News

ప్రస్తుతం వరుస సినిమాలతో బిజీగా ఉన్న హీరోయిన్స్‌లో ఒకరు పూజా హెగ్డే. ఇటీవల మోస్ట్ ఎలిజిలిబుల్ బ్యాచిలర్ సినిమాతో మరో హిట్ కొట్టిన పూజా హెగ్డే, ప్రస్తుతం రాధే శ్యామ్, అలాగే రణవీర్ సింగ్ హీరోగా నటిస్తున్న సర్కస్ సినిమా షూటింగ్‌లో బిజీగా ఉన్నారు.

అలాగే మరి కొన్ని సినిమాలను కూడా పూజా హెగ్డే సైన్ చేసారు. ఇదిలా ఉండగా, పూజా హెగ్డే ప్రస్తుతం మాల్దీవ్స్ వెకేషన్‌లో ఉన్నారు. ఇందుకు సంబంధంచిన ఫొటోస్ కూడా సోషల్ మీడియాలో షేర్ చేస్తున్నారు. అయితే, ఈ వెకేషన్ వెనకాల ఒక ముఖ్యమైన కారణం ఉందని సమాచారం. గత సంవత్సరం కూడా చాలా మంది సెలబ్రెటీలు మాల్దీవ్స్ వెకేషన్‌కి వెళ్లారు. వారందరికీ కూడా మాల్దీవ్స్ టూరిజంపై ప్రచారం చేయడానికి స్వయంగా మాల్దీవ్స్ టూరిజం యాజమాన్యం వెకేషన్‌కి వెళ్లే సౌకర్యం కల్పించారు.

కానీ పూజా హెగ్డే మాత్రమే తన సొంత డబ్బులతో ఈ వెకేషన్‌కి వెళ్లినట్టు సమాచారం. దీనికి కారణం ఏంటంటే, ఇప్పటికే తెలుగు ఇండస్ట్రీలో చాలా పాపులర్ అయిన పూజా హెగ్డే, ఇప్పుడు బాలీవుడ్‌లో కూడా వరుసగా అవకాశాలు దక్కించుకునే పనిలో ఉన్నారట. ఈ కారణంగానే ఒక స్పెషల్ ఫోటోషూట్ చేయాలి అని నిర్ణయించుకున్నట్లు సమాచారం. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. దీంతో పూజా హెగ్డే కేవలం టాలీవుడ్‌లో మాత్రమే కాదు, బాలీవుడ్ న్యూస్‌లో కూడా ఒక హాట్ టాపిక్ గా నిలిచారు.

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు. అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు.

ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు. ట్విట్టర్‌లో కూడా సమంత చాలా యాక్టివ్‌గా ఉంటారు. అయితే, ఇటీవల కేటీఆర్ చేసిన ఒక ట్వీట్‌పై సమంత ఇచ్చిన రిప్లై ప్రస్తుతం సోషల్ మీడియాలో వైరల్ అవుతోంది.

770 మంది మరణించిన రైతులకు 3 లక్షల రూపాయలు ఇవ్వబోతున్నట్లు కేసీఆర్ ప్రకటించడంపై టిఆర్ఎస్ పార్టీ వర్గాలు సంతోషం వ్యక్తం చేశాయి. ఇదే విషయంపై కేటీఆర్ కూడా ట్వీట్ చేశారు. ఈ ట్వీట్ కి సమంత నమస్కారం సింబల్ ని రిప్లైగా ట్వీట్ చేశారు. ప్రస్తుతం సమంత కాత్తు వాక్కుల రెండు కాదల్ అనే తమిళ్ సినిమా షూటింగ్‌లో బిజీగా ఉన్నారు. ఈ సినిమాలో విజయ్ సేతుపతి హీరోగా నటిస్తుండగా, నయనతార మరో హీరోయిన్ గా నటిస్తున్నారు.

ప్రస్తుతం ఎక్కడ చూసినా నడుస్తున్న టాపిక్ పుష్ప. ఈ సినిమాలో అల్లు అర్జున్ చాలా డిఫరెంట్ గా కనిపిస్తున్నారు.అంతే కాకుండా ఈ సినిమా అల్లు అర్జున్ మొదటి పాన్ ఇండియన్ సినిమా.

