News

ప్రస్తుతం బియ్యం ధరలు ఆకాశాన్ని అంటుతున్నాయి, దేశమంతా వరి ఉత్పత్తి బాగానే ఉన్నప్పటికీ బియ్యం ధరలు మాత్రం దిగిరావడం లేదు. రోజురోజుకీ రేటు పెరిగిపోతూ సామాన్యులు కొనలేని పరిస్థితి ఏర్పడింది. అయితే ఈ సమస్య మీద దృష్టిపెట్టిన కేంద్ర ప్రభుత్వం సామాన్యులకు ఊరట కల్పించేందుకు భారత్ రైస్ ని అందుబాటులోకి తీసుకువచ్చింది. పేద సామాన్య ప్రజలకు తక్కువ ధరకే నాణ్యమైన బియ్యం అందించేందుకు భారత్ రైస్ పేరుతో బియ్యాన్ని తీసుకువచ్చింది.

ఈ బియ్యాన్ని 29 రూపాయలకే విక్రయిస్తున్నారు. ఈ బియ్యం విక్రయాలను ఇప్పటికే ప్రారంభించారు. నేషనల్ అగ్రికల్చర్ కోపరేటివ్ మార్కెటింగ్ ఫెడరేషన్ ఆఫ్ ఇండియా లిమిటెడ్, కేంద్రీయ బండార్ రిటైల్ కేంద్రాలు, నేషనల్ కోపరేటివ్ కన్జ్యూమర్ ఫెడరేషన్ ఆఫ్ ఇండియా లిమిటెడ్ తో పాటు మొబైల్ అవుట్ లెట్ లలో కూడా ఈ బియ్యం విక్రయిస్తున్నారు.

అయితే హైదరాబాదులో ఈ బియ్యం కేంద్రాలు ఎక్కడ ఉన్నాయో చూద్దాం.

#1. సుల్తాన్ బజార్లో ఎన్ సీ సీ ఎఫ్,

#2. కోఠి లో కేంద్రీయ బండార్,

#3. గన్ పార్క్ సమీపంలో ఎన్ ఏ ఏ ఎఫ్ ఈ డి దగ్గర భారత్ రైస్ ని విక్రయిస్తారు.

త్వరలోనే మొబైల్ అవుట్ లెట్ల ద్వారా కూడా బియ్యాన్ని విక్రయిస్తారు. అలాగే ఈ బియ్యాన్ని జియో మార్ట్, ఫ్లిప్కార్ట్, అమెజాన్ వంటి ఈ కామర్స్ సైట్ల ద్వారా కూడా కొనుగోలు చేయవచ్చు. 5 కేజీలు, 10 కేజీలు బ్యాగుల్లో భారత్ రైస్ లభిస్తాయి. తొలి దశలో రిటైల్ మార్కెట్లలో ఐదు లక్షల టన్నుల బియ్యాన్ని విక్రయిస్తామని కేంద్రం తెలిపింది.

బియ్యం ధరలను అరికట్టేందుకే కేంద్రం ఇటువంటి చర్యలు చేపట్టింది. బియ్యం ధరలు తగ్గేవరకు ఎగుమతులపై నిషేధం కొనసాగుతుందని కేంద్రం వెల్లడించింది. రిటైలర్లు, హోల్సేలర్లు, ప్రొసీజర్లు ప్రతి శుక్రవారం స్టాక్ వివరాలను మంత్రిత్వ శాఖ వెబ్సైట్లో ఉంచాలని ఆదేశాలు జారీ చేసింది. ప్రస్తుతం సన్న బియ్యం ధర 60 రూపాయల వరకు ఉండగా భారత 29 రూపాయలకే విక్రయిస్తూ ఉండటంతో సామాన్యులు ఈ షాపులు ముందు క్యూ కడుతున్నారు.

