Home News
Category:

News

News

అంగరంగ వైభవంగా “తెలుగు వైభవం” వేడుకలు !!!

by Sainath Gopi
written by Sainath Gopi

ప్రపంచంలో మొట్టమొదటి సారి సిఫా అంతర్జాతీయ తెలుగు చలనచిత్ర పురస్కారాలు కెనడా లోని టొరంటో నగరం లో జరగనున్నాయి. తెలుగు వైభవం వేడుకలలో భాగంగా జరగనున్న సిఫా పురస్కారాలకు తెలుగు చలనచిత్ర నటీనటులు దర్శకనిర్మాతలు రానున్నారు.

https://www.instagram.com/p/Cz7WqRtuJMf/

తెలుగు వైభవ పండుగకు తెలంగాణ ప్రభుత్వం, ఒంటారియో ప్రభుత్వం మాత్రమే కాకుండా, కెనడా లో పారిశ్రామికవేత్తలు, వ్యాపారవేత్తలు కూడా వారి మద్ధతు తెలియజేసారు. చలనచిత్ర పురస్కారాలు కాకుండా మరో 20 కార్యక్రమాల సమూహమైన తెలుగు వైభవం వైపు యావత్తు ప్రవాస తెలుగు సమాజం ఆసక్తిగా చూస్తుంది

News

లోకల్ బాయ్ నాని దోషి కాదా..? నానికి జనసేన పార్టీకి సంబంధం ఉందా..?

by Sainath Gopi
written by Sainath Gopi

విశాఖపట్నం ఫిషింగ్ హార్బర్ లో జరిగిన అగ్నిప్రమాదంలో 60 బోట్లు కాలి బూడిదయ్యాయి. సుమారు 40 కోట్ల మేర నష్టం వాటిల్లింది. అయితే ఈ అగ్ని ప్రమాదం ఒక యూట్యూబర్ ఇచ్చిన పార్టీ కారణంగా జరిగిందని పోలీసులు ఆరోపించారు. ఆ యూట్యూబర్ ఎవరో కాదు విశాఖపట్నానికి చెందిన లోకల్ బాయ్ నాని అంటూ అతనిని అరెస్టు చేసి తీసుకువెళ్లారు.

లోకల్ బాయ్ నాని గురించి అందరికీ పరిచయమే. సముద్రంలో వేటాడే వీడియోలు చేస్తూ బాగా ఫేమస్ అయ్యాడు. తనే మెయిన్ లీడ్ గా ఒక వెబ్ సిరీస్ కూడా చేశాడు. తనకి సోషల్ మీడియాలో మంచి ఫాలోయింగ్ ఉంది.

local boy nani janasena party

NTV కథనం ప్రకారం….విశాఖ ఫిషింగ్ హార్బర్ లో అగ్ని ప్రమాదం జరిగినప్పుడే లోకల్ బాయ్ నాని కూడా హార్బర్ లోని బోటు లో తన స్నేహితులకు పార్టీ ఇచ్చాడు.తన భార్య శ్రీమంతం సందర్భంగా పార్టీ ఇచ్చినట్లుగా తెలుస్తుంది.తర్వాత అగ్ని ప్రమాదం జరిగాక దానికి సంబంధించిన వీడియో తన యూట్యూబ్ ఛానల్ లో పెట్టాడు.అది చూసి పోలీసులు ఈ ప్రమాదానికి అతనే కారణం అని అరెస్ట్ చేసి తీసుకెళ్లి విచారించారు.అయితే విచారణ అనంతరం ఈ ఘటనకు లోకల్ బాయ్ నానికి ఎటువంటి సంబంధం లేదు అని తేల్చారు.నాని స్టేట్మెంట్ తో పాటు సీసీటీవీ ఫుటేజ్ ఆధారంగా నిర్దారణకు వచ్చారు.

local boy nani janasena party అసలు ఈ ఘటనకు ఎవరు కారణం అంటూ పోలీసులు విచారించాలని లోకల్ బాయ్ నాని ఫ్యాన్స్ డిమాండ్ చేస్తున్నారు.అయితే నాని జనసేన కార్యకర్త అంటూ వైసీపీ తన అఫిషియల్ సోషల్ మీడియా ఖాతాలో ప్రచురించింది. అయితే జనసేనకు లోకల్ బాయ్ నానికి ఎటువంటి సంబంధం లేదు అని జనసేన నాయకులు ప్రకటించారు.ఫిషింగ్ హార్బర్ ప్రమాద కారకులను వెంటనే పట్టుకోవాలని ప్రభుత్వాన్ని డిమాండ్ చేశారు.మత్స్యకారులకు నష్ట పరిహారం ఇవ్వాలని కోరారు.

Watch Video:

Also Read:చాలా రోజుల తర్వాత వచ్చిన యజమానిని చూసి… ఈ కుక్క ఏం చేసిందో తెలుసా..?

