Politics

తెలంగాణ రాష్ట్రంతో సహా 5 రాష్ట్రాల్లో అసెంబ్లీ ఎలెక్షన్స్ కు షెడ్యూల్ రిలీజ్ కావడంతో ఎన్నికల కోడ్ సోమవారం నుండి అమలులోకి వచ్చింది. ఈ కోడ్ గవర్నమెంట్ కు, రాజకీయ పార్టీలకు, ఎలెక్షన్స్ లో పాల్గొనే అభ్యర్థులకు వర్తిస్తుంది.

ఎన్నికల కోడ్ అమలులోకి వచ్చిన నేపథ్యంలో ఎలెక్షన్స్ జరిగే రాష్ట్రాలలో ప్రభుత్వం ఏది చేయాలనుకున్నా కూడా  కోడ్ రూల్స్ కు లోబడే చేయాల్సి ఉంటుంది. అయితే ఏం చేయవచ్చు? ఏం చేయకూడదు అనే విషయాల గురించి ఇప్పుడు చూద్దాం..
బీబీసి న్యూస్ తెలుగు కథనం ప్రకారం ఎలక్షన్ కమిషన్ రాజకీయ పార్టీలు, అభ్యర్థులు, పార్టీ కార్యకర్తలు, లీడర్లకు వర్తించేలా తమ నియమావళిలో భాగంగా పలు సూచనలు చేసింది.

# కులాలు లేదా మతాల మధ్య విభేదాలను పెరిగేలా మాట్లాడడం కానీ, వైషమ్యాలు సృష్టించడం వంటివి చేయకూడదు.

# ఇతర పార్టీలను విమర్శించే సమయంలో పార్టీ విధానాలు, కార్యక్రమాలు, గతంలో పనితీరు లాంటి విషయాల కే పరిమితం కావాలి.

# ఆధారాలు లేకుండా ఇతర నాయకులు, పార్టీలు, కార్యకర్తల పై ఆరోపణలు చేయకూడదు.

# ఎలెక్షన్స్ ప్రచారం కోసం పవిత్ర స్థలాలు అయిన ఆలయాలు, చర్చిలు, మసీదులు వంటి వాటిని ఎట్టి పరిస్థితులలోనూ వాడకూడదు.

# ఓట్ల కోసం డబ్బులివ్వడం, బెదిరించడం వంటివి చేయకూడదు.

# పార్టీలు, అభ్యర్థులు వేరేవారి స్థలంలో, గోడలు, ఇళ్లు వంటివాటిని వారి పర్మిషన్  లేకుండా ప్రచారానికి ఉపయోగించుకోకూడదు.

# వేరే పార్టీల, లేదా అభ్యర్థుల పోస్టర్లు, ఫ్లెక్సీలు, వంటి వాటిని తొలగించకూడదు.
ఏం చేయవచ్చు..

# ఎన్నికల షెడ్యూల్ ప్రకటించక ముందు మొదలుపెట్టిన స్కీములు, కార్యక్రమాలు కొనసాగించవచ్చు.కరవు, వరదలు వంటివి వస్తే ఆ ప్రాంతాలలో సహాయ, పునరావాస చర్యలు తీసుకోవచ్చు.

# తీవ్ర అనారోగ్యంతో బాధపడేవారికి వైద్యం చేయించడం కోసం నగదు సాయం వంటివాటికి అనుమతులు తీసుకుని చేయవచ్చు.

# ఎలెక్షన్స్ సభలు పెట్టడం కోసం బహిరంగ స్థలాలను ఇతర పార్టీలకు, ఇతర అభ్యర్థులకు అందుబాటులో ఉండేలా వ్యవహరించాలి.

# ఇతర పార్టీల పథకాలు, విధానాలు, వారు చేసే కార్యక్రమాలను కూడా విమర్శించవచ్చు.
ఏం చేయకూడదు..

# అధికార పార్టీ ప్రభుత్వ సొమ్మును ఉపయోగించి ప్రకటనలు ఇవ్వకూడదు.
అభ్యర్థిగా, ఓటరుగా, ఏజెంట్‌గా తప్ప మినిస్టర్స్ గా మాత్రం పోలింగ్ సెంటర్స్ లోకి లేదా, లెక్కింపు  సెంటర్స్ లోకి కానీ వెళ్లకూడదు.

# ఓట్లు అడగడానికి కులం, మతాలను ఉపయోగించుకోకూడదు.

# ఇతర పార్టీల లీడర్లు, అభ్యర్థుల వ్యక్తిగత జీవితం పై విమర్శలు చేయకూడదు.
తమ అభిప్రాయాలు లేదా విధానాలతో ఏకీభవించని వ్యక్తుల ఇంటి ముందు నిరసనలు లేదా  ప్రదర్శనల వంటివి చేయకూడదు.

# అధికారిక సెక్యూరిటీ లేదా ప్రైవేట్ సెక్యూరిటీ ఉన్నవారిని ఎన్నికల ఏజెంటుగా లేదా పోలింగ్ ఏజెంటుగా లేదా కౌంటింగ్ ఏజెంటుగా నియమించకూడదు.

Also Read: ఎలెక్షన్స్ లో ఒకేసారి ఒక అభ్యర్థి 2 కంటే ఎక్కువ చోట్ల పోటీ చేయకూడదా..? దీని గురించి ఎలక్షన్ కమిషన్ ఏం చెప్తోంది అంటే..?

స్కిల్ డెవలప్మెంట్ స్కాం కేసులో మాజీ ముఖ్యమంత్రి, టీడీపీ అధినేత చంద్రబాబు నాయుడు అరెస్ట్ కావడంతో ఇరు తెలుగు రాష్ట్రాలలో హై టెన్షన్ నెలకొంది. కేస్ నిమిత్తం సీఐడీ చంద్రబాబును విజయవాడ ఏసీబీ కోర్టులో ప్రవేశపెట్టడం తో ..కోర్టు రిమాండ్ కు పంపవలసిందిగా నిర్ణయం తీసుకుంది.

