Movie Reviews

హీరో కిర‌ణ్ అబ్బ‌వ‌రం, క‌శ్మీర ప‌ర్ధేశీ జంట‌గా నటిస్తున్న సినిమా ‘వినరో భాగ్యము విష్ణుకథ’. ప్రముఖ నిర్మాత అల్లు అరవింద్ సమర్పణలో, జీఏ2 పిక్చ‌ర్స్ బ్యాన‌ర్ పై బ‌న్నీ వాసు నిర్మాత‌గా తెరకెక్కుతున్న ఈ సినిమాతో ముర‌ళి కిషోర్ ద‌ర్శ‌కుడిగా తెలుగు ఇండస్ట్రీకి ప‌రిచయం అవుతున్నాడు. ప్ర‌శాంత్ నీల్, కిషోర్ తిరుమ‌ల ద‌గ్గ‌ర మురళి కిషోర్ గ‌తంలో పని చేశాడు. రాజావారు.. రాణి వారు, ఎస్ఆర్ కల్యాణ మండపం, సమ్మతమే లాంటి సినిమాలతో మంచి విజయాన్ని అందుకున్నాడు కిరణ్ అబ్బవరం.

అయితే ఈయన తాజా చిత్రం వినరో భాగ్యము విష్ణుకథ లో కూడా ఎప్పటిలానే పక్కింటి అబ్బాయిలా కిరణ్ అబ్బవరం కనిపించనున్నట్లు ట్రైలర్ చూస్తే తెలుస్తోంది. ఈ చిత్రం ఫిబ్రవరి 18 న విడుదల కానుంది. విలేజ్‌ డ్రామా నేపథ్యంలో సాగనున్న ఈ చిత్రానికి చేత‌న్ భ‌ర‌ద్వాజ్ సంగీతం సమకూర్చారు. నెంబర్ నైబర్ కాన్సెప్ట్ మీద తీసిన ఈ చిత్రం ఆసక్తికరంగా ఉండనున్నట్లు ట్రైలర్ లో స్పష్టమవుతోంది. అయితే తాజాగా ఈ చిత్రానికి సంబంధించిన రివ్యూ ఒకటి వైరల్ గా మారింది.

‘వినరో భాగ్యము విష్ణు కథ’ సెన్సార్ కార్యక్రమాలు పూర్తి అయ్యాయి. మంచి సినిమా తీశారని సెన్సార్ సభ్యులు చిత్ర నిర్మాతలను ప్రశంసించారని దేవి ప్రియా అనే ట్విట్టర్ ఖాతా నుంచి ఈ రివ్యూ ఇచ్చారు. అలాగే ఈ చిత్ర రన్ టైం కూడా లాక్ అయ్యిందని తెలుస్తోంది. ఈ చిత్రం 2 గంటల 18 నిమిషాల నిడివి ఉన్నట్లు సమాచారం. ఇప్పటికే ఈ చిత్రం నుంచి వచ్చిన ట్రైలర్స్, పాటలు ప్రేక్షకులను ఆకట్టుకున్నాయి.

అలాగే మరో వైపు జీఏ 2 పిక్చర్స్ సంస్థ నుంచి వస్తున్న సినిమా కావడం… ప్రచార చిత్రాలు, పాటలు ప్రేక్షకుల్ని ఆకట్టుకోవడంతో ‘వినరో భాగ్యము విష్ణుకథ’ విడుదలకు కొన్ని రోజుల ముందే లాభాల్లోకి వెళ్ళిందని తెలుస్తోంది. డిజిటల్ & శాటిలైట్ స్ట్రీమింగ్ రైట్స్ కూడా ఇప్పటికే అమ్మేసారు. వాటితో బడ్జెట్ మొత్తం రికవరీ కావడమే కాదు, లాభాలు వచ్చాయని సమాచారం.

బాలీవుడ్ యంగ్ హీరో కార్తిక్ ఆర్యన్ కి ఎంత ఫాలోయింగ్ ఉందొ మనకి తెల్సిందే. ఎటువంటి సినీ బాక్గ్రౌండ్ లేకుండా ఇండస్ట్రీ లోకి వచ్చిన కార్తీక్ ఆర్యన్ ఇండస్ట్రీ లో వరుస అవకాశాలు అందుకుంటూ బిజీగా మారిపోయారు. ఈ ఏడాది వచ్చిన కార్తీక్‌కి ‘భూల్ భూలయ్యా 2’ ఇప్పటివరకు వచ్చిన అతిపెద్ద బ్లాక్‌బస్టర్‌లలో ఒకటిగా నిలిచింది. అయితే తాజాగా తెలుగులో భారీ విజయం అందుకొన్న అల వైకుంఠపురం చిత్రాన్ని హిందీలో కార్తీక్ ఆర్యన్ రీమేక్‌ చేస్తూ.. షెహ్‌జాదా టైటిల్‌తో రిలీజ్ చేయడానికి సిద్ధంగా ఉన్నారు. ఈ చిత్రం లో కృతి సనన్ హీరోయిన్.

