Off Beat

కాలర్ ట్యూన్ పోయి కరోనా ట్యూన్ వచ్చింది. ప్రస్తుతం ఎవరికీ ఫోన్ చేసిన ఫస్ట్ ఒకరు దగ్గుతారు ఆ తర్వాత కరోనా సోకకుండా తీసుకోవాల్సిన జాగ్రత్తలు చెప్తారు. సరే ఒకసారి చెప్పారంటే బాగానే ఉంటుంది. కాల్ చేసిన ప్రతిసారి అదే రావడంతో ఫోన్ చేయాలంటే విసుగు వస్తుంది చాలా మందికి. కాబట్టి అది స్కిప్ చేసి డైరెక్ట్ రింగ్ అవ్వాలి అంటే ఏం చేయాలో తెలుసా.? మీరే చూడండి.

ఫోన్ డయల్ చేసిన తర్వాత కరోనా ప్రికాషన్ స్టార్ట్ అవ్వగానే వెంటనే “1” డయల్ చేయండి. అప్పుడు డైరెక్ట్ కాల్ కనెక్ట్ అవుతుంది. ఈ ట్రిక్ కొన్ని నెట్వర్క్స్ లో పని చెయ్యట్లేదు. మీకు వర్కౌట్ అవుతుందో లేదో ట్రై చేయండి.

image source: 1

భారత్ లో ఇప్పటివరకు కరోనా వైరస్ సోకిన వారి సంఖ్య 28కి చేరింది. అయితే గడిచిన మూడు రోజుల్లోనే 25కేసులు నమోదవడం గమనార్హం . వైరస్ సోకినవారిలో 16మంది ఇటలీ టూరిస్టులే. ఇప్పటివరకు ప్రపంచవ్యాప్తంగా కరోనా సోకిన వాళ్ల సంఖ్య 90వేల 893కు చేరింది , ఇందులో చైనాలోనే 80 వేల మందికి పైగా హాస్పటల్స్ లో ట్రీట్మెంట్ పొందుతున్నారు. ఇప్పటివరకు మరణించిన వారి సంఖ్య 3వేల 110 మంది. 20కిపైగా దేశాల్లో ఇప్పుడు కరోనా వైరస్ సోకినట్లు సమాచారం. కేరళలో వైరస్ సోకిన 20ఏళ్ల మెడికల్ స్టూడెంట్ సహా ముగ్గురూ కోలుకున్నారు.

భారత్ లో మొదటి కరోనా కేసు చైనా నుండి వచ్చిన మెడికల్ విద్యార్దినిదే అనే విషయం తెలిసిందే . ఇప్పడు తను పూర్తిగా కోలుకుంది. ఐసోలేషన్ వార్డులో ఉన్నప్పుడు తన అనుభవాలు,అసలు తనకు ఎప్పుడు కరోనా పాజిటివ్ అని తేలింది,తాను ఏ విధంగా వైరస్ తో ఫైట్ చేసింది అన్న విషయాలను మీడియాతో ఆ యువతి పంచుకున్నారు. తన మాటల్లోనే చదవండి.

“జనవరి-13,2020న నాలుగు వారాల వెకేషన్ కోసం వూహాన్ యూనివర్శిటీ మూసివేయబడింది. ఆ సమయంలో ఈ కరోనా వైరస్ ను గుర్తించలేదు. చాలా మంది రోడ్లపై తిరుగుతున్నారు. అంతా మామూలుగానే అనిపించింది. జనవరి-17,2020 నాటికి వీధుల్లో ప్రజలు మాస్క్ లతో తిరుగుతున్నారు. నాలుగురోజుల్లోనే పరిస్థితి దారుణంగా మారిపోయింది. మా సెలవులు కేవలం నాలుగు వారాలు మాత్రమే ఉన్నాయి. జూన్ లో మాకు లాంగర్ హాలిడేస్ ఉంటాయి. ఫ్లైట్ టిక్కెట్లు వంటివన్నీ దృష్టిలో పెట్టుకుని జూన్ లోనే ఇంటికి వెళ్ళాలనుకున్నాను. అయితే వూహాన్ లో పరిస్థితి మరింత దారుణంగా మారడంతో జనవరి-23న ప్రయాణం చేసేందుకు టిక్కెట్లు బుక్ చేసుకున్నాం. విమాన సేవలు అప్పటికే పరిమితం చేయబడినందున మేము కన్నింగ్ నుండి కోల్‌కతాకు బయలుదేరాల్సి వచ్చింది.

