Politics

తెలంగాణ రాజకీయాలలో గత రెండు రోజులుగా ఎక్కువగా వినిపిస్తున్న పేరు స్మితా సబర్వాల్. ఆమె సీనియర్ ఐఏఎస్ ఆఫీసర్, డైనమిక్ ఆఫీసర్‌గా స్మితా సబర్వాల్ మంచి పేరుంది. గత తెలంగాణ ప్రభుత్వంలో ఆమె కీలక బాధ్యతలు నిర్వర్తించారు. సీఎంవో అధికారిగా, నీటిపారుదల శాఖ ముఖ్య కార్యదర్శిగా కాళేశ్వరం, మిషన్ భగీరథ పనులను కూడా పర్యవేక్షించారు.

ప్రస్తుతం తెలంగాణలో కాంగ్రెస్ ప్రభుత్వం అధికారంలోకి వచ్చింది. రేవంత్ రెడ్డి ముఖ్యమంత్రి అయిన తరువాత  స్మితా సబర్వాల్ ఇప్పటి వరకు సీఎం రేవంత్‌ రెడ్డిని కలవలేదు. దాంతో ఆమె కేంద్ర సర్వీసుల్లోకి వెళ్తున్నట్లుగా, కేంద్రానికి అప్లై చేసుకున్నట్లు వార్తలు వైరల్ అయ్యాయి. తాజాగా ఆమె పై మాజీ ఐఏఎస్ ఆకునూరి మురళి సంచలన కామెంట్స్ చేశారు. మరి ఆమె ఎవరో, ఆమె బ్యాక్ గ్రౌండ్ ఏమిటో ఇప్పుడు చూద్దాం..
స్మితా సబర్వాల్ 1977 లో పశ్చిమ బెంగాల్‌లోని డార్జిలింగ్‌లో బెంగాలీ ఫ్యామిలిలో ఆర్మీ అధికారి కల్నల్ ప్రణబ్ దాస్, పురబీ దాస్‌లకు జూన్ 19న జన్మించారు. ఆమె సికింద్రాబాద్‌లోని సెయింట్ ఆన్స్ హైస్కూల్‌లో చదువుకున్నారు. ఐసీఎస్ఈ పరీక్షలో స్మితా సబర్వాల్ ఆల్ ఇండియా టాపర్ గా నిలిచారు. హైదరాబాద్‌లోని సెయింట్ ఫ్రాన్సిస్ ఫర్ ఉమెన్ కాలేజ్ నుండి కామర్స్‌లో పట్టా తీసుకున్నారు. 2000లో యూనియన్ పబ్లిక్ సర్వీస్ కమీషన్ పరీక్ష రాసిన ఆమె, ఆల్ ఇండియా స్థాయిలో 4వ ర్యాంక్ సాధించింది. అప్పుడు ఆమె వయసు 22 ఏళ్ళు.