డేవిడ్ ధావన్ కుమారుడు రోహిత్ ధావన్ దర్శకత్వం వహించిన ఈ చిత్రంలో మనీషా కోయిరాలా, పరేష్ రావల్, రోనిత్ రాయ్ మరియు సచిన్ ఖేడేకర్ కూడా నటించారు. ‘షెహజాదా’ చిత్రానికి ప్రీతమ్ సంగీతం అందించారు. పఠాన్ సినిమా థియేటర్లలో విజయవంతంగా ప్రదర్శిస్తున్నందున్న షెహజాదా చిత్రం రిలీజ్‌ను వాయిదా వేశారు. అనుకొన్న తేదీ ఫిబ్రవరి 10వ తేదీ కాకుండా ఫిబ్రవరి 17వ తేదీన రిలీజ్ చేయాలని నిర్ణయించారు.

అయితే తాజాగా షెహజాదా చిత్రం ఫస్ట్ రివ్యూ ఒకటి నెట్టింట చక్కర్లు కొడుతోంది. దుబాయ్ లో ఉంటూ ఇండియన్ సినిమాలకు ఫస్ట్ రివ్యూ ఇచ్చే సినీ క్రిటిక్, ఓవర్సీస్ సెన్సార్ బోర్డు సభ్యుడిగా చెప్పుకునే ఉమైర్ సంధు షెహజాదా మూవీ రివ్యూ చెప్పేసారు. ” షెహజాదా చిత్రం అన్ని రోహిత్ ధావన్ చిత్రాలు, అలవైకుంఠ పురం లో చిత్రాలను కలిపి తీసినట్లు ఉంది. కార్తిక్ ఆర్యన్ పెర్ఫార్మన్స్ యావరేజ్ గా ఉంది. కృతిసనన్ పాత్రకి ప్రాధాన్యత లేదు. మొత్తం గా ఇదొక యావరేజ్ మాస్ మసాలా చిత్రం..” అని ఉమైర్ సంధు ట్వీట్ చేసారు.

అయితే మరోవైపు షెహ్‌జాదా రిలీజ్ కంటే ముందుగానే అల వైకుంఠపురంలో సినిమా హిందీ డబ్బింగ్‌ను రిలీజ్ చేయాలని నిర్ణయం తీసుకోవడం తో ఇప్పుడు నిర్మాతలను ఆ భయం వెంటాడుతున్నది. అల వైకుంఠపురంలో సినిమా హిందీ డబ్బింగ్ హక్కులను గోల్డ్ మైన్ టెలిఫిల్మ్స్ సొంతం చేసుకొన్నది. ఈ సినిమా హిందీ డబ్బింగ్ వెర్షన్‌‌ను ఫిబ్రవరి 2వ తేదీన యూట్యూబ్‌లో రిలీజ్ చేస్తామంటూ గోల్డ్ మైన్ ప్రకటన చేసింది. ఒకవేళ అల వైకుంఠపురంలో హిందీ డబ్బింగ్ సినిమా యూట్యూబ్‌లో ఉచితంగా ప్రదర్శిస్తే.. షెహజాదే సినిమా కలెక్షన్లపై తీవ్ర ప్రభావం పడే అవకాశం ఉంటుంది. మరి ఈ విషయం పై నిర్మాతలు ఎలాంటి చర్యలు తీసుకుంటారో చూడాలి.

కోలీవుడ్ స్టార్‌ హీరో ధనుష్‌ తెలుగులో నేరుగా నటించిన మొదటి చిత్రం ‘సార్’. తమిళంలో ‘వాతి’ పేరుతో రిలీజ్ చేస్తున్నారు. తొలిప్రేమ, మజ్ను, రంగ్‌దే చిత్రాలతో ఆకట్టుకున్న యంగ్ డైరెక్టర్ వెంకీ అట్లూరి ఈ సినిమాను తెరకెక్కిస్తున్నాడు. భీమ్లానాయక్‌, బింబిసార చిత్రాలతో మంచి ఫాలోయింగ్ తెచ్చుకున్న సంయుక్త ఈ చిత్రం లో హీరోయిన్‌గా నటిస్తోంది. సితార ఎంటర్ టైన్ మెంట్ తో కలిసి ఫార్య్చూన్ ఫోర్ నిర్మాణ సంస్థలు ఈ చిత్రాన్ని నిర్మించాయి. ఇప్పటికే అన్ని హంగులు పూర్తి చేసుకున్న ఈ చిత్రం మహాశివరాత్రి కానుకగా ఫిబ్రవరి 17న ప్రేక్షకుల ముందుకు రానుంది.

