Off Beat

ఒక మనిషి తన రోజు మొత్తంలో ఒక్కసారి అయినా సరే కీబోర్డ్ టైపింగ్ వాడతాడు. అది ఫోన్ లో కీ – ప్యాడ్ అయినా కావచ్చు లేకపోతే లాప్ టాప్, కంప్యూటర్ లో కీబోర్డ్ అయినా కూడా కావచ్చు. కానీ కీబోర్డ్ వాడడం మాత్రం ఎక్కువగా జరుగుతూనే ఉంటుంది. మనలో చాలా మందికి ఒక అనుమానం రావచ్చు. అదేంటంటే. కీబోర్డ్ లో అక్షరాలు లైన్ గా కాకుండా రాండమ్ గా ఉంటాయి.

కీబోర్డ్ లో అక్షరాలు ABCD అనే లైన్ లో ఎందుకు ఉండవు? అని. అలా ఉండడానికి కొన్ని కారణాలు ఉన్నాయి. అవేంటంటే. పూర్వ కాలంలో టైపింగ్ మషిన్స్ ఉండేవి. వాటిలో అక్షరాలు లైన్ లోనే ఉండేవి. కానీ అలా లైన్ గా ఉండడం వల్ల టైపింగ్ స్పీడ్ ఎక్కువగా ఉంటుంది. ఫాస్ట్ గా టైప్ చేయడం వల్ల బటన్స్ జామ్ అయ్యే అవకాశాలు ఉంటాయి.

source : Amazon.com

అంతే కాకుండా ఫాస్ట్ గా టైప్ చేయడం వల్ల చేతులకి కూడా నెప్పి కలిగే అవకశాలు ఉన్నాయి. అందుకే చాలా రీసెర్చ్ తర్వాత మనం ఇప్పుడు వాడుతున్న కీబోర్డ్ పద్ధతిని కనిపెట్టారు. ఇప్పుడు మనం వాడుతున్న కీబోర్డ్ ని QWERTY కీబోర్డ్ అని అంటారు. ఇవి కీబోర్డ్ మీద మొదటి లైన్ లో ఉండే మొదటి అక్షరాలు. ఈ పాటర్న్ ని 1868 లో క్రిస్టోఫర్ షోల్స్ అనే వ్యక్తి కనిపెట్టారు.

కీబోర్డ్ ఇలా ఉండడంవల్ల టైపింగ్ స్పీడ్ నార్మల్ గా ఉంటుంది అని అంటారు. కానీ కీబోర్డ్ మీద అక్షరాలు దూరంగా ఉండడంవల్ల ఆల్టర్నేటివ్ గా అన్ని వేళ్ళను ఉపయోగిస్తాం. దానివల్ల స్పీడ్ గా కూడా టైప్ చేయగలుగుతాం అని ఇలా ఎరేంజ్ చేశారు అని కూడా అంటారు.

యూట్యూబర్ లు తమ ఫాలోవర్ల కోసం రకరకాల ప్రయోగాలు చేస్తుంటారు. అందులో భాగం గానే ఓ యూట్యూబర్ ఇంటిలో తన గది మొత్తాన్ని అద్దాలతో నింపేసాడు. మాములుగా ఇంట్లో ఒక అడ్డం ఉంటె..మనం వెళ్లి మన ప్రతిబింబాన్ని చూసుకుంటూ ఉంటాము. అదే గదికి పైకప్పు, నేల, గోడలు అన్ని అద్దం తోనే నిర్మించబడి ఉంటె..? ఊహించుకుంటేనే అద్భుతం అనిపిస్తోంది కదా.. ఎన్నో ప్రతిబింబాలు మనం చూడవచ్చు.

