Anudeep

ఆర్ మాక్స్ మీడియా సంస్థ ఎప్పటికప్పుడు ప్రతి నెల టాలీవుడ్ సహా పలు భాషల్లో సీరియల్స్, మూవీస్ అన్నిటిలో టాప్ లో ఎవరు ఉన్నారు అని లిస్ట్ వేస్తూ ఉన్నారు. అలాగే పాన్ ఇండియా లెవెల్లో కూడా హీరోల పరిస్థితి ఎలా ఉందనే విషయం మీద లిస్టు తయారు చేస్తూ వస్తోంది. ఈ నేపథ్యం లో అక్టోబర్ నెలకి గాను ఆర్మాక్స్ స్టార్స్ ఇండియా లవ్స్ మోస్ట్ పాపులర్ మేల్ స్టార్ జాబితా రిలీజ్ చేసింది. 10 మంది హీరోలు ఈ జాబితాలో స్థానం సంపాదించగా విజయ్ మళ్లీ మొదటి స్థానాన్ని నిలబెట్టుకున్నాడు.

పాన్ ఇండియా హీరో ప్రభాస్ రెండో స్థానానికి పరిమితమైతే, ఆర్ఆర్ఆర్ తో హిట్ అందుకున్న జూనియర్ ఎన్టీఆర్ మూడో స్థానంలో నిలిచారు. తర్వాతి స్థానాల్లో అల్లు అర్జున్, బాలీవుడ్ స్టార్ హీరో అక్షయ్ కుమార్, ఐదవ స్థానంలో తమిళ స్టార్ హీరో అజిత్ కుమార్, తమిళ స్టార్ హీరో సూర్య ఏడవ స్థానం, కన్నడ స్టార్ హీరో యష్ ఎనిమిదవ స్థానం, రాంచరణ్ తొమ్మిదవ స్థానంతో సరిపెట్టుకోగా మహేష్ బాబు కూడా పదవ స్థానంతో సరిపెట్టుకున్నారు.

అయితే పాన్ ఇండియా రేంజ్ లో ఇప్పటి వరకు ఒక్క హిట్ కూడా విజయ్ మళ్లీ మొదటి స్థానాన్ని పొందడం పై పలువురు అనుమానాలు వ్యక్తం చేస్తున్నారు. ఈ ఆర్మాక్స్ మీడియా సంస్థ చేస్తున్న సర్వేలపై పలు విమర్శలు వస్తున్నాయి. దీంతో ఈ రిపోర్ట్ లు సోషల్ మీడియాలో, మీడియాలో ఎవరి గురించి ఎక్కువ చర్చ జరిగింది అనే అంశం మీదే సబ్మిట్ చేస్తుందని నిర్వాహకులు చెబుతున్నారు.

ప్రస్తుతం విజయ్ వంశి పైడిపల్లి దర్శకత్వం లో ‘వారసుడు’ చిత్రం లో నటిస్తున్నారు. ఇందులో రష్మిక మందన్న కథానాయిక. ఈ చిత్రం సంక్రాంతి కానుకగా రానుంది.

సూపర్ స్టార్ కృష్ణ కన్నుమూసిన రోజు నుంచి ఆయనకు సంబంధించిన ఎన్నో విషయాలు నెట్లో వైరల్ అవుతూ ఉన్నాయి. ఆయన పెళ్లిళ్లు, పిల్లలు, ఆస్తులు అంటూ రకరకాల వార్తలు ఎప్పటికప్పుడు వస్తూనే ఉన్నాయి. మరి ఈ క్రమంలో కృష్ణకు సంబంధించిన ఇంకొక అంశం ప్రస్తుతం వైరల్ గా మారింది.

కృష్ణ తన కన్న కొడుకుని సైతం కాదు అనుకొని సవతి కొడుకు నరేష్ తో ఉన్నాడు అనే విషయం ప్రస్తుతం హాట్ టాపిక్ గా మారింది. నరేష్ విజయ నిర్మల మొదటి భర్త సంతానం. ఆయనకు కృష్ణకి ఎటువంటి రక్తసంబంధం లేకపోయినప్పటికీ విజయ నిర్మల చనిపోయిన తర్వాత కృష్ణ నరేష్ దగ్గరే ఉన్నాడు. దీని మీద ప్రస్తుతం నెట్ లో ఎన్నో కామెంట్లు వస్తున్నాయి.

