2023 వన్డే ప్రపంచ కప్ లీగ్ స్టేజ్ ముగిసి ఆఖరి ఘట్టానికి చేరుకుంది. ఇండియా అభిమానుల అంచనాలను నిజం చేస్తూ సెమీఫైనల్ కి చేరుకుంది. అయితే ఈ వరల్డ్ కప్ ప్రారంభంలో చాలామంది ప్లేయర్స్ మీద అభిమానులు భారీ అంచనాలు పెట్టుకున్నారు. చాలామంది సీనియర్ ప్లేయర్స్ అభిమానుల అంచనాలను తలకిందులు చేశారు.
బాగా రాణిస్తారు అనుకున్న వారు చేతులెత్తేశారు. అనూహ్యంగా అంచనా లేనివారు మంచి ప్రదర్శన కనబరిచారు. అయితే మంచి అంచనాలతోటి వరల్డ్ కప్ లోకి ఎంటర్ అయ్యి, ఫెయిల్ అయిన పదిమంది ఆటగాళ్ల లిస్ట్ మీకోసం….
1. టామ్ లెతమ్:
న్యూజిలాండ్ కి చెందిన ఈ వికెట్ కీపర్ కం బ్యాట్స్ మెన్ ప్రపంచ కప్ లోకి మంచి అంచనాల మధ్య ఎంటర్ అయ్యాడు. కేన్ విలియమ్సన్ లేకపోవడంతో కెప్టెన్సీ బాధ్యతలు కూడా అప్పగించారు. అయితే అనుకున్నంత విధంగా టామ్ రాణించలేదు. న్యూజిలాండ్ మేనేజ్మెంట్ భారీ ఆశలు పెట్టుకుంది.అయితే అనుకున్న విధంగా టామ్ ప్రదర్శన లేదు.ఈ వరల్డ్ కప్ లో ఇప్పటి వరకు 155 పరుగులు మాత్రమే చేశాడు.
2. షదాబ్ ఖాన్:
పాకిస్తాన్ కి చెందిన యంగ్ ఆల్ రౌండర్ వరల్డ్ కప్ లోకి భారీ అంచనాలు మధ్య బరిలోకి దిగాడు. పాకిస్తాన్ అతనికి వైస్ కెప్టెన్ బాధ్యతలు కూడా అప్పగించింది. అటు బౌలింగ్ లోను ఇటు బ్యాటింగ్ లో కూడా విఫలమయ్యాడు. ఆరు మ్యాచ్ లు ఆడిన ఇతను 121 పరుగులు మాత్రమే చేశాడు.
3.మిచెల్ స్టార్క్:
ఈ లిస్టులో ఇతని పేరు ఉండడం ఆశ్చర్యానికి గురి చేసే విషయమే. గత వరల్డ్ కప్ లో మిచెల్ స్టార్క్ కి మంచి రికార్డు ఉంది. అయితే ఈ వరల్డ్ కప్ లో మాత్రం అనుకున్న విధంగా పెర్ఫామ్ చేయలేదు. మొత్తంగా ఇప్పటివరకు 10 వికెట్లు మాత్రమే తీశాడు.
4.స్టీవ్ స్మిత్:
ఈ పేరు గురించి పరిచయమే అక్కర్లేదు. ప్రపంచంలోనే ది బెస్ట్ బ్యాట్స్ మెన్. ఇండియా పిచ్ లలో మంచి రికార్డులు ఉన్నాయి. అయితే స్టీవ్ స్మిత్ అనుకున్న విధంగా ఈ వరల్డ్ కప్ లో రాణించలేదు.
మొత్తంగా చూసుకుంటే ఇప్పటివరకు 268 పరుగులు చేశాడు.
5. బాబర్ అజామ్:
పాకిస్తాన్ కెప్టెన్ బాబర్ ఆజమ్ ఈ వరల్డ్ కప్ లో తన మీద పెట్టుకుని అంచనాలన్నీ వొమ్ము చేసాడు. నాలుగు హాఫ్ సెంచరిలు అయితే చేశాడు కానీ అవి టీం కి ఏ మాత్రం ఉపయోగపడలేదు. తన పూర్ పెర్ఫామెన్స్ కారణంగా కెప్టెన్సీ నుంచి తొలగించాలనే విమర్శలు కూడా ఎదుర్కున్నాడు.
6. లియాం లివింగ్ స్టోన్:
ఇంగ్లాండ్ కి చెందిన ఈ సీనియర్ బ్యాట్స్ మెన్ ఈ వరల్డ్ కప్ లో ఫ్యాన్స్ ని బాగా డిసప్పాయింట్ చేశాడు. ఐపీఎల్ లో ఇతనికి మంచి రికార్డు ఉంది. అయితే వరల్డ్ కప్ లో ఏ మాత్రం ఇంపాక్ట్ చూపించలేకపోయాడు. ఆరు మ్యాచులు ఆడి కేవలం 60 పరుగులు మాత్రమే చేశాడు.
