Movie Reviews

• చిత్రం : సూపర్‌ మచ్చి
• నటీనటులు : కల్యాణ్ దేవ్, రచిత రామ్, వీకే నరేష్, పోసాని కృష్ణ మురళి, రాజేంద్ర ప్రసాద్, ప్రగతి, మహేష్ ఆచంట.
• నిర్మాత : రిజ్వాన్
• దర్శకత్వం : పులి వాసు
• సంగీతం : తమన్‌
• విడుదల తేదీ : జనవరి 14, 2022.

స్టోరీ :

మీనాక్షి (రచిత రామ్), ఇన్ఫోసిస్ కంపెనీలో సాఫ్ట్వేర్ ఇంజినీర్ గా పని చేస్తూ ఉంటుంది. హీరో (రాజు) బార్లో పాటలు పాడుకుంటూ ఆవారాగా ఉంటాడు. మీనాక్షి రాజుని చూడడం… ఇష్టం కలగడం.. దీనితో ఆమె వెంటపడుతూ ఉంటుంది. రాజు ఇష్టం లేదని చెప్పేస్తాడు. కానీ అయినా సరే ఆమె వెంటపడుతూ ఉంటుంది. ఎలా అయినా సరే వదిలించుకోవాలని అనుకుంటాడు రాజు. దాంతో, ఒక నైట్‌ తనతో గడిపితే నీ ప్రేమని యాక్సెప్ట్ చేస్తానని అంటాడు. అయితే, మంచి ఉద్యోగం చేసే అమ్మాయి ఆవారాలా తిరిగే అతన్ని ఎందుకు ప్రేమిస్తుంది..?, రాజు మీనాక్షి ప్రేమని ఎందుకు యాక్సెప్ట్ చెయ్యడు..?, మీనాక్షిని చూడకుండా ప్రేమించిదెవరు? మీనాక్షి తండ్రి ఆఖరి కోరిక ఏమిటి..?, ఆఖరికి వీళ్ళు ఒకటవుతారా..? ఇదే కథ.

రివ్యూ :

విజేత సినిమాతో ఎంట్రీ ఇచ్చిన కళ్యాణ్ దేవ్ సూపర్ మచ్చి సినిమాతో ఇప్పుడు వచ్చాడు. ఈ సినిమా మొత్తం ప్రేమ, ఎమోషన్స్, తండ్రి-కూతురు సెంటిమెంట్ తో నడుస్తుంది. చూడకుండా ప్రేమించుకోవడం అనేది ఆసక్తికరమైన పాయింట్ అని చెప్పవచ్చు. దర్శకుడు నిజంగా అద్భుతమైన పాయింట్ తో సినిమాని తీసుకువచ్చారు. మొదటి హాఫ్ అంతా కూడా ఎంతో ఆసక్తికరంగా ఉంటుంది. రాజుని ఎందుకు సాఫ్ట్వేర్ ఉద్యోగి మీనాక్షి ప్రేమిస్తుంది అనేది ఇంటర్వెల్ వరకు ఉండి… అక్కడ ఆపడంతో ప్రేక్షకులకి క్యూరియాసిటీ కూడా పెరుగుతుంది.

అయితే సెకండ్ హాఫ్ మాత్రం కొంచెం సాధారణంగానే కథ ఉంటుంది. దర్శకుడు పులి వాసు తెర మీదకి సినిమా తీసుకొచ్చిన తీరు అద్భుతంగా ఉంది. అలాగే సంగీతం కూడా ఈ సినిమాకి ప్లస్ అయ్యింది. తమన్ సంగీతం ఈ సినిమాలో బాగుంది. పాటలు కొంచెం సోసో గా ఉన్నా నేపథ్య సంగీతం నెక్స్ట్ లెవెల్ లో ఉంది. నటీనటులు కూడా ఎంతో అద్భుతంగా నటించారు. వాళ్ళని ఎంపిక చేసిన విధానం కూడా చాలా బాగుంది. ఈ చిత్రాన్ని రిచ్ గా తెరకెక్కించిన తీరు కూడా అద్భుతంగా ఉందని చెప్పొచ్చు. కథనం విషయాల్లో కొన్ని లోపాలు ఉన్నప్పటికీ కూడా ఎంటర్టైన్మెంట్ పరంగా చూసుకుంటే బాగుంది.

ప్లస్ పాయింట్స్ :

• ఎమోషనల్ సీన్స్
• సినిమాటోగ్రఫి

మైనస్ పాయింట్స్:

• నేరేషన్ లో కొన్ని లోపాలు
• ప్రెజెంటేషన్ తగ్గింది

రేటింగ్:

2.5/5

ట్యాగ్ లైన్:

ఈ సినిమా ప్రేక్షకులని నిరాశ పరచదు. కానీ సెకండ్ హాఫ్ కొంచెం బోరింగ్ గా అనిపిస్తోంది. అలానే కొన్ని సీన్స్ లో డెప్త్ తగ్గింది.