2001లో ముస్సోరీలోని లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్‌లో స్మితా సబర్వాల్ అడ్మినిస్ట్రేటివ్ శిక్షణ పూర్తి చేసింది. తన ప్రొబేషన్ టైమ్ లో ఆదిలాబాద్ జిల్లాలో ట్రైనింగ్ పొందారు. ఆ తరువాత చిత్తూరులోని మదనపల్లి సబ్ కలెక్టర్‌గా ఆమె మొదటిసారి బాధ్యతలు స్వీకరించారు. ఆ తర్వాత కడప డిఆర్‌డిఎ ప్రాజెక్టు డైరెక్టర్‌గా గ్రామీణాభివృద్ధి విభాగంలో పనిచేశారు. ఆ తరువాత వరంగల్ మునిసిపల్ కమీషనర్‌గా పనిచేశారు.  ఆమె “ఫండ్ యువర్ సిటీ” అనే పథకాన్ని ప్రవేశపెట్టింది.
ట్రాఫిక్ జంక్షన్లు, ఫుట్ ఓవర్‌బ్రిడ్జ్‌లు, బస్-స్టాప్‌లు, పార్కులు వంటి పెద్ద సంఖ్యలో పబ్లిక్ యుటిలిటీలను పబ్లిక్-ప్రైవేట్ భాగస్వామ్యంతో (PPP) క్రియేట్ చేశారు. ఆ తర్వాత విశాఖపట్నంలో వాణిజ్య పన్నుల శాఖ డిప్యూటీ కమిషనర్‌గా పనిచేశారు. 2011 ఏప్రిల్ లో, సబర్వాల్ కరీంనగర్ జిల్లా కలెక్టర్‌గా బాధ్యతలు స్వీకరించారు. అక్కడ ఆమె ఆరోగ్యం మరియు విద్యా రంగంలో చాలా కృషి చేశారు. ప్రజాప్రతినిధుల సహకారంతో కరీంనగర్ సిటీలో విశాలమైన రోడ్లు, ట్రాఫిక్ జంక్షన్లు, బస్టాప్‌లు, మరుగుదొడ్లు మరియు ఇతర ప్రజా ప్రయోజనాల రూపంలో కొత్త రూపురేఖలను సంతరించుకునేలా చేశారు.
2012–2013లో ప్రధానమంత్రి 20 పాయింట్ల కార్యక్రమంలో కరీంనగర్ జిల్లా ఉత్తమ జిల్లాగా అవార్డు పొందింది. 2014 సార్వత్రిక ఎన్నికల టైమ్ లో ఆమె మెదక్ జిల్లా కలెక్టర్‌గా పనిచేశారు. ఆమె కలెక్టర్ గా కరీంనగర్ మరియు మెదక్ జిల్లాలను రాష్ట్రంలోనే అగ్రగామిగా నిలిపింది. ఇది ఇలా ఉంటే, తాజాగా ఆమె పై మాజీ ఐఏఎస్ ఆకునూరి మురళి సంచలన కామెంట్స్ చేశారు. గత ప్రభుత్వంలో చేసే తప్పులు చేసి, ఇప్పుడు కేంద్ర సర్వీసుల్లోకి వెళ్ళడం ఫ్యాషన్ అయ్యిందని, ఆమెని వెళ్ళకుండా చూడాలని ‘దేశం మొత్తంలో హెలికాప్టర్‌లో వెళ్లి పనులను పర్యవేక్షించే ఏకైక ఐఏఎస్ ఆఫీసర్ ఈమెగారు మాత్రమే’ అంటూ పోస్ట్ లో రాసుకొచ్చారు.