Centre launches sale of Bharat Rice at an MRP of Rs. 29/kg in 5Kg and 10Kg packs

‘Bharat’ Rice available at physical and mobile outlets of Kendriya Bhandar, National Agricultural Cooperative Marketing Federation of India (@nafedindia) and National Cooperative Consumers'… pic.twitter.com/p0CjnZveIs

— PIB India (@PIB_India) February 6, 2024

500 సంవత్సరాల తరువాత అంగరంగ వైభవంగా అయోధ్య రాముడు సొంత గడ్డపై కొలువుతీరాడు. సుకుమార సుందర రూపుడైనా రామ్ లల్లా ను దర్శించేందుకు దేశవ్యాప్తంగానే కాకుండా విదేశాల నుంచి సైతం భక్తులు తరలివస్తున్నారు. దీనివలన రైళ్లలో రద్దీ పెరగటం చూసిన రైల్వే అధికారులు ఏపీలోని ఉభయ గోదావరి జిల్లాల నుంచి నేరుగా అయోధ్యకు రైలు ఏర్పాటు చేశారు. అయోధ్యకు వెళ్లి రాముల వారి దర్శనం చేసుకొని మరల తిరిగి అదే రైల్లో వారి స్వగ్రామాలకు వచ్చే విధంగా ప్రత్యేక రైలును ఏర్పాటు చేసింది రైల్వే శాఖ.

రాజమండ్రి,సామర్లకోట,తుని స్టేషన్ల నుంచి కాశీ పుణ్యక్షేత్రానికి వెళ్లాలనుకునే వారు ఇక రైళ్లు మారవలసిన అవసరం లేదు. గతంలో రాజమండ్రి నుంచి విశాఖకు ఒక రైలు, అక్కడి నుంచి భువనేశ్వర్ వరకు మరొక రైలు, అక్కడ నుంచి కాశీ లేదంటే అయోధ్యకు వెళ్లడానికి మరొక రైలు ఎక్కాల్సి వచ్చేది. ఇకమీదట అలాంటి ఇబ్బంది ప్రజలకు ఉండదు . ఎందుకంటే 07218 నెంబర్ తో ఈ నెల 11 నుంచి సామర్లకోట నుంచి అయోధ్య కి వెళ్లటానికి డైరెక్ట్ రైలు ఏర్పాటు చేశారు తిరిగి 14వ తేదీన అయోధ్యలో తిరుగు ప్రయాణం ప్రారంభమవుతుంది.

అలాగే గుంటూరు నుంచి మరొక రైలు రాజమండ్రి, సామర్లకోట, తుని, అనకాపల్లి మీదుగా ప్రయాణించనుంది. ఏడవ తేదీన గుంటూరులో ప్రారంభమై అయోధ్యకు చేరుతుంది. తిరిగి పదవ తేదీన అయోధ్య నుంచి గుంటూరు కి చేరుతుంది. రైల్వే అధికారులు చేసిన ఈ ఏర్పాటుకు ఉభయగోదావరి జిల్లా వాసులు తమ సంతోషాన్ని వ్యక్తం చేస్తున్నారు.

రెండు మూడు మైళ్ళు మారి వెళ్లవలసిన పని లేకుండా నేరుగా ఉమ్మడి జిల్లాల నుంచే ప్రత్యేక రైలు అందుబాటులో ఉండటంతో పెద్ద ఎత్తున రామ భక్తులు దర్శనం చేసుకుంటారని భావిస్తున్నారు రైల్వే శాఖ. అయితే నిజంగానే ఈ అవకాశాన్ని ఎలాగైనా ఉపయోగించుకుంటామని, రిజర్వేషన్ లేకపోయినప్పటికీ సాధారణమైన ప్రయాణం చేసైనా సరే సుందర రాముడిని దర్శించుకుంటాం అని చెప్తున్నారు ఉభయ గోదావరి జిల్లా వాసులు.

ప్రముఖ డిజిటల్ పేమెంట్స్ సంస్థ పేటీఎం ప్రస్తుతం చిక్కుల్లో పడింది. పేటీఎం పేమెంట్స్ బ్యాంకు ను ఆర్బిఐ నిషేధించి సంచలన సృష్టించింది. అసలు పేటీఎంను ఆర్బిఐ ఎందుకు నిషేధించింది దీని వెనకాల కారణం ఏంటి అని పరిశీలిస్తే….!

ఆర్థిక లావాదేవీలకు కేవైసీ తప్పనిసరి అన్న సంగతి అందరికీ తెలిసిందే. కానీ పేటీఎం పేమెంట్స్ బ్యాంక్ మాత్రం ఆ నిబంధనను పాటించలేదు. పేటీఎంకు భారీ ఖాతాలు ఉన్నాయి. వీటిలో చాలా వాటికి కేవైసీ సమాచారం లేదు. పేరులేని ఈ ఖాతాల నుంచి కోట్లాది రూపాయల నగదు లావాదేవీలు జరిగాయి. పేటీఎం పేమెంట్స్ బ్యాంక్ ద్వారా భారీ మొత్తంలో మనీ లాండరింగ్ జరిగినట్లు రిజర్వ్ బ్యాంక్ అనుమానిస్తోంది.

