Off Beat

భారత దేశం లో రైల్వే రవాణా వ్యవస్థ పటిష్టం గా ఉంటుంది. విస్తృతమైన రవాణా నెట్ వర్క్ భారత్ సొంతం. అయితే, మీరెప్పుడైనా గమనించారా? దేశం లో కొన్ని రైల్వే స్టేషన్లను సెంట్రల్ అని మరి కొన్ని స్టేషన్లనేమో జంక్షన్ అని పిలుస్తున్నారు. ఇలా ఎందుకు పిలుస్తున్నారో మనం ఇప్పుడు తెలుసుకుందాం.

సెంట్రల్:

ప్రాధమికం గా, భారత్ లో నాలుగు రకాల స్టేషన్లు ఉన్నాయి. సెంట్రల్, టెర్మినస్, జంక్షన్, మరియు స్టేషన్. ఒకే నగరంలోని చాలా స్టేషన్లు ఉండి, వాటిలో అతి ముఖ్యమైన / రద్దీగా ఉండే స్టేషన్ అయినప్పుడు స్టేషన్‌ను సెంట్రల్ అంటారు. ఒక సెంట్రల్ సాధారణంగా చాలా పెద్దది మరియు రోజూ చాలా రైళ్లు దాని మీదుగా వెళతాయి. నగరంలో ఒకటి కంటే ఎక్కువ స్టేషన్లు ఉంటే సెంట్రల్ స్టేషన్ కలిగి ఉండటం అవసరం లేదు.

చాలా కాలం కిందటే ఈ స్టేషన్లను ప్రారంభించారు. మనదేశం లో అలాంటి సెంట్రల్ లు ఐదు ఉన్నాయి. అవి కాన్పూర్ సెంట్రల్, మంగళూరు సెంట్రల్, ముంబై సెంట్రల్, త్రివేండ్రం సెంట్రల్, చెన్నై సెంట్రల్.

టెర్మినస్:

ఏ స్టేషన్ లో అయినా రైల్వే ట్రాక్స్ ముగిసిపోతే అలాంటి స్టేషనలను టెర్మినస్ స్టేషన్స్ అని పిలుస్తారు. ఇలాంటి స్టేషన్లలో రైళ్లు ఒకే దిశలో బయలుదేరుతాయి.

భారత్ లో బాంద్రా టెర్మినస్ (BDTS), హౌరా టెర్మినస్ (HWH), భావ్‌నగర్ టెర్మినస్ (బివిసి), చత్రపతి శివాజీ మహారాజ్ టెర్మినస్ (సిఎస్ఎంటి), కొచ్చిన్ హార్బర్ టెర్మినస్ (CHTS), లోక్మాన్య తిలక్ టెర్మినస్ (LTT), యావత్మల్ టెర్మినస్ (వైటిఎల్) లు ముఖ్యమైనవి.

జంక్షన్:

ఏ స్టేషన్ నుంచి అయినా కనీసం 3 మార్గాలు ఉంటే ఆ స్టేషన్‌ను జంక్షన్ అంటారు. వచ్చే రైళ్లకు కనీసం 2 మార్గాలు ఉండాలి, అప్పుడు స్టేషన్‌ను జంక్షన్ అంటారు.సికింద్రాబాద్, విజయవాడ రైల్వే స్టేషన్ లను జంక్షన్ అనే పిలుస్తారు.

అలాగే, రైళ్లు ఆగి, పాసెంజర్లు తమ వస్తువులు తీసుకెళ్లగలిగే ప్రదేశాన్ని స్టేషన్ అని పిలుస్తాము. ఇక్కడ సాధారణం గా రైళ్లు ఆగడానికి, వెళ్ళడానికి మాత్రమే అవకాశం ఉంటుంది.

ఒక వ్యక్తి పై మనకి ఉండే ఇష్టాన్ని , ప్రేమని మనం చిన్న ముద్దు తో తెలియపరుస్తాం. కానీ.. మనం ఎప్పుడు ముద్దు పెట్టుకున్నా ఆటోమేటిక్ గా కళ్ళు మూసుకుంటాం.. ఇది ఒక అసంకల్పిత ప్రతీకార చర్య లాగా జరిగిపోతూ ఉంటుంది. కావాలని మనం కళ్ళు మూసుకోకుండా ఉన్నా కూడా.. మనం ముద్దు పెట్టుకోవడం పై కాన్సన్ట్రేట్ చెయ్యలేం..ఇలా ఎందుకు జరుగుతుందో తెలుసుకోండి.

