Off Beat

చావు పుట్టుకలను ఎవరు నిర్ణయించలేరు. మనం ఏ తేదీన గర్భం లోకి వచ్చామో ఎవరు చెప్పగలరు. ఎప్పుడు ఈ లోకాన్ని వీడిపోతామో ఎవరు ఊహించగలరు. కానీ ఎవరైనా ఒకళ్ళు ఫలానా తేదీ లో చనిపోతారు అని చెప్తే.. అది సరిగ్గా అలానే జరిగితే.. మనం ఎంతో ఆశ్చర్యపడుతూ ఉంటాం కదా.. ఐతే ఇలా ఫ్యూచర్ ని ప్రెడిక్ట్ చేసే యు ట్యూబ్ ఛానల్ గురించి మనం ఇప్పుడు తెలుసుకుందాం.

జనరల్ గా యు ట్యూబ్ లో రకరకాల వీడియో లు వస్తుంటాయి. సినిమాలు, పాటలు, ట్రేండింగ్ లో ఉన్న టాపిక్స్.. ఇలా యు ట్యూబ్ లో వీడియో లకు అంతూపొంతూ లేదు. కొన్ని చానెల్స్ అయితే న్యూస్ ని కూడా చెప్తూ ఉంటాయి. కానీ.. “2020 విజన్” అనే యు ట్యూబ్ ఛానల్ మాత్రం సెలెబ్రిటీల మరణాల గురించి ముందు గానే పోస్ట్ చేస్తోంది. అసలు ఇది ఎలా పాజిబుల్ అవుతోందో చూద్దాం.

ఈ ఛానల్ వారు ముందుగానే ఓ సెలెబ్రిటీ తాలూకు డెత్ గురించి జనవరి ఒకటవ తేదీ నుంచి డిసెంబర్ ముప్పై ఒకటవ తేదీ వరకు అన్ని తేదీలతోను వీడియో ను క్రియేట్ చేసి అప్ లోడ్ చేస్తారు. ఆ తరువాత ప్రైవేట్ లో పెట్టేస్తారు. ఎవరైనా సెలెబ్రిటీ చనిపోయిన తరువాత.. వారి చనిపోయిన తేదీ తో ఈ వీడియో ను ఎడిట్ చేస్తారు. ఒక వీడియో అప్ లోడ్ చేసాక, దానిని ప్రైవేట్ లో పెట్టి, ఎడిట్ చేసి మళ్ళీ పబ్లిక్ లో పెట్టినపుడు ఆ వీడియో అప్ లోడ్ చేసిన తేదీ ఏదైతే ఉంటుందో.. అదే చూపిస్తుంది.

ఆ వీడియో ను ఎడిటెడ్ వీడియో అని చూపించదు. అందుకే వారు ఆ విషయాన్నీ ముందే చెప్పినట్లు కనిపిస్తూ ఉంటుంది. ఇలా దాదాపు అందరు సెలెబ్రిటీస్ తోనూ వారు వీడియోస్ చేసి పెట్టుకుని, ఎప్పటికప్పుడు ఎడిట్ చేసుకుంటూ ఉంటారు. అలాగే, బాలు గారి వీడియో ను కూడా ఎడిట్ చేసి పబ్లిక్ లో పెట్టారు. అదన్నమాట అసలు సంగతి.

Watch Video:

ఇప్పుడు అంటే ఫ్యాషన్ పేరిట హెయిర్ ని వదిలేయడం ఎక్కువ అయింది కానీ.. ఒకప్పుడు అందరు ఆడవాళ్లు వయసు తో సంబంధం లేకుండా జడ వేసుకునేవారు. ఈ జడ వేసుకోవడం లో కూడా మూడు రకాలుండేవి. రెండు జడలు వేసుకోవడం, ఒక జడ వేసుకోవడం, ముడి పెట్టుకోవడం. వీటి వెనక అసలు అర్ధం ఏమిటో మనం ఇప్పుడు తెలుసుకుందాం.