• చిత్రం : రౌడీ బాయ్స్
• నటీనటులు : ఆశిష్ రెడ్డి, అనుపమ పరమేశ్వరన్.
• నిర్మాత : దిల్ రాజు
• దర్శకత్వం : శ్రీ హర్ష కొనుగంటి
• సంగీతం : దేవి శ్రీ ప్రసాద్
• విడుదల తేదీ : జనవరి 14, 2022.

స్టోరీ :

అక్షయ్ (ఆశిష్) LIT కాలేజ్ లో ఇంజనీరింగ్ చేస్తూ ఉంటాడు. కావ్య (అనుపమ పరమేశ్వరన్) BMC మెడికల్ కాలేజ్ లో మెడిసిన్ చదువుతూ ఉంటుంది. వాళ్ళిద్దరి ప్రేమ కథ ఏంటి? అక్షయ్ కి కాలేజ్ లో ఎదురైన సమస్యలు ఏంటి? ఆ గొడవలని ఎలా పరిష్కరించుకున్నాడు? చివరికి అక్షయ్ సమస్యలన్నీ తీరాయా? ఇదంతా తెలియాలంటే సినిమా చూడాల్సిందే.

రివ్యూ :

దిల్ రాజు మేనల్లుడు ఆశిష్ రెడ్డి ఈ సినిమాతో హీరోగా పరిచయం అయ్యారు. ఈ సినిమా కోసం ఆశిష్ చాలా కష్టపడినట్లు తెలిసిపోతోంది. డాన్స్ విషయంలో కానీ, యాక్షన్ విషయంలో కానీ చాలా జాగ్రత్త తీసుకున్నారు. అక్షయ్ పాత్ర ఆశిష్ కి సూట్ అయ్యింది. మళ్లీ చాలా రోజుల తర్వాత అనుపమ పరమేశ్వరన్ తెరపై కనిపించారు. అనుపమ మేకోవర్ కూడా పాత్రకి తగ్గట్టుగా ఉంది. ఫస్ట్ హాఫ్ లో కాలేజీ గొడవలు తప్ప మిగిలిన విషయాలు ఏవీ పెద్దగా చూపించరు. కేవలం ఆ ఒక్క విషయంపై మాత్రమే ఫస్ట్ హాఫ్ మొత్తం నడుస్తుంది.

సెకండ్ హాఫ్ లో కొన్ని మంచి సీన్స్ ఉన్నా కానీ, అవన్నీ అంతకు ముందు మనం ఎక్కడో చూసినట్టే అనిపిస్తూ ఉంటాయి. అనుపమ, ఆశిష్ పెయిర్ బాగుంది. దేవి శ్రీ ప్రసాద్ అందించిన పాటలు, బ్యాక్ గ్రౌండ్ స్కోర్ కథకి తగ్గట్టుగా ఉన్నాయి. అక్కడక్కడా కొంత వరకు కామెడీ వర్కౌట్ అయ్యింది. సినిమా ట్రైలర్ లో చూపించినట్టే ఒక యూత్ ఫుల్ స్టోరీ. అయినా కూడా వేరే నటీనటులతో అంతకుముందు ఎప్పుడో చూసిన సినిమానే ఇప్పుడు మళ్లీ చూస్తున్నాం అని అనిపిస్తూ ఉంటుంది.

ప్లస్ పాయింట్స్ :

• హీరో హీరోయిన్ కెమిస్ట్రీ
• దేవి శ్రీ ప్రసాద్ సంగీతం
• సినిమాటోగ్రఫీ

మైనస్ పాయింట్స్:

• రొటీన్ స్టోరీ

రేటింగ్ :

2/5

ట్యాగ్ లైన్ :

సినిమాలో కొత్తదనం లేకపోవడం, అలాగే ఎక్కువగా యూత్ ని దృష్టిలో పెట్టుకొని తీసిన సినిమా అవడంతో రౌడీ బాయ్స్ అన్ని వర్గాల ప్రేక్షకులను అలరించే అవకాశాలు ఉండకపోవచ్చు.

• చిత్రం : బంగార్రాజు
• నటీనటులు : నాగార్జున, నాగ చైతన్య, రమ్య కృష్ణన్, క్రితి శెట్టి.
• నిర్మాత : అక్కినేని నాగార్జున
• దర్శకత్వం : కళ్యాణ్ కృష్ణ
• సంగీతం : అనూప్ రూబెన్స్
• విడుదల తేదీ : జనవరి 14, 2022.