విమానాశ్రయాలు మూసివేయబడతాయని జనవరి 22 న మా సీనియర్లు చెప్పారు. కన్నింగ్‌కు కనెక్ట్ చేసే ఫ్లైట్ కోసం మేము వెంటనే ఎయిర్పోర్ట్ కి వెళ్లినప్పటికి, విమానం ఆలస్యం అని తెలియడంతో  మేము ట్రైన్లో  కన్నింగ్ కు వెళ్లాం. అయితే చైనాలో ప్రతి చోటా చెకింగ్ ను ఎదుర్కొన్నాం. యూనివర్శిటీ నుంచి బయటికి వెళ్లేటప్పుడు మా బాడీ టెంపరేచర్ చూశారు. అదే విధంగా ఎయిర్ పోర్ట్ లలో,రైల్వే స్టేషన్లలో బాడీ టెంపరేచర్ చూశారు. తర్వాతే మమల్ని వెళ్లనిచ్చారు. నాతో పాటు 20మంది విద్యార్థులం కలిసి  జనవరి-23న కేరళ చేరుకున్నాం. అక్కడి నుంచి కొంతమంది కేరళకు వెళ్లాం. భారత్ కు వచ్చిన తర్వాత దగ్గర్లోని హెల్త్ అధికారులతో టచ్ లో ఉండమని ఇండియన్ ఎంబసీ నుంచి గ్రూప్ లో నాకు ఓ మెసేజ్ వచ్చింది.

జనవరి-25న నేను వచ్చినట్లు మాకు దగ్గర్లోని హెల్త్ సెంటర్ కు సమాచారమందించాను . నన్ను తనిఖీ చేస్తున్న అధికారుల నుండి నాకు రోజూ కాల్స్ వచ్చేవి. అంతా నార్మల్ గానే ఉంది అనుకున్నాను .కానీ జనవరి 27 నాటికి, నా గొంతులో దురద ఏర్పడింది. నేను వెంటనే వారికి సమాచారం ఇచ్చాను. వారు అంబులెన్స్ పంపించి నన్ను జనరల్ హాస్పటల్ కి తీసుకువెళ్లారు.అప్పుడు మా మదర్ నాతో పాటుఉన్నారు. హాస్పిటల్ కు తీసుకెళ్లిన తర్వాత నన్ను ఐసొలేషన్ వార్డులో ఉం చారు. నాతో పాటు కేరళకు వచ్చిన మిగిలిన నలుగురి శాంపిల్స్ కూడా టెస్ట్ లకు పంపించారు. నావి తప్ప మిగిలిన వాళ్లకు కరోనా సోకలేదని తేలింది. అయితే ఆ విషయం అప్పుడు నాకు ఎవరూ చెప్పలేదు.

జనవరి-30న వచ్చిన రిపోర్ట్ లలో నాకు వైరస్ ఉన్నట్లు తేలింది. వెంటనే డాక్టర్లు,నర్సుల బృందం నా దగ్గరికి వచ్చారు. చాలా సేపు నన్ను ఎన్నో ప్రశ్నలు అడిగారు. అన్ని వైద్య సంరక్షణల తరువాత, తరువాతి పరీక్షలలో ఒకదానిలో నెగిటివ్ వచ్చినప్పుడు నాకు ఎలాంటి సమాచారం చెప్పలేదు . వరుసగా రెండవ పరీక్ష ఫలితం తర్వాత నేను కోరోనా వైరస్ నుంచి కోలుకున్నాను. టెస్ట్ లలో నెగిటివ్ వచ్చిందని మాత్రమే నాకు చెప్పారు . ఫిబ్రవరి-20న తనను డిశ్చార్జ్ చేశారు, అయినప్పటికి 14రోజుల పాటు ఇంటినుంచి బయటకు రాకూడదని డాక్టర్లు స్ట్రిక్ట్ గా చెప్పారు .