అయినా ఇది మనకి కొత్తేమి కాదు.. తెలుగు రాష్ట్రాల్లోని పలు హిందూ దేవాలయాల్లో అద్దాల మంటపాలు ఉంటాయి. వీటిలో ఒక గది మొత్తాన్ని అద్దాలతోనే నిర్మించి మధ్యలో ఉయ్యాల వేసి ఉంచి ఆ దేవాలయాల దేవతలా ఉత్సవమూర్తులను ఉంచుతారు. దేవాలయం లో దర్శనం చేసుకోవడానికి వచ్చిన భక్తులు ఈ మంటపాన్ని కూడా దర్శిస్తారు. ఆప్టికల్ ఇల్ల్యూషన్ వలన అన్ని అద్దాలలోను ఈ ప్రతిబింబం కనిపిస్తూ ఉంటుంది. దీనిని ప్రసిద్ధ సైన్స్ ఛానల్ ది యాక్షన్ ల్యాబ్ కు చెందిన యూట్యూబర్ ప్రాక్టికల్ గా ప్రయత్నించి చూసాడు.

గతం లో కూడా అతను ఇలాంటి ప్రయోగాలనే చేసాడు. గతం లో కూడా తన ఇంట్లో అత్యంత ఎక్కువ ప్రకాశవంతమైన గదిని నిర్మించి అందరిని ఆశ్చర్యపరిచాడు. తాజాగా అద్దాల తో గదిని నిర్మించి వీడియో రూపం లో యు ట్యూబ్ లో పెట్టాడు. ఈ వీడియో ఇప్పుడు వైరల్ అవుతోంది. ఈ వీడియో లో లాంటి గదిని నిర్మించడానికి గులకరాళ్లు లేకుండా, సాఫ్ట్ గా నేల ఉన్న గది అవసరం అని అతను తెలిపాడు. గాజులు చాలా డెలికేట్ గా ఉండి.. పగిలిపోయే అవకాశం ఉంటుంది. కాబట్టి.. ఈ గదిని నిర్మించే సమయం లో తగు జాగ్రత్తలు తీసుకోవాలని హెచ్చరించాడు.

కట్టడం పూర్తి అయిపోయాక లైట్ వేసి చుస్తే.. పైన రూఫ్, కింద ఫ్లోర్ ను చూసినప్పుడు ఎదో వంద అంతస్తుల పైనుంచి చూస్తున్న బ్రాంతి కలుగుతుంది. అది ఒక అనిర్వచనీయమైన ఫీలింగ్. అలాగే.. ఇలాంటి గదిలో కాంతి ప్రయాణించడానికి ఎంత సమయం పడుతుంది అన్న విషయాన్నీ కూడా అతను తెలుసుకోవాలనుకున్నాడు. కాంతి స్విచ్ ఆపివేయబడిన తర్వాత కూడా ఒక అద్దం మరొకటి నుండి ప్రతిబింబం నుండి బౌన్స్ అవుతుంది, కాబట్టి సాధారణ గదిలోకంటే ఇలాంటి గదిలో కాంతి స్లో గా ప్రయాణిస్తున్నట్లు ఉంటుంది.

ప్రస్తుతం ఎక్కడ చూసినా నడుస్తున్న ఒకే ఒక టాపిక్ బడ్జెట్. ఇప్పుడే కాదు. ఎప్పుడైనా సరే బడ్జెట్ గురించే చర్చలు అవుతూనే ఉంటాయి. అది దేశానికి, ఇంకా దేశంలో ఉన్న ప్రజలకు సంబంధించిన విషయం కాబట్టి అందరూ బడ్జెట్ గురించి ఆసక్తిగానే తెలుసుకుంటారు. కేవలం ప్రభుత్వం విషయంలోనే కాదు సాధారణంగా కూడా రోజువారీ జీవితంలో బడ్జెట్ అనేది చాలా ముఖ్యమైనది.

