కొంత మంది ఎంతో కష్టపడి జీవితాన్ని సాగిస్తూ ఉంటారు. వారి కష్టాన్ని ఎవరు గుర్తించినా, గుర్తించకపోయినా కూడా అంతే కష్టపడుతూ పైకి ఎదుగుతూ ఉంటారు. కానీ ఇప్పుడు సోషల్ మీడియా వచ్చిన తర్వాత అలాంటి కష్టపడే వాళ్ళకి ఒక వెలుగు వచ్చినట్టు అయ్యింది.
కష్టపడే వాళ్ళందరూ కనిపించాలి అనే అవసరం లేదు. మనకి తెలియకుండా మన చుట్టూ స్ఫూర్తినిచ్చే కథలు ఎన్నో ఉంటాయి. వారందరి జీవితాలని సోషల్ మీడియా ద్వారా బయటికి తీసుకొచ్చే ప్రయత్నం చేస్తున్నారు. అలా ఇటీవల ఒక వ్యక్తి సోషల్ మీడియా ద్వారా ఫేమస్ అయ్యారు. ఆవిడే సాయి కుమారి.
ఐటీసీ కోహినూర్ దగ్గర ఫుడ్ స్టాల్ పెట్టి, ఎంతో మంది కడుపు నింపుతున్నారు. తాను ఒక్కరోజు ఎంత కష్టపడతారో చాలా సార్లు వివరించారు. గుడివాడకి చెందిన సాయికుమారి హైదరాబాద్ కి వచ్చిన తర్వాత మిషన్ కుట్టారు. అంతే కాకుండా సింగర్ హేమచంద్ర తల్లిదండ్రుల ఇంట్లో వంట చేసేవారు. వాళ్ల ప్రోత్సాహంతోనే ఈ ఫుడ్ స్టాల్ మొదలు పెట్టాను అని చెప్పారు. వారిని దేవుళ్లతో సమానంగా చూస్తాను అని అన్నారు.
సాయి కుమారి దగ్గర ప్లేట్ వెజ్ కి 60 రూపాయలు కాగా, నాన్ వెజ్ ప్లేట్ 80 రూపాయలకు అందిస్తున్నారు. బాగార వంటి రైస్ ఐటెమ్స్ కూడా అందుబాటులో ఉన్నాయి. నాన్ వెజ్ లో గ్రేవీ చికెన్, ఫ్రైడ్ చికెన్, లివర్ ఫ్రై, బోటి కర్రీ, అండా కర్రీ, చేపల కర్రీ వంటి ప్లేట్ కు ఒక ఐటెం చొప్పున అందిస్తున్నారు. సోషల్ మీడియాలో ఇలాంటి మనుషుల కథలు ఎంత బాగా చూపిస్తారో, కొన్నిసార్లు అలాగే ట్రోల్ చేస్తారు కూడా.
సాయి కుమారి 2 లివర్లకి వెయ్యి రూపాయలు అని చెప్తున్న ఒక వీడియో బయటకి వచ్చింది. “అంత ధర పెట్టి ఎందుకు అమ్ముతున్నారు?” అంటూ కొంత మంది కామెంట్స్ కూడా చేశారు. మరి కొంతమంది అయితే ఆవిడ మాట్లాడే మాటలని రీల్స్ చేసి ట్రోల్ చేశారు. అయితే ఇందులో ఎంతవరకు నిజం ఉంది అనేది మాత్రం ఎవరు ఆలోచించలేదు. కానీ ఇటీవల ఇదే సోషల్ మీడియా వల్ల అసలు ఆ వార్తలు ఎంత నిజం ఉంది అనేది బయటికి వచ్చింది.
