Viral

వావ్ .. చూడడానికి ఎంత ముచ్చటగా ఉందో.. అసలు ఇంతకాలం ఇలాంటి సన్నివేశం చూడడానికే కదా ఒళ్లంతా ఉన్న కొమ్ముల్ని కళ్లు చేసుకుని ఎదురు చూస్తున్నా … అనుకుంటూ వికటాట్టహాసం చేసి ఉంటుంది కరోనా వైరస్.. నిన్నటి ముంబై మెరైన్ డ్రైవ్ లో దృశ్యాన్ని చూసి… ఒకరు కాదు ఇద్దరు వందల సంఖ్యల్లో జనాలు వాకింగ్ ,జాగింగ్ పేరిట ఒక చోట చేరిన ఫొటో ఒకటి సోషల్ మీడియాలో వైరలవుతోంది..

కరోనా కట్టడి కోసం అమలు చేసిన లాక్ డౌన్ ని సడలించగానే జనం విచ్చలవిడిగా రోడ్లపైకి రావడం ప్రారంభించారు..ఒకవైపు కేసుల సంఖ్య విపరీతంగా పెరుగుతుంటే మరోవైపు జనాలు వారివారి పనులకు రోడ్ల మీదికి వస్తూనే ఉన్నారు..అది కూడా మాస్క్ వాడాలి, భౌతిక దూరం పాటించాలి అనే మినిమం రూల్స్ పాటించకుండా..మహారాష్ట్ర ప్రభుత్వం రన్నింగ్,సైక్లింగ్ మరియు జాగింగ్ వంటి వ్యాయామాలకు సడలింపులు ఇవ్వడంతో మెరైన్ డ్రైవ్ లెక్కలేనంత జనం గుమిగూడారు..

“అన్‌లాకింగ్ మొదటి దశలో  జూన్ 3 నుంచి ఉదయం 5గంటల నుంచి సాయంత్రం 7 గంటల వరకు రాష్ట్రవ్యాప్తంగా బహిరంగ కార్యకలాపాలు అనుమతించారు. జూన్ 6, 2020 సాయంత్రం మెరైన్ డ్రైవ్‌లో భారీగా జనం గుమిగూడారు” అంటూ  నిహారిక కులకర్ణి అనే నెటిజన్ మెరైన్ డ్రైవ్ దగ్గర జనాల ఫొటోని ఇన్స్టా లో శేర్ చేశారు.సోషల్ మీడియాలో వైరలయిన ఈ ఫొటోని చూసిన నెటిజన్లు ఆగ్రహం వ్యక్తం చేస్తున్నారు..

‘‘బుద్ధి లేదా.. ఇంత బాధ్యతారహితంగా ఉంటే ఎలా??.. షమాస్క్‌ కూడా సరిగా వేసుకోని ఈ జనాలు ఇళ్లకు వెళ్లి కరోనా గురించి లెక్చర్లు దంచుతారు”.అంటూ కొందరు కోపంగా కామెంట్ చేస్తే… “మెరైన్‌ డ్రైవ్‌ పేరును కరోనా డ్రైవ్‌గా  మార్చాలి అంటూ ఒక నెటిజన్ కామెంట్ చేశారు..

ముంబైలోనే కాదు ముషిరాబాద్ లోనూ అదే తీరు…

ముంబైలో మాత్రమే కాదు తెలంగాణాలో కూడా అదే పరిస్థితి..రాష్ట్రంలో అతిపెద్ద చేపల మార్కెట్ ముషిరాబాద్ ఫిష్ మార్కెట్.. ఇక్కడ రోజుకి లక్షల రూపాయల వ్యాపారం జరుగుతుంది..ఎక్కడెక్కడి నుండో వినియోగదారులు ఇక్కడికి వచ్చి చేపలు కొనుగోలు చేస్తుంటారు.. మృగశిర కార్తె ప్రారంభం రోజు కావడంతో ఈ చేపల మార్కెట్ కూడా ఇసకేస్తే రాలనంత జనంతో కిక్కిరిసిపోయింది.