Also Read: సీతక్క మంత్రి అయింది… తన స్వగ్రామానికి బస్సు వచ్చింది…!

మరి కొన్ని నెలలలో జరగనున్న అసెంబ్లీ ఎలెక్షన్స్ టార్గెట్‌గా వైసీఆర్ కాంగ్రెస్ అధిష్టానం తాజాగా సంచలన నిర్ణయం తీసుకుంది. పదకొండు నియోజకవర్గాలలో ఇన్‌ఛార్జ్‌లను మారుస్తున్నట్లు ప్రకటన విడుదల చేసింది. ప్రస్తుతం ఈ విషయం ఏపీ పాలిటిక్స్ లో హాట్ టాపిక్ గా మారింది.

ఒకేసారి ఒకేరోజు రాష్ట్రవ్యాప్తంగా పదకొండు మంది నియోజకవర్గాల ఇన్‌చార్జీల వైసీపీ పార్టీ మార్చేసింది. డిసెంబర్ 11న పదకొండు నియోజకవర్గాలలో ఎంపిక చేసిన నూతన ఇన్‌ఛార్జ్‌ల పేర్లను అనౌన్స్ చేశారు. ఉమ్మడి గుంటూరు జిల్లాలో ఏడుగురు ఇన్‌చార్జీలను మార్చింది. దీంతో వైసీపీ మార్పు వెనుక స్ట్రాటజీ ఏంటని చర్చ జరుగుతోంది.
వచ్చే అసెంబ్లీ ఎలెక్షన్స్ లో 175 నియోజకవర్గాల్లో విజయం సాధించడమే లక్ష్యంగా ప్రణాళికలు వేస్తున్న వైసీపీ, తాజగా 11 నియోజకవర్గాల్లో ఇన్‌చార్జులను మార్చింది. కొండెపి- ఆదిమూలపు సురేష్, మంగళగిరి- గంజి చిరంజీవి, ప్రత్తిపాడు- బాలసాని కిరణ్ కుమార్, వేమూరు- వరికూటి అశోక్ బాబు,సంతనూతలపాడు- మేరుగ నాగార్జున, తాడికొండ- మేకతోటి సుచరిత, చిలకలూరిపేట- మల్లెల రాజేశ్ నాయుడు, అద్దంకి- పాణెం హనిమిరెడ్డి, గుంటూరు పశ్చిమ- విడదల రజినీ, గాజువాక- వరికూటి రామచంద్రరావు, రేపల్లె- ఈవూరు గణేష్ లను ఇన్‌చార్జులగా నియమించారు.యర్రగొండపాలెం నియోజకవర్గానికి ప్రాతినిథ్యం వహిస్తున్న ఆదిమూలపు సురేష్‌ను తాజాగా కొండెపికి ఇన్‌చార్జిగా మార్చడం చర్చకు దారి తీసింది. ఈ నియోజకవర్గంలో ప్రస్తుతం తెలుగుదేశం పార్టీ నాయకుడు డోలా బాలవీరాంజనేయస్వామి స్థానం ఇది. 2014 మరియు 2019 ఎలెక్షన్స్ లో ఇక్కడి నుంచి పోటీ చేసి, విజయం సాధించారు. అందువల్ల వచ్చే ఎన్నికలలో కూడా ఆయనే పోటీ చేసే అవకాశం ఉండవచ్చు.
కొండెపికి ఇన్‌చార్జిగా మార్చడం పై తాజాగా ఆదిమూలపు సురేష్ మాట్లాడారు. నియోజకవర్గ మార్పు విషయంలో పార్టీ నిర్ణయమే పాటిస్తానని, అధిష్టానం ఆదేశాల మేరకు ప‌ని చేస్తాన‌ని వెల్లడించారు. పార్టీ నిర్ణయాన్ని శిరసావహిస్తానని,  సైనికుడిలా పార్టీ విజయం కోసం పనిచేస్తానని అన్నారు. ముఖ్యమంత్రి జగన్ తమకు కెప్టెన్ అని అన్నారు. కొండెపి నియోజకవర్గంలోని పార్టీ కార్యకర్తలను సమన్వయం చేసుకుంటూ పార్టీని బలోపేతం చేయడానికి కృషి చేస్తామని వెల్లడించారు.

Also Read: ఎవరు ఈ శాంభవి..? 13 ఏళ్ళ తరువాత మళ్ళీ ఇప్పుడు బయటకు ఎందుకు వచ్చింది..?

తెలంగాణ ఎన్నికల పూర్తయి కాంగ్రెస్ పార్టీ అధికారంలోకి వచ్చి అసెంబ్లీ సమావేశాల్లో ఎమ్మెల్యేలు అందరూ ప్రమాణ స్వీకారం చేశారు. అయితే ఇప్పుడు స్పీకర్ ఎన్నిక కార్యక్రమం జరగనుంది. మెజార్టీ సభ్యులు ఉన్న కాంగ్రెస్ పార్టీ స్పీకర్ గా సీనియర్ నాయకుడైన గెడ్డం ప్రసాద్ ను ప్రతిపాదించింది. ఈరోజు రేవంత్ రెడ్డి స్పీకర్ నామినేషన్ కార్యక్రమంలో పాల్గొని నామినేషన్ పత్రాలు పైన సంతకం చేశారు.

