Mythology

పుట్టిన వారు మరణించక తప్పదని భగవద్గీత ద్వారా శ్రీ కృష్ణుడు ఎప్పుడో బోధించాడు. అయితే, మన నుంచి ప్రాణాన్ని వేరు చేసేది మాత్రం యమ ధర్మరాజు అన్న సంగతి మనకు తెలిసిందే. మనలో చాలా మందికి ఆయన పట్ల భయము, భీతి ఉంటుంది.

ఆయన మన ప్రాణాలను తీసుకెళ్ళిపోతాడన్న భావన కలిగి ఉంటాము. కానీ.. ఇది సృష్టిధర్మం లోని భాగం మాత్రమే. యమధర్మరాజు కూడా మన ప్రాణాలను తీసుకెళ్లే ముందు మనకు నాలుగు సంకేతాలను పంపుతారట. అవేంటో..మనం చూద్దాం..

ఆ సంకేతాలను తెలియచెప్పే కథ ఒకటి ఉంది. యమునా నదీ తీరం లో అమృతుడు అనే వ్యక్తి నివసిస్తూ ఉండేవాడట. అతనికి ఎపుడు చూసినా తాను చనిపోతానేమో అని.. ఎపుడు చనిపోతానో అని ఒక దిగులు గా ఉండేదట. ఈ విషయం లో దిగులు పోగొట్టుకోవడం కోసం యమ ధర్మ రాజుని ఉద్దేశించి తపస్సు చేసాడట. అతని తపస్సుకి మెచ్చి యమధర్మ రాజు ప్రత్యక్షం అయి ఏమి వరం కావాలో కోరుకోమన్నాడట. అయితే, ఆ వ్యక్తి తనకి మరణం ఎప్పుడు వస్తుందో ముందుగానే తెలియచేయమన్నాడట. ఆ విషయం ముందే తెలిస్తే తన బాధ్యతలన్నీ మరొకరికి అప్ప చెప్పేయాలనేది అతని ఆలోచన.

అయితే, యమధర్మ రాజు మరణం ఎప్పుడు వస్తుందో చెప్పలేనని, అయితే అందుకు గుర్తు గా కొన్ని సంకేతాలను మాత్రం పంపగలనని తెలిపాడట. వాటిని బట్టి మరణం వచ్చే విషయం తెలుసుకోవాలని యమధర్మరాజు సూచించారు. ఆ తరువాత ఈ విషయాన్నీ అమృతుడు మర్చిపోతాడు. పెళ్లి చేసుకోవడం, పిల్లలని కనడం, వారికి కూడా పెళ్లిళ్లు అవ్వడం కాలక్రమం లో జరిగిపోతుంటుంది. అయితే, ఓ రోజు అమృతుడికి యమధర్మరాజు తో జరిగిన సంభాషణ గుర్తుకు వస్తుంది.

కానీ, ఆయన చెప్పిన సూచనలు ఏవి కనిపించకపోవడం తో తనకు ఇంకా ఆయువు ఉందని అమృతుడు అనుకుంటాడు. కాలక్రమం లో అతని చర్మం ముడతలు పడుతుంది, వెంట్రుకలు తెల్లబడతాయి. పళ్ళు కూడా ఊడిపోతాయి. పక్షవాతం సోకి మంచానికే పరిమితం అవుతాడు. ఓ రోజున యమధర్మరాజు అతని ప్రాణాలు తీసుకుని పోవడానికి వస్తాడు. అయితే, అమృతుడు ఆశ్చర్యం తో నాకు సూచనలు చేస్తానని మాటిచ్చావు. కానీ, ఎలాంటి సూచనలు ఇవ్వకుండా తీసుకెళ్ళిపోతున్నావు. నువ్వు నాకిచ్చిన వరం మాటేమిటి? అని అడుగుతాడు.