News

Koti Deepotsavam 2023: దిగ్విజయంగా కొనసాగుతున్న భక్తి టీవీ కోటి దీపోత్సవం

by Sainath Gopi
written by Sainath Gopi

Koti Deepotsavam 2023: అశేష ప్రజాశక్తి.. విశేష ఆధ్యాత్మిక ఆసక్తి.. కలిసివెలిగే అఖండజ్యోతి.. భక్తి టీవీ కోటి దీపోత్సవం. నెంబర్ వన్ న్యూస్ ఛానెల్ ఎన్టీవీ, భక్తిటీవీ సగర్వంగా సమర్పించే కార్యక్రమం ఈ కోటి దీపోత్సవం. ఎన్టీఆర్‌ స్టేడియం వేదికగా రచనా టెలివిజన్‌ ప్రతీ ఏటా ఈ కార్యక్రమాన్ని ప్రతిష్టాత్మకంగా నిర్వహిస్తోన్న విషయం విదితమే కాగా.. ఆ మహా దీపయజ్ఞం ప్రస్తుతం దిగ్విజయంగా ప్రజ్వరిల్లుతోంది.

జగజ్జేయమానంగా వెలుగులీనే దీపకాంతులొకవైపు.. ప్రవచనామృతాలు.. కళ్యాణ కమనీయాలు మరొకవైపు.. కార్తీకమాసాన కదిలివచ్చిన కైలాసమే ఈ కోటి దీపోత్సవం. భక్తి టీవీ, ఎన్టీవీ ఆధ్వర్యంలో 14 రోజుల పాటు జరిగే మహా వైభవం. శివకేశవులని ఒకేవేదికపై కోటీదీపాల మధ్య దర్శించుకునే యోగమే కోటి దీపోత్సవం. జనం గుండె లోతుల్లో దాగిన భక్తిభావాలను ఒక్క వేదిక మీదకు తెచ్చే పవిత్రప్రయోగమే ఈ కోటిదీపోత్సవం.

వేదికనెక్కే వేద పండితులు, అతిథులుగా హాజరయ్యే అతిరథమహారథులు, ప్రతిరోజూ వేలు, లక్షలుగా హాజరయ్యే భక్త జనం వరకు అందరిదీ ఇదేమాట. ప్రవచనామృతంతో మొదలై, ప్రత్యేక అర్చనలతో పవిత్రత సంతరించుకుని, దేవదేవుల కళ్యాణ మహోత్సవాలు, లింగోద్భవం, నీరాజనాలతో భక్తులకు నిండైన ఆధ్యాత్మిక ఆనందాన్ని ప్రతిరోజూ పంచుతుంది..ఈ దీపోత్సవం. ఇక ఉత్సవ విగ్రహాల ఊరేగింపు.. దానికదే చూసితీరాల్సిన ఓ మహోజ్వల ఘట్టం. తిరుమల, యాదగిరిగుట్ట సింహాచలం, భద్రాచలం, కాళేశ్వరం, శ్రీకాళహస్తి, వేములవాడ, బెజవాడలాంటి ప్రసిద్ధ పుణ్యక్షేత్రాల దేవతామూర్తులను చూసి భక్తకోటి పులకించిపోయే అద్భుత దృశ్యం ఈ కోటిదీపోత్సవంలో ప్రతిరోజూ సాక్షాత్కారమవుతుంది. దేశం నలుమూలల నుంచి పీఠాధిపతులు, మహాయోగలు, ఆధ్యాత్మికవేత్తల సందేశాలతో కోటిదీపోత్సవ వేదిక ఒక ఆధ్యాత్మిక దివ్యఅనుభూతికి నిలయంగా మారుతుంది.

వీటన్నిటినీ మించిన అద్భుతం ..భక్తజనకోటి ఎప్పుడెప్పుడా అని ఎదురు చూసే దేదీప్యమాన దృశ్యం.. కోటి కాంతులు ఒకేసారి ప్రసరించే దివ్యానుభవం.. దీప ప్రజ్వలనం. లక్షలాది మంది భక్తులు ఒకేసారి ఒకే ప్రాంగణంలో భక్తి శ్రద్ధలతో నిర్వహించుకునే ఈ దృశ్యం చూడాలే తప్ప మాటల్లో చెప్పలేం. ”దీపం జ్యోతిః పరంబ్రహ్మ.. దీపం సర్వతమోపహం.. దీపేన సాధ్యతే సర్వం.. సంధ్యాదీప నమోస్తుతే” అంటారు..’ ఒక దీపమే మరో దీపాన్ని వెలిగించగలదు.. దీపం పక్కనే దీపాన్ని వెలిగిస్తే ఆ దీపాల వరుసకు లోకమంతా వెలుగుల మయం అవుతుందని నమ్మకం.. దీపం వెలుగుకు, జ్ఞానానికి సంకేతం, అధ్యాత్మికంగా దీపానికి చాలా ప్రముఖ్యం ఉంది..మన సంస్కృతికి సంప్రదాయానికి దీపారాధన పట్టుగొమ్మగా నిలిచింది.. అటువంటి సంప్రదాయాన్ని భవిష్యత్‌ తరాలకు సమున్నతంగా పరిచయం చేయడమే లక్ష్యంగా 2013 నుంచి భక్తి టీవీ కోటిదీపోత్సవాన్ని నిర్వహిస్తూ వస్తుంది. మొత్తంగా దీపం జ్యోతి పరబ్రహ్మ అనే దివ్యసందేశం ఇవ్వడమే ధ్యేయంగా సాగే ఈ కోటి దీపోత్సవం ఈ నెల 14 మంగళవారంతో మొదలై, నవంబర్ 27 వరకు హైదరాబాద్, ఎన్టీఆర్‌ స్టేడియంలో జరుగుతుంది. ఈ కార్తీక మాసాన ఆ శివకేశవ సాక్షిగా సాగే కోటిదీపార్చన మహోత్సవంలో పాల్గొని.. అపూర్వ సాంస్కృతిక కదంబాలు.. సప్తహారతుల కాంతులు.. కోటి దీపాల వెలుగులు.. మహాదేవునికి మహానీరాజనాలను తిలకించండి.

