Off Beat

డిజిటల్ కరెన్సీ ని పెంపొందించుకునే విధం గా భారత్ అడుగులు వేస్తున్న సంగతి తెలిసిందే. పాత నోట్లు రద్దు అయ్యిన తరువాత నుంచి డిజిటల్ కరెన్సీ ఎక్కువ గా వాడకం లోకి వచ్చింది. గూగుల్ పే, ఫోన్ పే వంటి ఆప్ లు వచ్చాక ఈ వాడకం మరింత పెరిగింది. చిన్న చిన్న కిరానా కోట్లలో సైతం ఆన్ లైన్ పేమెంట్స్ చేసేస్తున్నాం. తాజాగా.. భారత ప్రధాని నరేంద్ర మోడీ ఇ-రూపీ ఆప్ ను తీసుకొచ్చిన సంగతి తెలిసిందే.

దీని గురించి పూర్తి గా తెలుసుకుందాం. ఫైనాన్షియల్ సర్వీసెస్ డిపార్ట్‌మెంట్, నేషనల్ పేమెంట్స్ కార్పొరేషన్ ఆఫ్ ఇండియా, నేషనల్ హెల్త్ అథారిటీ, హెల్త్ అండ్ ఫ్యామిలీ వెల్ఫేర్ ల ద్వారా ఈ e-RUPI అనే అప్ ను అభివృద్ధి చేసారు. కాష్ తో పని లేకుండా.. డిజిటల్ చెల్లింపుల కోసం ఈ ఆప్ ను రూపొందించారు. నగదుని SMS లేదా QR కోడ్ రూపం లో సంబంధిత వ్యక్తి కి బట్వాడా చేయాల్సి ఉంటుంది.

ఈ యాప్ ఒక ప్రీపెయిడ్ గిఫ్ట్ వోచర్ లాగ పని చేస్తుంది. ఈ ఆప్ కు ఎలాంటి డెబిట్, క్రెడిట్, ఇంటర్నెట్ బ్యాంకింగ్, మొబైల్ ఆప్ అవసరం లేదు. నిర్దిష్ట కేంద్రాలలో దీనిని రీడీమ్ చేసుకోవాలి. అలాగే.. దీనిని మనం డిజిటల్ గానే చేసుకోవచ్చు. అంటే.. మీరు ఏదైనా ఒక వస్తువుని కొనుక్కున్నప్పుడు.. మీకు ఆ కొనుగోలు పై వోచర్ లభించింది అనుకోండి. దానిని రీడీమ్ చేసుకోవాలంటే వోచర్ ను తీసుకెళ్లాల్సిన అవసరం ఉండదు. సింపుల్ గా QR కోడ్ లేదా SMS ద్వారా పంపించేయవచ్చు.

మన కష్టం, ఇష్టంలో పాలు పంచుకుంటూ, బ్లడ్ రిలేషన్ లేకున్నా మనకు చివరిదాకా తోడుగా ఉంటూ ,తప్పు చేస్తే దండిస్తూ ,ఒప్పు చేస్తే బుజం తడుతూ ఉండేవాడే ఫ్రెండ్ అంటే.ఇదంతా మాకు తెలుసు అందుకేగా నిన్న ఫ్రెండ్ షిప్ డే చేసుకుంది.

అయిన ఇంతకీ ఇప్పుడు నువ్వు ఇదంతా ఎందుకు చెబుతున్నావు అని మీరు నన్ను అడగచ్చు అక్కడికే వస్తున్నా నిన్న ఫ్రెండ్ షిప్ డే సందర్భంగా సోషల్ మీడియాలో ఓ వాట్స్ అప్ చాట్ భయంకరంగా వైరల్ అయ్యింది.తీరా చూస్తే ఆ మెసేజ్ నాకు వచ్చిందే.

ఆ మెసేజ్ చూసిన నేను ఉదయం ముకుంద సినిమాలో వరుణ్ తేజ్ లాగ షాక్ తిని సైలంట్ అయిపోయాను. మధ్యాహ్నానికి త్రివిక్రమ్ సినిమాలో కామెడీ చూసినట్టు ఆ మెసేజ్ ను చూస్తూ పకపక నవ్వేశాను.