ఇప్పటికే పాటలు, టీజర్లు, ట్రైలర్లకు ఊహించని స్పందన రావడంతో ఈ చిత్రం పై భారీ అంచనాలు ఏర్పడ్డాయి. ప్రస్తుతం చిత్రయూనిట్ ప్రమోషన్స్ తో బిజీగా ఉన్నారు. సార్ ట్రైలర్ చూసిన తర్వాత ఇది ఎడ్యుకేషన్ కి రిలేటెడ్ సినిమా అని అర్థమైపోతుంది. అయితే ఈ చిత్రానికి సంబంధిన రివ్యూలు తాజాగా నెట్టింట వైరల్ అవుతున్నాయి. దుబాయ్ లో ఉంటూ ఇండియన్ సినిమాలకు ఫస్ట్ రివ్యూ ఇచ్చే సినీ క్రిటిక్, ఓవర్సీస్ సెన్సార్ బోర్డు సభ్యుడిగా చెప్పుకునే ఉమైర్ సంధు సార్ మూవీ రివ్యూ చెప్పేసారు.

” సార్ సినిమా ఫైనల్ ఎడిటింగ్ పూర్తయ్యింది. ధనుష్ ఫుల్ ఫామ్ లో ఉన్నాడు. ఇన్సైడ్ టాక్ చాలా బాగుంది.” అని ఉమైర్ సందు తన ట్విట్టర్ ఖాతా లో పోస్ట్ చేసాడు. ఇంతకు ముందు సార్ ట్రైలర్ రిలీజ్ అయినపుడు కూడా.. ” సార్ ట్రైలర్ చాలా బాగుంది. వైవిధ్యం చూపించే నటుల్లో ధనుష్ ఎప్పుడు ముందుటాడు. ధనుష్ కి ఇంకో హిట్ రాబోతుంది..” అని ట్వీట్ చేసాడు ఉమైర్ సందు. అలాగే.. “సార్ సినిమా రన్ టైం 2 గంటల 17 నిముషాలు. సినిమా బావుంది..” అంటూ మరో రివ్యూయర్ లక్ష్మి కాంత్ ట్వీట్ చేసారు.

ధనుష్, సంయుక్త జంటగా నటించిన ‘సార్’ సినిమా తెలుగు, తమిళ భాషల్లో ఫిబ్రవరి 17, 2023 న ప్రపంచ వ్యాప్తంగా విడుదల కానుంది. సాయికుమార్, తనికెళ్ల భ‌ర‌ణి, సముద్ర ఖని, తోటపల్లి మధు, నర్రా శ్రీను, పమ్మి సాయి, హైపర్ ఆది, ఆడుకాలం నరేన్, ఇలవరసు, మొట్టా రాజేంద్రన్, హరీష్ పేరడి తదితరులు ఈ చిత్రంలో నటిస్తున్నారు. ఈ సినిమా నుంచి విడుదల అయిన ‘మాస్టారు మాస్టారు’ సాంగ్‌ ఇప్పటికే చార్ట్‌బస్టర్‌గా నిలిచింది.

• వెబ్ సిరీస్ : ఫర్జీ (అమెజాన్ ప్రైమ్)
• నటీనటులు : షాహిద్ కపూర్, విజయ్ సేతుపతి, కే కే మీనన్, రాశి ఖన్నా.
• నిర్మాత : రాజ్ & డికె
• దర్శకత్వం : రాజ్ & డికె
• సంగీతం : కేతన్ సోధా, సచిన్-జిగర్, తనిష్క్ బాగ్చి
• విడుదల తేదీ : ఫిబ్రవరి 10, 2023

స్టోరీ :