ఇదిలా ఉండగా స్పీకర్ గెడ్డం ప్రసాద్ ప్రతిపాదనను బిఆర్ఎస్ పార్టీ కూడా సపోర్ట్ చేస్తుంది. స్పీకర్ నామినేషన్ కార్యక్రమంలో బిఆర్ఎస్ పార్టీ వర్కింగ్ ప్రెసిడెంట్ కేటీఆర్ కూడా పాల్గొన్నారు. నామినేషన్ పత్రాల పైన రేవంత్ రెడ్డి తో పాటు కేటీఆర్ కూడా సంతకం చేసి తన మద్దతును ప్రకటించారు. స్పీకర్ గా గెడ్డం ప్రసాద్ మంచి పని తీరు కనబరుస్తారని ఆయనకు వ్యక్తిగతంగా మంచి పేరు ఉందని మద్దతు తెలిపినట్లుగా బిఆర్ఎస్ పార్టీ చెప్పింది. ఈ విషయంలో కాంగ్రెస్ పార్టీతో టిఆర్ఎస్ ఏకీభవించడం శుభ పరిణామంగా రాజకీయ విశ్లేషకులు చెబుతున్నారు. అయితే రాబోయే రోజుల్లో అసెంబ్లీ సమావేశంలో ప్రతిపక్ష విపక్ష పార్టీల మధ్య ఎటువంటి వాదోపవాదాలు జరుగుతాయో చూడాలి అని అంటున్నారు.

తెలంగాణ ముఖ్యమంత్రి రేవంత్‌ రెడ్డి కొత్త టీమ్‌పై దృష్టి పెట్టారు. ముఖ్యమంత్రి కార్యాలయంలో పనిచేసే ఆఫీసర్ల ఎంపిక పై దృష్టి సారించారు. బీఆర్ఎస్ గవర్నమెంట్ లో కీలక పోస్టుల్లో ఉన్న ఆఫీసర్ల స్థానచలనం ప్రారంభం అయ్యింది. త్వరలోనే ఐఏఎస్‌ మరియు  ఐపీఎస్‌ల బదిలీలు కూడా జరిగే అవకాశం ఉన్నట్టు తెలుస్తోంది.

