Off Beat

సాధారణంగా పెద్ద పెద్ద నగరాలలో ట్రాఫిక్ ఎక్కువగా ఉంటుంది. నిజానికి ఆ ట్రాఫిక్ నుండి బయట పడటం పెద్ద టాస్క్. ముఖ్యమైన పనులు చేసుకోవడానికి కూడా ఇబ్బందిగా ఉంటుంది. సమయానికి పనులు పూర్తి చేసుకోవాలని మనం అనుకుని ఎంతో వేగంగా బయలుదేరుతూ ఉంటాం. కానీ తీరా చూస్తే ట్రాఫిక్ లో చిక్కుకు పోవాల్సి వస్తుంది. ఈ బాధ అందరూ పడేదే. ఉదయం పూట ఆఫీస్ కి వెళ్లాలంటే ట్రాఫిక్ నుంచి ఎప్పుడు బయట పడతారో తెలీదు.

అందుకే చాలామంది ఒక గంట ముందే బయలుదేరుతూ ఉంటారు. ఒకపక్క ట్రాఫిక్.. మరోపక్క కాలుష్యం. దానికి తోడు ఒత్తిడి ఇలా ఎంతో చికాకుగా ఉంటుంది. అయితే చాలామంది ట్రాఫిక్ నుండి బయట పడాలంటే చిన్న చిన్న ట్రిక్స్ ని పాటిస్తూ ఉంటారు. కొంతమంది అయితే సిగ్నల్ పక్కన పెట్రోల్ బంక్ ఉంటే దానిలో నుంచి వచ్చేయడం లాంటివి చేస్తూ ఉంటారు. కొన్ని కొన్ని దేశాలలో అయితే బాగా డబ్బున్న వాళ్ళు ట్రాఫిక్ బాధలు ఎక్కువగా ఉంటాయని హెలికాప్టర్ లో తిరుగుతూ ఉంటారు.

అయితే అది అందరికీ సాధ్యం కాదు. జర్మనీలో ఒక అతను మాత్రం ఒక వింత ఆలోచనతో ట్రాఫిక్ బారినపడకుండా ఆఫీస్ కి వెళ్ళడం మొదలు పెట్టాడు. మరి అతను ట్రాఫిక్ ని భరించలేక ఏం చేశారో ఇప్పుడు చూద్దాం. జర్మనీ దేశంలో బెంజిమెన్ డేవిడ్ అనే ఒక వ్యక్తి ట్రాఫిక్ సమస్య ఎక్కువగా ఉందని ఆ నగరంలో ఉన్న ఇస్సార్ నది మీదగా ఆఫీస్ కి వెళ్లడం మొదలుపెట్టాడు. అయితే ఆ నది లో జల రవాణా సౌకర్యం లేదు.

అయినప్పటికీ ఏం చేశాడంటే తన వస్తువులను, బట్టల్ని ఒక వాటర్ ప్రూఫ్ బ్యాగ్ లో పెట్టి ప్రతిరోజు ఆ నీటిలో ఈదుకుంటూ ఆఫీస్ కి వెళ్లడం మొదలుపెట్టాడు. సాయంత్రం కూడా ఈత కొట్టుకుంటూ ఇంటికి వెళ్లిపోయాడు. గత రెండు సంవత్సరాలుగా ఇదే పద్ధతిని ఫాలో అవుతున్నాడు డేవిడ్. ఇతని ఇంటి నుండి ఆఫీస్ కి దూరం ఒకటిన్నర కిలో మీటర్లు. ఇలా వెళ్లడం వల్ల ట్రాఫిక్ బాధ ఉండదు. అలానే స్విమ్మింగ్ చేయడం వల్ల ఆరోగ్యానికి కూడా మంచిదే అని డేవిడ్ అన్నాడు.

watch video:

గూగుల్ మనకి చాలా బాగా ఉపయోగపడుతుంది. గూగుల్ లో మనకు తెలియని విషయాలు సెర్చ్ చేసి ఎంతో ఈజీగా తెలుసుకోవచ్చు. చిన్నచిన్న అనుమానాలు ఏవైనా ఉంటే కూడా క్లారిటీగా మనం తెలుసుకోవచ్చు. అయితే తాజాగా గూగుల్ ఇటీవలే ఒక సర్వే రిపోర్ట్ ని విడుదల చేసింది. అయితే ఈ రిపోర్టు ద్వారా మహిళలు ఎక్కువగా ఏ విషయాలను గూగుల్ లో సెర్చ్ చేస్తారు అనేది గూగుల్ వెల్లడించింది. మరి వాటి కోసమే ఇప్పుడు మనం చూద్దాం.

