Viral

సుశాంత్ సింగ్ రాజ్ పుత్ మరణం కేసు లో మూడు రోజుల ఎంక్వయిరీ తర్వాత రియా చక్రవర్తిని పోలీసులు అరెస్ట్ చేశారు. అరెస్ట్ చేసిన తర్వాత వీడియో కాల్ ద్వారా రియా చక్రవర్తిని మేజిస్ట్రేట్ ముందు హాజరు పరిచారు. ఎన్సీబీ అధికారులు రియా చక్రవర్తి బెయిల్ పిటిషన్ ని కొట్టివేశారు. రియా చక్రవర్తి ని 14 రోజుల కస్టడీలోకి తీసుకున్నారు. బుధవారం ఉదయం రియా చక్రవర్తిని జైలుకి తరలించారు. రియా చక్రవర్తి అరెస్ట్ తర్వాత ఇండస్ట్రీలో ఎంతో మంది ప్రముఖులు #జస్టిస్ ఫర్ రియా (#justiceforrhea) పేరుతో రియా చక్రవర్తికి మద్దతు ఇస్తున్నారు.

డ్రగ్స్ కేసు విషయంలో రియా చక్రవర్తి కొంత మంది బాలీవుడ్ ప్రముఖుల పేర్లు కూడా చెప్పారట.  ఆ లిస్ట్ లో రియా చక్రవర్తి చెప్పిన మొదటి ముగ్గురు సెలబ్రిటీల పేర్లని టైమ్స్ నౌ వాళ్లు విడుదల చేశారు. టైమ్స్ నౌ కథనం ప్రకారం ఆ ముగ్గురు సెలబ్రిటీలు ఎవరంటే సారా అలీ ఖాన్, రకుల్ ప్రీత్ సింగ్, సిమోన్ ఖంబట్టా. సారా అలీ ఖాన్, రకుల్ ప్రీత్ సింగ్ హీరోయిన్లు అనే విషయం అందరికి తెలిసిందే. సిమోన్ ఖంబట్టా ఒక ఫ్యాషన్ డిజైనర్.

రియా చక్రవర్తి వీళ్ళిద్దరి పేర్లు అధికారులకి చెప్పడం పై గత కొద్ది రోజులుగా చర్చ జరుగుతూనే ఉంది. అయితే ఎన్సీబీ డిప్యూటీ డైరెక్టర్ కే పి ఎస్ మల్హోత్రా ఇదంతా కేవలం రూమర్ అని, బాలీవుడ్ సెలబ్రిటీల జాబితా తాము తయారు చేయలేదని, డ్రగ్ డీలర్స్, పెడ్లర్స్ వివరాలు మాత్రమే ఐడెంటిఫై చేశామని, వాళ్ళిద్దరి (రకుల్ ప్రీత్ సింగ్, సారా అలీ ఖాన్) పేర్లు లేవు అని చెప్పారు.

దాంతో నటి సమంత రకుల్ ప్రీత్ సింగ్ కి , సారా అలీ ఖాన్ కి క్షమాపణలు చెప్తూ అధికారులు రూమర్ అని ప్రకటించిన వార్తలని #సారీ రకుల్, #సారీ సారా (#sorryrakul, #sorrysara) అనే హాష్ ట్యాగ్ తో సోషల్ మీడియాలో పోస్ట్ చేశారు.

సమంత తో పాటు సోషల్ మీడియాలో ఎంతోమంది రకుల్ ప్రీత్ సింగ్ కి , సారా అలీ ఖాన్ కి క్షమాపణలు చెప్పారు.

స్టైలిష్ స్టార్ అల్లు అర్జున్ శనివారం ఆదిలాబాద్ లో సందడి చేశారు. తన కుటుంబంతో కలిసి ఆదిలాబాద్ లోని కుంతల జలపాతం సందర్శించారు అల్లు అర్జున్. డిఫరెంట్ గెటప్ లో ఉన్న అల్లు అర్జున్ ఫొటోలు ప్రస్తుతం సోషల్ మీడియాలో వైరల్ అవుతున్నాయి.

2020 సంవత్సరం మొదట్లో వచ్చిన అల వైకుంఠపురం సినిమా తో బ్లాక్ బస్టర్ అందుకున్న అల్లు అర్జున్, తన తరువాత రాబోయే సినిమా పుష్ప కి సంబంధించిన పనుల్లో ఉన్నారు.

పాన్ ఇండియా చిత్రంగా రూపొందుతున్న ఈ సినిమా కోసం అల్లు అర్జున్ గెటప్ మార్చడం మాత్రమే కాకుండా, చిత్తూరు యాస కూడా నేర్చుకుంటున్నారట.

అయితే ఈ చిత్రం షూటింగ్ కేరళలో జరగాల్సి ఉందట. కానీ కరోనా కారణంగా ఇక్కడే షూట్ చేద్దామని చిత్ర బృందం నిర్ణయించుకున్నట్టు సమాచారం. ఇప్పుడు అల్లు అర్జున్ బయటికి వచ్చింది కూడా పుష్ప సినిమా లొకేషన్స్ కోసమే అట.

ఏదేమైనా అల్లు అర్జున్ న్యూ లుక్ చూసి ప్రేక్షకులకి పుష్ప సినిమా ఎలా ఉండబోతుందో అనే ఆసక్తి ఇంకా పెరిగింది.

ఇంకొక విషయం ఏంటంటే అల్లుఅర్జున్ ధరించిన మాస్క్ మీద AA అని రాసి ఉంది. అలాగే అల్లు అర్జున్ ఇటీవల మేకోవర్ చేయించిన తన రేంజ్ రోవర్ కార్ టైర్ మీద కూడా AA అని రాసి ఉంది.

ప్రస్తుతం ఈ కార్ టాక్ ఆఫ్ ది టౌన్ గా మారింది. సినిమాల్లోనే కాకుండా బయట కూడా తనదైన స్టైల్ క్రియేట్ చేస్తూ రియల్ లైఫ్ లో కూడా స్టైలిష్ అనిపించుకుంటున్నారు అల్లు అర్జున్.