నేను నీకు నాలుగు సార్లు సూచనలు చేసినప్పటికీ, నువ్వు గ్రహించలేదు అని చెబుతాడు. ఆ సూచనలేమిటని అమృతుడు యముడిని అడగ్గా, వెంట్రుకలు తెల్లబడడం, చర్మం ముడుచుకోవడం, పళ్ళు ఊడిపోవడం, పక్షవాతం వంటి అనారోగ్యాలను తానూ పంపిన సూచనలు గా యముడు వివరిస్తాడు. అప్పుడు అమృతుడుకి విషయం అర్ధం అవుతుంది. అమృతుడు నిజాన్ని ఒప్పుకున్నతరువాత యమధర్మరాజు అతని ప్రాణాలను తీసుకెళ్ళిపోతాడు.

చాలా మంది ఇళ్లల్లో లాఫింగ్ బుద్ధాని పెడుతూ ఉంటారు. లాఫింగ్ బుద్ధాను ఇంట్లో ఉంచడం చాలా శుభకరంగా భావిస్తారు. అలాగే లాఫింగ్ బుద్ధ శ్రేయస్సు, ఆనందాన్ని తీసుకు వస్తుందని కూడా అందరు నమ్ముతూ ఉంటారు. పైగా లాఫింగ్ బుద్దని బహుమతిగా ఇవ్వడం చాలా మంచిదని కూడా అంటారు.

చైనాలో అయితే లాఫింగ్ బుద్ధాని దేవుడి కింద భావించి పూజలు కూడా చేస్తూ ఉంటారు. అయితే లాఫింగ్ బుద్ధా గురించి చాలా మందికి తెలుసు కానీ లాఫింగ్ బుద్ధా కథ గురించి తెలియదు. ఈరోజు ఆ కథ ఏంటో చూద్దాం.

చైనాలో హనోయి అనే ఒక బుద్ధుడి అనుచరుడు ఉండేవాడు. అయితే అతను కాలక్షేపం చేయడం.. అందరినీ నవ్వించడం.. జోకులు చెప్పడం లాంటివి చేస్తూ ఉండేవాడు. అయితే అతను ఎక్కడికి భిక్షాటనకి వెళ్ళినా సరే అందరూ అతన్ని చూసి ఎగతాళి చేసేవారు. ఎందుకంటే అతను చాలా లావుగా ఉండే వాడు. అతని బొడ్డు మరియు బలమైన శరీరం చూడడానికి కాస్త హాస్యంగా ఉండేది.

పైగా అతను అందర్నీ నవ్వించే వాడు. ఆనందాన్ని కూడా పంచుకునే వాడు. నిజానికి ఇదే అతని జీవిత లక్ష్యం. ఇలా లాఫింగ్ బుద్ధ విగ్రహానికి సంబంధించి అనేక కథలు ఉన్నాయి. ఇండియాలో కూడా లాఫింగ్ బుద్ధాను ఇంట్లో ఉంచడం వల్ల ఆనందం, శ్రేయస్సు కలుగుతుందని.. డబ్బు కూడా ఉంటుందని అంటారు.

అలాగే ఒకరికి గిఫ్ట్ కింద లాఫింగ్ బుద్ధాని ఇస్తే వాళ్ళు స్వార్ధపరులుకారని అంటారు. వాస్తు ప్రకారం ఇంట్లో కానీ ఆఫీస్ లో కానీ లాఫింగ్ బుద్ధాని పెట్టుకుంటే ఆర్థిక సమస్యలు తొలగిపోతాయి. తద్వారా ఐశ్వర్యం కలుగుతుంది. లాఫింగ్ బుద్ధాని పెట్టేటప్పుడు రెండున్నర అడుగుల ఎత్తులో పెడితే మంచిది. అలానే ముఖద్వారం ముందు ఉంటే మరీ మంచిది.

అమ్మవారిని ఈ ఆలయంలో చూసిన ఎంతో అందంగా అలంకరిస్తారు. మంచి చీర కట్టి ముస్తాబు చేస్తూ ఉంటారు. అలానే ఆభరణాలను వేసి అమ్మవారిని ఎంతో సుందరంగా అలంకరించడం జరుగుతుంది. ఇది ఇలా ఉంటే అమ్మవారిని దర్శించుకోవడానికి వెళ్లే భక్తులు దేవికి పసుపు, కుంకుమలని సమర్పిస్తారు.

