Off Beat

ఏ పని లేకున్నా బండి తీసుకుని రయ్యి మంటూ రోడ్డెక్కుతున్నారా? కుదురుగా ఇంట్లో కూర్చోండి అంటే బండి తీసుకుని రోడ్లన్ని చక్కర్లు కొడుతున్నారా??  పోలీసులు ఆపితే ఫలానా పని మీద వచ్చాం అంటూ అబద్దాలు చెప్తున్నారా?? ఇకపై మీ పప్పులు ఉడకవు..పోలీసులు మీ ప్రాణాల కోసం ఇప్పటివరకు ఓపికగా లాక్ డౌన్ పాటించమని చెప్పారు, కొన్ని చోట్ల సహనం కోల్పోయి లాఠీలకు పనిచెప్పారు..ఇకపై అదేం ఉండదు…సరాసరి స్టేషన్ కే..

ఇన్ని రోజులు పిల్లలు పాలకూర అడిగారన్నా? పెళ్లాం ఆశీర్వాద్ ఆటా అడిగిందని అబద్దాలు చెప్పినా చెల్లింది..నవ్వి ఊరుకున్నారు, కాని ఇకపై లాక్ డౌన్ నిబందనలు ఉల్లంఘించడానికి వీల్లేకుండా పగడ్బందీ ప్లాన్ వేసింది తెలంగాణా సర్కార్. మేం తిరిగితే వారికెలా తెలుస్తుంది అనుకుంటున్నారా? అందుకోసమే ప్రత్యేకంగా ఒక యాప్ క్రియేట్ చేసారు. లాక్ డౌన్ నిబంధనలని పాటించని వాళ్లని వదిలిపెట్టకూడదని డిసైడ్ అయింది డిపార్ట్మెంట్. అందులో భాగంగానే ఒక ప్రత్యేక యాప్ ని తయారు చేయించింది. ఈ యాప్ సహాయంతో ఇకపై3 కిలోమీటర్లు కంటే ఎక్కవ ప్రయాణిస్తేకేసులు బుక్ చేయనున్నారు. ఈ యాప్ నేమ్ “ఆటేమేటిక్ పర్సన్ ఐడెంటిఫికేషన్ యాప్”.క్షేత్రస్థాయిలో పనిచేస్తున్న అందరి ఫోన్లు, ట్యాబ్ లలో సేవ్ చేశారు.

ఇకపై మీరు బండి తీసుకుని రోడ్డెక్కగానే అక్కడికి దగ్గరలో పోలీసులు మీ వివరాలు, ఫోన్ నెంబర్, తదితర సమాచారాన్ని నమోదు చేస్కుంటారు. కొంతదూరం వెళ్లాక అక్కడ తనిఖీలు చేస్తున్న పోలీసులు పేరు, వాహనం నెంబర్ వంటివి నమోదు చేస్తారు. GPS ద్వారా పనిచేసే ఈ యాప్ మీరు ఎంతదూరం ప్రయాణించాడో లెక్కకడుతుంది. దీనిని బట్టి మీరు 3 కి.మీటర్లు దూరాన్ని మించి ప్రయాణించినట్టు తెలిస్తే నిబంధనలు ఉల్లంఘించినట్టే. అదే విషయం తేలితే మీపై కేసు బుక్ చేస్తారు.మీ వెహికిల్ వాహనాన్ని సీజ్ చేస్తారు . ఆల్రెడీ అమలు చేసేశారు… సో ఇకపై బండి తీసేముందు ఆలోచించి తీయండి..

ఇన్ని రోజులు ప్రాణాలు..ఇప్పుడు బండ్లు కూడా.. తస్మాత్ జాగ్రత్త..లాక్ డౌన్ పాటిస్తున్నప్పటికి కేసులు పెరుగుతూనే ఉన్నాయి ఇప్పటికి దేశంలో ఆరువేలకు పైగా కేసులు నమొదయ్యాయి..మన రాష్ట్రంలో 471 కేసులు..ఈ లెక్క ఇలాగే పెరుగుతూ పోతే థర్డ్ స్టేజ్ లోకి వెళ్లడానికి ఎంతో సమయం పట్టదు..కాబట్టి ఆ పరిస్థితి రాకుండా ఉండడానికే ప్రభుత్వం పకడ్బందీగా ప్లాన్స్ అమలు చేస్తుంది..మన పని ప్రభుత్వం చెప్పినట్టు వినడమే..కాబట్టి చెప్పిన మాట వినండి ప్రాణాలు రక్షించుకోండి.