ఇంగ్లీష్ లో ఒక సామెత ఏమిటంటే..” ఓ వ్యక్తి ముద్దు పెట్టుకుంటూ కూడా సేఫ్ గా డ్రైవింగ్ చేయగలిగాడు అంటే.. అతను ముద్దు పెట్టుకోవడం పై కాన్సన్ట్రేట్ చేయలేదని అర్ధం”. నిజమే… ఎందుకంటే, మనం ముద్దు పెట్టుకునేటపుడు వేరే ఏ ఇతర పనిని సరిగ్గా చేయలేము. ప్రేమని వ్యక్తపరిచేటపుడు.. ఆ విషయం పై దృష్టి నిలపడం కోసం మెదడు కూడా సహకరిస్తుంది. అందుకే ఆ సమయం లో మనం ఆటోమేటిక్ గా కళ్ళు మూసేసుకుంటాం. అలా చేస్తున్నపుడు.. మనం మనస్పూర్తి గా ముద్దు పెట్టగలుగుతాం. అందులోని ఫీల్ ని అనుభూతి చెందగలుగుతాం.

ఇలా అనుభూతి చెందే సమయం లో వేరే ఇతర పనులను చేయడం కష్ట సాధ్యమని మనస్తత్వ శాస్త్రవేత్తలు కూడా ఇప్పటికే తేల్చేసారు. నమ్మశక్యంగా లేదా..? ముద్దు పెట్టుకునేటపుడు మనం ఎందుకు కళ్ళు మూసుకుంటామో వివరించే ఈ ఆరు పాయింట్లను చదవండి.

#1. మీ భాగస్వామిని అంత దగ్గరగా చూడటం మీకు కష్టమవుతుంది, ఎందుకంటే సాధారణ మానవ కళ్ళు 25 సెం.మీ మధ్య ఎటువంటి ఒత్తిడి లేకుండా వస్తువులను చూడగలుగుతాయి. ముద్దు పెట్టుకునేటపుడు దగ్గిరగా ఉంటాము కాబట్టి చూడలేక కళ్ళు మూసుకుంటాము.

#2. ముద్దు పెట్టుకునే సమయం లో మీరు వారిని చూడడం కంటే.. ఆ ముద్దు తాలూకు అనుభూతిని పొందడం ఎక్కువ ఇష్టపడుతారు. అందుకే ఆ సమయం లో కళ్ళు మూసుకుంటారు.

#3. కళ్ళు మూసుకున్న సమయం లో మీ దృష్టి అంతా ముద్దు పైనే ఉంటుంది. ఇతర శబ్దాలను కూడా ఆ సమయం లో పట్టించుకోకుండా కేంద్రీకరించగలుగుతారు.

#4. కళ్ళు తెరిచి ఉంచినప్పుడు వేరే ఆలోచనలు వస్తుంటాయి. దీనివలన ముద్దు తాలూకు అనుభూతిని పొందలేరు.

#5. కళ్ళు మూసుకుని గంటల తరబడి ముద్దు పెట్టవచ్చు. కానీ ఒకసారి కళ్ళు తెరిచాక తొందరగా బాహ్య ప్రపంచం లోకి వచ్చేస్తారు. అనుభూతి చెందుతూ ముద్దు పెట్టాలంటే కళ్ళు మూసుకోవాల్సిందే.

#6. ఇది సరదాగా అనిపించినా నిజమే. మీ భాగస్వామి ముక్కు దగ్గరగా చూసినపుడు మరింత పెద్దది గా కనిపించడం వలన కూడా కళ్ళు మూసుకుంటారు.

తెలుగువారు జరుపుకునే పండుగలలో ఉగాది ముఖ్యమయినది. ఉగాది రోజు నుండే తెలుగు సంవత్సరం మొదలవుతుంది కాబట్టి ఇది తెలుగువారి మొదటి పండుగ. తెలుగువారే కాకుండా దక్షినాది రాష్ట్రాలైన కర్ణాటక, ఆంద్ర ప్రదేశ్, తెలంగాణా, మహారాష్ట్ర ప్రజలు జరుపుకుంటారు. తెలుగు ప్రజలు ఎక్కువగా ఉపయోగించే చంద్రమాన పంచాంగం ప్రకారం మొదటి నెల చైత్రమాసం.

