Home News
Category:

News

NewsPolitics

TS EXIT POLL RESULTS: బర్రెలక్క భవిష్యత్తు గురించి ఎగ్జిట్ పోల్స్ ఏం చెప్తున్నాయి.? ఎన్ని ఓట్లు రావచ్చు.?

by Sainath Gopi
written by Sainath Gopi

కొల్లాపూర్ అసెంబ్లీ నియోజకవర్గం .. దీని గురించి పెద్దగా తెలియని వాళ్లకు కూడా బర్రెలక్క కారణంగా బాగా తెలిసే ఉంటుంది. ఇంతకీ స్వతంత్ర అభ్యర్థిగా పోటీ చేసిన కర్నె శిరీష అలియాస్ బర్రెలక్క.. భవిష్యత్తు ఏమిటి అనే విషయంపై ఎగ్జిట్ పోల్స్ ఏం చెబుతున్నాయో తెలుసా? బర్రెలక్క గెలుపు ఓటముల పై బేరీజు వేస్తూ జరిగిన ఆరా మస్తాన్ సర్వే వివరాలను వెల్లడించింది. ఈ వివరాల ప్రకారం బర్రెలక్కకు 15 వేల ఓట్లు రావచ్చని సర్వే పేర్కొంది.

ఈ డేటా ప్రకారం బర్రెలక్క గెలుస్తుందా లేదా అనేదానికంటే కూడా గట్టి పోటీని ఇస్తుంది అని మాత్రం కచ్చితంగా తెలుస్తుంది. ఈ సర్వే ప్రకారం కాంగ్రెస్ అభ్యర్థి జూపల్లి కృష్ణారావు గెలిచే అవకాశం ఉందని తెలుస్తుంది.
ఇక బర్రెలక్క అలియాస్ కర్నె శిరీష..పెద్దకొత్తపల్లి మండలం మరికల్ గ్రామంలో తన ఓటు హక్కును వినియోగించుకుంది.మర్రికల్ గ్రామంలోని బూత్ నెంబర్ 12 లో బర్రెలక్క ఓటు వేసింది. హైకోర్టు ఆదేశాల మేరకు ఆమెకు ఈసీ సెక్యూరిటీ కూడా ఇచ్చారు.

https://www.facebook.com/Jupallykrishnarao/posts/pfbid02zF99Rch7VtL9VRY1UumrzG68w1dwgwtppCPGfKH2zC4yRJoz1Hf9xo9Qgjkuw8Qrl

సెక్యూరిటీతో పోలింగ్ బూత్ వద్దకు వచ్చి తన ఓటు హక్కు వినియోగించుకున్న తర్వాత..బర్రెలక్క మీడియాతో మాట్లాడింది. ప్రతి ఒక్కరూ తప్పకుండా తమ ఓటు హక్కు వినియోగించుకొని.. ప్రజాస్వామ్యాన్ని కాపాడాలి అని ఈ సందర్భంగా ఆమె పిలుపునిచ్చింది. సర్వే విషయం పక్కన పెడితే బర్రెలక్క మాత్రం తన గెలుపు పై కాన్ఫిడెంట్ గా ఉన్నట్టు కనిపిస్తోంది. మరి ఫలితాలు ఎవరి పక్కన ఉంటాయో రిజల్ట్స్ వచ్చాక తెలుస్తుంది..

తెలంగాణ అసెంబ్లీ ఎలెక్షన్ల పై సుమారు 20 దాకా సర్వే సంస్థలు వారు నిర్వహించిన ఎగ్జిట్‌ పోల్స్‌ ను విడుదల చేశారు. అయితే వాటిలో పదిహేనుకు పైగా సర్వేలు ఈ అసెంబ్లీ ఎలెక్షన్స్ లో కాంగ్రెస్ ముందుంజలో ఉన్నట్టుగా వెల్లడించాయి. కొన్ని సంస్థలు మాత్రమే అధికార పార్టీ బీఆర్‌ఎస్‌దే విజయం అని తెలిపాయి. ఎగ్జిట్‌ పోల్స్‌ చాలా వరకు కాంగ్రెస్‌ కంటే బీఆర్‌ఎస్‌ వెనుకబడిందని వెల్లడించడంతో తుది ఫలితాల్లో కూడా ఇదే నిజమయ్యే అవకాశం లేకపోలేదని రాజకీయ పండితులు సైతం అభిప్రాయడుతున్నారు.

News

ఉత్తరాఖండ్ టన్నెల్ రెస్క్యూ లో ఈ వ్యక్తి గురించి మాట్లాడుకుంటున్నారు..! ఇతను ఎవరంటే..?

by Sainath Gopi
written by Sainath Gopi

ఉత్తరాఖండ్ లోని సిల్క్ యార టన్నెల్ ఆపరేషన్ సక్సెస్ అయింది. 17 రోజుల తర్వాత 41 మంది కార్మికుల సొరంగా నుండి బయటకు వచ్చారు. ర్యాట్ హోల్ మైనర్లు అంటే బొగ్గు గనుల్లో సన్నని మార్గాలను తవ్వడంలో నిపుణులు అద్భుతం చేశారు.సోమవారం రాత్రి నుండి మెరుపు వేగంతో తవ్వకాలు చేపట్టిన 12 మంది 57 మీటర్లు డ్రిల్లింగ్ పూర్తి చేసి కూలీలు ఉన్న ప్రాంతానికి చేరుకున్నారు. ఆ తర్వాత గొట్టాన్ని పంపించి అందులో నుంచి కార్మికులను ఒక్కొక్కరిగా బయటకు తీసుకొచ్చారు.

