Off Beat

భారత దేశం లో రైల్వే రవాణా వ్యవస్థ పటిష్టం గా ఉంటుంది. విస్తృతమైన రవాణా నెట్ వర్క్ భారత్ సొంతం. అయితే, మీరెప్పుడైనా గమనించారా? దేశం లో కొన్ని రైల్వే స్టేషన్లను సెంట్రల్ అని మరి కొన్ని స్టేషన్లనేమో జంక్షన్ అని పిలుస్తున్నారు. ఇలా ఎందుకు పిలుస్తున్నారో మనం ఇప్పుడు తెలుసుకుందాం.

సెంట్రల్:

ప్రాధమికం గా, భారత్ లో నాలుగు రకాల స్టేషన్లు ఉన్నాయి. సెంట్రల్, టెర్మినస్, జంక్షన్, మరియు స్టేషన్. ఒకే నగరంలోని చాలా స్టేషన్లు ఉండి, వాటిలో అతి ముఖ్యమైన / రద్దీగా ఉండే స్టేషన్ అయినప్పుడు స్టేషన్‌ను సెంట్రల్ అంటారు. ఒక సెంట్రల్ సాధారణంగా చాలా పెద్దది మరియు రోజూ చాలా రైళ్లు దాని మీదుగా వెళతాయి. నగరంలో ఒకటి కంటే ఎక్కువ స్టేషన్లు ఉంటే సెంట్రల్ స్టేషన్ కలిగి ఉండటం అవసరం లేదు.

చాలా కాలం కిందటే ఈ స్టేషన్లను ప్రారంభించారు. మనదేశం లో అలాంటి సెంట్రల్ లు ఐదు ఉన్నాయి. అవి కాన్పూర్ సెంట్రల్, మంగళూరు సెంట్రల్, ముంబై సెంట్రల్, త్రివేండ్రం సెంట్రల్, చెన్నై సెంట్రల్.

టెర్మినస్:

ఏ స్టేషన్ లో అయినా రైల్వే ట్రాక్స్ ముగిసిపోతే అలాంటి స్టేషనలను టెర్మినస్ స్టేషన్స్ అని పిలుస్తారు. ఇలాంటి స్టేషన్లలో రైళ్లు ఒకే దిశలో బయలుదేరుతాయి.

భారత్ లో బాంద్రా టెర్మినస్ (BDTS), హౌరా టెర్మినస్ (HWH), భావ్‌నగర్ టెర్మినస్ (బివిసి), చత్రపతి శివాజీ మహారాజ్ టెర్మినస్ (సిఎస్ఎంటి), కొచ్చిన్ హార్బర్ టెర్మినస్ (CHTS), లోక్మాన్య తిలక్ టెర్మినస్ (LTT), యావత్మల్ టెర్మినస్ (వైటిఎల్) లు ముఖ్యమైనవి.

జంక్షన్:

ఏ స్టేషన్ నుంచి అయినా కనీసం 3 మార్గాలు ఉంటే ఆ స్టేషన్‌ను జంక్షన్ అంటారు. వచ్చే రైళ్లకు కనీసం 2 మార్గాలు ఉండాలి, అప్పుడు స్టేషన్‌ను జంక్షన్ అంటారు.సికింద్రాబాద్, విజయవాడ రైల్వే స్టేషన్ లను జంక్షన్ అనే పిలుస్తారు.

అలాగే, రైళ్లు ఆగి, పాసెంజర్లు తమ వస్తువులు తీసుకెళ్లగలిగే ప్రదేశాన్ని స్టేషన్ అని పిలుస్తాము. ఇక్కడ సాధారణం గా రైళ్లు ఆగడానికి, వెళ్ళడానికి మాత్రమే అవకాశం ఉంటుంది.

ఏదైనా ఒక వస్తువు గురించి ఎక్స్ప్లెయిన్ చేయాలి అంటే మినిమం పది నిమిషాలు సమయమైనా కావాలి. కానీ ఒక వస్తువు గురించి దాని వల్ల వచ్చే ఉపయోగాల గురించి కేవలం ఒక్క నిమిషంలో, మహా అయితే రెండు నిమిషాల్లో చెప్పడానికి దారి అడ్వర్టైజ్మెంట్స్. ఒక అడ్వటైజ్మెంట్ లో వాళ్ళ వస్తువు గురించి వాళ్ళు చెప్పేది ఎంతవరకు నిజమో తెలియదు కానీ, అసలు అడ్వటైజ్మెంట్ డిజైన్ చేసే విధానం మాత్రం చాలా క్రియేటివ్ గా ఉంటాయి. అందులో కొన్ని క్లిక్ అవుతాయి, కొన్ని అవ్వవు. కొన్ని మాత్రం చాలా ఐకానిక్ గా ఉంటాయి.