జనాల ధోరణి చూస్తుంటే కరోనా భయం పోయిందా అనిపిస్తుంది.. ఇవి రెండు కేవలం ఉదాహరణలు మాత్రమే..అన్ని దేశాల్లో లాక్ డౌన్ కి ముందు లాక్ డౌన్ తర్వాత కేసుల సంఖ్య తగ్గుతూ వస్తుంటే మన దేశంలో మాత్రమే  కేసులు పెరిగే క్రమంలో లాక్ డౌన్ సడలించారు.. జనం కూడా   40 కేసులు ఉన్నప్పుడు అందరు భయపడి ఇంట్లో దాక్కున్నారు. ఇప్పుడు రెండు లక్షల కేసులు ఉన్నా కూడా భయం లేకుండా తిరిగేస్తున్నారు.. జనాల ధోరణి చూస్తుంటే నెంబర్ 1 స్థానానికి ఎప్పుడెప్పుడు చేరుకుంటామా అని ఉవ్విళ్లూరుతున్నట్టుంది..ప్చ్

images source: instagram.com/niharika_kulkarni

రాష్ట్రవ్యాప్తంగా  సంచలనం సృష్టించిన దివ్య హత్య కేసును విశాఖపట్నం పోలీసులు  ఛేదించారు.హత్యకు గురైన దివ్య మృతదేహానికి పోస్ట్ మార్టం నిర్వహించారు..పోస్ట్ మార్టం రిపోర్ట్ లో షాకింగ్ విషయాలు వెల్లడయ్యాయి.. దివ్య ఒంటిపై 33చోట్ల గాయాలున్నట్టుగా తెలిసింది.అంతే కాదు తను కొంత కాలంగా ఆహారం తినకపోవడం వల్ల చనిపోయినట్టుగా రిపోర్ట్ లో వెల్లడయింది..అనేక చిత్రహింసలకు గురి అయినట్టుగా పోలీసులు గుర్తించారు..ఈ హత్యకు కారణం విశాఖ అక్కయ్యపాలెం వాసి వసంతగా గుర్తించారు పోలీసులు.

రెండు రోజుల క్రితం అక్కయ్య పాలెంకి చెందిన వసంత నుండి జ్ణానపురం లోని అంతిమయాత్ర వాహనం యజమానికి ఒక ఫోన్ వచ్చింది.. ఒక శవాన్ని శ్మశానికి చేర్చాలని..అసలే రోజులు బాగాలేకపోవడంతో అతడు ముందు ఒప్పుకోలేదు..కానీ ఎంత డబ్బు అయినా ఇస్తాను అనే సరికి ఒప్పుకున్న ఆ వ్యక్తి సరే అని అక్కడికి చేరుకుని శవాన్ని వాహనంలోకి చేరుస్తుంటే బాడిపై ఉన్న దెబ్బలు చూసి, అనుమానం వచ్చి పోలీసులకు ఫోన్ చేశాడు.

representative image

చిత్రహింసలకు గురై మరణించినట్టుగా ప్రాధమికంగా గుర్తించిన పోలీసులు దర్యాప్తు ప్రారంభించారు . అసలు ఎవరు ఆ అమ్మాయి , వసంతకి తనకి ఏంటి పరిచయం అని ఆరాతీశారు పోలీసులు..తూర్పుగోదావరి జిల్లా రావులపాలెంలో ఊబలంకకు చెందిన  ఇరవైఏళ్ల దివ్య తల్లిదండ్రులు చనిపోవడంతో బతుకుదెరువు కోసం విశాఖపట్నం వచ్చింది. అక్కడ వసంత పరిచయంతో ఏదైనా ఉద్యోగం చేసుకుని బతకొచ్చు అనుకుంది.. అప్పటికే అసాంఘిక కార్యకలాపాలకు పాల్పడుతున్న వసంత ,దివ్యను కూడా వ్యబిచార రొంపిలోకి దింపింది..

representative image

కొన్నాళ్లకు దివ్యకు కూడా ఆ జీవితం అలవాటైపోయింది..అందరిని తన అందంతో ఆకట్టుకుంటున్న దివ్య , వసంత కంటే ఎక్కువ సంపాదిస్తుండడంతో వసంతలో అసూయ పెరిగిపోయింది. ఇద్దరి మద్య డబ్బుల విషయంలో గొడవ రావడంతో.. అప్పటికే దివ్య తన అందంతో అందరిని ఆకట్టుకుంటుండడం, బాగా డబ్బు  సంపాదింస్తుడడంతో , ఎలా అయినా దివ్యని మట్టుపెట్టాలనుకుంది.అనుకున్నదే తడవుగా దివ్యను గదిలో బంధించింది.

గత నెల రోజుల నుండి దివ్యకి ఆహారం అందించకుండా చిత్రహింసలకు గురిచేసింది..నెలరోజుల పాటు వసంత పెట్టిన టార్చర్ భరించిన దివ్య చివరికి కన్నుబూసింది.. మొత్తానికి ఆ డ్రైవర్ అనుమానంతో విషయం వెలుగులోకి వచ్చింది. మొదట్లో దివ్య సహజంగా మరణించిందని పోలీసులను నమ్మించడానికి ప్రయత్నించిన వసంత ,ఆఖరికి నిజం ఒప్పుకుంది.. వసంత సోదరి,మరిది కూడా వసంతకు సహకరించారని తేలడంతో ముగ్గురిని అదుపులోకి తీసుకున్నారు పోలీసులు.

