన్యాసి కనిపిస్తాడు. కాలక్షేపం కోసం మొదలు పెట్టి అతనితో ఎగతాళిగా మాట్లాడుతుంది. తనకు దేవుడు ఉన్నాడో లేదో తెలియాలి అని అడుగుతుంది.

అయితే.. ఆ సన్యాసి ఒక సారి ఆమె వైపు చూసి ఏమి మాట్లాడకుండా నిశ్శబ్దంగా ధ్యానం చేసుకుంటూ ఉంటాడు. ఆ సన్యాసి ఏమీ మాట్లాడక పోవడంతో ఆమె మరోసారి రెట్టించి అడుగుతుంది. నాకు దేవుడి చిరునామా ఎక్కడ ఉందొ తెలుసుకోవాలని ఉంది అంటూ మరోసారి ప్రశ్నిస్తుంది. దీనితో ఆ సన్యాసి చిరునవ్వుతో బదులిస్తాడు. నీకు ఓ కథ చెబుతాను.. బహుశా ఆ కథలో నీకు సమాధానం దొరకవచ్చు అని చెబుతాడు.

పూర్వం ఓ ఊళ్ళో ఓ కుటుంబంలో తల్లి తండ్రులు తమ కూతురుకి పెళ్లి చేయాలనీ అనుకుంటారు. తమ ఇంటి పక్కన ఉండే వారి కుమారుడు తమ కుమార్తెకి అన్ని విధాలా తగిన వాడని భావిస్తారు. అయితే.. అతన్ని పెళ్లి చేసుకోవడానికి ఆ అమ్మాయి ఒప్పుకోదు. ఊళ్ళో అందరికంటే గొప్పవారు ఎవరైతే ఉంటారో.. ఆయననే పెళ్లి చేసుకుంటానని ఆ అమ్మాయి మొండికేస్తుంది. ఊళ్ళో కాదు.. ఈ రాజ్యంలోనే అందరికంటే గొప్పవారు రాజు గారు అని ఆమెకు తెలుస్తుంది. వెంటనే రాజుగారిని పెళ్లి చేసుకోవాలని అనుకుంటుంది. ఇంట్లో తల్లి తండ్రులు ఎంత చెప్పినా వినిపించుకోదు.

తీరా రాజుగారి దగ్గరకు వెళ్లి తనను పెళ్లి చేసుకోమని అడగాలని అనుకుంటుంది. అంతలోనే రాజుగారు దారిన పోయే ఓ సన్యాసికి నమస్కారం పెట్టడం చూస్తుంది. ఆ సన్యాసే రాజుగారి కంటే గొప్ప అని భావించి ఆయనని పెళ్లి చేసుకోమని అడగాలని అనుకుంటుంది. ఆయన వద్దకు వెళ్ళేలోపు ఆయన పక్కన ఉన్న వినాయక విగ్రహానికి దణ్ణం పెట్టుకుంటూ ఉంటాడు. అయితే విగ్రహాన్ని పెళ్లి చేసుకోవాలనుకుంటుంది. అంతలోనే ఓ కుక్క వచ్చి విగ్రహం కింద కాలు లేపి మూత్ర విసర్జన చేసేస్తుంది. దీనితో విగ్రహం కంటే ఆ కుక్కే శ్రేష్టమైనదని ఆ అమ్మాయి విశ్వసిస్తుంది.

ఆ కుక్క వెనకాలే పరిగెడుతుంది. అంతలోనే ఓ పిల్లవాడు ఆ కుక్కని ఓ రాయి పెట్టి కొట్టగానే కుక్క పారిపోతుంది. దీనితో.. ఆ పిల్లవాడు అందరికంటే గొప్ప అని ఆ అమ్మాయి అనుకుంటుంది. ఆ పిల్లవాడిని పెళ్లి చేసుకోమని అడుగుదామనుకుంటుంది. అంతలోనే ఓ యువకుడు వచ్చి ఆ పిల్లవాడి చెవి మెలితిప్పి కుక్కని ఎందుకు కొట్టావు అని అడుగుతాడు. దీనితో ఆ పిల్లవాడిని మందలించిన యువకుడే గొప్పవాడు అని ఆమె భావించి, అతనినే పెళ్లి చేసుకోవాలని అనుకుంటుంది. తన తల్లి తండ్రులకు కూడా వెళ్లి చెబుతుంది. ఇంతకీ ఆ యువకుడు ఎవరో కాదు. వారి ఇంటి పక్కన నివసించే వారి కుమారుడే. ఈ కథ అంతా చెప్పాక ఆ సన్యాసి ఇలా వివరిస్తాడు. ఈ కథలో అమ్మాయిలాగానే మనం దేవుడి కోసం ఎక్కడెక్కడో వెతుకుతాము. కానీ, ఆయన మన హృదయాంతరాల్లోనే ఉన్నాడని తెలుస్తుంది. అక్కడ మాత్రమే మనం ఆయన్ను చూడగలం అని చెబుతాడు. అదే దేవుని చిరునామా అని చెబుతాడు.