అంటే ఒక వస్తువు తర్వాత మారొచ్చు కానీ దానికి అడ్వటైజ్మెంట్ కి రూపొందించే విధానం, దానికి యూస్ చేసే జింగిల్ మాత్రం ఒకటే ఉంటుంది. ఉదాహరణకి నిర్మా సబ్బు యాడ్ ఉంది. ఒకసారి మనం గమనిస్తే సబ్బు రూపం మారుతూనే ఉంది. కానీ దానికి జింగిల్ మాత్రం అదే ఉంది. అసలు ఈ పాటికే నిర్మా పేరు వినగానే మీలో చాలా మందికి అడ్వర్టైజ్మెంట్ లో వచ్చే పాట గుర్తొచ్చే ఉంటుంది. మూడు గంటల కథ ఉన్న సినిమాకి ఒక టైటిల్ ఉంటుంది. అసలు అడ్వటైజ్మెంట్ వచ్చేది కొన్ని నిమిషాలే అయినా అందులో కూడా ఏదో ఒక కథ ఉంటుంది. మరి దీనికి టైటిల్ లేకపోతే ఎలా? ఒకవేళ అడ్వర్టైజ్మెంట్స్ కి టైటిల్స్ ఉంటే అవి ఇలాగే ఉంటాయేమో.

#1 ప్రతి సంతూర్ అడ్వటైజ్మెంట్ లో ఒకటి మాత్రం కామన్ గా వినిపిస్తుంది.
మమ్మీ – (చిన్నపిల్ల టోన్ లో)
మమ్మీ! – (సర్ప్రైజింగ్ టోన్ లో)

#2 మహానుభావుడులో హీరోకి ఫ్లాష్ బ్యాక్ ఉంటే ఇలానే ఉంటుందేమో.

#3 అబ్బాస్ – ఒక మంచి అతిధి.

#4 చక్కగా ఉండండి.

#5 సిట్ “comfort”ably

#6 అవాక్కయ్యారా!

#7 ఊరికే రావు మరి.

#8 డేవిడ్ వార్నర్ ఫస్ట్ తెలుగు డెబ్యూట్.

#9 హ్మ్మ్ ..!

#10 కుక్క బ్రీడ్ పేరుని మర్చిపోయి “హచ్ కుక్క” గా మార్చిన అడ్వటైజ్మెంట్.

#11 సిల్వర్ స్క్రీన్ లో పెద్దోడు – చిన్నోడు. అడ్వర్టైజ్మెంట్ లో రమేష్ – సురేష్.

పొద్దున్న లేస్తే మనకి వెంటనే మొబైల్ కనిపించకపోతే విసుగు వచ్చేస్తుంది. మనం వాడే ఒక్కగానొక్క మొబైల్ విషయంలో మనం అంత అట్టాచ్డ్ గా ఉంటాం. మరి.. సవాలక్ష పనులు చేసుకునే దేశ ప్రధాని నరేంద్ర మోడీ మొబైల్ విషయంలో ఇంకెంత శ్రద్ధగా ఉంటారు..? ఆయన ఎలాంటి ఫోన్స్ ని ఎంచుకుంటారు..?

మీకెప్పుడైనా ఈ సందేహం వచ్చిందా..? దేశ ప్రధాని నరేంద్ర మోడీ ఏ మొబైల్ ను వాడతారు..? అయితే ఈ ఆర్టికల్ మీకోసమే. ప్రధాని వాడే మొబైల్స్ గురించి ఇప్పుడే తెలుసుకోండి.

దేశ ప్రధాని కాబట్టి.. ఆయన మొదట తన భద్రతకు అధిక ప్రాధాన్యతను ఇస్తారు. ఆయన మన ప్రధాని కాబట్టి ఆయన ధరించే దుస్తులు నుండి ఉండే చోటు వరకు, మనలో కొంతమందికి తెలుసుకోవాలనే ఆసక్తి ఎప్పుడూ ఉంటుంది. మీరు ఇప్పటికే గమనించి ఉంటె.. ఆయన రకరకాల మొబైల్స్ ను వాడడం మీరు చూసే ఉంటారు. ఆయన ఎక్కువగా ఐఫోన్ లోనే వివిధ రకాల మోడల్స్ ను వాడుతూ కనిపిస్తారు.