ఏదైనా పని చేయాలి అన్నా, ఇల్లు నడపాలి అన్నా కూడా తీసుకునే ప్రతి నిర్ణయం బడ్జెట్ ని దృష్టిలో పెట్టుకొని తీసుకుంటారు. దాని ప్రకారమే ప్లాన్ చేసుకుంటారు. బడ్జెట్ అనేది ఒక మనిషి పొదుపు, ఖర్చులకి సంబంధించినవి అయి ఉండొచ్చు, ఒక గ్రూప్ కి సంబంధించినది, ప్రభుత్వానికి సంబంధించినది, బిజినెస్ కి సంబంధించినది కూడా అయి ఉండొచ్చు.

ఈ పదాన్ని మనం ఎక్కువగానే వాడతాము. అయితే, అసలు బడ్జెట్ అనే పదం ఎక్కడి నుంచి వచ్చిందో, ఎలా వచ్చిందో మీకు తెలుసా? బడ్జెట్ అనే పదం ఫ్రెంచ్ భాషలోని బుజెట్ అనే పదం నుంచి వచ్చింది. బుజెట్ అంటే లెదర్ తో తయారుచేసిన బ్యాగ్ అని అర్థం. 1733 లో సర్ రాబర్ట్ వాల్పోల్ అనే బ్రిటన్ కి చెందిన మంత్రి ఆదాయానికి, ఖర్చులకి సంబంధించి తయారుచేసిన ఫైనాన్షియల్ రిపోర్ట్ ని ఒక బుజెట్ లో పెట్టుకొని తీసుకెళ్లారు.

దాన్ని సమావేశంలో ప్రెజెంట్ చేశారు. అయితే, రాబర్ట్ వాల్పోల్ బుజెట్ ప్రజెంట్ చేశారు అనే వార్త మెల్లగా పాకడం మొదలైంది. తర్వాత అది వార్త బ్రిటన్ దేశమంతటా తెలిసింది.  దాంతో మెల్లగా బడ్జెట్ అన్న పదం అర్థమే మారిపోయింది. అంతేకాకుండా “ద బడ్జెట్ ఓపెన్డ్” అని రాబర్ట్ వాల్పోల్ కార్టూన్ కూడా ప్రచురించబడింది. భారతదేశంలో మొట్టమొదటి బడ్జెట్ 1860 జేమ్స్ విల్సన్ అనే వ్యక్తి జారీచేశారు. తర్వాత 1947 లో ఆర్కె షణ్ముఖం చెట్టి బడ్జెట్ ని ప్రెజెంట్ చేశారు.

సాధారణంగా మనిషికి ఓర్పు తక్కువగా ఉంటుంది. ఒకవేళ ఓర్పు ఎక్కువగా ఉన్నా కూడా ఎప్పుడో ఒకసారి తగ్గిపోతుంది. కానీ కొన్ని విషయాల్లో మాత్రం ఓపికగా ఎదురు చూడాలి. అందులో ఒకటి ఏటీఎం. ఏటీఎం కి వెళ్లి డబ్బులు తీసుకురావడం ఒక్కొక్కసారి సులభంగా అయిపోయినా కూడా ఒక్కొక్కసారి చాలా సమయం పడుతుంది. దానికి కారణం జనాలు ఎక్కువ మంది ఉండటం అవ్వచ్చు. లేదా ఎటిఎం పని చేయకపోవడం లాంటి సమస్య వచ్చినప్పుడు వేరే ఎటిఎం కి వెళ్లాల్సి రావచ్చు.

ఇలా చాలా కారణాల వల్ల ఏటీఎం లో క్యాష్ విత్ డ్రా చేసుకోవడానికి, డిపాజిట్ చేయడానికి ఎక్కువ సమయం పడుతుంది. ఏదేమైనా పని ముఖ్యం కాబట్టి కచ్చితంగా పని అయ్యేంత వరకు ఎదురు చూడాల్సిందే. మీరు ఎప్పుడైనా ఒకటి గమనించారా. ఏటీఎం లో  మెషిన్ నుండి క్యాష్ వచ్చేటప్పుడు ఒక సౌండ్ వస్తుంది. ఆ సౌండ్ ఎందుకు వస్తుందో మీకు తెలుసా?