NewsOff Beat

ఫ్యూచర్ రిటైల్ మూసేస్తున్నారా..? ఈ నిర్ణయం తీసుకోవడానికి కారణం ఏంటి..?

by Sainath Gopi
written by Sainath Gopi

ఆర్ధిక సంక్షోభంలో ఫ్యూచర్ రిటైల్ మార్కెట్ ఉంది.దానిని కొనుగోలు చేసేందుకు ఎవరు ముందుకురాక మూసివేత దిశగా సంస్థ పనులు ప్రారంభించింది.ఫ్యూచర్ రిటైల్ లిమిటెడ్ లిక్విడేషన్‌ బాట పట్టనుంది.

ఈ సంస్థ యొక్క లిక్విడేషన్‌ కోసం నేషనల్‌ కంపెనీ లా ట్రిబ్యునల్‌-ముంబైలో పరిష్కార నిపుణుడు దరఖాస్తు సమర్పించినట్లు,స్టాక్‌ ఎక్సే్చంజీలకు ఫ్యూచర్ రిటైల్ లిమిటెడ్ కంపెనీ తెలియజేసింది. ఫ్యూచర్‌ గ్రూప్‌లో భాగమైన ఫ్యూచర్ రిటైలకు రూ. 30,000 కోట్ల పైచిలుకు రుణభారం ఉంది. సంక్షోభ పరిస్థితుల్లో ఉన్న ఫ్యూచర్‌ గ్రూప్‌ కంపెనీలను రూ. 24,713 కోట్లకు కొనుగోలు చేసేందుకు 2020లో రిలయన్స్‌ రిటైల్‌ ప్రతిపాదించింది.అమెజాన్‌తో న్యాయపరమైన వివాదాల కారణంగా రుణదాతలు దాన్ని తిరస్కరించారు.

ఫ్యూచర్ రిటైల్ లిమిటెడ్ కంపెనీ పై 2022 జులై 20 నుంచి దివాలా ప్రక్రియ- (కార్పొరేట్ ఇంసొల్వెన్సీ రెసొల్యూషన్ ప్రాసెస్- CIRP ) కింద చర్యలు ప్రారంభమయ్యాయి. పరిష్కార చర్యలకు గడువును నేషనల్ కంపెనీ లా ట్రిబ్యునల్(NCLT ) నాలుగు సార్లు పొడిగించినప్పటికీ తగిన పరిష్కారం లభించలేదు. చివరి సారిగా నిర్దేశిత గడువులోగా స్పేస్‌ మంత్ర రూ. 550 కోట్లకు బిడ్‌ వేసినప్పటికీ రుణదాతల కమిటీలో (సీవోసీ) దానికి తగినంత స్థాయిలో మద్దతు లభించలేదు. దీంతో ఫ్యూచర్ రిటైల్ లిమిటెడ్ లిక్విడేషన్‌ బాట పట్టనుంది.

జిందాల్ (ఇండియా) కేవలం ఈ కంపెనీ మాత్రమే ఫ్యూచర్ రిటైల్ లిమిటెడ్ ని బీడ్ చేసింది.ఈ కంపెనీ ఒక్కటే క్రెడిట్ర్స్ కి తమ ప్లాన్ ని నవంబర్ మొదటి వారంలో అందించారు. నవంబర్ 10 వ తారీకు ప్లన్స్ ని ఫుత్రే గ్రూప్ కి అందివ్వడానికి చివరి తేదీ కాగా అది ఎంత వరుకు సక్సెస్ అవుతుంది అంది తెలియాల్సి ఉంది. స్పేస్ మంత్ర వాళ్ళు రూ.553 కోట్లు అందించారు కానీ అది రూ20,000 కోట్ల అప్పులలో  చిన్న మొత్తం వల్ల అది సాధ్యపడలేదు. కేవలం 42 శాతం మాత్రమే వీళ్ళకి మద్దతులో ఉన్నారు అది సరిపోవాలేదు.

ఫ్యూచర్ రిటైల్ కంపెనీ ముంబై లో కిషోర్ బియ్యాన్ని 2013 లో స్థాపించారు.రిటైల్,ఫ్యాషన్ సెక్టార్,ఫుడ్ మ్యానుఫ్యాక్చరింగ్ కేంద్రాలు, సూపర్ మర్కెట్స్ రూపంలో ప్రజల మధ్యలోకి వచ్చాయి.ఫ్యూచర్ రిటైల్ యొక్క బ్రాండ్స్ స్టోర్స్ ఇవి:- బిగ్ బజార్,సెంట్రల్ (డిపార్ట్మెంట్ స్టోర్), FBB (ఫ్యాషన్ at బిగ్ బజార్),నీల్గిరీస్ 1905, aLL (ఆ లిటిల్ లార్జర్),హెరిటేజ్ ఫ్రెష్,ఈజీ day,WH స్మిత్,బ్రాండ్ ఫ్యాక్టరీ,ఆధార్ హోల్ సేల్.