అధికారులు మాకు ప్రయాణం చేయవచ్చని చెప్తేనే వూహాన్ తిరిగి వెళ్తాం, మా క్లాస్ లో మొత్తం 65మంది విద్యార్థులు అందులో 45మంది ఇండియన్స్మే ,ప్రస్తుతం మేమందరం ఆన్ లైన్ ద్వారా క్లాస్ లకు అటెండ్ అవుతున్నాం. సుమారు 39రోజుల పాటు ఐసోలేషన్(ఒంటరిగా) లో ఉండడం మామూలు విషయంకాదు. కానీ కౌన్సిలర్స్ తనను క్రమం తప్పకుండా పిలిచి,తన మానసిక ఆరోగ్యం పట్ల శ్రద్ధ వహిస్తున్నారు. తనకు కరోనా పాజిటివ్ అని తేలినప్పుడు , నాతో సహా ప్రయాణించిన స్నేహితులందరికీ ఫోన్ చేశాను,  వారిని కూడా హెల్త్ టెస్టులు చేయించుకోమని, డాక్టర్స్ తో టచ్ లో ఉండమని చెప్పాను.

వైరస్ తో హాస్పిటల్ కు వెళ్లినప్పుడు డాక్టర్లు, అధికారులు తన దగ్గరకు వచ్చి అన్ని వివరాలు అడిగారు. ఎక్కిన ఫ్లైట్,సీటు నెంబర్, సహా ప్రయాణించిన వారందరి వివరాలు అడిగారు . వైరస్ తో పోరాడటానికి మానసికంగా నన్ను నేను సిధ్దం చేసుకున్నాను. చైనాలో వైరస్ నుండి కోలుకున్న వ్యక్తుల గురించి  విన్నాను. నేను శారీరకంగా బాగానే ఉన్నానని నాకు తెలుసు. కేరళ ఆరోగ్యమంతి కెకె శైలజా నా తల్లిని పిలిచి మాట్లాడారు , నా ఆరోగ్యం పట్ల భరోసా ఇచ్చారు” అంటూ ఒక ఇంగ్లీష్ ఛానెల్ కి ఇచ్చిన ఇంటర్వ్యూలో తన అనుభవాలు పంచుకుంది.

తెలుగు రాష్ట్రాల్లో ఇంటర్ పరీక్షలు ప్రారంభమయ్యాయి. మార్చ్ 4 న మొదటి సంవత్సరం వారికి, మార్చ్ 5 న రెండో సంవత్సరం వారికీ పరీక్షలు మొదలయ్యాయి. ఉదయం 9 గంటల నుంచి మధ్యాహ్నం 12గంటల వరకు పరీక్ష జరుగనుంది. నిమిషం ఆలస్యమైనా పరీక్షకు అనుమతించేది లేదని అధికారులు స్పష్టం చేయడంతో విద్యార్థులు ముందుగానే పరీక్షా కేంద్రాలకు చేరుకున్నారు. పరీక్షా కేంద్రాల్లో అధికారులు అన్ని ఏర్పాట్లు పూర్తి చేశారు. తెలంగాణ వ్యాప్తంగా 9.65 లక్షల మంది విద్యార్థులు పరీక్షరాయనున్నారు. అటు ఏపీలో 10.65 లక్షల మంది విద్యార్థులు పరీక్షకు హాజరుకానున్నారు. ఈ నెల 23 వరకు ఈ పరీక్షలు జరగనున్నాయి.

