Off Beat

మనం గాఢ నిద్రలో ఉన్నపుడు కలలు రావడం సహజం. మనం ఉన్న పరిస్థితుల వల్లనో.. లేదా మనం పదే పదే దేని గురించి అయినా తలుచుకుంటూ ఉండడం వల్లనో కలలు వస్తుంటాయని మనం అనుకుంటూ ఉంటాం. కొన్ని సార్లు కలలు అస్సలు సంబంధం లేకుండా వస్తుంటాయి. మనకు మెలకువ వచ్చేసరికి అవి గుర్తుండవు. కొన్ని కొన్ని సార్లు మన కలల్లో రకరకాల జంతువులు కూడా వస్తూ ఉంటాయి. ఐతే.. ఈ జంతువులు మీ కలలలోకి ఎప్పుడైనా వచ్చాయా..? వస్తే ఏమి జరుగుతుందో తెలుసుకోండి.

#1 ఆవు:

మీ కలలోకి ఎప్పుడన్నా ఆవు వచ్చిందా..? ఆవు కలలోకి వచ్చిందంటే.. మీరు దైవ భక్తులని అర్ధం. దైవారాధన చేస్తుంటారని.. సాటి మనుషుల పట్ల సాత్వికం గా ప్రవర్తిస్తూ ఉంటారని అర్ధం. మీరు ఏదైనా పని గురించి ఆందోళన చెందుతున్న రోజులలో.. మీ కలలోకి ఆవు వస్తే.. మీ పని విజయవంతం గా పూర్తి అయిపోతుంది.

#2 ఏనుగు:

కలలో ఏనుగు కనిపించింది అంటే.. మీరు త్వరలో ధనవంతులు కాబోతున్నారని అర్ధం. లేదా.. మీకు ఇప్పటికే ఉన్న ఆర్ధిక ఇక్కట్లు తొలగిపోయి.. ఎదో ఒక విధం గా ధనం చేకూరుతుందని అర్ధం.

#3 గుడ్లగూబ:

గుడ్లగూబ కు దేవతల వాహనం గా గుర్తింపు ఉంది. కొందరు గుడ్లగూబ ఎదురైతే.. అరిష్టం గా భావిస్తారు. కానీ, కలలో గుడ్లగూబ కనిపిస్తే.. వారికి ధనలక్ష్మి అనుగ్రహం సిద్ధిస్తుందని చెబుతుంటారు.

#4 సర్పము:

పాములు అంటే ఎవరికీ భయం ఉండదు చెప్పండి. కలలో కనిపించగానే మనం ఉలిక్కిపడతాం. ఎక్కువ గా సర్ప దోషం ఉన్నవారికి పాములు కలలోకి కూడా వస్తుంటాయని చెబుతారు. ఐతే.. పాము కనిపించిన విధాన్ని బట్టి ఫలితం ఉంటుంది. కొన్ని సందర్భాల్లో పాము మీ విజయానికి సహకరిస్తుంది. ఐతే.. పాము మీ పై బుసలు కొడుతున్నా, లేక మీ వెంట పడుతున్నట్లు కనిపించినా.. కష్టాలు రాబోతున్నాయని అర్ధమట.

మనం ఒక చోట నుంచి ఇంకొక చోటికి వెళ్లాలంటే వాహనాలని ఉపయోగిస్తాం. అందులోనూ ఎక్కువగా వాడేది పబ్లిక్ ట్రాన్స్పోర్ట్. ఈ పబ్లిక్ ట్రాన్స్పోర్ట్ లో కూడా చాలా మంది ప్రయాణించడానికి ప్రాధాన్యత ఇచ్చే వాహనం బస్. మెట్రో ట్రైన్ రాకముందు ఎక్కువగా జనాలు బస్సులోనే ప్రయాణించే వాళ్ళు. మెట్రో ట్రైన్ వచ్చిన తర్వాత కూడా ఆ ట్రైన్ వెళ్ళని చోటకి బస్సులోనే ప్రయాణిస్తున్నారు.