అలానే వస్త్రాలను ఇస్తూ వుంటారు. గ్రామాల్లో అయితే మరీ ఎక్కువగా ఉంటాయి. అదే విధంగా అమ్మ వారికి నిమ్మకాయల దండలను కూడా వేస్తూ ఉంటారు. అయితే నిజానికి చాలా మందికి ఈ సందేహం ఉంటుంది.

అమ్మ వారికి నిమ్మకాయల దండలు ఎందుకు వెయ్యాలి అని… కానీ లక్ష్మీ దేవికి కానీ సరస్వతి దేవికి కానీ చూసుకున్నట్టయితే నిమ్మకాయ దండలు వెయ్యరు. గ్రామాల్లో వుండే అమ్మవార్లకు ఎక్కువగా నిమ్మకాయలని దండలుగా గుచ్చి వేస్తారు. అయితే ఎందుకు నిమ్మకాయల దండలను అమ్మ వారికి వేయాలి అనేది చూస్తే…

అమ్మ వారు రక్షణ బాధ్యత కలిగి వుంటారు. ఎప్పుడూ కూడా శత్రుసంహారాన్ని, లయత్వాన్ని నిర్వహిస్తుంటుంది నిర్వహిస్తూ ఉంటుంది. లయకారుని శక్తి ఏ అమ్మవారు. అమ్మవారికి తామస గుణం ఉంటుంది. అయితే దేవి సంహార క్రియ నిర్వహించేప్పుడు తామస ప్రవృత్తిని ప్రదర్శిస్తుంది. పైగా ఆ గ్రామానికి రక్షణగా గ్రామమంతా సంచరిస్తూ కాపలా కాస్తూ ఉంటుంది.

అలాంటి వీరత్వాన్ని ప్రతిబింబించడానికి ఈ నిమ్మకాయల దండలు వేస్తారు. అలాగే అమ్మ వారికి మాములుగా బలి ఇస్తూ ఉంటారు. ఆ బలిగా మనము శిరస్సుని ఇవ్వాలి. శిరస్సుకి ప్రతీక గుమ్మడి కాయ. ఈ మూలంగానే అమ్మ వారికి గుమ్మడికాయను కూడా ఇస్తూ ఉంటారు. ఈ కారణాల వల్లనే అమ్మ వారికి నిమ్మకాయల దండలు వేయడం.. గుమ్మడికాయను సమర్పించడం జరుగుతోంది. తరతరాల నుండి కూడా పూర్వికులు ఈ పద్దతిని పాటిస్తున్నారు. మనం కూడా ఇంకా అనుసరిస్తూనే వున్నాం.

ఛత్రపతి శివాజీ మహారాష్ట్ర యోధుడన్న సంగతి మనందరికి తెలిసిందే. మొఘలుల పాలనను తరిమికొట్టి, స్వతంత్రత కోసం పోరాడిన మరాఠా యోధుడు ఛత్రపతి శివాజీ. శివాజీ కి ఆంధ్ర ప్రదేశ్ లోని శ్రీశైల పుణ్య క్షేత్రం తో ఎనలేని అనుబంధముందన్న సంగతి మనలో చాలా మందికి తెలియదు. శ్రీశైల భ్రమరాంబికా దేవి ఛత్రపతి శివాజీ కి ఖడ్గాన్ని బహుకరించిందని చెబుతుంటారు. దీని వెనుక అసలు కథ ఏంటో ఇప్పుడు చూద్దాం.

1677 వ సంవత్సర కాలం నాటి సంగతి ఇది. మరాఠా యోధుడు ఛత్రపతి శివాజీ కి, ఆరోజున గోల్కొండ సుల్తాన్ గా ఉన్న అబుల్ హ‌స‌న్ కుతుబ్ షా కు సాన్నిహిత్యం ఉండేది. ఆ క్రమం లో ఛత్రపతి శివాజీ కూడా గోల్కొండ కోటకు రాకపోకలు సాగిస్తూ ఉండేవారు. ఈ సమయం లోనే ఓ సారి శివాజీ శ్రీశైలాన్ని కూడా దర్శించారట. సుల్తాన్ ఆస్థానం లో మంత్రులైన అక్కన్న, మాదన్న లు కూడా శివాజీ వెంట ఉండి దర్శనం చేయించి పర్యటన పూర్తయ్యే వరకు తోడు ఉండేవారట.