ఇంతకీ ఆ చాట్ లో ఏముంది చెప్పారా బాబు అని తిట్టుకోకండి ఇక లేట్ చేయకుండా అక్కడికే వస్తున్న నాకు ఒక అనౌన్ నంబర్ నుండి ఫ్రెండ్ షిప్ డే విషెస్ వచ్చాయి.అది చూసి ఎవరు బ్రో మీరు అని రిప్లై ఇచ్చాను.దానికి అటు నుండి బ్రో మీ ఫ్రెండ్ రాహుల్ ఉన్నాడు కదా అని అన్నాడు.రాహుల్ నా బెస్ట్ ఫ్రెండ్ అందుకే వాడు మిగతా మ్యాటర్ టైప్ చేసేలోపే నువ్వు రాహుల్ ఫ్రెండ్ వా అని అడిగాను.అటు నుండి కాదు బ్రో రాహుల్ కు శివ అని ఒక ఫ్రెండ్ ఉన్నాడు.నేను వాడి ఫ్రెండ్ ను అని అన్నాడు.దానికి నేను ఓ…ఇంతకీ నాకెందుకు విష్ చేశారు బ్రో అని అమాయకంగా అడిగాను.దానికి అటు నుండి నేను యూజ్ చేస్తున్న నెట్ ఫ్లిక్స్, అమెజాన్ పాస్వర్డ్ లు నీవే బ్రో అందుకే విష్ చేస్తున్న అని షాకింగ్ రిప్లై ఇచ్చాడు.

మొదట ఇది చూసి షాక్ తిన్న తర్వాత ఎవరికీ పనికి రావనే మా నాన్న మాటలు గుర్తొచ్చాయి.ఆయనకు జరిగిన సంఘటన చెప్పి నా ఫ్రెండ్ కే కాదు వాళ్ళ ఫ్రెండ్స్ కూడా నేను ఉపయోగపడుతున్నాను అని గర్వంగా చెబుదామనుకున్నా కానీ మా నాన్న పంచ్ పవర్ కు భయపడి సైలెంట్ గా నవ్వుకున్నా మీరు కూడా ఆ చాట్ పై ఓ లుక్ వేయండి.

మనలో చాలా మందికి రోడ్డు మీద వెళ్తున్నప్పుడు ట్రాఫిక్ సమస్యలు ఎదురయ్యే ఉంటాయి. ట్రాఫిక్ లో ఎప్పుడో ఒకసారి చిరాకుకి గురయ్యే ఉంటాం. ట్రాఫిక్ రూల్స్ గురించి అందరికీ అవగాహన ఉందిలే కానీ, కొన్ని రూల్స్ గురించి అంత పెద్దగా తెలియకపోవచ్చు. ఫైనాన్షియల్ ఎక్స్ప్రెస్ కథనం ప్రకారం ఇప్పుడు మనం అలా కొన్ని తెలియని ట్రాఫిక్ రూల్స్ గురించి మాట్లాడుకుందాం.

# చెప్పులు (స్లిప్పర్స్), లేదా ఫ్లోటర్ లతో బండి నడిపితే 1000 రూపాయల పెనాల్టీ వేస్తారు. ఎందుకంటే అటువంటి పాదరక్షలు ధరించినప్పుడు పట్టు తక్కువ ఉండటం కారణంగా కాలు జారిపోయే అవకాశాలు ఉంటాయి. అందులోనూ ముఖ్యంగా గేర్ మార్చేటప్పుడు కాలు స్లిప్ అయ్యి, ప్రమాదాలకు దారి తీస్తూ ఉంటాయి. అందుకే ఈ సారి మీరు మీ వెహికల్ డ్రైవ్ చేసేటప్పుడు బూట్లు ధరించండి.

# ఒకవేళ మీకు రెండు డ్రైవింగ్ లైసెన్స్ లు ఉంటే మీరు పెనాల్టీ కట్టాల్సి వస్తుంది. ఒకవేళ వేర్వేరు రాష్ట్రాలకు చెందిన రెండు డ్రైవింగ్ లైసెన్స్ లు ఉంటే అప్పుడు చలాన్ కడితే సరిపోతుంది. అక్టోబర్ 2019 నుండి భారతదేశంలోని అన్ని రాష్ట్రాలు మరియు కేంద్రపాలిత ప్రాంతాలు జారీ చేసిన డ్రైవింగ్ లైసెన్స్ మరియు ఆర్సిల డిజైన్ రంగు ఒకేలా ఉండాలి అని కేంద్ర ప్రభుత్వం ఆదేశించింది. ఒకవేళ మీ డ్రైవింగ్ లైసెన్స్ గడువు ముగుస్తుంటే రెన్యూ చేయించడం మర్చిపోకండి.