ఆడపిల్లలు రెండు జడలు వేసుకుంటే.. ఆమె ఇంకా చిన్న పిల్ల అని, పెళ్లి కాలేదని అర్ధం. అంటే ఆ అమ్మాయిలో జీవేశ్వర సంబంధం విడి విడిగా ఉందని అర్ధము. అదే పెళ్లి అయ్యిన వారు అయితే మొత్తం జుట్టుని కలిపివేసి ఒకటే జడ గా వేసుకునే వారు. అంటే.. ఆమె తన జీవేశ్వరుడిని చేరి వివాహం చేసుకుని భర్త తో కలిసి ఉంటోందని అర్ధం. అలా కాకుండా.. జుట్టుని ముడి వేసుకుని కొప్పులా పెట్టుకుంది అంటే ఆమెకు సంతానం కూడా ఉందని, అన్ని బాధ్యతలను మోస్తూ గుట్టుగా ముడుచుకుంది అర్ధం వచ్చేలా ఇలా వేసుకునేవారు.

అయితే.. ఒక జడ వేసుకున్నా, రెండు జడలు వేసుకున్నా.. చివరకు కొప్పు పెట్టుకున్నా కూడా జుట్టుని మూడు పాయలు గా విడతీసి త్రివేణీసంగమం లా కలుపుతూ అల్లేవారు. ఈ మూడు పాయలకు రకరకాల అర్ధాలు ఉండేవి.. తానూ, భర్త, తన సంతానం అని ఈ మూడు పాయలకు అర్ధం. ఇంకా, సత్వ, రజ, తమో గుణాలు ; లేదా జీవుడు, ఈశ్వరుడు, ప్రకృతి అన్న అర్ధాలు కూడా ఉండవచ్చని పెద్దలు చెప్పేవారు.

అమ్మాయిలు వేసుకున్న జడని బట్టి వారు వివాహితులా, అవివాహితులా, పిల్లలు ఉన్నవారా, లేని వారా అన్న విషయం తెలిసిపోయేది. ఇంత అర్ధం ఉంది కాబట్టే, మన సంస్కృతి సంప్రదాయాలు నేటికీ పూజించబడుతున్నాయి. పాశ్చాత్య సంస్కృతి పేరిట మనమే వాటిని పాడుచేసుకుంటున్నాం.

ఒక జీవికి కలలు రావటమనేది సహజం. అయితే ఇందులో కొన్ని కలలు మనకు గుర్తు ఉంటాయి. కొన్ని మనకు గుర్తు ఉండవు. కొన్ని కలలు సగంలో ఆగిపోతాయి. ఒక్కొక్కసారి మనం ఎప్పుడో ఒకసారి చూసిన మనుషులు కూడా మన కలలోకి వస్తూ ఉంటారు. కొన్ని సార్లు మనకు పీడ కలలు వస్తే, కొన్నిసార్లు మంచి కలలు వస్తాయి. అయితే అసలు కలలు రావడం వెనక కారణం ఏంటి అనేది మనలో చాలా మందికి తెలియకపోవచ్చు.

తెలిసినా కూడా ఇలా కలలు రావడానికి రెండు, మూడు కారణాలు ఉన్నాయి. అందులో మొదటిది సైన్స్ ప్రకారం గుర్తించిన కారణం. అదేంటంటే. ఒక మనిషి ఆ రోజులో ఎదుర్కొన్న సంఘటనలు, ఎక్కువగా ఆలోచించిన ఆలోచనలు కలల రూపంలో వస్తాయట. కొంత మంది కలల ద్వారా భవిష్యత్తు చూడగలుగుతారు. ఒక మనిషి సున్నిత మనస్కులు అయితే, లేదా ప్రతి చిన్న విషయానికి భయపడేవారు అయితే వారికి పీడకలలు, లేదా భయంకరమైన కలలు ఎక్కువగా వస్తూ ఉంటాయి.

అయితే ఇందాక పైన చెప్పినట్టుగా ఒక మనిషికి సిక్స్త్ సెన్స్ అనేది ఎక్కువగా ఉంటే, అలాగే వారు ప్రస్తుతం వారు ఎదుర్కొంటున్న పరిస్థితులని బాగా గమనించి భవిష్యత్తు గురించి అంచనా వేసుకునే వారు అయితే, ఆ మనిషి తనకి భవిష్యత్తులో జరగబోయే వాటిని చూడగలుగుతారు. ఒక్కొక్కసారి మనకి ఏదో పెద్ద కొండపై నుంచి పడిపోతున్నట్టు లేదా కాలుజారి ఎక్కడో కింద పడిపోతున్నట్టు కలలు వస్తాయి.

