Politics

తెలంగాణ రాష్ట్రంలో కాంగ్రెస్ పార్టీ అధికారంలోకి వచ్చిన దగ్గర నుండి ప్రజల వద్ద ప్రజా పాలన దరఖాస్తులు స్వీకరిస్తున్న సంగతి తెలిసిందే.

క్షేత్ర స్థాయిలో అధికారులు ప్రజల నుంచి ఆరు గ్యారెంటీలకు సంబంధించిన వివరాలను సేకరిస్తున్నారు. జనవరి 6 వరకు ప్రజా పాలన దరఖాస్తులను స్వీకరించనున్నారు. ఆ తర్వాత కూడా దరఖాస్తులను మండల కేంద్రాల్లో ఇవ్వొచ్చని ముఖ్యమంత్రి రేవంత్ రెడ్డి ప్రకటించారు.

ఈ క్రమంలో మంత్రి పొన్నం ప్రభాకర్ ప్రజా పాలన దరఖాస్తుల గడువుపై సంచలన ప్రకటన చేశారు. ప్రజా పాలన దరఖాస్తులు సమర్పించేందుకు జనవరి 6నే చివరి రోజంటూ పేర్కొన్నారు. జనవరి 6 వరకే గ్రామాల్లో శిబిరాలను నిర్వహించనున్నట్లు పేర్కొన్నారు. మళ్ళీ గడువు పొడిగింపు ఉండదంటూ పొన్నం ప్రభాకర్ స్పష్టంచేశారు. అయితే జనవరి ఆరు తర్వాత మండల కేంద్రాల్లో దరఖాస్తులను సమర్పించవచ్చు అని అన్నారు.

మంగళవారం మీడియాతో మాట్లాడిన పొన్నం ప్రభాకర్ కెసిఆర్ ప్రభుత్వంలో ప్రాజెక్టుల్లో అవినీతి జరిగిందని ఢిల్లీ నుంచి గల్లీ వరకు తెలుసన్నారు. కేసీఆర్ ఇచ్చిన స్క్రిప్ట్ ను బీజేపీ నేతలు చదివారంటూ ఫైర్ అయ్యారు. కాళేశ్వరంపై సిట్టింగ్ జడ్జీతో న్యాయ విచారణకు ఇప్పటికే ఆదేశించామని, కేసీఆర్ ను రక్షించేందుకే బీజేపీ సిబిఐ విచారణకు డిమాండ్ చేస్తుందన్నారు.

ఆటో డ్రైవర్లు బిఆర్ఎస్ ట్రాప్ లో పడొద్దంటూ పొన్నం ప్రభాకర్ కోరారు. ఓలా, ఉబర్, ర్యాపిడో, మెట్రో ఇతరత్రా అన్ని వచ్చినప్పుడు లేని సమస్య ఇప్పుడే వచ్చిందా? అని ప్రశ్నించారు.అయినా వారి సమస్యలను పరిష్కరిస్తామంటూ పేర్కొన్నారు. మహిళలకు ఆర్టీసీ బస్సుల్లో ఉచిత ప్రయాణాన్ని వ్యతిరేకిస్తున్నారా? మద్దతిస్తున్నారా అనేది బిఆర్ఎస్ స్పష్టం చేయాలన్నారు. ఆటో డ్రైవర్లతో చర్చలకు తాము సిద్ధమంటూ పేర్కొన్నారు.

సార్వత్రిక ఎన్నికలకు వైఎస్సార్‌సీపీ పార్టీ సిద్ధం అవుతోంది. ఇందులో భాగంగా నియోజకవర్గాల్లో భారీగా మార్పులు చేస్తోంది. దాంతో కర్ణాటక బీజేపీ సీనియర్ నేత అయిన శ్రీరాములు సోదరి, బళ్ళారి మాజీ ఎంపీ జె శాంత పార్టీలో చేరారు.