News

కార్తీ – లారెన్స్ లకి షాక్ ఇచ్చిన తెలుగు ఆడియన్స్…!

by Sainath Gopi
written by Sainath Gopi

దీపావ‌ళి కానుకగా తెలుగు, త‌మిళ భాష‌ల్లో విడుదల అయిన కార్తి జ‌పాన్‌, లారెన్స్ జిగ‌ర్‌తాండ డ‌బుల్ ఎక్స్ చిత్రాల మ‌ధ్య పోటీ ఆస‌క్తిక‌రంగా మారింది. రెండు భాష‌ల్లో పండుగ‌కు రిలీజైన సినిమాల్లో ఇవే భారీ బ‌డ్జెట్ మూవీస్ కావ‌డం గ‌మ‌నార్హం. జ‌పాన్ సినిమాకు రాజ్ మురుగ‌న్ డైరెక్ట‌ర్.జిగ‌ర్ తాండ సీక్వెల్‌కు కార్తిక్ సుబ్బ‌రాజు ద‌ర్శ‌క‌త్వం వ‌హించాడు.

భారీ అంచ‌నాల‌తో రిలీజైన ఈ రెండు సినిమాలు బాక్సాఫీస్ వ‌ద్ద బోల్తా కొట్టాయి.తెలుగులో విడుదలైన చిత్రాలు కంటే ఈ డబ్బింగ్ చిత్రాలకి రిలీజ్ ముందు ఎక్కువ క్రేజ్ ఉంది. అయితే ఆ క్రేజ్ నిలబెట్టుకోవడంలో ఈ రెండు చిత్రాలు ఫెయిల్ అయ్యాయి.

japan movie review

కార్తి జ‌పాన్ చిత్రం అయితే మూడు రోజుల్లో వ‌ర‌ల్డ్ వైడ్‌గా 15 కోట్ల‌కు పైగా గ్రాస్‌, ఏడున్న‌ర కోట్ల‌కు వ‌ర‌కు షేర్ క‌లెక్ష‌న్స్ రాబ‌ట్టింది. తెలుగులో ఈ మూవీ ఇప్ప‌టివ‌ర‌కు మూడున్న‌ర కోట్ల వ‌ర‌కు గ్రాస్‌ను, కోటి డెబ్బై ల‌క్ష‌ల వ‌ర‌కు షేర్ క‌లెక్ష‌న్స్ ద‌క్కించుకున్న‌ట్లు సినీ ట్రేడ్ వర్గాల స‌మాచారం.తొలిరోజు జ‌పాన్ మూవీకి కోటికిపైగా క‌లెక్ష‌న్స్ వ‌చ్చాయి. అయితే నెగెటివ్ టాక్ కార‌ణంగా మూడో రోజు వ‌సూళ్లు దారుణంగా ప‌డిపోయాయి. ఆదివారం ఈ సినిమా 35 ల‌క్ష‌ల వ‌ర‌కు మాత్ర‌మే వ‌సూళ్లు రావడం చూస్తే తెలుస్తుంది ఇది ఏ రేంజ్ డిజాస్టర్ అనేది. జ‌పాన్ సినిమాలో అను ఇమ్మాన్యుయేల్ హీరోయిన్‌గా న‌టించింది.లారెన్స్‌, ఎస్‌జేసూర్య హీరోలుగా న‌టించిన జిగ‌ర్‌తాండ డ‌బుల్ ఎక్స్ తెలుగులో పూర్తిగా నిరాశ ప‌రిచింది. లారెన్స్ కి తెలుగులో మంచి ఫాలోయింగ్ ఉంది.

jigarthanda doublex movie review

మూడు రోజుల్లో ఈ మూవీకి రెండు కోట్ల న‌ల‌భై ల‌క్ష‌ల వ‌ర‌కు గ్రాస్‌, కోటి ఇర‌వై ల‌క్ష‌ల షేర్ క‌లెక్ష‌న్స్ వ‌చ్చిన‌ట్లు సినీ ట్రేడ్ వ‌ర్గాలు చెబుతున్నాయి. మూడో రోజు ఈ సినిమా 50 ల‌క్ష‌ల వ‌ర‌కు వ‌సూళ్లు ద‌క్కించుకున్న‌ట్లు తెలిసింది. తెలుగులో కార్తి జ‌పాన్ కంటే జిగ‌ర్ తాండ ఎక్కువ‌గా ప్రీ రిలీజ్ బిజినెస్ చేసింది. జ‌పాన్ నాలుగు కోట్ల బ్రేక్ ఈవెన్ టార్గెట్‌తో రిలీజ‌వ్వ‌గా…జిగ‌ర్ తాండ డ‌బుల్ ఎక్స్ ఐదున్నర కోట్ల వ‌ర‌కు ప్రీ రిలీజ్ చేసింది. క‌లెక్ష‌న్స్ చూస్తుంటే రెండు సినిమాలు తెలుగులో బ్రేక్ ఈవెన్ కావ‌డం క‌ష్టంగానే క‌నిపిస్తోంది. బయ్యర్స్ కు నష్టాలు తప్పేలాగా లేదు.