“హైడ్రాక్సి క్లోరోక్విన్” ప్రస్తుతం ప్రపంచం మొత్తం దీనిగురించే చర్చించుకుంటోంది. నిన్న మొన్నటి వరకు కరోనాకి ఒక నిర్ధిష్టమైన మందు అంటూ ఏది లేదు, దేశాలన్ని అనేక రకాల మందులని వాడారు, కాని వాటన్నింటిలోకి హైడ్రాక్సి క్లోరోక్విన్ అనే మందు ఉపయోగపడుతుందని అమెరికా శాస్త్రవేత్తలు కనుగొన్నారు. అగ్రరాజ్యం అమెరికాతో సహా ప్రపంచదేశాలన్ని ఇప్పుడు ఇండియావైపు దృష్టి సారించాయి.  అంత పెద్ద దేశం ఎందుకు ఈ మందుని ప్రోడ్యూస్ చేస్కోలేకపోయింది?మన దేశానికి ఎందుకు ఇంత ప్రాధాన్యత.. చదవండి.

కరోనా ఎఫెక్ట్ తో ప్రపంచం మొత్తం స్తంబించిన విషయం తెలిసిందే,ఇప్పుడున్న అవసరాల రిత్యా ఔషదాలపై ఎగుమతిని కూడా నిశేదించారు. అమెరికాలో రోజు రోజుకి కేసులు పెరిగిపోతున్నాయి, మందు నిల్వలు సరిపడా లేవు. దాంతో ఆ నిషేదాన్ని ఎత్తివేసి తమకు మందు పంపించాల్సిందిగా ముందు ట్రంప్ ఇండియాని రిక్వెస్ట్ చేశారు. మా దేశానికి సరిపడా మందులని నిల్వ ఉంచుకున్నాక పంపిస్తామని మోడీ సమాధానం ఇవ్వడంతో, మందు పంపిచకపోతే ప్రతికారం తీర్చుుకంటామని బెదిరించారు..దీనిపై సోషల్ మీడియాలో భారి వ్యతిరేకత వచ్చింది. ఇప్పుడు అవసరం నీది రిక్వెస్ట్ చేయాలి కాని బెదిరించకూడదు అని..అంతేకదా. సరే మెడిసిన్ పంపిస్తామని మొడీ యాక్సెప్ట్ చేశారు.

ఇప్పుడు అందరికి వస్తున్న ప్రశ్న ఏంటంటే మన దేశంపై ఎందుకు ప్రపంచదేశాలు ఆధారపడుతున్నాయి. ఎందుకంటే ఇతర్ దేశాలకు మెడిసిన్ ఎక్స్పోర్ట్ చేసే దేశాలలో భారతదేశం కూడా ఒకటి. ఏటా ఇరవై కోట్లకు పైగా  హైడ్రాక్సిక్లోరోక్విన్ టాబ్లెట్లను మన దేశం ఇతర దేశాలకు ఎగుమతి చేస్తుంది. మన దేశంలో ఉన్న అధిక జనాభా దృష్ట్యా భారతదేశం ఇప్పుడు ఆ మందులని నిల్వ ఉంచింది. అయితే ఈ మెడిసిన్ కరోనాని తగ్గించే ఒక మెడిసిన్ గా గుర్తించారు తప్ప, కరోనాకి వ్యాక్సిన్ గా మాత్రం ప్రకటించలేదు..దీన్ని కేవలం కరోనా బారిన పడిన వారికి,వారి కుటుంబ సభ్యులకి మాత్రమే ఇవ్వాల్సిందిగా వైధ్యాదికారులు ప్రకటించారు.

ఇప్పుడు ప్రత్యక్షంగా మన దేశంపై ఆధారపడుతున్న అమెరికా, పరోక్షంగా చైనాపై ఆధారపడుతోంది . ఏ విధంగా అంటే మన దేశంలో ఔషదాల తయారికి కావలసిన ముడి పదార్దాలు దిగుమతి అయ్యేది చైనా నుండే. కాబట్టి ఇప్పుడు ట్రంప్ రెండు దేశాలపై ఆధారపడినట్టే. హైడ్రాక్సి క్లోరోక్విన్ కి పెరిగిని డిమాండ్ దృష్ట్యా ఈ మందుని పెద్ద మొత్తంలో తయారు చేయాలని భారత ప్రభుత్వం ఇప్పటికే ఫార్మా కంపెనిలను ఆదేశించింది. ఔషద ఎగుమతులపై నిషేదం ఎత్తివేసిన తర్వాత కేవలం అమెరికాకి మాత్రమే కాకుండా మరో ముప్పై దేశాలకి ఈ మందుని ఎగుమతి చేస్తామని ప్రకటించింది.