ఓ సారి ఛత్రపతి శివాజీ భ్రమరాంబిక ఆలయం వద్ద ఉన్న సమయం లో దేవిని చూస్తూ.. అక్కడే ఆత్మార్పణం చేసుకోవాలని భావించాడని చెబుతుంటారు. ఆ సమయం లోనే, ఆ దేవి ప్రత్యక్షమైందని, శివాజీ కి ఖడ్గాన్ని బహుమానం గా ఇచ్చిందని చెబుతుంటారు. ఈ ఖడ్గాన్ని ధరించమని, యుద్ధం లో వెనుతిరిగి చూడవని ఆ దేవి వరమిస్తుంది. నాటినుంచి, స్వతహాగా వీరుడైన ఛత్రపతి శివాజీ మరిన్ని విజయాలను అందుకున్నాడు. ఏ యుద్ధం చేసినా.. అందులో గెలుపు శివాజీదే అయ్యేది. శ్రీశైలం లో కూడా భ్రమరాంబిక దేవి శివాజీ కి ఖడ్గాన్ని బహుకరిస్తున్నట్లు ఓ విగ్రహం కూడా చెక్కబడి ఉంది.

తెలుగు రాష్ట్రాలలోని ప్రజల్లో సమ్మక్క-సారక్క జాతర గురించి తెలియని వారుండరు. ఎంతో భక్తి శ్రద్దలతో సమ్మక్క-సారక్కలను కొలుస్తుంటారు. దాదాపు మూడు రోజుల పాటు వేడుకగా జాతరను జరుపుకుంటారు. అయితే.. ఈ జాతర ఎందుకు జరుపుకుంటారు..? ఎప్పటి నుంచి ఈ ఆచారం కొనసాగుతోంది అనే విషయాలు చాలా మందికి తెలియవు.

అసలు ఈ మేడారం జాతరను జరపడం ఎలా మొదలైందో ఇప్పుడు తెలుసుకుందాం. ఒకప్పుడు మేడారంకు చెందిన గిరిజన తెగ వారు గోదావరి నదీ తీరం వద్దనున్న అడవికి వేటకి వెళ్లారట.

అక్కడ కొద్దీ దూరంలో వారికి ఒక చిన్న పాప ఆడుకుంటూ కనిపించిందట. అయితే, వారు ఆ పిల్లను తెచ్చుకుని అల్లారు ముద్దుగా పెంచుకున్నారు. ఆమెకు సమ్మక్క అని నామకరణం కూడా చేసారు. సమ్మక్క చిన్నతనం నుంచి చాలా మహిమలు ప్రదర్శించేది. తన శక్తీ యుక్తులతో, మహిమలతో ఆ ఊరి ప్రజలను ఎటువంటి ఇబ్బందులు ఎదుర్కోకుండా కాపాడేది.

కొంతకాలానికి ఆమె వివాహం కాకతీయ సామంత రాజు అయిన పగిడిగద్ద తో జరిగింది. ఆ తరువాత వారికి సారలమ్మ, నాగులమ్మ, జంపన్న అనే ముగ్గురు సంతానం కలిగారు. సారలమ్మ వివాహం గోవింద రాజుతో జరిగింది. కొన్నాళ్ల తరువాత ఆ ఊరిలో కరువు కాటకాలు వాటిల్లాయి. దీనితో సామంత రాజు అయిన పగిడిగద్ద కాకతీయులకు పన్ను చెల్లించలేకపోయారు. దీనితో ప్రభుత్వం యుద్ధం ప్రకటించింది.