స్టోరీ :

సోగ్గాడే చిన్ని నాయన సినిమా ముగిసిన చోటే బంగార్రాజు కథ మొదలవుతుంది. చనిపోయిన బంగార్రాజు (నాగార్జున అక్కినేని), సత్య (రమ్య కృష్ణన్) తమ మనవడు చిన బంగార్రాజు (నాగ చైతన్య)ని చూడాలి అనుకుంటారు. చిన బంగార్రాజు చదువు అయిపోయాక ఊరికి తిరిగి వస్తాడు. మరొక పక్క నాగలక్ష్మి (క్రితి శెట్టి) ఆ ఊరి సర్పంచ్ అవుదామని అనుకుంటూ ఉంటుంది. తన మనవడి ప్రేమకి సహాయం చేయడానికి సత్య, బంగార్రాజుని భూమ్మీదకి పంపిస్తుంది. బంగార్రాజు, చిన బంగార్రాజు శరీరంలోకి దూరతాడు. చిన బంగార్రాజుకి కొన్ని సమస్యలు మొదలవుతాయి. ఆ సమస్యల నుండి చిన బంగార్రాజు ఎలా బయటపడ్డాడు? బంగార్రాజు ఎలా సహాయం చేశాడు? అసలు చిన బంగార్రాజు తల్లిదండ్రులు ఏమయ్యారు? చిన బంగార్రాజు, నాగలక్ష్మి కథ ఏమైంది? ఇవన్నీ తెలియాలంటే సినిమా చూడాల్సిందే.

రివ్యూ :

ఈ సంక్రాంతికి చాలా పెద్ద సినిమాలు విడుదలకి సిద్ధమయ్యాయి. కానీ పరిస్థితులను దృష్టిలో పెట్టుకొని అన్ని సినిమాలు వెనకడుగు వేశాయి. బంగార్రాజు మాత్రం మొదటి నుండి సంక్రాంతి బరిలోనే ఉంది. ఏ సినిమా విడుదల అయినా కాకపోయినా మా సినిమా మాత్రం కచ్చితంగా సంక్రాంతికే విడుదల అవుతుంది అని సినిమా బృందం చాలా కాన్ఫిడెంట్ గా చెప్పారు. చెప్పినట్టుగానే సినిమా సంక్రాంతి కానుకగా విడుదల అయ్యింది. కథాపరంగా చూస్తే సోగ్గాడే చిన్ని నాయనా సినిమాకి, బంగార్రాజు సినిమాకి పెద్ద తేడా కనిపించదు. స్టోరీ లైన్ దాదాపు అలాగే ఉంది. కానీ హీరో హీరోయిన్లని మార్చడం వల్ల కొంచెం కొత్తగా అనిపించింది. పర్ఫామెన్స్ విషయానికి వస్తే, నాగార్జున బంగార్రాజు పాత్రలో బాగా చేశారు. ముందు సినిమాలతో పోలిస్తే నాగ చైతన్య కూడా ఈ సినిమాలో కొంచెం యాక్టివ్ గా చేశారు.

రమ్య కృష్ణన్ స్క్రీన్ ప్రెజెన్స్ ఈ సినిమాకి ఒక ప్లస్ పాయింట్. అలాగే క్రితి శెట్టి పాత్ర కూడా ముందు రెండు సినిమాల కంటే ఈ సినిమాలో డిఫరెంట్ గా ఉంది. సహాయ పాత్రల్లో నటించిన వెన్నెల కిషోర్, ప్రవీణ్, రావు రమేష్, బ్రహ్మాజీ మిగిలిన అందరూ పాత్ర మేరకు బానే నటించారు. అనూప్ రూబెన్స్ అందించిన పాటలు బాగున్నాయి. రెండు, మూడు పాటలు పిక్చరైజేషన్ కూడా బాగుంది. సినిమా అంతా చాలా కలర్ ఫుల్ గా ఉంటుంది. కానీ స్టోరీ మాత్రం పెద్దగా ఉన్నట్టు అనిపించదు. నెక్స్ట్ ఏమవుతుందో మనకు అర్థమవుతూ ఉంటుంది. కానీ ఈ సారి సంక్రాంతికి విడుదలైన పెద్ద సినిమా ఇదొక్కటే కాబట్టి ఫ్యామిలీ ఆడియన్స్ థియేటర్లకు ఎక్కువగా వచ్చే అవకాశాలు ఉన్నాయి.