7. టెంబా బావూమా:
సౌత్ ఆఫ్రికన్ కెప్టెన్ కం ఓపెనర్ బ్యాట్స్ మెన్ మీద మంచి అంచనాలు ఉన్నాయి. ఈ వరల్డ్ కప్ కి ముందు మంచి కన్సిస్టెన్సీ తో పెర్ఫామెన్స్ చేశాడు. అయితే ఈ వరల్డ్ కప్ మ్యాచ్ లలో మాత్రం అనుకున్న విధంగా పెర్ఫామ్ చేయలేదు.మొత్తంగా 145 పరుగులు మాత్రమే చేశాడు.
8. జోస్ బట్లర్:
ఈ వరల్డ్ కప్ లో అందరికంటే ఎక్కువగా డిసప్పాయింట్ చేసింది ఇంగ్లాండ్ కెప్టెన్ జోస్ బట్లర్.
డిపెండింగ్ ఛాంపియన్ గా బరిలోకి దిగిన ఇంగ్లాండ్టీం లో ఇతను పైన భారీ అంచనాలు ఉన్నాయి. అయితే బట్లర్ మాత్రం బాగా డిసప్పాయింట్ చేశాడు.9 మ్యాచ్ లు ఆడి కేవలం 138 పరుగులు మాత్రమే చేశాడు.
9.జో రూట్:
ఈ ఇంగ్లాండ్ ప్లేయర్ మీద ఈ వరల్డ్ కప్ లో మంచి అంచనాలు ఉన్నాయి. గత ఐపీఎల్ లో కూడా బాగా రాణించాడు. వరల్డ్ కప్పుకి ముందు మంచి యావరేజ్ కూడా ఉంది. అయితే రియాల్టిలో పెర్ఫార్మన్స్ మాత్రం అనుకున్న విధంగా లేదు. కేవలం 276 పరుగులు మాత్రమే చేయగలిగాడు.
10. జానీ బెయిర్ స్టో:
ఈ ఇంగ్లాండ్ డిస్ట్రక్టివ్ బ్యాట్స్ మెన్ పైన వరల్డ్ కప్ కి ముందు మంచి అంచనాలు ఉన్నాయి. ఇండియాలో బాగా పెర్ఫార్మ్ చేసే బెయిర్ స్టో వరల్డ్ కప్ లో దున్నేస్తారని అందరూ అనుకున్నారు కాకపోతే ఆ అంచనాలన్నీ తలకిందులు చేశాడు. 9 మ్యాచ్ లు ఆడి కేవలం 215 పరుగులు మాత్రమే చేశాడు.
Also Read:సిరాజ్ ఈ పద్ధతి మార్చుకోకపోతే ఓడిపోతాం ఏమో..? విషయం ఏంటంటే..?
వన్డే వరల్డ్ కప్ 2023 భారత జట్టు ఇప్పటి వరుకు ఆడిన 8 మ్యాచుల్లో, 8 విజయాలు సాధించి, సెమీస్ కు చేరుకున్న విషయం తెలిసిందే. అయితే టీమిండియా 2015, 2019 ప్రపంచ కప్ టోర్నీలలో సెమీస్ ను దాటలేకపోయింది. ఈసారి జట్టు అద్భుతంగా రాణిస్తుండడంతో ఆ గండాన్ని దాటుతుందని ఫ్యాన్స్ భావిస్తున్నారు. జట్టుకు అండగా అతి పెద్ద బలంగా రోహిత్ శర్మ ఉండడం వల్ల సెమీస్ గండాన్ని దాటి, కప్ ను అందుకుంటారని అభిమానులు అనుకుంటున్నారు.
టీమిండియా సారధి రోహిత్ శర్మ సెంచరీలు, సెంచరీలు చేయకపోయినా, ఓపెనర్ గా ఆరంభంలోనే తన దూకుడు బ్యాటింగ్ తో ప్రత్యర్ధి జట్టును డిఫెన్స్ లో పడేశాడు. ఆస్ట్రేలియాతో ఆడిన మొదటి మ్యాచ్‌లో దురదృష్టవశాత్తూ మొదట్లోనే అవుట్ అయినా, ఆ తరువాత మ్యాచ్ లలో ఇన్నింగ్స్ మొదటి నుండే ఫోర్లు, సిక్సర్లతో అవతలి జట్టుకు చుక్కలు చూపించాడు. అవుట్ అయ్యేలోపు భారత జట్టుకు అద్భుతమైన ఆరంభాన్ని ఇస్తూ, గెలుపుకు పునాది వేశాడు. ఈ క్రమంలో రోహిత్ శర్మ అర్ధ సెంచరీలు, సెంచరీ చేయలేకపోతున్నాడు.