సన్నీ (షాహిద్ కపూర్), తన తాతయ్య (అమోల్ పారేకర్) తో కలిసి ఉంటాడు. సన్నీ ఒక ఆర్టిస్ట్. ఏదైనా ఒక పెయింటింగ్ చూపిస్తే అది ఎలా ఉందో అలానే గీయడం చేస్తూ ఉంటాడు. కానీ ఆర్థికంగా చాలా వెనుకబడి ఉంటాడు. అప్పుడు సన్నీకి ఒక ఆలోచన వస్తుంది. సన్నీ మిత్రుడు ఫిరోజ్ తో కలిసి దొంగ నోట్లు తయారు చేయాలి అని అనుకుంటాడు. సన్నీ ఈ పని చేస్తున్న విషయం ఒక అండర్ వరల్డ్ కింగ్ అయిన మన్సూర్ దలాల్ (కే కే మీనన్) కి తెలియడంతో సన్నీని తన దగ్గర పని చేయమని అడుగుతాడు.

ఇక్కడ జరుగుతున్న ఈ ఫేక్ కరెన్సీ వ్యాపారాన్ని అడ్డుకోవాలి అని పోలీస్ అధికారి మైఖేల్ (విజయ్ సేతుపతి) వస్తాడు. సన్నీ చేస్తున్న పనిని మైఖేల్ అడ్డుకోగలిగాడా? మైకేల్ కి ఫేక్ కరెన్సీ ఎక్స్పర్ట్ మేఘ ఎలా సహాయపడింది? సన్నీ ఏం చేశాడు? తన కల నెరవేర్చుకున్నాడా? ఇవన్నీ తెలియాలి అంటే మీరు ఈ సిరీస్ చూడాల్సిందే.

రివ్యూ :

ఒక సమయం వరకు ప్రేక్షకులకు కాలక్షేపం అంటే కేవలం సినిమా మాత్రమే. కానీ ఆ తర్వాత వెబ్ సిరీస్ రావడం మొదలయ్యాయి. మల్టీప్లెక్స్ జనాలు కూడా ఇలాంటి వెబ్ సిరీస్ వైపు ఆసక్తి చూపించడం ఎక్కువయ్యింది. దాంతో పెద్ద పెద్ద స్టార్ హీరోలు, స్టార్ హీరోయిన్లు కూడా ఈ సిరీస్ లో నటిస్తున్నారు. గత సంవత్సరం సమంత ఫ్యామిలీ మెన్ వెబ్ సిరీస్ లో నటించారు. ఆ సిరీస్ రూపొందించిన రాజ్,డికె ఇప్పుడు మళ్ళీ ఫర్జీ సిరీస్ తో ప్రేక్షకుల ముందుకి వచ్చారు.

ఈ దర్శకులు ఇద్దరు కథ రాసుకున్న తీరు చాలా బాగుంది. సిరీస్ మొత్తం కూడా చాలా ఆసక్తికరంగా ఉంది. ఇంక పర్ఫార్మెన్స్ విషయానికి వస్తే నటీనటులు అందరూ కూడా తమ పాత్రలకి న్యాయం చేశారు. సిరీస్ ని తెలుగులో కూడా డబ్ చేశారు. సిరీస్ మొత్తం కూడా బ్రెయిన్ గేమ్ మీద నడుస్తుంది. ఒక ఆర్టిస్ట్ తన కళని ఉపయోగించి తనకి డబ్బు రావడానికి ఏం చేశాడు? ఆ నేపథ్యంలో ఆ ఆర్టిస్ట్ కి ఎదురైన సంఘటనలు ఏంటి? అనే అంశం చుట్టూ సిరీస్ నడుస్తుంది.

బాలీవుడ్ స్టార్ హీరో షాహిద్ కపూర్ కి ఇది మొదటి వెబ్ సిరీస్. అలాగే విజయ్ సేతుపతి కూడా ఈ సిరీస్ తో హిందీలో అడుగు పెట్టారు. విజయ్ సేతుపతి పాత్ర సీరియస్ గా ఉంటూనే ఒక పక్క కామెడీ చేస్తూ ఉంటుంది. తన పాత్రకి తానే డబ్బింగ్ చెప్పుకోవడంతో ఇంకా హైలైట్ అయ్యింది. అలాగే బ్యాక్ గ్రౌండ్ మ్యూజిక్ కూడా బాగుంది.

