Anudeep

ప్రతిభావంతుడైన రచయిత మరియు దర్శకుడు మారుతీ కొత్త నటీనటులతో అనేక విజయాలు సాధించాడు.అయితే గత కొద్ది కాలంగా మారుతి ప్రభాస్ తో కలిసి సినిమా తీయబోతున్నాడు అని నెట్లో న్యూస్ హల్చల్ చేస్తూ ఉంది. కానీ ఇంతవరకు అధికారికంగా ఎటువంటి ప్రకటన లేకపోవడంతో అది నిజమా కాదా అన్న డైలమాలో ఉన్నారు ప్రభాస్ ఫ్యాన్స్.

ఇటు ప్రభాస్ కూడా వరుస ఫ్లాప్స్ నుంచి బయటపడడానికి మంచి ఫ్యామిలీ ఎంటర్టైనర్ కోసం అన్వేషిస్తున్నట్టు సమాచారం. మారుతి అయితే అలాంటి స్క్రిప్స్ బాగా హ్యాండిల్ చేయగలడు అన్న ఉద్దేశంతో ప్రభాస్ మారుతితో మూవీ చేయాలి అనుకుంటున్నాడని ఇండస్ట్రీ టాక్.

కానీ పాన్ ఇండియా రేంజ్ ఇమేజ్ ఉన్న ప్రభాస్ లాంటి అగ్ర హీరో మారుతి లాంటి చిన్న డైరెక్టర్ తో సినిమా చేస్తాడా అని ఎందరో సందేహం వ్యక్తం చేశారు. కానీ ఈ వార్తలు తప్పు అని ప్రూవ్ చేస్తూ మొన్న బుధవారం మారుతి ప్రభాస్ కాంబినేషన్లో రాబోయే సినిమాకు సంబంధించిన పూజా కార్యక్రమాలు ఘనంగా జరిగాయి. అయితే ఈ సినిమా రెగ్యులర్ షూటింగ్ నవంబర్ నుంచి మొదలు కాబోతోందని సమాచారం.

ఈ సినిమాలో ప్రభాస్ సరికొత్త అవతారంతో కనిపించనున్నారని…తిరిగి బుజ్జిగాడు ,డార్లింగ్ రేంజ్ లో ఈ చిత్రంలో ప్రభాస్ లుక్స్ ఉంటాయని తెలుస్తుంది. మాళవిక మోహన్ ,రాశి ఖన్నా ,మెహరీన్ ముగ్గురు ఈ సినిమాలో నటిస్తున్నట్లు తెలుస్తుంది. కాగా ఈ సినిమాకి మెయిన్ హీరోయిన్ మలయాళం బ్యూటీ మాళవిక అని భావిస్తున్నారు. 50 కోట్ల బడ్జెట్ తో రాబోతున్న ఈ సినిమాకు ప్రభాస్ పెట్టిన కండిషన్ ఏమిటో తెలుసా?

ఈ మూవీ స్క్రిప్ట్ నచ్చిన ప్రభాస్ ఇది తెలుగు ప్రేక్షకులకు బాగా కనెక్ట్ అవుతుంది భావించాడు. అందుకోసం తన ఫ్యాన్ ఇండియన్ ఇమేజ్ ని కూడా పక్కనపెట్టి ఈ సినిమా తెలుగులో రిలీజ్ చేయాలి అని నిశ్చయించుకున్నాడు. మూడు నెలల్లో ఈ సినిమా షూటింగ్ పూర్తి చేసి రిలీజ్ చేయాలని నిర్ణయించుకున్నట్లు తెలుస్తుంది.

అయితే ప్రభాస్ కండిషన్ ప్రకారం ఈ చిత్రం మొదట కేవలం తెలుగులోనే రిలీజ్ చేస్తారు తరువాత మిగతా భాషల్లో విడుదల చేస్తారు. మరి ప్రభాస్ కు అంతగా నచ్చిన మూవీ ఎలా ఉంటుందో రిలీజ్ వరకు వేచి చూడాలి. అది కాక ఈ సినిమా షూటింగ్ కోసం ప్రభాస్ కేవలం 50 రోజులు మాత్రమే కాల్ షీట్స్ ఇచ్చారంట. బాహుబలి తర్వాత హిట్ లేని ప్రభాస్ కు ఈ చిత్రం ద్వారా మారుతీ భారీ హిట్ అందించగలిగితే ఇక ఇండస్ట్రీలో అగ్ర డైరెక్టర్ల సరసన మారుతీ పేరు చేరుతుంది అనడంలో సందేహం లేదు.