ఆర్బీఐ విధించిన ఆంక్షల కారణంగా లక్షలాది మంది కస్టమర్లు ప్రభావితులయ్యారు. ఫిబ్రవరి 29 తర్వాత పేటీఎంలో లావాదేవీలు జరపవచ్చా? పేటీఎం వ్యాలెట్‌లో డిపాజిట్ చేసిన డబ్బు ఏమవుతుంది? ఇలాంటి ప్రశ్నలతో పేటీఎం వినియోగదారులు ఆందోళన చెందుతున్నారు. నివేదికల ప్రకారం 1000 యూజర్స్ కి సంబంధించిన అకౌంట్స్ ఉంటే వాటి అన్నింటికీ ఒక్కటంటే ఒక్కటే పాన్ ఉన్నట్టు సమాచారం.

రిజర్వ్ బ్యాంక్ ఆఫ్ ఇండియా, ఆడిటర్లు వెరిఫికేషన్ చేసినప్పుడు వారు ఇందులో భారీ అక్రమాలను కనుగొన్నారు. అప్పుడే పేటీఎంపై రిజర్వ్ బ్యాంక్ ఆర్థిక ఆంక్షలు విధించింది. ఎన్‌ఫోర్స్‌మెంట్ డైరెక్టరేట్‌కు కూడా సమాచారం అందించింది. ఈ ఆర్థిక మోసానికి సంబంధించి ఆర్థిక మంత్రిత్వ శాఖ, ప్రధానమంత్రి కార్యాలయానికి కూడా సమాచారం అందించినట్లు సమాచారం. పేటీఎం పేమెంట్స్ ద్వారా చెత్త వ్యతిరేక కార్యకలాపాలు జరిగాయా లేదా అనేది ఈడి పరిశీలిస్తుంది.

సినిమా ఇండస్ట్రీ అనేది ఒక వింత ప్రపంచం. ఇక్కడ ఎవరికి ఎప్పుడు గుర్తింపు వస్తుందో తెలియదు. ఎలా తరబడి కష్టపడ్డ ఒక్కొక్కరికి అనుకున్నంత స్థాయిలో గుర్తింపు రాదు. కానీ ఒక్కొక్కరికి మాత్రం ఒక చిన్న పాత్ర ఎంతో మంచి గుర్తింపు తీసుకువస్తుంది. తాజాగా ఈటీవి విన్ యాప్ లో #90’s వెబ్ సిరీస్ వచ్చింది.

ఈటీవీ విన్ యాప్ కు ఊహించని స్థాయిలో సబ్ స్క్రైబర్లు పెరగడంలో ఈ వెబ్ సిరీస్ కీలక పాత్ర పోషించింది.ఈ వెబ్ సిరీస్ కు సీక్వెల్ కూడా ఉండబోతుందని తెలుస్తోంది.1990 నుంచి 2000 మధ్య పుట్టిన వ్యక్తుల రియల్ లైఫ్ ను ప్రతిబింబించేలా ఉండటం ఈ వెబ్ సిరీస్ కు బాగా ప్లస్ అయింది. ఈ సీరీస్ లో నటించడం ప్రతి ఒక్కరికి మంచి గుర్తింపు వచ్చింది. ఇందులో మాస్టర్ రోల్ లో నటించిన నటుడు సందీప్ తన నటనతో ఆ పాత్రకు ప్రాణం పోశారు. తాజా ఒక యూట్యూబ్ ఛానల్ ఇచ్చిన ఇంటర్వ్యూలో సందీప్ పలు విషయాలు పంచుకున్నాడు.