ఇప్పటికే విడుదలైన టీజర్, పోస్టర్స్ ప్రేక్షకుల్లో ఆసక్తిని పెంచాయి. దాదాపు 12 సంవత్సరాల తర్వాత మళ్లీ అల్లు అర్జున్, సుకుమార్ కలిసి చేస్తున్న సినిమా పుష్ప. దాంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమా డిసెంబర్ 17 వ తేదీన ప్రేక్షకుల ముందుకు రాబోతోంది.ఈ సినిమాలో ఓ ప్రత్యేక గీతంలో సమంత నర్తిస్తున్నారు అంటూ తాజాగా పుష్ప యూనిట్ ప్రకటించింది. దీనితో.. ఈ విషయం నెట్టింట్లో చర్చనీయాంశం అయింది.

ఈ పాట కోసం సమంత ఏకంగా కోటి రూపాయల రెమ్యునరేషన్ తీసుకుంటున్నారని టాక్. అయితే ఈ పాట కోసం సమంత కొన్ని కండిషన్లని పెట్టినట్లు సమాచారం. మొదట ఈ పాటని సిటీలోని ఒక స్టూడియోలో సెట్ వేసి చిత్రీకరించాలి అనుకున్నారు. కానీ సమంత రామోజీ ఫిలిం సిటీకి లొకేషన్ మార్చమని అడిగారు. అందుకు కారణం సమంతకి మీడియా ముందుకు రావడానికి ఆసక్తి లేకపోవడమే అని సమాచారం. అంతే కాకుండా విడాకుల తర్వాత సమంత నటిస్తున్న మొదటి తెలుగు సినిమా ఇది. దాంతో భావోద్వేగానికి లోనవుతే కష్టం అని, సమంతకి కొంచెం స్పేస్ కావాలి అని ఈ నిర్ణయం తీసుకున్నట్లు సమాచారం. ఇదే విషయాన్ని సుకుమార్ కి చెప్తే సుకుమార్ కూడా సరే అన్నారట.

బాలీవుడ్ ప్రముఖ నటుడు సుశాంత్ సింగ్ రాజ్ పుత్ ఇంట్లో తీవ్ర విషాదం చోటు చేసుకుంది. సుశాంత్ సింగ్ కుటుంబానికి చెందిన ఆరుగురు వ్యక్తులు రోడ్డు ప్రమాదంలో మృతి చెందారు. ఈ దుర్ఘటన సుశాంత్ అభిమానులను మరింతగా కలచివేస్తోంది.

బీహార్ లోని లఖిసరాయ్ జిల్లాలో మంగళవారం ఉదయం ఈ దుర్మరణం చోటు చేసుకుంది. సుశాంత్ కు చెందిన కుటుంబ సభ్యులు సుమోలో ప్రయాణం చేస్తుండగా ఈ దుర్ఘటన చోటు చేసుకుంది.

ఈ సుమోలో మొత్తం పది మంది ఉన్నారట. పదిమందిలో ఆరుగురు అక్కడికక్కడే చనిపోయారు. మరో నలుగురికి తీవ్రంగా గాయాలు అయ్యాయి. మరణించిన వారిలో సుశాంత్ మేనల్లుడు, బావ కూడా ఉన్నారు. వీరు కాక, హర్యానా ఐపీఎస్ ఓం ప్రకాష్ సింగ్ బంధువులు కూడా ఉన్నారు.

గతేడాది జూన్ లో సుశాంత్ ముంబైలోని తన ఫ్లాట్ లో ఆత్మహత్యకి పాల్పడ్డ సంగతి తెలిసిందే. ఈ కేసు అనేక మలుపులు తిరిగింది. ప్రియురాలు మోసం చేసిందని, మనస్థాపం వల్లే ఆత్మహత్య చేసుకున్నాడని ఇలా రకరకాల కారణాలు భావించారు. చివరకు డ్రగ్స్ మాఫియాకు కూడా సంబంధం ఉందేమోనని ఆ కోణంలో కూడా పోలీసులు దర్యాప్తు చేసారు. ఈ కేసుపై ఇప్పటివరకు వివరణ రాలేదు. అంతలోనే ఈ ఘోరం జరగడం సుశాంత్ కుటుంబానికి తీరని షాక్ అనే చెప్పాలి. ఈ దుర్వార్తతో సుశాంత్ అభిమానులు కూడా విషాదంలో మునిగిపోయారు.