అయితే ప్రస్తుతం ఈ నిర్ణయం వెనక కీలకపాత్ర పోషించిన రెండు సెక్షన్ల గురించి ఇరు తెలుగు రాష్ట్రాలలో పెద్ద ఎత్తున చర్చ జరగడంతో పాటు…ఈ సెక్షన్ అన్వయింపు పై న్యాయ వర్గాలలో భిన్నాభిప్రాయాలు వ్యక్తమవుతున్నాయి.

చంద్రబాబును రిమాండ్ కు పంపవలసిందిగా సిపిఐ చేసిన అభ్యర్థనను విజయవాడ ఏసిబి కోర్టు న్యాయమూర్తి ఆమోదించడం జరిగింది. కోర్టు విచారణ సందర్భంగా సీఆర్పీసీలోని రెండు కీలక సెక్షన్ల పై కోర్టులో తీవ్రంగ వాదోపవాదాలు జరిగాయి.ఈ సెక్షన్లలో ఒక సెక్షన్ 409 కాగా.. మరొకటి సెక్షన్ 17ఏ. ఇందులో సెక్షన్ 490లో ఆస్తి బదలాయింపుకు లేదా నిధుల బదలాయింపుకు సంబంధించింది. అలాగే సెక్షన్ 17ఏ అవినీతి కేసుల్లో గవర్నర్ అనుమతి లేకుండా అరెస్టు చేయొచ్చా లేదా అన్న విషయం పై..సాగింది.

చంద్రబాబుకు ఈ రెండు సెక్షన్లనూ అన్వయిస్తూ సీఐడీ ఇచ్చిన రిమాండ్ రిపోర్ట్ పై చంద్రబాబు లాయర్ సిద్ధార్ధ్ లూథ్రా..ఇందులో సెక్షన్ 17ఏ ప్రకారం చంద్రబాబును అరెస్టు చేయాలి అంటే గవర్నర్ ముందస్తు అనుమతి తీసుకోవాలన్న నిబంధనను తెరపైకి తెచ్చారు. దీనికి ఉదాహరణగా అచ్చెన్నాయుడు కేసులో హైకోర్టు ఇచ్చిన తీర్పును కూడా ప్రస్తావించారు.

దీని పై స్పందించిన సీబీఐ మాజీ డైరెక్టర్ నాగేశ్వరరావు చంద్రబాబు కేస్ విషయంలో సెక్షన్ 17ఏను తప్పుగా అన్వయించినట్లు కనిపిస్తోందని ఆయన పేర్కొన్నారు. ఈ నేపద్యంలో గతంలో అచ్చెన్నాయుడు కేసులో హైకోర్టు తీర్పు, రాఫెల్ కేసులో యశ్వంత్ సిన్హా విషయంలో సుప్రీంకోర్టు ఇచ్చిన తీర్పుల్ని ఇప్పుడు తిరిగి గుర్తు చేశారు.ఏసీబీ కోర్టు అచ్చెన్నాయుడు కేసులో సుప్రీంకోర్టు తీర్పు ఇచ్చిందని భావించి ఉంటుందని….కానీ అచ్చెన్నాయుడు కేసు తీర్పు ఇచ్చింది హైకోర్టు అని ఆయన స్పష్టం చేశారు.

అలాగే రాఫెల్ కేసులో సుప్రీంకోర్టు…సెక్షన్ 17ఏ ప్రకారం గవర్నర్ అనుమతి తప్పనిసరి అని సూచించిన విషయం గుర్తు చేశారు. అంతేకాకుండా నాన్-బెయిలబుల్ నేరంలో ఎవరినైనా అరెస్టు చేసినప్పుడు.. అతని వైపు న్యాయవాదులు ముందుగా బెయిలు కోసం దరఖాస్తు వేయాలి కానీ.. చంద్రబాబు లాయర్లు మాత్రం రిమాండ్ ను వ్యతిరేకించడానికి పరిమితం అయ్యారు.. అందుకే చంద్రబాబు జైలుకెళ్లారన్నారు.

Sri #ncbn has been remanded to the judicial custody and lodged in the Central Prison, Rajamahedravaram as per orders dated 10-9-2023 of Hon'ble Court of Special Judge for SPE & ACB Cases, Vijayawada (AP) in Crime No. 29/2021 of CID PS, AP, Mangalagiri.

I have read the Remand… https://t.co/KO09g9sQEH pic.twitter.com/1k17eXKoJQ

— M. Nageswara Rao IPS (Retired) (@MNageswarRaoIPS) September 11, 2023

మనం ఏ రంగాన్ని ఎంచుకున్నా కూడా మనకు తెలియకుండా మన చదువు ఒక ముఖ్య పాత్ర పోషిస్తుంది అని అంటారు. అందుకే అందరూ చదువు పూర్తి అయ్యాక మాత్రమే వాళ్ళకి నచ్చిన ఫీల్డ్ లోకి వెళ్తారు. అలా మన పొలిటిషియన్స్ కూడా చదువు పూర్తి చేశాక పోలిటిక్స్ లోకి అడుగుపెట్టారు. కొంత మంది పొలిటిషియన్స్ ఎడ్యుకేషనల్ క్వాలిఫికేషన్స్ ఇప్పుడు చూద్దాం.

#1 వైయస్ రాజశేఖర్ రెడ్డి

రాజశేఖర్ రెడ్డి గారు కర్ణాటకలోని గుల్బర్గాలో ఉన్న మహాదేవప్ప రాంపూర్ మెడికల్ కాలేజ్ లో ఎంబిబిఎస్ చదివారు. చదువు పూర్తి చేసిన తర్వాత ఆంధ్రప్రదేశ్ లోని కడప జిల్లాలో ఉన్న జమ్మలమడుగు మిషన్ హాస్పిటల్ లో మెడికల్ ఆఫీసర్ గా చేశారు.