కానీ ఒకసారి ” ఓపెన్ హార్ట్ విత్ ఆర్కే” లో పాల్గొన్న కృష్ణ ఈ విషయంపై అప్పట్లోనే స్పష్టతని ఇచ్చారు. నరేష్ అంటే తనకు చాలా ఇష్టమని, తనకు ఎటువంటి అవసరం వచ్చిన క్షణాల మీద చేసి పెట్టేది కేవలం నరేష్ అని ఆయన అన్నారు. షూటింగ్లో ఎంత బిజీగా ఉన్నప్పటికీ ఫోన్ చేయగానే పరిగెత్తుకు వస్తాడని కృష్ణ చెప్పారు.

ఇటు సూపర్ స్టార్ అయిన తర్వాత మహేష్ బాగా బిజీగా ఉన్నాడని. అతనికి సంబంధించిన అన్ని పనులు అతని భార్య నమ్రత దగ్గరుండి చూసుకోవాల్సి వస్తుందని. అటువంటి సందర్భంలో తాను కూడా ఆమెకు భారంగా ఉండలేక పోయాడని . అందుకే విజయనిర్మల కాలం చేసినా నరేష్ మాత్రం కృష్ణ బాగోగులను దగ్గర ఉండి చూసుకున్నాడని కొందరు అభిప్రాయపడుతున్నారు.

మరి నరేష్ విషయానికి వస్తే అతని పేరును ఇటు తల్లి పేరు అటు సవతి తండ్రి అయిన కృష్ణ పేరును జత చేసుకొని నరేష్ విజయ కృష్ణగా మార్చుకున్నాడు. మహేష్ బాబు మీద ఉన్న ఇష్టం కొద్దీ చాలామంది ఈ విషయంలో నరేష్ ను విమర్శిస్తారు. కానీ నరేష్ ఎప్పుడు కృష్ణను ఎంతో గౌరవంతో ,అభిమానంతో తండ్రి లాగా చూసుకున్నాడు. తన తల్లి చనిపోయిన తరువాత కృష్ణ కు తన తల్లి లేని లోటు తెలియకూడదని ఆయన ఎంతో ఆరాటపడ్డాడు.

మంచు విష్ణు “జిన్నా” మూవీ ఫ్లాప్ అయినప్పటికీ అందులోని “జారు మిఠాయ” సాంగ్ మాత్రం సోషల్ మీడియాలో బాగా హిట్ అయిందని చెప్పవచ్చు. ఈ సాంగ్ మీద రీల్స్ గురించి అయితే చెప్పనక్కర్లేదు. జిన్నా ప్రీ రిలీజ్ ఈవెంట్ లో మోహన్ బాబు స్వయంగా “ఆవిడ మా ఊరు నుంచి వచ్చారు. పాట పాడుతారు” అని చెప్పే వరకు.. అసలు ఇలాంటి పాట ఒకటి ఉంటుంది అని చాలా మందికి తెలియదు.

లిరిక్స్ , వాయిస్ బాగున్నాయని కొందరు. సన్నీ లియోన్ సాంగ్ అని ఇంకొందరు, ఇదో కొత్త రకం మిఠాయి అనుకున్న వారు మరికొందరు. ఇలా చాలా మంది ఈ పాట పైన తవ అభిప్రాయాలను కూడా ఏర్పరచుకున్నారు.
జిన్నా మూవీ థియేటర్లోకి వచ్చి వెళ్లి చాలా కాలం అయినప్పటికీ ఈ పాట మాత్రం జనాల మైండ్ లో స్టాండర్డ్ గా మిగిలిపోయింది అని చెప్పొచ్చు.