సాయి కుమారి ఈ విషయం మీద మాట్లాడుతూ, “ఆరోజు తినడానికి ఆరుగురు వచ్చారు. మొత్తం కలిపి 840 రూపాయలు అయ్యింది. తర్వాత ఆరుగురు ఆరుగురు ఎక్స్ట్రా తీసుకున్నారు. మొత్తం 900 అయ్యింది. తర్వాత వంద రూపాయలు లివర్లు రెండు ఎక్స్ట్రా వేయమన్నారు. మొత్తం చూసుకోగా వెయ్యి రూపాయలు అయ్యింది. తిన్న తర్వాత ఇస్తాము అని అన్నారు. అందుకే అడిగాను” అని చెప్పారు. సోషల్ మీడియాలో ఇలా ట్రోల్ చేస్తున్నారు కదా అని అడగగా, “చేయనివ్వండి. వాళ్లకి నిజం తెలియదు కదా? అయినా నవ్వుకున్నారు కదా? వాళ్లు హ్యాపీగా ఉన్నారు కదా? పర్వాలేదులే” అని నవ్వేశారు.
తనని ట్రోల్ చేసినా కూడా చాలా సరదాగా తీసుకున్నారు. నిజానిజాలు ఏంటో తెలుసుకోకుండా ఆవిడ అన్న ఒక్క మాటని మాత్రమే పట్టుకుని విపరీతంగా ట్రోల్ చేశారు. కానీ అసలు నిజం ఇది. ఈ వీడియో షేర్ చేశాక చాలా మంది ఇది చూసి ఆవిడకి మద్దతుగా మాట్లాడుతున్నారు. కానీ వీడియో రాకముందు మాత్రం ఆమెకి మద్దతు ఇచ్చిన వారు తక్కువ మంది ఉన్నారు. అందరూ ఆమె మాటని పట్టుకొని ట్రోల్ చేసిన వాళ్లే. మొత్తం తెలుసుకోకుండా ఎవరిని ఇలా ట్రోల్ చేయొద్దు అని అనుకోవడానికి ఇది ఒక ఉదాహరణ.
watch video :
https://www.instagram.com/reel/C2elqzopINo/?igsh=MWpkYmM3a3poYnB3OQ%3D%3D
ALSO READ : 30 వచ్చినా కూడా మగవారు పెళ్లిపై ఎందుకు ఆసక్తి చూపించట్లేదు.? 7 కారణాలు ఇవేనా.?
వై ఎస్ షర్మిల, బ్రదర్ అనిల్ కుమార్ ల కుమారుడు రాజా రెడ్డి వివాహం ప్రియా అల్లూరితో ఫిబ్రవరి 17న జరగనున్న విషయం తెలిసిందే. జనవరి 18న వీరి నిశ్చితార్ధం జరగనుంది. ఈ నేపథ్యంలో ఎంగేజ్ మెంట్ మరియు పెళ్లికి ఆహ్వానిస్తూ షర్మిల తన అన్న, ఏపీ ముఖ్యమంత్రి జగన్, తెలంగాణ ముఖ్యమంత్రి రేవంత్ రెడ్డి, తెలంగాణ గవర్నర్ తమిళిసై, టీడీపీ అధినేత చంద్రబాబు నాయుడు ఆహ్వానించారు.
అంతేకాకుండా పలువురు మంత్రులు, కాంగ్రెస్ నేతలు, ప్రతిపక్ష నేతలకు స్వయంగా ఆహ్వాన పత్రికలను ఇచ్చారు. ఈ క్రమంలో ఎంగేజ్ మెంట్ మరియు పెళ్లి పత్రికలు నెట్టింట్లో వైరల్ గా మారాయి. జనవరి 18న షర్మిల కుమారుడు రాజారెడ్డి, ప్రియ నిశ్చితార్ధం హైదరాబాద్ లో గండిపేటలోని గోల్కొండ రిసార్ట్స్ వేదికగా జరగనుంది. ఈ వేడుకకు ముఖ్యమంత్రి జగన్ హాజరవుతారని తెలుస్తోంది. వైఎస్సార్ ఫ్యామిలీ మెంబర్స్ తో పాటు, పలువురు రాజకీయ నాయకులు హాజరు కానున్నారని సమాచారం.