వ్యక్తిగత రికార్డులకు ఎలాంటి ప్రాధాన్యం ఇవ్వకుండా, రోహిత్ శర్మ టీమిండియా కోసమే ఆడుతున్నాడు. 8 మ్యాచుల్లో 442 రన్స్ చేశాడు. అవి కూడా వందకి పైన స్టైక్ రేట్ తో, ఇదే అతని ఆటను తెలియయచేస్తుంది. సారధ్యం విషయంలో సైతం రోహిత్ శర్మ తన మార్కును చూపిస్తున్నాడు. రోహిత్ శర్మ ప్రపంచ కప్ 2023 టోర్నీలో ఫీల్డ్ సెట్టింగ్, బౌలర్లను ఉపయోగించుకున్న విధానం, డీఆర్ఎస్ వాడిన తీరు హైలెట్ గా అనవచ్చు. ఇలా ఆరంభ ఇన్నింగ్స్ మరియు కెప్టెన్సీ తో టీమిండియా రోహిత్ శర్మ అతి పెద్ద బలంగా మారాడని ఫ్యాన్స్ భావిస్తున్నారు.
ప్రపంచ కప్ టోర్నీలో ఇప్పటికే సెమీస్ ఫైనల్ కు భారత్, ఆస్ట్రేలియా, సౌతాఫ్రికా చేరుకున్న విషయం తెలిసిందే. భారత్ ఆడిన 8 మ్యాచ్ లలో అన్ని గెలిచి 16 పాయింట్లతో అగ్రస్థానంలో కొనసాగుతోంది. రెండవ స్థానంలో సౌతాఫ్రికా జట్టు 12 పాయింట్లతో ఉంది. ఆస్ట్రేలియా 12 పాయింట్లతో, 0.861 నెట్ రన్ రేట్ తో మూడవ స్థానంలో ఉంది. న్యూజిలాండ్ శ్రీలంక పై గెలుపుతో పది పాయింట్లతో నాలుగవ స్థానంలో ఉంది. సెమీస్ లో భారత్, న్యూజిలాండ్ మధ్య, ఆస్ట్రేలియా, సౌతాఫ్రికా మధ్య మ్యాచ్ ఉన్నట్టు తెలుస్తోంది. పాకిస్తాన్, ఆఫ్ఘనిస్తాన్ టీమ్స్ ఏదో వండర్ జరిగితే తప్ప సెమీ ఫైనల్ కు వెళ్ళడం అసంభవం.
ఈ క్రమంలో అందరి దృష్టి ఇప్పుడు ఫైనల్ కు వెళ్ళే రెండు జట్లు పై ఉంది. ప్రస్తుతం జట్టుకు ఫామ్ ను బట్టి, బలాబలాలు బట్టి భారత్, ఆస్ట్రేలియా ఫైనల్ కు చేరుకుంటాయని అంటున్నారు. దీంతో 2003 ప్రపంచ కప్ ఫైనల్ రిపీట్ కాబోతుందని అంటున్నారు. ఎందుకంటే ఈ భారత్, ఆస్ట్రేలియా జట్లు మంచి ఫామ్‌లో ఉన్నాయి. 2003 ప్రపంచ కప్‌లో కూడా భారత్, ఆస్ట్రేలియా జట్లు అద్భుతమైన ఫామ్‌లో ఉన్న విషయం తెలిసిందే. న్యూజిల్యాండ్, సౌతాఫ్రికా మంచి ఫామ్ లో ఉన్నా, లీగ్ దశలో రెండు తడబడటం కనిపించింది.
భారత్ తడబాటు లేకుండానే సెమీస్ కు చేరుకుంది. ఆసీస్ మొదట్లో తడబడినప్పటికీ ఏమాత్రం వెనక్కు వెళ్ళలేదు. ఇక ఈ టోర్నీలో సౌతాఫ్రికా తడబడటం తెలిసిందే. అందువల్ల ఆస్ట్రేలియా రెండో సెమీస్‌లో సౌతాఫ్రికాను ఓడిస్తుందని అనుకుంటున్నారు. అలా జరిగితే భారత్, ఆస్ట్రేలియా మధ్య ఫైనల్ జరుగుతుంది. ఫైనల్‌లో ఆస్ట్రేలియాను ఓటమి పలు చేసి భారత్ ప్రపంచ కప్ ను అందుకుంటుందని అభిమానులు అంచనా వేస్తున్నారు.
