Viral

ఈ మధ్య కాలంలో జబర్దస్త్ గూటి పక్షులు అందరూ ఒకరి తర్వాత ఒకరు ఎగురుపోతున్నారు. మొదట సుడిగాలి సుధీర్ వెళ్లిపోగా…ఇటీవల జబర్దస్త్ షో యాంకర్ అనసూయ మానేసిన విషయం తెలిసిందే. దీనిపై ప్రేక్షకులు అనేక రకాలుగా మాట్లాడుకుంటున్నారు. అసలు ఎందుకు మానేసింది. మానేసేటప్పుడు కనీసం బాధను కూడా వ్యక్త పరచలేదు ఏమయ్యింది అనుకుంటూ ప్రశ్నల వర్షం కురిపిస్తున్నారు. ఇదిలా ఉండగానే అనసూయ తన రీసెంట్ గా చేసిన పోస్ట్ చూసి, జబర్దస్త్ గురించే పరోక్షంగా చెప్పింది అనుకుని అభిప్రాయ పడుతున్నారు.

అప్పటికీ అనసూయ జబర్దస్త్ వదిలెయ్యడంపై జరుగుతున్న చర్చలకు, ఫుల్ స్టాప్ పెట్టేందుకే అనసూయ ఆ పోస్ట్ పెట్టి ఉండొచ్చని భావిస్తున్నారు. ఈ నేపథ్యంలో “ఒకప్పుడు ఏదైతే నీ స్థానం అని అనుకుంటావో… ఇప్పుడు ఆ స్థానం నీది కాదు” అన్నట్టుగా అనసూయ తన ఇన్స్టాగ్రామ్ అకౌంట్లో పోస్ట్ చెయ్యడంతో…ఇది తను జబర్దస్త్ గురించే చేసిందని ఫిక్స్ అయిపోతున్నారు.

నిజానికి అనసూయ చేతిలో ఇప్పుడు ఒకవైపు సుమారు అర డజను సినిమాలు ఉంటే… మరోవైపు వెబ్ సీరీస్ లు కూడా సిద్ధంగా ఉన్నాయి. అందుచేతనే జబర్దస్త్ షో మానేయక తప్పట్లేదని తెలుస్తోంది. మరి అందులో మానేసినా స్టార్ మా ప్రోగ్రామ్స్ లో యంకరింగ్ ఇంకా కొనసాగిస్తుండటంతో… బహుశా మల్లెమాల కన్నా స్టార్ట్ మా ఎక్కువ రెమ్యునరేషన్ ఇస్తుంది అనుకుంట అనే టాక్ నడుస్తోంది. ఎన్నో మంచి క్యారెక్టర్స్ లో నటించిన అనసూయ భరద్వాజ్ ఇప్పుడు మొదటి సారి కన్యాశుల్కం అనే వెబ్ సిరీస్ తో ప్రేక్షకుల ముందుకు రానుంది. ఇకముందు మరిన్ని వినూత్న పాత్రలతో అభిమానులను మెప్పిస్తుందో చూడాలి.

https://www.instagram.com/p/ChB5JsRrjtX/?utm_source=ig_web_copy_link

అందరితో వావ్ సో హాట్ అనిపించుకుంటున్నాడు హీరో విజయ్ దేవరకొండ. పెళ్లి చూపులుతో మొదలయ్యి అర్జున్ రెడ్డి వరకూ, అందరినీ అట్రాక్ట్ చేస్తుంటాడు. అమ్మాయిలు అయితే అబ్బా నాకు దొరికితే ఇలాంటి అబ్బాయే కావాలి అని అనుకుంటారు. అయితే ఇప్పుడు తాజాగా విడుదల కాబోతున్న లైగర్ మూవీ ప్రమోషన్స్ లో చాలా బిజీగా ఉన్నాడు. అయితే ఇందులో అందరినీ బాగా ఆకట్టుకుంటున్న విషయం ఏంటంటే, అర్జున్ రెడ్డి హీరో విజయ్ దేవరకొండ వేసుకుంటున్న చెప్పులు!!