మార్చి 15వ తేదీన మీన రాశి లోకి సూర్యుడు ప్రవేశిస్తాడు. దీని మూలంగా సృజనాత్మకత, ఆధ్యాత్మికత అంశాలపై ప్రభావం పడుతుంది. అయితే ఏ రాశుల వారి మీద ఎలాంటి ప్రభావం పడుతుంది అనేది ఇప్పుడు చూద్దాం. జ్యోతిష్య శాస్త్రం దీని గురించి ముఖ్యమైన విషయాలను చెబుతోంది.

రాశిచక్రంలోని రాశులు ద్వారా సూర్యుడు సంచారం వలన జీవితం పై ప్రభావం పడుతుంది. అయితే మరి మీ రాశి మీద ఎలాంటి ప్రభావం పడిందో కూడా చూసేయండి.

మేష రాశి:

మేష రాశి వాళ్లు ఆచితూచి వ్యవహరించడం చాలా ముఖ్యం. ఉద్యోగులకు కలిసివస్తుంది. అలానే మీ ఖర్చులకి తగ్గట్టుగా ప్లాన్ చేసుకోండి. పిల్లల విషయంపై నిరాశ కలుగుతుంది.

వృషభ రాశి:

రియల్ ఎస్టేట్ లో పెట్టుబడులకు అనుకూలం. మీ ఇమేజ్ కూడా బాగా పెరుగుతుంది. బంధాలు బలపడతాయి. మీ కుటుంబంతో పాటు కలిసి పనులు చేస్తే మంచి ఫలితం వస్తుంది.

మిధున రాశి:

మీరు మంచిగా బాధ్యతలు నెరవేరుస్తారు. చక్కటి ప్రశంసలు అందుకుంటారు. ఇది మీకు చాలా అనుకూలమైన సమయం. పైగా మీ శ్రమకు తగ్గ ఫలితం కూడా మీకు అందుతుంది.

కర్కాటక రాశి:

వ్యాపారస్తులకు ఇది మంచి సమయం. అలానే మీ నైపుణ్యాలను బయట పెట్టడానికి ఇదే సరైన సమయం. దీర్ఘకాలిక పెట్టుబడులు చేస్తే మంచిది. అలానే మీరు వ్యాపారాన్ని విస్తరించాలనుకుంటే కూడా కలిసి వస్తుంది.

సింహరాశి:

మీరు వెళ్లే మార్గంలో అడ్డంకులు ఎదురయ్యే అవకాశం ఉంటుంది. కాబట్టి కాస్త ఆచితూచి వ్యవహరించండి. ఉద్యోగ సమస్యలు కూడా ఉండే అవకాశం వుంది. స్టాక్ మార్కెట్ వంటివాటిలో డబ్బులు పెట్టే ముందు జాగ్రత్తగా ఉండండి.

కన్య రాశి:

వృత్తిపరంగా ఇబ్బందులు వచ్చే అవకాశం ఉంది. చిన్నచిన్న వాటి వల్ల మనస్సు ప్రశాంతంగా ఉండకపోవచ్చు. జీవిత భాగస్వామితో సమస్యలు వచ్చే అవకాశం ఉంది.

తులారాశి:

మీ సామర్థ్యం చాలా విలువైనది అని సహచరులు నమ్ముతారు. ఉన్నతమైన లక్ష్యాలను పెట్టుకుంటారు. చట్టపరమైన సమస్యలలో మీకు అనుకూలంగా తీర్పు వస్తుంది.