source

ఇది ఇలా ఉండగా…ఇంటర్ పరీక్షల ఫలితాల విషయంలో కిందటి సంవత్సరం ఎంతటి గందరగోళం జరిగిందో అందరికి తెలిసిందే. 90 శాతం మార్కులు వచ్చిన వారికి కూడా ఫెయిల్ అని వచ్చింది. అది ఫేక్ అని తెలియక ఎంతో మంది విద్యార్థులు మనస్తాపానికి గురయ్యారు. తల్లితండ్రులు పిల్లలపై కోప్పడ్డారు. కొంతమంది విద్యార్థులు తొందరపడి ఆత్మహత్యలు చేసుకొని ప్రాణాలు కోల్పోయారు. మరికొంతమంది అయితే పరీక్ష రాయగానే ఫెయిల్ అవుతానేమో అనే భయంతో ఆత్మహత్య చేసుకున్నారు. ఫలితాలు రాకముందే మీరే ఊహించుకొని భయపడి ఆత్మహత్య చేసుకున్నారు. అది అమాయకత్వమో లేక మూర్ఖత్వమో?

source

ఫలితాలు వచ్చాక ఫెయిల్ అయ్యారే అనుకోండి. ఏం నష్టం జరుగుతుంది అని? ఈ మాత్రం దానికి జీవితం అంతం చేసుకోవడం ఎందుకు? పిల్ల జమిందార్ సినిమాలో చెప్పినట్టు పాస్ అయితే ప్రపంచానికి నువ్వు తెలుస్తావు.. ఫెయిల్ అయితే నీకు ప్రపంచం అంటే ఏంటో తెలుసుతుంది? అందరికి చదువులో టాప్ రావడం సాధ్యం కాదు. ఫెయిల్ అయినంత మాత్రానా ఆత్మహత్య చేసుకోకండి. మరోసారి ప్రయత్నించండి పాస్ అవ్వడానికి. మీకు ఇష్టమైన కెరీర్ ఏంటో మీరే గుర్తించండి. దానివైపు మీ అడుగులు వేయండి. సక్సెస్ అంటే ఇంటర్ పాస్ అవ్వడం ఒక్కటే కాదు. బతకడానికి ఎన్నో దారులు ఉన్నాయి. దయచేసి మీ కన్న వాళ్ళ గురించి ఆలోచించండి. మీ మీద ఆశలు పెట్టుకున్న వారి ఆశలను ఆత్మహత్య చేసుకొని ఆశలను ఆవిరి చేయకండి.

source

ఈ క్రమంలో విద్యార్థులపై ఒత్తిడి పడకుండా ఉండేందుకు, ప్రతీ జూనియర్ కళాశాలలో మానసిక నిపుణులను అందుబాటులో ఉంచాలని ఇంటర్ బోర్డు కాలేజీలను ఆదేశించింది. ఈ ఏడాది టెక్నికల్ గా ఎలాంటి తప్పులు జరగకుండా ఉండేందుకు ముందుగానే సాఫ్ట్‌వేర్‌ను అన్ని విధాల పరీక్షించినట్టు అధికారులు చెబుతున్నారు. ఇక విద్యార్థులు కూడా ఒత్తిడికి గురవ్వకుండా ఏకాగ్రతతో చదివి ఉత్తీర్ణులు కావాలనేది అందరి ఆశ.

అబ్బబ్బా, ఏం స్కూలో ఏంటో? ఉదయాన్నే లేవాలి , రెడీ అవ్వాలి , బ్యాగ్ నిండా పుస్తకాలు మోసుకుంటూ పోవాలి . అదే ఎంచక్కా కాలేజ్ అయితే ఇవేవి ఉండవు . ఇంజనీరింగ్  అయితే ఇక కాలేజ్ లైఫంతా జిల్ జిల్ జిగా అనుకుంటున్నారా? ఇకపైన ఈ పప్పులేవీ ఉడకవు . కాలేజ్ కూడా స్కూల్ లా స్ట్రిక్ట్ గా మారబోతుంది. డెయిలీ క్లాస్ కి టైంకి రావల్సిందే, బంక్ కొట్టడానికి అస్సలు వీల్లేదు . టీచర్స్ ని, క్లాస్ మానిటర్ ని మ్యానేజ్ చేయడానికి అస్సలు కుదరదు. ఎందుకో తెలుసా ?