ఈ యుద్ధంలో సారలమ్మ, నాగులమ్మ, గోవిందరాజు మరణించారు. ఈ విషయం తెలుసుకున్న జంపన్న తన వారందరు చనిపోయే సరికి ఆత్మహత్య చేసుకున్నాడట. ఈ సంగతి తెలియడంతో సమ్మక్క ఒక్కత్తే యుద్ధం చేస్తుంది.. యుద్ధ సమయంలో ఓ సైనికుడు వెన్నుపోటు పొడవడంతో రక్తం కారడం మొదలైంది. అలానే ఆమె చిలకల గుట్ట వైపు వెళ్ళింది. అటుగా వెళ్లిన సారక్క ఓ మలుపు వద్ద మాయమైంది. అయితే ఆమె కోసం కోయగూడెం వాసులు తీవ్రంగా గాలించారు.

చివరకు గుట్ట వద్ద ఉండే నెమలి నార వద్ద ఓ కుంకుమ భరిణె కనిపించిందట. ఆ సమయంలో “ఈ గడ్డ మీద పుట్టే వ్యక్తి వీరుడిగానే పుట్టాలి..  ఆ ప్రదేశంలో రెండు గద్దలను నిర్మించి రెండేళ్లకు ఒకసారి ఉత్సవాలు జరిపిస్తే భక్తుల కోరికలు తీరతాయి..” అని ఆకాశ వాణి వినిపించింది. దీనితో అది సారక్కే అని కోయగూడెం వాసులంతా నమ్మారు. అప్పటి నుంచి ప్రతి రెండేళ్లకు ఒకేసారి సమ్మక్క-సారలమ్మ జాతరను నిర్వహిస్తున్నారు.

కొందరు అర్ధరాత్రి దాటాక, తెల్లవారుతుండగా వచ్చే మూడవ ఝాము అత్యంత అశుభమైన దానిగా భావిస్తుంటారు. రాత్రి మూడు గంటల నుంచి ఉదయం ఆరు గంటల వరకు ఉన్న సమయాన్ని మూడవ ఝాము అని లేదా మూడవ గడియారం అని అంటుంటారు.

అయితే ఈ సమయాన్ని కొందరు అశుభంగా భావించడానికి కారణమేంటి? అనేది ఈ ఆర్టికల్ లో చూద్దాం. ప్రపంచ దేశాలలో చాలా మతాలు, సంస్కృతులు ఈ సమయాన్ని అశుభంగానే భావిస్తున్నాయి.

ఎక్కువగా ఉదయం మూడు గంటల నుంచి నాలుగు గంటల సమయంలో దెయ్యాలు ఉన్నత స్థితిలోనూ, మానవులు బలహీనంగా ఉంటారట. ఉన్నట్లుండి మెలకువ రావడం, చెమటలు పడుతుండడం, గుండె చప్పుడు ఎక్కువగా ఉండడం, కాళ్ళు, చేతులు చల్ల బడడం వంటివి ఎక్కువగా జరుగుతుంటాయట.

అందుకే ఈ సమయాన్ని కొందరు మరణ సమయంగా పరిగణిస్తుంటారు. అయితే, దీని వెనుక శాస్త్రీయ కారణం కూడా ఉంది. వైద్య శాస్త్రం ప్రకారంగా కూడా ఉదయం మూడు గంటల నుంచి నాలుగు గంటల మధ్య ప్రాంతంలో ఉబ్బసం వచ్చే అవకాశం 300 రెట్లు ఎక్కువగా ఉంటుంది. ఈ సమయంలో శరీరంలో అడ్రినలిన్, యాంటీ ఇన్ఫ్లమేటరీ విడుదల అవడం తగ్గిపోతుంది. అందుకే ఆ సమయంలో ఇటువంటి ఆరోగ్య సమస్యలు వచ్చే అవకాశం ఎక్కువ ఉంటుంది.

ఉదయం సమయంతో పోలిస్తే తెల్లవారు జామున 3 గంటల నుంచి 4 గంటల వరకు సమయంలో రక్తపోటు అధికంగా ఉంటుంది. ఉదయం 6 గంటల సమయంలో కార్టిసాల్ హార్మోన్ వేగంగా విడుదల అవడం వలన రక్తం గడ్డ కట్టి, గుండెపోటు వచ్చే ప్రమాదం ఎక్కువగా ఉంటుంది అని వైద్య నిపుణుల అభిప్రాయం. ఈ కారణాల వల్లే రాత్రి 3 గంటల నుంచి 4 గంటల వరకు ఉన్న సమయాన్ని అశుభ సమయంగా పేర్కొంటున్నారు.