ఏదైనా పబ్లిక్ మీటింగ్స్ సమయాల్లో.. ఆయన ముఖ్య వ్యక్తులతో సెల్ఫీలు తీసుకుంటున్నప్పుడు మనం గమనించవచ్చు. ఆయన ఫోటోలు తీసుకోవడం కోసం ఎక్కువగా ఐఫోన్ నే వినియోగిస్తూ ఉంటారు. అయితే కొన్ని భద్రతా కారణాల దృష్ట్యా స్మార్ట్‌ఫోన్‌లను ఉపయోగించడానికి ఆయనకు అనుమతి లేదు. ఆయన ఫోన్ లో కూడా ప్రత్యేక సాఫ్ట్ వేర్ ఇన్స్టాల్ చేయబడి ఉంటుంది. బహిరంగ సభలలో ఫోటోలు తీసుకోవడం కోసమే ఆయన ఐఫోన్ ను వాడుతూ ఉంటారు.

ఇక ఆయన సోషల్ మీడియా ఖాతాలను చూడడానికి ఆయనకు ప్రత్యేక బృందం ఉంటుంది. ప్రధాని తనలాంటి VIPల కోసం ప్రత్యేకంగా రూపొందించబడిన శాటిలైట్ లేదా RAX (నియంత్రిత ప్రాంత మార్పిడి) ఫోన్‌లను ఉపయోగిస్తారు. అన్ని ఇతర కమ్యూనికేషన్ల కోసం భారత్ ఎలక్ట్రానిక్స్ లిమిటెడ్ ద్వారా ప్రత్యేకంగా తయారు చేయబడిన ఎన్‌క్రిప్టెడ్ మొబైల్ ఫోన్‌ ఆయనకు ప్రిన్సిపల్ సెక్రటరీ ద్వారా పంపబడుతుంది. ఈ ఫోన్‌లు గుర్తించబడవు మరియు అవి మిలిటరీ ఫ్రీక్వెన్సీ బ్యాండ్‌లో పని చేస్తున్నందున హ్యాక్ చేయబడవు. అధికారులు ఈ మొబైల్స్ ను NTRO మరియు DEITY వంటి ఏజెన్సీలచే క్రమం తప్పకుండా పర్యవేక్షిస్తారు.

ఐపీఎస్.. ఇండియన్ పోలీస్ సర్వీస్. దీని కోసం చాలా మంది కలలు కంటారు. కఠోర సాధనతో ఇందులో ఎంపికవుతారు. ఇందులో ఎంపికయ్యాక వారికి కొన్ని రోజుల పాటు ట్రైనింగ్ ను ఇస్తారు. ఆ తరువాత పోస్టింగ్ ఇస్తారు. అయితే.. ఈ ట్రైనింగ్ సమయం లో వారి జుట్టుని చాలా చిన్నగా కత్తిరిస్తారు. ఇలా ఎందుకు చేస్తారో మనం ఇప్పుడు తెలుసుకుందాం.

సినిమాల్లో చూస్తూ ఉంటాం కదా… పోలీస్ ట్రైనింగ్ టైం లో హీరోలు కూడా షార్ట్ హెయిర్ తో కనిపిస్తారు. ఇలా ఎందుకు అంటే.. ట్రైనింగ్ తీసుకునే సమయం లో పోలీసులు చాలా కష్టపడతారు. వారికి ఇచ్చే టాస్క్ లు ఎలా ఉంటాయి అంటే.. తాళ్లు ఎక్కడం, నేలపై పాకడం, జంప్ చేయడం… ఇలాంటివి చేసే సమయం లో జుట్టు ముఖం మీద పడడం వలన గాయాలు అయ్యే అవకాశం ఉంటుంది. అందుకే జుట్టుని కత్తిరించేస్తారు.

