News

తెలుగు సినిమా ఇండస్ట్రీలో ఎంతో మంది నటులు ఉన్నారు. ప్రతి సంవత్సరం కొన్ని వందల మంది ఇండస్ట్రీకి పరిచయం అవుతూ ఉంటారు. వారిలో చాలా మందికి గుర్తింపు దక్కుతుంది. కొంత మందికి మాత్రం కొన్ని సంవత్సరాల తర్వాత గుర్తింపు తగ్గుతుంది. దాంతో వాళ్లు ఆ సినిమాతో చాలా ఫేమస్ అయిపోతారు.

తర్వాత వాళ్లను ఎక్కడ చూసినా కూడా మొదటిగా వాళ్ళు ఏ సినిమా అయితే ఫేమస్ అయ్యారో అదే సినిమా గుర్తొస్తుంది. అలా సడన్ గా కుమారి 21ఎఫ్ సినిమాతో ఒక్కసారిగా ఫేమస్ అయిపోయిన నటి హెబ్బా పటేల్. అలా ఎలా అనే ఒక సినిమాతో తెలుగు ఇండస్ట్రీలో అడుగుపెట్టారు హెబ్బా పటేల్.

ఆ సినిమా అంత పెద్ద గుర్తింపు తీసుకురాకపోయినా కూడా తర్వాత నటించిన కుమారి 21ఎఫ్ సినిమాతో మాత్రం రెండు తెలుగు రాష్ట్రాల్లో చాలా పాపులర్ అయిపోయారు. అందులో ఆమె నటన, డైలాగ్స్ అప్పట్లో ఒక సెన్సేషన్ క్రియేట్ చేశాయి. ఆ తర్వాత హెబ్బా పటేల్ చాలా సినిమాల్లో నటించారు. వరుణ్ తేజ్ హీరోగా నటించిన మిస్టర్ సినిమాలో కూడా ఒక పాత్రలో నటించారు. ఆ తర్వాత మరికొన్ని సినిమాల్లో హీరోయిన్ గా నటించారు. కానీ వాటిలో ఆమె పాత్రలకి మళ్లీ కుమారి 21 ఎఫ్ సినిమాలో లభించిన గుర్తింపు లభించలేదు ఏమో అనిపిస్తుంది.

హెబ్బా పటేల్ భీష్మ సినిమాలో కూడా ఒక పాత్ర పోషించారు. ఆ సినిమాలో చాలా డిఫరెంట్ లుక్ తో కనిపించారు. ప్రస్తుతం హెబ్బా పటేల్ ఓదెల రైల్వే స్టేషన్ అనే సినిమాలో నటిస్తున్నారు. ఈ సినిమాకు సంబంధించిన ఫస్ట్ లుక్ పోస్టర్ కొంతకాలం క్రితం విడుదల అయ్యింది. అయితే హెబ్బా పటేల్ రీసెంట్ ఫోటో ఒకటి సోషల్ మీడియాలో వైరల్ అవుతోంది. అందులో హెబ్బా పటేల్ పూర్తిగా మారిపోయి ఉన్నారు. సడన్ గా చూస్తే అసలు హెబ్బా పటేల్ లాగా అనిపించట్లేదు. ఈ ఫొటోలు ప్రస్తుతం సోషల్ మీడియాలో వైరల్ అవుతున్నాయి.

విశాఖపట్నం ఆర్కే బీచ్ లో మహిళ మిస్సింగ్ కేసులో కొత్త విషయం బయటికి వచ్చింది. సాయి ప్రియ అనే ఆ మహిళ నెల్లూరులో ఉన్నట్టు వారి బంధువులు గుర్తించారు. సాయి ప్రియ నెల్లూరుకు చెందిన రవి అనే వ్యక్తితో ప్రేమలో ఉన్నారు. పెళ్లిరోజు భర్త శ్రీనివాస్ తో కలిసి ఆర్కే బీచ్ కి వెళ్లారు.

శ్రీనివాస్ మొబైల్ చూస్తూ ఉన్నప్పుడు సాయి ప్రియ అక్కడి నుండి వెళ్ళిపోయారు. దాంతో ఆమె సముద్రంలో గల్లంతు అయినట్టు అందరూ అనుకున్నారు. సాయి ప్రియ ఎక్కడ ఉందో కనిపించకపోవడంతో ఆమె కోసం నేవీ హెలికాప్టర్ తో ఆమెను వెతకడం మొదలు పెట్టారు. కానీ ఇప్పుడు బయటికి వచ్చిన విషయం ఏంటి అంటే సాయి ప్రియ నెల్లూరులో తన ప్రియుడితో ఉన్నారు.