బస్ అనేవి కేవలం పబ్లిక్ ట్రాన్స్ పోర్ట్ లో మాత్రమే కాకుండా స్కూల్ లేదా కాలేజ్ ట్రాన్స్పోర్ట్ లాగా కూడా ఉపయోగిస్తారు. దీని ద్వారా చాలా మంది తల్లిదండ్రులకు తమ పిల్లలను స్కూల్లో కానీ కాలేజ్ లో కానీ దింపే సమయం, అలాగే వారిని అక్కడి నుంచి తీసుకువచ్చే సమయం ఆదా అవుతోంది. అయితే మనం ఒకసారి గమనిస్తే కొన్ని స్కూల్ బస్సులకి  సైడ్ కి బ్లాక్ కలర్ లో ఉన్న మూడు గీతలు ఉంటాయి.

అవి మనకి సడన్ గా చూడంగానే గీతలు లాగా కనిపిస్తాయి. కానీ అవి గీతలు కాదు. వాటిని రబ్ రైల్స్ అంటారు. వీటిని మెటల్ తో తయారు చేస్తారు. బస్ కి సైడ్ కి ఉండే ఈ రబ్ రైల్స్, కార్ లాంటి వాహనాలు బస్ కి గుద్దకుండా ఆపుతాయి. ఒకొక్క రబ్ రైల్ బస్ లోని ఒకొక్క భాగాన్ని రక్షిస్తుంది.

అంటే కింద ఉండే రబ్ రైల్, బస్సులో కింద కాళ్లు పెట్టుకునే భాగాన్ని, దానికి కొంచెం పైన ఉండే రబ్ రైల్ సీట్ కింద భాగాన్ని, అలాగే దానికి ఇంకొంచెం పైన ఉండే రబ్ రైల్ సీట్ల పైన ఉండే భాగాన్ని అంటే మనం తల పెట్టుకునే భాగానికి, లేదా విండో కింద ఉండే భాగానికి ఎటువంటి ప్రమాదం జరగకుండా రక్షిస్తుంది. ఈ రబ్ రైల్స్ ఉండే స్కూల్ బస్సులు ఎక్కువగా విదేశాల్లో ఉంటాయి. మన దగ్గర కూడా ఉంటాయి. కానీ కేవలం కొద్ది చోట్ల మాత్రమే ఇలా రబ్ రైల్స్ ఉన్న బస్సులు కనిపిస్తూ ఉంటాయి. ఇవి బస్సుకి సైడ్ లో ఉండే రబ్ రైల్స్ యొక్క ఉపయోగాలు.

కొన్ని కొన్ని సంఘటనలు చూసి మనం నవ్వుకుంటూ ఉంటాం.. కానీ, వాటి వెనుక ఉండే కారణాలను కూడా తెలుసుకోవాలి. కొన్ని నవ్వు తెప్పించినా.. అందులో ఎంతో కొంత వాస్తవం కూడా ఉంటుంది. అయితే.. ఈ కింది ఫోటో లో చూడండి.. పైన వంతెన పై ట్రైన్ వెళ్తోంది కదా. ఆ వంతెన కింద.. అండర్ పాస్ లో ప్రయాణీకులు వెళ్లకుండా ట్రైన్ వెళ్లే వరకు అక్కడే కదలకుండా వేచి ఉంటున్నారు.

వీరు ఇలా ఎందుకు ఉంటున్నారు..? ఇది భారత్ లోనే జరిగి ఉండొచ్చు. ముఖ్యంగా నగరాలు మరియు పట్టణాల్లోని రైల్వే అండర్‌పాస్‌ల (సాధారణంగా గ్రామీణ ప్రాంతాల్లో ఈ మౌలిక సదుపాయాలు లేవు) వద్ద ఇది జరిగి ఉండవచ్చు. ఈ ఫోటో ను చూస్తే రైలు ప్రయాణిస్తున్నప్పుడు వాహనాలు (ముఖ్యంగా 2 మరియు 3 వీలర్లు) మరియు పాదచారులు వంతెన నుండి కొన్ని మీటర్ల దూరంలో ఎందుకు వేచి ఉన్నారు అన్న అనుమానం రాక మానదు.