అలాగే అందరికి ఒకటే యూనిఫామ్ ని ధరింప చేస్తారు. దీనివలన కుల, మత, ధనిక, పేద వర్గాల బేధం లేకుండా అందరు ఒక్కటే అనే భావం లో ట్రైనింగ్ ను పొందుతారు.ఐపీఎస్ కి ఎంపిక అయ్యి ట్రైనింగ్ తీసుకునే వారు విధిగా రూల్స్ ని పాటించాలి. కచ్చితం గా హెయిర్ కట్ ను వారు చెప్పిన్నట్లే చేయించుకోవాల్సి ఉంటుంది. ట్రైనింగ్ లో ఉన్నపుడు ఎక్కువ భాగం శారీరక శ్రమకు కేటాయిస్తారు.

ఫ్యాషన్ కోసం జుట్టుని కత్తిరించుకోవడానికి ఎక్కువ సమయం అవసరం అవుతుంది. అదే షార్ట్ హెయిర్ కట్ అయితే చాలా తొందరగా పూర్తి అయిపోతుంది. ఐపీఎస్ అంటే..ఎంతో కఠినమైన శ్రమ.. ఇందుకోసం ఎన్నో త్యాగాలు చేయాల్సి ఉంటుంది. ఈ విషయాన్నీ అభ్యర్థులకు ముందే అర్ధం అయ్యేలా చెప్పడం కోసమే.. ట్రైనింగ్ కి ముందే జుట్టుని కత్తిరించేస్తారు.

Article sourced from: Byjus
కొన్ని పదాలు చూస్తే అర్థం ఒకటే ఏమో అనిపిస్తుంది. కానీ ఆ పదాలకి మధ్య అర్థంలో చిన్న డిఫరెన్స్ ఉంటుంది. అలా మనలో చాలా మందికి లాయర్, అడ్వకేట్ అనే పదాలకి మధ్య డిఫరెన్స్ తెలియకపోవచ్చు.

“వారిద్దరూ ఒక్కటే కదా?” అని అనుకుంటాం. కానీ లాయర్ కి, అడ్వకేట్ కి మధ్య తేడా ఉంది. బైజూస్ ప్రకారం అది ఏంటో ఇప్పుడు తెలుసుకుందాం.

లా కంప్లీట్ చేసిన తర్వాత బ్యాచిలర్ ఆఫ్ లెజిస్లేటివ్ లా (LLB) డిగ్రీ అందుకున్న వారిని లాయర్ అంటారు. భారతదేశంలో ఒక లాయర్ లేదా లా గ్రాడ్యుయేట్ న్యాయస్థానంలో ప్రాక్టీస్ చేయాలి అనుకుంటే, వారు స్టేట్ బార్ కౌన్సిల్ లో ఎన్రోల్ చేసుకోవాలి. అలాగే ఆల్ ఇండియా బార్  ఎగ్జామినేషన్ (AIBE) కూడా క్లియర్ చేయాలి. ఆ తర్వాత వాళ్ళు ఒక అడ్వకేట్ దగ్గర ప్రాక్టీస్ చేయాలి. LLB డిగ్రీ ఉండి, బార్ ఎగ్జామినేషన్ క్లియర్ చేసినవారిని అడ్వకేట్ అంటారు.

లాయర్లు కేవలం న్యాయపరమైన సలహాలు మాత్రమే ఇవ్వగలుగుతారు. అంటే లా గురించి చెప్పగలుగుతారు. కానీ వారు కోర్ట్ లో ఒక క్లయింట్ తరపున వాదించలేరు. కానీ అడ్వకేట్ కోర్టులో ఒక క్లైంట్ తరుపున వాదించగలుగుతారు. కేసుని బట్టి తన క్లైంట్ కి నష్టపరిహారం ఇప్పించడం లాంటివి చేయగలుగుతారు.

అప్పుడే లా స్కూల్ నుండి గ్రాడ్యుయేట్ అవ్వటం వలన అడ్వకేట్ తో పోలిస్తే ఒక లాయర్ కి అనుభవం తక్కువగా ఉంటుంది. న్యాయస్థానంలో ఒక క్లయింట్ తరపున వాదించడానికి అనుభవం కావాలి. అడ్వకేట్ ప్రాక్టీస్ చేసి ఉంటారు. అలాగే ఎన్నో కేసులను వాదించడం వలన అడ్వకేట్ కి అనుభవం ఎక్కువగా ఉంటుంది.

