Movie Reviews

• చిత్రం : విజయానంద్
• నటీనటులు : నిహాల్,అనంత్ నాగ్, రవిచంద్రన్, భరత్ బోపన్న, అనీష్   కురువిల్ల, ప్రకాష్ బేలావాడి,సిరి ప్రహ్లాద్
• నిర్మాత : VRL ఫిలిం ప్రొడక్షన్స్, ఆనంద్ సంకేశ్వరన్
• దర్శకత్వం : రిషిక శర్మ
• సంగీతం : గోపీ సుందర్
• విడుదల తేదీ : డిసెంబర్ 9 , 2022

స్టోరీ :

కన్నడ నాట VRL ట్రావెల్స్ వ్యవస్థాపకుడు విజయ్ సంకేశ్వరన్ బయోపిక్ ఈ విజయానంద్. ఆయనతో పాటు ఆయన కుమారుడు ఆనంద్ సంకేశ్వర్ పేరు కలిపి తన కంపెనీకి విజయానంద్ రోడ్ లైన్స్ అనే కంపెనీ స్థాపించారు. ఆయన జీవితం లోని కీలక ఘట్టాల సమాహారమే ఈ చిత్రం.

కథ విషయానికొస్తే.. విజయ్ సంకేశ్వరన్ తండ్రి ఒక మామూలు ప్రింటింగ్ ప్రెస్ యజమాని. ఆ ప్రింటింగ్ ప్రెస్ లో పని చేయడం ఇష్టం ఉండని విజయ్.. సొంతం గా ఒక లారీ కొనుక్కొని వ్యాపారం చేయాలి అనుకుంటాడు. తన తండ్రికి ఇష్టం లేకపోయినా తానూ అనుకున్న దారిలోనే వెళ్తాడు విజయ్.

ఈ క్రమంలో ఒక్క ట్రక్కుతో మొదలైన ఆయన ప్రస్థానం దాదాపు 5 వేలకు ట్రక్కుల యజమాని అవుతాడు.45 ఏళ్లలోనే కర్ణాటకలో అగ్ర వ్యాపారవేత్తగా ఎదుగుతాడు. ఈ క్రమంలో ఈయన ఒక పత్రికను కూడా స్థాపిస్తారు. అందుకు దారి తీసిన పరిస్థితులు ఏమిటి ? చివరకు తాను నమ్ముకున్న దారిలో ఎలా విజయాన్ని సొంతం చేసుకున్నాడనేదే విజయానంద్ మూవీ స్టోరీ.

రివ్యూ :

ఒక వ్యక్తి జీవితాన్ని సినిమాగా తెరకెక్కించాలంటే అందులో కావాల్సింత ఎమోషన్,ఇన్‌స్ప్రేషన్, మోటివేషన్ ఉండాలి. అవన్ని ప్రముఖ వ్యాపారవేత్త విజయ్ సంకేశ్వర్ జీవితంలో ఉన్నాయి. ఒక వ్యక్తి జీవితంలో జరిగిన సంఘనలను దాదాపు 2 గంటల పాటు ప్రేక్షకులను కదలకుండా కూర్చోబెట్టడంలో ఓ దర్శకురాలిగా రిషికా శర్మ సక్సెస్ అయింది. బయోపిక్ కాబట్టి.. సినిమా మొత్తం సీరియస్‌గా సాగిపోతూనే ఉంటుంది. ఓ వర్గం ప్రేక్షకులకు ఈ సినిమా ఆకట్టుకోలేకపోవచ్చు.

ఈయన రాజకీయ జీవితం గురించి పూర్తిగా ప్రస్తావించకుండా.. కేవలం విజయ వాణి పత్రికతో మళ్లీ పత్రికా రంగంలో కర్ణాకటలో నెంబర్ వన్‌గా ఎలా ఎదిగారు అన్న దాన్ని చూపిస్తూ సినిమాను ఎండ్ చేసారు. సినిమా ఫోటోగ్రఫీ, ఆర్ట్ వర్క్, గ్రాఫిక్స్ బాగున్నాయి. నిర్మాత ఈ సినిమాను ఎక్కడ కాంప్రమైజ్ కాకుండా తెరకెక్కించారు.