చైత్రమాసం మొదటి రోజైన చైత్ర శుద్ధ పాడ్యమి నాడు ఉగాదిని జరుపుకుంటారు.ఈ సారి ఉగాది April 2 నాడు వస్తుంది.ఈ సారి ఉగాది కి వచ్చే పేరు “శ్రీ శుభకృత్ నామ సంవత్సరం”.

Ugadi telugu Images 2022

తెలుగు పంచాంగం ప్రకారం మొత్తం 60 తెలుగు సంవత్సరాల పేర్లు ఉన్నాయి. కాల గమనం లో ఒక్కో సంవత్సరం మారుతూ 60 సంవత్సరాలు పూర్తయ్యాక ఈ తెలుగు సంవత్సరాలు తిరిగి మొదలవుతూ ఉంటాయి. ఈ లెక్కన ఈ ఏడాది ఉగాది నాడు మొదలయ్యే సంవత్సరం పేరు “శుభ కృత్ నామ సంవత్సరం”. ఇలా మొత్తం అరవై తెలుగు సంవత్సరాలు ఉన్నాయి.

Ugadi Images 2022 | Happy Ugadi Wishes ,Images Quotes, Whatsapp Status 2022

మన తెలుగు సంవత్సరాల పేర్లు :
1. ప్రభవ, 2. విభవ, 3. శుక్ల, 4. ప్రమోదూత, 5. ప్రజోత్పత్తి, 6. ఆంగీరస, 7. శ్రీముఖ, 8. భవ, 9. యువ, 10. ధాత, 11. ఈశ్వర, 12. బహుధాన్య, 13. ప్రమాథి, 14. విక్రయ, 15. వృక్ష, 16. చిత్రభాను, 17. స్వభాను, 18. తారణ, 19. పార్థివ, 20. వ్యయ, 21. సర్వజిత్, 22. సర్వధారి, 23. విరోధి, 24. వికృతి, 25. ఖర, 26. నందన, 27. విజయ, 28. జయ, 29. మన్మథ, 30. దుర్ముఖి, 31. హేవలంభి, 32. విలంబి, 33. వికారి, 34. శార్వరి, 35. ప్లవ, 36. శుభకృత్, 37. శోభకృత్, 38. క్రోధి, 39. విశ్వావసు, 40. పరాభవ, 41. ప్లవంగ, 42. కీలక, 43. సౌమ్య, 44. సాధారణ, 45. విరోధికృత్, 46. పరీధావి, 47. ప్రమాదీచ, 48. ఆనంద, 49. రాక్షస, 50. నల, 51. పింగళ, 52. కాళయుక్త, 53. సిద్ధార్థి, 54. రౌద్రి, 55. దుర్మతి, 56. దుందుబి, 57. రుధిరోద్గారి, 58. రక్తాక్షి, 59. క్రోధన, 60. అక్షయ.

Ugadi telugu Images

వీటిల్లో ఈ ఏడాది రాబోతున్న శుభ కృత్ నామ సంవత్సరానికి అర్ధం ఏంటో ఇప్పుడు తెలుసుకుందాం. శుభ అంటే “శుభం”, “మంగళకరం” అని అర్ధం. మంగళ కరమైన రూపం కలిగినది.. శుభాలను చేకూర్చే ఏడాది కాబట్టే ఈ ఏడాదిని “శుభకృత్” అని పిలుస్తారు. ఈ ఏడాది ప్రజలందరికి శుభాలు జరుగుతూ ఉంటాయి. అందరికి మంచి జరగడమే కాక.. ప్రజలంతా సుఖ సంతోషాలతో ఉంటారు.