లాయర్ కోర్ట్ లో కేసు వాదించలేరు. అంతే కాకుండా లాయర్ కి అనుభవం తక్కువగా ఉంటుంది. అందుకే అడ్వకేట్ తో పోలిస్తే లాయర్ ఛార్జ్ చేసే ఫీజ్ తక్కువగా ఉంటుంది. అనుభవం ఎక్కువగా ఉండటం వలన, ఏ రకమైన విషయంలో అయినా ఒక క్లైంట్ తరపున వాదించే అంత పట్టు ఉండటం వలన అడ్వకేట్లు లాయర్ల కంటే ఎక్కువ మొత్తాన్ని తీసుకుంటారు.

ఒకవేళ ఒక వ్యక్తి ఇంగ్లాండులో, సౌత్ ఆఫ్రికాలో, లేదా స్కాట్ ల్యాండ్ లో లా చదివి వస్తే వారిని బారిష్టర్ అని అంటారు. బారిస్టర్ కూడా అడ్వకేట్ తో సమానం. కేవలం పేరు తేడా అంతే. కానీ బారిస్టర్ కూడా అడ్వకేట్ లాగానే కేస్ టేకప్ చేసి వాదించగలరు.

రోడ్డు పక్కల, పార్కులలోను చెట్లకు ఇలా కింద భాగంలో వైట్ పెయింట్ ను వేసి ఉండడం ఎప్పుడైనా గమనించారా..? ఇలా ఎందుకు వేస్తారో తెలుసా..? మనం ప్రకృతిని రక్షిస్తే ప్రకృతి మనల్ని రక్షిస్తుంది అన్నది మనం వినే ఉంటాం. అందుకే మనం ఎల్లప్పుడూ ప్రకృతిని కాపాడుకుంటూ ఉండాలి. చెట్లను కొట్టివేయకూడదు.

సరైన సంఖ్యలో చెట్లు ఉండకపోతే పర్యావరణ సమతుల్యత దెబ్బ తిని సరైన సమయానికి వర్షాలు పడవు. దీని వలన కరువు సంభవించి అనేక ఇబ్బందులు ఎదురవుతూ ఉంటాయి.

అందుకే చెట్లను నాటడం, పెంచడం మాత్రమే కాకుండా.. ఉన్న చెట్లను కూడా సంరక్షించుకుంటూ ఉండాలి. చెట్లను సంరక్షించడంలో భాగంగానే ప్రభుత్వం అనేక చర్యలు తీసుకుంటూ ఉంటుంది. వాటిల్లోనే ఒకటి చెట్ల అడుగు భాగంలో తెలుపు రంగు పెయింట్ వేయడం. చెట్లను కాపాడడం కోసమే చెట్ల అడుగు భాగంలో ఇలా తెలుపు రంగు పెయింట్ వేస్తారు.

నిజానికి చెట్ల ట్రంక్ వద్ద ఇలా పెయింట్ వేయడానికి నాలుగు కారణాలు ఉన్నాయి. మొదటిది ఏంటంటే.. అలా పెయింట్ వేయబడిన చెట్లు ప్రభుత్వ పరిధిలోకి వస్తాయి. ఈ చెట్లను ఎవ్వరూ కొట్టివేయకూడదు అని అర్ధం. కొన్ని చెట్లకు ఎరుపు, తెలుపు రంగుల మిశ్రమంలో పెయింట్ వేస్తారు. కాబట్టి వాటిని రాత్రి సమయాల్లో కూడా చూడగలుగుతాము.

అలాగే.. పురుగులు, చెదలు వంటి వాటినుంచి చెట్టు కాండాన్ని కాపాడడం కోసం కూడా ఈ పెయింట్ ను వేస్తారు. కొంత వయసు వచ్చాక చెట్ల కాండాలు విరిగి పోతూ ఉంటాయి. కానీ.. వాటికి పెయింట్ వేయడం వల్ల ఆ కాండాలు తిరిగి అతుక్కుని చెట్టు ఎక్కువ కాలం బతకడానికి అవకాశం ఉంటుంది. ఈ కారణాలతోనే చెట్ల అడుగు భాగంలో ఇలా తెల్లని రంగు పెయింట్ ను వేస్తారు.

