అమ్మాయిల పై అకృత్యాలు, దాడులు రోజు రోజుకూ పెరిగిపోతూనే ఉన్నాయి. చట్టాల్లో ఎన్ని మార్పులు తెస్తున్నప్పటికీ ఎలాంటి మార్పు కనపడడం లేదు. ఇప్పటికే ఆడ వారి రక్షణకోసం ఎన్నో చట్టాలు అందుబాటులో ఉన్నాయి. నడిరోడ్డు పై నడుచుకుంటూ వెళుతున్న ఒక అమ్మాయి తన బైక్ ఎక్కనందుకు అతి కిరాతకంగా కత్తితో దాడి చేసాడు ఆ యువకుడు ఉన్మాది. ఈ సంఘటన గుంటూరు లోని కాకాణి రోడ్డులో జరిగింది.

పోలీసులు స్థానికుల కథనం ప్రకారం గుంటూరు కాకాణి రోడ్డులో నడుచుకుంటూ వెళుతున్న ఆ యువతికి బైక్ లో డ్రాప్ చేస్తా అంటూ వెంట పడ్డాడు. చాలా సేపటి వరకు ఆ అమ్మాయిని ఒప్పించే ప్రయత్నం చేసాడు ఇద్దరు కొద్ది సేపు వాగ్వాదానికి కూడా దిగారు, కానీ ఆ అమ్మాయి ఎంతకీ ఒప్పుకోకపోవడం తో ఆ యువకుడు కత్తితో అతి కిరాతకంగా కడుపులో పొడిచి, గొంతు కోసి పరారయ్యాడు.

తీవ్రంగా గాయాలపాలైన ఆ యువతి అక్కడి స్థానికులు హాస్పిటల్ తరలించే ప్రయత్నం చేశారు అయితే అప్పటికే ఆ యువతి మరణించినట్టుగా డాక్టర్లు తెలిపారు. మృత దేహాన్ని పరిశీలించిన అర్బన్‌ ఎస్పీ ఆరిఫ్‌ హఫీజ్‌ విచారణ చేపట్టారు దాడి చేసిన యువకుడికి ఈ అమ్మాయికి ఏదైనా సంబంధం ఉందా ? లేక అతను సైకో నా అనే కోణంలో విచారణ చేస్తున్నారు.

పట్టణం లోని ఒక ప్రైవేట్ కళాశాలో బీటెక్ చదువుతున్న ఆ యువతి సెల్ ఫోన్ డేటా ని పరిశీలిస్తే గాని పూర్తి సమాచారం తెలుసుకోలేమంటున్నారు పోలీసులు లాక్ అయ్యి ఉన్న ఆ ఫోన్ విలువైన సమాచారం కచ్చితంగా ఉంటుందని అనుమానం వ్యక్తం చేస్తున్నారు. గాయపడి చనిపోయిన అమ్మాయి తల్లిదండ్రులు కన్నీరుమున్నీరు అవుతున్నారు. ఆ ఉన్మాదిని త్వరగా పట్టుకుని కఠినంగా శిక్షించాలని డిమాండ్ చేస్తున్నారు. అయితే ప్రేమ వేధింపులే అమ్మాయి పై దాడికి కారణమై ఉంటయాని పోలీసులు అనుమానం వ్యక్తం చేశారు.

పూజ, శుభకార్యం ఏదైనా ముందు పసుపు గణపతిని పూజించడం ఎప్పటినుంచో ఆనవాయితీ గా వస్తోంది. పెళ్లి వంటి శుభకార్యాల ముందు కూడా పసుపు కొట్టడం తో ప్రారంభిస్తారు. వధువుని చేసిన తరువాత గౌరీపూజ చేసే ముందు కూడా పసుపు గణపతికి పెద్ద పీట వేస్తారు. పూజ ఏదైనా.. పసుపు గణపతిని అప్పటికప్పుడు చేసి పెట్టుకుని.. పూజించడం సంప్రదాయం గా వస్తోంది.