సోషల్ మీడియా పుణ్యమా అని ఈ రోజుల్లో చాలా మంది టాలెంట్ సామాజిక మాధ్యమాల ద్వారా వెలుగులోకి వస్తోంది. అసలు ఈ పాట అర్థం ఏమిటి అన్న విషయంపై స్టేజి మీద పాడిన భారతీయ అనే మహిళను కొన్ని యూట్యూబ్ ఛానల్స్ ఇంటర్వ్యూ కూడా చేశాయి. ఈ సందర్భంగా ఆమె ఈ పాట పుట్టుపూర్వోత్తరాల గురించి వివరంగా వివరించి చెప్పారు. భారతి చిత్తూరు జిల్లాలోని పారువాలు గ్రామం లో నివసిస్తారు. చిన్నతనంలో మేకలు, గొర్రెలు, కాయడానికి వెళ్ళినప్పుడు ఇలాంటి జానపద గేయాలను పాడేవాళ్ళమని.. అలా తాను కూడా ఇవి నేర్చుకున్నానని పేర్కొన్నారు.‘జంబలికిడి జారు మిఠాయి’ అనేది ఒక అమ్మాయి పేరట…మరి ‘మొగ్గలఖాలింగో’ అంటే.. అబ్బాయిలెవరు మన వైపు చూడట్లేదు అని అర్థమట.

అయితే ఈ పాట పాడినందుకుగాను మోహన్ బాబు తనకు 50 వేల రూపాయలు ఇచ్చారని ఆమె సంతోషంగా చెప్పారు. ఈ మధ్యకాలంలో వస్తున్న సినిమాలలో ఇలాంటి జానపద గేయాలకు ప్రాముఖ్యత పెరుగుతూ ఉంది.‘దారి చూడు దుమ్మూ జూడు మామ’, ” దాని పేరే సారంగదరియా…”ఇలా సినిమాలలో రిలీజ్ అయ్యి జానపద పాటలు సినిమాకే క్రేజ్ ను తెచ్చిపెట్టాయి.

అసలు మంచు విష్ణుకి సుడిగాలి సుధీర్ కి కంపారిజన్ ఏంటి అనుకుంటున్నారా..? లేక ఎందుకు వీళ్ళిద్దరిని పోల్చాల్సి వస్తోంది అని ఆలోచిస్తున్నారా. మరేం లేదు మంచు విష్ణు హీరోగా నటించిన “జిన్నా” మూవీకి , సుధీర్ హీరోగా చేసిన “గాలోడు” సినిమాకి మధ్య జరిగిన చిన్న కంపారిజన్ ఫలితమే ఇది.

సినీ ఇండస్ట్రీ అంటేనే ఒక్కొక్కసారి ఎవరి ఊహకి అందనివి, విచిత్రమైనవి అయిన సంఘటనలు చోటు చేసుకుంటూనే ఉంటాయి. మరి అలాంటి అరుదైన సంఘటన ఇప్పుడు తెలుగు సినీ ఇండస్ట్రీలో చోటుచేసుకుంది. మంచి సాలిడ్ బ్యాక్ గ్రౌండ్ తో ఫిలిం ఇండస్ట్రీ లోకి ఎంటర్ అయిన నట వారసుడు మంచు విష్ణు ఓపక్క…బుల్లితెర మీద కామెడీ ,రియాల్టీ షోలతో పాపులారిటీ తెచ్చుకున్న సుడిగాలి సుధీర్ మరోపక్క.

బుల్లితెర మీద తన కామెడీతో మంచి క్రేజ్ సంపాదించిన సుధీర్ ఆ మధ్య ‘సాఫ్ట్‌వేర్ సుధీర్’ సినిమాతో వెండితెరపై ఎంట్రీ ఇచ్చాడు. ఆ మూవీ తర్వాత కాస్త గ్యాప్ తీసుకొని రీసెంట్ గా ‘గాలోడు’ మూవీతోె మళ్లీ ప్రేక్షకుల ముందుకు వచ్చాడు. అయితే దీనికి మంచు విష్ణు కి సంబంధం ఏమిటి అనుకుంటున్నారా , ఆ విషయానికి వస్తున్నా….

ఈ శుక్రవారం అంటే నవంబర్ 18న ‘గాలోడు’ మూవీ రిలీజ్ అయింది. అందరి అంచనాలను తలకిందులు చేస్తూ రెండు తెలుగు రాష్ట్రాలలో ఎవరూ ఊహించనంత భారీ వసూళ్లను ఈ చిత్రం తొలి రోజే రాబట్టింది. ఆంధ్రాలో 36 లక్షలు సీడెడ్ లో ,18 లక్షలు నైజాంలో, అయితే ఏకంగా 47 లక్షలు బాక్స్ ఆఫీస్ వసూళ్లతో ఇరు తెలుగు రాష్ట్రాలకు కలిపి సుమారు కోటి పైన కలెక్షన్ రాబట్టింది.