“ఎందుకు తెలియదు. ఆ సౌండ్ డబ్బులు కౌంట్ చేసేటప్పుడు వస్తుంది”. అనే సమాధానం మీకు రావచ్చు. కానీ అది నిజం కాదు. అంటే ఏటీఎం మిషన్ నుండి వచ్చే సౌండ్ డబ్బులు లెక్క పెట్టేటప్పుడు వచ్చే సౌండ్ కాదు. అది ఒక మెషిన్ జనరేటెడ్ శబ్దం. అలా సౌండ్ జనరేట్ చేయడానికి ఒక కారణం ఉంది. అదేంటంటే. మనం ఏటీఎం కార్డు పెట్టి తీసి, తర్వాత పిన్ ఇంకా మనకి కావాల్సినంత అమౌంట్ ఎంటర్ చేస్తాం. లేదా డిపాజిట్ చేయడానికి డబ్బులని మిషన్ లోకి పెడతాం.

అప్పుడు కొంచెం సేపటికి ఈ సౌండ్ వస్తుంది. అదే సౌండ్ డబ్బులు డిపాజిట్ చేసేటప్పుడు కూడా వస్తుంది. అలా సౌండ్ వచ్చినప్పుడు మిషన్ ఆగిపోలేదు ప్రాసెసింగ్ అవుతోంది అని మనకి ఒక రిలీఫ్ ఉంటుంది. మనకి డబ్బులు బయటికి వస్తున్నాయి అని భరోసా ఇవ్వడానికే ఆ సౌండ్ జనరేట్ చేస్తారు. అంటే ఇది మెషిన్ వల్ల వచ్చే శబ్దం మాత్రమే కానీ డబ్బులు లెక్క పెట్టడం వల్ల వచ్చే సౌండ్ కాదు.

సంవత్సరం మారుతున్న కొద్దీ మనలో మనకే చెప్పలేని మార్పులు వస్తుంటాయి. కొన్నిటిని మనమే గమనించుకుని రియలైజ్ అవుతుంటాం. కొన్ని మన పక్కన వాళ్ళు చెబితే కానీ ఆలోచించలేము. అలాంటిది.. మనలాంటి వ్యక్తులు ఉన్న సమాజం లో కాలానుగుణం గా ఎన్నో మార్పులు వస్తుంటాయి కదా.. అవేంటో మనం ఓ సారి లుక్కేద్దాం..

#1. ఒకప్పుడు ఇంట్లోని ఆడవారు ఎలాంటి జిమ్ లకు వెళ్లకపోయినా నాజూకుగా ఆరోగ్యం గా ఉండేవారు. దానికి కారణం ఇంట్లో ఉండే పని, పని చేయడానికి ఉపయోగించే సాధనాలు. కానీ, ఇప్పుడు..? అన్నిటికి మెషీనులే కదా.. చివరికి కాఫి కలపడానికి కూడా మనం మెషిన్ లను వాడేస్తున్నాం.

#2. ఒకప్పుడు చిన్న పిల్లలు పతంగులు ఎగురవేస్తూ ఆరోగ్యం గా ఆడుకునే వారు. కానీ, ఇప్పుడు పరిస్థితి మారింది. రిమోట్ కంట్రోల్ తో ఏరోప్లేన్ ను ఎగురవేస్తూ ఆడుకుంటున్నారు. టెక్నాలజీ అండి మరీ టెక్నాలజీ కాలం ఇది.

#3.ఒకప్పుడు రంగు రంగుల డిజైన్ లు ఉన్న దుస్తులు వేసుకోవడం ఫ్యాషన్ గా ఉండేది. కానీ ఇప్పడూ ఒళ్ళంతా రంగులతో టాటూలు, ప్లైన్ గా ఉండే దుస్తులు ఫ్యాషన్ అయి కూర్చున్నాయి.