# 2020 లో వచ్చిన నిబంధనల ప్రకారం వెహికల్ నడిపే వారు కేవలం రూట్ నావిగేషన్ కోసం మాత్రమే మొబైల్ ఉపయోగించాలి. అది కూడా డ్రైవింగ్ చేసేటప్పుడు వారి ఏకాగ్రతకు భంగం కలిగించకూడదు. ఒకవేళ డ్రైవ్ చేసేటప్పుడు ఫోన్లో మాట్లాడితే 5000 రూపాయల జరిమానా చెల్లించాల్సి వస్తుంది.

# అంబులెన్స్ కానీ, అగ్నిమాపక దళాలు వంటి అత్యవసర సేవలకు సంబంధించిన వాహనాలు వెళ్తున్నప్పుడు ఆ వాహనాలకి దారి కల్పించడం అనేది ఒక తోటి వాహనదారుడి బాధ్యత. ఒకవేళ అలా అంబులెన్స్ కానీ ఫైర్ ఇంజన్ వెహికల్ కానీ వెళ్తున్నప్పుడు వాటికి దారి ఇవ్వకపోతే 10,000 రూపాయల జరిమానా చెల్లించాల్సి వస్తుంది లేదా 6 నెలల జైలు శిక్ష పడే అవకాశాలు ఉన్నాయి.

# ఒకవేళ ఒక వాహనదారుడు మానసికంగా కానీ శారీరకంగా కానీ వాహనాలు నడపడానికి అనర్హులుగా గుర్తించబడితే వారికి మొదటి సారి 1000 రూపాయల జరిమానా విధించబడుతుంది. ఒకవేళ వారు రెండోసారి కూడా దోషిగా గుర్తించబడితే 2000 రూపాయలు జరిమానా చెల్లించాల్సి వస్తుంది.

ఈసారి మీరు కూడా రోడ్డు మీద వెహికల్ నడిపేటప్పుడు ఈ జాగ్రత్తలను దృష్టిలో పెట్టుకోండి.

మనందరిలో చాలా మంది రోజు మొదలయ్యేది పాలు, లేదా టీ, లేదా కాఫీ తో. అలాగే పెరుగు, మజ్జిగ లేకపోతే భోజనం కూడా చాలా మందికి ఎక్కదు. అందుకే కాలమెంత గడిచినా కూడా పాలకి మాత్రం డిమాండ్ అలాగే ఉంటుంది. మన దగ్గర చాలా మంది ప్యాకెట్ పాలను తీసుకుంటారు. లేకపోతే ఎవరైనా పాలు అమ్మే వాళ్ళ దగ్గర నుంచి తీసుకుంటారు. కానీ పాలు ఉచితంగా ఇవ్వడం అనేది మాత్రం జరగదు.

కానీ ఒక చోట పాలు ఇలాగే ఉచితంగా ఇస్తారట. కర్నూలు జిల్లాలోని గోనెగండ్ల మండలంలోని గంజిహళ్లి అనే ఒక ఊరిలో పాలని ఉచితంగా ఇస్తారు. ఈ ఊరిలో 1100 కుటుంబాలు ఉంటారు. దాదాపు 5000 మంది జనాభా ఉంటుంది. అందరికీ పొలంతో పాటు, ఆవులు, బర్రెలు కూడా ఉంటాయి. ఆ ఊరు మొత్తం కలిపి దాదాపు 120 ఆవులు, 20 బర్రెలు ఉంటాయి.

image courtesy : the new indian express

అవన్నీ కలిపి 1000 లీటర్లకు పైగా పాలు ఇస్తాయి. కానీ ఆ ఊరి ప్రజలు మాత్రం ఆ పాలని అమ్మరు. అందుకు కారణం ఏమిటంటే, 17వ శతాబ్దంలో ఈ ఊరిలో బడే సాహెబ్ అనే ఒక గురువు ఉండేవారు. ఆయన ఈ ఊరు కోసం ఎన్నో గొప్ప పనులు చేశారు. అప్పుడు ఆయన గో హింస చేయడం తప్పు అని, పాలు అమ్మడం నిషేధించాలి అని అన్నారు.