ప్లస్ పాయింట్స్ :

• నటీనటులు
• కాన్సెప్ట్
• బ్యాక్ గ్రౌండ్ మ్యూజిక్
• కామెడీ

మైనస్ పాయింట్స్:

• అక్కడక్కడ కొంచెం సాగదీసినట్టుగా ఉన్న కొన్ని సీన్స్
• కొన్ని చోట్ల స్లో అయిన కథనం

రేటింగ్ :

3/5

ట్యాగ్ లైన్ :

ఈ మధ్య వెబ్ సిరీస్ కూడా సినిమాలకి తక్కువగా ఉండట్లేదు. అందుకే ప్రేక్షకులకి సినిమాలతో సమానంగా వెబ్ సిరీస్ అంటే కూడా ఆసక్తి ఏర్పడింది. ఇటీవల కాలంలో వచ్చిన బెస్ట్ వెబ్ సిరీస్ లో ఒకటిగా ఇది నిలుస్తుంది. డార్క్ కామెడీ ఇష్టపడే వాళ్ళకి, ఒక మంచి బ్రెయిన్ గేమ్ తో నడిచే ఒక సిరీస్ చూద్దాం అనుకునే వారికి ఫర్జీ ఒక మంచి సిరీస్ గా నిలుస్తుంది.

watch trailer :

• చిత్రం : వసంతకోకిల
• నటీనటులు : బాబీ సింహా, కశ్మీర పరదేశీ, ఆర్య, రమా ప్రభ
• నిర్మాత : రేష్మి సిన్హా, రజనీ తల్లూరి, రామ్ తల్లూరి
• దర్శకత్వం : పురుషోత్తమ రమణన్
• సంగీతం : రాజేష్ మురుగేశన్
• విడుదల తేదీ : ఫిబ్రవరి 10, 2023

స్టోరీ :

జాబ్ టెన్షన్స్ నుండి దూరంగా లవర్ తో జాలీ ట్రిప్ కి వెళ్లిన హీరో రుద్రకి ఎదురైన భయానక పరిస్థితుల సమాహారమే వసంత కోకిల. ఇద్దరు సిబ్బంది మాత్రమే ఉన్న మారుమూల హోటల్ లో హీరో-హీరోయిన్ దిగుతారు. అప్పటి నుండి వారికి కష్టాలు మొదలవుతాయి. ఆ హోటల్ లో ఏం జరుగుతుందో అర్థం కాని పరిస్థితి. వారికి ఎదురయ్యే భయానక అనుభవాల వెనుక ఎవరున్నారు? వారిని టార్గెట్ చేసింది ఎవరు..? చివరికి ఆ సమస్యల నుండి హీరో, హీరోయిన్ ఎలా బయటపడ్డారనేది వసంత కోకిల కథ.

రివ్యూ :

విభిన్న పాత్రలు, విలక్షణ సినిమాలతో ప్రేక్షకులను అలరిస్తున్న నటుడు బాబీ సింహా. ‘జిగర్తాండ’, ‘నేరమ్’, ‘మహాన్’ చిత్రాలతో ప్రేక్షకులను ఆకట్టుకున్నారు. ఇప్పుడు ఆయన నటించిన వసంత కోకిల’ మిస్టరీ థ్రిల్లర్‌ జోనర్‌లో రూపొందింది. ఈ చిత్రం లో కథకంటే ఎక్కువగా హీరో పాత్రనే ఫోకస్ చేసారు దర్శకుడు. అలాగే రుద్ర పాత్ర ఈ సినిమాకి ప్రాణం. హీరో హీరోయిన్ ల కెమిస్ట్రీ కూడా బాగుంది. వాళ్ళిద్దరి మధ్య వచ్చే సన్నివేశాలు ఆకట్టుకుంటాయి. అలాగే ఆర్య పాత్ర చివరివరకు ఆసక్తికరంగా సాగుతుంది.

సెకండ్ హాఫ్ లో వచ్చే సన్నివేశాలు, బ్యాక్ గ్రౌండ్ మ్యూజిక్ చాలా బాగున్నాయి. కెమెరా పనితనం కూడా బాగుంది. సినిమాకి తగ్గట్టు సాంకేతిక వర్గం పనిచేసింది. దర్శకుడు తన పరిధి మేరకు మెప్పించాడు.

ప్లస్ పాయింట్స్ :

• బాక్గ్రౌండ్ మ్యూజిక్
• స్క్రీన్ ప్లే
• సినిమాటోగ్రఫీ
• సెకండ్ హాఫ్ లో వచ్చే సన్నివేశాలు

మైనస్ పాయింట్స్:

• రొటీన్ స్టోరీ
• రిపీట్ అయ్యే సీన్స్

రేటింగ్ :
2 .5 /5

ట్యాగ్ లైన్ :

థ్రిల్లర్ సినిమాలు ఇష్టపడేవారికి వసంతకోకిల నచ్చుతుంది.

watch video :