వృశ్చిక రాశి:

వ్యాపారస్తులకు ఇదే సరైన సమయం. విద్యార్థులు ప్రతిభ చాటుతారు. అలానే విద్య పరంగా అనుకున్న లక్ష్యాలను సాధించే అవకాశం ఉంది.

ధనస్సు రాశి:

మీరు మీ పనిలో మునిగిపోయి కుటుంబాన్ని నిర్లక్ష్యం చేసే అవకాశం ఉంది. కాబట్టి కుటుంబంపై కూడా దృష్టి పెట్టండి. అలానే మీ వలన మీ సంస్థ అభివృద్ధి చెందుతుంది. ప్రశంసలు అందుకుంటారు.

మకర రాశి:

మీరు ఎంతో మొండిగా కఠినంగా వ్యవహరించే అవకాశం ఉంది. వృత్తి పరమైన విషయాలు మాట్లాడేటప్పుడు కాస్త జాగ్రత్తగా ఉండండి. ఉద్యోగ సంబంధిత బదిలీలు జరిగే అవకాశం కూడా ఉంది.

కుంభరాశి:

సహోద్యోగులతో విభేదాలు రావచ్చు. కనుక ఈ విషయంలో జాగ్రత్తగా ఉండండి. అలానే పెట్టుబడులు పెట్టేటప్పుడు జాగ్రత్తగా వుండండి.

మీన రాశి:

పనులను సకాలంలో పూర్తి చేయడంలో నిదానంగా వున్నా నైపుణ్యాలను ప్రదర్శించే అవకాశం లభిస్తుంది. మీరు కాస్త అహంకారంతో ఉండే అవకాశం కూడా ఉంది కాబట్టి ఈ విషయంలో జాగ్రత్తగా ఉండటం మంచిది.

భారత్ సనాతన సంప్రదాయాలకు, సంస్కృతికి, రకరకాల కళలకు ప్రసిద్ధి. భారత దేశంలో ప్రసిద్ధి గాంచిన కళలలో శిల్ప కూడా ఒకటి. భారత దేశంలోని హిందూ దేవాలయాల్లో కనిపించే శిల్పాలు, వాటి అందం ప్రపంచంలో మరెక్కడా కానరాదు. దేవాలయాల బయట కనిపించే శిల్పాలు ప్రాణం ఒక్కటే తక్కువ అన్నట్లు ఉంటాయి. ఆ బొమ్మలకి కన్నులు, చెవులు, చేతులు, కళ్ళు ఇలా అన్ని అవయవాలు అచ్చంగా మనుషులకు ఉన్నట్లే ఉంటాయి.

బండరాళ్లను చెక్కి శిల్పులు ఇలాంటి శిల్పాలను రూపొందిస్తుంటారు. వారి ప్రాణం పెట్టి ఈ బొమ్మలకి లేని ప్రాణాన్ని పోస్తుంటారు. చూడడానికి ఎంతో అందంగా, ఆహ్లాదంగా కనిపించే ఈ శిల్ప కళ భారత దేశానికే సొంతం. పూర్వం కాలంలో ఇప్పటిలా పుస్తకాలూ, పెన్ను, పేపర్లు లేని కాలంలో అప్పటి చరిత్రని తెలియ చెప్పడానికి ఈ శిల్ప కళ ఎంతగానో దోహదపడింది.

అప్పటి కాలం నాటి వస్తువుల వాడకం, అప్పటి ప్రజల అలవాట్లు, కట్టు బొట్లు, ఆచార వ్యవహారాలు ఇవన్నీ ఈ పురాతన శిల్పాలలో గోచరిస్తూ ఉంటాయి. వీటిని చూసి మన పూర్వ ప్రజలు ఎలా నివసించారో మనం తెలుసుకోగలుగుతున్నాము. అప్పటి రాజులు ఎక్కువగా కట్టడాలను, దేవాలయాలను నిర్మిస్తూ ఉండేవారు. అయితే.. ఈ భవనాలలో అప్పటి కాలం నాటి విశేషాలను, ఆచార వ్యవహారాలను తెలిపేలా శిల్పాలను చెక్కించేవారు. భారతదేశంలోని చాలా పురాతన దేవాలయాలలో, భవనాలలో చెక్కబడ్డ ఈ శిల్పాలలో జీవకళ ఉట్టిపడుతూ ఉంటుంది.