సాధారణంగా భూలోకంలో ప్రాణాలు తీసే యముడికి, తల రాతలు రాసే బ్రహ్మ దేవుడికి గుళ్ళు గోపురాలు తక్కువే. అంతటి బ్రహ్మ దేవుడికే భూలోకంలో ఒకటో రెండో దేవాలయాలు ఉన్నాయి. భృగు మహర్షి శాపం కారణంగానే బ్రహ్మ దేవుడికి భూలోకంలో పూజలు లేవని అంటూ ఉంటారు.

అయితే.. యముడిని పూజించే వారు కూడా తక్కువే. ఆయన అంటే భయపడే వారే ఎక్కువ మంది ఉంటారు. ఆయన వద్ద పని చేసే చిత్ర గుప్తుల వారి గురించి కూడా చాలా మందికి తెలిసే ఉంటుంది.

ఆయన మనుషుల పాప పుణ్యాల చిట్టాను రాస్తూ ఉంటారు. టాలీవుడ్ లో వచ్చిన యమలీల తరహా సినిమాల పుణ్యమా అని చాలా మందికి చిత్ర గుప్తుడి గురించి తెలిసింది. అయితే.. ఆయనకు కూడా భూలోకంలో ఓ గుడి ఉంది అన్న విషయం చాలా మందికి తెలియదు. ఆయనకు ఒకే ఒక్క గుడి ఉంది. అది కూడా మన తెలంగాణ లోనే ఉంది.

తెలంగాణాలో హైదరాబాదులో ఫలక్ నామా లోనే ఆ గుడి ఉంది. ఈ గుడిని 18 వ శతాబ్దంలో నిర్మించినట్లు పురాణాలు చెబుతున్నాయి. నవాబుల కాలం లో గుమాస్తాలుగా పని చేసేవారు ఎక్కువగా చిత్రగుప్తుడిని కొలుస్తూ ఉండేవారట. వారి కోసమే అప్పటి మంత్రి అయిన రాజా కిషన్ గారు చిత్ర గుప్తుడి దేవాలయాన్ని కట్టించారట. అదే దేవాలయంలో చిత్ర గుప్తుల వారి భార్యలు అయిన శోభా దేవి, నందినిల విగ్రహాలను కూడా ఏర్పాటు చేశారట.

చిత్ర గుప్తుడిని రాహు, కేతు గ్రహాలకు గురువుగా భావిస్తారట. ఆయనను మనసారా పూజిస్తే గ్రహ దోషాలు తొలగి సుఖ శాంతులతో జీవిస్తారట. ఏడు బుధవారాల పాటు ఆయనకు ప్రత్యేక పూజలు చేస్తే మనం కోరుకున్నవి జరుగుతాయని విశ్వసిస్తారు. హైద్రాబాదులో ఉన్న ఈ దేవాలయంలో గురు, బుధ వారాల్లో విశేషంగా భక్తుల హడావిడి ఉంటుంది. ఆరోజుల్లో ప్రత్యేక పూజలు కూడా జరుగుతాయట.

మన దేశంలో రాగికి ఎంత ప్రాముఖ్యత ఉంటుందో తెలిసిందే. ఒకప్పుడు ఎక్కువగా రాగి పాత్రలను వాడేవారు. మంచినీటిని కూడా రాగి బిందె లేదా రాగి గ్లాసుల్లోనే తాగే వారు. అలా సహజసిద్ధంగా శరీరానికి కాపర్ లభించేది. కాలక్రమంలో రాగి వాడకం తగ్గిపోయింది.

ఒకప్పుడు రాగిని కడియాలలాగా, ఉంగరాల లాగ ధరించేవారు. కాలక్రమంలో ఈ సంప్రదాయం కూడా మరుగున పడిపోయింది. ఇటీవల కాలంలో తిరిగి రాగి వాటర్ బాటిల్స్ లాంటివి అక్కడక్కడా కనిపిస్తున్నాయి.