అందరి కళ్ళు వాటిమీదే.ఈ విషయం గురించి అడిగితే, విజయ్ ఇచ్చిన ఆన్సర్ కి అందరు ఆశ్చర్య పోయారు. దీనిపై టైమ్స్ ఆఫ్ ఇండియాతో మాట్లాడుతూ… నేను లైగర్ సినిమా ప్రమోషన్స్ కి తిరిగాల్సి ఉంటుంది. దాదాపు 30 రోజులు తిరుగుతూనే ఉండాలి. అప్పుడు ప్రతీ రోజు ఒక షూస్ వెతుక్కోవడం, అందంతా పెద్ద తలనొప్పి అనిపించింది.

అందుకే ప్రశాంతంగా, ఈజీగా ఈ స్లిప్పర్స్ వేసుకుని తిరుగుతున్నాను. నిజానికి ఇది నాకు చాలా హాయిగా ఉంది. అయినా నాకు నచ్చినట్టు నేను ఉండటంలో తప్పు లేదు కదా అంటూ సమాధానమిచ్చాడు. దీంతో అభిమానులు కూడా మా హీరో సో స్వీట్ అండ్ సింపుల్. ఎంత బాగుంటాడో అంటూ మురిసిపోతున్నారు. ఇక లైగర్ సినిమాకి పూరి జగన్నాథ్, ఛార్మి, కరణ్ జోహార్ నిర్మాతలు అవ్వగా… పూరి జగన్నాథ్ దర్శకత్వం వహించారు. ఆగస్ట్ 25 న 5 భాషల్లో గ్రాండ్ రిలీజ్ కానున్న లైగర్ మూవీ కోసం అభిమానులు కన్ను కాయలు కాచేలా ఎదురు చూస్తున్నారు.

కుర్రాళ్ళ మనసులు దోచుకుంటూ… క్యూట్ క్యూట్ లుక్స్ తో ఆకట్టుకుంటూ… మొదటి సినిమాతోనే అందరికీ చేరువ అయ్యింది సమంత రూత్ ప్రభు. తను ఏమి చేసినా సెన్సేషన్ అవుతుంది. తనకి ఎవరైనా వ్యతిరేకంగా వెళితే నెట్టిల్లు ట్రోల్స్ తో వేడెక్కుతుంది. అంతే కాదు సమంత, నాగ చైతన్య జంటపై అభిమానులకి ఎంతో మక్కువ ఏర్పడింది. కానీ వాళ్ళ విడాకులతో అభిమానులకు చాలా బాధ కలిగింది.

అయితే కాఫీ విత్ కరణ్ లో నాగ చైతన్య తన ఎక్స్ హస్బెండ్ అంటూ సమంత చేసిన కామెంట్స్ నెట్టింట తెగ వైరల్ అయిపోయాయి. ఇది మర్చిపోయే లోపే…గతంలో సమంత ఇచ్చిన ఇంటర్వ్యూలో హృతిక్ రోషన్ పై కామెంట్ చేసిన వీడియో ఇప్పుడు సోషల్ మీడియాలో చక్కర్లు కొడుతుంది.

ఆ వీడియోలో నవ్వు ఆపుకుంటూ… “ఇది చెప్తే అందరూ నన్ను చెంపెస్తారేమో కాని, నాకు హృతిక్ రోషన్ లుక్స్ అంతగా నచ్చవు” అని ఒక్కసారిగా నవ్వేసింది. దీనిపై కొందరు నెగెటివ్ కామెంట్స్ చేసినా చాలా మంది, “తన ఇష్టం, తన ఒపీనియన్ అది. అందులో తప్పేంటి?” అని అన్నారు. మరో వైపు పూజ హెగ్డే ఒకరోజు తన ఇన్స్టాగ్రామ్ లో, మజిలీ మూవీలోని సమంత ఫొటో పెట్టి, “తన లుక్స్ కూడా అంత ఏమి బాలేదు” అని స్టోరీ పెట్టింది. దీంతో సమంత అభిమానులు పూజ హెగ్డేను ట్రోల్స్ తో నింపేశారు.