ఈ సిల్క్ యారా సొరంగంలో నవంబర్ 12న కార్మికులు పనులు చేస్తుండగా టన్నెల్ కొంత భాగం ఒక్కసారిగా కప్పు కూలింది. దీంతో 41 మంది కూలీలు అందులో చిక్కుకున్నారు. రెండు కిలోమీటర్లు పొడవైన సొరంగం ముందు భాగంలో 200 మీటర్ ల మూసుకుపోవడంతో బయటకు వచ్చే మార్గం లేకుండా పోయింది.

ఈ కార్మికులను కాపాడేందుకు రెస్క్యూ సిబ్బంది 17 రోజులుగా అలుపెరగని పోరాటం చేశారు. తొలుత సొరంగలోకి రంధ్రం చేసి బయట నుండి తాగునీరు, ఆహారం, ఔషధాలు అన్ని పంపించారు. వారితో మాట్లాడి ధైర్యం చెప్పారు.అయితే ఈ ర్యాట్ హోల్ మైనర్ బృందంలోని మున్నా ఖురేషి అనే వ్యక్తి ఈ ఆపరేషన్ లో హీరోగా నిలిచాడు. 29 ఏళ్ల ఈ రాట్ హోల్ మైనర్ ఢిల్లీలోని ఒక ఇంజనీరింగ్ కంపెనీలో పని చేస్తున్నాడు. ఆ కంపెనీ వాటర్ లైన్స్ లో ఇరుక్కున్న మురికిని తొలగిస్తూ ఉంటుంది. 12 మీటర్ల సొరంగాన్ని తవ్వేందుకు ఒక డజన్ మంది ర్యాట్ హోల్ మైనర్లను ఉత్తరాఖండ్ తీసుకువచ్చారు.

మామూలుగా అయితే ఈ పద్ధతి ని 2014లో బ్యాన్ చేశారు. బొగ్గు తవడంలో ఇది అనుకూలంగా లేదని బ్యాన్ చేశారు.43 మంది కార్మికులు ఇరుక్కున్న సొరంగంలో ఆఖరి అడ్డును తొలగించింది మున్నా ఖురేషినే. ఒక్కసారిగా మున్నా ఖురేషిని చూసిన 41 మంది కార్మికులు అతన్ని హత్తుకుని కృతజ్ఞతలు తెలియజేసినట్లుగా తెలిపాడు. వాళ్లు ఇతనికి బాదం పప్పులు కూడా అందించారట. సొరంగం తవ్విన తర్వాత NDRF బృందాలు వచ్చేంతవరకు కూడా అరగంట పాటు కార్మికులతో కలిసి ఈ మైనర్ బృందం అక్కడే ఉన్నారు.

 

Also Read:ఈ ఫోటోలో ఉన్న ఈ యంగ్ “మెగా హీరో” ని గుర్తు పట్టారా..?

EventsNews

భారతదేశంలోనే పెళ్లి చేసుకోండి అని నరేంద్ర మోడీ ఎందుకు చెప్పారు..? ఇలా చేయడం వల్ల ఏం జరుగుతుంది..?

by Sainath Gopi
written by Sainath Gopi

విదేశాలతో పోలిస్తే భారత్ లో జరిగే పెళ్లిళ్లు చాలా ప్రత్యేకంగా ఉంటాయి. విదేశాలలో చాలా సింపుల్ గా పెళ్లి జరిగిపోతుంది. కానీ భారత్ లో అలా కాదు పెళ్లి అనేది లైఫ్ లో ఒక్కసారి వచ్చే ఈవెంట్ కాబట్టి భారీగా ఖర్చు చేస్తారు. లక్ష రూపాయల నుండి కోట్ల రూపాయల వరకు పెళ్లికి ఖర్చు చేసే వారు ఉంటారు. అయితే చాలామంది ధనవంతులు ఇటీవల పెళ్లిళ్ల కోసం భారత్ లో కాకుండా డెస్టినేషన్ వెడ్డింగ్ అంటు విదేశాలకు వెళ్తున్నారు.

తాజాగా నరేంద్ర మోడీ మనకి బాత్ కార్యక్రమంలో డెస్టినేషన్ వెడ్డింగ్స్ పైన ఆందోళన వ్యక్తం చేసి భారత్ లోనే పెళ్లి చేసుకోవాలని విజ్ఞప్తి చేశారు. అసలు మోడీ అలా ఎందుకు చెప్పారో తెలుసుకుందాం…!


మన దేశ రాజధాని ఢిల్లీలోనే పెళ్లిళ్ల సీజన్‌లో నాలుగు లక్షల వివాహాలు జరుగుతున్నాయి. ఈ మొత్తం పెళ్లిళ్లకు అయ్యే ఖర్చు రూ. 1.25 లక్షల కోట్లు ఉంటుందని అంచనా.ఈ పెళ్లిళ్ల కారణంగా మన దేశంలో రూ.1.25 లక్షల కోట్ల వ్యాపారం జరుగుతుంది. వాణిజ్య సంస్థ CAT అంచనాల ప్రకారం.. ఈ ఏడాదిలో ఒక పెళ్లికి రూ.3 లక్షల వ్యయం చొప్పున దాదాపు 7 లక్షల వివాహాలు జరుగుతాయి. అలాగే.. రూ.6 లక్షల ఖర్చు చొప్పున 8 లక్షల వివాహాలు, రూ. 10 లక్షల ఖర్చు చొప్పున 10 లక్షల వివాహాలు జరుగుతాయని చెప్పింది.