#2 కల్వకుంట్ల చంద్రశేఖర్ రావు

కెసిఆర్ గారు ఉస్మానియా యూనివర్సిటీ నుండి లిటరేచర్ లో ఎం.ఏ డిగ్రీ పొందారు.

#3 నారా చంద్రబాబు నాయుడు

చంద్రబాబు నాయుడు గారు మాస్టర్స్ డిగ్రీ అందుకున్నారు.

#4 వెంకయ్య నాయుడు

వెంకయ్య నాయుడు గారు నెల్లూరులోని వి.ఆర్ కాలేజ్ లో బ్యాచిలర్ ఆఫ్ పాలిటిక్స్, డిప్లమా చేశారు. తర్వాత ఆంధ్ర యూనివర్సిటీ కాలేజ్ ఆఫ్ లా నుండి ఇంటర్నేషనల్ లా స్పెషలైజేషన్ తో “లా” లో బ్యాచిలర్స్ డిగ్రీ పొందారు.

#5 జయప్రకాశ్ నారాయణ్

జయప్రకాశ్ నారాయణ్ గారు గుంటూరు మెడికల్ కాలేజ్ నుండి మెడికల్ డిగ్రీ పొందారు. తర్వాత ఐఏఎస్ ఆఫీసర్ గా కూడా సేవలను అందించారు.

#6 అసదుద్దీన్ ఓవైసీ

అసదుద్దీన్ ఓవైసీ నిజాం కాలేజ్ నుండి బిఏ (బ్యాచిలర్ ఆఫ్ ఆర్ట్స్) చేశారు.

#7 పవన్ కళ్యాణ్

పవన్ కళ్యాణ్ ఇంటర్మీడియట్ చేశారు.

#8 హరీష్ రావు

హరీష్ రావు హైదరాబాద్ లోని గవర్నమెంట్ పాలిటెక్నిక్ నుండి డిప్లమా చేశారు. కాకతీయ యూనివర్సిటీ నుండి గ్రాడ్యుయేషన్ పూర్తి చేశారు.

#9 వైయస్ జగన్మోహన్ రెడ్డి

వైయస్ జగన్మోహన్ రెడ్డి కామర్స్ లో బాచిలర్స్ డిగ్రీ పొందారు.

#10 కేటీ రామారావు

కేటీఆర్ యూనివర్సిటీ ఆఫ్ పూణే లో బయోటెక్నాలజీలో ఎంఎస్సీ చేశారు. సిటీ యూనివర్సిటీ ఆఫ్ న్యూయార్క్ లో మార్కెటింగ్ అండ్ ఈ – కామర్స్ లో ఎంబీఏ చేశారు. 1998 – 99 సమయంలో ఐటీ ప్రొఫెషనల్ గా చేశారు, ఇంకా అమెరికాలోని న్యూయార్క్ ‌లోని మాడిసన్ అవెన్యూ లోని షిప్పింగ్ అండ్ ఓషన్ లాజిస్టిక్స్ సంస్థ INTTRA ఇంక్‌ లో ఇంటర్న్ గా చేశారు.

#11 నారా లోకేష్

నారా లోకేష్ కార్నెగీ మెల్లన్ యూనివర్సిటీ మేనేజ్మెంట్ ఇన్ఫర్మేషన్ సిస్టమ్స్ స్పెషలైజేషన్ తో బ్యాచిలర్ ఆఫ్ సైన్స్ డిగ్రీ, స్టాన్ఫోర్డ్ యూనివర్శిటీ గ్రాడ్యుయేట్ స్కూల్ ఆఫ్ బిజినెస్ నుండి ఎంబీఏ డిగ్రీ పొందారు.

#12 కల్వకుంట్ల కవిత

కవిత విఎన్ఆర్ (VNR) విజ్ఞాన జ్యోతి ఇన్స్టిట్యూట్ ఆఫ్ ఇంజినీరింగ్ అండ్ టెక్నాలజీ నుండి కంప్యూటర్ సైన్స్ బ్రాంచ్ లో బీటెక్ చేశారు. తర్వాత యూనివర్సిటీ ఆఫ్ సదరన్ మిస్సిస్సిప్పి లో ఎమ్మెస్ చేశారు. తర్వాత యుఎస్ఎ లో సాఫ్ట్‌వేర్ ఇంజనీర్‌గా ఉద్యోగం చేశారు.

source: wikipedia

తెలంగాణ కాంగ్రెస్ లో జోష్ పెరిగింది. ఇతర పార్టీల నేతలు కాంగ్రెస్ కు క్యూ కడుతున్నారు. అన్ని జిల్లాల్లోనూ ఇతర పార్టీల్లోని పలువురు కాంగ్రెస్ తో టచ్  లోకి వస్తున్నారు. కొత్తగా చేరుతున్న వారికి సీట్ల పైన హామీలు దక్కుతున్నాయి. ఇది పార్టీనే నమ్ముకొని అంకితభావంతో ఉన్న నేతల్లో పలు సందేహాలకు కారణమవుతోంది. ఇంత కాలం తమను ఇబ్బంది పెట్టిన నేతలు ఇప్పుడు తమ పార్టీలోకి రావటం పైన పలు చోట్ల సీనియర్లు అభ్యంతరం వ్యక్తం చేస్తున్నారు. ఇప్పుడు వీరిని పార్టీ ఎలా సమన్వయం చేస్తుంది? సీట్ల విషయంలో అనుసరించే ఫార్ములా ఏంటి? ఎవరికి ప్రాధాన్యత దక్కుతుంది? ఇవ్వలేని వారికి ఎలా న్యాయం చేస్తుంది? ఇదే ఇప్పుడు కాంగ్రెస్ లో ప్రధాన చర్చగా మారింది.