మనం అప్పుడు ఉలిక్కిపడి లేస్తాం. అంటే మనం ఆ కలలకు స్పందిస్తున్నట్టు అర్థం. ఈ కలలు అన్నిటిని మనం మనో నేత్రంతో చూడగలుగుతాము. అయితే, యోగ శాస్త్రం ప్రకారం కలలు రావడానికి ఇంకొక కారణం ఉంది. ఈ కలలు అనేవి మనిషి శరీరంలో చక్రాలపై ఆధారపడి ఉంటాయి. కలల గురించి ఇంకా వివరంగా తెలుసుకోవాలంటే ఈ వీడియో చూడండి.

watch video :

ప్రతి మనిషి ఒకేలాగా ఆలోచించలేరు. అంటే కొన్ని సందర్భాల్లో ఒక మనిషి ఆలోచన సందర్భానికి తగ్గట్టుగా మారుతుంది. అందుకు ఇప్పుడు మీరు చదవబోయే సంఘటనే ఉదాహరణ. ఒకవేళ మీరు ట్రైన్ ప్రయాణం చేయాల్సి ఉంది. ట్రైన్ 10 గంటలకు ఉంది. మీరు మీ ఇంటి నుండి రైల్వే స్టేషన్ కి తొమ్మిది గంటలకి బయలుదేరారు. మీ ఇంటి నుండి రైల్వే స్టేషన్ కి అరగంట ప్రయాణం.

కానీ ఉదయం సమయం కావడంతో ట్రాఫిక్ బాగా ఎక్కువగా ఉంది. దాంతో మీరు ట్రాఫిక్ జామ్ లో ఇరుక్కుపోయారు. ట్రాఫిక్ జామ్ నుండి వెహికల్స్ కదలడానికి 45 నిమిషాలు పట్టింది. తర్వాత కూడా రోడ్లు బిజీగా ఉండడం వల్ల మీరు రైల్వే స్టేషన్ కి అరగంట ఆలస్యంగా చేరుకున్నారు. ట్రైన్ 10 గంటలకు వెళ్ళిపోయింది. దాంతో మీరు మీ ట్రైన్ మిస్ అయ్యారు.

ఇప్పుడు ఇంకొక సినారియో  చూద్దాం. పైన చెప్పిన విధంగానే మీ ఫ్రెండ్ కి కూడా పది గంటలకి ట్రైన్ ఉంది. అలాగే మీ ఫ్రెండ్ 9 గంటలకు తన ఇంటి నుండి బయలుదేరారు. ట్రాఫిక్ జామ్ వల్ల మీ ఫ్రెండ్ రైల్వే స్టేషన్ కి చేరుకోవడం ఆలస్యం అయ్యింది. మీ ఫ్రెండ్ రైల్వే స్టేషన్ కి అరగంట ఆలస్యంగా చేరుకున్నారు. దాంతో మీ ఫ్రెండ్ ట్రైన్ మిస్ అయ్యింది. అయితే ఈసారి మాత్రం ట్రైన్ 10:25 కి స్టార్ట్ అయ్యింది.

రెండవ సందర్భంలో మాత్రం “మీ ఫ్రెండ్ ఒక ఐదు నిమిషాలు ముందు వచ్చి ఉంటే సరిపోయేది కదా?” అనిపిస్తుంది. ముందు చెప్పిన సందర్భంలో అరగంట లేట్ అయింది కాబట్టి ఇంత ఆలోచించక పోవచ్చు. కానీ రెండో సందర్భంలో కేవలం ఐదు నిమిషాలు కాబట్టి,మీ ఫ్రెండ్ ఇంటి నుండి కొంచెం ముందు బయలుదేరి ఉంటే ఇక్కడికి కనీసం ఒక పది నిమిషాలు ముందు అయినా చేరుకునే వాళ్ళు అని, ట్రైన్ స్టార్ట్ అయ్యే టైం కి రైల్వే స్టేషన్ లో ఉండే వాళ్ళు అని, దాంతో ట్రైన్ అందేది అని అనుకునేవాళ్ళు.