#4.ఇది నైంటీస్ కిడ్స్ కి బెస్ట్ మెమరీ. చిన్నప్పుడు ఆరు బయట ఆటలాడి, మండుటెండలో కూడా ఆడుతూనే ఉండేవాళ్ళం. వెంటనే అమ్మ వచ్చి ఇంట్లో కూర్చో..ఎండలో తిరగకు అంటూ బలవంతం గా ఇంట్లోకి లాక్కొచ్చి మరీ కుర్చోపెట్టేది. ఇప్పుడు సీన్ రివర్స్. వీడియో గేమ్స్ పుణ్యమా అని ఇప్పుడు జనరేషన్ పిల్లలు సూర్యుడిని చూడడమే మానేశారు. అంతో ఇంతో ఎండ తగలాలి కదండీ మరి. కాలం మారింది అని అనుకోవాలి అంతే.

#5. ఒకప్పుడు టివి లు ఎలా ఉండేవో గుర్తుందా.. ఓ మినీ సైజు వాటర్ ట్యాంక్ లా చాలా లావు గా ఉండేవి. కానీ ఇప్పుడు సీన్ మారింది. మనం ఏమో లావు గా అయిపోతున్నాం. మన టివి లు మాత్రం చాలా స్మార్ట్ గా తయారవుతున్నాయి. ట్రెండ్ అంటే అంతే..ఎప్పుడెలా ఉంటుందో చెప్పలేం.

#6. ఒకప్పుడు ఇళ్లలో ఒక ల్యాండ్ లైన్ ఉంటేనే గొప్ప. ఆ ఉన్న ఒక్క ఫోన్ ఎప్పుడు మోగుతుందా.. అని కుటుంబం మొత్తం ఎదురు చూసేది. బంధాలను ల్యాండ్ లైన్ కలిపి ఉంచేది. అందరిని కలుసుకోవడానికి, గుర్తొచ్చినపుడు మాట్లాడుకోవడానికి ల్యాండ్ లైన్ ను  ఉపయోగించే వారు. కానీ, ఇపుడు పరిస్థితి మారింది. స్మార్ట్  ఫోన్ లు వచ్చాక ఎవరి ప్రాపంచం వారిదైపోయింది. ల్యాండ్ ఫోన్ లు కుటుంబాల్ని కలిపితే, స్మార్ట్ ఫోన్ లు మాత్రం కుటుంబాల్ని విడతీస్తున్నాయి.

#7. మనం న్యూస్ చదవడమే మర్చిపోయాం. ఫేస్ బుక్ ఓపెన్ చేస్తేనో, లేక పొతే రకరకాల న్యూస్ ఆప్ ల ద్వారా వచ్చే న్యూస్ నో చదవడమే తప్ప ఓ పేపర్ కొనుక్కుని తీరిగ్గా ఏ కాఫీ నో తాగుతూ చదివే అలవాటు గాని, తీరిక గాని ఇప్పటి జెనెరేషన్ కి లేనే లేవు.

#8. చిన్నప్పుడేమో మా అమ్మ, మా అమ్మ అని కొట్టుకున్న అన్న దమ్ములు పెద్ద అయ్యాక, ఆమె బరువు బాధ్యతలు మోయాల్సి వచ్చినపుడు మీ అమ్మ..మీ అమ్మ అంటూ వంతులు వేసుకుంటారు. చెప్పుకోవడానికి చాలా  కష్టం గా అనిపిస్తున్నా.. ఇది పచ్చి నిజం.

#9. ఒకప్పుడు మనుషులు వేసుకునే దుస్తులు చాలా నిండుగా శరీరాన్ని కప్పుతూ ఉండేవి.. ప్రస్తుతం పూర్తి స్థాయి లో కాకపోయినా, దుస్తుల వ్యవహారం లో కొంత హుందాతనం తగ్గినట్లే కనిపిస్తోంది.