మంగళవారం నాడు తాడేపల్లి ముఖ్యమంత్రి జగన్ పార్టీ కండువా కప్పి శాంతని ఆహ్వానించారు. 2009 లో బీజేపీ తరపున కర్ణాటక జిల్లాలోని బళ్లారి నుండి శాంత ఎంపీగా పోటీ చేసి గెలిచారు. జగన్ చేస్తున్న అభివృద్ధి చూసి తాను పార్టీలో చేరాను అని, ఈ పార్టీ కోసం సామాన్య కార్యకర్తలాగా పనిచేస్తానని శాంత అన్నారు. శాంతా వాల్మీకి వర్గానికి చెందినవారు.

జగన్ పాలనలో వాల్మీకిలకు ప్రాధాన్యం లభించింది అని చెప్పారు. పార్టీ సిద్ధాంతాలు నచ్చి తాను చేరుతున్నట్టు శాంత తెలిపారు. దేశంలో ఎవరు అమలు చేయలేని పథకాలని జగన్ అమలు చేశారు అని శాంత తెలిపారు. ప్రతి ఒక్కరికి తాను తోడు ఉంటాను అని, అందరం కలిసి జగన్ కి అండగా ఉందామని అన్నారు. అయితే శాంత ఉదయం పార్టీలో చేరారు. సాయంత్రానికి ఆమెకి ఎంపీ సీట్ ని ప్రకటించారు. హిందూపురం లోక్ సభ నియోజకవర్గం సమన్వయకర్తగా శాంతని ప్రకటించారు. శాంత సోదరుడు శ్రీరాములు, గాలి జనార్దన రెడ్డికి అత్యంత సన్నిహితులు.

గాలి జనార్ధన రెడ్డి ప్రోత్సాహంతోనే రాజకీయాల్లోకి అడుగుపెట్టిన శ్రీరాములు, బళ్లారిలో ఎంపీగా గెలిచారు. ఇప్పుడు కర్ణాటక నుండి వచ్చి శాంత హిందూపురంలో పోటీ చేయబోతున్నారు. శాంత సొంత ఊరు గుంతకల్లు అని సమాచారం. ఉదయం పార్టీలో చేరితే, సాయంత్రానికల్లా ఎంపీ సీట్ ఇచ్చేయడం అనేది ఆసక్తికరంగా మారింది. హిందూపురంలో గత ఎన్నికల్లో గోరంట్ల మాధవ్ ఎంపీగా గెలిచారు. ఇప్పుడు ఆయన స్థానంలో శాంతకి అవకాశం ఇచ్చారు. గోరంట్ల మాధవ్ ఈసారి హిందూపురం నుండి పోటీ చేయాలి అనుకున్నా కూడా అవకాశం దొరకలేదు. దాంతో గోరంట్ల మాధవ్ కి మరొక చోట నుండి అవకాశం కల్పిస్తారా? లేదా? అనే విషయం మీద ఇంకా స్పష్టత రావాల్సి ఉంది.

ALSO READ : JANASENA PARTY : జనసేన పార్టీలోకి కొత్తగా చేరిన “చైతన్య” ఎవరో తెలుసా..? ఈమె బ్యాక్‌గ్రౌండ్‌ ఏంటంటే..?

ప్రస్తుత రోజుల్లో ఎమ్మెల్యే అవ్వాలంటే కోట్ల రూపాయలు ఉండాలి. ఎలక్షన్ల సమయంలో లెక్కే లేకుండా ఖర్చు పెడుతూ ఉండాలి. కొంతమంది ప్రతిష్ట కోసం అప్పులు చేసి మరి ఎమ్మెల్యేగా నిలబడి పోటీ చేస్తూ ఉంటారు. డబ్బులు పంచడం ముందు పంచడం చీరలు పంచడం తాయిలాలు ఇస్తూ ఓటర్లను మభ్య పెట్టాలని ప్రయత్నిస్తారు. అయితే ఉండడానికి ఇల్లు కూడా లేని వ్యక్తి 12 లక్షల అప్పు చేసి ఎమ్మెల్యేగా గెలిచి రికార్డు సృష్టించాడు. ఇంతకీ ఎవరు ఆ వ్యక్తి? అతని వివరాలు ఏంటి?