రెండు తెలుగు రాష్ట్రాల్లో అత్యంత ప్రజాదరణ పొందిన టెలివిజన్ కామెడీ షోలో శ్రీదేవి డ్రామా కంపెనీ ఒకటి. అయితే ఈ షో ఒక్క తాజా ప్రోమో యూట్యూబ్లో అప్లోడ్ చేసిన వెంటనే చాలామంది దృష్టిని ఆకట్టుకుంది. ప్రోమో రిలీజ్ అయి 24 గంటలు గడవకముందే ఇప్పటికే ఇది 7 లాక్స్ వ్యూస్ ను దాటింది.ఈ ప్రోమో ని చూసిన నటిజన్లు కండక్టర్ డాన్స్ కు ఫిదా అయి ప్రశంసల వర్షం కురిపించారు. అయితే ఈ ఎపిసోడ్ ఆగస్టు 28 ఆదివారం 2022 మధ్యాహ్నం ఒంటి గంటకి ఈటీవీ ఛానల్ లో ప్రీమియర్ చేయబడింది

శ్రీదేవి డ్రామా కంపెనీ లేటెస్ట్ గా వచ్చిన ఈ ఎపిసోడ్ ఇతివృత్తం కప్పల పెళ్లి. ఇందులో ఆటో రాంప్రసాద్ ,హైపర్ ఆది,చలాకీ చంటి, రాకెట్ రాఘవ ,తాగుబోతు రమేష్ తమ ట్రేడ్ మార్క్ పంచ్ డైలాగ్స్ తో ప్రేక్షకులకు వినోదాన్ని అందించారు.

అంతేకాదండోయ్ ఈ షోకు శ్రీకాకుళం జానపద పాటలు ఈసారి మంచి హైప్ ని తెచ్చాయి. ఇందులో ప్రత్యేకంగా ఆర్టీసీ కండక్టర్ అయిన ఝాన్సీ ప్రస్తుతం ట్రెండింగ్ గా ఉన్న పల్సర్ బైక్ పాటకు వేసిన డాన్స్ ఈ షోకే హై లైట్.ఝాన్సీ మాస్ స్టెప్స్ కి కమెడియన్స్ అందరూ ఉర్రూతలూగుతూ ఎంజాయ్ చేశారు. ఇక రష్మి గౌతమ్ మరియు ఆమని అయితే……ఝాన్సీ తో కలిసి స్టేజ్ ని ఒక ఊపు ఊపారు..

ఆ డాన్స్ ఆమెకి ఎంత పాపులారిటీ తెచ్చిందంటే ఇప్పుడు సోషల్ మీడియాలో ఎక్కడ చూసినా గాజువాక లేడీ కండక్టర్ డాన్స్ న్యూస్ ట్రెండింగ్ గా ఉంది. చిన్నతనం నుంచి డాన్స్ మీద ఇంట్రెస్ట్ ఉన్న ఆమె 2012లో గాజువాక ఆర్టీసీ డిపోలో ఉద్యోగంలో జాయిన్ అయిన తర్వాత కుడా కుటుంబ సభ్యుల సహకారంతో డాన్స్ ప్రోగ్రామ్స్ చేస్తూనే ఉంది.

జెమినీ టీవీ డాన్స్ స్టార్ ప్రోగ్రాంలో మెగా స్టార్ చిరంజీవి చేతుల మీదుగా ఫస్ట్ ప్రైజ్ అందుకున్న ఆమె ఎంతో ఆనందించింది. ఆ తరువాత మాటీవీలో రంగం 2, జీ తెలుగులో తీన్మార్ కార్యక్రమాల్లో డాన్సర్ గా చేసింది. ఈ ప్రోగ్రామ్స్ ఆమెకి మంచి గుర్తింపును పేరును తెచ్చిపెట్టాయి. అయితే ఈ శ్రీదేవి డ్రామా కంపెనీ పల్సర్ సాంగ్ మాత్రం ఆమెను వేరే లెవెల్ కు తీసుకెళ్ళింది. ఈ సాంగ్ కి ఝాన్సీ వేసిన ఊర మాస స్టెప్పుల కు స్టేజి మొత్తం దద్దరిల్లింది.

watch video:

అయితే ఆమె తాజాగా ఓ ఇంటర్వ్యూ లో ఆమె రియల్ లైఫ్ గురించి కొన్ని విషయాలు చెప్పారు. మూడు నెలలు గంజి అన్నం, ఆవకాయ్ మాత్రమే తిని బతికాను అంటూ తన కన్నీటి కష్టాలు చెప్పుకొచ్చారు. “పోలీస్ కానిస్టేబుల్ గా చేసిన నాన్న మా కుటుంబాన్ని రోడ్డున పడేసి వెళ్ళిపోతే అమ్మ మమ్మల్ని వదిలిపెట్టకుండా పాన్ షాప్ పెట్టుకుని, ఉల్లిపాయలు అమ్మి చదివించింది” అని చెప్పారు. అంతే కాదు ఇన్ని కష్టాల మధ్యలో 8 వ తరగతి చదువుతున్నప్పుడు డాన్స్ నేర్చుకొని ఎన్నో ప్రైజెస్ గెలిచారు ఝాన్సీ.