ఆయా శాఖలకు సంబంధించి పలువురు ఆఫీసర్ల లిస్ట్ రెడీ అయినట్లు తెలుస్తోంది. సీఎం రేవంత్ రెడ్డి, మంత్రులను బీఆర్ఎస్ ప్రభుత్వంలో పని చేసిన పలువురు ఆఫీసర్లు అధికారికంగా కలుస్తుండగా, కీలక బాధ్యతలు నిర్వహించిన ఐఏఎస్ ఆఫీసర్ స్మితా సబర్వాల్ ముఖ్యమంత్రిని కలవలేదు. ఆమె ఎక్కడా కనిపించడం లేదు. కారణం ఏమిటా అని ఆరా తీస్తున్నారు.బీఆర్ఎస్ గవర్నమెంట్ లో కీలక బాధ్యతలలో ఉన్న ఐఏఎస్ ఆఫీసర్ స్మితా సబర్వాల్, ముఖ్యమంత్రి కార్యాలయానికి ప్రత్యేక కార్యదర్శిగా చేశారు. ఆ బాధ్యతతో పాటు నీటిపారుదల శాఖ విధులు కూడా చూసుకున్నారు. ముఖ్యంగా కాళేశ్వరం ప్రాజెక్టు నిర్మాణంకు సంబంధించిన పనులు మరియు మిషన్ భగీరథకు సంబంధించిన  పనులను పర్యవేక్షించారు. ఆమె ఎప్పటికప్పుడు ఆఫీసర్లతో సమీక్షలు నిర్వహిస్తూ, ప్రాజెక్ట్ లను సందర్శించి, నిర్మాణ పనులను పరిశీలిస్తూ ముఖ్యమైన పాత్రను పోషించారు. రాష్ట్రంలో డైనమిక్ ఆఫీసర్ గా స్మితా సబర్వాల్‌‌కు పేరుగాంచారు.
కాంగ్రెస్ ప్రభత్వం వచ్చినప్పటి నుండి స్మితా సబర్వాల్ ఎక్కడా కనిపించలేదు. కాంగ్రెస్ ప్రభుత్వం వచ్చినప్పటి నుండి నుంచి పలువురు ఐఏఎస్ ఆఫీసర్లు ముఖ్యమంత్రి రేవంత్ రెడ్డిని, ఆయా శాఖల మినిస్టర్లను కలుస్తున్నారు. కానీ సీఎంఓకు ప్రత్యేక కార్యదర్శిగా పనిచేసిన స్మితా సబర్వాల్ అయితే కనిపించట్లేదు. నీటి పారుదల శాఖ మినిస్టర్ గా  బాధ్యతలు చేపట్టిన ఉత్తమ్ కుమార్ రెడ్డి ప్రాజెక్టులు, పెండింగ్ ప్రాజెక్టుల పై మొదటిసారిగా నిర్వహించిన సమీక్షకు సైతం స్మితా సబర్వాల్ హాజరవ్వకపోటం హాట్ టాపిక్ గా మారింది.
బీఆర్ఎస్ గవర్నమెంట్ లో సమీక్షలన్నింటిలో  కనిపించటం, పలు ప్రాజెక్టుల విధులను కూడా పర్యవేక్షించిన స్మితా సబర్వాల్ ప్రస్తుతం కనిపించకపోవడానికి కారణాలేంటా అని నెట్టింట్లో చర్చ జరుగుతోంది. ప్రతిపక్షంలో ఉన్న సమయంలో రేవంత్ రెడ్డితో సహా పలువురు నాయకులు బిఆర్ఎస్ గవర్నమెంట్ తో పాటు ఆఫీసర్ల పై అవినీతి చేసారంటూ ఆరోపణలు చేశారు. కాళేశ్వరం, మిషన్ భగీరథ ప్రాజెక్ట్ ల పేరుతో కోట్లు వెనుకేసుకుందంటూ ఆరోపణలు చేశారు. స్మితా సబర్వాల్ పైన కూడా కాంగ్రెస్ నాయకులు పలు సందర్భాల్లో అవినీతి ఆరోపణలు చేశారు. వాటి వల్లనే స్మితా సబర్వాల్ కాంగ్రెస్ ప్రభుత్వంతో కలవట్లేదన్న టాక్ వినిపిస్తోంది.

Also Read: ఫ్రీ బస్సు పెడితే అధికారం ఖాయమా… చూస్తుంటే అలానే ఉంది…!

తెలంగాణలో కాంగ్రెస్ ప్రభుత్వం కొలువుదీరింది. ముఖ్యమంత్రి రేవంత్ రెడ్డి ప్రమాణస్వీకారం చేశారు. సాధారణంగా  గవర్నమెంట్ మారగానే, గత ప్రభుత్వంలో ముఖ్యమైన పోస్టుల్లో ఉన్న ఆఫీసర్లను మార్చడం, కొత్త ఆఫీసర్లను తీసుకుంటారనే విషయం తెలిసిందే.