అయితే.. విఘ్నేశుడు గణాధిపతి. విఘ్నాలను తొలగిస్తాడు కాబట్టి.. ఏ పూజ, శుభకార్యం ప్రారంభించినా అవి నిర్విఘ్నం గా కొనసాగాలని ఆయనను ప్రార్దిస్తుంటాము. అయితే.. ఏ పూజ లో అయినా సరే వినాయకుని విగ్రహాన్ని వాడము. అవి కేవలం పూజ గదిలోనో.. లేక హాల్ లోనో ఉంచి పూజిస్తాం. కేవలం అప్పటికప్పుడు పసుపుతోనే గణపతిని చేయడం వెనుక పురాణాల్లో ఓ కథ ఉంది. ఈ కథ వల్లనే.. పూజల్లో పసుపు గణపతినే పెట్టె సంప్రదాయం వచ్చిందని చెబుతుంటారు.

పూర్వం త్రిపురాసురులు అనే రాక్షసులు తపస్సు చేసి బ్రహ్మ వద్ద నుంచి వరాలు పొందారు. ఆ తరువాత లోకాలను హింసించడం మొదలు పెట్టారు. ఆకాశం లో మూడు నగరాల్ని నిర్మించి అక్కడే ఉంటూ.. ముల్లోకాలను బాధించసాగారు. వీరి బాధ పడలేక ప్రజలంతా శివుడిని ప్రార్ధించారు. అప్పుడు శివుడు తన వాహనమైన నందిని ఈ మూడు నగరాలను కొమ్ములతో ఎత్తి పట్టుకోవాల్సింది గా ఆజ్ఞాపించాడు. నందీశ్వరుడు అలానే చేయగా.. ఆ మూడు నగరాలతో పాటు ఆ ముగ్గురు రాక్షసులను కూడా శివుడు అంతమొందించాడు.

అయితే.. ఆ సమయం లోనే నంది కొమ్ము ఒకటి సగం విరిగి భూభాగం పై పడింది. అదే పసుపు కొమ్ము గా వాడుకలోకి వచ్చింది. అయితే తన కొమ్ము విరిగినందుకు నందీశ్వరుడు బాధపడేవాడట. అతని బాధను చూసిన విఘ్నేశ్వరుడు ఈ కొమ్ము ఎక్కడపడిందో చూసి తీసుకొచ్చి ఇచ్చాడట. అయితే నంది కొమ్ము పడిన ప్రాంతం లో మరిన్ని కొమ్ములు మొలిచాయి. వీటిని పసుపు కొమ్ములుగా పేర్కొన్న శివుడు ఈ పసుపు కొమ్ములను చూర్ణం చేస్తే వచ్చిన పసుపు తో ఎవరైతే గణపతిని చేసి ఆరాధిస్తారో వారికి ఎట్టి విఘ్నాలు కలగవని పరమశివుడు వరమిచ్చాడు.

అప్పటి నుంచి ఈ పసుపు కొమ్ములను పవిత్రమైనవి గా భావిస్తూ.. వాటి నుంచి పసుపు ను తయారు చేసి.. ఆ పసుపు తో పూజలు, శుభకార్యాలకు ముందు పసుపు గణపతిని చేసి ఆరాధించడం మొదలైందట. ఇలా పసుపు గణపతిని చేసి.. ఆయనకు ఎదురుగా స్థిరం గా కూర్చుని పూజ చేసేవాళ్ళంటే వినాయకుడికి మహా ఇష్టమట. అందుకే ఆయన పూజల్లో కూడా ప్రారంభం లో “స్థిరో భవ, వరదో భవ, సుప్రసన్నో భవ.. స్థిరాసనం కురు” అంటూ చదువుతారు.

సాంకేతిక పరం గా ఎంత అభివృద్ధి చెందినా.. ఇంకా మూఢ నమ్మకాల చుట్టూ తిరుగుతూనే ఉన్నాం. మంత్రాలూ, తంత్రాల గీతలను దాటి బయటకు రాలేకపోతున్నాం. ఇటీవల చనిపోయిన ఓ వ్యక్తిని తిరిగి పూజలతో బతికిస్తాను అంటూ ఓ వ్యక్తి శవం వద్దే పూజలు చేస్తున్న ఘటన జగిత్యాలలో చోటు చేసుకుంది.

