Off Beat

ప్రపంచం రోజు రోజుకి ముందుకు సాగుతూ అభివృద్ధి చెందుతుంది అంటే దానికి కారణం టెక్నాలజీ ..నూనె దీపం దగ్గర నుండి ట్యూబ్ లైట్ దాక , టెలిఫోన్ నుండి స్మార్ట్ ఫోన్ దాక అంత ఇలా జరిగిందే ..చిన్న చిన్న ఆవిష్కరణలే పెను మార్పులు తీసుకువస్తాయి ..ఈ రోజున ప్రపంచం లో కష్టతరమైన పనులు అన్ని కూడా మెషిన్ల సహాయంతో సులువు అయిపోయాయి . అన్ని రంగాలలోను టెక్నాలజీ అభివృద్ధి చెందుతుంది.ఎంతో ఉపయోగకరమైన అంశాలని కూడా చిన్నవిగా ఉండటం వలన మనం గమనించం కానీ వాటిలో ఎంతో గొప్ప నైపుణ్యం దాగి ఉంటుంది ..సరిగ్గా అలాంటిదే  కార్ విండోస్ పై ఉపయోగించిన టెక్నాలజీ కూడా …ఆలస్యమెందుకు అదేంటో తెలుసుకుందాము రండి.

సామాన్యంగా కార్ విండోస్ పై వైపర్ బ్లేడ్స్ ఉంటాయి ..వర్షం పడే సమయంలో ఇవి బాగా ఉపయోగపడతాయి.వర్షం నీరు పడి ఎదురుగ వస్తున్నవి కనపడని సమయంలో ఇవి నీటిని క్లీన్ చేస్తూ చూసే వ్యూని స్పష్టంగా కనపడేలా చేస్తాయి ..దాని తర్వాత దీనికి అడ్వాన్స్డ్ టెక్నాలజీ ఏంటంటే… విండ్ షీల్డ్ లైన్స్ …మీరు ఈ సన్నని లైన్స్ ని కార్ వెనక విండోస్ మీద గమనించి వుంటారు ..కానీ అవి ఎందుకు ఉంటాయి అని ఎప్పుడైనా ఆలోచించారా? షో కోసం అనుకుంటే మీరు పప్పులో కాలేసినట్టే.

విండోస్ మీద వుండే ఈ లైన్స్ ని Defoggers అని అంటారు ..ఇవి ఎలక్ట్రికల్ లైన్స్ …వీటి గుండా కరెంటు ప్రహహిస్తుంది ..దాని వలన విండో గ్లాస్ వేడి ఎక్కుతుంది దాంతో విండో మీద చేరిన తేమ మంచు తొలిగిపోయి స్పష్టమైన వ్యూ వస్తుంది ..కారులోని ఈ చిన్న విషయం పెద్ద టెక్నాలజీ గా అనిపించకపోవచ్చు ,కానీ అవి ప్రయాణికులకు భద్రత మరియు సౌకర్యానికి వీలుగా ఉంటాయి ..ఈసారి మీరు లాంగ్ డ్రైవ్ వెళ్ళినప్పుడు ఆ లైన్స్ పనితనాన్ని జాగ్రత్తగా గమనించండి . ఏమైనా కార్ల తయారీ సంస్థలు ఇలాంటి  చిన్న విషయాలపై శ్రద్ద చూపిస్తుందంటే మెచ్చుకోదగ్గ విషయమే కదా .

సాధారణంగా కోడి గుడ్డు ఒక‌టి ధర 5 రూపాయలు ఉంటుంది కానీ మ‌ద్య ప్ర‌దేశ్ రాష్ట్రానికి చెందిన ఈ కోడి  గుడ్డు 50 రూపాయలు ,అప్పుడే పుట్టిన ఈ కోడి పిల్ల ఖ‌రీదు 150 రూపాయ‌లు.  ఈ కోడి ఇండియాలోనే అత్యంత డిమాండ్ ఉన్న కోడి.ఈ కోడి గుడ్డు ఒక‌టి ₹ 50/-, కిలో మాంసం ₹ 900/-.అవును మీరు వింటున్నది నిజమే ..ఒక కోడికి ఇంత రేటు ఎందుకు అనే డౌట్ మీకు రావొచ్చు.ఇందులో అంత స్పెష‌ల్ ఏంటో ఇప్పుడు తెలుసుకుందాం.