అంతేకాదు.. రూ.15 లక్షల ఖర్చు చొప్పున 7 లక్షల వివాహాలు, రూ.25 లక్షలు చొప్పున 50 వేలు, రూ.50 లక్షలు ఖర్చయ్యే ఐదు లక్షల పెళ్లిళ్లు, ఒక 1 కోటి లేదా అంతకంటే ఎక్కువ ఖర్చు వివాహాలు 50 వేలు జరుగుతాయి. ఒకవేళ ఈ పెళ్లిళ్లన్ని భారతదేశం వెలుపల విదేశాల్లో జరిగితే మాత్రం.. ఆ డబ్బంతా విదేశాలకు వెళ్తుంది. దీంతో.. భారత ఆర్థిక వ్యవస్థ బాగా దెబ్బతింటుంది. డెస్టినేషన్ వెడ్డింగ్ వల్ల పెళ్లి ఖర్చులో 50% మాత్రమే భారత్ కి వస్తుంది మిగతాదంతా విదేశాలకు వెళ్ళిపోతుంది. అలాగే పెళ్లి ఈవెంట్ పైన ఎందరో ఆధారపడి జీవిస్తున్నారని వారందరికీ జీవన ఉపాధి కోల్పోతుందని మ్యారేజ్ ఈవెంట్స్ వారు చెబుతున్నారు.

ఇప్పుడు మన భారతదేశంలో ధనవంతుల సంఖ్య వేగంగా పెరుగుతోంది. 2022లో రూ.8 కోట్లు లేదా అంతకంటే ఎక్కువ నికర విలువ కలిగిన సంపన్నుల సంఖ్య 7,97,714కు చేరింది. 2027 నాటికి ఇది 16,57,272కి పెరుగుతుందని అంచనా వేస్తున్నారు. ఈ సంపన్నులందరూ డెస్టినేషన్ వెడ్డింగ్‌పైనే ఎక్కువ మక్కువ చూపుతున్నారని CAT సంస్థ భావిస్తోంది. ఈ సంపన్నులంతా విదేశాలకు వెళ్లి పెళ్లిళ్లు చేసుకుంటే.. భారత్ ఆర్థిక వ్యవస్థ తప్పకుండా దెబ్బతింటుంది. అందుకే.. ప్రధాని మోదీ డెస్టినేషన్ వెడ్డింగ్స్ చేసుకోవద్దని ప్రత్యేకంగా కోరారు.

 

Also Read:ఎన్నికల ఇంక్” గురించి ఈ విషయాలు తెలుసా.? 10 రోజులైనా ఎందుకు మరక పోదు.?

 

News

యానిమల్ ట్రైలర్‌లో చూపించిన ఈ విషయం నిజమే కదా..? దీన్ని ఎందుకు పట్టించుకోలేదు..?

by Mohana Priya
written by Mohana Priya

రణబీర్ కపూర్ హీరోగా నటించిన సినిమా యానిమల్. ఈ సినిమాకి సందీప్ రెడ్డి వంగా దర్శకత్వం వహించారు. ఈ సినిమా ట్రైలర్ ఇప్పటికే రిలీజ్ అయ్యి సెన్సేషన్ క్రియేట్ చేసింది. ఇందులో రష్మిక మందన్న హీరోయిన్ గా నటిస్తున్నారు.

హీరో తండ్రి పాత్రలో అనిల్ కపూర్ నటిస్తున్నారు. బాలీవుడ్ హీరో బాబీ డియోల్ కూడా ఈ సినిమాలో ఒక ముఖ్య పాత్రలో నటిస్తున్నారు. ఈ సినిమా ఒక తండ్రి-కొడుకుల గొడవల మధ్య సాగుతుంది. సినిమా మొత్తం యాక్షన్ అంటున్నారు. ట్రైలర్ కూడా అలాగే ఉంది అంటున్నారు.

issue shown in animal trailer

కానీ ఈ ట్రైలర్ లో ఒక విషయం గమనించారా? ఇంత యాక్షన్ ఉన్న ట్రైలర్ లో ఒక సున్నితమైన అంశాన్ని కూడా చూపించారు. అదే పేరెంటల్ నెగ్లిజెన్స్. అంటే తల్లిదండ్రులు పిల్లలకి సరైన ప్రేమని ఇవ్వకపోవడం. చిన్నపుడు చాలా మంది పిల్లలు ఎదుర్కొనే సమస్య ఇది. ప్రేమ అంటే కేవలం పిల్లలకి అవసరం అయిన వస్తువులు ఇవ్వడం కాదు. చాలా మంది తల్లిదండ్రులు తమ పనుల వల్ల, వారికి ఉన్న ఒత్తిడి వల్ల పిల్లలతో సమయం గడపలేకపోతారు.