వీ తర్వాత అమెజాన్ ప్రైమ్ లో విడుదలైన నాని సినిమా టక్ జగదీష్. ఈ ఈ సినిమాకి శివ నిర్వాణ దర్శకత్వం వహించారు. రీతు వర్మ, ఐశ్వర్య రాజేష్ హీరోయిన్లుగా నటించారు. ఈ సినిమా ఆశించిన ఫలితాన్ని ఇవ్వలేదు.

టక్ జగదీష్ సినిమాకి తమన్ సంగీత దర్శకత్వం వహించారు. అయితే సినిమాకి బ్యాక్ గ్రౌండ్ మ్యూజిక్ మాత్రం గోపీసుందర్ అందించారు. అసలు తమన్ అంటేనే బ్యాక్ గ్రౌండ్ మ్యూజిక్ స్పెషలిస్ట్.

అలాంటిది, “ఈ సినిమాకి గోపీసుందర్ బ్యాక్ గ్రౌండ్ మ్యూజిక్ అందించడం ఏంటి?” అని చాలా మంది ఆశ్చర్యపోయారు. ఈ విషయంపై తమన్ ఇటీవల స్పందించారు. తమన్ ఒక సందర్భంలో మాట్లాడుతూ, “నేను ఈ సినిమా బ్యాక్ గ్రౌండ్ మ్యూజిక్ మొత్తం పూర్తి చేశాను. కానీ అది నాని గారికి నచ్చలేదు. అప్పుడు వేరే మ్యూజిక్ డైరెక్టర్ నేపధ్య సంగీతం అందించారు. ఇలాంటి సంఘటన నా జీవితంలో మొదటిసారి జరిగింది. నేను నేను నా మనసు పెట్టి కంపోజ్ చేశాను. కానీ పొరపాటు ఎక్కడ జరిగిందో అర్థం అవ్వట్లేదు” అని అన్నారు.

సోషల్ మీడియా లో యాక్టి వ్ గా ఉండే సెలబ్రిటీలలో ఒకరు కాజల్ అగర్వాల్.  తన సినిమాలకు వ్యక్తిగత జీవితానికి సంబంధించిన చాలా విషయాలని కాజల్ అగర్వాల్ సోషల్ మీడియా వేదికగా తన అభిమానులతో పంచుకుంటూ ఉంటారు.

అయితే, “కాజల్ అగర్వాల్ తల్లి కాబోతున్నారా?” అంటూ సోషల్ మీడియాలో గత కొంత కాలం నుండి చాలా వార్తలు వస్తున్నాయి. ఈ విషయంపై ఇటీవల కాజల్ మాట్లాడుతూ, “దీని గురించి నేను ప్రస్తుతం మాట్లాడాలి అనుకోవట్లేదు. సమయం వచ్చినప్పుడు నేనే చెప్తాను” అని అన్నారు.

ఈ నేపథ్యంలో కాజల్ ఇవాళ సోషల్ మీడియాలో ఇంస్టాగ్రామ్ లో ఒక పోస్ట్ షేర్ చేశారు. “సోషల్ మీడియాలో ఏది షేర్ చేస్తే అదే వారి జీవితం అని అందరూ అనుకుంటారు అని, ఏ వ్యక్తిగత సంబంధం లేకపోయినా కూడా జనాలు అవతలవారి జీవితంపై హక్కు ఉన్నట్లు భావిస్తారు అని, కానీ సోషల్ మీడియాలో షేర్ చేయని విషయాలు కూడా చాలా ఉంటాయి అని, వారి జీవితంలో జరిగే విషయాలన్నిటినీ సోషల్ మీడియాలో ప్రకటించని మనుషులు చాలా మంది ఉంటారు” అని అర్థం వచ్చే ఒక పోస్ట్ ని కాజల్ షేర్ చేశారు. కాజల్ ప్రస్తుతం ఆచార్య సినిమా షూటింగ్ లో ఉన్నారు. ఈ సినిమా ఫిబ్రవరి 2022లో విడుదల కాబోతోంది.