దేశ వ్యాప్తంగా ఉత్కంఠంగా ఎదురుచూసిన నాలుగు రాష్ట్రాల అసెంబ్లీ ఎన్నికల ఫలితాలు వెలువడ్డాయి. మధ్యప్రదేశ్, రాజస్థాన్, ఛత్తీస్‌గఢ్‌లలో బీజేపీ జెండా ఎగరవేసింది. అయితే తెలంగాణలో మాత్రం కాంగ్రెస్‌కు కొంత ఊరట లభించింది. ఎన్నికలు జరిగిన అన్ని రాష్ట్రాల్లో హేమాహేమీలతో తలపడుతూ కొందరు పేద అభ్యర్థులు పోటీకి దిగారు.వారిలో కొందరికి డిపాజిట్ కూడా దక్కకపోయినా. ఒకరు మాత్రం ప్రస్తుతం వార్తల్లో నిలుస్తున్నాడు. అతనే మధ్యప్రదేశ్‌కు చెందిన కమలేశ్వర్ దొడియార్.

మధ్యప్రదేశ్ రాష్ట్రంలోని రత్లాంకు చెందిన కమలేశ్వర్ దొడియార్ ఎన్నికల బరిలో నిలిచాడు. అయితే అతని వద్ద ఎన్నికల్లో పోటీ చేసేందుకు కనీస డబ్బు లేదు. అత్యంత పేదకుటుంబానికి చెందిన కమలేశ్వర్ 12 లక్షల అప్పు తీసుకున్నాడు. మహామహలు రంగంలో ఉన్న తన నియోజకవర్గంలో ఎమ్మెల్యే అభ్యర్థిగా పోటీకి నిలబడ్డాడు. రాష్ట్రంలోనే అత్యధిక ఓట్లు పోలైన ఈ స్థానంలో కాంగ్రెస్ అభ్యర్థి హర్ష్ విజయ్ గెహ్లాట్‌పై కమలేశ్వర్ 4618 ఓట్ల తేడాతో విజయం సాధించాడు. కమలేశ్వర్‌కు 71219 ఓట్లు రాగా, హర్ష్‌కు 66601 ఓట్లు వచ్చాయి. బీజేపీకి చెందిన సంగీతా చారెల్ మూడో స్థానంలో నిలీచాడు. ఇక్కడ మొత్తం 90.08 శాతం ఓటింగ్ జరిగింది.

కమలేశ్వర్ ఒక పూరి గుడిసెలో నివసిస్తున్నాడు. వర్షం కురిస్తే తమ పూరి గుడిసెను టార్పాలిన్‌తో కప్పి వర్షపు నీరు ఇంట్లో పడకుండా లోపల ఉన్నవారు తడవకుండా అవస్థలు పడుతుంటారు. అంత నిరుపేద కుటుంబం నుంచి వచ్చిన కమలేశ్వర్ ఎమ్మెల్యేగా ఎన్నికల బరిలో దిగాడు. ఎన్నికల కౌంటింగ్ జరిగే సమయంలో సమీప ప్రత్యర్థులకు తనకు మధ్య వ్యత్యాసం పెరుగుతుండడంతో చుట్టుపక్కల ప్రజలు కమలేశ్వర్ అభినందనలు తెలుపుతూనే ఉన్నారు. చివరకు భారీ మెజార్టీటీతో గెలిచి రికార్డు సృష్టించాడు. గెలిచిన తర్వాత
తన గెలుపు పత్రాలను అధికారులకు అందజేయడానికి 300కిపైగా కి.మీ. దూరం బైక్‌పై వెళ్లాడు. తన బావ దగ్గర బైక్ తీసుకుని, దానికి ఎమ్మెల్యే స్టికర్ అతికించుకుని కటిక చలిలో ప్రయాణించాడు.ఎమ్మెల్యే అయిన తర్వాత తొలిసారి రాష్ట్ర రాజధాని పర్యటనకు వెళ్లేందుకు కారును ఏర్పాటు చేయాలని ప్రయత్నించినా అది కుదరలేదని తెలిపారు. భోపాల్ చేరుకున్న తర్వాత ఎమ్మెల్యే రెస్ట్ హౌస్‌లో అతిథిగా బస చేశారు. గురువారం ఉదయం అసెంబ్లీకి చేరుకుని ప్రవేశ ద్వారం ముందు సాష్టాంగ పడి ప్రజాస్వామ్య దేవాలయానికి నివాళులర్పించారు. అనంతరం అధికారులకు ఎమ్మెల్యేగా తన ధ్రువీకరణ పత్రాలను సమర్పించారు.