వైజాగ్ లోని ఎన్ఎడి సమీపంలోని సంజీవయ్య నగర్ కి చెందిన సాయి ప్రియకి 2 సంవత్సరాల క్రితం శ్రీకాకుళం జిల్లాకు చెందిన శ్రీనివాసరావుతో పెళ్లి జరిగింది. సాయి ప్రియ సంజీవయ్య నగర్ లో ఉంటారు. శ్రీనివాస్ హైదరాబాద్ లో ఉద్యోగం చేస్తున్నారు. సోమవారం వారి పెళ్లి రోజు కావడంతో వాళ్ళిద్దరూ ఆర్కే బీచ్ కి వెళ్లారు. 7:30 సమయంలో వాళ్ళిద్దరూ తిరిగి వెళ్ళిపోదామని అనుకుంటున్నప్పుడు శ్రీనివాసరావుకి ఫోన్ వచ్చి పక్కకి వెళ్లి మాట్లాడారు.

తిరిగి వచ్చేలోపు సాయి ప్రియ కనిపించలేదు. వెంటనే శ్రీనివాస్ సాయి ప్రియ తల్లిదండ్రులకు ఈ విషయాన్ని చెప్పారు. ఆమె సముద్రంలో గల్లంతయ్యి ఉండొచ్చు అని వాళ్ళు అందరూ అనుకున్నారు. మంగళవారం ఉదయం నుండి స్పీడ్ బోట్స్, నేవీ హెలికాప్టర్ల సహాయంతో సాయి ప్రియ కోసం గాలించారు. కానీ సాయి ప్రియ కనిపించలేదు. అసలు ఆమె సముద్రంలోనే గల్లంతయ్యిందా అనే అనుమానాలు కూడా నెలకొన్నాయి. ఇప్పుడు చూస్తే సాయి ప్రియ నెల్లూరులో ఉన్నారు అని తెలిసింది.

టెక్నాలజీ పెరగడంతో సైబర్ నేరాలు రోజురోజుకీ పెరిగిపోతున్నాయి. ప్రజల ఆర్ధిక, అనారోగ్య పరిస్థితులు, అవసరాలు ఆసరాగా చేసుకొని మోసాలకు పాల్పడుతున్నారు సైబర్ నేరగాళ్లు. ఆరోగ్యం బాగోలేదని వైద్య ఖర్చులకు డబ్బులివ్వమంటూ ఆపన్నహస్తం కోసం ఎదురుచూస్తున్న నిరుపేద జంటను మోసం చేశారు సైబర్ నేరగాళ్ళు.

సోషల్ మీడియా వేదికగా దాతల ఎవరైనా ఉంటే ఆర్ధికసాయం చేసి బిడ్డ ప్రాణాలు నిలబెట్టమని కోరిన జంటకు డబ్బు దానం చేస్తామని మాయమాటలు చెప్పి వాళ్ల బ్యాంక్ ఖాతాలో డబ్బులు కాజేసిన సంఘటన భద్రాద్రి కొత్తగూడెం జిల్లాలో వెలుగు చూసింది. భద్రాద్రి కొత్తగూడెం జిల్లా లక్ష్మీదేవిపల్లి మండలం అనిశెట్టిపల్లికి చెందిన భాస్కర్‌ దంపతులకు నాలుగు నెలల కొడుకు ఉన్నాడు.

మేఘనాథ్‌ అనే బాలుడు లివర్‌ ఇన్‌ ఫెక్షన్‌తో బాధపడుతున్నాడు. బిడ్డ ప్రాణాలు కాపాడుకునేందుకు తల్లిదండ్రులు ఆసుపత్రుల చుట్టూ తిరిగారు. కాలేయం పూర్తిగా దెబ్బతిన్నదని లివర్ ప్లాంటేషన్ చేయాలని తెలిపారు. అందుకు పెద్ద మొత్తంలో డబ్బులు అవసరమవుతాయని వైద్యులు చెప్పారు. కనీసం 18లక్షలు సిద్ధం చేసుకోమని భాస్కర్ దంపతులకు సూచించారు.  లక్షలు ఖర్చు చేసి కాలేయ మార్పిడి ఆపరేషన్‌ చేయించే ఆర్ధిక స్తోమత లేకపోవడంతో బాలుడి తల్లిదండ్రులు దాతల సాయం కోసం సోషల్ మీడియాలో తమ పరిస్థితి వివరిస్తూ పోస్ట్ పెట్టారు.