కాంగ్రెస్ లో చేరికల ప్రవాహం పెరిగింది. కాంగ్రెస్ కే అధికారం ఖాయమనే ప్రచారం ఊపందుకుంది. ప్రజలు సైతం  కాంగ్రెస్ కే మద్దతుగా నిలుస్తారనేది క్షేత్ర స్థాయి ఫీడ్ బ్యాక్. దీంతో పార్టీలోకి వచ్చే వారి సంఖ్య పెరుగుతోంది. పార్టీలో చేరేందుకు కాంగ్రెస్ ముఖ్య నేతలతో మంతనాలు జోరుగా సాగుతున్నాయి. అందరూ కాంగ్రెస్ సీటు కావాలనే షరతు పెడుతున్నారు. పార్టీలో చేరికలను ప్రోత్సహించి ప్రత్యర్ధి పార్టీలను దెబ్బ తీయాలని భావిస్తున్న కాంగ్రెస్ నాయకత్వం వచ్చే వారికి హామీలు గుప్పిస్తుంది. కొత్త వారు చేరికలు అవసరమే అయినా..పాత వారికి ఇచ్చే ప్రాధాన్యత ఏంటనేది ఇప్పుడు ప్రశ్నగా మారుతోంది. కాంగ్రెస్ కష్టకాలంలో ఉన్న సమయంలో పని చేసిన వారు తమ నియోజకవర్గాల్లో సీట్లపైన ఆశలు పెట్టుకున్నారు. ఆ నియోజకవర్గాల్లో కొత్త నేతలను చేర్చుకునే క్రమంలో సీట్ల హామీలు ఇస్తుండటం వారికి రుచించటం లేదు. దీంత పార్టీకి ఈ వ్యవహారం సమస్యగా మారుతోంది.

ఉమ్మడి మహబూబ్ నగరంలోని కొల్లాపూర్, నాగర్ కర్నూలు నియోజకవర్గాల్లో చేరికలపైన నాగం జనార్ధనరెడ్డి అభ్యంతరాలు వ్యక్తం చేస్తున్నారు. దామోదర్ రెడ్డి తన కుమారుడికి సీటు పైన హామీ కోరారు. అదే విధంగా రంగారెడ్డి జిల్లాలో మహేందర్ రెడ్డి కాంగ్రెస్ లో చేరికకు సిద్దమయ్యారని తెలుస్తుంది. తన వర్గానికి సీట్లపైన హామీ దక్కినట్లు ప్రచారం జరుగుతోంది. ఈ పరిణామం జిల్లాలోని పార్టీ నేతలకు అంతుచిక్కటం లేదు. ఖమ్మం జిల్లాలో పాత, కొత్త నేతల మధ్య సీట్ల కోసం పోటీ నెలకొని ఉంది. పినపాక మాజీ ఎమ్మెల్యే పాయం తిరిగి పార్టీలో చేరటమే కాక సీటు పైన కూడా ఆశలు పెట్టుకున్నారు. అదే సమయంలో సీతక్క కుమారుడు అక్కడ చాలా కాలంగా ప్రచారం చేసుకుంటున్నారు. బీజేపీ, బీఆర్ఎస్ నుంచి మరిన్ని చేరికలు ఖాయమయ్యాయి. ఈ సమయంలో వారికి ఇస్తున్న హామీలతో పార్టీనే నమ్ముకున్న నేతల్లో ఆందోళన కనిపిస్తోంది.

కొత్త నేతలను చేర్చుకోవటం పైన అభ్యంతరం లేదంటున్న నేతలు, సీట్ల విషయంలో మాత్రం పార్టీ కోసం కష్టపడిన వారిని గుర్తించి నిర్ణయాలు తీసుకోవాలని సూచిస్తున్నారు. పార్టీ అధికారంలోకి వస్తుందని తెలిసి ఇప్పుడు ఎంట్రీ ఇస్తున్న వారి కంటే పార్టీ ఇబ్బందుల్లో ఉన్న సమయంలో అంటిపెట్టుకున్న వారికి తొలి ప్రాధాన్యత ఇవ్వాలనే డిమాండ్లు వినిపిస్తున్నాయి. కొత్త వారికే సీట్ల కేటాయింపులో ప్రాధాన్యత ఇస్తే నష్టం తప్పదనే హెచ్చరికలు ఉన్నాయి. అధికారమే దిశగా పార్టీకి అన్ని రకాలుగా కలిసి వస్తున్న సమయంలో పాత వారికి ఎక్కడా నష్టం లేకుండా, అదే సమయంలో కొత్త వారిని ఆకట్టుకునేలా సమన్వయం చేసుకోవాల్సిన బాధ్యత ఇప్పుడు టీ కాంగ్రెస్ ముఖ్య నేతల పైన ఉంది. ఇది నేతల సమర్థతకు పరీక్షగా మారుతోంది.

తెలంగాణలో సెటిలర్స్ సంఖ్య గణనీయంగా ఉంది. బీఆర్ఎస్ పాలనలో వారికి గుర్తింపే లేదు. ఓట్ల కోసం తప్ప, వారిని పలకరించే వారు లేరు. కాంగ్రెస్ ఇప్పుడు కొత్త వ్యూహం సిద్ధం చేస్తుంది. సెటిలర్స్ కు వచ్చే ఎన్నికల్లో ప్రాధాన్యత ఇవ్వనుంది. ఇదే సమయంలో సినీ పరిశ్రమ సమస్యలపైన కాంగ్రెస్ నేతలు కసరత్తు చేస్తున్నారు. సెటిలర్స్ తో పాటుగా సినీ పరిశ్రమకు చెందిన వారికి టకెట్లు ఇవ్వాలని ఇప్పటికే నిర్ణయించారు. హైదరాబాద్ కి సినీ పరిశ్రమను తీసుకొచ్చిన కాంగ్రెస్..ఇప్పుడు సినీ కార్మికుల సమస్యల పరిష్కారానికి ముందుకొస్తోంది. కాంగ్రెస్ అధికారంలోకి వస్తే సెటిలర్లు..సినీ పరిశ్రమకు చెందిన వారికి మంత్రి పదవులు ఇవ్వాలని భావిస్తున్నారు.