ఎందుకంటే, వంతెన పైన రైలు వెళుతున్నప్పుడు రైలు లో ఉన్న వ్యక్తులు తాము ఉన్న ప్రదేశాన్ని చూడకుండా వ్యర్ధాలను విసిరి వేయవచ్చు. మరో వైపు రైలు లో ఉంటె మల మూత్ర విసర్జన శాలల నుంచి వ్యర్ధాలు కిందకి పడుతూ ఉంటాయి. పైన రైలు కదులుతున్న సమయం లో వంతెన కింద ప్రయాణించడం వలన ఆ వ్యర్ధాలు కింద ప్రయాణిస్తున్న వ్యక్తులపై పడే అవకాశం ఉంటుంది. అందుకే, ముందు జాగ్రత్త చర్య గా వారు రైలు వెళ్లే వరకు వేచి ఉంటున్నారు.

సాధారణం గా అంత్యక్రియలను మనం విధిగా నిర్వహించాలి. ఎవరైనా మన బంధువులో, సన్నిహితులో ఈ లోకాన్ని వీడి వెళితే.. మనం వారికి అంత్యక్రియలు నిర్వహిస్తాం. మన సంప్రదాయం ప్రకారం వారిని దహనం చేయడమో.. పూడ్చి సమాధి కట్టడమో చేస్తాం.. అలానే.. మరికొందరికి కూడా వారి వారి సంప్రదాయాలు ఉంటాయి కదా.. కొన్నిటిని చూస్తే మనకి మరీ విచిత్రం గా అనిపిస్తాయి.. అవేంటో ఇప్పుడు చూద్దాం..

#1 గొంతునులిమి చంపేయడం:

ఒకప్పుడు మన దేశం లో సతీసహగమనం అనే ఆచారం ఉండేది. అంటే.. భర్త చనిపోతే అతనితోపాటు.. భార్యను కూడా దహనం చేసేసేవారు. ఇలాంటి సంప్రదాయం దక్షిణాఫ్రికా దేశం లో ఫిజి లో కూడా కనిపించేది. అక్కడ కూడా.. ఎవరైనా చనిపోతే.. చనిపోయిన వ్యక్తి ఒక్కరే వెళ్లకూడదని..అతనికి తోడుగా మరొకరిని కూడా చంపేస్తారు. గొంతు నులిమి చంపేయడం లేదా తాడు తో గొంతుకు కట్టి గట్టిగా లాగడం వంటివి చేసేవారు. ఇలా చేయడం వలన చనిపోయిన వారి ఆత్మ శాంతిస్తుందని నమ్మేవారు.

#2 నది/సముద్రాల్లో వదిలివేయడం:

మనం దహనం లేదా, సమాధి కట్టినట్లు.. దక్షిణ అమెరికా లో ప్రజలు మృతదేహాలను పారుతున్న నదీజలాల్లో, లేదా సముద్రాలలో వదిలేస్తారట..

#3 పక్షులకు ఆహరం గా వేయడం:

పర్సియన్ దేశ ప్రజలు చనిపోయిన వారి దేహాలను పక్షులకు ఆహరం గా వేస్తారట. చనిపోయిన వారి మృతదేహం వృధా అవకుండా ఉండేందుకు వారు ఇలా చేస్తారట.

#4 గుహల్లో ఉంచడం:

ఇజ్రాయిల్ , ఇరాక్ వంటి దేశాల్లో ఎవరైనా చనిపోతే.. వారి శవాలను ఊరి చివరన ఉండే గుహల్లో వదిలేస్తారట. శవాలను ఉంచడం కోసం వారు పెద్ద పెద్ద రాళ్లను కూడా ఉపయోగిస్తారట.

#5 శవాలను తినడం:

ఇది మరీ వింత గా అనిపిస్తున్నా.. ఒకప్పుడు ఈ సంప్రదాయం న్యూగినియా మరియు బ్రెజిల్ దేశాల్లో ఉండేదట. ఎవరైనా చనిపోతే.. వారి శవాన్ని ముక్కలు ముక్కలు గా చేసుకుని భుజిస్తారట.

#6 కాల్చడం:

హిందూ సంప్రదాయం ప్రకారం శవాలను కాల్చివేసి దహన సంస్కారాలను నిర్వర్తిస్తారు. ప్రస్తుతం మన దేశం లో ఎక్కువ చోట్ల ఇదే పద్దతి కనిపిస్తోంది.