అంతేకాదు కూతురు రోడ్డు మీద డాన్స్ చేసి సంపాదిస్తుంటే తింటున్నారా తన అమ్మని, తమ్ముడ్ని హేళన చేసారు అని చెప్పారు. ఇప్పుడు తన తమ్ముడిని ఎంబీఏ చదివించానని, హెచ్.ఆర్. మేనేజర్ గా చేస్తున్నారు అంటూ చెప్పారు ఝాన్సీ. “చిరంజీవి గారి డాన్స్ చూస్తూ పెరిగాను కాబట్టి ఆయనలా కొంతైనా నేర్చుకోవాలని ఉంది. డుపు నింపుకోవాలంటే రెండు పనులు తప్పించి ఏ పనైనా చేసి సంపాదించుకోవచ్చు” అంటూ తన రియల్ లైఫ్ విషయాల గురించి పంచుకున్నారు.

watch video:

ప్రస్తుతం తెలుగు ఫిలిం ఇండస్ట్రీలో ఎక్కడ చూసినా జోరుగా పెళ్లి సందడి నెలకొంది. కొందరు సినీ తారలు తమ ప్రేమించిన నటీనటుల్ని పెళ్లి చేసుకోవడంతో ఇండస్ట్రీలో పెద్ద ఎత్తున సందడి ఉంది. ఈ నేపథ్యంలో తాజాగా ప్రముఖ కమీడియన్ యాక్టర్ అయిన అలీ కుమార్తె నిశ్చితార్థం ఆగస్టు 25వ తేదీన ఘనంగా జరిగింది.

అలీ కూతురు ఫాతిమా నిశ్చితార్థ వేడుకకు పలువురు సినీ ప్రముఖులు హాజరయ్యారు.తెలుగు ప్రేక్షకులకు అలీ గురించి ఎటువంటి ఇంట్రడక్షన్ అవసరం లేదు. ఆయన ఎన్నో సినిమాల్లో తన టాలెంట్ తో హాస్యాన్ని పండించి అందరిని ఆనందింప చేశారు .అతను తెలుగులో 1000 కంటే ఎక్కువ చిత్రాలలో నటించాడు. గత కొద్ది కాలంగా సినిమాల్లోనే కాకుండా టీవీ షోలో కూడా ఆలీ చురుకుగా పాల్గొంటున్నారు.

ఈ క్రమంలో ప్రస్తుతం ఎంగేజ్మెంట్ ఫోటోలు వీడియోలు సోషల్ మీడియాలో చక్కర్లు కొడుతూ ట్రెండింగ్ గా ఉన్నాయి. పలువురు అలీ అభిమానులు కాబోయే వధూవరులకు తమ ఆశీస్సులు శుభాకాంక్షలు కామెంట్ల రూపం లో తెలియజేస్తున్నారు.
ఈ నేపథ్యంలో అసలు అలీ కి కాబోయే అల్లుడు ఎవరో తెలుసు కోవాలని పెద్ద ఎత్తున ఆరా తీస్తున్నారు. అయితే అలీ మాత్రం తనకు కాబోయే అల్లుడికి సంబంధించిన అన్ని డీటెయిల్స్ ను గోప్యంగా ఉంచినట్లు తెలుస్తుంది.

అలీ కుమార్తె ఫాతిమా డాక్టర్ కోర్స్ పూర్తి చేసింది. ఈ నేపథ్యంలో కాబోయే అల్లుడు కూడా డాక్టర్ అయితేనే బాగుంటుందని భావించిన అలీ పెద్ద డాక్టర్ ను అల్లుడిగా సెలెక్ట్ చేశారంట. అలీ అల్లుడు షేక్ షహయాజ్ ఎంతో ఉన్నతమైన ఫ్యామిలీ కి చెందిన వాడు. అతను డాక్టర్ వృత్తితో పాటు సమాజ సేవ చేయడం అలీ కి ఎంతో ఇష్టమని సమాచారం. ఈ వార్తలు వైరల్ కావడంతో అలీ కూతురుకు తగ్గ వరుడిని తీసుకువచ్చారంటూ అభిమానులు తమ శుభాకాంక్షలు తెలిపారు.