ప్లస్ పాయింట్స్ :

• ఊరి నేటివిటీని చూపించిన విధానం
• పాటలు
• నాగార్జున

మైనస్ పాయింట్స్:

• పాత స్టోరీ లైన్
• ఇంకా బాగా తీయచ్చు అనుకునే చాలా సీన్స్

రేటింగ్ :

2.5/5

ట్యాగ్ లైన్ :

పండగకి ఏదైనా సరదాగా ఒక సినిమా చూద్దాం అనుకున్న వాళ్ళని బంగార్రాజు నిరాశపరచదు. కానీ, కథలో కొత్తదనం లేకపోవడం వల్ల బంగార్రాజు ఒక అబవ్ యావరేజ్ టైంపాస్ ఎంటర్టైనర్ గా నిలుస్తుంది.

• చిత్రం : అతిథి దేవో భవ
• నటీనటులు : ఆది సాయి కుమార్, నువేక్ష, సప్తగిరి, రోహిణి.
• నిర్మాత : రాజబాబు మిర్యాల, అశోక్ రెడ్డి మిర్యాల
• దర్శకత్వం : పొలిమేర నాగేశ్వర్
• సంగీతం : అమర్‌నాథ్ బొమ్మిరెడ్డి
• విడుదల తేదీ : జనవరి 7, 2022

స్టోరీ :

అభయ్ (ఆది సాయి కుమార్) కి మోనోఫోబియా అనే సమస్య ఉంటుంది. అంటే ఒంటరిగా ఉండడానికి భయపడుతూ ఉంటాడు. అభయ్ కి పుట్టుకతోనే ఈ సమస్య ఉంటుంది. ఆలా ఒంటరిగా ఉండడానికి భయపడే అభయ్, వైష్ణవి (నువేక్ష)ని చూసి ఇష్టపడతాడు. వైష్ణవి కూడా అభయ్ ని ఇష్టపడుతుంది. కానీ అభయ్ సమస్య వారి ప్రేమకి అడ్డు అవుతుంది. ఆ సమస్యని వైష్ణవికి చెప్పలేక, తనలో దాచలేక బాధపడుతూ ఉంటాడు అభయ్. అభయ్ వైష్ణవికి తన సమస్య గురించి చెప్పగలిగాడా? తర్వాత వాళ్ళిద్దరి జీవితాల్లో ఎటువంటి సంఘటనలు చోటు చేసుకున్నాయి? చివరికి వారిద్దరి కథ ఏమైంది? ఇవన్నీ తెలుసుకోవాలంటే సినిమా చూడాల్సిందే.

రివ్యూ :

కథ కోసం ఎంచుకున్న కాన్సెప్ట్ కొత్తగా ఉంది. ఇలాంటి కాన్సెప్ట్ చూపించడం బహుశా తెలుగు ఇండస్ట్రీలో ఇది మొదటిసారి అయ్యి ఉండొచ్చు. కానీ పేపర్ మీద రాసుకున్న కథ, తెరకెక్కించడంలో ఎక్కడో పొరపాటు జరిగింది అనిపిస్తుంది. పర్ఫామెన్స్ విషయానికి వస్తే ఆది సాయి కుమార్ బాగా నటించారు. తన క్యారెక్టర్ కూడా కొత్తగా అనిపిస్తుంది. హీరోయిన్ నువేక్ష‌ కూడా తన పాత్ర పరిధి మేరకు బాగానే నటించారు అలాగే సీనియర్ నటి రోహిణి నటన కూడా బాగుంది. అంతే కాకుండా, ఇంకొక ముఖ్య పాత్రలో నటించిన సప్తగిరి నటన చాలా బాగుంది. కానీ సినిమా మాత్రం చాలా నెమ్మదిగా సాగుతుంది. సీన్స్ కూడా ఆసక్తికరంగా అనిపించవు. కొన్ని సీన్స్ లో డ్రామా కొంచెం ఎక్కువగా అనిపిస్తుంది. స్లోగా ఉండడం వల్ల సినిమా చూసే ప్రేక్షకుడికి బోర్ కొట్టే అవకాశాలు ఉన్నాయి.

ప్లస్ పాయింట్స్ :

• కాన్సెప్ట్
• నటీనటుల పర్ఫార్మెన్స్

మైనస్ పాయింట్స్:

• బోరింగ్ సీన్స్
• ల్యాగ్ అయిన కథనం

రేటింగ్ :

2/5

ట్యాగ్ లైన్ :

నెమ్మదిగా సాగినా కూడా సినిమా చూడచ్చు అనుకునేవారికి అతిథి దేవో భవ ఒక యావరేజ్ సినిమాగా అనిపిస్తుంది.