సీరియల్ నటుడిగా, యాంకర్‌గా చేసిన నిహాల్ విజయ్ సంకేశ్వర్ పాత్రలో జీవించేసారు. ఆయన తండ్రి పాత్రలో నటించిన అనంత్ నాగ్ చాలా బాగా చేసారు. ఆయన కొడుకుగా చేసిన భరత్ బోపన్న కూడా ఆకట్టుకుంటారు. ఇక ఈ సినిమాలో రామారావు అనే పత్రిక యజమాని పాత్రలో నటించిన ప్రకాష్ బేలావాడి యాక్టింగ్ గురించి ప్రత్యేకంగా చెప్పాలి. ఈ సినిమాలో తన నటనతో డామినేట్ చేసాడు. మిగిలిన నటులు పాత్ర పరిధి మేరకు నటించారు.

ప్లస్ పాయింట్స్ :

• కథ
• నిహాల్, ప్రకాష్ బేలావాడి, అనంత్ నాగ్ నటన
• నిర్మాణ విలువలు
• బ్యాక్ గ్రౌండ్ స్కోర్

మైనస్ పాయింట్స్:

• సెకండాఫ్ లో కొన్ని సీన్లు
• ఎడిటింగ్
• సీరియస్‌గా సాగే కథనం

రేటింగ్ : 3 /5

ట్యాగ్ లైన్ : కొందరికి మాత్రమే నచ్చే ప్రేరణాత్మక చిత్రం.

• చిత్రం : హిట్ 2
• నటీనటులు : అడివి శేష్, మీనాక్షి చౌదరి, రావు రమేష్, తనికెళ్ల భరణి, కోమలి ప్రసాద్.
• నిర్మాత : ప్రశాంతి తిపిర్నేని, నాని (వాల్ పోస్టర్ సినిమా)
• దర్శకత్వం : శైలేష్ కొలను
• సంగీతం : ఎంఎం శ్రీ లేఖ, సురేష్ బొబ్బిలి
• విడుదల తేదీ : డిసెంబర్ 2, 2022

స్టోరీ :

సినిమా హర్షవర్ధన్ భార్య పాత్రతో మొదలు అవుతుంది. కృష్ణ దేవ్ (అడివి శేష్) వైజాగ్ కి ఎస్పీగా వస్తాడు. ఆర్య (మీనాక్షి చౌదరి) అతని గర్ల్ ఫ్రెండ్. వాళ్ళిద్దరూ లివ్ ఇన్ లో ఉంటారు. తర్వాత అక్కడి సోషల్ పబ్ లో సంజన అనే ఒక అమ్మాయి మర్డర్ జరుగుతుంది. తర్వాత చూస్తే అది ఒకరు కాదు నలుగురు ఒకటే చోట హత్య చేయబడ్డారు అని తెలుస్తుంది. ఈ విషయాన్ని ఇన్వెస్టిగేట్ చేసే పనిలో కృష్ణ దేవ్ ఉంటాడు. అదే సమయంలో ఆ హత్యలు చేసిన వ్యక్తి కృష్ణ దేవ్ కి మరి కొన్ని హత్యలు చేయబోతున్నట్టు చెప్తాడు. ఈ విషయాన్ని కృష్ణ దేవ్ ఎలా కనిపెట్టాడు? అసలు హంతకులు ఎవరు? ఈ హత్యలు ఎందుకు చేస్తున్నారు? చివరికి ఇవన్నీటిని కృష్ణ దేవ్ ఆపగలిగాడా? ఇవన్నీ తెలియాలంటే మీరు సినిమా చూడాల్సిందే.

రివ్యూ :

మంచి కథలను ఎంచుకోవడంలో, వాటిని తెరపై చూపించి సక్సెస్ అవ్వడంలో ఇటీవలి కాలంలో చాలా గొప్ప గుర్తింపు పొందిన హీరో అడివి శేష్. అడివి శేష్ మంచి నటుడు మాత్రమే కాకుండా మంచి రచయిత కూడా అని తన గత చిత్రాలు చూస్తే అర్థం అవుతుంది. ఆ సినిమాలు అన్నీ కూడా ఎక్కువగా సస్పెన్స్ థ్రిల్లర్ జానర్ కి చెందినవి. దాంతో అడవి శేష్ అంటే ఇలాంటి సినిమాలు చాలా బాగా చేస్తారు అని అంటారు.