కాంగ్రెస్ లెక్క మూమూలుగా లేదు. ఏ ఒక్క రంగాన్ని, ఏ వర్గాన్ని ఈ సారి వదులుకోకూడదని నిర్ణయించింది. రాష్ట్ర ఆవిర్భావ సమయం నుంచి బీఆర్ఎస్ ప్రభుత్వం సెటిలర్లను కేవలం ఓటర్లుగానే చూస్తూ వచ్చారు. వారికి ప్రాధాన్యత ఇవ్వలేదు. రాజకీయంగా వారికి ఎటువంటి అవకాశాలు దక్కలేదు. తెలంగాణ ప్రజలతో మమేకం అవుతూ హైదరాబాద్ ఇమేజ్ పెంచటంలో వారంతా భాగస్వాములుగా ఉన్నారు. వీరికి ప్రాధాన్యత ఇవ్వాలని కాంగ్రెస్ నిర్ణయించింది. వచ్చే ఎన్నికల్లో సెటిలర్లకు టికెట్లు ఇవ్వాలని సూత్రప్రాయంగా నిర్ణయించింది. అదే సమయంలో మంత్రివర్గంలోనూ స్థానం కల్పించాలని యోచిస్తోంది. జాతీయ పార్టీగా కాంగ్రెస్ అందరికీ సమాన ప్రాధాన్యత ఇచ్చే క్రమంలో పదేళ్లుగా వివక్షకు గురవుతున్న సెటిలెర్లకు ప్రాధాన్యత దిశగా ఇప్పుడు కీలక అడుగులు వేస్తుంది.

చెన్నైకి పోటీగా హైదరాబాద్ కు సినిమా పరిశ్రమ తీసుకొచ్చిన ఘనత కాంగ్రెస్ సొంతం. రాష్ట్ర విభజన తరువాత సినీ పరిశ్రమ సమస్యలు..కార్మికుల కష్టాల పైన ప్రభుత్వం ఆలోచన చేయలేదు. సినీ పరిశ్రమకు నంది అవార్డులు ఇప్పటి వరకు ఇవ్వని నిస్సహాయ స్థితిలో ఉంది. సీని పరిశ్రమ ద్వారా రాష్ట్రానికి వచ్చే గుర్తింపును విస్మరించింది. సినిమా ఈవెంట్స్ కు హాజరవ్వటం మినహా, పరిశ్రమను మరింత వేగంగా ముందుకు వెళ్లేలా ఎటువంటి నిర్ణయాలు లేవు. ఈ సమయంలో కాంగ్రెస్ మరోసారి సినీ పరిశ్రమపైన దృష్టి సారించింది. గతంలోనూ కాంగ్రెస్ ప్రభుత్వ సమయంలోనే పరిశ్రమకు అవసరమైన భూములు, రాయితీలు, ప్రోత్సాహకాలతో అండగా నిలిచింది. దీనిని ఇప్పుడు తిరిగి కొనసాగించేలా బ్లూ ప్రింట్ సిద్ధం చేస్తోంది.

టికెట్ల ఎంపికలో రాజకీయంగా ఆసక్తి ఉన్న వారిని ప్రోత్సహించాలని భావిస్తోంది. టికెట్ల కేటాయింపుతో పాటుగా మంత్రివర్గంలోనూ ప్రాధాన్యత ఇవ్వాలని నిర్ణయానికి వచ్చింది. పరిష్కారం కాకుండా ఎంతో కాలంగా పెండింగ్ లో ఉన్న సినీ కార్మికుల ఇళ్ల స్థలాల విషయంలోనూ కాంగ్రెస్ సానుకూలంగా ఉంది. ఇప్పటికే ఈ సమస్య పరిష్కారానికై అభిప్రాయ సేకరణ, ఏ ఒక్క కార్మికుడికి అన్యాయం జరగకుండా స్థలాలు అందించే కార్యాచరణ పైన కసరత్తు చేస్తుంది. కాంగ్రెస్ చేస్తున్న ఆలోచన గురించి సమాచారం అందుకున్న సినీ ప్రమఖులు ఇప్పుడు పార్టీ నాయకత్వంతో టచ్ లోకి వస్తున్నారు. సినీ పరిశ్రమ గురంచి చేస్తున్న ఆలోచనతో వారి చూపు కాంగ్రెస్ వైపు మళ్లింది.

ఇప్పుడు అందరి చూపు ఖమ్మం వైపే. ఖమ్మంలో జరిగే జనగర్జన సభకు కాంగ్రెస్ అగ్ర నేత రాహుల్ గాంధీ తరలి వస్తున్నారు. అయిదు రాష్ట్రాల ఎన్నికల వేళ ఇప్పుడు తెలంగాణ వైపే అందరి ఫోకస్. తెలంగాణలో అధికారంకు దగ్గరయ్యామనే నమ్మకం కాంగ్రెస్ లో వచ్చింది. ఇటు బీజేపీ ఢిల్లీ నేతలు కూడా ఖమ్మం సభ వైపే చూస్తున్నారు. తెలంగాణలో బీజేపీని కాంగ్రెస్ హైజాక్ చేసింది. పూర్వ వైభవం దిశగా సాగిపోతోంది. బీజేపీలో నేతల మధ్య దూరం పెరిగింది. కాంగ్రెస్ లో ఐక్యత పెరుగుతోంది. ఖమ్మం సభతో తెలంగాణలో అధికారం వైపు అడుగులు వేసేందుకు కాంగ్రెస్ సిద్ధమవుతోంది. తిరుగులేదనుకున్న బీఆర్ఎస్ లో ఖమ్మం సభ వలన ప్రకంపనలు మొదలయ్యాయి.