రీసెంట్ గా రిలీజ్ అయిన మంచు విష్ణు “జిన్నా” మూవీ వరల్డ్ వైడ్ క్లోసింగ్ గ్రాస్ కలెక్షన్ ఇంచుమించు 70 లక్షలు.
అయితే ‘గాలోడు’కేవలం ఒకే ఒక్క రోజులో కోటి రూపాయల పైనే గ్రాస్ వసూలు చేసింది. అంటే మంచు విష్ణు మూవీ ఆల్ టైం కలెక్షన్స్ …. ఒక చిన్న హీరో సినిమా మొదటి రోజు కలెక్షన్స్ దాటడంతో ఫిలిం ఇండస్ట్రీ అవాక్కయ్యింది.

తెలుగు బుల్లితెరపై సందడి చేస్తూ.. ఎనలేని క్రేజ్‌ను సొంతం చేసుకున్న వారిలో జబర్ధస్త్ కమెడియన్ సుడిగాలి సుధీర్ ఒకడు. కామెడీ, యాక్టింగ్, డ్యాన్స్, సాంగ్స్ ఇలా అన్నింట్లోనూ రాణించిన అతడు.. చాలా తక్కువ సమయంలోనే స్టార్‌గా ఎదిగిపోయాడు. దీంతో సినిమాల్లోకి సైతం ఎంట్రీ ఇచ్చి సత్తా చాటుతున్నాడు. జబర్దస్త్ షో ద్వారా పాపులర్ అయిన సుధీర్.. సినిమాల్లో ఫ్రెండ్ కేరెక్టర్లు చేసుకుంటూ.. హీరోగా చేసే స్థాయికి ఎదిగారు.

సాఫ్ట్ వేర్ సుధీర్, త్రీ మంకీస్, వాంటెడ్ పండుగాడ్ వంటి సినిమాల్లో హీరోగా నటించి మెప్పించారు. అయితే తాజాగా సుధీర్ హీరోగా నటించిన గాలోడు చిత్రం విడుదలైంది. ఫన్ అండ్ యాక్షన్ ఎంటర్‌టైనర్‌గా వచ్చిన ‘గాలోడు’ మూవీపై సుడిగాలి సుధీర్ అభిమానులు ఎన్నో అంచనాలు పెట్టుకున్నారు.

అయితే ఈ చిత్రం యావరేజ్ టాక్ నే తెచ్చుకుంటుంది. సాఫ్ట్ వేర్ సుధీర్ చిత్రాన్ని తీసిన డైరెక్టర్ రాజశేఖర్ రెడ్డి పులిచర్లనే దీనికి కూడా డైరెక్టర్. ఆ చిత్రం కూడా సో సో గానే ఉంటుంది. అయితే ఈ సినిమాలో సుధీర్ ఫాన్స్ కి నచ్చే ఎలివేషన్స్ ఉన్నా కథలో కంటెంట్ మిస్ అయ్యింది. దీంతో సుధీర్ ఫాన్స్ నిరాశకు గురయ్యారు.

తనదైన స్కిట్స్‌తో స్మాల్ స్క్రీన్ పై స్టార్ కమెడియన్‌గా ఓ రేంజ్ పాపులారిటీ సంపాదించుకున్నాడ సుధీర్. అతడికి అభిమాన గణం కూడా ఎక్కువగానే ఉంది. అయితే టీవీ ల్లో ఇంత స్టార్ స్టేటస్, పాపులారిటీ ని వదిలి సుధీర్ సినిమాల్లోకి వెళ్లడం వరకు బానే ఉన్నా.. హీరోగా వరుస సినిమాలు చేస్తున్నా.. మంచి కథలు ఎంచుకోవడం లో తడబడుతున్నాడని ఆయన అభిమానులు విచారం వ్యక్తం చేస్తున్నారు. అంతే కాకుండా జబర్దస్త్ ని వీడి వెళ్లడం తో కూడా ఆయన అభిమానులు చాలా నిరాశకు గురయ్యారు. షో లో ఉన్నప్పుడే బావుండేదని.. ఇప్పుడు ఎక్కడ వర్క్ చేస్తున్నాడు.. ఏంటి అనే విషయాలు కూడా తెలియట్లేదని ఆయన అభిమానులు కామెంట్లు చేస్తున్నారు.