#7 మమ్మీలు:

మమ్మీలు అనగానే మనకి ముందు గుర్తుకు వచ్చేది ఈజిప్టు. అక్కడ ఎవరైనా చనిపోతే.. వారిని గుడ్డలతో చుట్టి పెట్టెల్లో బంధిస్తారు. ఇలా.. చేస్తే చనిపోయిన వారు ఎప్పటికైనా తిరిగి వస్తారని వారు నమ్ముతారు. చైనా, శ్రీలంక, టిబెట్, థాయిలాండ్, భారత్ లో కొన్ని ప్రదేశాల్లో కూడా ఈ ఆచారాన్ని పాటిస్తున్నారు.

#8 కొండ అంచున ఉరితీయడం:

ఈ సంప్రదాయం ఎక్కువ గా చైనా లో ఉంది. చనిపోయిన వారి శవాలను వీరు కొండ రాళ్ల మధ్య, లేదా కొండల అంచున పెట్టెల్లో పెట్టి ఉరి తీసారట. ఇలా చేస్తే వారు స్వర్గానికి చేరుకుంటారని నమ్ముతారు.

#9 ఖననం:

హిందువులు కాకుండా.. ఇతర మతాలలో చాలా మంది శవాలను ఖననం చేస్తూ ఉంటారు. అంటే.. పూడ్చేసి.. సమాధి కట్టేస్తారు. ఎక్కువగా ఇస్లాం, క్రిష్టియన్ మతస్థులు ఈ విధానాన్ని అవలంబిస్తారు.

మనిషికి ఫోన్ అనేది బేసిక్ నీడ్స్ లో ఒకటి అయిపోయింది. ఫోన్ లేకుండా అడుగు బయట పెట్టడం కష్టమే. అంతే కాకుండా చాలా వరకు పనులు కూడా ఫోన్ ద్వారానే జరుగుతున్నాయి. ఫోన్ లో బ్యాలెన్స్ అయిపోయింది. మనం రీఛార్జ్ చేసుకుంటాం. రీఛార్జ్ చేసుకోవడానికి మనం ఎన్ని రోజులకు వ్యాలిడిటీ కావాలి? అలాగే ఎంత మొత్తానికి రీఛార్జి చేయాలి? అనేది సెలెక్ట్ చేసుకుంటాం.

అయితే మనం ఒకవేళ నెల రోజులకి రీఛార్జ్ చేయాలి అనుకుంటే అక్కడ రీఛార్జ్ 28 రోజులు మాత్రమే అవుతుంది. దాదాపు ఇప్పుడు మనం వాడే ప్రతి సిమ్ కార్డు లో ఇలాంటి సదుపాయం ఉంటుంది. అయితే సిమ్ కార్డ్ రీఛార్జ్ 28 రోజులు మాత్రమే ఉండడానికి ఒక కారణం ఉంది. అదేంటంటే.

ఒకవేళ ఒకసారి మనం రీఛార్జ్ చేసినప్పుడు నెల మొత్తానికి రీఛార్జ్ అయితే ఒక సంవత్సరంలో పన్నెండు సార్లు మాత్రమే మనం మన ఫోన్ రీఛార్జ్ చేసుకుంటాం. అదే ఒకవేళ 28 రోజులకు అయితే ఒక సంవత్సరంలో 13 సార్లు రీఛార్జ్ చేసుకుంటాం. దీనివల్ల సిమ్ కంపెనీలకి లాభం వస్తుంది. ఒక రకంగా చెప్పాలంటే ఇది సిమ్ కార్డ్ కంపెనీల మార్కెటింగ్ స్ట్రాటజీ.

మనం ఒకసారి కాలిక్యులేటర్ ఆన్ చేసి అందులో 365 ని 30 తో డివైడ్ చేస్తే 12.1666667 వస్తుంది. అదే 365 ని 28 తో డివైడ్ చేస్తే 13.0357143 వస్తుంది. ఇలా మనం సంవత్సరంలో 12 నెలలు ఉన్నా కూడా 13 సార్లు రీఛార్జ్ చేస్తే ఆ కంపెనీలకి ఈ క్యాలిక్యులేషన్ లో చెప్పినట్టు లాభం వస్తుంది. ఇది కంపెనీ ల యొక్క స్ట్రాటజీ. అందుకే మనం 30 రోజుల్లో కి రీఛార్జ్ చేద్దామని అనుకున్నా కూడా 28 రోజులకు మాత్రమే రీఛార్జ్ అవుతుంది.