33 ఏళ్ల వయసున్న కమలేశ్వర్ భరత్ ఆదివాసీ పార్టీ నుండి ఎమ్మెల్యేగా విజయం సాధించాడు. ఇతని తల్లి సీతాబాయి కూలి పనిచేస్తుంది. అన్నలు,3 అక్కలలో కమలేశ్వర్ చిన్నవాడు. కూలీ కుటుంబానికి చెందిన కమలేశ్వర్ డిగ్రీ చదివిన తర్వాత కోటకు ఉపాధి నిమిత్తం వెళ్ళాడు. ఇంటి నిర్మాణ కూలీగా పనిచేస్తున్నాడు.

తెలంగాణ అసెంబ్లీ ఎన్నికలు ఇటీవల ముగిశాయి. ఇప్పుడు ఆంధ్రప్రదేశ్ ఎన్నికలకు సిద్ధం అవుతోంది. జనసేన పార్టీ కూడా ప్రచారంలో జోరు పెంచింది. జనసేన పార్టీ అధ్యక్షుడు పవన్ కళ్యాణ్ ఇప్పటికే ప్రచార పనుల్లో యాక్టివ్ గా పాల్గొంటున్నారు.

ఇందులో భాగంగానే జనసేన పార్టీలోకి చేరడానికి ఆసక్తి చూపిస్తున్న నాయకులని పార్టీలోకి ఆహ్వానిస్తున్నారు. ఇదే విధంగా తాజాగా జనసేనలోకి చైతన్య చేరారు. చైతన్య ప్రముఖ వ్యాపారవేత్త, తిరుమల తిరుపతి దేవస్థానం మాజీ చైర్మన్ అయిన డీకే ఆదికేశవులు నాయుడు గారి మనవరాలు.

చైతన్య మంగళగిరిలోని జనసేన పార్టీ ప్రధాన కార్యాలయానికి వచ్చారు. పవన్ కళ్యాణ్ చైతన్యకి కండువా కప్పి పార్టీలోకి ఆహ్వానించారు. దాంతో చైతన్య పవన్ కళ్యాణ్ కి ధన్యవాదాలు తెలిపారు. పవన్ కళ్యాణ్ కూడా చైతన్యకి శుభాకాంక్షలు తెలిపారు. దీనికి సంబంధించిన ఫోటోలని సోషల్ మీడియా ద్వారా షేర్ చేశారు. డీకే ఆదికేశవులు నాయుడు గారు చిత్తూరు జిల్లాకు చెందినవారు. ఆయన కూతురు తేజస్వి. తేజస్వి కూతురు చైతన్య. చైతన్య ఇప్పటికే ఒక ట్రస్ట్ ద్వారా సామాజిక సేవ కూడా చేస్తున్నారు.

జనసేన పార్టీ విధానాలు చైతన్యకి నచ్చడంతో ఈ పార్టీలో చేరదాం అనే నిర్ణయం తీసుకున్నారు. “తాత వారసత్వాన్ని కొనసాగిస్తూ చైతన్య ఇప్పటికే ఎన్నో మంచి పనులు చేస్తున్నారు. ఇలాంటి ఒక వ్యక్తి జనసేన పార్టీలో చేరడం అనేది చాలా మంచి పరిణామం” అని పవన్ కళ్యాణ్ పేర్కొన్నారు. ఎంపీగా ఆదికేశవులు నాయుడు చిత్తూరుని ఎంతో అభివృద్ధి చేశారు.