issue shown in animal trailer

వారి ఆలోచనలు ఎలా ఉన్నాయో, వారు ఎలాంటి పరిస్థితిలో ఉన్నారో తెలుసుకోలేని వయసులో ఉన్న పిల్లలు, తల్లిదండ్రులతో సరదాగా మాట్లాడడానికి ప్రయత్నిస్తారు. అప్పుడు ఒక వేళ తల్లిదండ్రులు కోపంగా ఉంటే ఆ కోపాన్ని తమ పిల్లల మీద చూపిస్తారు. సున్నితమైన మనస్తత్వం ఉన్న పిల్లలు ఇలాంటి వాటికి చాలా బాధ పడుతారు. ఇవి పెద్దయ్యాక ఈ సమస్యలు ఎదుర్కొన్న పిల్లల మీద చాలా ప్రభావం చూపుతాయి.

issue shown in animal trailer

తమ తల్లిదండ్రులు అలా ప్రవర్తించడం చూసిన పిల్లలు, వాళ్ళు పెద్దయ్యాక, వాళ్ళు తల్లిదండ్రులు అయ్యాక వారి పిల్లలతో కూడా పొరపాటున అలాగే ప్రవర్తించి, ఇలా ప్రవర్తించడం తప్పు అని గుర్తించకుండా, “తల్లిదండ్రులు అయ్యాక వచ్చే బాధ్యతల వల్ల ఇలాంటి కోపాలు వస్తుంటాయి. చిన్నప్పుడు మేము కూడా ఇలాంటివి చూశాం. కానీ మేము ఇలా బాధ పడలేదు” అని తమ ప్రవర్తనని సమర్ధించుకుంటారు. ఇదే విషయాన్ని సందీప్ ఈ సినిమా ట్రైలర్ లో చూపించారు. కానీ సినిమాలో ఇంకా ఎలా చూపించారో తెలియాలి అంటే రిలీజ్ అయ్యే అంత వరకు ఆగాల్సిందే.

ALSO READ : రాధ కూతురికి ఎంత కట్నం ఇచ్చారో తెలుసా..?

News

సచిన్, కోహ్లీ కంటే రిచ్ ఇల్లు ఉన్న ఈ క్రికెటర్ ఎవరు.? 6 ఎకరాల్లో ప్యాలెస్‌.. 225 ఎకరాల ఎస్టేట్‌.!

by Sainath Gopi
written by Sainath Gopi

భారతదేశంలో ఎక్కువ మొత్తంలో అర్జిస్తున్న ఆటగాళ్ల జాబితాలో క్రికెటర్లు ముందు వరుసలో ఉంటారు. అందులో ముఖ్యంగా టీమ్ ఇండియా దిగ్గజం సచిన్ టెండూల్కర్ నుంచి రోహిత్ శర్మ వరకు మన క్రికెటర్లు కోట్లల్లో సంపాదిస్తున్నారు. వెయ్యి కోట్లకు పైగా విలువ చేసే ఆస్తులతో సంపన్న క్రికెటర్లుగా ప్రసిద్ధికెక్కారు. ఆటలో అద్భుతంగా రాణించి దాని ద్వారా వచ్చిన కీర్తిప్రతిష్టలతో తమ ఇమేజ్‌ను క్యాష్‌ చేసుకుంటూ ఆర్థికంగా మరింత పరిపుష్టి చెందుతున్నారు. అటు క్రికెట్‌ ద్వారా ఇటు వివిధ ప్రఖ్యాత బ్రాండ్లకు ప్రచారకర్తలుగా పనిచేస్తూ రెండు చేతులా సంపాదిస్తున్నారు. ఇక వీరు నివసించే ఇళ్ల విలువ కూడా వారి స్థాయికి తగ్గట్లే ఉంటుందని ప్రత్యేకంగా చెప్పనక్కర్లేదు.

సచిన్ టెండూల్కర్ ఇంటి విషయానికి వస్తే..ఆర్థిక రాజధాని ముంబైలోని బాద్రాలో దాదాపుగా 80 కోట్ల విలువ చేసే ఇంట్లో నివసిస్తున్నారు. ఇక టీమిండియాకు మూడు ఐసీసీ టైటిళ్లు అందించిన మహేంద్ర సింగ్‌ ధోని స్వస్థలం రాంచిలో తన ఫామ్‌హౌజ్‌లో నివాసం ఉంటున్నాడు. ఈ విలాసవంతమైన భవనం విలువ రూ. 6 కోట్లు ఉంటుందని సమాచారం. టీమిండియా కెప్టెన్‌ రోహిత్‌ శర్మ కూడా ముంబైలో విలాసవంతమైన భవనంలో నివసిస్తున్నాడు. 53 అంతస్తుల బిల్డింగ్‌లో 29వ ఫ్లోర్‌లో రోహిత్‌ ఉంటున్న నివాసం విలువ సుమారు రూ. 30 కోట్లు ఉంటుందని తెలుస్తోంది. అలాగే విరాట్ కోహ్లీ తన భార్య అనుష్క శర్మతో కలిసి గురుగ్రామ్ లో 80 కోట్ల విలువ చేసే బిల్డింగ్ లో ఉంటున్నాడు.