 

Also Read:నాని నెక్స్ట్ సినిమాలో విలన్ కి ఇచ్చిన రెమ్యూనరేషన్ తెలిస్తే షాక్ అవుతారు!

NewsViral

పాకిస్తాన్ లో దీపావళి వేడుకలు చూశారా..? ఇంత బాగా చేసుకుంటారా..?

by Sainath Gopi
written by Sainath Gopi

దీపావళి పండుగ అంటే అందరికీ బాగా ఇష్టమే. భారతదేశంలో ఎక్కువ శాతం మంది జరుపుకునే పండుగ దీపావళి.. దీపావళి పండుగ వస్తే దేశమంతా వెలుగులతో విరజిల్లుతుంది. దీపావళి పండుగకు ఉండే సందడే వేరు. అయితే మన దేశం లోనే కాకుండా వేరే దేశం లో ఉన్న హిందువులు దీపావళి పండుగలు జరుపుకుంటూ ఉంటారు.

అయితే ఎవరూ ఊహించని విధంగా పాకిస్తాన్ లో దీపావళి వేడుకలు జరిగాయి. పాకిస్తాన్ లో ఉండే హిందువులు దీపావళి వేడుకలు జరుపుకోగ,ఆ వీడియోలు ఇప్పుడు ఇంటర్నెట్ లో వైరల్ అవుతున్నాయి.

కరాచీలో ఉండే వందేళ్ల నాటి స్వామి నారాయణ ఆలయంలో దీపావళి వేడుకలు అత్యంత వైభవంగా జరిగాయి. పాకిస్తాన్ లో హిందువులు ఎక్కువగా ఉండే ప్రదేశాల్లో హిందూ ఆలయాలు కూడా ఉంటాయి. కానీ దీపావళి పండుగ వస్తే ఎక్కువ మంది హిందువులు స్వామి నారాయణ ఆలయానికి వస్తూ ఉంటారు. కరాచీలో ఉన్న హిందువులు దీపాలు వెలిగించడంతోపాటు తమ ఇళ్ళ ముందు రంగులు వేసి పూజలు జరిపారు. హిందువులతో పాటు పలువురు ముస్లింలు కూడా ఈ దీపావళి వేడుకల్లో పాల్గొనడం విశేషం.

deewali in pakisthan

స్వీట్స్ తీసుకువచ్చి లక్ష్మీదేవి ఆలయానికి విచ్చేసి ఫోటోకి పూజలు జరిపి కుటుంబంతో కలిసి సంతోషంగా దీపావళి వేడుకలు జరుపుకున్నామని కరాచీలో ఉన్న హిందువులు తెలిపారు.పలువురు ముస్లిం లు అయితే దీపావళి వేడుకలు చూసేందుకు వచ్చాం అని తెలియజేశారు.వారితో కలిసి పూజలు చేసి టపాసులు కాల్చమని తెలిపారు.వారి పూజలను గౌరవిస్తామని ముస్లింలు తెలిపారు. పాకిస్తాన్ విభజనకు ముందు గాంధీజీ ఈ ఆలయానికి వచ్చారని చెబుతారు.ముస్లిం దేశమైన పాకిస్తాన్ లో మత సామరస్యానికి ప్రత్యేకమైన దీపావళి వేడుక జరుపుకోవడం నిజంగా శుభసూచకమైన విషయం.పాకిస్తాన్ లో దీపావళి వేడుకలకు సంబంధించిన వీడియో BBC ఛానెల్ ప్రసారం చేసింది.

watch video :

Also Read:దివాళిపై ట్రెండ్ అవుతున్న 35 మీమ్స్…నాసా ఫోటో అంటూ వాట్సాప్ అంకూల్స్, దీపాలతో ఫోటోలు అంటూ అమ్మాయిలు

News

నాంపల్లిలో అగ్ని ప్రమాదం జరగడానికి ఈ విషయమే కారణం అయ్యిందా..? ఇలా చేయకపోయి ఉంటే..?

by Sainath Gopi
written by Sainath Gopi

నాంపల్లి బజార్ ఘాట్ లో జరిగిన అగ్ని ప్రమాదం ఇప్పుడు చర్చనీయాంశంగా మారింది. ఈ అగ్ని ప్రమాదంలో 9 మంది మృతి చెందారు. స్థానికులు వెంటనే స్పందించి చాలామందిని కాపాడడంతో ప్రాణ నష్టం కొద్దిగా తగ్గింది. ఫైర్ సిబ్బంది కూడా వెంటనే అప్రమత్తమయి మంటలను ఆర్పి వేశారు. అయితే అపార్ట్మెంట్ సెల్లార్ లో చెలరేగిన మంటలు కారణంగానే ఈ ప్రమాదం జరిగిందని పోలీసులు దర్యాప్తులో తేలింది.

5 అంతస్తుల అపార్ట్మెంట్ లో మంటలు 4 అంతస్థుల వరకు వ్యాపించాయి.ఫైర్ సిబ్బంది, డిజాస్టర్ రెస్పాన్స్ ఫోర్స్ వారు తీవ్రంగా శ్రమించి పలువురిని కాపాడారు.21 మందిని రక్షించి హాస్పిటల్ కి తరలించారు.