ఈ పైన ఇవ్వబడిన ఫోటోలను మీరు జాగ్రత్తగా గమనించి చూడండి. మొదటి ఫొటోలో ఓ అమ్మాయి తన పుస్తకంలో ఏదో రాసుకుంటూ ఉన్నట్లు కనిపిస్తోంది కదా. ఈ శిల్పం ఖజురాహోకు చెందినది. దీనికి కనీసం వేయి సంవత్సరాల వయసు ఉంటుంది. అంటే వెయ్యేళ్ళ క్రితమే భారత్ లో స్త్రీ సాధికారత, ఆడవారికి కూడా విద్య అవసరం అన్న విషయాలను బలంగా నమ్మేవారు. మరో చిత్రాన్ని గమనించి చూస్తే.. ఈ శిల్పంలో ఓ మహిళ కనుబొమ్మలు దిద్దుకుంటూ కనిపిస్తోంది. మరో శిల్పంలోని మహిళ పర్సు ను పట్టుకుని నుంచుంది. అంటే.. వేల సంవత్సరాల క్రితమే భారత్ లో ఫ్యాషన్ పుట్టింది. ఇప్పుడు మనం ఇతర దేశాలను అనుకరిస్తున్నాం కానీ.. ఒకప్పుడు భారత దేశాన్ని చూసి ప్రపంచ దేశాలు అనుకరణ చేసేవి అని చెప్పడానికి ఇంతకంటే ఉదాహరణ కావాలా..?

భారతీయులు ఎక్కువ గా జ్యోతిష్య శాస్త్రాలను, ఖగోళ శాస్త్రాలను విశ్వసిస్తారు. వాటి లెక్కలకు అనుగుణం గా మార్పులు జరుగుతుంటాయని భావిస్తుంటారు. అయితే, మన పూర్వికులు తమకున్న అపార మేధస్సు ద్వారా ఎంతో విజ్ఞానాన్ని మనకు అందించారు. వాటిలో “బ్రహ్మం గారి కాల జ్ఞానం” ఎక్కువ ప్రాచుర్యం పొందింది. శ్రీ పోతులూరి వీర బ్రహ్మేంద్ర స్వామీ వారు తమకు ఉన్న అపారమైన జ్ఞానం తో భవిష్యత్ లో ఏమి జరగబోతోందో ముందే చెప్పారు.

కాల క్రమం లో జరుగుతున్న మార్పులను చుస్తే.. వీటన్నిటిని బ్రహ్మం గారు తన కాల జ్ఞానం లో ముందే ప్రస్తావించారని తెలుస్తోంది. మరో వైపు… ఎక్కడ ఏ వింత జరిగినా.. ఇది ముందే బ్రహ్మం గారు చెప్పారు అంటూ మనం గుర్తు చేసుకుంటూనే ఉంటాం. ఇలాంటి వాటిల్లో కరోనా వైరస్ కూడా ఉంది.

ఈ మహమ్మారి గురించి కూడా బ్రహ్మం గారు ముందే హెచ్చరించారట.”కోరంకియను జబ్బుకోటిమందికి తగిలి, కోడిలాగ తూగిసచ్చేరయ” అంటూ ఆయన కాలజ్ఞానం లో ప్రస్తావించారని చెబుతారు. ఇప్పటికే ఈ విశేషాలకు సంబంధించి సోషల్ మీడియా లో చాలా కధనాలు వైరల్ అయ్యాయి. ఈ క్రమం లో పోతులూరి వీర బ్రహ్మేంద్ర స్వామీ వారు ఏమి చెప్పారు..? 2022 లో అవి ఎంత వరకు జరిగే అవకాశం ఉంది అన్న విషయాలను ఈ ఆర్టికల్ లో తెలుసుకుందాం.