ఇప్పుడు ఈ సినిమా కూడా దగ్గర దగ్గర అలాంటి కథతోనే వచ్చింది. మొదటి భాగం అయిన హిట్ లాక్‌డౌన్‌ కి ముందు విడుదల అయ్యి చాలా పెద్ద హిట్ అయ్యింది. ఇప్పుడు ఆ సినిమాకి సీక్వెల్ గా ఈ సినిమా రూపొందింది. ఈ సినిమా కథ కూడా ఒక అమ్మాయి మరణించడం, ఆ మిస్టరీ సాల్వ్ చేయడం అలాగే ఉంటుంది. కానీ కథలో కొన్ని బలమైన పాయింట్స్ ఈ సారి యాడ్ చేశారు. సినిమా మొత్తం కూడా నెక్స్ట్ ఏమవుతుంది అనే సస్పెన్స్ తో నడుస్తోంది.

ఒక క్రైమ్ థ్రిల్లర్ సినిమాకి కావాల్సిన అంశాలు అన్నీ కూడా ఈ సినిమాలో ఉన్నాయి. కానీ సెకండ్ హాఫ్ లో సగం జరిగిన తర్వాత సినిమాలో హత్యలు చేసేది ఎవరు అనేది తెలిసిపోతుంది. దాంతో కొంచెం సస్పెన్స్ తగ్గిందేమో అనిపిస్తుంటుంది. కానీ సినిమా చివరిలో మళ్లీ నెక్స్ట్ పార్ట్ కి సంబంధించి ఒక పెద్ద విషయాన్ని చెప్తారు. దాంతో ఇప్పుడు ఈ సినిమాకి మాత్రమే కాదు నెక్స్ట్ సినిమాకి కూడా ఇప్పటినుంచి సస్పెన్స్ స్టార్ట్ చేశారు అని అనిపిస్తుంది.

కానీ హంతకుడిగా చూపించిన వ్యక్తి మాత్రం అతను కాకుండా ఇంకా ఎవరినైనా ఈ పాత్రలో పెట్టి ఉంటే బాగుండేది ఏమో అని అనిపిస్తుంది. ఈ పాత్రకి ఆ నటుడు అంత కరెక్ట్ కాదేమో అని అనిపిస్తుంది. కానీ ఏదేమైనా సరే సినిమాలో నిజంగా హంతకుడు ఎవరు అని కనిపెట్టడం మాత్రం ప్రేక్షకులకు చాలా కష్టం. నిజంగా హంతకుడు ఎవరు అని తెలిసిన తర్వాత ప్రేక్షకులు అందరూ కూడా ఒకసారి షాక్ కి గురవుతారు.

ప్లస్ పాయింట్స్ :

• కథ
• స్క్రీన్ ప్లే
• నటీనటుల పెర్ఫార్మెన్స్
• బ్యాక్ గ్రౌండ్ మ్యూజిక్
• సినిమాటోగ్రఫీ
• సినిమా చివరి వరకు సస్పెన్స్ ని అలాగే ఎక్కడా తగ్గకుండా చూడడం

మైనస్ పాయింట్స్:

• సెకండ్ హాఫ్ లో కొన్ని సీన్స్
• హంతకుడి పాత్ర

రేటింగ్ :

3.25/5

ట్యాగ్ లైన్ :

మొదటి పార్ట్ అయిన హిట్ ఒక మంచి సస్పెన్స్ థ్రిల్లర్ గా ఎంత గుర్తింపు అయితే సంపాదించుకుందో, ఇప్పుడు ఈ సినిమా కూడా అలాగే మంచి స్క్రీన్ ప్లే తో ప్రేక్షకులకి ఎక్కడా కూడా ఆసక్తి తగ్గనివ్వకుండా చేస్తుంది. మర్డర్ మిస్టరీ, సస్పెన్స్ థ్రిల్లర్ సినిమాలని ఎక్కువగా ఇష్టపడే వారిని, అలాగే మొదటి పార్ట్ చూసినా చూడకపోయినా కూడా, ఒకవేళ చూసి ఈ సినిమాపై ఎక్కువ అంచనాలు పెట్టుకున్న ప్రేక్షకులని కూడా హిట్-2 సినిమా అస్సలు నిరాశ పరచదు.