15 కోట్ల ఇంటర్నెట్ యూజర్ల లో దాదాపు 6 కోట్ల మంది మహిళలే. ఈ మధ్య కాలం లో చాలా మంది మహిళలు ఇంటర్నెట్ ని వాడతారు.

చక్కగా జీవితాన్ని మార్చుకోవడానికి, కొత్త విషయాలని తెలుసుకోవడానికి, రానివి నేర్చుకోవడానికి ఇలా ఎంతో మంది ఎన్నో రకాలుగా ఇంటర్నెట్ ని వాడుతున్నారు. ఇలా ఇంటర్నెట్ ని వాడే వారిలో 75 శాతం మంది వయసు 15 నుండి 34 వరకు ఉంటుంది. మరి వారు ఎలాంటివి సెర్చ్ చేస్తున్నారో ఇప్పుడే చూసేద్దాం.

మహిళలకి గోరింటాకు అంటే ఎంత ఇష్టమో ప్రత్యేకించి చెప్పక్కర్లేదు. గూగుల్ కూడా ఈ విషయాన్ని చెప్పేసింది. ఎక్కువ మంది గోరింటాకు డిజైన్లు గురించి సెర్చ్ చేస్తారట.
అలాగే అమ్మాయిలకి పాటలు అంటే కూడా ఇష్టం. అమ్మాయిలు ఎక్కువగా రొమాంటిక్ పాటలు, రొమాంటిక్ కవితల కోసం వెతుకుతారట.
అదే విధంగా అందరి కంటే భిన్నంగా ఉండడం కోసం.. అందాన్ని మెరుగు పరచుకోవడం కోసం.. ఇంటర్నెట్ ని చాలా మంది అమ్మాయిలు వాడుతున్నట్లు గూగుల్ రిపోర్ట్ వెల్లడించింది.

ఆన్లైన్ షాపింగ్ సైట్ లను కూడా అమ్మాయిలు ఎక్కువగా చూస్తారు. బట్టలు, డిజైన్లు, కొత్త కలెక్షన్స్ వంటి వాటిని కూడా అమ్మాయిలు సెర్చ్ చేస్తారు.
ఏ కెరీర్ ఎంచుకోవాలి, ఏ కోచింగ్ తీసుకుంటే బాగుంటుంది అనేది కూడా అమ్మాయిలు వెతుకుతూ ఉంటారు అని గూగుల్ రిపోర్ట్ చెప్పింది.

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…? అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.
అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. దీని కారణంగా కూడా లావుగా మారిపోతారు.
అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

హఠాత్తుగా ట్విటర్ లో G.O.A.T. అనే ఈ ఇమోజీ ఫ్యాన్ వార్ ట్రెండ్ అయింది. కానీ దీనిని మొదటి చూసిన వారికి అయితే పిచ్చెక్కి పోతోంది. ఇంత సెలెబ్రెటీలను పట్టుకుని మేక అంటున్నారు ఏంటి అని ఆలోచనలో పడ్డారు. మరి కొంత మంది అయితే అసలు G.O.A.T. అంటే ఏమిటి అని ఆలోచిస్తున్నారు.

పైగా ఇది ఎందుకు ట్విట్టర్లో ట్రెండ్ అవుతోంది అనేది కూడా అర్థం కాక బుర్ర పీక్కుంటుంటున్నారు. మీకూ కూడా ఆ సందేహం వుందా..? అయితే మరి ఇప్పుడే దాని కోసం చూద్దాం.

ఎక్కడ చూసినా ఇదే వినబడుతోంది. G.O.A.T. G.O.A.T. అని. ఇంత పెద్ద సెలబ్రిటీలను పట్టుకుని అంత మాట అంటున్నారు ఏంటి అని అందరూ కాస్త కన్ఫ్యూజన్ లో పడ్డారు. అయితే అసలు ఈ పదాన్ని ఎందుకు ఉపయోగిస్తారు అనేది చూస్తే.. G.O.A.T. అంటే గ్రేటెస్ట్ ఆఫ్ ఆల్ టైం అని అర్థం. ఒకరిని పొగడడానికి, వారి యొక్క టాలెంట్ ని తెలపడానికి వాడుతారు.