ఒకవేళ కొంచెం ముందు బయలుదేరితే ట్రాఫిక్ జామ్ లో ఇరుక్కునే వాళ్ళం కాదు అని, దాంతో లేట్ అయ్యేది కాదు అని అనుకుంటారు. సందర్భానికి తగ్గట్టుగా ఆలోచన మారుతుంది అనడానికి ఇది ఒక ఉదాహరణ. రెండవ సందర్భంలో మనం ఆలోచించే విధానాన్ని కౌంటర్ ఫాక్చువల్ థింకింగ్ అని అంటారు.

తెలుగు భాష మాట్లాడేవాళ్ళని తెలుగు వారు అని, కన్నడ భాష మాట్లాడేవాళ్ళని కన్నడిగులు అని, గుజరాతి మాట్లాడేవాళ్ళని గుజరాతీయులు అని.. ఇలా భాష ప్రాతిపదికన పిలుస్తూ ఉంటారు. కానీ తమిళులను మాత్రం అరవ వాళ్ళని ఎందుకు అంటారు..? అని ఎప్పుడైనా ఆలోచించారా? తమిళ భాషను “అరవం” అని, తమిళులని “అరవ వాళ్ళు” అని ఎందుకు పిలుస్తారో మనం ఇప్పుడు తెలుసుకుందాం.

గతం లో మండలం అనే పదాన్ని ఎక్కువ వాడేవారు. ప్రాంతాలను మండలాల ప్రాతిపదికన ఎక్కువ గా గుర్తిస్తూ ఉండేవారు. తమిళనాడు లో కూడా ఇలానే ఉండేది. ఒకప్పుడు మండలాలను రాష్ట్రాల లెక్కన చెప్పుకునేవారు. చోళ మండలం, పాండ్య మండలం..ఇలా ఉండేవి పేర్లు. అలాగే.. తొండై మండలం.. ఇది తమిళనాడు కు చెందినది. ఈ తొండై మండలం లోనే అరువనాడు ప్రాంతం ఉండేది. ప్రస్తుతం నెల్లూరు, చిత్తూరు ప్రాంతాలలో కూడా కొంతవరకు అరువనాడు కిందకే వచ్చేవి.

ఈ ప్రాంతం వారు అరవం మాట్లాడేవారు. ఈ ప్రాంతం తెలుగు రాష్ట్రాలకు అత్యంత దగ్గరలో ఉంది. అందుకే వారి భాష ని అరవ భాష అని, వారిని అరవ వాళ్ళు అని పిలుచుకునేవారు. తెలుగు వారికి సమీపం లో ఉన్న ప్రాంతం అరువనాడు కాబట్టి వారికీపేరు వచ్చింది.

అలాగే.. కన్నడిగులు కూడా వారిని కొంగ అని పిలుస్తారు. దానికి కారణం ఏంటంటే వారికి సమీపం లో ఉన్న ప్రాంతం కొంగునాడు కాబట్టి. అలాగే, మలయాళీలకు పాండ్యనాడు సరిహద్దుల్లో ఉంది కాబట్టి.. వారు తమిళులను పాండీ అని పిలుస్తారు. ఇవి కేవలం చారిత్రాత్మకం గా వచ్చిన పేర్లు మాత్రమే.

గత కొన్ని సంవత్సరాలుగా ప్రతి వీకెండ్ లో మనల్ని అలరిస్తున్న ప్రోగ్రామ్స్ లో ఒకటి నెంబర్ 1 యారి. రానా దగ్గుబాటి హోస్ట్ గా ఉన్న ఈ ప్రోగ్రాంకి ఎంతో మంది సెలబ్రిటీలు గెస్ట్ లుగా వచ్చి వారి జీవితానికి సంబంధించిన ఎన్నో ఆసక్తికరమైన విషయాలను చెప్తారు. అయితే ఈ ప్రోగ్రాంలో ఉండే ఒక ఇంట్రెస్టింగ్ సెగ్మెంట్ హీలియం బెలూన్ ఊది డైలాగ్ చెప్పడం.