మనం స్కూల్ లో చదువుకుంటున్న రోజుల నుంచి ఇండియా మ్యాప్ ని చూస్తూనే ఉన్నాం కదా. మ్యాప్ లో మనం చూడగానే గుర్తించగలిగే ప్రదేశాలలో శ్రీలంక ఒకటి. శ్రీలంక నిజానికి భారత దేశంలో భాగం కాదు. అదో ప్రత్యేకమైన దేశం. కానీ, ఇండియా మ్యాప్ లో కూడా శ్రీలంక కనిపిస్తూ ఉంటుంది.

కేవలం శ్రీలంక మాత్రమే కాదు. బంగ్లాదేశ్, భూటాన్ లు కూడా అలానే కనిపిస్తూ ఉంటాయి. నిజానికి ఇవి ప్రత్యేక దేశాలు. భారత దేశంలో భాగం కాదు. కానీ, భారత దేశ మ్యాప్ లో ఎందుకు ఉంటాయి?

మీకెప్పుడైనా ఈ సందేహం వచ్చిందా..? అయితే వెంటనే ఈ ఆర్టికల్ చదివేయండి. నిజానికి ఏ పబ్లిషర్ అయినా ఒక దేశ మ్యాప్ లో మరొక దేశాన్ని చూపించకూడదు. మీరు జాగ్రత్తగా పరిశీలిస్తే, శ్రీలంక మ్యాప్‌లో భారతదేశం కంటే భిన్నమైన రంగుతో గుర్తించబడి ఉంటుంది.

అలాగే, నేపాల్, భూటాన్, బంగ్లాదేశ్ దేశాలు కూడా భారత దేశం ఉన్న రంగులో కాకుండా మరో రంగులో ఉంటాయి. మనం శ్రీలంక మ్యాప్‌ను మాత్రమే కాకుండా నేపాల్, బంగ్లాదేశ్ మరియు భూటాన్, మరియు కొన్నిసార్లు మయన్మార్ మరియు పాకిస్తాన్‌లను కూడా భారతదేశ మ్యాప్‌లో చూస్తాము. ఎందుకంటే, భారతదేశం యొక్క ప్రాదేశిక విస్తరణ చాలా విస్తృతమైనది, భారతదేశాన్ని మ్యాప్ చేస్తున్నప్పుడు, ఈ చిన్న దేశాలు భారతదేశ మ్యాప్‌లో ‘సహజంగా’ కనిపిస్తాయి. కానీ అలాంటి దేశాల మ్యాప్‌లు రంగు సంకేతాలతో స్పష్టంగా విభిన్నంగా ఉంటాయి.రేఖాంశం మరియు అక్షాంశాలను చూపేటపుడు సముద్రాల చట్టం ప్రకారం ఒక దేశం యొక్క తీర రేఖ నుండి 200 నాటికల్ మైళ్లు (370 కిమీ) ఆర్థిక జోన్ పరిమితి వరకు చూపించాల్సి ఉంటుంది. భారతదేశం మరియు శ్రీలంక మధ్య దూరం 40కిలోమీటర్ల కంటే తక్కువగా ఉండడం వల్లే ఈ దేశాన్ని కూడా మ్యాప్ లో చూపిస్తారు. ఇదే సూత్రం భూటాన్, నేపాల్, బంగ్లాదేశ్ లకు కూడా వర్తిస్తుంది.

ప్రస్తుతం ఉన్న పరిస్థితుల కారణంగా, జనాలు థియేటర్లకు వెళ్లి సినిమాలు చూడడం అనేది చాలా కష్టమైపోయింది. దాంతో టీవీకి మాత్రమే పరిమితం కావాల్సి వస్తోంది. అంతే కాకుండా థియేటర్లలో విడుదల అయిన సినిమాలు కూడా, కొద్ది రోజుల్లోనే డిజిటల్ రిలీజ్ అవుతున్నాయి. ఏదేమైనా కానీ, థియేటర్లలో సినిమా చూడడం అనేది ఒక కొత్త అనుభూతిని ఇస్తుంది.

జనాల మధ్య, ఆ ఎంజాయ్‌మెంట్ లో సినిమా చూడడం చాలా మందికి నచ్చుతుంది. అందుకే ఎంతో మంది దర్శక నిర్మాతలు కూడా, ఆలస్యం అయినా పర్లేదు కానీ సినిమా మాత్రం కచ్చితంగా థియేటర్లలో విడుదల అవ్వాలి అని ఆలోచిస్తున్నారు.