ఇక తాజాగా బయటకి వచ్చిన సమంత పాత ఇంటర్వ్యూ వీడియో చూసి… ఇప్పుడు నెటిజన్స్ మాత్రం, “తను అలా అనొచ్చా” అంటూ మండిపడుతున్నారు. ఇలా సమంత ప్రతీ సారి ఏదో ఒక హాట్ టాపిక్స్ తో నెట్టింట తిరుగుతూనే ఉంది. కానీ ఇవన్నీ సమంతాకు పెద్దగా అవసరం లేనట్టు వ్యవహరిస్తుంది. ఇప్పుడు తన కెరీర్ బేస్ ను మరింత విస్తృతపరుచుకుంటుంది. పుష్ప మూవీలో ఊ అంటావా మామ ఊ ఊ అంటావా పాటతో అందరినీ వేడెక్కించింది. అంతే కాకుండా ది ఫ్యామిలీ మెన్ వెబ్ సిరీస్ తో బాలీవుడ్ వైపు దూసుకెళుతోంది. ఈ మేరకు సమంత ఫుల్ బిజీగా తన కెరీర్ ఇంక తన వృత్తిపై దృష్టితో పయనిస్తోంది.

watch video :

Samantha about Hrithik in 2010 🤣😅
byu/Illustrious-Check-76 inBollyBlindsNGossip

నాగ చైతన్య హీరోగా నటించిన థాంక్యు సినిమా ఇటీవల విడుదల అయ్యింది. సినిమా నిడివి చాలా తక్కువ. దాదాపు 2 గంటల 9 నిమిషాలు ఉంటుంది. డైరెక్టర్ విక్రమ్ కె కుమార్ అంటే మంచి ఫీల్ గుడ్ సినిమాలు చాలా బాగా హ్యాండిల్ చేయగలరు అని పేరు ఉంది. అందులోనూ నాగ చైతన్యతో సినిమా అంటే ప్రేక్షకుల్లో ఆసక్తి నెలకొంది.

సినిమా మొత్తాన్ని నాగ చైతన్య తన భుజాలపై నడిపించారు అని చెప్పాలి. గత కొన్ని సినిమాల నుండి నాగ చైతన్య నటనలో కూడా చాలా పరిణితి కనిపిస్తుంది. ఈ సినిమాకి మంచి టాక్ వచ్చినా కూడా అంత పెద్దగా కలెక్షన్స్ రాలేదు. ప్రస్తుతం నాగచైతన్య వరుస సినిమాలతో బిజీగా ఉన్నారు.

నాగ చైతన్య అమీర్ ఖాన్ హీరోగా నటించిన లాల్ సింగ్ చద్దా సినిమాలో ఒక పాత్ర పోషించిన సంగతి తెలిసిందే. ఈ సినిమాలో బాలరాజు పాత్రలో నాగ చైతన్య నటించారు. ఈ సినిమా హిందీతో పాటు తెలుగులో కూడా విడుదల అవుతోంది. నాగ చైతన్య ఈ సినిమా ప్రమోషన్స్ పనిలో ఉన్నారు. వివిధ మీడియా ఛానల్స్ కి ఇంటర్వ్యూ లు ఇస్తున్నారు. ఈ సందర్భంగా నాగ చైతన్య మాట్లాడిన ఒక కామెంట్ ప్రస్తుతం వైరల్ అవుతోంది. నాగ చైతన్య తన చేతిపై తన పెళ్లి రోజును టాటు వేయించుకున్నారు. “ఈ టాటూ లో ఉన్న ఏంటి..? అని ఇంటర్వ్యూ చేసే వ్యక్తి అడిగితే నాగ చైతన్య ఈ ప్రశ్నకు సమాధానం చెప్పారు.

ఈ విషయంపై నాగ చైతన్య మాట్లాడుతూ, “సమంతతో పెళ్లి జరిగిన తేదీని పచ్చ బొట్టు వేయించుకున్నాను. అది డేట్ అని తెలియక చాలా మంది అభిమానులు ఇలాంటి పచ్చబొట్టు వేయించుకోవాలి అనుకుంటున్నారు. దయచేసి అలాంటివి చెయ్యవద్దు. ఈ విషయంలో నన్ను ఫాలో అవ్వకండి. ఈ టాటూ వల్ల నాకు ఎలాంటి ఇబ్బంది లేదు. అందుకే ఆ టాటూ అలానే ఉంచుకున్నాను” అని చెప్పారు. ప్రస్తుతం నాగ చైతన్య దూత అనే వెబ్ సిరీస్ చేశారు. దీనికి విక్రమ్ కే కుమార్ దర్శకత్వం వహించారు.