బతకలేక బడి పంతులు అనేవారు ఒకప్పుడు…కానీ ఇప్పుడో టీచర్ ఉద్యోగానికి ఉన్న డిమాండ్ అంతా ఇంతా కాదు.. ప్రైవేట్ టీచర్ల దుస్థితి కాసేపు పక్కన పెడదాం.. కానీ ఒక టీచర్ 13 నెలల్లో కోటి రూపాయలు జీతం సంపాదించింది.. అంటే నమ్ముతారా? నాన్సెన్స్ అంటూ కొట్టిపారేయకండి..ఇది నమ్మితీరాల్సిన నిజం..  ఎక్కడండీ??  ఏ స్కూల్లో అంత జీతం ఇస్తున్నారో చెప్తే ఎవరి కాళ్లావేళ్లైనా పడి ఉద్యోగం సంపాదిస్తాం అని మాటా మారుస్తారా.. అసలింతకీ ఆ టీచరెవరూ..అంత డబ్బు ఎలా సంపాదంచిందో తెలిస్తే ముక్కున వేలేసుకుంటారు..

representative image

ఉత్తర ప్రదేశ్ కి చెందిన అనామిక శుక్లా అనే మహిళ, కస్తూర్భా బాలిక విద్యాలయం లో టీచరుగా పోస్టింగ్ అందుకుంది.. ఈ  ప్రభుత్వ టీచరు గత 13నెలల్లో కోటి రూపాయలు జీతాన్ని సంపాదించింది. అది కూడా 25స్కూళ్లల్లో ఏకకాలంలో  ఉద్యోగం చేసి మరీ.. ఇదెక్కడి చోద్యం ..ఒక ప్రభుత్వ టీచర్ ఏకకాలంలో 25 స్కూళ్లల్లో ఎలా ఉద్యోగం చేస్తుంది.. అంటే చేయొచ్చు..మోసం చేయడం ద్వారా సంపాదించొచ్చు.

representative image

సైన్స్ టీచరుగా పనిచేస్తోన్న అనామిక తన క్రిమినల్ మైండ్ తో అందరి కళ్లు కప్పి 25 స్కూళ్ల నుంచి జీతం తీసుకుంటోంది. ఈమె పదమూడు నెలలుగా 25 స్కూళ్లకి సంబందించిన అకౌంట్స్ నుండి జీతం డ్రా చేసింది. ఈ పదమూడు నెలల కాలంలో ఆమె ఎవరికి దొరకపోవడం ఆశ్చర్యం అయితే…మరో ఆశ్చర్యకరమైన విషయం ఏంటంటే ఆమె  బయోమెట్రిక్ యంత్రాలకు కూడా చిక్కక్కుండా తప్పించుకుంటోంది.

representative image

అసలు విషయం బయటపడిందిలా…

టీచర్ల డేటాబేస్ ను సిద్ధం చేస్తుంటే 25 స్కూళ్లలో ఒకటే పేరు కనిపించడంతో అధికారులకు అనుమానం వచ్చింది..దాంతో తీగ లాగితే డొంక కదిలిన చందానా ఈమె వ్యవహారం బయటపడింది..మొత్తం 25స్కూళ్లల్లో ఆమె రికార్డులు ఉండడం, ఆమె ఇలా అందరిని ఎలా మాయ చేయగలిగిందో అర్దం కాక తలలు పట్టుకోవడం అధికారుల వంతు అయింది..

representative image

ఆమె సంపాదించిన కోటి విషయాన్ని పక్కన పెట్టి, అసలు బయోమెట్రిక్ ని ఎలా మానేజ్ చేసింది, స్కూల్ రికార్డ్స్ లో పేరు ఎలా రికార్డ్ చేయించింది ..అధికారులను ఇంతకాలం ఎలా మోసం చేసింది అనే దిశలో దర్యాప్తు చేస్తున్నారు..సోషల్ మీడియాలో వైరల్ టాపిక్ గా మారిన అనామిక వ్యవహారం పట్ల నెటిజన్లు రకరకాలుగా కామెంట్స్ చేస్తున్నరు.. ప్రభుత్వవ్యవస్థలు ఎంత కళ్లుమూసుకుని పని చేస్తాయో అనడానికి ఇది ప్రత్యక్ష ఉదాహరణ అంటూ నెటిజన్ కామెంట్ చేసారు..