అపన్నహస్తం కోసం ఎదురుచూస్తున్న దంపతులను సైబర్ నేరగాళ్లు తమకు అనుకూలంగా మల్చుకున్నారు. మూడ్రోజుల క్రితం బాలుడి తండ్రికి ఫోన్‌ చేసి తాము సోనూసూద్‌ చారిటబుల్ ట్రస్ట్ నుంచి మాట్లాడుతున్నామని నమ్మించారు. డబ్బులు వేయడానికి బ్యాంక్ అకౌంట్ చెప్పమన్నారు. వివరాలు తెలుసుకున్న తర్వాత ఓటీపీ, ఏటీఎం కార్డు నెంబర్‌ అడిగి తెలుసుకున్నారు.

ఇది జరిగిన క్షణాల వ్యవధిలోనే బాధితుడు భాస్కర్ బ్యాంక్ ఖాతాలో ఉండాల్సిన 14 వేల రూపాయలను సైబర్ నేరగాళ్లు విత్‌ డ్రా చేసుకున్నారు. తమకు జరిగిన అన్యాయాన్ని లక్ష్మీదేవిపల్లి పోలీస్ స్టేషన్‌కు వెళ్లి కంప్లైంట్ చేశారు. ఎలాగైనా తమకు న్యాయం చేయమని.. పోయిన డబ్బు తిరిగి వచ్చేలా చూడమని పోలీసులను వేడుకున్నారు. పోలీసులు కేసు నమోదు చేసుకొని నిందితుల్ని పట్టుకుంటామని.. డబ్బులు తిరిగి వచ్చేలా చేస్తామని వారికి హామీ ఇచ్చారు.

ప్రియుడు మోజులో పడి భర్తను హత్య చేస్తున్న భార్యలు పెరుగుతున్నా ఈ రోజుల్లో.. ఓ భార్య, భర్త కోసం అలుపెరుగని పోరాటం చేస్తోంది. తన భర్త కాపురానికి రానివ్వట్లేదని, భర్త తనకు కావాలని ఓ ఇల్లాలు కర్నూలు జిల్లాలో భర్త ఇంటి ముందు పోరాటానికి దిగింది.

ఉన్నత విద్య చదివి.. సమజంలో మంచి గుర్తింపు ఉన్న తనపై పిచ్చి పట్టిందనే ముద్ర వేసి వదిలించుకునే ప్రయత్నం చేస్తున్నారని ఆ ఇల్లాలు వారం రోజుల నుంచి భర్త ఇంటి ముందు పోరాటం చేస్తోంది. నంద్యాల జిల్లా గడివేముల మండలం పెసరవాయికి చెందిన ఉమామహేశ్వరి కి 2017 లొద్దిపల్లికి చెందిన బెల్లం విష్ణువర్ధన్ రెడ్డితో వివాహమైంది. పెళ్లి సందర్భంగా 30 లక్షల కట్నకానుకలు ఇచ్చారు.

విష్ణువర్ధన్ రెడ్డి సాఫ్ట్ వేర్ ఇంజినీరుగా పనిచేస్తున్నారు. కానీ పెళ్లయిన రెండు వారాలకే వీరి ఇద్దరి మధ్య అభిప్రాయ భేదాలొచ్చాయి. పుట్టింటికి వెళ్లిన ఉమామహేశ్వరిని తిరిగి భర్త ఇంటికి కాపురానికి పంపేందుకు పెద్దనుషుల ద్వారా ప్రయత్నించారు. ఒక దశలో పోలీసులు పంచాయతీ ద్వారా ఇద్దరిని కలిపే ప్రయత్నం చేశారు. మరో వైపు విడాకులు కావాలంటూ భర్త విష్ణువర్ధన్ రెడ్డి కోర్టు నోటీస్ ఇచ్చారు.

భర్త విడాకులు తనకు వద్దంటూ భర్తే కావాలంటూ ఉమా మహేశ్వరి ఓర్వకల్ మండలం లొద్దిపల్లిలో భర్త ఇంటిముందు ఆందోళనకు దిగింది. భర్త ఇంట్లోకి వెళ్లిన ఆమె.. అక్కడే 5 రోజుల పాటు స్వీయ నిర్బంధంలో ఉంది. కోడలు ఇంట్లో నుంచి వెళ్లిపోవాలనినే ఉద్దేశంతో.. ఆ ఇంట్లో కరెంట్ సరఫరా నిలిపివేశారు. ఎవరో ఏదో ఒక పూట ఇంత అన్నం పెడితే తిని వారం రోజులుగా భర్త ఇంటి దగ్గరే ఆందోళనకు దిగింది.