అయితే అపార్ట్మెంట్ కింద గ్యారేజ్ లో కార్ రిపేర్ చేస్తుండగా ఆయిల్ డ్రమ్ములు, కెమికల్ డ్రమ్ములు పేలి ఈ ఘటన జరిగిందని చెబుతున్నారు. ఎక్కువగా ఫస్ట్ ఫ్లోర్, సెకండ్ ఫ్లోర్ లో ఉన్న వ్యక్తులే మృత్యువాత పడినట్లు ఫైర్ డీజి నాగిరెడ్డి తెలిపారు.అపార్ట్మెంట్ సెల్లార్ లో ఉన్న వాహనాలన్నీ అగ్ని ఆహుతై బూడిద అయిపోయాయి. థర్డ్ ఫ్లోర్ లో ఉన్న వారికి పొగ కారణంగా ఊపిరి ఆడక స్పృహ తప్పి పడిపోయారు. వారందరినీ హాస్పిటల్ కి చేర్చారు.ఇది బిల్డింగ్ ఓనర్ రమేష్ జైస్వాల్ కి సంబంధించిన షాపే కావడం గమనార్హం.

 

కార్ గ్యారేజ్ లో కారుని రిపేర్ చేస్తుండగా స్పార్క్ వచ్చి మంటలు వ్యాపించి కెమికల్ డ్రమ్ములు అంటుకుపోయాయి. దీంతో ప్రమాదం జరిగి అపార్ట్మెంట్ అంతా మంటలు వ్యాపించాయి.
ఈ బిల్డింగ్ ఓనర్ కి పలుచోట్ల కెమికల్ కి సంబంధించిన వ్యాపారాలు ఉన్నాయి. వాటికి సంబంధించిన కెమికల్స్ అన్నిటిని అనధికారికంగా బిల్డింగ్ కింద స్టోర్ చేశాడు. వాటి కారణంగానే ఈ ప్రమాదం జరిగింది. పోలీసులైతే బిల్లింగ్ ఓనర్ పైన చర్యలు తీసుకోవడానికి సిద్ధమవుతున్నారు.
చనిపోయిన వారి మృతదేహాలను ఉస్మానియా మార్చురికి తరలించారు.

 

Also Read:చిరు ఇంట పార్టీలో ఆ ఒక్క హీరోకి ఆహ్వానం లేదా? ఆయన తప్ప అందరు ఉన్నారుగా ఫొటోల్లో.!

NewsSports Adda

సిరాజ్ ఈ పద్ధతి మార్చుకోకపోతే ఓడిపోతాం ఏమో..? విషయం ఏంటంటే..?

by Sainath Gopi
written by Sainath Gopi

2023 వండే ప్రపంచ కప్ లో భారత జట్టు ప్రదర్శన చాలా బాగుంది. ఇప్పటివరకు ఆడిన 9 మ్యాచ్ లలో భారత్ ఘన విజయాన్ని సొంతం చేసుకుంది. అయితే ఇక వరల్డ్ కప్ భారత్ కైవసం చేసుకోవాలంటే రెండు మ్యాచ్ ల దూరం ఉంది. 16వ తారీఖున న్యూజిలాండ్ తో జరిగే సెమీఫైనల్ లో గెలిస్తే 19వ తారీఖున జరిగే ఫైనల్ మ్యాచ్ భారత్ ఆడనుంది. ఇక ఇదే ప్రదర్శన, ఫామ్ కొనసాగిస్తే భారత్ జట్టు కప్పు గెలవడం పెద్ద కష్టమేమీ కాదు.

అయితే భారత్ అభిమానులను సెమీఫైనల్ గండం భయపెడుతుంది. ఇలాంటి సమయంలో భారత జట్టులో ఉన్న ఏ ఒక్క ఆటగాడు అయినా సరే ఏ చిన్న తప్పు చేసిన జట్టు మొత్తం భారీ మూల్యం చెల్లించుకోక తప్పదు. ఇప్పుడు భారత్ అభిమానులు ఇండియన్ ఫాస్ట్ బౌలర్ మహమ్మద్ సిరాజ్ పైన ఆవేశ పడుతున్నారు. దానికి కారణం లేకపోలేదు.

బౌలింగ్ లో అద్భుతంగా రానిస్తున్న సిరాజ్ ఫీల్డింగ్ లో మాత్రం తప్పు మీద తప్పు చేస్తున్నాడు. మొన్న నెథర్లాండ్స్ తో జరిగిన మ్యాచ్ లో రెండు క్యాచ్ లను వదిలేసాడు. మొత్తం భారత్ ఆడిన చివరి రెండు మ్యాచ్ లలో సిరాజ్ మూడు క్యాచ్ లి వదిలేశాడు.ఎలా చూసుకున్నా ఫీల్డింగ్ విషయంలో సిరాజ్ పేలవంగం ఉన్నాడు.బౌండరీ దగ్గర బంతిని ఆపడానికి కూడా కష్టపడుతున్నాడు. కీలకమైన సెమీఫైనల్ మ్యాచ్ లో కూడా ఇదే విధంగా తన తీరు ఉంటే టీం మొత్తానికి ఇది నష్టం చేకూరుస్తుంది.పాకిస్తాన్-ఆస్ట్రేలియా మ్యాచ్ లో వార్నర్ ఇచ్చిన క్యాచ్ ను పాకిస్తాన్ ఫీల్డర్ ఒసామా వదిలేసాడు.