• చిత్రం : అర్జున ఫల్గుణ
• నటీనటులు : శ్రీ విష్ణు, అమృత అయ్యర్.
• నిర్మాత : కళ్యాణ్ కృష్ణ
• దర్శకత్వం : తేజ మార్ని
• సంగీతం : ప్రియదర్శన్ బాలసుబ్రమణియన్
• విడుదల తేదీ : డిసెంబర్ 31, 2021

స్టోరీ :

సినిమా గోదావరి బ్యాక్‌డ్రాప్‌లో నడుస్తుంది. అర్జున (శ్రీ విష్ణు) ఉద్యోగం లేకుండా ఖాళీగా తిరుగుతూ ఉంటాడు. స్నేహితులకి ఏదైనా సహాయం కావాలంటే చెయ్యడానికి ముందుంటాడు. అలాంటిది ఒక సారి అర్జున ప్రమాదంలో పడతాడు. తన స్నేహితులతో కలిసి అరకుకి మత్తు పదార్ధం సరాఫరా చేయాలి అని ప్లాన్ వేసుకుంటారు. ఈ క్రమంలో పోలీసుల నుండి వారు ఎలా తప్పించుకుంటారు? వాళ్ళు అనుకున్నది చేసారా? ఇదంత తెలియాలంటే మీరు సినిమా చూడాల్సిందే.

రివ్యూ :

సినిమా చాలా ఆసక్తికరంగా మొదలవుతుంది. అర్జున ఫల్గుణ అనే పదం వెనకాల ఉన్న అర్థం చెప్పడానికి ప్రయత్నించారు. జోక్స్ కూడా కొన్ని బాగానే వర్కౌట్ అయ్యాయి. గోదావరి నేటివిటీ బాగా చూపించారు. అలాగే సినిమాలో నటించిన నటులు కూడా గోదావరి యాసలో చాలా బాగా మాట్లాడారు. ఒక పాయింట్ వరకు సరదాగా సాగిన సినిమా తర్వాత క్రైమ్ థ్రిల్లర్ గా మారిపోతుంది. కానీ కథ చాలా స్లోగా ఉండడం వల్ల సినిమా ముందుకు వెళుతున్న కొద్దీ బోరింగ్ గా అనిపిస్తుంది. మధ్యలో మళ్లీ సినిమా కొంచెం బాగా నడుస్తోంది అనిపించే సమయంలోనే మళ్ళీ స్లో అయిపోతుంది.

పర్ఫార్మెన్సెస్ విషయానికొస్తే శ్రీ విష్ణు తన పాత్రకి సూట్ అయ్యారు. ఇప్పటివరకు శ్రీ విష్ణుని మనం అలాంటి పాత్రల్లో చూసి ఉండం. మిగిలిన నటీనటులు కూడా బాగానే నటించారు. అలాగే మ్యూజిక్ డైరెక్టర్ ప్రియదర్శన్ అందించిన పాటలు అందులోనూ ముఖ్యంగా గోదారి వల్లే సందమామ అనే పాట కూడా చాలా బాగుంది. ఇవన్నీ బాగున్నా కూడా, ప్రేక్షకులకి ఆసక్తి కలిగించే కొత్త పాయింట్ కానీ, లేదా ఉన్న కథను బాగా చూపించే టేకింగ్ కానీ ఏది సినిమాలో లేదు.

ప్లస్ పాయింట్స్ :

• శ్రీ విష్ణు
• పాటలు

మైనస్ పాయింట్స్:

• బోరింగ్ గా ఉండే సీన్స్
• బలహీనమైన కథ

రేటింగ్ :

2/5

ట్యాగ్ లైన్ :

అర్జున ఫల్గుణ థియేటర్లలో కాకుండా డిజిటల్ రిలీజ్ అయ్యి ఉంటే సినిమా ఫలితం యావరేజ్ గా ఉండేది.

• చిత్రం : 83
• నటీనటులు : రణ్‌వీర్ సింగ్, దీపికా పదుకొనే, జీవా.
• నిర్మాత : దీపికా పదుకొనే, కబీర్ ఖాన్
• దర్శకత్వం : కబీర్ ఖాన్
• సంగీతం : ప్రీతమ్
• విడుదల తేదీ : డిసెంబర్ 24, 2021

స్టోరీ :

ఇంగ్లాండ్‌తో 1983లో వరల్డ్‌కప్ జరిగినప్పుడు టీం ఇండియా ఎలాంటి పరిస్థితుల్ని ఎదుర్కొంది అనే అంశం చుట్టూ సినిమా కథ నడుస్తుంది. ఇందులో అప్పటి కెప్టెన్ కపిల్ దేవ్‌గా రణ్‌వీర్ సింగ్ నటించారు. కపిల్ దేవ్ భార్య రోమి దేవ్‌గా దీపిక పదుకొనే నటించారు.