ఆ తర్వాత తిరుమల తిరుపతి దేవస్థానం బోర్డు చైర్మన్ గా కూడా తిరుమల అభివృద్ధికి తన వంతు కృషి చేశారు. ఇదే విషయాన్ని పవన్ కళ్యాణ్ కూడా చెప్పారు. చైతన్య చేసిన మంచి పనులను, చైతన్య తాత గారు అయిన డీకే ఆదికేశవులు నాయుడు గారు చేసిన మంచి పనులను పవన్ కళ్యాణ్ గుర్తు చేసుకుని అభినందించారు. అలాంటి ఒక గొప్ప నాయకుడి వారసత్వాన్ని కొనసాగిస్తూ, సమాజాభివృద్ధి కోసం చైతన్య కూడా తన వంతు కృషి చేయడానికి ఈ నిర్ణయం తీసుకున్నారు.

ALSO READ : AP POLITICS: కాంగ్రెస్ లో చేరనున్న షర్మిల…. విజయమ్మ దారి ఎటు…? ఆంధ్ర రాజకీయంలో ఏం జరగబోతుంది.?

కొత్త సంవత్సరం వేడుకలను తెలుగు రాష్ట్రాల్లోని రాజకీయ నాయకులు అందరూ ఎంతో సంబరంగా జరుపుకున్నారు. కార్యకర్తలు అభిమానుల శుభాకాంక్షలు అందుగుంటూ అందరిని ఆప్యాయంగా పలకరిస్తూ కొత్త సంవత్సరానికి స్వాగతం పలికారు. అయితే తెలంగాణలో మాజీ మంత్రి టిఆర్ఎస్ ఎమ్మెల్యే కేటీఆర్ మాత్రం సరికొత్తగా కొత్త సంవత్సరాన్ని జరుపుకున్నారు. ఇంతకీ ఆయన ఏం చేశారంటే…?

పార్టీలు, సంబరాలతో కాకుండా మన పరిసరాలను పరిశుభ్రంగా వుంచే పారిశుద్ద్య కార్మికులతో కలిసి నూతన సంవత్సరానికి స్వాగతం పలికారు కేటీఆర్. సోమవారం పార్టీ కార్యాలయం తెలంగాణ భవన్ కు వచ్చిన పారిశుద్ద్య కార్మికులతో ముచ్చటిస్తూ, సెల్పీలు దిగుతూ సరదాగా గడిపారు కేటీఆర్. అలాగే నూతన సంవత్సరాదిని పురస్కరించుకుని కార్మికులందరికి కడుపునిండా భోజనం పెట్టారు. పారిశుధ్ద్య కార్మికులతో కలిసి కేటీఆర్ సహపంక్తి భోజనం చేసారు.

పారిశుద్ద్య కార్మికులతో కరచాలనం చేస్తూ ఆప్యాయంగా పలకరించారు కేటీఆర్. ఈ సందర్భంగా కార్మికుల సమస్యలను అడిగి తెలుసుకున్న కేటీఆర్ వాటి పరిష్కారానికి ప్రయత్నిస్తానని అన్నారు. హైదరాబాద్ మేయర్ గద్వాల విజయలక్ష్మి ద్వారా కార్మికుల సమస్యలు ప్రభుత్వం దృష్టికి తీసుకువెళతానని కేటీఆర్ తెలిపారు.

ఇక బిఆర్ఎస్ ప్రభుత్వంలో పారిశుద్ధ్య కార్మికుల సంక్షేమం కోసం కృషి చేశామని, చాలీచాలని జీతాలతో పనిచేస్తున్న వారికి జీతాలు పెంచి ఒక భరోసా కల్పించామని గుర్తు చేశారు.కార్మికులు ఉద్యోగ భద్రత, వేతనాల పెంపు, పీఎఫ్, ఈఎస్ఐ, మెడికల్ లీవ్ సదుపాయాలు కల్పించేలా చూడాలని కోరారని, వాటిని ప్రభుత్వం దృష్టికి తీసుకెళతామని కేటీఆర్ తెలిపారు. మరోపక్క బిఆర్ఎస్ నాయకులందరూ పార్టీ ఆఫీసుకి చేరి కేటీఆర్ కి పూల గుచ్చాలు అందించి నూతన సంవత్సర శుభాకాంక్షలు తెలిపారు.