కొత్తకోట శ్రీనివాస్ రెడ్డిని హైదరాబాద్ సీపీగా నియమించారు. పలువురు ఐఏఎస్ ఆఫీసర్లను సైతం మార్చే యోచనలో గవర్నమెంట్ ఉందని సమాచారం. సోమవారం నాడు ముఖ్యమంత్రి రేవంత్ రెడ్డిని సీనియర్ ఐఏఎస్ ఆఫీసర్ ఆమ్రపాలి కలిశారు. ఆ ఫోటోలు నెట్టింట్లో చక్కర్లు కొడుతున్నాయి. దీంతో ఆమ్రపాలిని సీఎంఓలోకి  తీసుకుంటునట్లుగా వార్తలు వినిపిస్తున్నాయి. ఆ వివరాలు ఇప్పుడు చూద్దాం..
తెలంగాణ సీఎంగా రేవంత్ రెడ్డి వచ్చినప్పటి నుంచి కీలక ఆఫీసర్ల మార్పులు జరుగుతున్నాయి. పలువురు ఆఫీసర్లను ఇప్పటికే బదిలీ చేస్తూ, ప్రభుత్వం ఆదేశాలు జారీ చేసింది. ఐఏఎస్‌ల బదిలీలు జరిగాయి. ఈ క్రమంలో సీఎంపేషీలో కొత్త ఆఫీసర్లు వచ్చేందుకు ఏర్పాట్లు కూడా జరుగుతున్నాయి. సీఎం రేవంత్‌రెడ్డికి ముఖ్య కార్యదర్శిగా సీనియర్ ఐఏఎస్ ఆఫీసర్ ఆమ్రపాలి వస్తున్నట్లు తెలుస్తోంది.
ఆమ్రపాలి కాట 1982లో ఆంధ్ర ప్రదేశ్‌ విశాఖపట్నంలో వెంకట్ రెడ్డి కాటా, పద్మావతి దంపతులకు నవంబరు 4న జన్మించారు. ఆమెకు ఒక తోబుట్టువు ఉన్నారు. విశాఖపట్నంలో సాయి సత్య మందిర్ స్కూల్ లో పాఠశాల విద్యను పూర్తి చేసింది. ఆ తర్వాత ఆమె జేఈఈ లో ఉత్తీర్ణత సాధించి, చెన్నైలోని ఇండియన్ ఇన్‌స్టిట్యూట్ ఆఫ్ టెక్నాలజీలో ఇంజనీరింగ్ పూర్తి చేసింది. బెంగుళూరులోని ఇండియన్ ఇన్‌స్టిట్యూట్ ఆఫ్ మేనేజ్‌మెంట్ నుండి ఎంబీఏ పూర్తి  చేసింది. ఆమ్రపాలి 2010 లో యూనియన్ పబ్లిక్ సర్వీస్ కమిషన్ పరీక్షలో 39 వ ర్యాంక్‌ సాధించి, ఐఏఎస్ అధికారిణి అయింది. ఐఏఎస్ కు ఎంపికయిన అతి తక్కువ వయస్కులలో ఒకరిగా ఆమ్రపాలి నిలిచారు.
2013లో వికారాబాద్‌ సబ్‌ కలెక్టర్‌గా నియమితులైన ఆమె, 2014లో మహిళా శిశు సంక్షేమ శాఖ డైరెక్టర్‌గా బాధ్యతలు చేపట్టారు. మరుసటి ఏడాది తెలంగాణాలోని రంగారెడ్డి జిల్లాకు జాయింట్ కలెక్టర్‌గా పనిచేసింది.  తెలంగాణ రాష్ట్రం వచ్చిన తరువాత 2016లో ఆమ్రపాలి వరంగల్ అర్బన్ జిల్లా కలెక్టర్ గా పనిచేసిన తొలి మహిళ ఐఏఎస్‌ ఆఫీసర్. “యంగ్ డైనమిక్ ఆఫీసర్” గా పేరు తెచ్చుకుంది. ప్రస్తుతం ఢిల్లీలో పీఎం  కార్యాలయంలో డిప్యూటీ సెక్రటరీగా పనిచేస్తున్న ఆమ్రపాలి తెలంగాణలో సీఎంఓలోకి రావచ్చని వార్తలు వినిపిస్తున్నాయి.

Also Read: తెలంగాణ సీఎం రేవంత్ రెడ్డి మందు ఎందుకు తాగరంటే.? ఈ కారణం తెలిస్తే హ్యాట్సాఫ్ అంటారు.!