రివ్యూ :

ఈ సినిమా నిజ జీవిత సంఘటనల ఆధారంగా తెరకెక్కింది అనే విషయం తెలిసిందే. భారత దేశం మొత్తం గర్వించదగ్గ విషయంపై ఈ సినిమా ఉండడంతో, హిందీతో పాటు తెలుగు, తమిళ్, మలయాళం, కన్నడ భాషల్లో కూడా సినిమా విడుదల చేశారు. తెలుగులో అన్నపూర్ణ స్టూడియోస్ బ్యానర్ పై నాగార్జున ఈ సినిమాని విడుదల చేశారు. అంతే కాకుండా, కపిల్ దేవ్‌ పాత్ర పోషించిన రణ్‌వీర్ సింగ్ కి, తెలుగులో సుమంత్ డబ్బింగ్ చెప్పారు. కపిల్ దేవ్‌గా రణ్‌వీర్ సింగ్ చాలా బాగా నటించారు. కపిల్ దేవ్ మేనరిజమ్స్, మాటలు, అన్నీ కూడా చాలా ఒరిజినల్ గా అనిపిస్తాయి. ఒక రకంగా చెప్పాలంటే రణ్‌వీర్ ఈ పాత్రలో జీవించారు. అలాగే కృష్ణమాచార్య శ్రీకాంత్ గా నటించిన జీవా పాత్ర కూడా సినిమాకి మరో హైలైట్ గా నిలిచింది.

కపిల్ దేవ్ భార్య రోమి దేవ్‌గా నటించిన దీపిక పదుకొనే, అలాగే మిగతా పాత్రల్లో నటించిన వారు కూడా తమ పాత్రల పరిధి మేరకు బాగా నటించారు. ఈ సినిమాకి అతి పెద్ద ప్లస్ పాయింట్ VFX. ఆ సమయంలో జరిగిన సెలబ్రేషన్ అంతా చాలా బాగా చూపించారు. నిజంగా అప్పుడు అలాగే జరిగిందేమో అని అనిపిస్తుంది. అంత సహజంగా ఉంది. కానీ సినిమా నిడివి మాత్రం చాలా ఎక్కువగా ఉంది. ఫస్ట్ హాఫ్ లో కథని ఇంకా బాగా చెప్పే అవకాశం ఉంది. కానీ చాలా మామూలుగా వెళ్ళిపోతుంది. ఇంటర్వెల్ తర్వాత కథలో వేగం మొదలవుతుంది.

ప్లస్ పాయింట్స్ :

రణ్‌వీర్ సింగ్

VFX

మైనస్ పాయింట్స్:

చాలా స్లోగా నడిచే ఫస్ట్ హాఫ్

రేటింగ్ :

3/5

ట్యాగ్ లైన్ :

ఎటువంటి ఎక్స్పెక్టేషన్స్ లేకుండా వెళ్తే క్రికెట్ అభిమానులకి సినిమా ఎమోషనల్‌గా చాలా కనెక్ట్ అవుతుంది.

• చిత్రం : శ్యామ్ సింగ రాయ్
• నటీనటులు : నాని, సాయి పల్లవి, క్రితి శెట్టి, మడోన్నా సెబాస్టియన్.
• నిర్మాత : వెంకట్ బోయినపల్లి
• దర్శకత్వం : రాహుల్ సాంకృత్యాన్
• సంగీతం : మిక్కీ జె మేయర్
• విడుదల తేదీ : డిసెంబర్ 24, 2021

స్టోరీ :

వాసుదేవ్ (నాని) ఒక డైరెక్టర్ అవ్వాలని అనుకుంటూ ఉంటాడు. కీర్తి (క్రితి శెట్టి) తో ఒక షార్ట్ ఫిలిం చేస్తాడు. ఇది సక్సెస్ అవడంతో తర్వాత వాసుకి ఒక ఫీచర్ ఫిలిం చేసే అవకాశం వస్తుంది. ఆ సినిమా కూడా హిట్ అవడంతో వాసు ఇంక హాట్ టాపిక్ గా మారుతాడు. కొన్ని కారణాల వల్ల పోలీసులు వాసుని అరెస్ట్ చేస్తారు. అందుకు కారణం, వాసుకి తెలిసీ తెలియకుండా తన కథలు 1970లో ఉన్న శ్యామ్ సింగ రాయ్ అనే ఒక వ్యక్తి జీవితానికి సంబంధించినవి అయ్యి ఉంటాయి. అసలు ఈ శ్యామ్ సింగ రాయ్ అనే వ్యక్తిపై వాసు ఎందుకు కథలు రాశాడు? వాసుకి, శ్యామ్ సింగ రాయ్ కి ఏం సంబంధం ఉంది? రోజీ (సాయి పల్లవి), శ్యామ్ సింగ రాయ్ కథేంటి? ఇదంతా తెలియాలంటే మీరు సినిమా చూడాల్సిందే.