#10. ఒకప్పుడు ఎవరైనా ప్రమాదం లో పడితే, ముందు చుట్టూ ఉన్నవాళ్ళని పిలవడం, చేతనైనంత వరకు సాయం చేయడానికి ప్రయత్నించేవాళ్ళు.. కానీ, ఇప్పుడు..? వీడియో లు తీసుకుంటూ కూర్చుంటున్నారు. ఎంత మెటీరియలిస్టిక్ అయిపోయాయో కదా మన బతుకులు.

.

రోడ్డు మీద బండి నడిపేటప్పుడు ప్రతిక్షణం అప్రమత్తం గానే ఉండాలి. ఏ నిమిషం ఏమరుపాటు గా ఉన్నా ప్రమాదాలను కొని తెచ్చుకున్నట్లు అవుతుంది. ఈ విషయం పై ట్రాఫిక్ నిబంధనలను కచ్చితం గా పాటించాలి అంటూ పోలీసులు నిత్యం హెచ్చరిస్తూనే ఉంటారు. ఈ ప్రచారం లో సైబరాబాద్ పోలీసులు ఓ అడుగు ముందే వున్నారు. వీరి సోషల్ మీడియా విభాగం చాలా ఆక్టివ్ గా ఉంటుంది. నిత్యం హెచ్చరికలతో అందరిని ఆకర్షించే విధంగా ట్వీట్లు చేస్తూ ఉంటుంది.

బండిపై వెళ్తున్నపుడు హెల్మెట్ ను తలకు పెట్టుకోకుండా బండి పైనే పెట్టుకుని పోలీసులు కనిపిస్తే అప్పుడు పెట్టుకుంటుంటాం. అలాంటి వారి కోసమే ఈ హెచ్చరిక. “హెల్మెట్ తాయత్తులా బండికి కడితే లాభం ఉండదు. హెల్మెట్ పెట్టుకోండి. సురక్షితంగా ఉండండి.”అంటూ హెచ్చరించారు.

హెల్మెట్ తాయత్తులా బండికి కడితే లాభం ఉండదు.
హెల్మెట్ పెట్టుకోండి. సురక్షితంగా ఉండండి.#RoadSafety #safetyfirst pic.twitter.com/cPMrp5Xh9q

— CYBERABAD TRAFFIC POLICE (@CYBTRAFFIC) January 16, 2021

ఓ పక్క జాగ్రత్తలు చెబుతూ, మరో వైపు నష్టాలు ఎలా వస్తాయో వివరించేలా వీరు ప్రకటనలు చేస్తూ ఉంటారు. తాగి బండి నడపడం నేరం. అలానే, ట్రాఫిక్ రూల్స్ పాటించకపోవడం కూడా నేరమే. ఇలాంటి వాటిని రోడ్డు పై గమనించి ట్రాఫిక్ పోలీసులు ఫైన్ లు వేస్తూ ఉంటారు. అయితే, ఇవి మాములుగా చెప్తే ఎవరు వినరు. అందుకే సైబరాబాద్ పోలీసులు డిఫరెంట్ గా వాట్సాప్ స్క్రీన్ షాట్ లను షేర్ చేస్తూ ప్రచారం చేస్తున్నారు. మచ్చుకు కొన్ని ఉదాహరణలను మీరు ఇక్కడ చూడండి.

ఉద్దేశపూర్వకంగా నంబర్ ప్లేట్ దాచడం నేరం. ఇందుకు వారిపై క్రిమినల్ కేసు నమోదు చేయబడును. pic.twitter.com/igWk1rFH8L

— CYBERABAD TRAFFIC POLICE (@CYBTRAFFIC) January 17, 2021

ప్రమాదం అని తెలిసి అజాగ్రత్తగా ప్రయాణించకండి.
ద్విచక్ర వాహనంపై ఒకరికి లేదా ఇద్దరికి మాత్రమే అనుమతి.

