News

మెగా అల్లుడు వైష్ణవ్‌ తేజ్‌ ‘ఉప్పెన’ సినిమాతో తెరంగేట్రం చేసిన భామ కృతి శెట్టి. ఆదిలోనే అద్భుతమైన ప్రదర్శన ఇచ్చిన ఈ భామ తెలుగు ప్రేక్షకుల గుండెల్లో చెదిరిపోని ముద్రవేసింది. ఉప్పెన సినిమా తరువాత ఆమె వరుసగా మూడు హిట్లను అందుకుంది.

దీంతో ఆమె సినిమాల్లో బీజీబీజీగా అయిపోయింది. ఇప్పటికే చేతినిండా సినిమాలతో ఫుల్‌ జోష్‌లో ఉన్న ఈ సొట్టబుగ్గల సుందరి.. ఇప్పుడు మరో ప్రాజెక్ట్‌కు ఓకే చెప్పినట్లు తెలుస్తోంది.

ప్రస్తుతం కృతి.. ‘ఆ అమ్మాయి గురించి మీకు చెప్పాలి’ .. ‘ది వారియర్’ .. ‘ మాచర్ల నియోజకవర్గం’ సినిమాలతో ఈ ఏడాది మరోసారి కనువిందు చేసేందుకు రాబోతోంది. అయితే.. అక్కినేని నాగచైతన్య హీరోగా వెంకట్‌ ప్రభు దర్శకత్వంలో ఓ సినిమా రూపొందుతోంది. ఈ సినిమాను తెలుగు, తమిళ భాషల్లో తెరకెక్కిస్తున్నారు మేకర్స్‌. అయితే ఈ సినిమాలో నాగచైతన్యతో రోమాన్స్‌ చేసేందుకు సిద్ధమైంది కృతి శెట్టి.

ఈ సినిమా కథ చెప్పగానే నచ్చి ఓకే చెప్పిందట. ఈ సినిమా తమిళ బాషలో కూడా విడుదలవుతుంది కాబట్టి కృతికి కూడా ప్లస్‌ అయ్యే అవకాశాలు ఉన్నాయి కూడా. ఈ సినిమా నాగచైతన్యకు 22వది. అయితే ఈ ఏడాది సంక్రాంతికి వచ్చిన బంగార్రాజు సినిమాలో నాగచైతన్య, కృతి శెట్టి జంటగా కనిపించిన విషయం తెలిసిందే. ఈ సినిమాలో వీరిద్దరీ కెమస్ట్రీపై బాగా కుదరింది కూడా. అయితే వీరిద్దరి కాంబోలో ఈ సినిమాతో రెండవది.

తమిళ్‌ తలైవా రజనీకాంత్‌ మాంచి బ్లాక్‌ బాస్టర్‌ హిట్‌ కోసం వేచిచూస్తున్నారు. ఇటీవల సూపర్‌ స్టార్‌ రజనీకాంత్‌ కథనాయకుడిగా విడుదలైన పెద్దన్న సినిమా ప్రేక్షకులను అలరించలేకపోయింది. దీంతో తలైవా  తన అభిమానులను సంతప్తి పరిచేందుకు తన 169వ సినిమాను సెట్స్‌పైకి తీసుకెళ్లనున్నారు.

ఈ సినిమాకు నెల్సన్‌ దిలీప్‌ కుమార్‌ దర్శకత్వం వహిస్తుండగా.. సన్‌ పిక్చక్స్‌ పతాకంపై తెరకెక్కుతోంది. అయితే.. దీంతో పాటు తన 170వ సినిమాపై కూడా రజనీ ఫోకస్‌ పెట్టారు. కబాలి, కాలా లాంటి సినిమాలకు దర్శకత్వం వహించిన పా.రంజిత్‌కు తన 170వ సినిమాను చేయనున్నట్లు తెలుస్తోంది. పా.రంజిత్‌ దర్శకత్వంలో వచ్చిన కబాలి, కాలా సినిమాలు అనుకున్నంతగా వసూల్లు రాబట్టకపోయినా.. దీనిలో రజనీ లుక్‌ కు అందరినీ ఆకర్షించాయి.

ఈ క్రమంలోనే ఇటీవల మరోసారి యువ దర్శకుడు పా.రంజిత్‌ ఓ కథను చెప్పడంతో నచ్చి సూపర్‌ స్టార్‌ గ్రీన్‌ సిగ్నల్‌ ఇచ్చినట్లు తెలుస్తోంది. అయితే సూపర్‌ స్టార్‌ నటించిన దర్బార్‌ సినిమా బ్లాక్‌ బాస్టర్‌ హిట్‌ నిలిచిన విషయం తెలిసిందే. ఈ సినిమా తరువాత వచ్చిన ఏ సినిమా కూడా మళ్లీ సూపర్‌స్టార్‌ ఖాతాలో విజయాన్ని తీసుకురాలేదు. అయితే.. ఇప్పుడు తెరకెక్కుతున్న సినిమానులైనా విజయం పరంపరంను కొనసాగిస్తాయో చూడాలి మరీ..

తెలుగు ఫిలిం ఫెడరేషన్‌ కార్మికులు తమ వేతనాలు పెంచాలంటూ సమ్మె బాటపట్టిన విషయం తెలిసిందే. తమ జీతభత్యాలు పెంచేంత వరకు పనులకు రామని తెగేసి చెప్పారు. అంతేకాకుండా నిన్న తెలుగు ఫిలిం ఛాంబర్‌ ముందు నిరసన వ్యక్తం చేశారు.