ఆ తర్వాత అది పాకిస్తాన్ కి ఎంత నష్టం చేసిందో తెలిసిందే. పది పరుగుల వద్ద అవుట్ అవ్వాల్సిన వార్నర్ ఏకంగా 163 పరుగులు చేశాడు.సెమీఫైనల్ ముందు సిరాజ్ కి ఫీల్డింగ్ కోచ్ ప్రత్యేకంగా శిక్షణ ఇవ్వాలని భారత అభిమానులు కోరుకుంటున్నారు. భారత్ 2011 తర్వాత వరల్డ్ కప్పునెగ్గలేదు కాబట్టి ఈసారి ఎలాగైనా సరే కప్పు కొట్టాలని దేశం మొత్తం కోరుకుంటున్నారు. ఇలాంటి సమయంలో ఏ చిన్న తప్పు చేసిన ఆ ప్లేయర్ కి తీవ్ర నష్టం చేకూర్తుంది. సిరాజ్ ఫీల్డింగ్ లో మెరుగైతే ఎటువంటి దొఖా ఉండదు.

Also Read:ఇదే మొదటిసారి అన్నట్టు అంత బిల్డప్ ఇచ్చారుగా “పాక్”..కానీ 2003 నుండి ఈ లెక్కలు చూడండి.

News

9 కి చేరిన మృతుల సంఖ్య… నాంపల్లి అగ్నిప్రమాదంలో అసలు ఏం జరిగింది.?

by Sainath Gopi
written by Sainath Gopi

హైదరాబాదులోని నాంపల్లి బజార్ ఘాట్ లో సోమవారం ఉదయం ఘోర అగ్నిప్రమాదం జరిగింది.
బాజార్ ఘాట్ లో ఉన్న ఒక అపార్ట్మెంట్ లో మంటలు చెల్లారేగడంతో 9 మంది ప్రాణాలు కోల్పోయారు. ఈ ఐదు అంతస్తుల అపార్ట్మెంట్ లో 15 కుటుంబాలు నివసిస్తున్నాయి. భవనం కింది భాగంలో గ్యారేజ్ ను నిర్వహిస్తున్నారు.

అందులో కెమికల్స్, డీజిల్ ఆయిల్స్, వాహనాలు ఉపయోగించే ఆయిల్స్ నిలువ చేశారు. షార్ట్ సర్క్యూట్ కారణంగా ప్రమాదం జరిగి క్షణాల వ్యవధిలో బిల్డింగ్ అంతా మంటలు వ్యాపించాయి. వెంటనే స్థానికులు అందులో నివాసం ఉంటున్న వారిని అప్రమత్తం చేయడంతో భారీ ప్రాణ నష్టం తప్పింది.

అయితే ఆ సమయంలో నిద్ర పోతున్నవారు మంటలో చిక్కుకుని పొగ కారణంగా మృతి చెందారు. ఈ ఘటనలో ఆరు ద్విచక్ర వాహనాలు ఒక కారు కూడా తగలబడిపోయాయి. ఉదయం 9:30 కి ఘటన జరగగా స్థానికులు వెంటనే ఫైర్ సిబ్బందికి సమాచారం అందించారు. ఐదు ఫైర్ ఇంజన్లతో ఫైర్ సిబ్బంది మంటలను అదుపు చేశారు.ముందుగా బిల్డింగ్ లో టపాకాయలు  కారణంగా ప్రమాదం జరిగిందని స్థానికులు అనుకున్నారు. కానీ మంటలు వేగంగా వ్యాపించడంతో విద్యుత్ షార్ట్ సర్క్యూట్ కారణమని ఫైర్ సిబ్బంది తెలియజేశారు. లేడర్లు సహాయంతో 16 మందిని కాపాడారు. మరో ఏడుగురు హాస్పిటల్ లో చికిత్స పొందుతున్నారు.చనిపోయిన 9 మంది మృతదేహాలను మార్చురీకి తరలించారు.

watch video:

https://youtu.be/6e_qLDJKVjk

వాహనాల ఆయిల్ అక్రమంగా నిలవ ఉంచిన కారణంగానే ప్రమాదం జరిగిందని, భవన యజమానిని విచారిస్తే పూర్తి వివరాలు తెలుస్తాయని సెంట్రల్ జోన్ డీసీపీ తెలిపారు. ఈ ఘటనకు బాధ్యులైన వారి పైన కఠిన చర్యలు తీసుకుంటామని అన్నారు. దట్టమైన పొగ కారణంగా బయటికి చాలామంది రాలేకపోయారని అన్నారు. ఫైర్ సిబ్బంది సకాలంలో స్పందించడంతో ప్రాణనష్టం తగ్గిందని తెలియజేశారు.భవన యజమాని రమేష్ జైస్వాల్ రసాయన పరిశ్రమను నిర్వహిస్తున్నారు. వివిధ రకాల రసాయనాలను భవన సెల్లార్ లో నిలివవుంచిన కారణంగానే ప్రమాదం జరిగిందని పోలీసుల దర్యాప్తులో తేలింది.