black-chicken

మ‌ద్య ప్ర‌దేశ్ రాష్ట్రానికి చెందిన ఈ కోడి జాతి పేరు క‌డ‌క్‌నాథ్ …అనేక రోగాల‌ను త‌గ్గించే శ‌క్తి ఈ కోడి మాంసంలో ఉండ‌డం విశేషం. .ఈ కోడి పేరు,రూపం దగ్గర్నుంచి అన్నీ ప్రత్యేకతలే…అంతేకాదు దీని మాంసం ఎన్నో పోషక విలువలు కలిగి ఉండటంతో పాటు అరుదైన ఔషధ లక్షణాలు సైతం కలిగి ఉంటుంది.క‌డ‌క్ నాథ్ కోళ్ళ‌ను మ‌ధ్య‌ప్ర‌దేశ్ లో కాలి-మాసి( న‌ల్ల‌దైన మాంసం క‌ల‌ది) అని పిలుచుకుంటారు.ఇప్పుడు నాటుకోడి కూర కన్నా కడక్‌నాథ్ కోడికి డిమాండ్‌ ఎక్కువగా ఉంది. కడక్‌నాథ్ కోడి..నల్లగా ఉంటుంది. చికెన్‌ కలర్‌ కూడా నల్లగానే ఉంటుంది. కూర వండినా.. ముక్కలు నల్లగానే ఉంటాయి

black-chicken

క‌డ‌క్‌నాథ్ కోడి ప్ర‌త్యేక‌త‌లు

క‌డ‌క్‌నాథ్ కోడి  ముదురు నలుపు, ముదురు నీలం రంగుల్లో ఉండే కడక్నాథ్ కోళ్లలో వెంట్రుకలు, చర్మం, మాంసంతో పాటు రక్తం కూడా నల్లగానే ఉంటుంది. వేసవిలో సుమారు 100 గుడ్లు పెడుతుంది. 7 నెలల వ్యవధిలో ఈ కోడి కేవలం 1.5 కేజీల బరువు మాత్రమే పెరుగుతుంది.ఈ కోడి పెట్టే గుడ్డు, మాంసం కూడా పూర్తిగా బ్లాక్ క‌ల‌ర్ లోనే ఉండ‌డం విశేషం.దీని మాంసం తిన‌డం వ‌ల్ల‌ల‌ జీర్ణ శక్తి, రోగ నిరోధక శక్తులు పెరుగుతాయి. క‌డ‌క్‌నాథ్ జాతి కోళ్ల మాంసంలో కొవ్వు చాలా త‌క్కువ‌గా,మాంస‌కృత్తులు ఎక్కువ‌గా లభిస్తాయి ఈ కోడి మాంసం లో ఔష‌ద గుణాలు ఎక్కువగా ఉండ‌డం వ‌ల్ల‌ దీనిని మెడిసిన్స్ లో మెడిసిన్స్ లో వినియోగించ‌బ‌డుతుంది.ఔష‌ద గుణాలు ఎక్కువగా ఉండ‌డం వ‌ల్ల‌ క్రీడాకారుల‌కు ఇచ్చే ఫుడ్ లో దీనిని చేర్చ‌ల‌నే డిమాండ్ కూడా ఉంది.

పెళ్లి అనేది ఎవరికైనా ముఖ్యమైన ఘట్టమే. తమ జీవితాన్ని పంచుకోబోయే వారిని ఆహ్వానిస్తూ.. కుటుంబ సభ్యులందరి సమక్షం లో చేసుకునే అందమైన వేడుకే పెళ్లంటే. పెళ్లి అనగానే ఎక్కడలేని సందడి వచ్చేస్తుంది. పెళ్లి కూతురు, పెళ్లి కొడుకు.. ఇద్దరినీ ఇరు కుటుంబాల వారు అందం గా ముస్తాబు చేస్తారు.

అసలు కళ అంత వారి కళ్ళలోనే ఉందా అన్నట్లు ఉంటుంది. పెళ్లి ఘడియల ముందు.. పెళ్లికూతురు మోములో సిగ్గు.. అబ్బాయి కళ్ళలో ఆనందం.. ఇవే కదా అసలు పెళ్లి వేడుకకు సందడి తీసుకొచ్చేది.

అయితే ఇప్పటి యువత మాత్రం ఇటువంటి పెళ్లి వేడుక అంటే ముఖం చాటేస్తోంది. క్రమంగా సహజీవనం అనే కల్చర్ మన దేశంలో కూడా వ్యాపిస్తూ వస్తోంది. ఆడంబరంగా ఖర్చులు చేస్తూ పెళ్లిళ్లు చేసుకోవడం మొదలయ్యాక.. చాలా మందికి పెళ్లి అంటే అసలు అర్ధం ఏంటో తెలియకుండా పోయింది. దీనివల్ల పెళ్లిలో చేయించే వైదిక కర్మల అర్ధాలు ఎవరికీ తెలియడం లేదు. ఇంత ఖర్చు పెట్టుకుని పెళ్లి చేసుకోవాల్సిన అవసరం ఏముంది.. తాము ప్రేమించిన వారితో ఎంజాయ్ చేస్తున్నాం కదా అనే ఉద్దేశ్యంతో చాలా మంది యువత సహజీవనం వైపే మొగ్గు చూపుతున్నారు.