మనుషులకు జంతువులకు మధ్య అవినాభావ సంబంధం ఉంది. ఇది ఇప్పటిది కాదు.. ఆదిమానవుడిగా ఉన్నప్పటినుంచే మనిషి జంతువులను మచ్చిక చేసుకోవడానికి ప్రయత్నించాడు. ఇక ఇప్పటి మోడరన్ యుగంలో సంగతి సరేసరి. చాలా మంది రకరకాల జంతువులను ఇళ్లలో పెంచుకోవడానికి ఆసక్తి కనబరుస్తున్నారు. కుక్కపిల్లలు, పిల్లులు, కుందేళ్లు.. ఇలా రకరకాల జంతువుల్ని ఇళ్లల్లో పెంచుకుంటున్నారు.

వాటికోసం ప్రత్యేక ఆహార పద్ధతులు పాటించడం, వాటిని కూడా ముస్తాబు చేసి సోషల్ మీడియాలో ఫ్రెండ్స్ తో పంచుకోవడం.. అబ్బో ఒకటేమిటి.. ఇలా చెప్పుకుంటూ పోతే పెంపుడు జంతువుల హంగామా మాములుగా ఉండదు. అయితే.. ఎవరికీ ఏ పెంపుడు జంతువు ఇష్టమో.. దాన్ని బట్టి మీ మనస్తత్వం ఎలాంటిదో చెప్పేయొచ్చట. అదేంటో తెలుసుకోవాలంటే చివరివరకు చదివేయండి.

కుక్కపిల్లలు:

కుక్కపిల్లలను పెంచుకోవడానికి ఆసక్తి చూపించేవారు ఎక్సట్రావర్ట్ గా ఉంటారట. అందరితోనూ చలాకీగా కలిసిపోతుంటారట. వీరికి స్నేహితులు కూడా ఎక్కువేనట. అయితే…కొంచం పట్టుదల కలిగి ఉంటారట. వీరితో ఉంటె సమయం సరదాగా గడిచిపోతుంది. పైకి సరదాగానే ఉంటారు..కానీ నియమాలు వంటివి పాటించడం లో కూడా నిష్ఠగా ఉంటారట.

పక్షులు:
కొందరికి చిలుకలు, పావురాలు, పిచ్చుకలు వంటి పక్షుల్ని పెంచుకోవడం కూడా ఇష్టంగానే ఉంటుంది. పక్షులను పెంచుకునే వారికి ఇతరులపై ఎక్కువగా జాలి, కరుణ వంటివి ఉంటాయట. వీరు బయట ఎక్కువగా తిరగడానికి ఇష్టపడతారట. మనసులో మాటని ఇతరులని ప్రభావితం చేసేలా చెప్పడం లో వీరు దిట్ట.

పిల్లులు:
పిల్లులని పెంచడానికి ఇష్టపడేవారు ఇంట్రావర్ట్ గా ఉంటారట. వీరు ఎక్కువగా ఏకాంతంగా ఉండడానికి ఇష్టపడతారట. అలాగే.. కెరీర్ విషయంలో కూడా నలుగురు వెళ్లేదారి కాకుండా వీరు తమకంటూ ప్రత్యేకమైన దారిని ఎంచుకుంటారట. వీరు ఎక్కువ క్రియేటివిటీ ని కలిగి ఉంటారట.

పాకే జంతువులు:
తాబేళ్లు, పాములు వంటి నేలపై పాకే జంతువులను కూడా కొందరు పెంచుకోవడానికి ఇష్టపడుతుంటారు. వీరు చాలా భిన్నమైన స్వభావం కలిగి ఉంటారట. ఇతరులతో పోలిస్తే చాల స్వతంత్రంగా ప్రవర్తిస్తారట. వీరు ఎక్కువగా హాస్య చతురత కలిగి ఉంటారు. కానీ ఇతరులతో అంత తొందరగా కలిసిపోరట. స్వతంత్రంగా ఉండడానికే ఎక్కువ మక్కువ చూపిస్తారట. వీరు ఏ విషయం లో ఎలా రెస్పాండ్ అవుతారో కూడా చెప్పడం కష్టమేనట.

చేపలు:
చాలా మంది చేపల్ని ఆహరంగా మాత్రమే చూస్తారు. కానీ కొందరు ఒక అక్వేరియం లో చెప్పాలని పెంచుకోవడాన్ని ఇష్టంగా భావిస్తూ ఉంటారు. వీరు చాలా ఫన్నీగా ఉంటారట. ప్రతి చిన్న విషయంపైనా ఎంతగానో సంతోషం వ్యక్తం చేస్తారట. భవిష్యత్ పట్ల ఎల్లప్పుడూ ఆశతో ఉంటారట.