ముందు ఒక సిమ్ కార్డ్ కంపెనీ ఇలా చేయడం మొదలు పెట్టింది. ఆ తర్వాత ఇదే పద్ధతిని అన్ని సిమ్ కార్డ్ కంపెనీలు పాటించడం మొదలు పెట్టాయి. ఇప్పుడు ప్రజలు కూడా మాములుగా రీఛార్జ్ అంటే 28 రోజుల వరకు మాత్రమే వస్తుంది అనే విషయాన్ని అర్థం చేసుకున్నారు.

జ్ఞానానికి, ప్రశాంతతకు చిహ్నం గా బుద్ధుడి ని పిలుస్తుంటారు. బుద్ధుడు ప్రవచించిన ధర్మాలని పాటిస్తూ బౌద్ధం ఒక మతం గా కూడా వెలిసింది. మనం ఏ బుద్ధుడి విగ్రహాన్ని చూసినా ప్రసన్న వదనం తో కనులు మూసుకుని ధ్యానం చేస్తున్నట్లు కనిపిస్తూ ఉంటుంది. బుద్ధుడి విగ్రహాన్ని చూస్తేనే మనకి ఒకరకమైన ప్రశాంతత అనిపిస్తూ ఉంటుంది.

బుద్ధుడి విగ్రహానికి ఉన్న శక్తీ అలాంటిది మరి. అందుకే చాలా మంది బుద్ధుడి చిత్రపటాలను కానీ, చిన్నపాటి విగ్రహాలను కానీ తమ ఇంట్లో పెట్టుకుంటూ ఉంటారు. అలా చేయడం వలన ఆ ఇంట్లో ప్రశాంతత నెలకొంటుందని విశ్వసిస్తూ ఉంటారు. మనం చాలా చోట్ల బుద్ధుడి విగ్రహాలను లేదంటే ఫొటోలనో చూస్తూనే ఉంటాం. అయితే… వాటిని తీక్షణం గా పరిశీలిస్తే.. మనకు ఓ విషయం అవగతమవుతుంది.

బుద్ధుడి తలపై రింగులు రింగులు గా ఉండడాన్ని ఎప్పుడన్నా గమనించారా..? అది జుట్టు అయ్యుండచ్చు లేదా కిరీటం అయ్యుండచ్చు అని మనం అనుకుంటూ ఉంటాం కదా.. అంటే పప్పులో కాలేసినట్లే.. అది జుట్టో, కిరీటమో కాదు..దీని వెనుక ఓ కథ కూడా ఉంది.. బుద్ధుడు చెట్టు కింద కూర్చుని తపస్సు చేసుకుంటున్నారట. ఆయన గంటల తరబడి ధ్యానం లో మునిగిపోయి ఉన్నారు. బయట ఏమి జరుగుతోందో కూడా ఆయనకు పట్టడం లేదు. ఈ లోపు మిట్ట మధ్యాహ్నం సూర్యుడు నుంచి వచ్చే ఎండ మండిపోతోంది. ఈ సమయం లో ఓ నత్త ఆయనను గమనించింది. ఆయన ఎండ మండిపోతున్నా కూడా ధ్యానం లో మునిగిపోయి ఉన్నాడని గ్రహించింది.

ఇంకా ఇలానే కొనసాగితే.. ఎండ వేడి ఆయన మాడుకి తగిలి ధ్యానం చేయడం కష్టం అవుతుంది అని భావించింది. తాను ఆయన తలపై కూర్చుంటే.. తన శరీరం లో ఉండే తేమ వలన ఆయనకు ఎండ వేడి తగలకుండా ఉంటుందని భావించి.. ఆయన తలపైకి ఎక్కి కూర్చుంది. అలా.. ఆ నత్త వెనకే మరికొన్ని నత్తలు.. మొత్తం 108 నత్తలు ఆయన తలపైకి ఎక్కి కూర్చున్నాయట.. అయితే.. ఆ వేడి వలన నత్తలు తమ ప్రాణాలను కోల్పోయాయి. బుద్ధుడికి జ్ఞానోదయం కలిగే వరకు అవి అలానే ఉన్నాయట. బుద్ధునికి జ్ఞానోదయం కలిగించడం కోసమే.. అవి ప్రాణాలు వదిలేసుకున్నాయని చెబుతారు.