కానీ, వివాహంలో జరిపే వైదిక కర్మల వెనుక చాలా అర్ధాలు ఉన్నాయి. కొత్తగా జీవితం ప్రారంభించబోయే వధూవరుల జీవితాల్లో అభివృద్ధి ఉండాలని, వారి మనోవాంఛలకు తగ్గట్లు వారి జీవితం సాగుతూ ఉండాలని, వారి మధ్య బంధం బలపడాలనే ఉద్దేశ్యంతోనే ఈ సంప్రదాయాలను పాటించేలా చేస్తారు. ఇక.. వారికి మంచి సంతానం కలగాలన్న సదుద్దేశ్యంతోనే సంప్రదాయాన్ని అనుసరించి.. ముహూర్తం పెట్టి ఆ జంటని ఒక్కటి చేస్తారు. కానీ, ఇవేమీ పట్టించుకోని నేటి యువత పాశ్చాత్య సంస్కృతి మోజులో సహజీవనం వైపు మొగ్గు చూపుతోంది.

ఇటువంటి కల్చర్ లో తమ జీవితాన్ని పంచుకోవడానికి వచ్చేవారిని చుట్టూ పక్కల వారికి పరిచయం చేయాలన్నా ఇబ్బంది పడే పరిస్థితిని ఎదుర్కొంటు ఉంటారు. ఇక వీరికి పుట్టే సంతానం కూడా మొండిగా, బంధాలకు విలువ ఇవ్వకుండా పెరుగుతూ ఉంటారు. దీనివల్ల రాబోయే సమాజంలో కూడా సత్సంబంధాలు కరువయ్యే అవకాశం ఉంటుంది. అందుకే భారతీయులు వివాహ బంధానికి అత్యంత ప్రాధాన్యతను ఇచ్చినా ఏళ్ల తరబడి నడుస్తున్న ఈ వివాహ ధర్మాన్ని పాటిస్తూ వస్తున్నారు.

మనకి తెలియకుండా చాలా విషయాలు ఉంటాయి. కొత్త విషయాలని తెలుసుకోవడం చాలా ముఖ్యం. కొత్త విషయాలని మనం తెలుసుకోవడం వలన మన యొక్క జ్ఞానం మరింత పెరుగుతుంది. అయితే ఈ రోజు మనం ఒక ఇంట్రెస్టింగ్ టాపిక్ ని చూసేద్దాం.

అదేంటంటే.. పెట్రోల్ రాత్రిపూట కొట్టించుకుంటే ఎక్కువ వస్తుందా…? దీని వెనుక కారణం ఏమిటి..? అనేది. మరి ఇక ఆలస్యం ఎందుకు ఈ ఆర్టికల్ గురించి ఇప్పుడే చూద్దాం.

సాధారణంగా ఎక్కువ మంది పెట్రోల్ ని లేదా డీజిల్ ని ఉదయం పూట కొట్టించుకుంటూ ఉంటారు. ముఖ్యంగా ఉదయం 6 గంటల తర్వాత పెట్రోల్ లేదా డీజిల్ ని కొట్టించుకోవడం జరుగుతుంది. అయితే ఉదయం 6 గంటల కంటే ముందు మరియు రాత్రిపూట పెట్రోల్ ని కొట్టించుకోవడం మంచిదట. దీని వెనక చాలా పెద్ద కారణం ఉంది. అదేమిటో ఇప్పుడు మనం చూద్దాం.

పెట్రోల్ సూర్యుడి వేడికి ఎక్స్పాండ్ అవుతుంది. దీనితో పెట్రోల్ యొక్క డెన్సిటీ తగ్గుతుంది. ఒక వేళ ఒక లీటర్ పెట్రోల్ మీరు కొట్టించుకున్నట్లయితే దాని కంటే తక్కువ పెట్రోల్ మాత్రమే మీకు వస్తుంది. అదే ఒకవేళ మీరు ఉదయం ఆరు కి ముందు లేదా రాత్రిపూట పెట్రోల్ లేదా డీజిల్ ని కొట్టించుకుంటే ఎక్కువ పెట్రోల్ లేదా డీజిల్ వస్తుంది.

కానీ సహజంగా చాలా పెట్రోల్ బంకులలో పెట్రోల్ లేదా డీజిల్ ని అండర్ గ్రౌండ్ లోని స్టోర్ చేయడం జరుగుతుంది. పైగా వాటి మీద పెద్ద పెద్ద కాంక్రీట్ లేయర్లు ఉంటాయి. ఇది నిజంగా మంచి ఇన్సులేటర్ లాగ పని చేస్తుంది. దీనితో సూర్యుడి వేడి దానికి తగలదు. అలానే డెన్సిటీ తగ్గదు. పెట్రోల్ లో మార్పు కూడా రాదు. కాబట్టి ఉదయం ఆరు గంటలు ముందు పెట్రోల్ ని కొట్టించుకోవాలి అని కానీ, రాత్రిపూటే పెట్రోల్ ని కొట్టించుకోవాలి అని కానీ రూల్ ఏమి లేదు. ఎప్పుడైనా కొట్టించుకోచ్చు.