source

కాలేజ్ బంక్ కొట్టేవారికి ఓ సరికొత్త విధానం ప్రవేశపెట్టింది హైదరాబాద్‌లోని జేఎన్‌టీయూ. విద్యార్థులు తరగతులకు హాజరు కావడం లేదన్న ఫిర్యాదులు వెల్లువెత్తుతుండటంతో హైదరాబాదులోని జవహర్‌లాల్ నెహ్రూ టెక్నలాజికల్ యూనివర్శిటీ (జేఎన్‌టీయూ) విద్యార్థుల హాజరు పెంచేందుకు బయోమెట్రిక్ విధానం ప్రవేశపెట్టింది. జేఎన్‌టీయూ హెచ్ పరిధి కిందకు వచ్చే దాదాపు 250 కాలేజీలు ఇకపై బయోమెట్రిక్ అటెండెన్స్ విధానంను ప్రవేశపెట్టనున్నాయి. ఇది ఈ విద్యాసంవత్సరం నుంచే అమలు చేయనుంది.

source

మరో రెండు వారాల్లో అన్ని కాలేజీల్లో బయోమెట్రిక్ అటెండెన్స్ వ్యవస్థ రానుంది. ఇప్పటికే దీని ప్రక్రియ ప్రారంభమైందని జేఎన్‌టీయూ రెక్టార్ మరియు రిజిస్ట్రార్ ప్రొఫెసర్ ఏ గోవర్ధన్ చెప్పారు. ఇప్పటి వరకు బయోమెట్రిక్ అటెండెన్స్ విధానం టీచింగ్ స్టాఫ్‌కు పోస్టుగ్రాడ్యుయేట్ ఇంజినీరింగ్ విద్యార్థులకు మాత్రమే ఉండేది. తాజాగా ఇంజినీరింగ్ విధ్యార్దులకు బయోమెట్రిక్ అటెండెన్స్ పద్దతి ప్రవేశపెట్టడంతో కాలెజ్ ఎగ్గొట్టే స్టూడెంట్ పర్సంటేజ్ తగ్గుతుందని భావిస్తున్నారు. అంతేకాదు  విద్యార్థులు క్రమశిక్షనతో ఉండడానికి, రెగ్యులర్ కాలేజ్ అటెండ్ అయి క్లాసులు శ్రద్దగా వినడానికి ఈ విధానం ఉపయోగపడుతుందనుకుంటుంది జెఎన్టియు స్టాఫ్.

జేఎన్‌టీయూలో జరిగిన హైలెవెల్ మీటింగ్‌లో బయోమెట్రిక్ అటెండెన్స్ విధానంను ప్రవేశపెట్టాలన్న నిర్ణయం తీసుకున్నారు. ఈ సమావేశంకు మొత్తం 250 అనుబంధ కాలేజీల నుంచి ప్రతినిధులు హాజరయ్యారు. బయోమెట్రిక్ వ్యవస్థతో పాటు విద్యావ్యవస్థలో కూడా మార్పులు తీసుకురావాలని నిర్ణయించుకున్నారు. మారుతున్న టెక్నాలజీకి అనుగుణంగా ఫ్యాకల్టీ తమ స్కిల్స్‌ను అప్‌గ్రేడ్ చేసుకోవాలని సూచించారు. ఇందులో ఆర్టిఫిషియల్ ఇంటెలిజెన్స్, సైబర్ సెక్యూరిటీ, డాటా సైన్స్ మరియు అనలిటిక్స్, మెషీన్ లెర్నింగ్‌లాంటివి నేర్చుకోవాలని సూచించింది. అంతేకాదు విద్యార్థుల్లో ఎంట్రప్యూనర్షిప్ కల్చర్‌ను అలవర్చాలని సమావేశంలో నిర్ణయించారు.

source

చూద్దాం ఈ బయోమెట్రిక్ విధానం అటెండెన్స్ పర్సంటేజిని ఎంతవరకు పెంచుతుందో? స్టూడెంట్స్ ని కాలేజ్ పట్ల, క్లాసెస్ పట్ల ఎంతవరకు ఇంట్రస్ట్ కలిగిస్తుందో ?