ముఖ్యంగా పాలిటిక్స్, క్రికెట్, సినిమా ఫీల్డ్స్ లో ఉన్న వారి యొక్క టాలెంట్ ని పొగడడానికి ఈ పదాన్ని ఉపయోగిస్తారు. సోషల్ మీడియా వాడకం ఎక్కువయ్యాక ఈ పదం బాగా పాపులర్ అయిపోయింది. మొట్టమొదటిసారి ఈ పదాన్ని బాక్సింగ్ లెజెండ్ మొహమద్ అలీ భార్య లోన్ని అలీ 1992లో వాడారు.

అలా తర్వాత చాలా మంది ఈ పదాన్ని ఉపయోగిస్తూ వచ్చారు. ఆయితే ఇప్పుడు సోషల్ మీడియాలో ట్రెండ్ అవుతున్న ఈ పదానికి అర్థం జంతువు కాదు. వారి యొక్క గొప్పతనం మరియు టాలెంట్ ని తెలపడం కోసమే ఈ హ్యాష్ ట్యాగ్లు లు వచ్చాయి. ఇవి ఇప్పుడు ట్విట్టర్ లో తెగ వైరల్ అయిపోతున్నాయి.

కొన్నిసార్లు మనకంటే మన పని ఎక్కువ ప్రాచుర్యం పొందుతుంది. మనం ఎవరో తెలియక పోయినా మనం ప్రజల్లో నిలిచి పోయే అంత గుర్తింపు వస్తుంది. అర్థం కావట్లేదా? దీనికి ఒక ఉదాహరణ చూద్దామా? సరళ చౌదరి. ఎంత మందికి తెలుసు ? దాదాపు మెజారిటీ జనాలకి తెలియదు. అదే ” ప్రయాణికులకు విజ్ఞప్తి. ట్రైన్ నెంబర్ హైదరాబాద్ నుండి చెన్నై వెళ్లే రైలు 2 ప్లాట్ ఫారం మీదికి వస్తుంది” . ఇది ఎంతమందికి గుర్తుంది.

చాలామందికి ఇది చదివేటప్పుడు ఆ ఆనౌన్సర్  గొంతు కూడా గుర్తు వచ్చింది కదా. గుర్తు రావడం ఏంటి? ఇది చదువుతున్నంతసేపు ఆమె వాయిస్ వినపడుతూ ఉంటుంది. అంతలా ప్రాచుర్యం పొందింది ఈ ప్రకటన. సరళ చౌదరి ఎవరో ఈపాటికే మీకు అర్థం అయిపోయి ఉంటుంది. ఆవిడ ఈ రైల్వే ప్రకటన వాయిస్ ఆర్టిస్ట్.1982వ సంవత్సరంలో సెంట్రల్ రైల్వే లో ఆనౌన్సర్ ఉద్యోగానికి ఇంటర్వ్యూ జరిగింది. చాలామంది వచ్చారు. అలా వెళ్లిన వాళ్లలో సరళ కూడా ఒకరు. అప్పటి జిఎం అయిన అశుతోష్ బెనర్జీ కి సరళ గొంతు నచ్చడంతో ఉద్యోగానికి రికమెండ్ చేశారు.

మొదట నాలుగు సంవత్సరాలు సరళ ఉద్యోగం టెంపరరీ బేసిస్ మీద నడిచింది. 1986 లో ఉద్యోగాన్ని పర్మినెంట్ చేశారు.ఒకప్పుడు ఇలా రికార్డర్లు లేకపోవడంతో సరళ ప్రతి అనౌన్స్మెంట్ కి మాట్లాడవలసి వచ్చేది. అలా ఒక రోజులో ఎన్నో సార్లు ఇలాంటి ఎనౌన్స్మెంట్ లు చదివేది సరళ. తర్వాత ట్రైన్ మేనేజ్మెంట్ సిస్టమ్ ను ఏర్పాటు చేశారు రైల్వే శాఖ. దాంతో సరళకు ఎన్ని సార్లు చదివే పని తగ్గింది.