కొన్ని వస్తువులు ఒక పర్టిక్యులర్ విధానంలో ఉపయోగించుకోవడానికి కనిపెడతారు. కానీ వాటిని మాత్రం మనం తర్వాత వేరే విధంగా ఉపయోగించుకుంటున్నాం. ఆ వస్తువులు ఏంటో ఇప్పుడు చూద్దాం.

#1 బీర్ మ్యాట్

ఈ బీర్ మ్యాట్ 19వ శతాబ్దంలో బీర్ గ్లాస్ మీద పురుగులు లాంటివి పడకుండా కవర్ చేయడానికి కనిపెట్టారు. కానీ ఇప్పుడు మాత్రం దాన్ని బీర్ గ్లాస్ కింద పెట్టి సర్వ్ చేయడానికి ఉపయోగిస్తున్నారు.

#2 బ్లైండ్ రైటింగ్ రీడింగ్ సిస్టం

1808 లో చార్లెస్ బార్బీర్ నైట్ ఆల్ఫాబెట్స్ ని కనిపెట్టారు. ఇది రాత్రి పూట మిలిటరీ వారు కోడ్ మెసేజెస్ పంపడానికి, అలాగే చదవడానికి ఉపయోగించేవారు. తర్వాత చార్లెస్ బార్బీర్ తను కనిపెట్టిన ఈ నైట్ ఆల్ఫాబెట్స్ అనేది అంధులకి కూడా ఉపయోగపడుతుంది అని అనుకున్నారు.  బ్లైండ్ రైటింగ్ అండ్ రీడింగ్ మోడర్న్ సిస్టం కనిపెట్టిన లూయిస్ బ్రెయిలీ ఆ లిపిని నైట్ ఆల్ఫాబెట్స్ నుండి స్ఫూర్తి చెంది రూపొందించారు.

#3 టీ

ప్రస్తుతం చాలా మందికి టీ లేకపోతే రోజు గడవదు. అయితే అంతకు ముందు టీని వైద్యంలో గౌట్ కేసెస్ లో ఉపయోగించేవారు.

#4 M&M క్యాండీస్

వీటిని వరల్డ్ వార్ 2 సమయంలో మిలిటరీ వారి కోసం రూపొందించారు. ఒక ప్లేన్ చాక్లెట్ తీసుకొని ఎండ వేడిలో కరిగించేవారు. 1940 ఎండింగ్ సమయంలో ఇవి మార్కెట్ లోకి ఎంటర్ అయ్యాయి.

#5 గొడుగులు

అంతకుముందు యూరోప్, చైనా లలో సన్ రేస్ నుండి కాపాడుకోవడానికి గొడుగులని ఉపయోగించేవారు. 1770లో జోనాస్ హాన్వే అనే ఒక వ్యక్తి  ప్రస్తుతం మనం గొడుగులని ఎలా అయితే ఉపయోగిస్తున్నామో అలా ఉపయోగించడం మొదలుపెట్టారు. అంటే వర్షంలో మొదటిసారిగా గొడుగును ఉపయోగించారు.

#6 హుడ్స్

అంతకు ముందు వీటిని మొహం కవర్ చేసుకోవడానికి ఉపయోగించేవారు.

#7 విండోస్ గేమ్స్

విండోస్ ఆపరేటింగ్ సిస్టం లో ఉండే గేమ్స్, మౌస్ ఆపరేటింగ్ నేర్చుకోవడానికి క్రియేట్ చేశారు. కానీ ఇప్పుడు మాత్రం చాలా మంది వీటిని టైంపాస్ కోసమే ఆడుతున్నాం.

#8 ఎరేజర్ లో ఉండే బ్లూ పార్ట్

ఇది పెన్ తో రాసినవి ఎరేజ్ చేయడానికి ఉపయోగిస్తారు అని మనకి తెలుసు. కానీ అంతకుముందు రెడ్ కలర్ తో ఎరేజ్ చేస్తే మరకలు పడితే వాటిని తొలగించేందుకు పెన్సిల్ డ్రాయింగ్స్ ని, రైటింగ్స్ ని బ్లూ కలర్ ఎరేజర్ తోనే ఎరేజ్ చేసేవారు.