సీఎల్పీనేత భట్టి విక్రమార్క పీపుల్స్‌ మార్చ్‌ పాదయాత్ర ఖమ్మం జిల్లాలోకి ప్రవేశించింది. ఆదివారం భట్టి యాత్ర ముగింపు వేళ బహిరంగ సభకు సర్వం సిద్ధమవుతోంది. పాదయాత్ర ముగింపు సందర్భంగా పార్టీ బలోపేతంకై కృషి చేస్తున్న సీఎల్పీ నేత భట్టి విక్రమార్కను రాహుల్‌ గాంధీ ఘనంగా సత్కరించనున్నారు. లక్షలాది మంది సమక్షంలో రాష్ట్ర కాంగ్రెస్ నేతను కాంగ్రెస్ అగ్ర నేతే సత్కరించటం అనేది అరుదైన సందర్భం. ఇప్పుడు భట్టికి ఈ అపూర్వ అవకాశం దక్కింది. తెలంగాణలో కాంగ్రెస్ అధికారమే లక్ష్యంగా భట్టి పీపుల్స్ మార్చ్ యాత్ర మొదలైంది. నేతలను ఏకం చేసింది. పార్టీకి వచ్చిన ఆదరణ, కార్యకర్తల్లో కొత్త జోష్, కేడర్ లో వచ్చిన ఉత్సాహాన్ని తీసుకొచ్చింది. భట్టి యాత్ర పైన ఎప్పటికప్పుడు సమాచారం సేకరించిన రాహుల్ గాంధీ ఖచ్చితంగా భట్టికి తగిన గుర్తింపు ఇవ్వాలని నిర్ణయించారు.

దీంతో, భట్టి పాదయాత్ర ముగింపు సభగా, పొంగులేటితో సహా ఇతర ముఖ్య నేతల చేరిక సభగా ఖమ్మంలో కాంగ్రెస్ జనగర్జన నిర్వహణకు సిద్ధమైంది. ఖమ్మంలో ఇప్పటికే కాంగ్రెస్ నేతలు సందడి చేస్తున్నారు. ఖమ్మం సభ వేళ తెలంగాణ కాంగ్రెస్ లో పండుగ వాతావరణం కనిపిస్తోంది. ఖమ్మం చేరుకున్న రాష్ట్ర వ్యవహారాల ఇంఛార్జ్ మాణిక్ రావు ఠాక్రే, భట్టి విక్రమార్కతో భేటీ అయ్యారు. పార్టీ నేతలతో కలిసి వైరా రోడ్డులోని ఎస్‌ఆర్‌ గార్డెన్‌ సమీపంలో వంద ఎకరాల స్థలంలో చేస్తున్న ఏర్పాట్లను ఆయన పరిశీలించారు. జనగర్జన సభకు ముందు రాహుల్ గాంధీ ఖమ్మం చేరుకునే సమయంలో యువజన కాంగ్రెస్ నేతలు భారీ బైకు ర్యాలీకి ప్లాన్ చేసారు. ఆ ర్యాలీలో రాహుల్ గాంధీ పొల్గొంటారు. అంచనాలకు మించి జనం హాజరయ్యే అవకాశం ఉందని నేతలు అంచనా వేస్తున్నారు.

అటు బీజేపీలో గందరగోళం కొనసాగుతోంది. పార్టీలో నుంచి నేతలు వీడుతారనే భయం వెంటాడుతోంది. పార్టీ నాయకత్వం మార్పు పైన డైలమాలో నేతలు ఉన్నారు. రాహుల్ వస్తుండటంతో బీజేపీ అగ్ర నాయకత్వం చూపు ఇప్పుడు ఖమ్మం వైపు ఉంది. అనూహ్యంగా కాంగ్రెస్ తెలంగాణలో పంజుకోవటం, బీజేపీ నేతలకు మింగుడు పడటం లేదు. ఈ సమయంలోనే ఖమ్మం సభకు అధికార బీఆర్ఎస్ అవాంతరాలు కలిగించే ప్రయత్నం చేస్తోంది. సభకు ముందు బస్సులు ఇవ్వటానికి అంగీకరించిన ఆర్టీసీ..ఆ తరువాత నో చెబుతోంది. మంత్రుల ఒత్తిడితో నిర్ణయం మార్చుకున్నట్లు తెలుస్తోంది. గతంలో లేని చెక్ పోస్టులు ఇప్పుడు కనిపిస్తున్నాయి. కాంగ్రెస్ సభ – భట్టి విక్రమార్క యాత్ర – రాహుల్ రాక – నేతల చేరికలు పైన ప్రగతి భవన్ లో చర్చలు సాగుతున్నాయి. నిఘా నివేదికల పైన తర్జన భర్జన పడుతున్నట్లు సమాచారం. ఇప్పుడు ఖమ్మం సభ చుట్టూ తెలంగాణ రాజకీయం కాంగ్రెస్ వైపు టర్న్ తీసుకోవటం ఖాయంగా కనిపిస్తోంది.

తెలంగాణలో కాంగ్రెస్ వేవ్ మొదలైంది. భట్టి విక్రమార్క పాదయాత్రతో మొదలైన మార్పు, ముగింపు వేళకు వచ్చే సరికి పూర్తి అనుకూలంగా మారింది. భట్టి పాదయాత్రకు ముందు – తరువాత అన్నట్లుగా పార్టీలో మార్పు కనిపిస్తోంది. ఇదే ఇప్పుడు హైకమాండ్ ను కదలించిన అంశం. భట్టి పీపుల్స్ మార్చ్ ముగింపు సభకు రాహుల్ ను తరలి వచ్చేలా చేసింది కూడా ఇదే అంశం.