మీకు ఒకటి తెలుసా? సరళ రిటైర్ అయ్యి పన్నెండు సంవత్సరాలయింది. అయినా సరే ఇప్పటికీ రైల్వేలో ఆమె గొంతే వినిపిస్తుంది. అన్ని అనౌన్స్మెంట్లు ఒకటే సారి రికార్డ్ చేసింది సరళ. ఒకసారి ఎన్నో సంవత్సరాల నుండి ఒకటే గొంతు అలవాటయ్యాక మళ్ళీ మారిస్తే జనాలకు అలవాటు పడడానికి కష్టం అని భావించిన రైల్వే అధికారులు సరళ గొంతే ఇప్పటికి ఉపయోగిస్తున్నారు.ఆవిడ గొంతు కి ప్రత్యేకత ఉండడంతోపాటు జనాలకి కూడా తెలియని బంధం ఏర్పడింది. ఇప్పుడు అర్థమైందా మనిషి కంటే తను చేసే పనికి ఎక్కువ గుర్తింపు ఉంటుంది అనే విషయం.

watch video:

గ్యాస్ సిలిండర్ ప్రతి ఇంట్లోనూ ఉంటుంది. ఇది మనకు నిత్యావసరాల్లో ముందుంటుంది. ఎందుకంటే వంట చేసుకోవడానికి ఎక్కువమంది గ్యాస్ పైనే ఆధారపడతాం కాబట్టి. మనం రెండు బండలు కొనుక్కుని ఒకటి స్పేర్ ఉంచుకుంటాం. ఒకటి అయిపోగానే మార్చుకుని.. రెండవ బండ బుక్ చేసుకుంటూ ఉంటాం. ఇది అందరు సహజం గా చేసే పనే.

అయితే.. చాలా మంది గ్యాస్ బండ ఎంత బరువు ఉందో చెప్పడానికి చిన్న పరికరాలు వాడతారు. అది అందరి ఇళ్లలోనూ ఉండకపోవచ్చు. కొందరు గ్యాస్ ఎంత ఉందో తెలుసుకోవడం కోసం బండను షేక్ చేసి చూడడం, లేదా పైకి ఎత్తి చూడడం వంటి పనులు చేస్తూ ఉంటారు. ఇది అన్ని సమయాల్లోనూ శ్రేయస్కరం కాదు. ఈ చిన్న ట్రిక్ తో మీ బండ లో గ్యాస్ ఎంత వరకు ఉందో తెలుసుకోవచ్చు.

ఒక బౌల్ లో వాటర్ తీసుకోండి. ఒక క్లాత్ ను తీసుకుని దానిని వాటర్ లో ముంచి.. పూర్తి గా తడిసిన తరువాత బయటకు తీయండి. దానిని పిండి.. ఆ తడి గా ఉన్న గుడ్డతో బండను తుడవండి. గదిలో ఫ్యాన్ ను ఆపేసి ఈ బండను తుడవండి. ఒక నాలుగైదు నిమిషాల పాటు దానిని గమనిస్తే.. గ్యాస్ లేని భాగం లో తొందరగా ఆరిపోతుంది. గ్యాస్ ఉన్న కింద భాగం మాత్రం ఎక్కువ సేపు తడిగా ఉంటుంది.

ఈ తడిగా ఉన్న ప్లేస్ ఎక్కడివరకు ఉందో.. అక్కడవరకు మీ బండలో గ్యాస్ ఉందని అర్ధం. ఈ ట్రిక్ ఇంకా వివరంగా అర్ధం అవ్వాలంటే కింద ఈ వీడియో ను చూడండి. ఈ వీడియో చూసాక.. మీకు ఇంతేనా అనిపిస్తుంది కదా.. బండ ని పైకి లేపడం, వెయిట్ చూడడానికి ఆన్ లైన్ లో దొరికే రకరకాల మెజరింగ్ పరికరాలను ఉపయోగించడం అంత సేఫ్ కూడా కాదు.. చాలా సింపుల్ గా.. ఒక క్లాత్, వాటర్ తో ఈ ఎక్స్పరిమెంట్ ట్రై చేయచ్చు. మీరు కూడా ట్రై చేసి చూడండి. మీ ఇంట్లో ఉండే బండలో ఎంత వరకు గ్యాస్ ఉందో చెక్ చేసుకుని అవసరమైనపుడు కొత్త బండ బుక్ చేసుకోవచ్చు.

watch video :