అప్పటినుంచి ఈ ఊరి వారు ఆవులని దహించడం కానీ,  వాటి పాలని అమ్మడం కానీ చేయరు. ఈయన సమాధి మీద దర్గా కట్టి ఆ ఊరి వాళ్ళు వాళ్లు అందరూ కొలుస్తూ వుంటారు. ఆయన చెప్పిన మాటలు ఆచరించకపోతే అరిష్టం జరుగుతుంది అని వారు నమ్ముతారు.

మా ఊరిలో ఉండే వెంకమ్మ గారు మాట్లాడుతూ, “ఇక్కడ ఏ దుకాణంలో కూడా పాలు కానీ , పెరుగు కానీ అమ్మరు. మా ఇంట్లో కూడా ఆవులు ఉన్నాయి. అవి రోజుకు 10 లీటర్ల పాలు ఇస్తాయి. అందులో నుండి మా ఇంట్లో వారి కోసం 1-2 లీటర్ల పాలను పక్కన పెట్టి, మిగిలిన పాలను ఎవరైనా అవసరం ఉన్న వాళ్లకి ఉచితంగా ఇచ్చేస్తాం.

image courtesy : chaibisket

మేమే కాదు. ఈ ఊరిలో ఉండే అందరూ ఇలానే చేస్తారు. మా తాతల నుండి ఈ ఆచారాన్ని పాటిస్తున్నారు. ఇక్కడ అందరం మధ్య తరగతి వాళ్ళమే. మాకు డబ్బు అవసరం ఎంత ఉన్నా కూడా పాలను ఉచితంగానే ఇస్తాం కానీ వాటితో వ్యాపారం చేయము” అని అన్నారు.

ప్రేమ ఎంత మధురమైనదో.. అంత కఠినమైనది కూడా.. ప్రేమ లేకుండా మనుషులు బతకడం కష్టం.. కానీ.. అదే ప్రేమ చాలా సార్లు మనల్ని అనేక కష్టాలలో పడేస్తూ ఉంటుంది. ఇప్పటి లవ్ స్టోరిల సంగతి పక్కన పెడితే.. ఒకప్పటి రోజుల్లో ప్రేమ చాల గాఢం గా ఉండేది. కలుసుకోవడానికి వీలుపడని, మాట్లాడుకోవడానికి కుదరని ఆరోజుల్లో ప్రాణానికి ప్రాణం గా ప్రేమించుకునేవారు.. అయితే.. ఒక ప్రేమ కోసం తల్లి తండ్రుల ప్రేమని పక్కన పెట్టాలా..? అన్న ప్రశ్నకి మాత్రం ఇప్పటికీ సమాధానం లేదు..

ప్రేమ కోసం చనిపోయిన రోమియో, జూలియట్ లను ప్రేమికులు ఆదర్శం గా తీసుకుంటుంటారు. కానీ.. చాలా మంది వారి ప్రేమ కథ ఎంతో లోతైనది అని అనుకుంటూ ఉంటారు..వాస్తవం లో వారిద్దరి లవ్ స్టోరీ లో అంత ఏమి ఉండదు. వారి లవ్ స్టోరీ కేవలం మూడు రోజులు మాత్రమే. ఆల్రెడీ ఒకామెను ప్రేమించిన రోమియో ఆమె ఒప్పుకోకపోయినా వెంటపడుతూ ఉంటాడు. ఓ రోజు ఆమె వెంటపడుతూ ఓ పార్టీ లో జూలియట్ ను చూస్తాడు.

తొలిక్షణమే జూలియట్ అందాన్ని చూసి రోమియో పడిపోతాడు. జూలియట్ వెంట తిరుగుతాడు. జూలియట్ కూడా తొలిచూపులోనే రోమియో ను ఇష్టపడుతుంది. కొంచం బెట్టు చేసినా వెంటనే ఒప్పేసుకుంటుంది. మూడు రోజులు కూడా నిలవకుండా చాలా గొడవలు అవుతాయి.. రోమియో నే రెండు హత్యలు చేస్తాడు. చాలా మంది ప్రాణాలు కోల్పోతారు. జూలియట్ చనిపోయిందనుకుని రోమియో మరణిస్తాడు. రోమియో చనిపోవడం చూసి జూలియట్ కూడా కత్తి తో పొడుచుకుని మరణిస్తుంది.