అసలు ఈ మధ్య శుక్రవారం వచ్చిందంటే చాలు ఓటీటీ ప్లాట్ఫారం లో సరికొత్త సినిమాలు వెబ్ సిరీస్ ల సందడి మొదలు అవుతుంది. ఈవారం విడుదల కాబోయే సరికొత్త సోలు సినిమాల కోసం ప్రేక్షకులు కూడా ఆసక్తిగా ఎదురు చూస్తూ ఉంటారు. ఈ నేపథ్యంలో అమెజాన్ ప్రైమ్ వీడియో, నెట్ ఫ్లిక్స్, జీ5, ఆహా, డిస్నీ హాట్ స్టార్, సోనీ లివ్ లాంటి వివిధ ఓటీటీ ప్లాట్ ఫామ్ ల‌లో రిలీజ్ అయ్యి మనకు కనువిందు చేయడానికి సిద్ధంగా ఉన్న ఆ సరి కోత వెబ్ సిరీస్ మరియు సినిమాలు ఏంటో తెలుసుకుందాం.

క‌న్న‌డ స్టార్ కిచ్చ సుదీప్ నటించిన యాక్ష‌న్ అడ్వెంచ‌ర్ మూవీ విక్రాంత్ రోణా ఈమధ్య రిలీజ్ అయి బాక్సాఫీస్ దగ్గర మంచి ఫలితాన్ని రాబట్టింది. ఇప్పుడు ఈ చిత్రం సెప్టెంబర్ 2 నుండి జీ5 ఓటీటీలో రిలీజ్ కావడానికి సిద్ధంగా ఉంది. అయితే మొదట ఈ చిత్రం కేవలం కన్నడ భాషలో మాత్రమే ప్రసారం చేయడం జరుగుతుంది. తరువాత కొద్ది రోజులకు ఈ చిత్రం యొక్క హిందీ, తెలుగు డబ్బింగ్ వర్షన్స్ విడుదల చేస్తారని సమాచారం.

అక్షయ్ కుమార్ ,రకుల్ ప్రీత్ సింగ్ జంటగా నటించిన క‌ట్ పుత్లీ మూవీ సెప్టెంబర్ 2న డిస్నీ హాట్ స్టార్ లో స్ట్రీమింగ్ కు సిద్ధంగా ఉంది. ఈ మూవీ తమిళ్ రాచ్చ‌స‌న్ మరియు తెలుగు రాక్షసుడు మూవీ లకు రీమేక్ గా హిందీ లో తీశారు. అయితే ఈ మూవీ కూడా థియేటర్లలో కాకుండా నేరుగా ఓటీటీ ప్లాట్ఫారం లోనే రిలీజ్ కాబోతోంది.

మరో పక్క నందినీ రాయ్, నోయ‌ల్ మెయిన్ క్యారెక్టర్స్ లో నటించిన తెలుగు సినిమా పంచ‌తంత్ర క‌థ‌లు నేరుగా ఓటీటీలో విడుద‌లకు సిద్ధంగా ఉన్నాయి. ఈ చిత్రం ఆంథాల‌జీ బ్యాక్ డ్రాప్ లో రూపొందించారు. ఆహా ఓటీటీ ప్లాట్ ఫామ్ లో ఆగ‌స్టు 31 నుండి ప్ర‌సారం అవ్వడానికి సిద్ధమవుతోంది.

ఇకపోతే అమెజాన్ ప్రైమ్ లో లార్డ్ ఆఫ్ ద రింగ్స్ ఫ్రాంచైస్ నుండి అందరూ ఎంతోకాలంగా ఆసక్తిగా ఎదురు చూస్తున్న రింగ్స్ ఆఫ్ ప‌వ‌ర్ వెబ్ సిరీస్ ఒకేసారి తెలుగు, త‌మిళం, హిందీ, క‌న్న‌డ‌, మ‌ళ‌యాళం, ఇంగ్లిష్ మొద‌లైన‌ భాష‌ల‌లో రిలీజ్ కానుంది.ఈ వెబ్ సిరీస్ సెప్టెంబర్ 2 నుండి అమెజాన్ ప్రైమ్ ఓటీటీ ప్లాట్ ఫామ్ లో సందడి చేయడానికి సిద్ధంగా ఉంది.

మరోపక్క ప్రభుదేవా నటించిన చిల్డ్రన్ ఓరియంటెడ్ మూవీ మై డియ‌ర్ భూతం జి ఫైవ్ లో స్ట్రీమింగ్ కు సిద్ధంగా ఉంది. ఈ చిత్రం సెప్టెంబర్ 2 నుండి జి ఫైవ్ ఓటీటీ ప్లాట్ ఫామ్ లో ప్రసారం కానుంది. ఈ విధంగా ఈవారం పని కొత్త మూవీలు సిరీస్ లు ఓటీటీల్లో సంద‌డి చేయడానికి మన ముందుకు రావడానికి సిద్ధంగా ఉన్నాయి.