ఈ వెబ్ సిరీస్ డైరెక్టర్ ఆదిత్య హాసన్ నా రూమ్ మేట్ అని సందీప్ వెల్లడించారు. ఈటీవి లో ప్రసారం అయ్యే జబర్దస్త్ లో ఎన్నో స్కిట్లు చేశానని ఆయన తెలిపారు.నా స్వస్థలం కామారెడ్డి అని ఇంటర్ లో ఇండస్ట్రీపై ఆసక్తి పెరిగిందని సందీప్ అన్నారు.చలాకీ చంటి ఛాన్స్ ఇచ్చారని సందీప్ వెల్లడించారు.డైరెక్టర్ తో ఉన్న స్నేహం వల్ల ఈ వెబ్ సిరిస్ లో ఛాన్స్ దక్కిందని అన్నారు.

ఆదిత్య హాసన్ కథలు చెప్పేవాడని ఆయన కథలు విని షాకయ్యేవాడినని సందీప్ పేర్కొన్నారు.కథ విని క్యారెక్టర్ అడగగా అడిషన్ చేసి తీసుకున్నారని ఆయన వెల్లడించారు. జబర్దస్త్ లో ఎన్ని స్కిట్ లు చేసిన రాని గుర్తింపు ఈ ఒక్క వెబ్ సిరీస్ తో వచ్చింది అని తన సంతోషాన్ని వ్యక్తం చేశారు.బయట అందరూ మ్యాథ్స్ టీచర్ అని పిలుస్తున్నారని సందీప్ తెలిపారు.

ఏదైనా తవ్వకాలు జరిగినప్పుడు పురావస్తు వస్తువులు బయటపడడం చూస్తూనే ఉంటాం. ఒక్కోసారి కొన్ని అద్భుతాలు అక్కడ కనిపిస్తూ ఉంటాయి. తాజాగా రాయచూరు జిల్లా శక్తి నగర్ సమీపంలో కృష్ణా నదిలో జరుగుతున్న తవ్వకాల్లో పురాతన విగ్రహాలు లభ్యమయ్యాయి. రాయచూరు-తెలంగాణ సరిహద్దులోని శక్తి నగర్ సమీపంలో కృష్ణా నదిపై వంతెన నిర్మిస్తున్నారు. ఈ వంతెన నిర్మాణ సమయంలో దేవుడి విగ్రహాలు బయటపడ్డాయి. కృష్ణానదిలో శ్రీకృష్ణుని దశావతార విగ్రహం, శివ లింగం లభ్యమయ్యాయి. విగ్రహాలను అక్కడ పని చేసే సిబ్బంది నదిలో నుంచి సురక్షితంగా బయటకు తీశారు.

కృష్ణా నదిలో విష్ణుమూర్తి అవతారమైన వెంకటేశ్వర స్వామి రెండు విగ్రహాలు, శివలింగం లభ్యమయ్యాయి.ఇక్కడ లభ్యమైన విష్ణు విగ్రహానికి సంబంధించి పలు ఆసక్తికర విషయాలు బయటకు వస్తున్నాయి. పరిశోధకులు,చరిత్రకారులు ఆ విగ్రహాలపై తమ అభిమానాన్ని చాటుకున్నారు. కృష్ణా నదిలో నీరు అడుగంటిపోవడంతో మత్స్యకారులు అదే నీటిలో చేపలు పడుతుండగా ఈ విగ్రహాలు బయటపడ్డాయి. అలాగే కృష్ణానదిపై వంతెన నిర్మాణ పనులు చేపట్టి అక్కడక్కడ మట్టిని తవ్వారు. ఈ క్రమంలోనే భూమిలో పాతిపెట్టిన విగ్రహాలు ఇప్పుడు బయటకు వచ్చి ఉండొచ్చని అంటున్నారు. దొరికిన మూడు విగ్రహాలు వేర్వేరుగా ఉన్నాయి.

ఇక్కడ లభించిన విష్ణు, ఈశ్వర లింగ విగ్రహాలు 12 నుంచి 15వ శతాబ్దానికి చెందినవిగా చెబుతున్నారు. ప్రస్తుతం లభించిన విగ్రహాలు రాణి రుద్రమ్మ దేవి, శ్రీకృష్ణదేవరాయల కాలం నాటివని చరిత్రకారుల అంచనా వేశారు. అప్పట్లో శ్రీకృష్ణదేవరాయలు వీటిని ప్రతిష్టించి ఉంటారు అని అంటున్నారు. ఈ విగ్రహాలను చూడడానికి స్థానికులు, పురావస్తు అభిమానులు అక్కడికి విచ్చేశారు.