#9 షర్ట్ లూప్

ఇది షర్ట్ వెనుక భాగంలో ఉంటుంది. దీనిని అంతకుముందు నేవి వారి కోసం తయారు చేశారు. వారికి వారి బట్టలు పెట్టుకోవడానికి ఎక్కువగా ప్లేస్ ఉండేది కాదు. అందుకే వారి యూనిఫామ్ ని ఉతికిన తర్వాత ఎక్కడైనా ఒక హుక్ కి తగిలించడానికి ఈ లూప్ ఏర్పాటు చేశారు. అంతే కాకుండా 1960 సమయంలో ఇదే లూప్ ని లాకర్ లూప్ పేరుతో GANT అనే బట్టల మానుఫ్యాక్చర్ చేసే సంస్థ ఏర్పాటు చేశారు. దీనిని వారి బట్టలు ఎక్కువగా వాడే ఐవీ లీగ్ కాలేజ్ స్టూడెంట్స్ వారి లాకర్స్ లో ముడతలు పడకుండా వారి షర్టు లని తగిలించడానికి ఉపయోగించేవారు

#10 జీన్స్ లో ఉండే ఫిఫ్త్ పాకెట్

ఇందులో ఇప్పుడు సాధారణంగా ఏ వస్తువు కావాలంటే ఆ వస్తువు పెట్టుకుంటున్నారు కానీ, 1873 లో లెవిస్ జీన్స్ సంస్థ ఈ పాకెట్ ని వాచ్ పెట్టుకోవడానికి రూపొందించింది. ఇప్పటికీ కూడా వారి కాటలాగ్స్ లో ఈ పాకెట్ ని వాచ్ పాకెట్ అని మెన్షన్ చేస్తారు.

#11 బలూన్ ఆనిమల్స్

అంతకుముందు జంతువుల పేగులతో బెలూన్లను తయారు చేసేవారు. వాటితో ఆడుకునే వాళ్ళు. చరిత్ర ప్రారంభం అయిన సమయంలో కొంత మంది బెలూన్లను తిప్పి కొత్త ఆకారాలు తయారు చేసే వాళ్ళు. అజెక్ట్ కి చెందిన వాళ్ళు అయితే పిల్లి పేగులతో బెలూన్ జంతువులను తయారు చేసే వాళ్ళు. వాటిని తమ దేవుడికి సమర్పించేవారు.

#12 కోగ్నాక్

అంతకు ముందు కోగ్నాక్ అంటే  డిస్టిల్డ్ వైన్ అంటే  స్వేదించిన మద్యాన్ని, నీటితో కలిపేవారు. ఇప్పుడు కోగ్నాక్ ని ఓక్ తో తయారుచేసిన బ్యారెల్స్ లో తయారు చేస్తున్నారు. ఇది నీరు కలపకుండా కూడా తాగవచ్చు.

image credits: brightside.me

దేశవ్యాప్తంగా తెలుగు వాళ్ళు ఎన్నో రకాలుగా తమ సత్తా చాటారు, చాటుతూనే ఉన్నారు, ఉంటారు కూడా. మన తెలుగు వాళ్లు సాధించిన ఘనతల్లో ఒకటి పెన్నుల తయారీ. అవును.

దేశవ్యాప్తంగా మొట్టమొదట పెన్ తయారైంది మన తెలుగు రాష్ట్రం  లోనే. ఆంధ్రప్రదేశ్ లోని రాజమండ్రికి చెందిన రత్నం పెన్ వర్క్స్ అనే షాపు భారతదేశంలో మొట్టమొదటగా పెన్నుని తయారుచేసింది.

స్వతంత్రం రాకముందు కోసూరి వెంకటరత్నం గారు రత్నం స్వదేశీ పెన్నులు తయారీ సంస్థను స్థాపించారు. గాంధీ గారు చెప్పిన విదేశీ వద్దు స్వదేశీ ముద్దు అన్న నినాదం చూసి పూర్తి చెందారు వెంకటరత్నం గారు. దాంతో స్వదేశీ ఉద్యమానికి తన వంతు సహకారంగా, అలాగే భారతదేశ పౌరుడిగా తన దేశానికి మద్దతివ్వడం తన బాధ్యత అని భావించిన వెంకటరత్నం గారు ఈ కంపెనీని స్థాపించారు.

1950లో మన దేశ మొదటి రాష్ట్రపతి బాబు రాజేంద్ర ప్రసాద్ గారు ప్రమాణ స్వీకారానికి రత్నం గారు రూపొందించిన పెన్ను ని ఉపయోగించారు. అప్పటి నుండి ప్రతి రాష్ట్రపతి తమ ప్రమాణస్వీకారానికి ఈ సంస్థ రూపొందించిన పెన్నులనే ఉపయోగిస్తున్నారు. 1935లో రత్నంగారి కృషికి మెచ్చిన గాంధీ గారు ఆయనను అభినందిస్తూ ఒక ఉత్తరం రాశారు. గాంధీ గారు ఆ ఉత్తరంలో ఈ పెన్నులు విదేశీ సంస్థలను తలదన్నేలా ఉన్నాయి అని ప్రశంసించారు.