• చిత్రం : లవ్ టుడే
• నటీనటులు : ప్రదీప్ రంగనాథన్, ఇవానా, సత్యరాజ్, రాధికా శరత్‌కుమార్.
• నిర్మాత : కల్పతి ఎస్.అఘోరం, కల్పతి ఎస్.గణేష్, కల్పతి ఎస్.సురేష్ (AGS ఎంటర్‌టైన్‌మెంట్)
• దర్శకత్వం : ప్రదీప్ రంగనాథన్
• సంగీతం : యువన్ శంకర్ రాజా
• విడుదల తేదీ : నవంబర్ 25, 2022

స్టోరీ :

ప్రదీప్ (ప్రదీప్ రంగనాథన్), నికిత (ఇవానా) ప్రేమించుకుంటారు. తర్వాత వాళ్ళు పెళ్లి చేసుకోవాలి అనుకుంటారు. దీనికోసం వారిద్దరూ కలిసి నికిత తండ్రి (సత్యరాజ్) దగ్గరికి వెళ్తారు. నికిత తండ్రి వారు ఇద్దరిని ఒక్కరోజు ఒకరి ఫోన్లు ఒకరు తీసుకోమని చెప్తారు. ఆ తర్వాత కూడా వాళ్ళిద్దరూ కలిసి ఉండాలి అనుకుంటే తనకు ఎటువంటి అభ్యంతరం లేదు అని అంటారు. ప్రదీప్, నికిత ఇది విని ఫోన్లు ఎక్స్చేంజ్ చేసుకోవడం అంటే సాధారణ విషయం అనుకొని ఫోన్లు మార్చుకుంటారు. కానీ తర్వాత అసలు సమస్య మొదలవుతుంది. ఒకరి గురించి ఒకరు తెలుసుకోవడం మొదలుపెడతారు. ఆ తర్వాత ఏమయ్యింది? వారిద్దరూ కలిసారా? ఒకరి గురించి ఒకరికి తెలిసిన నిజాలు ఏంటి? వారి సమస్యలను ఎలా పరిష్కరించుకున్నారు? ఇవన్నీ తెలియాలంటే మీరు సినిమా చూడాల్సిందే.

రివ్యూ :

సాధారణంగా లవ్ స్టోరీ సినిమాలకి భాషా భేదం ఉండదు అంటారు. ఏ భాషలో అయినా సరే ఒక ప్రేమ కథ రూపొందితే అది మిగిలిన భాషల్లో డబ్ అయినా కూడా ప్రేక్షకులు ఆదరిస్తారు అని అంటూ ఉంటారు. ఈ సినిమా తమిళ్ లో రూపొందింది. అక్కడ సూపర్ హిట్ టాక్ తెచ్చుకుంటోంది. దాంతో ఈ సినిమాని తెలుగులో కూడా డబ్ చేశారు. సినిమా స్టోరీ పాయింట్ వినడానికి సింపుల్ గా ఉన్నా కూడా తెరపై మాత్రం చాలా కష్టమైన సబ్జెక్ట్ లాగానే అనిపిస్తుంది.