109 రోజుల పాటు మండుటెండల్లో 1300 కిమీ నడిచిన భట్టిని పార్టీ తరపున రాహుల్ సత్కరించనున్నారు. ఖమ్మం వేదికగా పార్టీలో ముఖ్య నేతల చేరికలు జరగనున్నాయి. తాజా పరిణామాల నడుమ సెంట్రల్ టీమ్స్ రంగంలోకి దిగి మేధావులతో భేటీలు నిర్వహిస్తున్నారు. సభ సక్సెస్ అవ్వటం ఖాయమని గ్రహించిన రేవంత్ అలర్ట్ అయ్యారు. ఖమ్మం సభ ఏర్పాట్ల పైన పర్యవేక్షణకు రంగంలోకి దిగారు.

తెలంగాణలో కాంగ్రెస్ కు ఈ స్థాయి ఆదరణ తిరిగి దక్కుతుందని పార్టీ ముఖ్యులే అంచనా వేయలేదు. పార్టీ కోసం భట్టి చొరవ తీసుకొని పీపుల్స్ మార్చ్ పేరుతో ప్రజల్లోకి వెళ్లారు. ప్రభత్వ ప్రజా వ్యతిరేక నిర్ణయాలతో బాధ పడుతున్న వారికి అండగా నిలిచారు. పేదలు, బీసీలు, ఎస్సీలు, ఎస్టీలతో మమేకం అయ్యారు. ఈ బాధల నుంచి విముక్తి కావాలంటే కాంగ్రెస్ పాలన, ఇందిరమ్మ రాజ్యం అవసరమని వివరించారు.

ఈ ఆదరణ కాంగ్రెస్ నేతలను కదలించింది. శ్రేణుల్లో ఉత్సాహం నింపింది. అప్పటి వరకు ఎవరికి వారుగా ఉన్న నేతలంతా ఒక్కటయ్యారు. ఈ ఐక్యత, ఆదరణ కాంగ్రెస్ హైకమాండ్ ను ఆకర్షించింది. భట్టి యాత్రకు సంపూర్ణ మద్దతు ప్రకటించారు. రాష్ట్రంలో కాంగ్రెస్ వేవ్ కు కారణమైన భట్టి యాత్ర ముగింపు సభకు రాహుల్ తరలి వస్తున్నారు. లక్షలాది మంది సమక్షంలో భట్టి విక్రమర్కను సన్మానించనున్నారు.

ఇప్పుడు ఖమ్మం సభ పైన భారీ అంచనాలు కనిపిస్తున్నాయి. పార్టీకి పెరిగిన ఆదరణ..భవిష్యత్ కార్యాచరణ పైన వారి అభిప్రాయాలు సేకరిస్తున్నారు. ఖమ్మంలో జరగనున్న జనగర్జన తెలంగాణ రాజకీయ చరిత్రలో నిలిచిపోయేలా నిర్వహించేందుకు ఏర్పాట్లు జరుగుతున్నాయి. ఈ సభకు ఏర్పాట్లు భారీ ఎత్తున ఉండటం, కాంగ్రెస్ పై ప్రజల ఆదరణ, కార్యకర్తల్లో జోష్, ఇవన్ని పెరగటం చూసిన అధికార పార్టీలో ఆందోళన మొదలైంది. ఉమ్మడి ఖమ్మం జిల్లాతో పాటుగా పొరుగు జిల్లాల పైన ఈ ప్రభావం స్పష్టంగా కనిపిస్తోందని ఇప్పటికే నిఘా సంస్థలు ప్రభుత్వానికి నివేదికలు ఇచ్చాయి.

ఖమ్మంతో పాటుగా రాష్ట్ర వ్యాప్తంగా తమ పట్టు జారుతోందనే ఆందోళన బీఆర్ఎస్ నేతల్లో కనిపిస్తోంది. ఖమ్మం సభా వేదికగా జరిగే చేరికలు, రాహుల్ తెలంగాణ ప్రజల కోసం ఇవ్వనున్న హామీలు ఇప్పుడు ఎన్నికల వేళ బీఆర్ఎస్ – బీజేపీకి సవాల్ గా మారుతున్నాయి.

ఖమ్మం సభ వేళ టీపీసీసీ చీఫ్ రేవంత్ రెడ్డి ఆత్మరక్షణలో పడినట్లు కనిపిస్తోంది. ఖమ్మం సభ నిర్వహణపైన ఇప్పటి వరకు రేవంత్ అంటీ ముట్టనట్లు ఉన్నారు. పార్టీ రాష్ట్ర ఇంఛార్జ్ థాక్రే నేరుగా భట్టి వద్దకు వెళ్లి సభా నిర్వహణ పైన చర్చించారు.

అ చర్చలకు పొంగులేటిని ఆహ్వానించారు. సభకు జనగర్జన గా అక్కడే పేరు ఖరారు చేసారు. థాక్రే రాష్ట్రంలోనే మకాం వేసారు. సభ జరిగే రోజున రాహుల్ గాంధీ వస్తుండటంతో మొదట టీపీసీసీ అధ్యక్షుడిగా సభ వరకు పరిమితం అయ్యేందుకు రేవంత్ సిద్ధమయ్యారు. కానీ మారుతున్న పరిణామాలు, నేరుగా రాహుల్ టీమ్ సభ పైన ఫోకస్ చేయటం, సభ గ్రాండ్ సక్సెస్ అవ్వటం ఖాయంగా కనిపిస్తుండటంతో ఇప్పుడు రేవంత్ ఖమ్మం బాట పట్టారు. ముందస్తు ఏర్పాట్ల పై పర్యవేక్షణకు రంగంలోకి దిగారు.

ఆలస్యం చేస్తే అసలుకే మోసం వస్తుందని గ్రహించారు. ఇప్పుడు ఖమ్మం మొత్తం భట్టి పాదయాత్ర ముగింపు, పొంగులేటి చేరిక కేంద్రంగా నిర్వహణకు భారీ స్థాయిలో ఏర్పాట్లు జరుగుతున్నాయి.