మరో కథ కూడా ప్రచారం లో ఉంది. బుద్ధుని జుట్టు కర్లీ గా ఏమి ఉండదు. కానీ.. ఆయన గంటల తరబడి ఎండలో కూడా ధ్యానం చేయడం వలన ఆయన జుట్టు కొంత కాలిపోయి వంకర్లు తిరిగిపోయి ఉంటుందట. మనం గమనిస్తే.. చాలా వరకు ఉష్ణ దేశాల్లో ఉండే ప్రజలకు కూడా జుట్టు కర్లీ గానే ఉంటుంది. అందుకే ఈ కథ కూడా ప్రచారం లోకి వచ్చి ఉండవచ్చు.

మనం ఏదైనా కిరాణా షాపు కు వెళ్లి ఒక ఐదొందల రూపాయల నోటు ఇస్తే.. ఆ షాపు అతను దానిని కనీసం రెండు, మూడు సార్లు అయినా అటు ఇటు తిప్పి చూసుకుని, అది నకిలీది కాదు అని తేలిన తరువాత మనకు ఇవ్వాల్సిన చిల్లరను ఇస్తాడు. మనం కూడా అంతే కదా.. ఎవరి వద్ద నుంచి అయినా ఎక్కువ మొత్తం లో డబ్బు తీసుకున్నప్పుడు.. వారు అపరిచితులు అయితే, ఆ నోట్లు అసలువేనా కాదా అని చెక్ చేసుకుంటాం.

అదే ఏటీఎం నుంచి డబ్బులు డ్రా చేసుకోవాలంటే.. అది వన్ వే ట్రాఫిక్ లాంటిది. వస్తే తీసుకోవడమే తప్ప… ఆ నోట్ ఎలా ఉన్నా.. ఇదేంటి అని అడగడానికి అక్కడ ఎవరు ఉండరు. ఎప్పుడైనా.. మీరు ఏటీఎం నుంచి డబ్బులు డ్రా చేసుకున్నాక, అవి నకిలీ నోట్లు అని తేలితే ఎలా..? అని డౌట్ వచ్చిందా..? అలా జరిగినపుడు ఏమి చేయాలో ఇప్పుడు తెలుసుకోండి.

డబ్బులు డ్రా చేసాక, సరిచూసుకోవడం మర్చిపోవద్దు. ఒకవేళ, నకిలీ నోట్లు వస్తే మీరు ఏటీఎం రూమ్ లోపల వున్న సెక్యూరిటీ కెమెరా వద్ద ఆ నోట్ ను చూపించండి. ఆ తరువాత, బయట సెక్యూరిటీ గార్డ్ ఉంటె.. ఆ విషయాన్నీ అతని దృష్టి కి తీసుకెళ్లండి. మీరు విత్ డ్రా చేసిన తరువాత వచ్చిన స్లిప్ తీసుకుని సమీపం లో ఉన్న బ్యాంకు బ్రాంచ్ వద్దకు వెళ్లి రాత పూర్వకం గా కంప్లైంట్ చేయండి. ఆ తరువాత వారి వద్ద నుంచి మీరు అక్నాలెడ్జిమెంట్ ను కూడా తీసుకోవాలి. విచారణ పూర్తి అయ్యాక, బ్యాంకు వారు మీ వద్ద ఉన్న నకిలీ నోట్ ను తీసుకుని.. మీకు కొత్త నోట్ ను ఇస్తారు.

మహానుభావులు ఏ విషయం చెప్పినా కూడా గొప్పగానే అనిపిస్తుంది. వారు చెప్పే చిన్న చిన్న విషయాల్లో కూడా ఎంతో పెద్ద అర్థం దాగి ఉంటుంది. సాధారణంగా అయితే, ఇలా గొప్పవారిగా పేరు పొందిన వారందరూ ఎక్కువగా మాట్లాడరు అని అంటూ ఉంటారు. మరి అది ఎంతవరకు నిజమో తెలియదు. కానీ ఒక్కటి మాత్రం నిజం. అలా చాలా తక్కువ మాట్లాడే వాళ్ళు ఎప్పుడైనా ఏదైనా విషయం గురించి మాట్లాడినప్పుడు చాలా కరెక్ట్ గా మాట్లాడతారు.