అందుకే ఇలాంటి స్టోరీకి టేకింగ్ అనేది చాలా ముఖ్యమైన విషయం. ఈ సినిమాలో హీరోగా నటించిన ప్రదీప్ ఈ సినిమాకి దర్శకత్వం వహించారు. సినిమా మొదటి నుండి చివరి వరకు ఆసక్తికరంగా సాగుతుంది. ముఖ్యంగా సినిమాకి కామెడీ చాలా పెద్ద హైలైట్ అయ్యింది. మోడ్రన్ రిలేషన్ షిప్స్ ఎలా ఉంటాయి అనేది ఈ సినిమా ద్వారా చూపించారు. ఇంక పర్ఫార్మెన్స్ విషయానికి వస్తే నటీనటులు అందరూ కూడా తమ పాత్రలకు తగ్గట్టుగా నటించారు. కానీ వారిద్దరి లవ్ స్టోరీ, అలాగే హీరోయిన్ కి సంబంధించిన కొన్ని విషయాలు ఇంకా కొంచెం వివరంగా చూపిస్తే బాగుండేదేమో అనిపిస్తుంది. కొన్ని సీన్స్ హడావిడిగా తీసేసినట్టు అనిపిస్తాయి.

ప్లస్ పాయింట్స్ :

• స్టోరీ పాయింట్
• కామెడీ
• పాటలు
• నిర్మాణ విలువలు

మైనస్ పాయింట్స్:

• కట్ చేసినట్టుగా అనిపించే కొన్ని సీన్స్
• ఫస్ట్ హాఫ్ లో ల్యాగ్

రేటింగ్ :

3.5/5

ట్యాగ్ లైన్ :

ఒక రొమాంటిక్ కామెడీ ఎంటర్టైనర్ వచ్చి చాలా రోజులు అయ్యింది. సినిమా ట్రైలర్ చూసి సినిమాలో కామెడీ చాలా ఉంటుంది అని ఎక్స్పెక్టేషన్స్ పెట్టుకుని వెళ్ళిన వారిని కూడా లవ్ టుడే సినిమా అస్సలు నిరాశపరచదు.

watch trailer :

• చిత్రం : యశోద
• నటీనటులు : సమంత, ఉన్ని ముకుందన్, వరలక్ష్మి శరత్ కుమార్.
• నిర్మాత : శివలెంక కృష్ణప్రసాద్ (శ్రీదేవి మూవీస్)
• దర్శకత్వం : హరి-హరీష్
• సంగీతం : మణి శర్మ
• విడుదల తేదీ : నవంబర్ 11, 2022

స్టోరీ :

శివ రెడ్డి అనే ఒక వ్యాపారవేత్త మర్డర్ తో సినిమా మొదలవుతుంది. మరొకవైపు యశోద (సమంత) అనే ఒక అమ్మాయి అద్దె గర్భం ద్వారా పిల్లలకి జన్మనివ్వడానికి డాక్టర్ మధు (వరలక్ష్మి శరత్ కుమార్) ఇన్స్టిట్యూట్ లో చేరుతుంది. ఇక్కడ పిల్లలు లేని వారికి అద్దె గర్భం ద్వారా పిల్లలని అందించి వారిని తల్లిదండ్రులు చేస్తారు. అయితే తర్వాత యశోద అక్కడ ఏదో తప్పు జరుగుతోంది అని తెలుసుకుంటుంది. ఆ తప్పు ఏంటి? అసలు యశోద ఎలా కనిపెట్టింది? అసలు అక్కడ తప్పు చేస్తోంది ఎవరు? తర్వాత తను ఎదుర్కొన్న పరిస్థితులు ఏంటి? చివరికి ఆ సమస్యలను పరిష్కరించిందా లేదా? ఇదంతా తెలియాలంటే మీరు సినిమా చూడాల్సిందే.

రివ్యూ :

సమంతని తెలుగు తెరపై చూసి చాలా కాలం అయ్యింది. విజయ్ సేతుపతి, నయనతారతో కలిసి తమిళ్ డబ్బింగ్ సినిమాతో తెలుగు ప్రేక్షకుల ముందుకు వచ్చారు. కానీ డైరెక్ట్ తెలుగు సినిమా చేసి చాలా సంవత్సరాలు అయ్యింది. దాంతో యశోద సినిమా మీద భారీ స్థాయిలో అంచనాలు ఉన్నాయి. ఈ సినిమా ట్రైలర్ చూస్తూ ఉంటే ఇది సెంటిమెంట్ తో పాటు యాక్షన్ కూడా ఉన్న సినిమా అని అర్థం అవుతుంది. సినిమాలో స్టార్టింగ్ లో మొత్తం అసలు ఏం జరుగుతోంది అని అర్థం కాకుండా నడుస్తుంది.