కరోనా వైరస్ వ్యాప్తి చెందకుండా ముందస్తు జాగ్రత్తగా లాక్డౌన్ ప్రకటించడంతో వైరస్ వ్యాప్తిని అడ్డుకున్న భారత ప్రభుత్వాన్ని ఇప్పటికే WHO ప్రశంసించింది. అంతేకాదు భారత ప్రజలు ఈ వైరస్ పై ఖచ్చితంగా విజయం సాధించగలరని ప్రకటించింది. ఇప్పుడు ప్రపంచ దేశాలకి ఈ మందుని మన దేశమే ఎగుమతి చేసే అవకాశం రావడం సువర్ణావకాశమనే చెప్పాలి. ప్రపంచ దేశాలతో ద్వైపాక్షిక సంబంధాలు మెరుగు పర్చుకోవడానికి ఇది దోహదపడుతుంది. కాని ఫార్మా కంపెనిలపై , కంపెని ఉద్యోగులపై ఇప్పుడు ఒత్తిడి పెరుగుతుంది..డిమాండ్ కి తగ్గట్టుగా మెడిసిన్ ఉత్పత్తి చేయడానికి పని భారాన్ని మోయాల్సి ఉంటుంది.

ప్రపంచమంతటిని కరోనా వైరస్ వణికిస్తుంది ..కాగా భారతదేశ వ్యాప్తంగా కరోనా వైరస్ రోజురోజుకి విజృంభిస్తుంది .ప్రతి రోజు కరోనా మరణాల సంఖ్య ,వ్యాధి బారిన పడుతున్నవారు మరియు అనుమానితుల సంఖ్య పెరుగుతూ పోతుంది . ఇలాంటి  పరిస్థితుల్లో కరోనా పేషెంట్లకు చికిత్స అందిస్తూ ,క్వారంటైన్ లో ఉన్న వారిపై నిఘా పెట్టడం ప్రభుత్వాలకు పెద్ద ఛాలెంజ్ గా మారింది .క్వారంటైన్ లో ఉన్న వారు బయటకు వస్తే ఈ వ్యాధి మరింతగా విస్తరిస్తుంది కాగా ఆంధ్ర తెలంగాణ ప్రభుత్వాలు ఈ క్వారంటైన్ లో నిఘా ఎలా పెడుతున్నాయి అనే విషయం చాల ఆశక్తికరంగా మారింది ..ఇక వివరాలలోకి వెళ్తే…

క్వారంటైన్ లో ఉన్న వారిని టెక్నాలజీ సహాయంతో పర్యవేక్షిస్తూ ఈ  విధంగా నిఘా పెట్టాయట కొన్ని రాష్ట్ర ప్రభుత్వాలు. వారి ఫోన్ నెంబర్ ద్వారా ట్రాక్ చేస్తుండగా , మరి కొన్ని రాష్ట్రాలు వారిని ప్రతి గంటకు సెల్ఫీ పంపాలని ఆదేశిస్తున్నాయి అంట . ఈ రెండు కుదరని పక్షంలో దగ్గరలోని పోలీసులు కానీ , ఆరోగ్య సేవ కార్యకర్తలు కానీ వారి ఇళ్లకు వెళ్లి పరిశీలించమని చెప్తున్నారు . అయితే టెక్నాలజీతో ఎలా ట్రాక్ చేస్తున్నారు? ఇంత మందిని ఇలా ట్రాక్ చేస్తున్నారు? ఒకవేళ ఎవరైనా క్వారంటైన్ ఉల్లంఘిస్తే వారిపై ఎలాంటి చర్యలు తీసుకుంటున్నారు? అనే వివరాల్లోకి వెళితే..