అయితే ఈ నలుగురు రిచెస్ట్‌ క్రికెటర్ల కంటే ఖరీదైన భవనంలో నివసిస్తున్న భారత క్రికెటర్‌ మరొకరు ఉన్నారు. ఆమె పేరు మృదుల జడేజా. ఈ పేరు చూసి “రవీంద్ర జడేజా” చుట్టం అనుకునేరు ..కానీ ఈమె కానే కాదు…ఈమె ఒక యువరాణి.గుజరాత్‌లోని రాజవంశానికి చెందిన అమ్మాయి. ఆమె తండ్రిపేరు మంధాతసిన్హ్‌ జడేజా. మృదులకు ఒక సోదరుడు కూడా ఉన్నాడు. తల్లిదండ్రులు, సోదరుడితో కలిసి ఆమె చారిత్రాత్మక రంజిత్‌ విలాస్‌ ప్యాలెస్‌లో నివాసం ఉంటున్నారు.

6 ఎకరాల్లో 150కి పైగా గదులతో ఆ ప్యాలెస్ రాజ్‌కోట్‌లో సుమారు 225 ఎకరాల్లో విస్తరించి ఉన్న ఎస్టేట్‌లో ఆరు ఎకరాల స్థలంలో ఈ భవనం ఉంది. మృదుల కుటుంబానికి చెందిన ప్యాలెస్‌లో 150కి పైగా గదులు ఉన్నాయి. అంతేకాదు వారి గ్యారేజ్‌లో ఎన్నో విలాసవంతమైన వింటేజీ కార్లు కూడా ఉన్నాయి. మిగతా రాజకుటుంబాలు తమ నివాసాలను హెరిటేజ్‌ హోటళ్లుగా మలుస్తున్న తరుణంలో రంజిత్‌ విలాస్‌ ప్యాలెస్‌ను మాత్రం తమ పూర్వీకుల రాజసానికి గుర్తుగా అలాగే ప్రైవేట్‌ ప్రాపర్టీగా ఉంచేశారు.

ఇక తమ రాజభవానికి సంబంధించిన ఫొటోలను మృదుల జడేజా అప్పుడప్పుడు సోషల్‌ మీడియా ద్వారా షేర్‌ చేస్తూ ఉంటారు.. మృదుల జడేజా ఆల్‌రౌండర్‌. దేశవాళీ క్రికెట్‌లో సౌరాష్ట్ర మహిళా జట్టుకు ఆమె సారథ్యం వహించారు. తన కెరీర్‌లో పరిమిత ఓవర్ల క్రికెట్లో 46(వన్డే), టీ20 ఫార్మాట్లో 36, ఫస్ట్‌క్లాస్‌ క్రికెట్‌లో ఒక మ్యాచ్‌ ఆడారు. కుడిచేతి వాటం గల బ్యాటర్‌ అయిన 32 ఏళ్ల మృదుల రైటార్మ్‌ మీడియం పేసర్‌ కూడా. అయితే గతంలో పురుష, మహిళా క్రికెటర్ల వేతనాలకు మధ్య వ్యత్యాసాలపై గళమెత్తిన వాళ్లలో మృదుల కూడా ఒకరు. కాగా మృదుల జడేజా కేవలం క్రికెటర్‌ మాత్రమే కాదు. గోల్ఫ్‌ పట్ల కూడా ఆమెకు మంచి అవగాహన ఉంది.

News

కాణిపాకం ఆలయంలో వింత ఘటన..! ఈ భక్తురాలు నిజంగా లక్కీ..!

by Sainath Gopi
written by Sainath Gopi

ఆంధ్రప్రదేశ్  లో ఉన్న కాణిపాకం వరసిద్ధి వినాయకుడి ఆలయం చాలా ప్రసిద్ధి. ఇక్కడికి ఆంధ్రప్రదేశ్ రాష్ట్రం నుండి కాకుండా తెలంగాణ, తమిళనాడు రాష్ట్రాల  భక్తులు లక్షల సంఖ్యలో వస్తూ ఉంటారు. నిత్యం ఈ ఆలయం భక్తులతో కిటకిటలాడుతూ ఉంటుంది. అందులోనూ ప్రస్తుతం కార్తీక మాసం కావడంతో భక్తుల సంఖ్య విపరీతంగా పెరిగింది.

ఈ ఆలయంలో శుక్రవారం ఒక ఆసక్తికర ఘటన చోటుచేసుకుంది. తిరుపతికి చెందిన లలిత శుక్రవారం ఉదయం స్వామి వారి దర్శనానికి ఆలయానికి విచ్చేసింది. అక్కడ అనుకోకుండా ఆమె ధరించిన మూడు లక్షల రూపాయల హారాన్ని పోగొట్టుకుంది.

ఈ హారం ఆలయంలోని కల్యాణ వేదిక వద్ద విధుల్లో ఉన్న పారిశుద్ధ్య కార్మికురాలు అనసూయమ్మకు హారం దొరకడంతో ఆమె వెంటనే ఆలయ సూపరింటెండెంట్‌ కోదండపాణికి అందజేశారు.
వెంటనే ఆలయ అధికారులు మైకు ద్వారా హారం దొరికిన విషయాన్ని ప్రకటించడంతో లలిత అక్కడకు వెళ్లారు. ఆలయ సూపరింటెండెంట్‌ కోదండపాణి ఆమెకు హారాన్ని అప్పగించారు. హారం దొరికిన తర్వాత నిజాయితీ తీసుకొచ్చి ఇచ్చిన అనసూయమ్మను ఆలయ సిబ్బంది అభినందించారు. హారం దొరికిన సంగతి ఆలయ అధికారులు మైక్ లో ప్రకటించారు.అప్పటివరకు భక్తురాలు హారాన్ని పోగొట్టుకున్న విషయాన్ని గమనించలేదు.. మైక్‌లో అనౌన్స్‌మెంట్ తర్వాత అలర్ట్ అయ్యారు.