ఆ ఒక్క అడుగు నేడు కాంగ్రెస్ కు పునర్జీవం అయింది. కొత్త చరిత్రకు శ్రీకారం చుట్టింది. ఉద్యమాన్ని తలపించేలా పీపుల్స్ మార్చ్ సాగించిన పోరాట యోధుడు భట్టి విక్రమార్క పాదయాత్ర ముగింపు సభ చరిత్రలో నిలిచిపోనుంది. భట్టి పాదయాత్ర వలన పార్టీలో సైలెంట్ సునామీగా మారింది.

కేడర్ లో జోష్ పెంచింది. ఎన్నికల వేళ సమరానానికి సైన్యంలో పోరాట కసిని పెంచింది. దీనిని గుర్తించిన హైకమాండ్ భట్టికి అరుదైన గౌరవం అందిస్తోంది. ఖమ్మం గడ్డపైన లక్షలాది మంది కార్యకర్తల సమక్షంలో భట్టిని కాంగ్రెస్ అగ్రనేత రాహుల్ పార్టీ తరపున సత్కరించనున్నారు. ఇదే సభలో ముఖ్య నేతల చేరికలు…తెలంగాణ భవిష్యత్ పై భరోసా ఇస్తూ ఎన్నికల సమరశంఖం పూరించేందుకు ఖమ్మం జనగర్జన వేదికగా నిలవనుంది.

ఒక్క తెలంగాణలోనే కాదు…కాంగ్రెస్ పార్టీలో గల్లీ నుంచి ఢిల్లీ వరకు వినిపిస్తున్న పేరు మల్లు భట్టి విక్రమార్క. దక్షిణాదిని కర్ణాటక తరువాత కాంగ్రెస్ నాయకత్వం ఫోకస్ చేసిన రాష్ట్రం తెలంగాణ. తెలంగాణ ఇచ్చిన రాష్ట్రంగా కాంగ్రెస్ కు అధికారం దక్కాలి…రాహుల్ ప్రధాని కావాలి. ఈ రెండు అంశాలే లక్ష్యంగా బీఆర్ఎస్ ప్రభుత్వ ప్రజా వ్యతిరేక నిర్ణయాల పై ప్రజల మధ్య నుంచే భట్టి నిలదీసారు. వారికి అండగా నిలిచారు. అన్ని వర్గాల ప్రజలతో మమేకం అయ్యారు. ఎన్ని ఇబ్బందులు వచ్చినా..అనారోగ్య సమస్యలు తలెత్తినా వెనుకడుగు వేయలేదు. ఈ యాత్రతో నేతలందరు ఏకం అయ్యారు. కాంగ్రెస్ శ్రేణులు తరలి వచ్చారు. అగ్ర నేతలు సంఘీభావం ప్రకటించారు. ప్రజలు మద్దతుగా నిలిచారు. అందుకే ఇప్పుడు భట్టి పీపుల్స్ మార్చ్ కు ఇంత పాపులారిటీ వచ్చింది.

భట్టి యాత్ర ద్వారా తెలంగాణ కాంగ్రెస్ లో వచ్చిన మార్పును హైకమాండ్ గుర్తించింది. దీంతో భట్టి యాత్రకు సరైన గుర్తింపు ఇవ్వాలని నిర్ణయించింది. ఇదే సమయంలో పార్టీలో ముఖ్యుల చేరికల పైన భట్టి చేసిన ప్రయత్నాలు సఫలం అయ్యాయి. అన్నింటికీ సరైన వేదిక ఖమ్మంగా నిర్ణయించారు. ఇక్కడ నుంచే పార్టీ నేత రాహుల్ గాంధీ తెలంగాణ పైన తమకున్న అభిమానం చాటుతూ..భవిష్యత్ లో ఏ విధంగా తెలంగాణ కోసం ఎటువంటి నిర్ణయాలు అమలు చేసేది ప్రకటించనున్నారు. ఇక్కడ నుంచే బీఆర్ఎస్ ప్రభుత్వం పై గర్జనకు సిద్ధమయ్యారు. ఈ సభకు జనగర్జనగా పేరు ఖరారు చేసారు.

సీఎల్పీ నేత భట్టితో తాజాగా పార్టీ రాష్ట్ర వ్యవహారాల ఇంఛార్జ్ థాక్రే సమావేశమయ్యారు, ఖమ్మం సభ ఏర్పాట్ల పైన చర్చించారు. పార్టీలో చేరనున్న మాజీ ఎంపీ పొంగులేటిని సమావేశానికి ఆహ్వానించారు. ఖమ్మం సభ వంద ఎకరాల్లో నిర్వహించేలా కసరత్తు ప్రారంభించారు. భట్టి చారిత్రాత్మక యాత్ర ముగింపు సభగా.. పొంగులేటి చేరిక వేదికగా ఈ సభను నిర్వహించేందుకు నిర్ణయించారు. ఈ సభ ద్వారా కాంగ్రెస్ అధికారం లోకి వస్తూనే దగా పడిన తెలంగాణ ప్రజల కోసం ఏం చేయనుందో స్పష్టత ఇవ్వనున్నారు. ఖమ్మం సభకు రాష్ట్ర వ్యాప్తంగా కాంగ్రెస్ శ్రేణులు తరలి వస్తున్నారు. కాంగ్రెస్ ప్రభంజనం ఖమ్మం నుంచే మొదలు కానుంది. కర్ణాటక ఎన్నికల్లో విజయం తరువాత ఇప్పుడు కాంగ్రెస్ వరుస నిర్ణయాలతో దేశ వ్యాప్తంగా అందరి చూపు ఖమ్మం జనగర్జన సభ వైపే చూస్తోంది. ఈ సభ కోసం ఏర్పాట్లు ప్రతిష్ఠాత్మకంగా జరుగుతున్నాయి.