సెలబ్రిటీలు ఒక బెలూన్ తీసుకొని అందులో ఉన్న హీలియం ని పీల్చి ఏదో ఒక డైలాగ్ చెబుతారు. హీలియం పీల్చిన తర్వాత వారి గొంతు కొంచెం ఫన్నీగా అనిపిస్తుంది. అయితే అలా హీలియం పీల్చిన తర్వాత గొంతు ఎందుకు అలా మారిపోతుందో ఇప్పుడు తెలుసుకుందాం.అసలు ముందు వాయిస్ ఎలా వస్తుందో తెలుసుకుందాం.

ప్రతి ఒక్కరి గొంతులో వాయిస్ ఉత్పత్తి చేసే ఒక చిన్న భాగం ఉంటుంది. దానిని ల్యారింక్స్ లేదా వాయిస్ బాక్స్ అని అంటారు. ఈ వాయిస్ బాక్స్ లో వోకల్ కార్డ్స్ ఉంటాయి. ఆ వోకల్ కార్డ్స్ రబ్బర్ బ్యాండ్ లాగా సాగుతాయి. గిటార్ స్ట్రింగ్స్ లాగా వైబ్రేట్ అవుతూ ఉంటాయి. మనం మాట్లాడేటప్పుడు గాలి ఈ వోకల్ కార్డ్స్ నుండి బయటకు వస్తుంది.

ఆ సమయంలో వోకల్ కార్డ్స్ వైబ్రేట్ అవుతూ మన వాయిస్ బయటికి వస్తుంది. ఇలా బయటికి వచ్చే గాలిలో 78 శాతం నైట్రోజన్ 20 శాతం ఆక్సిజన్ అలాగే ఇంకో 2 శాతం వేరే గ్యాసెస్ ఉంటాయి. అయితే ఈ గ్యాస్ లతో పోలిస్తే హీలియం గాలి చాలా తొందరగా వెళుతుంది.

మనం హీలియం గ్యాస్ లోపలికి పీల్చుకున్నప్పుడు బయటికి వచ్చే గాలి చాలా వేగంగా వస్తుంది. ఆ సమయంలో వోకల్ కార్డ్స్ చాలా వేగంగా వైబ్రేట్ అవుతాయి. ఈ కారణంగా మన గొంతు కొంచెం డిఫరెంట్ గా, కామెడీగా ఉంటుంది. అయితే ఈ హీలియం గ్యాస్ చాలా తక్కువగా పీల్చాలి. ఎక్కువగా మాట్లాడొచ్చు అనే ఉద్దేశంతో ఎక్కువ హీలియం లోపలికి పీల్చుకుంటే మెదడు దెబ్బతినే అవకాశాలు ఉన్నాయి.

watch video:

https://youtu.be/y7VPS4JpuH0

ఏదైనా ఒక ప్రాంతం అభివృద్ధి అయ్యిందా? కాలేదా? అని చూడాలంటే అక్కడ ఉన్న ఫ్యాక్టరీలను చూసి చెప్పవచ్చు. ప్రతి ప్రాంతంలో ఏదో ఒక ఫ్యాక్టరీ కచ్చితంగా ఉంటుంది. అందులో ఎంతో మంది ఉద్యోగాలు చేస్తూ ఉంటారు. ఫ్యాక్టరీలో ఎన్నో రకాలు ఉంటాయి. ఎన్నో వస్తువులను ఈ ఫ్యాక్టరీలలోనే తయారు చేస్తూ ఉంటారు.

ఎంతో మంది ఎన్నో గంటలు శ్రమించి, మనకి కావాల్సిన వస్తువులను తయారు చేస్తూ ఉంటారు. అయితే మనలో చాలా మంది ఫ్యాక్టరీలను చూసే ఉంటారు. ఫ్యాక్టరీలతో పాటు ఫ్యాక్టరీల మీద ఉండే ఒక వస్తువును కూడా చూసే ఉంటారు. అది సర్కిల్ షేప్ లో, ఎక్కువగా వెండి రంగులో ఉంటుంది. ఫ్యాక్టరీ మీద ఉండే ఈ వస్తువు ఎప్పుడూ తిరుగుతూ ఉంటుంది. దీని పేరు విండ్ వెంటిలేటర్.