Also Read:దివాళిపై ట్రెండ్ అవుతున్న 35 మీమ్స్…నాసా ఫోటో అంటూ వాట్సాప్ అంకూల్స్, దీపాలతో ఫోటోలు అంటూ అమ్మాయిలు.!

NewsSports Adda

వరల్డ్ కప్ గెలిచేందుకు రోహిత్ వ్యూహం ఇదే అంట…సెమీస్ లో “న్యూజిలాండ్” పై.?

by Sainath Gopi
written by Sainath Gopi

2023 వన్డే ప్రపంచ కప్ చివరి దశకు చేరుకుంది. ఈ నెల 16న సెమీఫైనల్స్, 19 ఫైనల్స్ మ్యాచ్ జరగనున్నాయి. సెమీఫైనల్స్ లో భారత్ తన చిరకాల ప్రత్యర్థి న్యూజిలాండ్ తో తలపడనుంది. ఈ మ్యాచ్ లో న్యూజిలాండ్ ని ఓడించాలని అటు భారత జట్టుతో పాటు ఇటు యావత్తు భారత అభిమానులు ఆశగా ఎదురుచూస్తున్నారు.

నిన్న నెదర్లాండ్స్ తో జరిగిన మ్యాచ్ లో రోహిత్ సేన విజృంభించి ఆడింది. మొదటి బ్యాటింగ్ చేసిన ఇండియన్ టీం 410 పరుగుల భారీ స్కోరు చేసింది.మిడిల్ ఆర్డర్ బ్యాట్స్ మెన్ శ్రేయస్ అయ్యర్, కే.ఎల్ రాహుల్ అయితే సెంచరీలతో చెలరేగిపోయారు. రోహిత్ శర్మ, కోహ్లీ, శుభమన్ గిల్ అయితే టీం కి మంచి ఆరంభాన్ని అందించారు.

వీళ్ళందరి సమిష్టి కృషితో భారత భారీ స్కోర్ చేయగలిగింది.తర్వాత బ్యాటింగ్ కి దిగిన నెదర్లాండ్స్ కూడా నిలకడగానే ఆడింది. భారత్ కి విజయం లాంచనమని తెలిసిపోయాక రోహిత్ శర్మ బ్యాటర్ ల చేత కూడా బౌలింగ్ చేయించాడు. కోహ్లీ బౌలింగ్ వేసి ఒక వికెట్ తీసుకున్నాడు. సూర్య కుమార్ యాదవ్, గిల్ కూడా బౌలింగ్ చేశారు. అయితే కెప్టెన్ రోహిత్ శర్మ కూడా బౌలింగ్ చేయగా ఆఖరి వికెట్ అతనికి దక్కింది దీంతో 9 మ్యాచ్ లలోను భారత్ విజయాన్ని నమోదు చేసింది.ఈ సమిష్టి విజయాల పైన కెప్టెన్ రోహిత్ శర్మ స్పందించాడు. వరల్డ్ కప్పుకి ముందు ప్రతి ఒక్కరం ఒక్కో మ్యాచ్ ను గెలుచుకుంటూ వెళ్లాలని ప్రణాళిక రచించినట్లుగా తెలిపాడు. అన్ని మ్యాచ్ లపై ఒకేసారి దృష్టిపెట్టే కంటే ఏ మ్యాచ్ ని ఆ మ్యాచ్ స్పెషల్ గా చూసామని తెలిపారు.

మైదానంలో కూడా దానికి తగ్గట్టు నడుచుకుంటూ టీం విజయం కోసం పోరాడమని తెలియజేశాడు.టీంలో ప్రతి ఒక్కరు తమ వంతు పాత్ర పోషించారని ఇది టీం కి శుభ సూచకమని, డ్రెస్సింగ్ రూమ్ వాతావరణం కూడా మాలో ఉత్సాహాన్ని నింపిందని అన్నారు. అభిమానులకు మాపైన భారీ అంచనాలు ఉన్న అవన్నీ పక్కనపెట్టి కేవలం ప్రదర్శన మీదే దృష్టి పెట్టామని అన్నారు.ఇక సెమీఫైనల్ మ్యాచ్ మీద తమ దృష్టి ఉందని అన్నారు.భారత్ సెమీఫైనల్ నెగ్గి ఫైనల్ కి చేరి కప్పు కొట్టాలని 150 కోట్ల భారత్ అభిమానులు ఎదురు చూస్తున్నారు. రోహిత్ సేన కూడా ఈసారి ఎలాగైనా వరల్డ్ కప్ సాధించాలని పట్టుదలతో ఉంది. ఇప్పటివరకు చూపెట్టిన ప్రదర్శనమే కొనసాగిస్తే కప్పు కొట్టడం పెద్ద కష్టమేమీ కాదు.

 

Also Read:టీం ఇండియాకి ఉన్న అతి పెద్ద టెన్షన్ ఇదేనా..? ఈ ఒక్క లోటు తీరితే కప్ కొట్టినట్టే..!

Newer Posts
Older Posts