తెలంగాణ సీఎం రేవంత్, టీడీపీ అధినేత చంద్రబాబును కూడా షర్మిల ఆహ్వానించారు. అయితే ఈ నిశ్చితార్ధంకు నారా లోకేష్ అటెండ్ అవుతారని తెలుస్తోంది. ఈ ఆహ్వానంను రాజకీయాలకు అతీతంగా చూడాలని షర్మిల కోరిన విషయం తెలిసిందే. దాంతో ఈ వేడుక పై అందరి దృష్టి పడింది. ఎవరెవరు హాజరు అవుతారనే విషయాన్ని ఆసక్తిగా గమనిస్తున్నారు.
గత ఏడాది సంక్రాంతికి రిలీజ్ అయిన నందమూరి బాలకృష్ణ వీర సింహారెడ్డి సినిమాలో హనీ రోజ్ నటించింది. ఆ మూవీ హిట్ అవడంతో ఆమెకు క్రేజ్ వచ్చింది. 2005 లో మళయాళంలో రిలీజ్ అయిన ‘బాయ్ ఫ్రెండ్’ మూవీతో ఎంట్రీ ఇచ్చారు. 2008 లో ఆలయం మూవీతో తెలుగులో అడుగుపెట్టారు. ఆ తరువాత వర్షం సాక్షిగా లో నటించినా గుర్తింపు రాలేదు. ఆ తరువాత తమిళ, కన్నడ చిత్రాలలో నటించారు.
2022 లో వచ్చిన ‘వీర సింహారెడ్డి’ తో ఆమెకు మంచి ఫేమ్ లభించింది. కానీ సినిమా ఆఫర్స్ మాత్రం ఎక్కువగా రాలేదు.సినీ అవకాశాలు ఎలా ఉన్నా, హనీ రోజ్ షాపింగ్ మాల్స్ ఓపెనింగ్స్. ఇతర ఈవెంట్స్ లో పాల్గొంటూ బిజీ బిజీగా ఉన్నారు. తాజాగా ఓ షాప్ ఓపెనింగ్ కి హాజరు అయిన హనీ రోజ్ న్యూ లుక్ లో వెరైటీగా కనిపించారు. ఆ ఫోటోలు ప్రస్తుతం సోషల్ మీడియాలో వైరల్ అవుతున్నాయి.
న్యూ హెయిర్ స్టైల్‌, ఆరంజ్ కలర్ డ్రెస్‌లో అచ్చం హాలీవుడ్ హీరోయిన్ హనీ రోజ్ కనిపించారు. ఆమె కాస్మోటిక్ సర్జరీ చేయించు కుందని కొన్ని రూమర్స్ వచ్చిన విషయం తెలిసిందే. వాటిపై స్పందిస్తూ అవన్నీ రూమర్స్ అని క్లారిటీ ఇచ్చారు. హనీ రోజ్ ప్రస్తుతం మళయాళంలో ‘తేరీ మేరీ’ తెలుగులో ‘గాలి బ్రదర్స్’ సినిమాలలో నటిస్తున్నారు.
ఇప్పుడు అసలు విషయం ఏంటి అంటే. చిరంజీవి గారి పెళ్లి టైం కి ఆయన ఇంకా స్టార్ అవ్వలేదు. అల్లు రామలింగయ్య గారు అప్పటికే ఇండస్ట్రీ లో సీనియర్ నటుడు. అంత పెద్ద నటుడు తన కూతురుకి చిరుని ఇచ్చి ఎలా పెళ్లి చేసారు అని అప్పట్లో అందరు అనుకునే వారు. ఈ ప్రశ్నలకు సీనియర్ హీరోయిన్ జవాబిచ్చింది. చిరంజీవి సురేఖను వివాహం చేసుకోవడానికి సీనియర్ హీరోయిన్ రాజ శ్రీ నే కారణమట. తాజాగా ఓ ఇంటర్వ్యూలో ఆమె ఈ విషయాలు బయటపెట్టారు.