అయితే తనకు పిచ్చి పట్టిందని ప్రచారం చేసి వదిలించుకోవాలని చూస్తున్నారని.. అలాగే అక్రమ సంబంధం అంటగట్టే ప్రయత్నం చేస్తున్నారని బాధితురాలు ఆవేదన వ్యక్తం చేస్తోంది. తనకు మాత్రం.. భర్తతో కాపురం చేయాలని ఉందని.. వారి డబ్బులు , ఆస్థులు అవసరం లేదంటుంది ఉమామహేశ్వరి. తనకు న్యాయం చేయాలని , అప్పటి వరకు నా పోరాటం ఆగదంటుంది ఉమామహేశ్వరి.

అయితే ఉమా మహేశ్వరి ఆందోళనపై అత్త యశోద వాదన భిన్నంగా ఉంది. పెళ్లయిన కొత్తలోనే కాపురం చేయకుండా వెళ్ళిపోయి తమపై లేనిపోని కేసులు పెట్టిందని ఆమె ఆరోపిస్తోంది. తన కుమారుడిని కేసులతో వేధించారని, విసుగుచెంది భార్య వద్దని విడాకులు కోరుతున్నారని చెబుతోంది. ప్రతిసారి పోలీస్ స్టేషన్ కి పిలిపిస్తున్నారని చెబుతోందామె. విష్ణువర్ధన్ రెడ్డి తో మాట్లాడేందుకు ప్రయత్నించినా అందుబాటులోకి రాలేదు.

ఎల్‌బీ నగర్‌లోని మధురానగర్‌లో నివాసముంటున్న సత్యనారాయణరెడ్డి, ప్రభావతి దంపతుల ముగ్గురు కుమార్తెలలో వర్షిత (11) అనే రెండవ కూతురు. సత్యనారాయణరెడ్డి రైతు, ప్రభావతి గృహిణి. వర్షిత స్థానిక ప్రైవేట్ పాఠశాలలో ఆరవ తరగతి చదువుతుంది. పోలీసులు తెలిపిన వివరాల ప్రకారం..

వర్షిత మంగళవారం పాఠశాలకు వెళ్లి మధ్యాహ్నం ఇంటికి తిరిగి వచ్చింది. సాయంత్రం 5.30 గంటలకు తమ ఇంటి సమీపంలోని దుకాణానికి వెళుతున్నాను అని తల్లి వద్ద నుంచి కొంత డబ్బు తీసుకొని ఇంటి నుంచి బయలుదేరింది. వర్షిత దుకాణానికి వెళ్లకుండా ఆటో ఎక్కింది. ఆటో డ్రైవర్ ఆమెను ఎక్కడికి వెళ్లాలని అడిగితే, వర్షిత తండ్రిని కలవడానికి ఎల్‌బి నగర్ ఎక్స్ రోడ్స్‌కు వెళ్లాలనుకుంటున్నట్టు చెప్పింది.

అమ్మాయి నిజం చెబుతుందో లేదో ధృవీకరించడానికి, ఆటో డ్రైవర్ ఆమెను ఆమె తండ్రి ఫోన్ నంబర్ కోసం అడగ్గా, అమ్మాయి అతనికి ర్యాండమ్ నంబర్ చెప్పింది. ఆటో డ్రైవర్ తన సెల్ ఫోన్ నుండి నంబర్‌కు డయల్ చేసినా ఎవరూ కాల్ చేయకపోవడంతో, అతను బాలికను ఎల్‌బి నగర్ ఎక్స్ రోడ్స్ వద్దకు తీసుకెళ్లి బాలిక సూచనల మేరకు నాలుగు అంతస్థుల భవనం దగ్గర దించి వెళ్లినట్లు పోలీసులు తెలిపారు.

“అమ్మాయి ఆటో దిగి, ఆమె తండ్రి అక్కడ లేకపోవడంతో, ఆమె తండ్రి బిల్డింగ్‌లో పనిచేస్తున్నారా అని డ్రైవర్ బిల్డింగ్ వాచ్‌మెన్‌ని అడిగాడు లేదు అని చెప్పడంతో మాట్లాడుతుండగానే.. వర్షిత నాలుగవ అంతస్తు పైకి ఎక్కడం, దూకేయడం క్షణాల్లో జరిగిపోయాయి. వెంటనే వారు ఆస్పత్రికి తరలించినా పాప అప్పటికే మరణించింది. సీసీ టీవీ ఫుటేజీ పరిశీలించి, సాక్షులను విచారిస్తే బాలిక మరణంలో ఇతరల ప్రమేయం లేనట్టు తెలిసింది. అయితే ఆత్మహత్యకు కారణాలు తెలియాల్సి ఉంది. కింద పోలీసులు తెలిపిన వివరాలకు సంబంధించిన వీడియో ఉంది చూడండి.