ఇదంతా పక్కన పెడితే, థియేటర్లలో నుండి బయటికి వచ్చిన తర్వాత ప్రతి ప్రేక్షకుడికి ఒక సంఘటన ఎదురవుతుంది. అదేంటంటే, సినిమా అయిపోయాక థియేటర్ నుండి మనం బయటికి రాగానే వెలుతురు చూస్తే మనకు ఏమీ కనిపించదు. ఇది ఎక్కువగా ఉదయం, మధ్యాహ్నం సమయాల్లో జరుగుతూ ఉంటుంది. దీని వెనకాల ఒక కారణం ఉంది. అదేంటంటే, మన కళ్ళలో సిలియరీ కండరాలు ఉంటాయి. ఆ కండరాలు ముడుచుకుపోతూ, ఎక్స్పాండ్ అవుతూ ఉంటాయి.

థియేటర్లో వెలుగు తక్కువగా ఉంటుంది. అలాగే థియేటర్ స్క్రీన్ ప్రేక్షకులకి చాలా దూరంలో ఉంటుంది. అలాంటప్పుడు సిలియరీ కండరాలు ఎక్స్పాండ్ అయ్యి ఉంటాయి. అదే మనం థియేటర్లో నుండి బయటికి రాగానే వెలుగు ఎక్కువగా ఉంటుంది. దాంతో ఆ కండరాలు ముడుచుకుపోతాయి. అవి మళ్ళీ మామూలుగా అవ్వడానికి కొంత సమయం పడుతుంది. అందుకే ఆ కొంత సమయంలో వెలుతురు ఏమీ కనిపించదు.

అలాగే వెలుతురులో ఉన్నప్పుడు సిలియరీ కండరాలు ముడుచుకుపోయి ఉంటాయి. మనం చీకటిలోకి వెళ్ళగానే ఆ కండరాలు ఎక్స్పాండ్  అవ్వడానికి కొంత సమయం పడుతుంది. అందుకే, థియేటర్ లోపలికి వెళ్ళినప్పుడు కానీ, అలాగే థియేటర్లో నుండి బయటికి వచ్చేటప్పుడు కానీ వెలుతురు చూడటం వల్ల కొంచెం సేపు ఏమీ కనిపించదు. తర్వాత మళ్లీ మామూలు అవుతుంది.

పెళ్లి అనేది ప్రతి ఒక్కరి జీవితంలో చాలా ముఖ్యమైనది. పెళ్లితో రెండు కుటుంబాలు, రెండు మనసులు కూడా ఏకమవుతాయి. అయితే ఆడపిల్లలకి పెళ్ళికి ముందు ఒకే ఇంటి పేరు ఉంటే.. పెళ్లి తర్వాత మరొక ఇంటి పేరు ఉంటుంది. పెళ్లికి ముందు తండ్రి ఇంటి పేరుని ఆడపిల్లలు ఉపయోగించడం జరుగుతుంది.

ఆ తర్వాత అత్తింటి వారి యొక్క ఇంటి పేరుని ఆడపిల్లలు మార్చుకోవాల్సి ఉంటుంది. వివాహం తర్వాత ఇంటి పేరు మార్చుకోవడం వల్ల కలిగే లాభ నష్టాల గురించి ఇప్పుడు తెలుసుకుందాం.

పెళ్లి తర్వాత ఆడపిల్ల తన ఇంటి పేరును తొలగించి తన భర్త యొక్క ఇంటి పేరు యాడ్ చేసుకున్నప్పుడు ఆ ఇంటి సభ్యురాలు అవుతుంది. ఆమె భర్త ఇంటి పేరుని మార్చుకున్నప్పుడే వివాహం అయిందని కుటుంబం భావిస్తుంది. అలానే సమాజం కూడా భావిస్తోంది.

అదే ఒకవేళ కనుక మీరు పెళ్లి తర్వాత మీ భర్త పేరు ఇంటి పేరుగా మార్చుకోకపోతే మీ ఇంట్లో ఏదో సమస్య వచ్చిందని కొందరు అనుకుంటూ ఉంటారు. అలానే భర్త పేరు తో మీ పేరు ఉంటే ఆస్తి పత్రాలను సిద్ధం చేసేటప్పుడు ఇబ్బందులు కలగవు. అలానే జాయింట్ అకౌంట్ లాంటివి తెరవడానికి కూడా సులభంగా ఉంటుంది.