అయితే ఇలా రాగి వాటర్ బాటిల్స్ ను ఉపయోగించడం ఒకరకంగా ఆరోగ్యానికి మంచిదే. ఈ సంగతి అలా ఉంచితే.. ఒకప్పుడు రాగి ఉంగరాలు, కడియాలు ధరించేవారు. అలా ఎందుకు ధరించేవారు.. అలా ధరించడం వల్ల ఏమి జరుగుతుంది అనేది ఇప్పుడు తెలుసుకుందాం. భారత దేశం ఉష్ణ దేశం. అంటే.. ఇక్కడ చాలా ప్రాంతాలలో వేడి ఎక్కువగా ఉంటుంది. అటువంటి ప్రాంతాలలో రాగి తో చేసిన ఆభరణాలు అంటే ఉంగరాలు, కడియాలు లాంటివి ధరించడం వలన శరీరానికి మేలు జరుగుతుంది. సూర్య కిరణాల కారణంగా ఏర్పడే శరీర రుగ్మతలను అడ్డుకోవడంలో రాగి కీలక పాత్ర పోషిస్తుందని ఆయుర్వేదం చెబుతోంది.

అందుకే మీరు ఎప్పుడైనా గమనించారా..? రాగి ఉంగరాలు, కడియాలు త్వరగా నల్లబడిపోతూ ఉంటాయి. అయితే వాటిని తిరిగి శుభ్రపరిచి ఉపయోగించుకోవచ్చు. అలాగే వీటిని ధరించడం వలన కండరాల నొప్పులు, కీళ్ల నొప్పులు తగ్గుతాయని విశ్వసిస్తారు. శరీరంలోని విషపదార్ధాలను కూడా రాగి తొలగిస్తుంది. అధిక రక్తపోటుని తగ్గించి, గుండె సంబంధిత వ్యాధులను దరిచేరకుండా చేస్తుంది.

ఇక వాస్తు, జ్యోతిష్య శాస్త్రం ప్రకారం కూడా కొందరు రాగి ఉంగరాలు ధరిస్తూ ఉంటారు. ఇలా చేయడం వలన గ్రహాలు అనుకూలిస్తాయని విశ్వసిస్తారు. తమ జాతకం బాగుంటుందని నమ్ముతుంటారు. వాస్తు దోషాలు తొలగి, సమాజంలో గౌరవ మర్యాదలు పెరుగుతాయని విశ్వసిస్తారు. చాల కాలం క్రితమే మరుగున పడ్డ ఈ ఫ్యాషన్ ఇప్పుడిప్పుడే ఊపందుకుంటోంది. చాలామంది ఈ రాగి ఉంగరాలు, కడియాలు, బ్రేస్ లెట్స్ ను ధరించాలని ఆసక్తి కనబరుస్తున్నారు.

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు.

ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది.

చాణక్య నీతి ప్రకారం మూడు రకాల స్వభావాలు కలిగి ఉన్న వ్యక్తులకు ఎప్పటికి సాయం చేయవద్దని చాణుక్యుడు చెబుతున్నాడు. నిజానికి చాణుక్యుల వారు స్నేహశీలి. ఆయన చంద్రగుప్త రాజుకు సైతం ఎన్నో సాయాలు చేసారు. యుద్ధ రంగంలోనూ, శత్రువులతోను ఎలా మెలగాలో మెళకువలు నేర్పించారు. అటువంటి చాణుక్యుడు కూడా మీ జీవితంలో ముగ్గురు వ్యక్తులకు మాత్రం ఎప్పుడూ సాయం చేయవద్దని హెచ్చరిస్తున్నారు. వారు ఎవరో ఈ ఆర్టికల్ లో తెలుసుకుందాం.

#1. తెలిసి తప్పులు చేసేవారు:
కొంత మంది కావాలనే తప్పులు చేస్తూ ఉంటారు. తాము తప్పులు చేస్తున్నామని తెలిసి కూడా తప్పులు చేయడానికి వెనకాడరు. అలాంటివారికి ఎప్పుడూ సాయం చేయవద్దని చాణుక్యుడు చెబుతున్నారు. ఎందుకంటే వారికి సాయం చేయడం వలన, వారు చేసే తప్పుల వల్ల మీరు కూడా ఇబ్బందులు ఎదుర్కోవాల్సి వస్తుంది. అందుకే అలాంటి వారికి దూరంగా ఉండాలని చెబుతున్నారు.