ఒకసారి ముంబాయ్ టూర్ వెళ్లాం ప్రెండ్స్ అందరం..రిటర్న్ జర్నికి టికెట్స్ ఆల్రెడి రిజర్వేషన్ చేయించుకున్నాం..పది రోజుల టూర్ తర్వాత ముంబాయ్ లోని చత్రపతి టెర్మినల్ లో మద్యాహ్నం మూడు గంటలకి  ట్రెయిన్.. అందరం వచ్చేశాం..మరో ముగ్గురు రాలేదు..ఇంతలో ట్రెయిన్ బయల్దేరింది.ఏం చేయాలో పాలుపోక వెంటనే చెయిన్ లాగేశాను..ఆ ఐదు నిమిషాల గ్యాప్లో అయినా ఫ్రెండ్స్ రాకపోతారా, ట్రెయిన్ ఎక్కకపోతారా అనే చిన్న ఆశతో..వాళ్లు రాలేదు కాని టిటి, స్టేషన్ పోలీస్ వచ్చారు..ఫైన్ కట్టండి అంటూ..

సినిమాల్లో చూస్తుంటాం కదా ట్రెయిన్ లో చెయిన్ లాగాగానే టిటి వచ్చి ఫైన్ వేయడం.. అలాంటి అనుభవం మీకెప్పుడైనా ఎదురైందా.. మీకెప్పుడైనా డౌట్ వచ్చిందా అసలు చెయిన్ లాగగానే ట్రెయిన్ కి అన్ని బోగిలు ఉంటాయి కదా..ఎవరు లాగారో అంత ఫర్ఫెక్ట్ గా ఎలా తెలుస్తుంది అని..ఈ అనుభవంతో నాకు డౌటొచ్చింది..అసలు నేనే లాగానని గ్యారంటీ ఏంటి.. అని దబాయించి అడగాలనిపించింది..బాగోదని ఊరుకున్నాను.. కాని ఆ డౌట్ మాత్రం అలాగే ఉండిపోయింది..ఇంతకీ చెయిన్ ఎవరు లాగారనేది ఎలా తెలుస్తుందో తెలుసా..

ట్రెయిన్లో చెయిన్ పుల్లింగ్ సిస్టం ఎలా పనిచేస్తుందంటే..ప్రతి కోచ్లో  రెండు కోచ్లకు మాత్రమే సంబంధించిన బ్రేక్ ఫైప్, ఫీడ్ పైప్ కనెక్ట్ అయిన దగ్గర ఒక వాల్వ్ ఉంటుంది. ఆ వాల్వ్ ఒక రోప్ వైర్ కి కనెక్ట్ చేసి ఉంటుంది..ప్యాసింజర్ ఎవరైనా చెయిన్ లాగగానే  బ్రేక్ పైప్లో ఉన్నటువంటి ఆ బ్రేక్ వాల్వ్ ఓపెన్ అవుతుంది. అక్కడి నుండి ఆ బ్రేక్ పైప్ యొక్క ఎయిర్ ప్రెజర్ రిలీజ్ అవుతుంది.ఒకేసారి ట్రెయిన్ మొత్తానికి బ్రేక్ అప్లై అయి ట్రెయిన్ ఆగుతుంది..

ఈ ఇన్ఫర్మేషన్ ముందుగా లోకోపైలట్ కి తెలుస్తుంది..అతడి దగ్గర ఒక అలారం మోగుతుంది.. అతడి దగ్గర ఉన్న ప్రెజర్ గేర్ ద్వారా ఆ ప్రెజర్ ని కంట్రేల్ చేసి, వెంటనే  రైల్వే పోలీస్, మరియు గార్డుకి ఇన్ఫర్మేషన్ ఇచ్చి ట్రెయిన్ ఆపుచేస్తారు. ఏ కోచ్ నుండి ప్రెజర్ రిలీజ్ అవుతుందో తెలుసుకుని ఆ కోచ్లో ఎవరు లాగారో అనేది తెలుసుకుంటారు.. చైన్ లాగగానే, ఏ బోగీ నుండి చైన్ లాగారో, ఆ  బోగీ దగ్గరకే రావడం వెనుక ఉన్న కథ ఇది.