అయితే ఈ విండ్ వెంటిలేటర్స్ ఫ్యాక్టరీల మీద ఎందుకు ఉంటాయి అని ఒక అనుమానం మనకి వస్తుంది. ఫ్యాక్టరీలలో పని చేసేటప్పుడు, మిషన్లు పని చేసే సమయంలో వేడి ఉత్పత్తి అవుతుంది. ఈ వేడి వల్ల ఫ్యాక్టరీలో పనిచేసే ఉద్యోగులకు ఇబ్బంది కలుగుతూ ఉంటుంది. దాంతో ఆ ఉద్యోగులు సరిగ్గా పని చేయలేరు. ఈ వేడిని తగ్గించడానికి ఫ్యాక్టరీలో విండ్ వెంటిలేటర్స్ ఏర్పాటు చేస్తారు.

వేడి గాలి తేలికగా ఉంటుంది. ఫ్యాక్టరీలో ఉండే ఆ వేడి మొత్తం ఈ విండ్ వెంటిలేటర్ ద్వారా బయటకు వెళ్ళిపోతుంది. ఆ వేడి మొత్తం బయటకు వెళ్లిపోయిన తర్వాత టెంపరేచర్ మళ్లీ నార్మల్ కి వస్తుంది. దాంతో మళ్ళీ ఉద్యోగులు మామూలుగా పని చేయగలుగుతారు. ఈ కారణంగా ఫ్యాక్టరీలలో విండ్ వెంటిలేటర్లను ఏర్పాటు చేస్తారు.

మనం పొద్దున్నే లేవగానే ఫస్ట్ చేసే పని ఒళ్ళు విరుచుకోవడం.. ఆ తరువాత చేతులను, చేతివేళ్ళను కూడా బాగా స్ట్రెచ్ చేస్తాం.. తద్వారా ఆక్టివ్ గా ఫీల్ అయ్యి ఆ తరువాత పనులను ప్రారంభిస్తాం. అయితే.. మనం ఇలా చేతి వేళ్ళను విరుచుకుంటున్నపుడు టప్ మని శబ్దం వస్తూ ఉంటుంది. గమనించారా..? ఈ శబ్దం ఎందుకు వస్తుందో ఇప్పుడు తెలుసుకోండి.

మన శరీరం లో ఏ రెండు ఎముకల మధ్య అయినా సినోవియల్ ఫ్లూయిడ్ అనే ద్రవ పదార్ధం ఉంటుంది. గుడ్డు లోపలి సొన ఏ విధం గా ఉంటుందో.. ఈ సినోవియల్ ఫ్లూయిడ్ కూడా అలానే ఉంటుంది. ఇది లుబ్రికంట్ లా పని చేస్తూ ఉంటుంది. మనం చేతులని ముడిచి మళ్ళీ తీసినప్పుడు.. లోపల ఉండే ఈ ఫ్లూయిడ్ నైట్రోజన్ గ్యాస్ ను విడుదల చేస్తుంది. ఈ గ్యాస్ కొన్ని బుడగలు విడుదల చేస్తాయి.

మనం ఏదైనా కూల్ డ్రింక్ బాటిల్ మూతను ఓపెన్ చేసినపుడు ఎలా గ్యాస్ ఫామ్ అయ్యి బుడగలు వస్తాయో.. అలానే ఎముకల మధ్య కూడా బుడగలు ఏర్పడతాయి. ఆ బుడగలు పేలడం వలన మనం చేతుల్ని మడిచి నొక్కినప్పుడు శబ్దం వస్తూ ఉంటుంది. తిరిగి ఈ బుడగలు ఏర్పడాలి అంటే మరొక ఇరవై నిమిషాల సమయం అవసరం అవుతుంది.

అందుకే మనం వెంట వెంటనే చేతులను విరిచినపుడు మొదటి సారి వచ్చిన శబ్దం మరొకసారి రాదు. కొంతసేపటి తరువాత మాత్రమే ఈ శబ్దం వస్తూ ఉంటుంది. దీనికి అసలు కారణం ఇదన్నమాట. అస్తమానం ఇలా వేళ్ళు విరవడం వలన.. ఎముకల వ్యాధి వస్తుందని కొందరు చెబుతూ ఉంటారు. అయితే.. ఇలాంటిదేమీ ఉండదని వైద్యులు చెబుతున్నారు.