తెలంగాణలో 25వేల మంది హోమ్ క్వారంటైన్‌లో ఉన్నారు. వారందిరినీ జియో లొకేషన్… అంటే వారి ఫోన్ నుంచి వచ్చే సిగ్నల్‌ని కోవిడ్ 19 యాప్‌ ద్వారా ట్రాక్ చేస్తున్నట్టు మంత్రి ఈటల రాజేందర్ తెలిపారు. కాగా ఆంధ్రప్రదేశ్ ప్రభుత్వం కూడా ఆరోగ్య అనే ఒక సరికొత్త యాప్ సహాయంతో క్వారంటైన్ లో ఉన్న వారి వివరాలు ఎప్పటికప్పుడు పరిశీలుస్తునట్లు అధికారులు తెలిపారు . విదేశాల నుండి వచ్చిన వారిపై మరియు ఢిల్లీ జమాత్ సభలకు వెళ్లి వచ్చినవారిని ఎప్పటికప్పుడు పర్యవేక్షిస్తూ ఏదైనా అనుమానం వచ్చినపుడు ఉన్నతాధికారులకు తెలియచేస్తూ    గ్రామ వాలంటీర్లు ,ఆశ వర్కర్లు కీలక పాత్ర వహిస్తున్నారు .అయితే కొంతమంది దొరక్కుండా తప్పించుకుని తిరిగే ప్రయత్నం చేశారు.

అలాంటి వారి వివరాలు తీసుకుని వారి మొబైల్ ఫోన్‌ని జియో ట్యాగ్ చేసి వారి కదలికల్ని గమనిస్తూ ఉన్నాం. క్వారంటైన్‌లో ఉన్న వారికి పాజిటివ్ అని తేలిన కేసులో వారి మొబైల్ కాల్ రికార్డ్స్ ట్రాక్ చేసి వారికి కాంటాక్ట్‌లోకి వచ్చిన వారిని ట్రేస్ చేశాం” అని ఏపీ సీఎం కార్యాలయానికి చెందిన ఒక ఉన్నతాధికారి తెలిపారు.అయితే ఈ ఆపరేషన్ అంతా కూడా కమాండ్ కంట్రోల్ రూమ్ వారి వీక్షణలో జరుగుతున్నట్లుగా అధికారులు తెలిపారు.

జియో ట్యాగింగ్ పలు పద్ధతుల్లో చేయవచ్చు. లొకేషన్ మాత్రమే సేకరించటం జరుగుతుంది. ఉదాహరణకు హోమ్ క్వారంటైన్‌లో ఉండే వారి ఫోన్‌లో ఒక మొబైల్ అప్లికేషన్ ఇన్ స్టాల్ చేసి, ప్రభుత్వ సర్వర్‌కి ఎప్పటికప్పుడు అతని లొకేషన్ కోఆర్డినెట్స్ పంపుతుంది.కాగా ప్రభుత్వం ఒక నిర్ణిత దూరాన్ని ముందుగా నిర్దేశిస్తుంది ఒకవేళ ఆ దూరాన్ని దాటినట్లయితే అలెర్ట్ వస్తుంది. కానీ ఇందులో రెండు షరతులు ఉన్నాయి.మొబైల్ లో ఫోన్ సెట్టింగ్ ఆన్ చేసి ఉండాలి మరియు ఫోన్ వ్యక్తి దగ్గర ఉండాలి .ఇలా కానీ సమయంలో ట్రాక్ చేయడం సాధ్యపడదు .

ఇప్పటికే కర్ణాటక ప్రభుత్వం  గంటకి ఒకసారి క్వారంటైన్‌లో  ఉన్నవారిని   సెల్ఫీ దిగి  యాప్ లో పంపాలని నిర్దేశించింది ..దీంతో వారు ఇంట్లోఉన్నారా  లేదా బయట ఉన్నారా  అని ఆ సెల్ఫీ దిగిన లొకేషన్ ట్రాక్ చేయడం వలన తెలుస్తుంది . కేంద్ర ప్రభుత్వం కూడా గురువారం ఆరోగ్య సేతు అనే యాప్ ను విడుదల చేసింది . ఈ యాప్ బ్లూటూత్ టెక్నాలజీ, ఆర్టిఫిషియల్ ఇంటెలిజెన్స్ ద్వారా ట్రాక్ చేసేందుకు, అలాగే సమాచారం అందించేందుకు కూడా ఉపయోగపడుతుందని కేంద్ర ప్రభుత్వం తెలిపింది.