ఆంధ్రప్రదేశ్ లో అప్పుడే 2024 సార్వత్రిక ఎన్నికల వేడి మొదలైంది. అధికార వైసిపి ఇప్పటికే తమ అభ్యర్థులను మార్చే విషయం పైన దృష్టి సారించింది. నియోజకవర్గాలకు కొత్త ఇన్చార్జిలను ప్రకటిస్తుంది. ఇక పొత్తులో భాగంగా జనసేన తెలుగుదేశం పార్టీ అభ్యర్థులు కసరత్తు పైన తీవ్రంగా శ్రమిస్తున్నారు.

తెలుగుదేశం జనసేన ఎన్ని స్థానాల్లో పోటీ చేస్తున్నాయి అనేదానిపైన స్పష్టత లేదు. తమకు ఎమ్మెల్యే సీటు దక్కదని భావిస్తున్న ప్రస్తుతం వైసీపీ సిట్టింగ్ ఎమ్మెల్యేలు చాలామంది రాజీనామా చేసి ఇతర పార్టీల వైపు చూస్తున్నారు.

ఒకపక్క జనసేన పార్టీ కూడా చేరికలు ఎక్కువయ్యాయి. ఇదిలా ఉంటే రాబోయే ఎన్నికల్లో ఏ పార్టీ గెలుస్తుందంటూ కూడా ఆంధ్ర ప్రజలు ఎదురుచూస్తున్నారు. అయితే తాజాగా ఆంధ్రప్రదేశ్ లో రాజకీయ పరిస్ధితి ఎలా ఉందన్న అంశాలపై ప్రజాభిప్రాయంతో చాణక్య స్ట్రాటజీస్ అనే సంస్ధ తాజాగా సర్వే రిపోర్టు వెల్లడించింది. దీని ఫలితాలు ఏపీలో టీడీపీ-జనసేన కూటమి వల్ల భారీ ప్రయోజనం ఉండబోతున్నట్లు తేల్చాయి.

రాష్ట్రంలోని 175 సీట్లపై గత కొన్ని రోజులుగా తాము చేసిన సర్వే ఫలితాల్ని చాణక్య స్ట్రాటజీస్ ఇవాళ వెల్లడించింది. ఇందులో టీడీపీ-జనసేన కూటమి ఏకంగా 115 నుంచి 128 సీట్లు గెల్చుకునే అవకాశం ఉన్నట్లు తేలింది. అధికార వైసీపీ కేవలం 42 నుంచి 55 సీట్లు మాత్రమే సాధించే అవకాశం ఉందని వెల్లడించింది. రాష్ట్రంలో మొత్తంగా 18 సీట్లలోనే హోరాహోరీ పోరు ఉన్నట్లు ఈ సర్వే ఫలితాలు వెల్లడించాయి. అయితే రాష్ట్రంలో ఈ మూడు పార్టీలు కాకుండా ఇతరులకు 4 నుంచి 7 సీట్లు దక్కే అవకాశం ఉందని కూడా తెలిపింది. ఈ సర్వే ఫలితాలు చూసిన టిడిపి జనసేన శ్రేణులు ఆనందంతో మునిగితేలుతున్నారు. మరోపక్క వైసీపీ శ్రేణులు ఈ సర్వే ఫలితాలను కొట్టి పడేస్తున్నారు

తెలంగాణ ఎన్నికల్లో పాలకుర్తి అసెంబ్లీ నియోజకవర్గ నుండి మామిడాల యశస్విని రెడ్డి విజయం సాధించారు. ఆరుసార్లు ఎమ్మెల్యేగా గెలిచిన ఎర్రబెల్లి దయాకర్ రావును ఓడించి ఆమె విజయం సాధించి దేశవ్యాప్తంగా సంచలనమయ్యారు.