ఇందాక పైన చెప్పినట్టుగా, వారు మాట్లాడే ప్రతి విషయంలోనూ ఏదో ఒక అర్థం దాగి ఉంటుంది. ఇందుకు ఇప్పుడు మీరు చదవబోయే సంఘటన ఒక ఉదాహరణ. ఆల్బర్ట్ ఐన్స్టీన్. ఈ వ్యక్తి గురించి తెలియని వారు ఎవరూ ఉండరు. అయితే 1922 లో ఐన్స్టీన్ ఒకసారి చైనా కి వెళ్లారు.

ఆ హోటల్ బెల్ బాయ్ ఐన్స్టీన్ కి ఒక సందేశం అందించారు. అయితే ఐన్స్టీన్ దగ్గర టిప్ గా ఇవ్వడానికి డబ్బులు లేవు. అప్పుడు ఐన్స్టీన్ “థియరీ ఆఫ్ హ్యాపీనెస్” పేరుతో ఒక నోట్ రాసి ఇచ్చారు. అందులో ఐన్స్టీన్ “ఎప్పుడు సక్సెస్ కావాలనుకునేవారు, అలాగే దాని కోసం విశ్రాంతి లేకుండా పరిగెత్తే వారి జీవితం కంటే, ప్రశాంతమైన జీవితం ఎక్కువ ఆనందాన్ని ఇస్తుంది” అని రాశారు.

అంటే “ప్రశాంతమైన మనసు, ప్రశాంతమైన మెదడు ఒక మనిషి ఆనందంగా ఉండడంలో పెద్ద పాత్ర పోషిస్తాయి” అని దీని అర్థం. ఈ నోట్ 1.5 మిలియన్ లకు అమ్ముడుపోయింది. ఇప్పుడు అర్థమైందా? గొప్ప వారు మాట్లాడే ప్రతి విషయం చాలా గొప్పగా ఉంటుంది అని.

కొంత మంది జంటలు వారి ప్రేమ నిజమా? కాదా? అనే సందేహంలో ఉంటారు. అలాంటప్పుడు వారి ప్రేమ నిజమా? కాదా? అని తెలుసుకోవడానికి ఎన్నో ప్రయత్నాలు చేస్తూ ఉంటారు. కానీ కొన్ని ప్రయత్నాలు మాత్రం చాలా విచిత్రంగా ఉంటాయి. కొంత కాలం క్రితం జరిగిన ఈ ఘటన చూస్తే మీకు కూడా ఇదే అనిపిస్తుంది.

వివరాల్లోకి వెళితే, సమయం కథనం ప్రకారం ఉక్రెయిన్ కి చెందిన అలెగ్జాండర్ కుడ్లే, విక్టోరియా పుస్తోవిటోవా అనే ఒక జంట తమ ప్రేమ ఎంత బలమైనదో పరీక్షించుకోవాలి అని అనుకున్నారు. అందుకోసం ఎవరూ తీసుకోని ఒక నిర్ణయం తీసుకున్నారు. ఇద్దరూ తమ చేతులకు సంకెళ్లు వేయించుకున్నారు. అది కూడా కలిసి. ఇలా విడిపోకుండా కలిసి జీవించి తమ మధ్య నెలకొన్న మనస్పర్థలు తొలగించాలని అనుకున్నారు.

చేతికి సంకెళ్లు వేసి ఉండటంతో ప్రేమ ఇంకా పెరుగుతుంది అని అనుకున్నారు. అలా 123 రోజులపాటు వారిద్దరూ సంకెళ్ళతో గడిపారు. బాత్రూంకి వెళ్ళినా, వంట చేసినా, బట్టలు ఉతికినా, భోజనం చేసినా ఇద్దరు చేతులకు సంకెళ్ళు ఉండేవి. మొదట వారికి ఇదంతా చాలా థ్రిల్  గా అనిపించింది. కానీ సమయం గడుస్తున్న కొద్దీ వారు అలా కలిసి ఉండలేక ఇబ్బందులను ఎదుర్కొన్నారు. సంకెళ్ల రాపిడి వల్ల విక్టోరియా చేతికి ఎలర్జీ వచ్చింది.