1937 లో జవహర్లాల్ నెహ్రూ గారు స్వయంగా రాజమండ్రి వచ్చి రత్నం గారి దగ్గర పెన్ను ని కొన్నారు. తర్వాత తర్వాత రత్నం గారి సంస్థ దేశవ్యాప్తంగానే కాకుండా ప్రపంచవ్యాప్తంగా కూడా ప్రసిద్ధి చెందింది. మన రాష్ట్ర ప్రధాను లతోపాటు ఆస్ట్రేలియా ప్రధానులు, అమెరికా అధ్యక్షులు, జర్మనీ అధ్యక్షులు కూడా రత్నంగారు తయారుచేసిన పెన్నులను ఉపయోగించారు.

ఈ సంస్థకు ఇంకో విశేషం కూడా ఉంది. వీరు బంగారు పెన్నులను కూడా తయారు చేస్తారు. వీరు రూపొందించిన పెన్నుల ఖరీదు 150 రూపాయల నుండి రెండు లక్షల రూపాయల వరకు కూడా ఉంటాయి. రత్నం పెన్ వర్క్స్ సంస్థ 24 అంగుళాల పొడవు ఉన్న పెన్ను ను తయారుచేసి దేశవ్యాప్తంగా రికార్డు సాధించింది. రాజకీయ నాయకులే కాకుండా ఎందరో  భారతదేశ స్వాతంత్ర సమరయోధులు కూడా రత్నం గారు రూపొందించిన పెన్నులను ఉపయోగించే వాళ్ళు.

మనం నిద్రపోతున్న కూడా మన మెదడు పని చేస్తున్నప్పుడు వచ్చేవే కలలు. మనిషికి కలలు రావటమనేది ఎంతో సహజం. కలల్లో ఎన్నో రకాలు ఉంటాయి. కొన్ని మంచివి, కొన్ని భయపెట్టే ఇంకొన్ని ప్రమాదకరమైనవి. కొన్ని కలలు ఎందుకు వచ్చాయో దానికి సమాధానం కూడా దొరకదు.

అంటే పైన చెప్పిన రకాల్లో మనకొచ్చిన కల ఏ కోవకు చెందుతుందో తెలియని కలలు కూడా ఉంటాయి. మనం పదే పదే దేని గురించి అయినా తలుచుకుంటూ ఉండడం వల్లనో కలలు వస్తుంటాయని మనం అనుకుంటూ ఉంటాం. కొన్ని సార్లు కలలు అస్సలు సంబంధం లేకుండా కూడా వస్తుంటాయి.

మీకెప్పుడైనా ట్రాన్స్ జెండర్లు కలలోకి వచ్చారా..? వారు ఎందుకు అలా కలలో కనిపిస్తారు అన్న సంగతి మీకు తెలుసా..? చాలా మంది ట్రాన్స్ జెండర్లు తమ కలల్లో కనిపించగానే తమకి ఏదో జరిగింది అని భావించేస్తూ ఉంటారు. తాము కూడా అలా మారిపోతామా?? అని అనుమానం వ్యక్తం చేస్తూ.. ఆందోళన చెందుతూ ఉంటారు. అయితే.. ఇలా భయపడాల్సిన అవసరం ఏమీ లేదు. ట్రాన్స్ జెండర్లు కలలోకి వస్తే ఏమి జరుగుతుందో.. కలల శాస్త్రంలో ఏమి చెప్పబడిందో చూద్దాం.

సాధారణంగా ఈ భయం మగవారిలోనే ఎక్కువగా ఉంటుందట. కానీ భయపడాల్సిన అవసరమే లేదట. కలల శాస్త్రం ప్రకారం.. ట్రాన్స్ జెండర్ కలలోకి వస్తే.. ఫలితాలు పాజిటివ్ గా ఉంటాయట. మీ అంతర్గతంగా దాగి ఉన్న శారీరక శక్తిని ఆ కల చూపిస్తుందని.. ఇది మంచి శకునమేనని చెబుతున్నారు. అదృష్టం, విశ్వాసం, శ్రేయస్సు, విజయం వంటి వాటిని ఈ కల సూచిస్తుందన్నారు.ఈ కలకి మరో అర్ధం ఏంటంటే మీ జీవితంలో అనవసరమైన విషయాలను పక్కకు జరిపి.. ముఖ్యమైన విషయాలకు చోటు కల్పించాలని అర్ధం.

ఒకవేళ పెళ్లి కాని వారికి ట్రాన్స్ జెండర్ కనిపిస్తే.. వారికి త్వరలోనే వివాహ యోగం ఉందని అర్ధమట. కలల శాస్త్రం ప్రకారం.. ట్రాన్స్ జెండర్ కలలో కనిపిస్తే అమ్మతో అనుబంధం.. అమ్మ తరపు చుట్టాలతో అనుబంధం మెరుగు పడడానికి దోహదం చేస్తుందని అర్ధమట. అమ్మ తరపు కుటుంబం నుంచి మిమ్మల్ని సాయం కోరే వారు ఉంటారట. అలాగే.. మీరు ఫామిలీ మ్యాన్ గా ఎదుగుతున్నారని చెప్పడానికి ఈ కల సంకేతంగా నిలుస్తుందట.