watch video :

#NagaChaitanya revealed a fact about the tattoo which is on his arm. pic.twitter.com/KFrc7z4NY6

— Tollywood News Raja (@TollywoodTNR) August 10, 2022

విజయ్ దేవరకొండ హీరోగా పూరి జగన్నాధ్ దర్శకత్వంలో రూపొందుతున్న సినిమా లైగర్. ఈ సినిమాతో అనన్య పాండే తెలుగు ఇండస్ట్రీకి పరిచయం అవుతున్నారు. ఈ సినిమా విడుదల అవ్వడానికి సిద్ధంగా ఉంది. సినిమా బృందం అంతా కూడా ప్రమోషన్స్ పనిలో ఉన్నారు.

సినిమా గురించి ఎప్పుడైతే ప్రకటించారో అప్పటి నుంచి సినిమాపై క్రేజ్ మొదలైంది. ఇది విజయ్ దేవరకొండ మొదటి పాన్ ఇండియన్ సినిమా. పాన్ ఇండియన్ స్థాయిలో క్రేజ్ ఉన్న విజయ్ దేవరకొండలాంటి నటుడి సినిమా పాన్ ఇండియన్ సినిమాగా వస్తోంది అంటే అందరూ ఆసక్తిగా ఎదురు చూస్తున్నారు.

ప్రస్తుతం సినిమా బృందం అంతా కూడా ప్రమోషన్స్ పనిలో బిజీగా ఉన్నారు. హీరో విజయ్ దేవరకొండ, హీరోయిన్ అనన్య పాండే ఎన్నో ప్రదేశాలకు వెళుతూ సినిమాని ప్రమోట్ చేస్తున్నారు. గుజరాత్, పూణే, ఇంకా ఎన్నో ప్రదేశాలకు వీరిద్దరూ వెళ్లారు. మీరు వెళ్లిన ప్రతిచోట కూడా ఎంతోమంది వీళ్ళని చూడటానికి వచ్చారు. ప్రస్తుతం ఈ విషయంపై చర్చ జరుగుతోంది. అందుకు కారణం వీరిద్దరూ అంత గొప్ప పేరున్న నటులు ఏమీ కాదు.

విజయ్ దేవరకొండ అర్జున్ రెడ్డి సినిమాతో జాతీయ స్థాయిలో గుర్తింపు సంపాదించిన మాట నిజమే. కానీ ఎక్కడికి వెళ్ళినా కూడా కొన్ని వేలల్లో జనం వస్తున్నారు. ఇంక అనన్య పాండే విషయానికి వస్తే, అనన్య పాండే నటించిన 4 సినిమాలు కూడా సాధారణమైన సినిమాలే. అందులో ఒక సినిమా తప్ప మిగిలినవి ఏవీ కూడా అంత చెప్పుకోదగ్గ హిట్ ఏమీ అవ్వలేదు. పూరి జగన్నాధ్ కి మన దగ్గర క్రేజ్ ఉంది. అలాగే బాలీవుడ్ లో కూడా ఉంది. కానీ మిగిలిన చోట్ల స్టార్ డైరెక్టర్ అని తెలిసే అవకాశాలు తక్కువ.

అసలు ఎక్కడికి వెళ్ళినా కూడా ఎంతమంది జనం వస్తున్నారు అంటే, జనం ఎక్కువ ఉండడంతో ఈవెంట్ మధ్యలో ఆపేసి వెళ్ళిపోతున్నారు. ఒకటి రెండు చోట్ల అంటే అనుకోవచ్చు, కానీ ప్రతి చోట ఇలాగే ఉండడంతో ఈ విషయంపై చాలా కామెంట్స్ వస్తున్నాయి. దాంతో ఇప్పుడు అయితే ఒక వార్త వైరల్ అవుతోంది. ఈ ప్రమోషన్ సమయంలో వచ్చే జనాలు అందరు కూడా పబ్లిసిటీ స్టంట్ అని, ఇదంతా ప్రమోషన్స్ లో ఒక భాగం అని, వాళ్లు నిజంగా వీళ్ళని చూడడం కోసం వచ్చే జనాలు కాదు అనే వార్తలు వస్తున్నాయి. బాలీవుడ్ నిర్మాత కరణ్ జోహార్ ఈ సినిమాలో భాగం అయిన కారణంగా ఇలాంటి పబ్లిసిటీ స్టంట్స్ అన్నీ చేయిస్తున్నారు అని అంటున్నారు. మరి ఇందులో ఎంతవరకు నిజం ఉంది అనేది మాత్రం తెలియదు.