వాస్తవానికి, బ్రహ్మం గారి వేషధారణ చూసిన ఎవరైనా ఆయనను ఆధ్యాత్మిక వేత్త గా భావించేవారట. కానీ బ్రహ్మం గారు హేతువాదిగా ఉండేవారట. ఈ విషయాన్నీ చరిత్రకారులు కూడా చెబుతున్నారు. క్రీ.శ. 1622 క్రీ.శ. 1693 మధ్య బ్రహ్మం గారు జీవించారు. ఆయన కాల బ్రహ్మ యోగి గా మంచి పేరు తెచ్చుకున్నారు. ఇప్పటికే ఆయన రాసిన కాలజ్ఞానాన్ని ఓ ప్రామాణికం గా పరిశీలించుకుంటూనే వస్తున్నారు. కరోనా తరువాత ఈ భయంకరమైన పరిస్థితులు ఇంతటితో ఆగిపోవని బ్రహ్మం గారు కాలజ్ఞానం లో పేర్కొన్నారని తెలుస్తోంది.

ప్రస్తుత పరిస్థితులను చూస్తుంటే, బ్రహ్మం గారు చెప్పినది మరోసారి జరుగుతున్నట్లుంది. ప్రస్తుతం బ్రిటన్ నుంచి కొత్త స్ట్రెయిన్ స్ప్రెడ్ అవుతోంది. ప్రపంచ ఆరోగ్య సంస్థ కూడా, ఈ వేరియంట్ విషయం లో జాగ్రత్త గా ఉండాలని హెచ్చరిస్తోంది. మరో వైపు బ్రిటన్ కూడా లాక్ డౌన్ విధించింది. దీనిని పట్టి, కరోనా ఇంకా అయిపోలేదు..పరిస్థితి మరింత భయంకరం గా మారే అవకాశం ఉందని తెలుస్తోంది.

ఆయన కాలజ్ఞానాన్ని బట్టి చూస్తే కరోనా మహమ్మారి ఇంకా అవలేదని.. ఓమిక్రాన్ పేరిట మరో కొత్త వైరస్ పుట్టుకొస్తోందని తెలుస్తోంది.  ఈ మహమ్మారి వచ్చిన తరువాత నుంచి కీలక మైన మార్పులు చోటు చేసుకుంటాయని ఆయన కాలజ్ఞానం లో వివరించారు. ఇంకా చాలా విషయాలను ఆయన వివరించారు. అవేంటో ఇపుడు చూద్దాం..

ఆయన కాశీ లోని దేవాలయం 40 రోజుల పాటు పాడుపడుతుందని తెలిపారు. 1910 -12 మధ్య కాలం లో గంగానదికి వరదలు రావడం తో అక్కడి ప్రజలు ఇబ్బందులు ఎదుర్కొన్నారు. అదే సమయం లో కలరా వ్యాధి విపరీతం గా ప్రబలడం తో నలభై రోజుల పాటు కాశీ విశ్వేశ్వరుడిని దర్శించుకోవడానికి ఎవరు రాలేదు.

ఓ అంబ 16 సంవత్సరాల పాటు రాజ్యాన్ని రక్షిస్తుందన్నారు. ఆయన చెప్పినట్లే ఇందిరా గాంధీ భారత ప్రధాని గా 16 సంవత్సరాలు కొనసాగారు. రాజుల పాలన, రాచరిక వ్యవస్థ నశిస్తుంది అన్నారు. ఆయన చెప్పినట్లు గానే ప్రస్తుతం రాచరిక వ్యవస్థ లేదు. ప్రజాస్వామ్యం అమలు లో ఉంది. అలాగే, స్త్రీలపై అక్రమాలు ఎక్కువ అవుతాయని, వ్యభిచారిణి వలన భయంకరమైన వ్యాధులకు గురి అవుతారని చెప్పారు. ఇప్పటికే వ్యభిచారం, అక్రమ సంబంధాల వలన ఎయిడ్స్ వ్యాధి ప్రబలింది. దీనికి చాలా కాలం మందు కనుక్కోలేక, ఎందరో ప్రాణాలు కోల్పోయిన సంగతి తెలిసిందే.