కొన్ని ప్రెగ్నెన్సీ టెస్ట్ కిట్‌లలో లోపల ఒక పిల్ ఉంటుంది. దీని గురించి యువత మరియు తల్లి తండ్రులు తప్పకుండా తెలుసుకోవాలి. చాలా టెస్టింగ్ కిట్ లు కేవలం టెస్ట్ చేసుకోవడానికి మాత్రమే పనికి వస్తాయి. మనకి ప్రెగ్నన్సీ వచ్చిందేమో అన్న అనుమానం వచ్చినప్పుడు ఈ టెస్టింగ్ కిట్ తో యూరిన్ తో టెస్ట్ చేసుకోవాలి.

కిట్ పైన రెండు ఎర్ర గీతలు వస్తే పాజిటివ్ వచ్చినట్లు అర్ధం. అలా కాకుండా ఒక్క గీత మాత్రమే కనిపిస్తే నెగటివ్ గా అర్ధం చేసుకోవాలి. ఇది అందరికి తెలిసిన విషయమే. అయితే.. తెలియని విషయం ఏంటంటే ఈ కిట్ లోపల ఒక పిల్ ఉంటుంది.

ఇది ఎందుకు ఇస్తారు అన్న సంగతి చాలా మందికి తెలియదు. ఇటీవల టిక్ టాక్ వీడియో యాప్ లో ఓ వీడియో తెగ వైరల్ అయ్యింది. ప్రెగ్నన్సీ టెస్టింగ్ కిట్ ల లోపల ఒక పిల్ ఉంటుందని.. ఇది ప్లాన్ -B పిల్ అని.. ఒకరకమైన బర్త్ కంట్రోల్ పిల్ అని.. ప్రెగ్నన్సీ వద్దు అనుకుంటే తీసుకోవచ్చు అని ఈ వీడియో సారాంశం.

ఈ విషయమై ప్రెగ్నన్సీ టెస్టింగ్ కిట్ మేకర్స్ స్పందించారు. అసలు ఇది బర్త్ కంట్రోల్ పిల్ కాదు. కిట్ ను ఫ్రెష్ గా ఉంచడానికి మరియు లోపలి తేమని గ్రహించడానికి మాత్రమే టెస్టింగ్ కిట్ లోపల ఒక పిల్ ను ఉంచుతారు. దీనిని పొరపాటున కూడా తినకూడదు. ఇది ఒక చిన్న ఒక చిన్న డెసికాంట్ టాబ్లెట్ మాత్రమే. ఎవరైనా పొరపాటున దీనిని తీసుకుంటే కచ్చితంగా వెంటనే వైద్యులను సంప్రదించాలి. ఇది గర్భ నిరోధక మాత్ర కానే కాదని మేకర్స్ వక్కాణించారు.

ఇటీవలే కొత్త ఆర్ధిక సంవత్సరం మొదలైన సంగతి తెలిసిందే. కొత్త ఆర్ధిక సంవత్సరం వచ్చాక అన్ని కంపెనీలు తమ ఉద్యోగులకు జీతాలను పెంచడం సహజమే. అయితే చాలా మంది పెరిగిన జీతానికి ఏ ఖర్చులు ఉన్నాయో అని ఆలోచించుకుంటారే తప్ప.. ఎక్కడ పొదుపు చేయాలి అన్న సంగతి మాత్రం ఆలోచించరు.

అయితే శాలరీ పెరిగినప్పుడు వెంటనే ఖర్చు పెట్టేయడం కాకుండా, భవిష్యత్ అవసరాల కోసం కొంచం పొదుపు చేస్తే ఉపయోగం ఉంటుందని అంటున్నారు. భవిష్యత్ లో ఆర్ధిక కష్టాలు రాకుండా నిలదొక్కుకోవచ్చని అంటున్నారు.

రుణాలు తీర్చుకోవడం: చాలా మంది బైక్, హౌస్, లేదా కార్ వంటి వాటిని లోన్ పెట్టి తీసుకుంటూ ఉంటారు. ఇలా శాలరీ పెరిగినప్పుడు ఆ ఈఎంఐ ని ఎక్కువ మొత్తంలో కట్టేయడం ద్వారా తొందరగా రుణాన్ని తీర్చేసుకోవాలి. మీరు నెలకి పది వేల ఈఎంఐ చెల్లిస్తుంటే.. మీ జీతం మరో పదివేలు పెరిగిందనుకుంటే.. మీరు నెలకి కట్టే ఈఎంఐ ను మరో ఐదు నుంచి పది వేలకు పెంచుకోవడం ద్వారా త్వరగా రుణాన్ని తీర్చుకోవచ్చు. గడువు కంటే ముందే రుణాన్ని తీర్చేయడం వలన వడ్డీ కూడా తగ్గుతుంది. మీకు కొంత మొత్తం మిగులుతుంది. పరోక్షంగా మీ సిబిల్ స్కోర్ పెరుగుతుంది. తద్వారా మీకు తక్కువ మొత్తంలోనే ఋణం లభిస్తుంది.