కానీ ఆడ పిల్లలు కుటుంబ సంప్రదాయ పేరు లేదా తండ్రి పేరును గర్వంగా ఉపయోగించడాన్ని పెళ్లి తర్వాత కోల్పోతారు. పైగా పుట్టింటి వాళ్ళ పేరుతోనే ఉంచడం భర్తకు ఇష్టం ఉండదు. ఇలా ఆడ పిల్లలు వివాహం తర్వాత ఇంటి పేరు మార్చుకుంటే ఈ లాభాలు, నష్టాలు ఉంటాయి.

Note: All the images used in this article are just for reference purpose only, but not the actual characters.

డబ్బు ని దాచుకోవడానికి బంగారం కొనడం కూడా ఓ మార్గమే. మహిళలు కొత్త ఆభరణాలు ధరించడం కోసం బంగారం కొనాలి అనుకుంటూ ఉంటారు. బంగారం విలువ పెరుగుతూనే ఉంటుంది. బంగారం కొని పెట్టుకున్నాం అంటే.. డబ్బుని దాచుకున్నట్లే. అందుకే.. చాలా మంది పెట్టుబడుల్లో పెట్టడం కంటే.. బంగారం కొనడానికే ఎక్కువ ఆసక్తి చూపిస్తూ ఉంటారు..

అయితే.. మీరెప్పుడైనా గమనించారా..? బంగారం కొనుగోలు చేసిన తర్వాత మనకి ఆ బంగారాన్ని ప్యాక్ చేసి ఇచ్చేటప్పుడు ఒక పింక్ కలర్ ప్యాకెట్ లో పెట్టి ప్యాక్ చేసి ఇస్తూ ఉంటారు.

అయితే.. ఇలా పింక్ కలర్ పేపర్ లోనే ఎందుకు పెడతారు..? వేరే ఏదైనా కలర్ పేపర్లో కూడా పెట్టి ఇవ్వొచ్చు కదా..? మీకెప్పుడైనా ఈ సందేహం కలిగిందా..? అయితే.. ఈ ఆర్టికల్ చదివి మీ డౌట్ ని క్లియర్ చేసుకోండి. సాధారణంగా ఈ బ్యాక్ గ్రౌండ్ లో ఉండే కలర్ అనేది మెయిన్ ప్రోడక్ట్ ని హై లైట్ చేసే విధంగా ఉండాలని అనుకుంటారు. ఉదాహరణకి సర్జరీ చేసేటప్పుడు వైద్యులు ఆపరేషన్ గదిలో ఆకుపచ్చని బ్యాక్ గ్రౌండ్ ఉండేలా చూసుకుంటారు.

ఎందుకంటే.. సర్జరీ చేసే సమయంలో కంటికి ఎక్కువ రక్తమే కనబడుతూ ఉంటుంది. ఆ టైములో ఆకుపచ్చని రంగు కూడా కనిపిస్తూ ఉండడం వలన కళ్ళకి కొంత ఉపశమనం లభించడంతో పాటు వారు సర్జరీ చేయడంపై ఫోకస్ చేయగలుగుతారు. కృష్ణుడి పెయింట్లను కూడా గమనించినట్లయితే వెనుకాల ఆవులను పూర్తి తెలుపు రంగులోనే ఉండేలా వేస్తారు. లేదంటే ఏదైనా తేలికపాటి రంగు బ్యాక్ గ్రౌండ్ ఉండేలా చూస్తారు. ఎందుకంటే కృష్ణుడి మేని ఛాయ నలుపు రంగు. కృష్ణుడు అందంగా కనిపించాలంటే వెనుకాల ఉండే రంగు తేలికపాటి రంగు అయి ఉండాలి.

