పూజా హెగ్డే సౌత్ ఇండియా మరియు బాలీవుడ్ లో స్టార్ హీరోయిన్. పూజా తెలుగులో ఒక లైలా కోసం, తమిళంలో మిస్కిన్ ముగమూడి సినిమాల ద్వారా ఎంటర్ అయ్యింది. బాలీవుడ్ లో హృతిక్ రోషన్‌తో కలిసి మొహెంజొదారోలో నటించింది.
అది బాక్సాఫీస్ దగ్గర డిజాస్టర్‌గా అయ్యింది. పూజా హెగ్డే కెరీర్ ప్రారంభంలో ఫ్లాప్ లను ఎదుర్కొంది. అయితే ఆ తరువాత అల్లు అర్జున్ DJ సినిమా ఆమెకు బ్లాక్‌బస్టర్‌ హిట్ ని అందించి ఆమె గ్రాఫ్ ను ఒక్కసారిగా మార్చేసింది.
ఆ సినిమా తర్వాత పూజా హెగ్డేకి టాలీవుడ్, కోలీవుడ్ లో వరుసగా ఆఫర్లు వచ్చాయి. ఆమె తెలుగులో మహర్షి, అరవింద సమేత, అల వైకుంఠపురములో లాంటి బ్లాక్ బస్టర్ హిట్ చిత్రాలతో స్టార్ హీరోయిన్ గా మారింది. పూజా హెగ్డే తమిళ సినిమాలలో కూడా నటించింది.
పూజా హెగ్డే పాన్-ఇండియా సినిమాలతో భారతీయ చిత్రసీమలో స్టార్ హీరోయిన్. పూజా హెగ్డే సినిమాల నుండి, ఎండార్స్‌మెంట్‌ల నుండి భారీగా సంపాదీస్తోంది. పూజా హెగ్డే ఆస్తుల విలువ సుమారుగా 50 కోట్లు. ఆమెకు ఖరీదైన కార్లు, హ్యాండ్‌బ్యాగులు సేకరించే అభిరుచి ఉంది.ఇక పూజా హెగ్డే లగ్జీరియస్ లైఫ్ గురించి, ఆమె దగ్గరున్న విలువైన 9 ఖరీదైన వస్తువులు ఏమిటో ఇక్కడ చూద్దాం..
1. పూజా హెగ్డే దగ్గర ఖరీదైన పోర్షే కయెన్‌ కారు ఉంది. దీని ధర 2 కోట్ల రూపాయలు.
2. హైదరాబాద్‌లో రూ. 5 కోట్ల విలువైన ఇల్లు తీసుకుంది.
3. ముంబైలోని బాంద్రాలో సముద్రం వైపు వ్యూ ఉండే అపార్ట్మెంట్ తీసుకుంది.దీని విలువ రూ. 6-8 కోట్లు
4. పూజా దగ్గర రూ. 1.08 కోట్ల విలువైన జాగ్వార్‌ కారు ఉంది.
5. బుట్టబొమ్మ వద్ద రూ. 80 లక్షల విలువైన BMW 350d కారు ఉంది.
6. ఆమె దగ్గరున్న ఆడి క్యూ7 విలువ రూ. 85 లక్షలు.
7. పూజా హెగ్డే దగ్గర క్రిస్టియన్ డియర్ హ్యాండ్‌ బ్యాగ్ ఉంది. ఈ బ్యాగ్ విలువ రూ. 1.3 లక్షలు
8. లూయిస్ విట్టన్ క్రోయిసెట్ హ్యాండ్‌ బ్యాగ్ విలువ రూ. 1.4 లక్షలు.
9. లూయిస్ విట్టన్ వైట్ హ్యాండ్‌ బ్యాగ్ ధర రూ. 1.91 లక్షలు
ఇప్పటికే మహేష్‌బాబు,త్రివిక్రమ్‌ల సినిమా పై రకరకాలుగా రూమర్స్ షికారు చేస్తున్నాయి. అసలు ఈ సినిమానే ఆగిపోయిందని కూడా టాక్ వచ్చింది. ఆ తర్వాత మహేష్ కథలో మార్పులు చేయమని త్రివిక్రమ్ కి సూచించారని,దాంతో ఈ సినిమా స్టోరీ పూర్తిగా మారిపోయిందని కూడా వచ్చాయి. SSMB28 వర్కింగ్ టైటిల్ తో రూపొందుతున్న ఈ చిత్రంలో పూజా హెగ్డే హీరోయిన్.
ఇక ఈ సినిమా షూటింగ్ డిసెంబర్ 8న హైదరాబాద్‌లో మొదలు కానుంది. షూటింగ్ హైదరాబాద్ శివార్లలో జరగనుందని సమాచారం. పూజా హెగ్డే కాలి గాయం నుంచి కోలుకుని ఈ షూటింగ్ లో పాల్గోబోతుందని చెప్తున్నారు. ఈ సినిమా యాక్షన్ ఫ్యామిలీ డ్రామాగా రూపొందుతోంది. తమన్ ఈ సినిమాకి సంగీతం అందించనున్నాడు.ఈ సినిమాలో పూజా హెగ్డేతో పాటు ఇంకో హీరోయిన్‌కు స్థానం ఉందని సమాచారం. పెళ్లిసందడి ఫేమ్ శ్రీలీల ను తీసుకున్నట్టు సోషల్ మీడియాలో వినిపిస్తున్నాయి.
మరోవైపు మహేష్‌బాబు తో రాజమౌళి మూవీ వచ్చే ఏడాది ప్రారంభంలోనే మొదలు అవనున్నట్లు వార్తలు వస్తున్నాయి.అయితే మరి మహేష్ బాబు ఒకేసారి రెండు చిత్రాల షూటింగ్స్ పాల్గొంటాడా లేదా త్రివిక్రమ్ మూవీ తర్వాతనే రాజమౌళి సినిమా మొదలు పెడతాడా అన్న ప్రశ్న అందరిలోనూ వస్తోంది. ఇక త్రివిక్రమ్ దర్శకత్వంలో మహేష్ ఇంతకు ముందు అతడు, ఖలేజా చిత్రాలు చేశాడు. మూడో సినిమాలో మహేష్ బాబుని ఎలా త్రివిక్రమ్ చూపిస్తున్నాడా అని అభిమానులు ఆసక్తిగా ఎదురుచూస్తున్నారు.