అలాగే, కృష్ణానది గురించి కూడా బ్రహ్మం గారు చెప్పిన విశేషాలు ప్రాచుర్యం పొందాయి. తెలుగు రాష్ట్రము లోని కృష్ణానది నది కనకదుర్గమ్మ ముక్కు పుడక ను తాకుతుందని చెప్పారు. జలప్రళయం జరిగి నాగార్జున డాం బీటలు వారితే, కృష్ణానది దుర్గమ్మను తాకే ప్రమాదం ఉంది. అలాగే, కృష్ణానది మధ్య లో బంగారు రధం ఉంటుందిట. అది చూసిన వారికి, దాని కాంతి వలన కంటిచూపు పోయే ప్రమాదం ఉంటుందట. అలాగే, ఒక మొసలి ఎనిమిది రోజులుండి భ్రమరాంబ గుడి లోకి చేరి మేకపోతులా అరిచి మాయం అవుతుందట. అలాగే, కర్నూలు జిల్లా ఆదోని మండలం లో కప్పు కోడై కూస్తుంది. అదే కనక జరిగితే ఎన్నో అనర్ధాలు వస్తాయట.

శ్రీశైలానికి దక్షిణం లో వందల కొద్దీ రాళ్లు రాలడం తో చాలా మంది ప్రాణాలు కోల్పోతారట. అలాగే, ఎన్నో రాతిముక్కలు లేచి ఆకాశం వైపు ఎగురుతాయట. కామాక్షమ్మ విగ్రహం నుంచి రక్తం కారుతుందట.. అలాగే, కలియుగం లో ఐదువేల సంవత్సరాలు గడిచిన తరువాత గంగమ్మ అసలు కనిపించదట. వీటిలో కొన్ని ఇప్పటికే జరిగాయి. దీనితో, వీరబ్రహ్మేంద్ర స్వామి వారి కాలజ్ఞానం నిజం అవుతుందని అందరు విశ్వసిస్తున్నారు.

మనం చూస్తూనే ఉంటాం. బ్రాహ్మణులు మాంసాహారం తీసుకోరు. అంతే కాదు.. వీరిలో చాలా మంది ఉల్లిపాయను, వెల్లుల్లిపాయను ఆహారంలో భాగంగా తీసుకోరు. నిజానికి వీటివలన శరీరానికి చాలా మేలు జరుగుతుంది. అయినప్పటికీ చాలామంది బ్రాహ్మణులు వీటిని ఆహారంగా తీసుకోవడానికి ఇష్టపడరు.

బ్రాహ్మణులలో చాలా మంది ఉల్లిపాయ, వెల్లుల్లిని తినడానికి ఇష్టపడరు. వారి వంటకాలలో కూడా ఇవి లేకుండా వండుకుని తింటూ ఉంటారు. ఈ రెండు పదార్ధాలలోను వాసన ఎక్కువ గా వస్తూ ఉంటుంది.

ఉల్లిపాయ, వెల్లుల్లి లో సల్ఫర్ (గంధకం) ఎక్కువ మోతాదులో ఉంటుంది. అందుకే వీటినుంచి ఎక్కువగా వాసన వస్తుంటుంది. వీటిని తీసుకోవడం వలన నాలుకపై వాటితాలూకు వాసన ఎక్కువ సేపు ఉంటుంది. తద్వారా మాట్లాడుతున్నప్పుడు కూడా ఆ వాసన వస్తూ ఉంటుంది. ఇలాంటి పదార్ధాలను సాత్విక ఆహరం కింద పరిగణించరు. బ్రాహ్మణ కుటుంబాల్లో ఆహార నియమాలు నిష్ఠగా పాటిస్తారు.

సాత్విక ఆహారం తప్ప ఇతర ఆహారపదార్ధాలను ముట్టుకోరు. ఏ పూటకి ఆ పూటే వండుకుని తింటూ ఉంటారు. తాజాగా ఉన్న కూరగాయలనే వాడుతుంటారు. బ్రాహ్మణుల్లో చాలా మంది మంత్రోచ్ఛారణ, వేద పారాయణాలనే వృత్తిగా ఎంచుకుంటారు. దీనికి స్పష్టమైన ఉచ్చారణ అవసరం. అందుకే వీరు తమో, రజో గుణాలను కలిగించే ఆహారపదార్ధాలు దూరంగా ఉంటారు.