రివ్యూ :

దాదాపు రెండు సంవత్సరాల తర్వాత థియేటర్లలో విడుదలైన నాని సినిమా ఇదే. ఈ సినిమా కేవలం తెలుగులో మాత్రమే కాకుండా, తమిళ, కన్నడ, మలయాళ భాషల్లో కూడా విడుదల అయ్యింది. సినిమా బృందం కూడా ఇది ఒక డిఫరెంట్ సినిమా అని ముందు నుంచీ చెబుతూనే ఉన్నారు. సినిమా 2 నేపథ్యాల్లో నడుస్తుంది. ఒకటి ప్రస్తుతం జరిగే టైం పీరియడ్ లో అయితే, మరొకటి చాలా సంవత్సరాల క్రితం కోల్‌కతాలో జరిగిన కథ. కానీ ఈ సినిమాకి ప్లస్ పాయింట్, అలాగే అసలు కథ ఎక్కువగా ఉండేది మాత్రం శ్యామ్ సింగ రాయ్ ఎపిసోడ్‌లోనే. ఈ ఎపిసోడ్‌లో వచ్చే కొన్ని సన్నివేశాలు ఎమోషనల్‌గా ఉంటాయి.

ఇంక పెర్ఫార్మెన్స్ విషయానికొస్తే, నానికి మళ్లీ జెర్సీ తర్వాత శ్యామ్ సింగ రాయ్ లాంటి ఒక మంచి పెర్ఫార్మెన్స్‌కి అస్కారం ఉన్న పాత్ర దొరికింది. వాసు లాంటి పాత్ర అంతకముందు నాని చాలా సార్లు చేసారు. కానీ శ్యామ్ సింగ రాయ్ గా మాత్రమే చాలా బాగా చేసారు. క్రితి శెట్టి, మడోన్నా సెబాస్టియన్ తమ పాత్రల వరకు బాగా చేసారు. నాని తర్వాత సినిమాకి అంత హైలైట్‌గా నిలిచిన నటన మాత్రం సాయి పల్లవిదే. నటన, డ్యాన్స్ అన్నీ చాలా బాగా చేసారు.

రాహుల్ సాంకృత్యాన్ రాసుకున్న కథ బాగుంది. కానీ, కొన్ని సీన్స్ మాత్రం అసలు అనవసరం ఏమో అనిపిస్తాయి. చాలా మంది సినిమా చూసేది శ్యామ్ పాత్ర కోసమే. దాంతో వాసు, కీర్తి మధ్య వచ్చే సీన్స్, అలాగే ఆ ఎపిసోడ్ లో ట్రై చేసిన కామెడీ అదంతా పెద్దగా ఇంప్రెస్ చెయ్యదు. అలాగే నాని, క్రితి శెట్టి పెయిర్ కూడా అంత బాగా అనిపించదు. సాను జాన్ వర్గీస్ అందించిన సినిమాటోగ్రఫీ చాలా బాగుంది. ముఖ్యంగా ఫ్లాష్ బ్యాక్ లో అయితే అసలు ఆ టైంలో కోల్‌కతాలో ఉన్నట్టే ఉంటుంది. అంత బాగా చూపించారు. అలాగే కోల్‌కతా సెట్ అనే విషయం గుర్తుకి కూడా రాకుండా నిజంగా కోల్‌కతాని చూపించినట్టే అనిపిస్తుంది.  కాస్ట్యూమ్స్, పాత్రల గెటప్స్ కూడా బాగున్నాయి.

ప్లస్ పాయింట్స్ :

• నాని, సాయి పల్లవి
• సినిమాటోగ్రఫీ
• మ్యూజిక్
• ఫ్లాష్‌బ్యాక్‌లో అందించిన మెసేజ్

మైనస్ పాయింట్స్:

• వాసు, కీర్తి సీన్స్
• అక్కడక్కడా వర్కౌట్ అవ్వని కామెడీ

రేటింగ్ :

3/5

ట్యాగ్ లైన్ :

మధ్య మధ్యలో వచ్చే కొన్ని అనవసరమైన సీన్స్ మినహాయిస్తే, శ్యామ్ సింగ రాయ్ ఒక మంచి డిఫరెంట్ సబ్జెక్ట్ ఉన్న సినిమా. టీజర్, పాటలు, ట్రైలర్ చూసి అంచనాలు పెంచుకున్న ప్రేక్షకుడిని మాత్రం డిసప్పాయింట్ చెయ్యదు.