అప్పుడు ఆమె చూసుకుంటే హారం లేదు.. ఆ వెంటనే వెళ్లి హారానికి సంబంధించిన వివరాలు చెప్పి తెచ్చుకున్నారు. పోయిన హారం దొరకడంతో ఆమె ఆనందం వ్యక్తం చేశారు. పారిశుద్ధ్య కార్మికురాలు అనసూయమ్మ, ఆలయ సిబ్బందికి ధన్యవాదాలు తెలిపారు.ఈ రోజుల్లో కూడా ఇలాంటి నిజాయితీపరులు ఉంటారా అంటూ నెటిజన్ లు అనసూయమ్మను అభినందిస్తున్నారు. భక్తురాలు నిజంగా చాలా అదృష్టవంతురాలు దేవుడి సన్నిధిలో పోయిన హారం ఆయన ఆశీర్వాదంతో తిరిగి దొరికింది అంటూ కామెంట్లు పెడుతున్నారు. కొందరైతే అలాంటి విలువైన వస్తువులు ఆలయానికి ఎందుకు వేసుకురావడం అంటూ ప్రశ్నిస్తున్నారు.

 

Also Read:బర్రెలక్క ఆస్తులు ఎంత..? అప్పులు ఎంత..? ఆమె ఎన్నికల అఫిడవిట్ లో ఏం ఉందంటే….?

News

విశాఖపట్నం లారీ-ఆటో ఘటనలో నిజానికి ఏం జరిగింది..? అసలు ఇద్దరిలో తప్పు ఎవరిది..?

by Sainath Gopi
written by Sainath Gopi

విశాఖలో ఉదయం ఘోర రోడ్డు ప్రమాదం జరిగింది. స్కూల్‌ పిల్లలతో వెళ్తున్న ఆటోను లారీ ఢీ కొట్టింది. ప్రమాదం దృశ్యాలు చాలా హృదయవిదారకంగా ఉన్నాయి. చిన్నారుల గాయాలతో రక్తం కారుతూ రోడ్డుపై పడి ఉండటాన్ని చూసిన వారి కళ్లు చెమర్చకమానదు.

పూర్తి వివరాలు ఇలా ఉన్నాయి…విశాఖలోని బేతని స్కూల్ విద్యార్థులు ఈ ఉదయం ఆటోలో స్కూల్ కి వెళ్తున్నారు. సంఘం శరత్ థియేటర్ సమీపంలోకి వచ్చేసరికి స్కూల్‌ పిల్లలు ప్రయాణిస్తున్న ఆటోను వేగంగా వచ్చిన లారీ ఢీ కొట్టింది. అంతే అటో పల్టీలు కొట్టింది.

vizag accident

దెబ్బకు అటోలో ఉన్న విద్యార్థులు రోడ్డుపై చెల్ల చెదురుగా పడిపోయారు. ఆటో నుజ్జు నుజ్జు అయిపోయింది. ఆ ప్రమాదాన్ని చూసిన వారంతా ఘోరం జరిగిపోయిందని అనుకున్నారు. మెరుపు వేగంతో స్పందించిన స్థానికులు ఆటోను పైకి లేపి పిల్లలకు సపర్యలు చేశారు.పిల్లలు షాక్ కి గురై బోరున ఏడుస్తూ రక్తం కారుతున్న గాయాలతో రోడ్డుపై పడి ఉండటం చూసిన వారికి ప్రాణం తరుక్కుపోయింది. అటు నుంచి వెళ్తున్న ప్రతి ఒక్కరు ఎవరికి తోచిన విధంగా వారు పిల్లలకు సాయం చేశారు. ఈ ప్రమాదంలో 8 మంది స్కూల్ పిల్లలు గాయపడ్డారు.


గాయపడ్డ పిల్లలను స్థానికంగా ఉండే సెవెన్ హిల్స్ ఆసుపత్రికి తరలించారు. వారిలో ఇద్దరి పరిస్థితి విషమంగా ఉన్నట్టు వైద్యులు చెబుతున్నారు. ఘటనా స్థలానికి చేరుకున్న పోలీసులు కేసు నమోదు చేసి లారీ డ్రైవర్, క్లీనర్‌ను అదుపులోకి తీసుకున్నారు.ఆటోను ఢీ కొట్టిన తర్వాత లారీ డ్రైవర్, క్లీనర్ పారిపోయేందుకు ప్రయత్నించారు. వారిని స్థానికులు, ఆటో డ్రైవర్‌లు కలిసి పట్టుకొని బంధించారు. పోలీసులు వచ్చే వరకు అక్కడే ఉంచి వారికి అప్పగించారు. ప్రమాదం విషయాన్ని తెలుసుకున్న విద్యార్థుల తల్లిదండ్రులు పరుగుపరుగున కొందరు ప్రమాద స్థలానికి చేరుకున్నారు.

Also Read:లోకల్ బాయ్ నాని దోషి కాదా..? నానికి జనసేన పార్టీకి సంబంధం ఉందా..?