#2. ఏడుస్తూ ఉండేవారు:
కొందరు వ్యక్తులు ఎల్లప్పుడూ ఏడుస్తూనే ఉంటారు. కారణం ఉన్నా లేకున్నా.. వీరి ఏడుపుకి అంతం ఉండదు. అయినదానికీ , కానిదానికీ ఏడుస్తూ ఉంటారు. ఇలాంటి వారికి సాయం చేసినా.. వారు కృతజ్ఞత చూపించకపోగా.. ఇంకా ఏమి చేయలేదుగా అంటూ ఏడుస్తూనే ఉంటారు. ఇలాంటి వారికి కూడా దూరంగా ఉండడమే మంచిది.

#3. మూర్ఖులు:
కొందరు మూర్ఖంగా వాదన చేయడమే పనిగా పెట్టుకుంటారు. పరిస్థితులను పట్టించుకోకుండా.. సందర్భాన్ని గమనించుకోకుండా వాదించే ఇలాంటి మూర్ఖులకు సాయం చేయడం కూడా ఇబ్బందులను కొని తెచ్చుకోవడమే అవుతుంది. అందుకే ఇలాంటివారికి కూడా దూరంగా ఉండాలని చాణుక్యుడు హెచ్చరిస్తున్నారు.

ఒక్కొక్కసారి మనకి కలలో చాలా వింత అయినవి కనబడుతూ ఉంటాయి. పాము మన వెంట తరుముతూ రావడం, లేదంటే నీళ్ళలో పడి పోవడం ఇలా చాలా భయంకరమైన కలలు వస్తూ ఉంటాయి. అలానే ఒక్కొక్క సారి చనిపోయిన కుటుంబ సభ్యులు లేదా బంధు మిత్రులు కలలో కనబడుతూ వుంటారు.

ఒకవేళ కనుక కలలో చనిపోయిన వాళ్ళు కనపడ్డారు అంటే చాలా మంది భయపడుతూ ఉంటారు. అయితే కలలో చనిపోయిన వాళ్ళు కనబడితే ఏమౌతుంది..? ఏదైనా సమస్య కలుగుతుందా..?

అలా కనపడితే మంచి జరుగుతుందా లేదా చెడు జరుగుతుందా..? అనే వాటి గురించి చూద్దాం. స్వప్న శాస్త్రం ప్రకారం చూస్తే చనిపోయిన వాళ్ళు కలలో కనపడ్డారు అంటే వారి ఆత్మ ఈ లోకం లో సంచరిస్తుంది అని అర్థం. చనిపోయిన వాళ్ళ కలలో కనపడితే వాళ్ళ పేరున రామాయణం కానీ భగవద్గీత కానీ చదవాలి.

ఒకవేళ కనుక కలలో చనిపోయిన వాళ్ళు ఎంతో బాధగా ఉంటూ మీకు కనపడితే అప్పుడు మీరు ఏదో తప్పు చేయబోతున్నారని దానికి అర్థం. ఒకవేళ ఆకలితో కనబడ్డారు అంటే పేదలకు అన్నదానం చేస్తే మంచిది. కోపం తో కనుక వాళ్ళు కనపడ్డారు అంటే వాళ్లు మీ నుంచి ఏదో ఆశిస్తున్నారు అని అర్ధం.

కాబట్టి మీరు ఈ విధంగా అనుసరిస్తే వారి యొక్క ఆత్మ సంతృప్తి చెందుతుంది. అదే ఒకవేళ వాళ్ళు నవ్వుతూ కనిపిస్తే మీరు శుభ ఫలితాలు పొందవచ్చని. అయితే ఒకవేళ చనిపోయిన వాళ్ళు ఎవరైనా మీ కల లో కనపడి ఏదైనా చేయమని చెప్తే కచ్చితంగా చేయండి.