కానీ ఒక్కసారి ట్విస్ట్ ప్రేక్షకులకు తెలిసిపోయాక సినిమా మొత్తం చాలా రొటీన్ కథగా అనిపిస్తుంది. ఆ తర్వాత ఏమవుతుందో ప్రేక్షకులు ఊహించగలుగుతారు. పర్ఫామెన్స్ విషయానికి వస్తే సమంత సినిమా మొత్తాన్ని తన భుజాలపై నడిపించారు. ఫ్యామిలీ మాన్ సిరీస్ తో సమంత యాక్షన్ సీన్స్ కూడా చేయగలరు అని నిరూపించారు. ఈ సినిమాలో కూడా అలాగే కొన్ని యాక్షన్ సీన్స్ చేశారు. అలాగే ఎమోషనల్ సీన్స్ లో కూడా చాలా బాగా నటించారు.

మిగిలిన పాత్రలో నటించిన ఉన్ని ముకుందన్, వరలక్ష్మి శరత్ కుమార్ ఇంకా మిగిలిన వారు కూడా తమ పాత్రల పరిధి మేరకు నటించారు. మణిశర్మ అందించిన బ్యాక్ గ్రౌండ్ స్కోర్ సినిమాకి మరొక హైలైట్. దర్శకులు రాసుకున్న స్టోరీ లైన్ బాగుంది. కానీ ఆ ట్విస్ట్ లని తెరపై చూపించడంలో ఇంకా కొంచెం జాగ్రత్త తీసుకుంటే బాగుండేదేమో అనిపిస్తుంది. ఈ సినిమా థ్రిల్లర్ సినిమా అయినా కూడా సినిమాలో ఏం జరుగుతోంది అనేది తెలిసిపోతుంది.

ప్లస్ పాయింట్స్ :

• సమంత
• మణిశర్మ అందించిన సంగీతం
• నిర్మాణ విలువలు
• కొన్ని యాక్షన్ సీన్స్

మైనస్ పాయింట్స్:

• తెలిసిపోయే కథ
• సాగదీసినట్టు అనిపించే కొన్ని సీన్స్

రేటింగ్ :

3/5

ట్యాగ్ లైన్ :

సినిమా సస్పెన్స్ థ్రిల్లర్ అయినా కూడా పెద్దగా ఆశించకుండా, కేవలం సమంత కోసం అయినా సినిమా చూడాలి అని అనుకునే వారికి యశోద సినిమా ఒక యావరేజ్ సినిమాగా నిలుస్తుంది.

• చిత్రం : బొమ్మ బ్లాక్ బస్టర్
• నటీనటులు : నందు విజయ్ కృష్ణ, రష్మీ గౌతమ్, కిరీటి దామరాజు, రఘు కుంచె.
• నిర్మాత : ప్రవీణ్ పగడాల, బోసు బాబు నిడుమోలు, ఆనంద్ రెడ్డి మద్ది, మనోహర్ రెడ్డి ఈడ (విజయీభవ ఆర్ట్స్)
• దర్శకత్వం : రాజ్ విరాట్
• సంగీతం : ప్రశాంత్ ఆర్ విహారి
• విడుదల తేదీ : నవంబర్ 4, 2022

స్టోరీ :

నందు పోతురాజు పాత్ర చేశాడు. పోతురాజు ఒక మత్స్యకారుడు అలానే పూరి జగన్నాథ్ కి పెద్ద ఫ్యాన్. తన గతంలోని ఉండే క్షణాలని ఒక స్టోరీ కింద రాసి సినిమా తీయాలని అనుకుంటూ ఉంటాడు. పూరి జగన్నాథ్ ని ఒప్పించడం అతని జీవిత ఆశయం. కానీ తెలివి తక్కువ పనులు వలన తీవ్ర వేదనని ఎదుర్కోవాల్సి వస్తుంది. హీరో ఎలా సక్సెస్ అయ్యాడు అనేది ఈ సినిమా. అలానే రష్మీ తనకి ఎలా పరిచయం అవుతుంది అనేవే ఈ సినిమా స్టోరీ. నందు విజయ్ కృష్ణ, రష్మీ గౌతమ్, కిరీటి దామరాజు, రఘు కుంచె ఈ సినిమాలో నటించారు.