News

అంగరంగ వైభవంగా “తెలుగు వైభవం” వేడుకలు !!!

by Sainath Gopi
written by Sainath Gopi

ప్రపంచంలో మొట్టమొదటి సారి సిఫా అంతర్జాతీయ తెలుగు చలనచిత్ర పురస్కారాలు కెనడా లోని టొరంటో నగరం లో జరగనున్నాయి. తెలుగు వైభవం వేడుకలలో భాగంగా జరగనున్న సిఫా పురస్కారాలకు తెలుగు చలనచిత్ర నటీనటులు దర్శకనిర్మాతలు రానున్నారు.

https://www.instagram.com/p/Cz7WqRtuJMf/

తెలుగు వైభవ పండుగకు తెలంగాణ ప్రభుత్వం, ఒంటారియో ప్రభుత్వం మాత్రమే కాకుండా, కెనడా లో పారిశ్రామికవేత్తలు, వ్యాపారవేత్తలు కూడా వారి మద్ధతు తెలియజేసారు. చలనచిత్ర పురస్కారాలు కాకుండా మరో 20 కార్యక్రమాల సమూహమైన తెలుగు వైభవం వైపు యావత్తు ప్రవాస తెలుగు సమాజం ఆసక్తిగా చూస్తుంది

News

లోకల్ బాయ్ నాని దోషి కాదా..? నానికి జనసేన పార్టీకి సంబంధం ఉందా..?

by Sainath Gopi
written by Sainath Gopi

విశాఖపట్నం ఫిషింగ్ హార్బర్ లో జరిగిన అగ్నిప్రమాదంలో 60 బోట్లు కాలి బూడిదయ్యాయి. సుమారు 40 కోట్ల మేర నష్టం వాటిల్లింది. అయితే ఈ అగ్ని ప్రమాదం ఒక యూట్యూబర్ ఇచ్చిన పార్టీ కారణంగా జరిగిందని పోలీసులు ఆరోపించారు. ఆ యూట్యూబర్ ఎవరో కాదు విశాఖపట్నానికి చెందిన లోకల్ బాయ్ నాని అంటూ అతనిని అరెస్టు చేసి తీసుకువెళ్లారు.

లోకల్ బాయ్ నాని గురించి అందరికీ పరిచయమే. సముద్రంలో వేటాడే వీడియోలు చేస్తూ బాగా ఫేమస్ అయ్యాడు. తనే మెయిన్ లీడ్ గా ఒక వెబ్ సిరీస్ కూడా చేశాడు. తనకి సోషల్ మీడియాలో మంచి ఫాలోయింగ్ ఉంది.

local boy nani janasena party

NTV కథనం ప్రకారం….విశాఖ ఫిషింగ్ హార్బర్ లో అగ్ని ప్రమాదం జరిగినప్పుడే లోకల్ బాయ్ నాని కూడా హార్బర్ లోని బోటు లో తన స్నేహితులకు పార్టీ ఇచ్చాడు.తన భార్య శ్రీమంతం సందర్భంగా పార్టీ ఇచ్చినట్లుగా తెలుస్తుంది.తర్వాత అగ్ని ప్రమాదం జరిగాక దానికి సంబంధించిన వీడియో తన యూట్యూబ్ ఛానల్ లో పెట్టాడు.అది చూసి పోలీసులు ఈ ప్రమాదానికి అతనే కారణం అని అరెస్ట్ చేసి తీసుకెళ్లి విచారించారు.అయితే విచారణ అనంతరం ఈ ఘటనకు లోకల్ బాయ్ నానికి ఎటువంటి సంబంధం లేదు అని తేల్చారు.నాని స్టేట్మెంట్ తో పాటు సీసీటీవీ ఫుటేజ్ ఆధారంగా నిర్దారణకు వచ్చారు.

local boy nani janasena party అసలు ఈ ఘటనకు ఎవరు కారణం అంటూ పోలీసులు విచారించాలని లోకల్ బాయ్ నాని ఫ్యాన్స్ డిమాండ్ చేస్తున్నారు.అయితే నాని జనసేన కార్యకర్త అంటూ వైసీపీ తన అఫిషియల్ సోషల్ మీడియా ఖాతాలో ప్రచురించింది. అయితే జనసేనకు లోకల్ బాయ్ నానికి ఎటువంటి సంబంధం లేదు అని జనసేన నాయకులు ప్రకటించారు.ఫిషింగ్ హార్బర్ ప్రమాద కారకులను వెంటనే పట్టుకోవాలని ప్రభుత్వాన్ని డిమాండ్ చేశారు.మత్స్యకారులకు నష్ట పరిహారం ఇవ్వాలని కోరారు.

Watch Video:

Also Read:చాలా రోజుల తర్వాత వచ్చిన యజమానిని చూసి… ఈ కుక్క ఏం చేసిందో తెలుసా..?

News

Koti Deepotsavam 2023: దిగ్విజయంగా కొనసాగుతున్న భక్తి టీవీ కోటి దీపోత్సవం

by Sainath Gopi
written by Sainath Gopi

Koti Deepotsavam 2023: అశేష ప్రజాశక్తి.. విశేష ఆధ్యాత్మిక ఆసక్తి.. కలిసివెలిగే అఖండజ్యోతి.. భక్తి టీవీ కోటి దీపోత్సవం. నెంబర్ వన్ న్యూస్ ఛానెల్ ఎన్టీవీ, భక్తిటీవీ సగర్వంగా సమర్పించే కార్యక్రమం ఈ కోటి దీపోత్సవం. ఎన్టీఆర్‌ స్టేడియం వేదికగా రచనా టెలివిజన్‌ ప్రతీ ఏటా ఈ కార్యక్రమాన్ని ప్రతిష్టాత్మకంగా నిర్వహిస్తోన్న విషయం విదితమే కాగా.. ఆ మహా దీపయజ్ఞం ప్రస్తుతం దిగ్విజయంగా ప్రజ్వరిల్లుతోంది.