2022 జూలైలో ఎన్నో సినిమాలు విడుదల అయినప్పటికీ… ఆగస్ట్ లో విడుదలైన సీతా రామం మూవీపై మంచి స్పందన లభించింది. ఇతర పెద్ద హీరోల సినిమాలు కూడా అంచనాలను చేరుకోలేక పోయాయి. కానీ సీతా రామం హిట్ కొడుతూ, మంచి కలెక్షన్స్ తో దూసుకుపోతున్న సమయంలో… కొన్ని సంచలన నిజాలు బయటకి వచ్చాయి.

సినిమా అంతా బాగున్నా, డైరెక్టర్ చేసినా ఆ తప్పుల వల్ల, అంతా తలకిందులు అయ్యింది. మరి దీనికి డైరెక్టర్ ఎలాంటి వివరణ ఇస్తారో అనేదానిపై చర్చలు కొనసాగుతున్నాయి.

అయితే హను రాఘవపూడి దర్శకత్వంలో, దుల్కర్ సల్మాన్, మృణాల్ ఠాకూర్ లీడ్ రోల్స్ గా తెరకెక్కిన సీతా రామం సక్సెస్ ఫుల్ గా నడుస్తోంది. సినిమా తీసిన విధానం, కథ, అందులోని నటుల నటన అన్నీ బాగున్నాయి. కానీ సినిమాకి ముఖ్య ఆధారం ప్రేమ లేఖ. అసలు కథ మొత్తం నడిచేది దాని చుట్టూనే. మరి ఆ లేఖ విషయంలోనే, దర్శకుడు అంత పెద్ద తప్పు చేశాడు ఏంటి అని ప్రేక్షకులు సందేహాన్ని వ్యక్తం చేస్తున్నారు.

20 ఏళ్ల క్రితం రామ్ సీతకు రాసిన లేఖ ఏ విధంగా చేరిందనే దానిపై ఈ కథ నడుస్తోంది. ఇదిలా ఉంటే సీత ఒరిజినల్ నేమ్ నూర్జహాన్ అని రామ్ కి తెలుసు. అయినా కూడా సీతా మహాలక్ష్మి పేరుతో లేఖ రాస్తే, అది హీరోయిన్ కి చేరదని తెలిసి కూడా అదే పేరు ఎందుకు రాశాడని వీక్షకులు ప్రశ్నిస్తున్నారు. ఇంత పెద్ద తప్పుని డైరెక్టర్ ఎలా సమర్థిస్తారో చుడాలంటున్నారు. పోనీ లేఖ చివరిలో అయినా రెండు పేర్లు రాసి ఉంటే సమంజసంగా ఉండేదని అభిప్రాయపడ్డారు.

ఈ తప్పు లేకపోయి ఉంటే సినిమా మరో స్థాయిలో ఉండేదని అంటున్నారు. దీనికి తోడు ఒకవైపు బింబిసారకు మంచి టాక్ ఉండటం, ఈ సినిమాలో లేఖ విషయంలో చిన్న పొరపాటు జరగటం, సీతా రామం కి కొంత మైనస్ అయ్యిందనే చెప్పొచ్చు. ఏదేమైనప్పటికీ ప్రస్తుతం సినిమా విజయ బాటలో నడుస్తోంది. వీకెండ్ కలెక్షన్స్ సంగతి ఇంకా తెలియాల్సి ఉంది.

సూపర్ స్టార్ మహేష్ బాబు ఇవాళ తన పుట్టిన రోజు జరుపుకుంటున్నారు. ఈ సందర్భంగా ఎంతో మంది సినీ ప్రముఖులు, అలాగే ఎన్నో రంగాలకు చెందిన ప్రముఖులు, అభిమానులు, సినిమా ప్రేక్షకులు అందరూ కూడా మహేష్ బాబుకి జన్మదిన శుభాకాంక్షలు తెలుపుతూ సోషల్ మీడియాలో పోస్ట్ చేస్తున్నారు.