వివరాల్లోకి వెళితే, జగిత్యాల రూరల్ మండలం టిఆర్ నగర్ లో ఓర్సు రమేష్ అనే ఓ వ్యక్తి మరణించాడు. అయితే పుల్లయ్య అనే వ్యక్తి చదివిన మంత్రాల వల్లనే రమేష్ చనిపోయాడంటూ.. ఆ వ్యక్తి కుటుంబసభ్యులు, సన్నిహితులు పుల్లయ్యను చావబాదారు. ఆ దెబ్బలను తట్టుకోలేని పుల్లయ్య తన మంత్రాల వల్లనే రమేష్ చనిపోయాడని.. తిరిగి పూజలతో బతికిస్తానని ఉదయం నుంచి పూజలు చేస్తూ ఉన్నాడు.

దీనితో.. ఈ విషయం పోలిసుల వరకు వెళ్ళింది. సమాచారం అందిన వెంటనే ఘటనాస్థలికి చేరుకున్న పోలీసులు పుల్లయ్య ను అదుపులోకి తీసుకున్నారు. అలాగే.. రమేష్ మృతదేహాన్ని జగిత్యాల ఆసుపత్రికి తరలించారు. మరో వైపు పుల్లయ్యను పోలీసులు తీసుకెళ్లిపోవడం తో రమేష్ కుటుంబ సభ్యులు ధర్నా కు దిగారు. రోడ్డు పై ట్రాఫిక్ కూడా స్తంభించింది. దీనితో పోలీసులు రంగం లోకి దిగి పరిస్థితిని చక్కదిద్దారు. ఇలాంటి ఘటనలు చూసినప్పుడల్లా.. ఈరోజుల్లో కూడా ఇలాంటి నమ్మకాలూ ఉంటాయా అనిపిస్తోంది కదా.. ప్రపంచం ఎటు వెళ్తోంది..? మనం ఎటు పోతున్నాం అన్న సందేహాలు కూడా కలుగుతుంటాయి.

గత కొంత కాలం గా వివాహేతర సంబంధాలు ఎక్కువ గా కనిపిస్తున్నాయి. పెళ్లి అయినా స్త్రీ లేదా పురుషులు పరాయి స్త్రీ/పురుషులపై వ్యామోహం చెందడం వలన ఇలాంటివి ఎక్కువ గా జరుగుతున్నాయి. ఆ మోహం వలన సొంత భార్య లేక భర్తలను మోసం చేయడం.. చివరకు వారి ప్రాణాలు తీయడమో లేక తమ ప్రాణాలు తీసుకోవడమో జరుగుతోంది. తాజాగా.. ఈ కారణం గా ఓ వివాహిత ప్రాణాలు పోగొట్టుకున్న ఘటన కేరళలోని కోజికోడె లో చోటు చేసుకుంది.

వివరాల్లోకి వెళ్తే కోజికోడె లో ఓ వివాహిత జులై 19 నుంచి కనిపించకుండా పోయింది. దీనితో.. ఆమె భర్త పోలీసులకు ఫిర్యాదు చేసాడు. రోజులానే పనికి వెళ్లిన ఆమె కనిపించకుండా పోవడం తో భర్త ఆందోళన చెందాడు. పోలీసులు మిస్సింగ్ కేసు నమోదు చేసుకుని వెతుకులాట ప్రారంభించారు. ఆమె పని చేసే చోట విచారిస్తే.. ఆమె మరో పెళ్ళైన వ్యక్తితో అక్రమ సంబంధం కొనసాగిస్తున్నట్లు తేలింది. దీనితో ఆ కోణం లో కూడా పోలీసులు విచారణ ప్రారంభించారు.