అలాగే మీకు జీతం పెరిగినప్పుడు దానిలో కొంత భాగాన్ని అత్యవసర నిధుల కోసం దాచుకోవడం కూడా ఉత్తమమైన పద్ధతి. ఎందుకంటే అవసరాలు చెప్పి రావు.. అందుకే డబ్బుని అందుబాటులో ఉంచుకోవాలి. అలాగే పిల్లల చదువులు, రిటైర్మెంట్, భవిష్యత్ కోసం బీమా పధకాలను ఎంచుకోవడం కూడా మంచి పద్ధతి. ఇలా తీసుకుంటే అత్యవసర సమయాల్లో డబ్బు ఖర్చు అవ్వకుండా భీమా కాపాడుతుంది. అయితే జీతాలు పెరగగానే చాలా మంది సరదాల కోసం యాక్సెసరీస్, ఖరీదైన బ్రాండెడ్ వస్తువులు కొనుక్కోవాలనుకోవడం సహజమే. అయితే ఇందుకోసం కొద్దీ మొత్తంలో వెచ్చించి ఎక్కువగా సేవ్ చేసుకోవడం మంచిది.

మనం రోజు చూస్తూనే ఉన్నా కొన్ని విషయాలను అంతగా పట్టించుకోము. అలాంటివాటిలో ఇది కూడా ఒకటి. ఇప్పుడంటే ట్రైన్ ఎక్కడానికి ఆన్ లైన్ లో టికెట్స్ బుక్ చేసుకుంటున్నాం కానీ, ఆన్ లైన్ లో టికెట్స్ బుక్ చేసుకునే సదుపాయం రాకముందు వరకూ రైల్వే స్టేషన్ కు వెళ్లి టికెట్స్ ను తీసుకోవాల్సి వచ్చేది.

అయితే..మనం చేరాల్సిన స్టేషన్ కు టికెట్ అడిగి డబ్బులు కట్టిన తరువాత మనకు ఓ టికెట్ ఇస్తారు. చాలా మంది ఆ టికెట్ పై స్టేషన్ పేరు, డేట్, సీట్ నెంబర్ సరిగ్గా ఉన్నాయో లేదో చూసుకుని వదిలేస్తారు.

ట్రైన్ దిగగానే.. ఆ టికెట్ ను నలిపేసి పక్కన పడేస్తారు. అంతే తప్ప దానిపైన ఏమి రాసి ఉందొ కూడా ఎవరూ గమనించారు. అయితే.. ఈసారి గమనించి చూడండి. టికెట్ పై ఓ ఐదు అంకెలు ఉంటాయి. ఈ ఐదు అంకెల వెనక అర్ధం ఏంటో తెలుసా..? ఈ నెంబర్ ప్రయాణీకుడు ఎక్కడ నుంచి ఎక్కడకి వస్తున్నాడు అనే విషయాన్నీ తెలియ చేస్తుంది. ఈ నెంబర్ వెనుక అర్ధం ఏంటో ఈ ఆర్టికల్ లో తెలుసుకుందాం.

మొదటి అంకె ఒకటి లేదా రెండు ఉంటె.. ఆ ట్రైన్ చాలా దూరం ప్రయాణిస్తుంది అని అర్ధం. శతాబ్ది, రాజధాని, జన్ సాధర్, గరీబ్ రథ్, సంపర్క్ క్రాంతి, దురంతో వంటి రైళ్లకు ఈ ఒకటి లేదా రెండు అంకెతో ప్రారంభం అవుతుంది. అదే మొదటి అంకె మూడు తో స్టార్ట్ అయితే అది కోల్ కతా సబ్ అర్బన్ రైలు అని అర్ధం. అదే నాలుగుతో మొదలైతే చెన్నై, సికింద్రాబాద్, న్యూ ఢిల్లీ లాంటి ఇతర మెట్రో నగరాల సబ్ అర్బన్ రైలు అని అర్ధం. అదే మొదటి అంకె ఐదు అయితే అది పాసెంజర్ రైలు అని, ఆరు అయితే అది MEMU (Mainline Electric Multiple Unit) ట్రైన్ అనీ అర్ధం. ఇక ఏడుతో మొదలైతే అది DEMU ( Diesel Electric Multiple Unit) ట్రైన్ అని అర్ధం.