ఒకసారి ఆమె బ్యాక్ గ్రౌండ్ గురించి చూస్తే… యశస్విని రెడ్డి 1997 సంవత్సరంలో హైదరాబాదులో జన్మించారు. ఈమె తల్లిదండ్రులు తిరుపతిరెడ్డి, మాధవి. యశస్విని రెడ్డికి ఒక చెల్లెలు కూడా ఉంది. టెన్త్ క్లాస్ వరకు ఎల్బీనగర్ శ్రీ చైతన్య స్కూల్లో చదివారు.

2018లో హైదరాబాదులోని శ్రేయస్ ఇన్స్టిట్యూట్ ఆఫ్ ఇంజనీరింగ్ అండ్ టెక్నాలజీ నుండి బిటెక్ పూర్తి చేశారు.  తర్వాత 2019 సంవత్సరంలో ఝాన్సీ రెడ్డి రాజేందర్ రెడ్డి ల కుమారుడు రాజా రామ్మోహన్ రెడ్డి తో వివాహం జరిగింది. వీరి పెళ్లి సంగీత కార్యక్రమంలో బాహుబలి సినిమాలోని అనుష్క ప్రభాస్ గెటప్పులు వేసి వీరు డాన్స్ కూడా చేశారు. అయితే యశస్విని రెడ్డి రాజకీయ ప్రవేశం అనూహ్యంగా జరిగింది. ఆమె అత్త ఝాన్సీ రెడ్డి పాలకుర్తి టికెట్ పౌరసత్వం విషయంలో చిక్కుల రావడంతో ఆ టిక్కెట్ యశస్విని రెడ్డికి దక్కడం ఆమె ఎమ్మెల్యే గా నెగ్గడం జరిగింది.

యశస్విని రెడ్డి భర్త అమెరికాలో రియల్ ఎస్టేట్ వ్యాపారం చేస్తూ ఉంటారు. యశస్విని రెడ్డి మామయ్య కార్డియాలజిస్ట్. యశస్విని రెడ్డి అత్తమామలు కలిసి రియల్ ఎస్టేట్ బిజినెస్ పెట్టారు. వారికి 1000 యూనిట్స్ ఉన్నాయి. అవి బయట వేరే మేనేజ్మెంట్ కంపెనీకి ఇవ్వకుండా వీళ్లే మేనేజ్ చేసుకుని, లీజింగ్ ఆఫీస్ కూడా వీళ్లే చూసుకుంటారు. అది కాకుండా బాదం, పిస్తా తోటలు కూడా ఉన్నాయి. వీటన్నిటికీ ఆఫీస్ లు ఉన్నాయి. అవన్నీ వాళ్ళు మేనేజ్ చేస్తారు. ఈ పనులన్నీ యశస్విని రెడ్డి భర్త చూసుకుంటారు.

ఝాన్సీ రెడ్డి అమెరికాలో రియల్ ఎస్టేట్ రంగంలో బాగా రాణించేవారు. బాగా సంపాదించి తన సొంత ఊరికి ఎంత కొంత మేలు చేయాలని ఇక్కడ సేవా కార్యక్రమాలు చేశారు. యశస్వి రెడ్డి కూడా అమెరికాలో కంపెనీ వ్యవహారాలు చూసుకుని వారు. తర్వాత ప్రజలకు పూర్తిస్థాయిలో సేవ చేయాలని రాజకీయాల్లోకి అడుగు పెట్టడం జరిగింది. ఎస్ఎస్సి రెడ్డికి ఒక కుమార్తె కూడా ఉన్నారు. అయితే ఎమ్మెల్యేకి నెగిన తర్వాత ఎటువంటి అవినీతి లేకుండా ప్రభుత్వం నుంచి వచ్చే ప్రతి రూపాయి ప్రజలకు ఖర్చు పెడతానని ప్రకటించారు.