జగజ్జేయమానంగా వెలుగులీనే దీపకాంతులొకవైపు.. ప్రవచనామృతాలు.. కళ్యాణ కమనీయాలు మరొకవైపు.. కార్తీకమాసాన కదిలివచ్చిన కైలాసమే ఈ కోటి దీపోత్సవం. భక్తి టీవీ, ఎన్టీవీ ఆధ్వర్యంలో 14 రోజుల పాటు జరిగే మహా వైభవం. శివకేశవులని ఒకేవేదికపై కోటీదీపాల మధ్య దర్శించుకునే యోగమే కోటి దీపోత్సవం. జనం గుండె లోతుల్లో దాగిన భక్తిభావాలను ఒక్క వేదిక మీదకు తెచ్చే పవిత్రప్రయోగమే ఈ కోటిదీపోత్సవం.

వేదికనెక్కే వేద పండితులు, అతిథులుగా హాజరయ్యే అతిరథమహారథులు, ప్రతిరోజూ వేలు, లక్షలుగా హాజరయ్యే భక్త జనం వరకు అందరిదీ ఇదేమాట. ప్రవచనామృతంతో మొదలై, ప్రత్యేక అర్చనలతో పవిత్రత సంతరించుకుని, దేవదేవుల కళ్యాణ మహోత్సవాలు, లింగోద్భవం, నీరాజనాలతో భక్తులకు నిండైన ఆధ్యాత్మిక ఆనందాన్ని ప్రతిరోజూ పంచుతుంది..ఈ దీపోత్సవం. ఇక ఉత్సవ విగ్రహాల ఊరేగింపు.. దానికదే చూసితీరాల్సిన ఓ మహోజ్వల ఘట్టం. తిరుమల, యాదగిరిగుట్ట సింహాచలం, భద్రాచలం, కాళేశ్వరం, శ్రీకాళహస్తి, వేములవాడ, బెజవాడలాంటి ప్రసిద్ధ పుణ్యక్షేత్రాల దేవతామూర్తులను చూసి భక్తకోటి పులకించిపోయే అద్భుత దృశ్యం ఈ కోటిదీపోత్సవంలో ప్రతిరోజూ సాక్షాత్కారమవుతుంది. దేశం నలుమూలల నుంచి పీఠాధిపతులు, మహాయోగలు, ఆధ్యాత్మికవేత్తల సందేశాలతో కోటిదీపోత్సవ వేదిక ఒక ఆధ్యాత్మిక దివ్యఅనుభూతికి నిలయంగా మారుతుంది.

వీటన్నిటినీ మించిన అద్భుతం ..భక్తజనకోటి ఎప్పుడెప్పుడా అని ఎదురు చూసే దేదీప్యమాన దృశ్యం.. కోటి కాంతులు ఒకేసారి ప్రసరించే దివ్యానుభవం.. దీప ప్రజ్వలనం. లక్షలాది మంది భక్తులు ఒకేసారి ఒకే ప్రాంగణంలో భక్తి శ్రద్ధలతో నిర్వహించుకునే ఈ దృశ్యం చూడాలే తప్ప మాటల్లో చెప్పలేం. ”దీపం జ్యోతిః పరంబ్రహ్మ.. దీపం సర్వతమోపహం.. దీపేన సాధ్యతే సర్వం.. సంధ్యాదీప నమోస్తుతే” అంటారు..’ ఒక దీపమే మరో దీపాన్ని వెలిగించగలదు.. దీపం పక్కనే దీపాన్ని వెలిగిస్తే ఆ దీపాల వరుసకు లోకమంతా వెలుగుల మయం అవుతుందని నమ్మకం.. దీపం వెలుగుకు, జ్ఞానానికి సంకేతం, అధ్యాత్మికంగా దీపానికి చాలా ప్రముఖ్యం ఉంది..మన సంస్కృతికి సంప్రదాయానికి దీపారాధన పట్టుగొమ్మగా నిలిచింది.. అటువంటి సంప్రదాయాన్ని భవిష్యత్‌ తరాలకు సమున్నతంగా పరిచయం చేయడమే లక్ష్యంగా 2013 నుంచి భక్తి టీవీ కోటిదీపోత్సవాన్ని నిర్వహిస్తూ వస్తుంది. మొత్తంగా దీపం జ్యోతి పరబ్రహ్మ అనే దివ్యసందేశం ఇవ్వడమే ధ్యేయంగా సాగే ఈ కోటి దీపోత్సవం ఈ నెల 14 మంగళవారంతో మొదలై, నవంబర్ 27 వరకు హైదరాబాద్, ఎన్టీఆర్‌ స్టేడియంలో జరుగుతుంది. ఈ కార్తీక మాసాన ఆ శివకేశవ సాక్షిగా సాగే కోటిదీపార్చన మహోత్సవంలో పాల్గొని.. అపూర్వ సాంస్కృతిక కదంబాలు.. సప్తహారతుల కాంతులు.. కోటి దీపాల వెలుగులు.. మహాదేవునికి మహానీరాజనాలను తిలకించండి.

Newer Posts
Older Posts