కుక్కలను ఇష్టపడేవారు అందరితో కలిసిపోతూ ఉంటారంట… 🤔🤔🤔

ఒకసారి ముంబాయ్ టూర్ వెళ్లాం ప్రెండ్స్ అందరం..రిటర్న్ జర్నికి టికెట్స్ ఆల్రెడి రిజర్వేషన్ చేయించుకున్నాం..పది రోజుల టూర్ తర్వాత ముంబాయ్ లోని చత్రపతి టెర్మినల్ లో మద్యాహ్నం మూడు గంటలకి  ట్రెయిన్.. అందరం వచ్చేశాం..మరో ముగ్గురు రాలేదు..ఇంతలో ట్రెయిన్ బయల్దేరింది.ఏం చేయాలో పాలుపోక వెంటనే చెయిన్ లాగేశాను..ఆ ఐదు నిమిషాల గ్యాప్లో అయినా ఫ్రెండ్స్ రాకపోతారా, ట్రెయిన్ ఎక్కకపోతారా అనే చిన్న ఆశతో..వాళ్లు రాలేదు కాని టిటి, స్టేషన్ పోలీస్ వచ్చారు..ఫైన్ కట్టండి అంటూ..

సినిమాల్లో చూస్తుంటాం కదా ట్రెయిన్ లో చెయిన్ లాగాగానే టిటి వచ్చి ఫైన్ వేయడం.. అలాంటి అనుభవం మీకెప్పుడైనా ఎదురైందా.. మీకెప్పుడైనా డౌట్ వచ్చిందా అసలు చెయిన్ లాగగానే ట్రెయిన్ కి అన్ని బోగిలు ఉంటాయి కదా..ఎవరు లాగారో అంత ఫర్ఫెక్ట్ గా ఎలా తెలుస్తుంది అని..ఈ అనుభవంతో నాకు డౌటొచ్చింది..అసలు నేనే లాగానని గ్యారంటీ ఏంటి.. అని దబాయించి అడగాలనిపించింది..బాగోదని ఊరుకున్నాను.. కాని ఆ డౌట్ మాత్రం అలాగే ఉండిపోయింది..ఇంతకీ చెయిన్ ఎవరు లాగారనేది ఎలా తెలుస్తుందో తెలుసా..

ట్రెయిన్లో చెయిన్ పుల్లింగ్ సిస్టం ఎలా పనిచేస్తుందంటే..ప్రతి కోచ్లో  రెండు కోచ్లకు మాత్రమే సంబంధించిన బ్రేక్ ఫైప్, ఫీడ్ పైప్ కనెక్ట్ అయిన దగ్గర ఒక వాల్వ్ ఉంటుంది. ఆ వాల్వ్ ఒక రోప్ వైర్ కి కనెక్ట్ చేసి ఉంటుంది..ప్యాసింజర్ ఎవరైనా చెయిన్ లాగగానే  బ్రేక్ పైప్లో ఉన్నటువంటి ఆ బ్రేక్ వాల్వ్ ఓపెన్ అవుతుంది. అక్కడి నుండి ఆ బ్రేక్ పైప్ యొక్క ఎయిర్ ప్రెజర్ రిలీజ్ అవుతుంది.ఒకేసారి ట్రెయిన్ మొత్తానికి బ్రేక్ అప్లై అయి ట్రెయిన్ ఆగుతుంది..

ఈ ఇన్ఫర్మేషన్ ముందుగా లోకోపైలట్ కి తెలుస్తుంది..అతడి దగ్గర ఒక అలారం మోగుతుంది.. అతడి దగ్గర ఉన్న ప్రెజర్ గేర్ ద్వారా ఆ ప్రెజర్ ని కంట్రేల్ చేసి, వెంటనే  రైల్వే పోలీస్, మరియు గార్డుకి ఇన్ఫర్మేషన్ ఇచ్చి ట్రెయిన్ ఆపుచేస్తారు. ఏ కోచ్ నుండి ప్రెజర్ రిలీజ్ అవుతుందో తెలుసుకుని ఆ కోచ్లో ఎవరు లాగారో అనేది తెలుసుకుంటారు.. చైన్ లాగగానే, ఏ బోగీ నుండి చైన్ లాగారో, ఆ  బోగీ దగ్గరకే రావడం వెనుక ఉన్న కథ ఇది.