దర్యాప్తు జరుగుతుండగానే.. తమిళనాడు లోని కోయంబత్తూరు లో ఓ లాడ్జి లోని రూమ్ లో బిందు విగత జీవి గా కనిపించింది. అదే రూమ్ లో మరో వ్యక్తి ముస్తఫా కూడా ప్రాణాలతో కొట్టుమిట్టాడుతూ కనిపించాడు. దీనితో పోలీసులు మరింత లోతు విచారణ చేస్తే.. తేలింది ఏమిటంటే.. బిందు కనిపించని రోజు నుంచి ముస్తఫా కూడా కనిపించకుండా పోయినట్లు మిస్సింగ్ కేసు నమోదు అయింది. వీరిద్దరూ ఒకేసారి అనుకుని బయటకు వచ్చి కలుసుకున్నారు. కోయంబత్తూరు లోని ఓ లాడ్జి లో కలుసుకున్నారు. వారిద్దరూ భార్య భర్తలమని చెప్పి రూమ్ తీసుకున్నారట. కొన్ని రోజుల పాటు ఆ రూమ్ లోనే వారి బంధాన్ని కొనసాగించారు.

అయితే.. ఎక్కువ కాలం పాటు ఇలా ఉండడం కష్టమని అర్ధం చేసుకున్న వారు ఆత్మహత్య చేసుకోవాలనుకున్నారు. బిందు విషం తాగి ఆత్మహత్య చేసుకుంది. ముస్తఫా కూడా బ్లేడు పెట్టి మణికట్టు వద్ద కోసుకున్నాడు. రెండు రోజులైనా తలుపులు తీయకపోవడం తో అనుమానం వచ్చిన లాడ్జి మానేజ్మెంట్ తలుపు పగలగొట్టి చూడగా.. ముస్తఫా కొన ఊపిరి తో కనిపించాడు. బిందు కు ఏడేళ్ల పాప ఉండగా.. ముస్తఫా కు కూడా భార్య ఇద్దరు పిల్లలు ఉన్నారు. కొన్ని రోజుల్లో ఇంటి నిర్మాణం పూర్తవుతుందనగా.. బిందు విగత జీవి గా మారడం తో ఆమె కుటుంబ సభ్యులు విలపిస్తున్నారు.

ఆంధ్రప్రదేశ్ లోని గుంటూరు జిల్లాలో ఇటీవల జరిగిన ఓ ఘటన చర్చలకు దారి తీసింది. వివరాల్లోకి వెళితే, ఈనాడు కథనం ప్రకారం గుంటూరు జిల్లా, నాదెండ్ల లోని గణపవరం నివాసులైన పోలిశెట్టి రవి అనే ఒక యువకుడు గుంటూరుకు చెందిన మహమ్మద్ షాహీనా అనే యువతిని ప్రేమించారు. వీరిద్దరూ గత ఐదు సంవత్సరాలుగా ప్రేమించుకుంటున్నారు.

ఇద్దరు మేజర్లు అవ్వడంతో వారం క్రితం ఇంట్లో వాళ్ళకి తెలియకుండా పెళ్లి చేసుకున్నారు. ఆ తర్వాత నాదెండ్ల పోలీసులను ఆశ్రయించి రక్షణ కావాలి అని కోరారు. పోలీసులు ఇరు కుటుంబ సభ్యులను పిలిచి కౌన్సిలింగ్ ఇచ్చి పంపించారు. అంతా బాగానే ఉంది అనే సమయంలో రవి కుటుంబ సభ్యులు బుధవారం నాడు నోములు జరుపుకుంటున్నారు.

అదే సమయంలో షాహీనా తరపు బంధువులు వచ్చి రవి ఇంట్లో దాడికి పాల్పడ్డారు. ఈ దాడిలో ఇంటి అద్దాలు పగిలిపోయాయి. అంతే కాకుండా ముగ్గురికి స్వల్ప గాయాలు కూడా అయ్యాయి. ఈ విషయం తెలుసుకున్న పోలీసులు ఘటనా స్థలానికి చేరుకొని గొడవని అదుపు చేశారు.