ఒకప్పుడు పుదీనా (ఎక్కువ వాసన వస్తుంది అని) కు కూడా దూరంగా ఉండేవారు. అయితే..కాలక్రమేణా ఈ అలవాట్లలో కూడా మార్పులు వచ్చాయి. ఓ కోరా యూజర్ ఈ విషయం గురించి చెబుతూ తన తాతల కాలం నాటి సంఘటనను పంచుకున్నారు. ఓ ఇంట్లో తాతగారు, మామ్మగారు బయట మంచాలు వేసుకుని పడుకున్నారు. ఆ సమయం లో ఓ దొంగ మామ్మగారి ఒంటిపేట గొలుసుని కొట్టేయాలని వచ్చాడు.

కాని అతని నోటి నుంచి వస్తున్న ఉల్లిపాయ వాసన వలన ఆమెకు మెలకువ వచ్చి.. “ఉల్లిపాయ కంపు కొడుతున్నావురా… ఈ గొలుసు తీసుకుని ఇక్కడినించి వెళ్ళిపో..” అంటూ విసురుగా పంపేసారట. ఆ తరువాత దొంగ పారిపోతుండగా.. ఆ మామ్మగారు అరిచినా అరుపులకు అందరు లేచి వాడిని పెట్టుకున్నారట. ఇంతటి వాసన వస్తుంటాయి కనుకే.. ఉల్లిపాయ, వెల్లుల్లిని బ్రాహ్మణులు నిషేధిస్తారు.

ప్రతి సంవత్సరము కూడా గ్రహాల స్థితిగతులు మారుతూ ఉంటాయి. అయితే రాశుల ఆధారంగా మనం జీవితంలో ఎలాంటి మార్పులు చోటు చేసుకోనున్నాయి అనేది తెలుసుకోవచ్చు. ఒకవేళ కనుక ముందుగానే మనం తెలుసుకుంటే దానికి తగిన పరిష్కారం కూడా చూసుకోవచ్చు.

ఒక్కోసారి మన గ్రహాల బలం బాగుంటే మనకి అదృష్టం పట్టి మహర్దశ నడుస్తూ ఉంటుంది. అయితే.. ఇలాంటివి ముందే తెలుసుకోవడం వలన అవసరమైన జాగ్రత్తలు తీసుకోవచ్చు.

ఈ ఏడాది మార్చి నెలలో అరుదైన పంచ గ్రహాలు ఏర్పడనున్నాయి. ఇది ఎంతో యాదృచ్చికంగా జరిగే పవిత్ర కలయిక. దీనివలన పలు రాశుల వారికి శుభం జరగబోతోంది. ఏ ఏ రాశుల వారికి మార్చి నెలలో అదృష్టం పట్టబోతోందో ఇప్పుడు చూద్దాం.

# మేష:

మార్చి నెల పంచగ్రహ యోగంతో ప్రారంభం కానున్న నేపథ్యంలో మేష రాశి వారికి కెరీర్ పరంగా అద్భుతమైన ప్రయోజనాలు కలుగనున్నాయి. అలాగే ఉద్యోగం ఉన్నవారికి కొత్త ఉద్యోగం, లేదా ఉన్న ఉద్యోగంలోనే ఇంక్రిమెంట్లు వచ్చే అవకాశం ఉంది.

# వృషభ:

వీరికి ఏ పని తలపెట్టినా అందులో విజయం లభించనుంది. వీరికి కూడా కెరీర్ లో ప్రమోషన్స్ వచ్చే అవకాశాలు ఉన్నాయి. ధనలాభాలు కలిగే అవకాశాలు ఉన్నాయి. సుదీర్ఘ ప్రయాణాలు చేసే అవకాశం ఉంది.

# తులా:

ఈ రాశి వారికి జీవితంలో వస్తు సౌఖ్యాలు పెరుగుతాయి. ధనలాభం కలుగుతుంది. ఎప్పటినుంచో రావాల్సిన డబ్బు చేతికి అందుతుంది. నిలిచిపోయిన పనులు పూర్తి అవుతాయి.

# వృశ్చిక :

vruschika-raasi-phalithalu-ee-vaaram-raasi-phalalu

వీరికి కూడా ఈ నెల చాలా లాభాలు కలగనున్నాయి. వీరి ఆదాయం పెరుగుతుంది. ధైర్యం, విశ్వాసం పెరుగుతుంది. ప్రతి పనిని సులభంగా పూర్తి చేయగలుగుతారు. వీరి కుటుంబ సభ్యులతో కూడా వీరికి సమయం బాగా గడుస్తుంది.