మెగాస్టార్ చిరంజీవి, జూనియర్ ఎన్టీఆర్, రామ్ చరణ్, నితిన్, ప్రముఖ మలయాళ హీరో మమ్ముట్టి, ప్రముఖ రాజకీయ వేత్త కేటీఆర్, దుల్కర్ సల్మాన్, రామ్ పోతినేని, సాయి ధరమ్ తేజ్ ఇంకా ఎంతోమంది ప్రముఖులు మహేష్ బాబుకి సోషల్ మీడియా ద్వారా జన్మదిన శుభాకాంక్షలు తెలిపారు.

వీరందరితో పాటు పవర్ స్టార్ పవన్ కళ్యాణ్ కూడా మహేష్ బాబు పుట్టినరోజు సందర్భంగా సోషల్ మీడియాలో ఒక పోస్ట్ చేశారు. అందులో పవన్ కళ్యాణ్ ఈ విధంగా రాశారు. “మహేష్ బాబు గారికి హృదయపూర్వక జన్మదిన శుభాకాంక్షలు. ప్రముఖ కథానాయకులు శ్రీ మహేష్ బాబు గారికి హృదయపూర్వక జన్మదిన శుభాకాంక్షలు. తనదైన శైలి నటనతో నవతరం ప్రేక్షకులను మెప్పిస్తున్నారు. ఆయన చేపట్టే సేవా కార్యక్రమాలు… హృద్రోగంతో బాధపడే చిన్నారులకు శస్త్ర చికిత్సలు చేయించడం అభినందనీయం. శ్రీ కృష్ణ గారి నట వారసత్వాన్ని దిగ్విజయంగా కొనసాగిస్తూ.. తండ్రి బాటలోనే దర్శకులకు, నిర్మాతలకు అండగా నిలుస్తున్నారు.”

‘అర్జున్’ సినిమా సందర్భంలో పైరసీపై పోరాటానికి శ్రీ మహేష్ బాబు గారు తన గళం వినిపిస్తే ఆయనకు మద్దతుగా నిలిచాను. పరిశ్రమను కాపాడుకొనేందుకు ఆయన ముందుకు రావడంతో అందరం వెన్నంటి నిలిచాం. ‘జల్సా’ సినిమాలో సంజయ్ సాహూ పాత్రను పరిచయం చేసేందుకు శ్రీ మహేష్ బాబు గారి నేపథ్య గాత్రం అయితే బాగుంటుందని, దర్శకులు శ్రీ త్రివిక్రమ్ గారు కోరగానే అంగీకరించిన సహృదయత శ్రీ మహేష్ బాబు గారిది. కథానాయకుడిగా తనదైన పంథాలో వెళ్తూ ప్రేక్షకుల మెప్పు, పురస్కారాలూ అందుకొంటున్న శ్రీ మహేష్ బాబు గారు మరిన్ని విజయాలు అందుకోవాలని భగవంతుణ్ణి ప్రార్ధిస్తున్నాను.

పవన్ కళ్యాణ్

(అధ్యకులు-జనసేన పార్టీ)”

అని రాశారు అలాగే తన ఫేస్ బుక్ పేజ్ లో కూడా పవన్ కళ్యాణ్ మహేష్ బాబుకి పుట్టిన రోజు శుభాకాంక్షలు తెలుపుతూ ఒక పోస్ట్ చేశారు. అలాగే ఈ పోస్ట్ కి ఎంతోమంది, “ఇలా ఒక స్టార్ హీరో, మరొక స్టార్ హీరోకి పుట్టిన రోజు శుభాకాంక్షలు తెలపడం చాలా ఆనందంగా ఉంది” అంటూ కామెంట్ చేస్తున్నారు. ప్రస్తుతం ఈ పోస్ట్ సోషల్ మీడియాలో వైరల్ అవుతోంది. అంతకు ముందు మహేష్ బాబు కూడా పవన్ కళ్యాణ్ పుట్టిన రోజుకి విషెస్ తెలిపారు. అప్పుడు పవన్ కళ్యాణ్ స్పందిస్తూ మహేష్ బాబుకి థాంక్యూ అని చెప్పారు.