ఇదే సూత్రం బంగారానికి కూడా వర్తిస్తుంది. బంగారం మెరుస్తూ ఉంటుంది. అయితే.. ఆ మెరుపు సరైన విధంగా కనిపించాలంటే వెనుకాల ఉండే బ్యాక్ గ్రౌండ్ మంచిగా ఉండాలి. అందుకోసమే వెండి లేదా బంగారం వస్తువులను అమ్మే వారు ఈ రంగు పేపర్ ను ఉపయోగిస్తూ ఉంటారు. నలుపుని చాలా మంది అశుభ సూచకంగా ఉపయోగిస్తారు. ఇక ఆ రంగు కాకుండా పింక్ రంగు పేపర్ అయితే బంగారం మెరుపుని అందంగా కనిపించేలా చేస్తుంది. అందుకే పింక్ కలర్ పేపర్ ను ఉపయోగిస్తారు.

ఈ ప్రశ్న చూడగానే అర్ధం కాలేదా..? మీరెప్పుడైనా ముక్కు మూసుకుని మాట్లాడారా? కచ్చితం గా మీ గొంతు లో తేడా ఉండే ఉంటుంది. అలాగే.. పెదాలు కదపకుండా సన్నగా పాటలను కానీ, లేదా ఏదైనా మ్యూజిక్ ని కానీ హమ్ చేశారా..? మీరు ముక్కు మూసుకోకుండా హమ్ చేస్తే.. చిన్న గా సౌండ్ వస్తూ ఉంటుంది.

కానీ.. మీరు ముక్కు మూసుకుని ఉంటే.. ఇలా హమ్ చేయడం సాధ్యం కాదు. నమ్మశక్యం గా అనిపించడం లేదా..? మీరు ఒకసారి ట్రై చేసి చూడండి. మీ ముక్కును మూసుకుని.. నోరును కూడా మూసేసి.. పెదాలు కదపకుండా హమ్ చేయడానికి ప్రయత్నించి చూడండి. ట్రై చేశారా..? హమ్ చేయలేకపోతున్నారు కదా.. ఎందుకు హమ్ చెయలేకపోతున్నారో తెలుసా..?

ఎందుకంటే మనం హమ్ చేస్తున్నప్పుడు కచ్చితం గా గాలిని బయటకు వదులుతాము. అదే ముక్కుని, నోరుని మూసివేసినప్పుడు ఈ గాలి బయటకు రావడానికి అవకాశం ఉండదు. ఇలా గాలి బయటకు వచ్చినప్పుడే శబ్దం ఉత్పత్తి అవుతుంది. మీరు ముక్కు, నోరు మూసివేస్తే.. ఇది పాజిబుల్ కాదు. వెంటనే నోరు తెరిచి అయినా సరే శ్వాస తీసుకోవాల్సి వస్తుంది. ఇది షాకింగ్ గా అనిపించినా వాస్తవమే. మనం నోరుని, ముక్కుని మూసేసి హమ్ చేయలేము. కావాలంటే ప్రయత్నించి చూడండి.

చట్టానికి సంబంధించిన ఎన్నో విషయాలు మనకు తెలియవు. అందులో చిన్న చిన్న విషయాలను కూడా వివరంగా చెప్తారు. మనం సాధారణంగా ఇలాంటివి ఉండవు అని అనుకుంటాం కానీ చట్టపరంగా అలాంటివి కరెక్ట్ అవుతాయి. అందుకు ఉదాహరణ ఓనర్ కి, అద్దెకి ఉండేవాళ్ళకి సంబంధించిన ఈ విషయం. ఒక వ్యక్తి ఒక ఇంట్లో ఎక్కువ కాలం అద్దెకి ఉంటే ఆ ఇల్లు ఆ అద్దెకి ఉన్న వాళ్ళది ఇది అవుతుంది అని అంటారు.

కానీ చట్ట ప్రకారంగా చూస్తే ఈ విషయం కొంత వరకు నిజమే అయినా కానీ కొంత వరకు నిజం కాదు.అంటే ఒక వ్యక్తి ఒక ఇంట్లో ఏడు సంవత్సరాల కంటే ఎక్కువ కాలం అద్దెకి ఉంటే ఆ వ్యక్తి తన జీవితాంతం ఆ ఇంట్లో అద్దెకి ఉండవచ్చు. కానీ ప్రతి నెల క్రమం తప్పకుండా అద్దె కట్టాలి. ఒకవేళ అలా ప్రతి నెల క్రమం తప్పకుండా అద్దె కడుతూ ఉంటే, అలాగే ఓనర్ ప్రమేయం లేకుండా ఇంటిని రెనొవేట్ లాంటివి చేయించకుండా ఉంటే ఆ వ్యక్తి జీవితాంతం ఆ ఇంట్లోనే అద్దెకి ఉండవచ్చు. దీనిని అడ్వర్స్ పొసెషన్ అని  అంటారు.