అయితే.. నిర్మాతల మండలి మాత్రం.. కరోనా ప్రభావంతో తీవ్రంగా నష్టపోయామని.. ఇప్పట్లో సినీ కార్మికుల వేతనాలు పెంచే పరిస్థితులు లేవని వెల్లడిస్తోంది. దీంతో.. తెలుగు చలన చిత్ర వాణిజ్య మండలికి తెలుగు ఫిలిం ఫెడరేషన్ కు మధ్య వివాదం ముదురుతోంది.

సినీ కార్మికులు సమ్మెలో ఉండటంతో.. టాలీవుడ్‌లో ఎక్కడి సినిమాలు అక్కడే నిలిచిపోయాయి. హైదరాబాద్‌తో పాటు పరిసర ప్రాంతాల్లో సుమారు 28 సినిమాల షూటింగ్‌ నిలిచిపోయింది. భారీ బడ్జెట్‌ సినిమాలైన సలార్‌, ప్రాజెక్ట్‌ కే లాంటి సినిమాలకు సైతం సీనికార్మికుల సమ్మె తాకిడి తగలింది. చిన్నా పెద్దా అని తేడా లేకుండా సినిమాలోని 24 విభాగాల్లో పనిచేసే కార్మికులంతా పనికి హజరుకాకపోవడంతో సినిమాలు షూటింగ్‌ ప్రశ్నార్థకంగా మారింది. అయితే.. ఈ రోజు నుంచి ఎప్పటిలాగే షూటింగ్స్ లో కార్మికులు పాల్గొనాలి తెలుగు ఫిలిం ఛాంబర్ కోరింది. లేని పక్షంలో ఆరు నెలల పాటు షూటింగ్స్ నిలిపి వేస్తామని నిర్మాతల మండలి ప్రకటించింది.

నిర్మాతలు ఎవ్వరూ కార్మిక సంఘాల ఒత్తిళ్లకు గురి కావొద్దు అని తెలుగు ఫిలిం ఛాంబర్‌ పేర్కొంది. అయితే.. ఎట్టిపరిస్థితుల్లో వేతనాలు పెంచేంత వరకు షూటింగ్ లకు హాజరుకాము అంటూ.. ఫెడరేషన్ సభ్యులు వెల్లడించారు. ప్రస్తుతమున్న రెమ్యునరేషన్ కన్నా 45 శాతం ఎక్కువ ఇవ్వాలి అని ఫెడరేషన్ సభ్యులు డిమాండ్‌ చేస్తున్నారు. సినీ కార్మికుల్లో విభేదాలు సృష్టిస్తే నష్టా పోయేది నిర్మాతలేనని ఫెడరేషన్ సభ్యులు వ్యాఖ్యానించారు.

ఇటీవల విడుదలైన టాప్ హీరోస్ సినిమాలన్నీ నిరుత్సాహ పరచగా మహేష్ బాబు మాత్రం వరుస హిట్లతో మంచి ఫామ్ లో ఉన్నాడు.  డైరెక్టర్ పరశురాం దర్శకత్వంలో వచ్చిన మహేష్ బాబు “సర్కారు వారి పాట” మంచి వసూళ్లను రాబట్టింది.
మహేష్ తదుపరి చిత్రం త్రివిక్రమ్ డైరెక్షన్ లో చేయనున్నట్టు ఇదివరకే ప్రకటించారు.

మహేష్ బాబు త్రివిక్రమ్ తో ఇంతకు ముందు అతడు, ఖలేజాలో నటించాడు. అతడు థియేటర్ లో యావరేజ్ టాక్ తెచ్చుకున్నా.. టెలివిజన్ లో మాత్రం బ్లాక్ బస్టర్ లకే  బ్లాక్ బస్టర్ అయ్యింది. ఖలేజా థియేటర్ లో మెప్పించకపోయినా టెలివిజన్ లో ఆకట్టుకుంది. అయితే వీరిద్దరి కలయికలో వచ్చే హ్యాట్రిక్ మూవీపై ఇటు గురూజీ అభిమానులకు, మహేష్ ఫాన్స్ కి భారీ అంచనాలు ఉన్నాయి.

త్రివిక్రమ్ భీమ్లా నాయక్ షూటింగ్ లో, మహేష్ సర్కారు వారి పాట షూటింగ్ లో ఉండడంతో ఈ సినిమా పట్టాలు ఎక్కడానికి ఆలస్యం అవుతూ వచ్చింది. భీమ్లా నాయక్ సినిమా విడుదల అనంతరం ఈ సినిమాకు సంబంధిన డిస్కషన్ కోసం ఆ మధ్య సర్కారు వారి పాట షూటింగ్ లో ఉన్న మహేష్ ని దుబాయ్ వెళ్లి మరీ కలిశారు డైరెక్టర్ త్రివిక్రమ్ మరియు మ్యూజిక్ డైరెక్టర్ థమన్.

ఈ సినిమా జూన్ మొదటి వారం నుంచి రెగ్యులర్ షూటింగ్ ప్రారంభం అవుతుందని ఇంతకు ముందు ప్రకటించారు కానీ అనివార్య కారణాల వల్ల ఇంకా ప్రారంభం కాలేదు. ఇప్పుడు జూ లై 2వ వారం నుంచి ప్రారంభించనున్నారు అని సమాచారం. ఈ సినిమాకు పూజ హెగ్డే కథానాయిక కాగా, థమన్ మ్యూజిక్ డైరెక్టర్. హారిక హాసిని క్రియేషన్స్ లో తెరకెకించనున్నారు. ఇది పూర్తయ్యాక మహేష్ బాబు రాజమౌళి దర్శకత్వం వహించే  పాన్ ఇండియా మూవీ నటించనున్నాడు.