ద్విచక్ర వాహనంపై ప్రయాణించే ఇద్దరు కూడా తప్పనిసరిగా హెల్మెట్ పెట్టుకోవాలి#RoadSafety #safetyfirst pic.twitter.com/p3NvchB0Cl

— CYBERABAD TRAFFIC POLICE (@CYBTRAFFIC) January 18, 2021

అలాగే బండి నడుపుతున్నప్పుడు, మనం వేసే వేషాలను కూడా సైబరాబాద్ పోలీసులు గమనిస్తున్నారండోయ్.. దానికి ఈ ట్వీట్ఒక ఉదాహరణ. “చలానాలు తప్పించుకునేందుకు చేసే ప్రతి పని మీకు ప్రమాదకరంగా, ప్రతికూలంగా మారుతుంది.” అని జాగ్రత్తలు చెబుతున్నారు.

చలానాలు తప్పించుకునేందుకు చేసే ప్రతి పని మీకు ప్రమాదకరంగా, ప్రతికూలంగా మారుతుంది.#RoadSafety #RoadSafetyCyberabad #RoadSafetyMonth pic.twitter.com/WzqDWfm1oD

— CYBERABAD TRAFFIC POLICE (@CYBTRAFFIC) January 20, 2021

అలాగే, బండి కి వెనకాల కూర్చున్న వారు కూడా విధిగా హెల్మెట్ ధరించాలని సైబరాబాద్ పోలీసులు హెచ్చరిస్తూ మరో స్క్రీన్ షాట్ ను పోస్ట్ చేసారు. “పార్టీ ఇవ్వడమే కాదు పార్టీకి వచ్చిన వారు క్షేమంగా ఇంటికి చేర్చే భాద్యత కూడా మీరే తీసుకోవాలి.. మద్యం సేవించి బండి నడపడం నేరం, ప్రమాదం. ” అని ట్విట్టర్ లో తెలిపారు.

పార్టీ ఇవ్వడమే కాదు పార్టీకి వచ్చిన వారు క్షేమంగా ఇంటికి చేర్చే భాద్యత కూడా మీరే తీసుకోవాలి..

మద్యం సేవించి బండి నడపడం నేరం, ప్రమాదం. pic.twitter.com/MdRDBnAais

— CYBERABAD TRAFFIC POLICE (@CYBTRAFFIC) January 22, 2021

పిల్లలకు బండి ఇస్తున్న తండ్రులకు కనువిప్పు కలిగించేలా ఓ స్క్రీన్ షాట్ ను షేర్ చేసారు. “క్యాప్ లాంటి, నాసిరకం హెల్మెట్లు వాడకండి. నాణ్యమైన ఐఎస్ఐ హెల్మెట్లు మాత్రమే కొనండి. సురక్షితంగా ఉండండి. పిలియన్ రైడర్ కి కూడా నాణ్యమైన హెల్మెట్లనే కొనండి.” అంటూ హెచ్చరిస్తున్నారు.

క్యాప్ లాంటి, నాసిరకం హెల్మెట్లు వాడకండి. నాణ్యమైన ISI హెల్మెట్లు మాత్రమే కొనండి. సురక్షితంగా ఉండండి. పిలియన్ రైడర్ కి కూడా నాణ్యమైన హెల్మెట్లనే కొనండి.#RoadSafetyMonth #RoadSafetyCyberabad #RoadSafety #SadakSurakshaJeevanRaksha pic.twitter.com/JVDXXcDyrM

— CYBERABAD TRAFFIC POLICE (@CYBTRAFFIC) January 23, 2021

అలాగే మరొక స్క్రీన్ షాట్.. “మీ పిల్లలు బండి నడిపే ప్రవర్తనపై నిఘా పెట్టండి.. వారు తరచూ ఉల్లంఘనలకు పాల్పడుతుంటే వారికి బండి ఇవ్వొద్దు..” అని రిక్వెస్ట్ చేస్తూ ఓ తండ్రి కొడుకుల మధ్య సంభాషణను సైబరాబాద్ పోలీస్ విభాగం ట్విట్టర్ ఖాతా లో పోస్ట్ చేసింది. ఆ స్క్రీన్ షాట్ ను మీరు ఈ కింద చూడొచ్చు.