రివ్యూ :

నటుడిగా నందు ఎన్నో సినిమాల్లో నటించారు. అలాగే రష్మీ గౌతమ్ కూడా జబర్దస్త్ ప్రోగ్రాం ద్వారా తెలుగు టెలివిజన్ ఇండస్ట్రీలో ఎంతో పేరు సంపాదించారు. రష్మీ కొన్ని సినిమాల్లో కూడా నటించారు. ఇప్పుడు ఈ సినిమాతో ప్రేక్షకుల ముందుకి వచ్చారు. పోతురాజు పాత్రని నందు బాగా చేశాడు. ఈ సినిమాలో పోతురాజు పాత్ర బాగుంటుంది. రష్మీ గౌతమ్ పాత్ర కూడా పరవాలేదు అనిపించింది. కానీ పెద్దగా స్కోప్ అయితే లేదు. కానీ ముఖ్యపాత్ర మాత్రం చాలా బాగుంది సినిమాటోగ్రఫీ చాలా బాగుంది. దర్శకత్వం చాలా అద్భుతంగా ఉంది.

ఈ సినిమాలో రెండవ భాగం చాలా నెమ్మదిగా కదులుతుంది. హీరో హీరోయిన్ల మధ్య ప్రేమ రెండో భాగం లో చూపిస్తారు. రష్మి గౌతమ్ పాత్ర పెద్దగా ఇంప్రెస్ చేయలేదు. కిరీటి రఘు కుంచె, నందు పర్ఫామెన్స్ అయితే బాగా ఆకట్టుకుంది మొత్తంగా చూసుకున్నట్లయితే బొమ్మ బ్లాక్ బస్టర్ సినిమా ఎంటర్టైన్మెంట్ చేసేలాగే ఉంది.

ప్లస్ పాయింట్స్ :

• నటీ నటులు
• దర్శకత్వం
• స్క్రీన్ ప్లే

మైనస్ పాయింట్స్:

• కొన్ని సన్నివేశాలు

రేటింగ్ :

3.25/5

ట్యాగ్ లైన్ :

బొమ్మ బ్లాక్ బస్టర్ సినిమాని ఒకసారి చూడొచ్చు. ఈ సినిమా ప్రేక్షకుల అంచనాల కి ఏ మాత్రం తక్కువగా ఉంటుంది డిసప్పాయింట్ అయితే సినిమా చేయదు. ఒకసారి చూడచ్చు.

watch trailer:

• చిత్రం : ఊర్వశివో రాక్షశివో
• నటీనటులు : అల్లు శిరీష్, అనూ ఇమాన్యుల్, వెన్నెల కిషోర్, సునీల్.
• నిర్మాత : ధీరజ్ మొగిలినేని, విజయ్ ఎం (GA2 పిక్చర్స్, శ్రీ తిరుమల ప్రొడక్షన్స్ ప్రైవేట్ లిమిటెడ్)
• దర్శకత్వం : రాకేష్ శశి
• సంగీతం : అచ్చు రాజమణి, అనూప్ రూబెన్స్
• విడుదల తేదీ : నవంబర్ 4, 2022

స్టోరీ :

Urvasivo Rakshasivo Review: సినిమా మొత్తం ఒక ఐటీ కంపెనీలో జరుగుతూ ఉంటుంది. అందులో పనిచేసే శ్రీ (అల్లు శిరీష్) అదే కంపెనీలో పని చేసే సింధు (అనూ ఇమాన్యుల్) ని ఇష్టపడతాడు. సింధు కూడా శ్రీని ఇష్టపడుతుంది. కానీ ప్రేమించట్లేదు అని చెప్తూ ఉంటుంది. తర్వాత వారిద్దరూ ప్రేమలో పడతారు. ఇద్దరూ లివ్ ఇన్ రిలేషన్ షిప్ లో ఉంటారు. వారిద్దరూ ఎదుర్కొన్న పరిస్థితులు ఏంటి? వారిద్దరికీ మధ్య ఉన్న అభిప్రాయభేదాలు పరిష్కారం అయ్యాయా లేదా? ఇదంతా తెలియాలంటే మీరు సినిమా చూడాల్సిందే.

Urvasivo Rakshasivo Review in Telugu రివ్యూ :

అల్లు శిరీష్ సినిమా వచ్చి చాలా కాలం అయ్యింది. సాధారణంగా అల్లు శిరీష్ అంటే ప్రయోగాత్మక సినిమాలు చేస్తారు అనే ఒక గుర్తింపు ఉంది. ఒక సినిమాకి ఒక సినిమాకి పోలిక లేకుండా ఉండేలాగా అల్లు శిరీష్ చూసుకుంటారు. సినిమా ఫలితంతో పనిలేకుండా కొత్తగా డిఫరెంట్ సబ్జెక్ట్ ఉన్న సినిమాలను ప్రేక్షకులముందుకు అల్లు శిరీష్ తీసుకొస్తుంటారు. ఈ సినిమా ఒక డిఫరెంట్ కాన్సెప్ట్ ఉన్న లవ్ స్టోరీ అని మనకి ట్రైలర్ చూస్తే అర్థం అయిపోతుంది. సినిమా కథ పెద్ద కొత్తది ఏమి కాకపోయినా కూడా చూపించిన విధానం డిఫరెంట్ గా ఉంది. ఇలాంటి లవ్ స్టోరీ తెలుగు ఫిల్మ్ ఇండస్ట్రీలో వచ్చి చాలా కాలం అయ్యింది.

పర్ఫార్మెన్స్ విషయానికి వస్తే అందరూ కూడా వారి పాత్రలకు తగ్గట్టుగా చేశారు. గత సినిమాలతో పోలిస్తే అనూ ఇమాన్యుల్ కి నటనకి ఆస్కారం ఉన్న పాత్ర దొరికింది. పాటలు కూడా వినడానికి బాగున్నాయి. నిర్మాణ విలువలు చాలా రిచ్ గా ఉన్నాయి. కొన్నిచోట్ల సీన్స్ బోరింగ్ గా అనిపిస్తాయి. కానీ కొన్ని సీన్స్ లో కామెడీ మాత్రం నవ్వు తెప్పించే విధంగానే ఉంది. ఫస్ట్ హాఫ్ తో పోలిస్తే సెకండ్ హాఫ్ లో కథ పరంగా కూడా చూపించిన విధానం బాగుంది. కానీ కొన్ని చోట్ల మాత్రం టేకింగ్ విషయంలో ఇంకా కొంచెం జాగ్రత్త తీసుకుంటే బాగుండేది ఏమో అనిపిస్తుంది.

ప్లస్ పాయింట్స్ :

• కాన్సెప్ట్
• కామెడీ సీన్స్
• నిర్మాణ విలువలు
• సినిమాటోగ్రఫీ

మైనస్ పాయింట్స్:

• అక్కడక్కడా బోరింగ్ గా అనిపించే కొన్ని సీన్స్
• సెకండ్ హాఫ్ లో కొంచెం ల్యాగ్

రేటింగ్ :

3.25/5

ట్యాగ్ లైన్ :

చాలా రోజుల తర్వాత ఒక డిఫరెంట్ కాన్సెప్ట్ ఉన్న లవ్ స్టొరీ విడుదల అయ్యింది. కథలో కొత్తదనం ఏమీ ఆశించకుండా, పెద్దగా ఎక్స్పెక్టేషన్స్ ఏమి పెట్టుకోకుండా ఒక మంచి సినిమా చూద్దాం అనుకునేవారికి ఊర్వశివో రాక్షశివో ఒక ఎంటర్టైనర్ సినిమాగా నిలుస్తుంది.

watch trailer :

Also Read: ఇప్పుడు ఉన్న “యంగ్” హీరోల్లో… నెక్స్ట్ “సూపర్ స్టార్” అయ్యే టాలెంట్ ఉన్న 11 హీరోలు..! లిస్ట్‌లో ఎవరెవరు ఉన్నారంటే..?