చిత్రం: పుష్ప
నటీనటులు: అల్లు అర్జున్, రష్మిక మందన, ఫహాద్ ఫాజిల్, జగపతిబాబు, సునీల్ శెట్టి, ప్రకాష్ రాజ్, సునీల్, అనసూయ తదితరులు
నిర్మాతలు: నవీన్ యెర్నేని, వై. రవి శంకర్
దర్శకత్వం: సుకుమార్
సంగీతం: దేవి శ్రీ ప్రసాద్
విడుదల తేదీ: డిసెంబర్ 17, 2021

స్టోరీ :

ఎర్ర చందనం డిమాండ్ ని ఫోకస్ చేస్తూ జపాన్ బ్యాక్ డ్రాప్ తో సినిమా మొదలవుతుంది. సుకుమార్ స్టైల్ లో టైటిల్స్ పడ్డాక ఎర్ర చందనం స్మగ్లింగ్ చేసే కూలీగా అల్లు అర్జున్ (పుష్ప రాజ్) పరిచయం అవుతాడు. పోలీసు గోవిందప్పగా హరీష్ ఉత్తమన్ పరిచయం అవుతారు. కొండారెడ్డి బ్రదర్స్ తో పుష్ప రాజ్ చేతులు కలుపుతాడు. అక్కడినుండి స్టోరీ కొంచెం లవ్ యాంగిల్ సైడ్ వెళుతుంది. శ్రీవల్లిగా రష్మిక పరిచయం అవ్వడం. ఆమె వెంట పుష్ప రాజ్ పడడం. మంగళం శీనుగా సునీల్, దాక్షాయినిగా అనసూయ తెరపై పరిచయం అవుతారు.

స్మగ్లింగ్ సీన్ తర్వాత సమంత స్పెషల్ సాంగ్. తర్వాత పుష్ప రాజ్ అమ్మతో ఎమోషనల్ సీన్స్ తో ఇంటర్వెల్. సునీల్ కి వ్యతిరేకంగా పుష్ప రాజ్ వెళ్లడంతో సెకండ్ హాఫ్ మొదలవుతుంది. కొండారెడ్డి బ్రదర్స్ కి కూడా పుష్ప రాజ్ ఎదురెళ్తాడు. అప్పుడు పుష్ప రాజ్ లైఫ్ లో ఎలాంటి ట్విస్ట్ ఎదురైంది? ఎలాంటి సమస్యల్లో పడ్డాడు? భన్వర్ సింగ్ షెకావత్ గా ఫహద్ మాస్ ఎంట్రీ ఇవ్వడం…ఇవన్నీ తెలియాలంటే సినిమా చూడాల్సిందే.

రివ్యూ :

డైరెక్టర్ సుకుమార్ ఈ సినిమాకు అద్భుతమైన కథను అందించాడు. ఇందులో అల్లు అర్జున్, రష్మిక మందన మాస్ లుక్ లు అద్భుతంగా ఉన్నాయి. మధ్య మధ్యలో ట్విస్టులతో బాగా హైలెట్ గా చూపించారు. కానీ పార్ట్ 1 లో ఏదో వెలతి కనిపిస్తుంది. ఫాన్స్ అంచనాలను అందుకోలేకపోయింది. క్లైమాక్స్ 30 నిముషాలు ఇంటరెస్టింగ్ గా ఉంటుంది. ఫహద్ – పుష్పా రాజ్ ల మధ్య సన్నివేశాలు హైలైట్ క్లైమాక్స్ లో . పార్ట్ 2 లో ఎలా తీస్తారో వేచి చూడాలి.

ప్లస్ పాయింట్స్ :

• అల్లు అర్జున్, రష్మిక మందనల నటన
• సమంత స్పెషల్ సాంగ్
• సాంగ్స్,
• సినిమా స్టోరీ, బ్యాక్ గ్రౌండ్, డైలాగ్స్,
• ట్విస్ట్, ఎమోషనల్ సీన్స్
• ఫారెస్ట్, డామ్ సీన్స్
• క్లైమాక్స్

మైనస్ పాయింట్స్:

• అక్కడక్కడా బోరింగ్ సన్నివేశాలు
• సెకండ్ హాఫ్ లో అల్లు అర్జున్ – రష్మిక ల లవ్ సీన్స్

రేటింగ్ : 3.5 / 5

ట్యాగ్ లైన్: 

ఎర్ర చందనం స్మగ్లింగ్ చేసే కూలి నుండి సిండికేట్ బాస్ గా ఎదగడమే పార్ట్ 1 పుష్ప రాజ్ “పుష్పా – ది రైజ్”. ఫస్ట్ హాఫ్ చాలా బాగుంది. సెకండ్ హాఫ్ కొంచెం సాగదీశారు. క్లైమాక్స్ కి వచ్చేసరికి మళ్ళీ ఇంటరెస్టింగ్ గా ఎండ్ అయ్యింది. పుష్ఫ సినిమా ఒకసారి చూడచ్చు.

Also Read: Pushpa Movie Twitter Review