అలాగే ఒక వేళ ఒక వ్యక్తి ఒక ఇంట్లో ఉంటూ ఉంటే ఆ ఇంటికి సంబంధించిన ప్రాపర్టీ టాక్స్ అతని పేరు మీద ఉంటే, కానీ ఆ వ్యక్తి దగ్గర రిజిస్టర్ సేల్ డీడ్ లేకపోతే ఓనర్ షిప్ హక్కులు ఎవరికి వస్తాయి? అనే ఒక అనుమానం కూడా చాలా మందికి ఉంటుంది. అయితే, ఒకవేళ ఒక వ్యక్తి ప్రాపర్టీ టాక్స్ కడుతూ ఉంటే, ఆ ప్రాపర్టీ టాక్స్ రసీదు ఆ వ్యక్తి పేరు మీద ఉంటే, ఓనర్ షిప్ హక్కులు అతనివే అవుతాయి.

దీనికి సేల్ డీడ్ తో సంబంధం లేదు. కానీ ప్రాపర్టీ టాక్స్ ఆ వ్యక్తి పేరు మీద రావాలి అంటే మున్సిపల్ కార్పొరేషన్ లో అద్దెకు ఉండే వ్యక్తి ఓనర్ షిప్ నిరూపించుకోవడానికి టైటిల్ డీడ్ ఇవ్వాలి. ప్రాపర్టీ టాక్స్ ఒక వ్యక్తి పేరు మీద ఉంది అంటే మున్సిపల్ కార్పొరేషన్ లో ఆ వ్యక్తి తన ఇంటికి సంబంధించిన పత్రాలను సబ్మిట్ చేసినట్టే.

అలాంటప్పుడు సేల్ డీడ్, ప్రాపర్టీ టాక్స్ కట్టే వ్యక్తి పేరు మీదే వస్తుంది. అలాగే కరెంట్, వాటర్ టాక్స్ కూడా ఆ వ్యక్తి పేరు మీదే వస్తాయి. ఒకవేళ ఇద్దరు వ్యక్తులకి ఇలాగే ఉంటే, అంటే ఇద్దరు వ్యక్తుల పేరు మీద ఇల్లు, ఎలక్ట్రిసిటీ ఉంటే ఇద్దరిలో ఓనర్ ఎవరు? అనే గొడవ వస్తుంది. అప్పుడు వాళ్ళు ఇద్దరూ సివిల్ కోర్టు కి వెళ్ళి టైటిల్ సూట్ ఫైల్ చేయాలి. ఆ టైటిల్ ద్వారా ఓనర్ ఎవరో తేల్చుకోవాలి.

అంతే కాకుండా కేవలం 12 సంవత్సరాలు ఉండి, ప్రాపర్టీ టాక్స్ కడితే మాత్రమే ఓనర్ షిప్ హక్కులు వస్తాయి అని అనుకోకూడదు. ఒకవేళ ఒక వ్యక్తి ఒక ఇంట్లో ఒక సంవత్సరం మాత్రమే ఉండి, ప్రాపర్టీ టాక్స్ కట్టినా కూడా ఆ ఇల్లు ఆ వ్యక్తి పేరు మీదకే వస్తుంది.

ఒకవేళ 12 సంవత్సరాలు ఉండి ప్రాపర్టీ టాక్స్, వాటర్, కరెంట్ ఓనర్ పేరు మీద ఉన్నా ఆ ఇల్లు ఆ అద్దెకి ఉన్న వ్యక్తికి సొంతం అవ్వదు. కానీ 12 సంవత్సరాలు ఇంట్లో ఉన్నారు కాబట్టి వారిని ఇల్లు ఎవరూ ఖాళీ చేయించలేరు. అలా 12 సంవత్సరాలకంటే ఎక్కువగా ఒక ఇంట్లో ఉన్న వారిని అడ్వర్స్ టెనెంట్ అని అంటారు.

watch video :

https://youtu.be/rFsR-nyGAFU