ప్రపంచంలో ఎన్నో రకాల పక్షులు ఉంటాయి. ఒక్కొక్క పక్షికి ఒక్కొక్క ప్రత్యేకత ఉంటుంది. కొన్ని మనుషులు తిరిగే ప్రదేశాలలో కూడా కనిపిస్తూ ఉంటే, కొన్ని మాత్రం జనసంచారం లేని ప్రదేశాలలో ఎక్కువగా కనిపిస్తూ ఉంటాయి. కొన్ని పక్షులు మాత్రం అడవుల్లో ఎక్కువగా కనిపిస్తాయి. అవి చాలా అరుదైన పక్షులు. అయితే ఇలాంటి పక్షుల్లో ఒకటి గీస్ అంటే పెద్ద బాతులు.

ఈ పెద్ద బాతులు మనం ఎప్పుడో ఒకసారి చూసే ఉంటాం. ఒకసారి మనం జాగ్రత్తగా గమనిస్తే ఈ పెద్ద బాతులు అన్నీ ఎగిరేటప్పుడు “వి” ఆకారంలో ఎగురుతాయి. ఇందుకు ఒక కారణం ఉంది. అది ఏంటో ఇప్పుడు తెలుసుకుందాం. ఇలా ఎగరడం వల్ల వాటి శక్తి ఆదా అవుతుంది. అంటే ప్రతి ఒక్క పక్షి దాని ముందు ఉన్న పక్షికంటే కొంచెం ఎత్తులో ఎగురుతూ ఉంటుంది.

దీని కారణంగా విండ్ రెసిస్టెన్స్ తగ్గుతుంది. విండ్ రెసిస్టెన్స్ అంటే గాలి ఒక కదిలే యొక్క వేగాన్ని తగ్గించడం. ఒక పక్షి ఎగురుతూ ఉన్నప్పుడు ఆ పక్షి రెక్కల నుండి వచ్చే గాలి పక్షి రెక్కల మూమెంట్ తో పాటు తిరుగుతూ ఉంటుంది. అంటే ఒక పక్షి తన రెక్కలని కిందకి ఆడించినప్పుడు గాలి కిందకి వెళుతుంది. మళ్ళీ పైకి ఆడించినప్పుడు గాలి పైకి వెళుతుంది. ఇలా ఎగురుతున్నప్పుడు ఆ పక్షి రెక్కల కదలిక ప్రకారం గాలి సర్కిల్ షేప్ లో తిరుగుతూ ఉంటుంది.

అలా ఎగిరేటప్పుడు ఆ పక్షి తన రెక్కలు కిందకి ఆడించినప్పుడు వచ్చే గాలి ఒత్తిడికి గురయ్యి కిందకి వెళుతుంది. పైకి అన్నప్పుడు వచ్చే గాలి పైకి, పక్కకి వెళుతుంది. అందుకే ఒక పక్షి ఎగురుతూ ఉన్నప్పుడు తన రెక్కలని పైకి ఆడించినప్పుడు వచ్చే గాలి తన వెనకాల ఉండే పక్షులు పైకి ఎగరడానికి సహాయం చేస్తుంది.

పక్షి ఎగురుతూ ఉన్నప్పుడు దానికి ఎడమవైపు గానీ, కుడివైపు గానీ ఒక పక్షి ఎగురుతూ ఉంటే, ముందు ఉన్న పక్షి రెక్కలు పైకి కదిలించినప్పుడు వచ్చే గాలి వాళ్ళ వెనకాల ఉన్న పక్షులు కొంచెం ఎత్తుకి ఎగురుతాయి. సాధారణంగా అయితే ఒక పక్షి ఎగురుతూ ఉన్నప్పుడు తన రెక్కలు ఆడించడానికి ఎంతో శక్తి కావాల్సి వస్తుంది. వలస వెళ్తున్నప్పుడు ఎక్కువ దూరం ప్రయాణించాలి కాబట్టి పక్షులు తమ ముందు ఎగిరే వేరే ఒక పక్షి రెక్కల నుండి పైకి వచ్చే గాలిని ఉపయోగించుకొని వి ఆకారంలో పైకి ఎగురుతాయి.

watch video: