News

కొన్ని సంఘటనలు మనలని ఆశ్చర్యంలో ముంచెత్తుతూ ఉంటాయి. అయితే ఈ సంఘటనల పరిణామాలని చూస్తే ఒక్కోసారి జాలి కలుగుతూ ఉంటుంది. అలాంటి సంఘటనే ఆంధ్ర ప్రదేశ్ కు చెందిన మదనపల్లిలో చోటు చేసుకుంది. ఇంటర్ లో పరిచయమైన స్నేహం ప్రేమగా మారింది. ఇందులో విచిత్రం ఏమీ లేదు. కానీ స్నేహం ప్రేమగా మారింది ఇద్దరు అబ్బాయిల మధ్య.

ఏపీలోని మదనపల్లి మండలం వెంగంవారిపల్లె కు చెందిన ఓ కాలేజీలో అదే గ్రామానికి చెందిన లోకేష్ కు ములకలచెరువు మండలం పత్తికోటకు చెందిన మహేష్‌ కు పరిచయం ఏర్పడింది.

వీరు మదనపల్లి లోనే ఇంటర్ పూర్తి చేసుకున్నారు. ఆ సమయంలోనే వారిద్దరి మధ్య స్నేహం కుదిరింది. ఆ తరువాత వారిద్దరూ ప్రాణ స్నేహితులుగా మారిపోయారు. ఒకరిని విడిచి మరొకరు ఉండలేనంతగా వీరిద్దరూ ప్రేమించుకున్నారు. చివరకు వీరిద్దరూ పెళ్లి చేసుకోవాలని నిర్ణయించుకున్నారు. దీనితో లోకేష్ ను అమ్మాయిగా మారాలంటూ మహేష్ కోరడంతో లోకేష్ కూడా అందుకు అంగీకరించాడు. స్వీటీ గా మారిపోయాడు. ఆ తరువాత వీరిద్దరూ ఆరేళ్ళ పాటు సహజీవనం చేసారు.

అయితే ఉన్నట్లుండి మహేష్ లో మార్పు వచ్చింది. నీకు పిల్లలు పుట్టే అవకాశం లేదని.. తాను మరో అమ్మాయిని పెళ్లి చేసుకుంటానని చెప్పుకొచ్చాడు. దీనితో షాక్ అయిన స్వీటీ పోలీసులను ఆశ్రయించింది. లోకేష్ కోసం తాను మగతనాన్ని త్యాగం చేసానని.. కానీ నన్ను అన్యాయం చేసి మరో అమ్మాయిని పెళ్లి చేసుకోవడం తనకు ఇష్టం లేదని ఫిర్యాదు చేసింది. ఈ క్రమంలో పోలీసులు ఇద్దరినీ పిలిపించి విచారిస్తున్నారు.

పెళ్లయిన తర్వాత ఈ భార్య భర్తలు ఎంతో అన్యోన్యంగా ఉండేవారు. అయితే తన భర్త బయటికి వెళ్లినప్పుడు ఆమె స్మార్ట్ ఫోన్ తో కాలక్షేపం చేసేది. అదే కొంపముంచింది. అసలు ఏమైంది అనేది చూస్తే..

వరంగల్ అర్బన్ జిల్లా హనుమకొండకి చెందిన ఒక యువతికి 4 నెలల క్రితం హనుమకొండలో పెళ్లయింది. అయితే మొదట్లో ఈమె తన భర్తతో పాటు ఎంతో ఆనందంగా ఉండేది. భర్త బయటకు వెళ్లడంతో ఈమె స్మార్ట్ ఫోన్ తో కాలక్షేపం చేసేది. ఈ క్రమంలో వనపర్తి జిల్లా అమరచింత మండలంలోని సింగం పేట గ్రామానికి చెందిన యువకుడితో ఈ మధ్యే ఫేస్ బుక్ ద్వారా పరిచయం ఏర్పడింది.

ఇంకేముంది కాపురం దీనివల్ల నాశనమైపోయింది. తెలిసీ తెలియక చేసిన స్నేహం వలన కాపురంలో చిచ్చు పెట్టింది. సందీప్ ట్రాక్టర్ డ్రైవర్ గా పని చేస్తూ ఉండేవాడు. అయితే ఫేస్ బుక్ ద్వారా ఈమెకు సందీప్ పరిచయమయ్యాడు. చాటింగ్ మొదలు కాల్స్ వరకు ఎంతో దగ్గరయ్యారు. భర్త ఇంట్లో లేని సమయం చూసుకుని గంటలకొద్దీ ఈమె ఫోన్ మాట్లాడేది. వీడియో కాల్స్ కూడా చేసుకునేవారు.

కొన్ని రోజుల తర్వాత ప్రేమ బాగా పెరగడంతో భర్తతో కలిసి ఉండలేనని తన అభిప్రాయాన్ని చెప్పింది. ఆ తర్వాత ప్రియుడిని వెతుక్కుంటూ సింగం పేట గ్రామానికి వెళ్ళింది. ప్రియుడు కూడా ఆమెను తన ఇంటికి తీసుకెళ్లాడు. ఇరవై రోజుల నుండి ఇద్దరు కలిసి ఉంటున్నారు.

తన కూతురు చేసిన ఈ పనికి తల్లి హనుమకొండ పోలీస్ స్టేషన్లో ఫిర్యాదు చేసింది. దీంతో పోలీసులు ఆమెను పిలిపించి విచారించారు. నిందితుడు పై పోలీసులు కేసు నమోదు చేసి దర్యాప్తు చేస్తున్నారు. ఇప్పుడు ఆమెను తిరిగి తీసుకు వెళ్లలేని పరిస్థితి వచ్చింది భర్తకి. ఫేస్బుక్ ద్వారా ఏర్పడిన చిన్న పరిచయం కాస్తా కాపురాన్ని నాశనం చేసింది.

ఈ లేడీ సింగం తన జీవితంలోకి రాబోయే వ్యక్తిని మంచివాడని నమ్మింది. అతనితో జీవితం పంచుకోవాలని కలలు కనింది. పెద్దల సమక్షంలో వీరిద్దరికి నిశ్చితార్ధం కూడా జరిగింది. అంతలోనే ఊహించని ట్విస్ట్ చోటు చేసుకుంది. అతని గురించి ఊహించని విషయాలు తెలియడంతో పోలీస్ ఆఫీసర్ గా ఈ అమ్మాయి తన బాధ్యతని నిర్వర్తించింది.

ఓ వైపు నిరుద్యోగం పెరుగుతున్న భారత దేశంలో నిరుద్యోగులకు ప్రభుత్వ ఉద్యోగం ఇప్పిస్తామంటూ ఆశ పెట్టి వారి వద్ద నుంచి డబ్బు తీసుకుని మోసం చేసే వారు కూడా ఎక్కువ మందే ఉంటున్నారు.

అయితే చాలా మంది నిరుద్యోగులు ఇటువంటి కేటుగాళ్ల వలలో చిక్కుకుని మోసపోతున్నారు. రైల్వే, పోలిసుల శాఖలలో తమకు తెలిసిన వారు ఉన్నారంటూ చెప్పి నిరుద్యోగుల నుంచి డబ్బు గుంజి.. ఆ తరువాత వారిని మోసం చేసి వదిలేస్తున్నారు. అస్సాం కు చెందిన రాణా పోగాగ్ అనే వ్యక్తి కూడా ఇదే బాపతుకు చెందిన వ్యక్తి. ఇతను పబ్లిక్ రిలేషన్ అధికారినంటూ అక్కడి అధికారులతో, స్థానికులతో పరిచయం చేసుకున్నాడు. ఈ క్రమంలోనే అతనికి మజులి జిల్లాకు చెందిన జున్మోని రాభాతో పరిచయం ఏర్పడి ప్రేమకి దారితీసింది.

వీరి పెద్దలు కూడా వీరికి అంగీకారం తెలపడంతో ఎంగేజ్మెంట్ చేసుకున్నారు. ఈ ఏడాది నవంబర్ లో వీరు వివాహం చేసుకోవాల్సి ఉంది. ఈ క్రమంలో కొందరు రాణా గురించి జున్మోని రాభాకు ఫిర్యాదు చేయడంతో ఊహించని విషయాలు వెలుగులోకి వచ్చాయి. రాణా ఓ వ్యక్తితో ఆయిల్ అండ్ నేచురల్ గ్యాస్ కార్పొరేషన్ లో తనకు తెలిసిన వారు ఉన్నారని, ఉద్యోగం ఇప్పిస్తానని కోట్ల రూపాయలు తీసుకున్నట్లు పేర్కొన్నారు. అయితే ఫేక్ ఆఫర్ లెటర్ ను ఇవ్వడం వలన తాను మోసపోయానని చెప్పుకొచ్చాడని కాబోయే భర్త ఆగడాలు తెలుసుకున్న జున్మోని ఫిర్యాదు తీసుకుని అరెస్ట్ చేసారు.

కోటిన్నర విలువైన భూమిని హిందూ మహిళలు మసీదు కట్టడం కోసం ఇచ్చేసి పెద్ద మనసుని చాటుకున్నారు. పైగా అది చనిపోయిన తమ తండ్రి చివరి కోరిక. మరి ఇక దీని కోసం వివరాలని చూస్తే.. ఉత్తరాఖండ్‌ రాష్ట్రం ఉధమ్ సింగ్ నగర్ జిల్లా కాశీపూర్‌ పట్టణంలో ఇది జరిగింది.

20 ఏళ్ల కిందట తండ్రి మరణించినా ఆయన కోరికని వీళ్ళు తీర్చారు. కాశీపూర్ పట్టణానికి చెందిన రైతు లాలా బ్రజ్‌నందన్ ప్రసాద్ రస్తోగి తన భూమి లో కొంత భాగాన్ని మసీదుకు ఇవ్వాలనుకున్నాడు.

కానీ ఇది అవ్వకుండానే 2003 లో 80 ఏళ్ల వయసులో ఆయన చనిపోయారు. ఈ విషయాన్ని బ్రతికున్నప్పుడే బంధువులకి ఆయన చెప్పడంతో.. వాళ్ళ ద్వారా ప్రసాద్ కుమార్తెలు సరోజ్, అనితలకు ఈ మధ్యే తెలిసింది. సరోజ్, అనితలు తమ సోదరుడు రాకేశ్ రస్తోగికి ఈ విషయం చెప్పగా.. అంతా కలిసి నాలుగు ఎకరాల భూమిని మసీదుకు దానం చేయడానికి సిద్ధం అయ్యారు.

తమ వాటాగా వచ్చిన భూమిని మసీదుకు సరోజ్, అనితలు ఆదివారం ఇవ్వడం జరిగింది. ఆయన ఆఖరి కోరిక తీర్చడం మా బాధ్యత అన్నారు కూతుళ్లు. అలానే ఆయన ఆత్మకు శాంతి కలుగుతుంది అని రాకేష్ అన్నారు. ఇద్దరు అక్కా చెల్లెళ్లు మత ఐక్యతకు ప్రత్యక్ష ఉదాహరణ అని కాశీపూర్ మసీదు కమిటీ చీఫ్ హసిన్ ఖాన్ అన్నారు.

లాలా బతికున్నప్పుడు ఏదైనా ముఖ్య కార్యక్రమాలకు ఆయన నుంచే తొలి విరాళం మేము పొందే వాళ్ళం అని హసిన్ చెప్పారు. లాలా ముస్లింలకు మసీదు వద్ద ముస్లీములకి పండ్లు, స్వీట్లు పంచిపెట్టేవారని కూడా అన్నారు. లాలా మరియు మా తండ్రి మహ్మద్ రజా ఖాన్ మంచి స్నేహితులని.. వారిది 50 ఏళ్ల అనుబంధమని చెప్పారు.