మీ పిల్లలు బండి నడిపే ప్రవర్తనపై నిఘా పెట్టండి. వారు తరచూ ఉల్లంఘనలు చేస్తూ ఉంటే వారికి బండి ఇవ్వకండి.

మీ బండి పై పడే చలానాలు ఈ క్రింది లింక్ ద్వారా తెలుసుకోండి. https://t.co/qZW34WI1wk pic.twitter.com/Adee3dr3Uk

— CYBERABAD TRAFFIC POLICE (@CYBTRAFFIC) January 21, 2021

సాధారణంగా చాలా మంది నంబర్స్ విషయంలో చాలా జాగ్రత్తలు తీసుకుంటారు. వాళ్ళ వహనాలకి, ఇళ్ళకి ఉండే నంబర్లు ఇవే ఉండాలి అని కొంత మంది అనుకుంటారు. నంబర్లకు చాలా ప్రాముఖ్యత ఇస్తారు.  ఆఫ్ఘనిస్థాన్ లో ఒక నంబర్ మాత్రం ఎక్కడా కనిపించకూడదు అనుకుంటారు. ఆఫ్ఘనిస్తాన్ లో 39 నంబర్ ఎక్కడా ఉండకుండా చూసుకుంటారు.

ఇంటి నెంబర్ లో కానీ, ఫోన్ నెంబర్ లో కానీ, వెహికల్ నంబర్ లో కానీ 39 డిజిట్స్ పక్క పక్కన ఉన్నట్టు కనిపిస్తే నంబర్ లో మార్పులు చేస్తారు. అందుకు కారణం ఏంటంటే. హెరాత్ లోని ఒక ప్రదేశంలో ఉండే వ్యభిచార వృత్తి నిర్వహించే ఒకతని కార్ నెంబర్, అపార్ట్మెంట్ నెంబర్ 39. అతను 39 నెంబర్ ద్వారా పిలవబడే వాడు.

అందుకే ఆ సంఖ్యని అక్కడి ప్రజలు అస్సలు ఇష్టపడరు. ఒకవేళ ఎవరికైనా వెహికల్ నెంబర్ లో 39 అనే నంబర్ ఉన్నప్పుడు ఆ నంబర్ మార్చడానికి 200 డాలర్ల నుండి 300 డాలర్ల వరకు తీసుకునే వారు అనే ఒక పుకారు కూడా ఉంది. ఒకవేళ ఆ నెంబర్ ఉన్న నంబర్ ప్లేట్ తో ఏదైనా వెహికల్ కనిపిస్తే ఆ వెహికల్ అతనికి (39) చెందిందే అని అనుకుంటారట.

అందుకే అక్కడి ప్రజలు అందరూ వారి వాహనాల నెంబర్ ప్లేట్ లపై 39 నెంబర్ రాకుండా చూసుకుంటారు ఒకవేళ వచ్చినా కూడా నంబర్ మార్పించడం, లేదా ఏదైనా షీట్ తో ఆ నెంబర్ కనిపించకుండా కవర్ చేయడం చేస్తూ ఉంటారు. ఒక్క వెహికల్ నెంబర్ మాత్రమే కాదు. ఫోన్ నెంబర్ లో కూడా 39 నెంబర్ ఉంటే వారికి చెందిన వారు అని అనుకుని ఫోన్ చేస్తారట. అలాంటప్పుడు కాలర్ ఐడీ హైడ్ చేయడం లేదా నెంబర్ మార్చుకోవడం చేస్తూ ఉంటారట.