దాంతో విక్టోరియాకి వైద్యులు చికిత్స చేసి, ఒట్టి చేతులకు సంకెళ్లు తగలకుండా బ్యాండ్ వాడమని చెప్పారు. వారిద్దరు దగ్గరగానే ఉన్నా కూడా, వారి మనసులు మాత్రం దూరం అయ్యాయి. ఇంకా వారిద్దరూ తాము కలిసి ఉండటం కష్టం అనే విషయాన్ని గ్రహించారు. దాంతో వారి చేతులకు సంకెళ్లు వేసిన నిర్వాహకులను పిలిచి సంకెళ్ళు తెంచమని చెప్పారు.

అయితే 123 రోజులు సంకెళ్లు వేసుకొని, ఇప్పటి వరకు ఏ జంట కలిసి జీవించలేదు. దాంతో వీరిద్దరూ అలా జీవించి ఒక అరుదైన రికార్డును సొంతం చేసుకున్నారు. విక్టోరియా “ఇంక నేను నా జీవితాన్ని గడుపుతాను” అని చెప్పింది. అలెగ్జాండర్ కూడా వారికి సపోర్ట్ చేసిన వారికి ధన్యవాదాలు తెలియచేసి, ఇకపై తాను ఒంటరిగా ఉంటాను అని చెప్పాడు. ఏదేమైనా వీరి ఐడియా మాత్రం విచిత్రంగా ఉంది కదా.

మీరెప్పుడైనా గమనించారా..? ఇండియా నుంచి ఇతర దేశాలకు వెళ్లే రూట్లు చాలానే ఉన్నప్పటికీ.. వీటిలో ఏ ఒక్కటీ హిమాలయాల పై నుంచి ఉండదు. చివరకు మనకి దగ్గరగా ఉండే చైనా కి వెళ్లాలన్నా కూడా.. డైరెక్ట్ గా ఇండియా నుంచి చైనా కి హిమాలయాలపై నుంచి వెళితే చాలా దగ్గర. కానీ, పైలట్స్ ఈ రూట్ ను తీసుకోరు. ఇలా ఎందుకు చేస్తారో.. ఈ ఆర్టికల్ లో తెలుసుకుందాం.

సాధారణం గా విమానాలు ముప్పై ఐదు వేల అడుగుల ఎత్తులో వెళ్తాయి. అయితే, మౌంట్ ఎవరెస్ట్ హైట్ ఎంతో తెలుసా..? 29 వేల అడుగులు. అంటే మౌంట్ ఎవరెస్టు కు, విమానాల ఎత్తు కు మధ్య కేవలం ఆరువేల అడుగుల దూరం మాత్రమే ఉంటుంది. ఇంత తక్కువ డిస్టెన్స్ తేడా తో ప్రయాణించడం అంత శ్రేయస్కరం కాదు. ఇంకొక కారణం ఏంటంటే, 35 వేల అడుగుల ఎత్తులో వెళ్తున్న విమానం బయట ప్రెజర్ సాధారణం గా ఉండే అట్మాస్ఫియరిక్ ప్రెజర్ లో 1/4 th ఉంటుంది. ఉష్ణోగ్రత కూడా -50 డిగ్రీలలో ఉంటుంది.

అయితే.. విమానం లో మాత్రం ఈ ప్రభావం పడకుండా అన్ని డోర్స్ ను క్లోజ్ చేసేసి జాగ్రత్తలు తీసుకుంటారు. ఒకవేళ ఏదైనా ఇబ్బంది ఎదురైతే.. ఫ్లైట్ లోపలి ప్రయాణికులకు ఆక్సిజెన్ మాస్క్ లను అందిస్తారు. ఇవి పదిహేను నిమిషాల వరకు ఆక్సిజెన్ ను అందిస్తాయి. ఈ సమయం లో పైలట్ ఫ్లైట్ ను 35 వేల అడుగుల ఎత్తు నుంచి ఎనిమిదివేల అడుగులకు తీసుకొస్తారు.

ఇదే పరిస్థితి హిమాలయాల మీదిగా పొనిస్తున్నపుడు జరిగితే.. 8 వేల అడుగులకు విమానాన్ని తీసుకురావడం సాధ్యం కాదు. ఈలోపు ఫ్లైట్ లో ఆక్సిజెన్ ఇబ్బంది ఎదురై మనుషులు చనిపోయే అవకాశం ఉంటుంది. అందుకే విమానాలను ఎప్పుడూ హిమాలయాల పైనుంచి పోనివ్వరు.