Anudeep

తెలుగు ప్రేక్షకులకు విజయశాంతి పరిచయం అవసరం లేని పేరు. 1980 లో వచ్చిన కళ్లుక్కుల్ ఈరమ్ అనే తమిళ సినిమాతో తన కెరీర్ ని మొదలు పెట్టిన విజయశాంతి అదే సంవత్సరం కిలాడి కృష్ణుడు అనే సినిమాతో తెలుగు ఇండస్ట్రీకి కూడా పరిచయం అయ్యారు. 1989 లో వచ్చిన ఈశ్వర్ అనే హిందీ సినిమాతో బాలీవుడ్ లో కూడా అడుగు పెట్టి అప్పట్లోనే స్టార్ హీరోలందరితోను కలిసి నటించారు.

అప్పట్లోనే సూపర్ హిట్ సినిమాలతో ప్రేక్షకులను అలరించిన విజయశాంతి లేడీ అమితాబ్ గా పేరు తెచ్చుకున్నారు. అయితే.. విజయశాంతితో గోపిచంద్ కు అనుబంధం ఎలా ఉందా అని డౌట్ వస్తోందా?

విజయశాంతి అప్పట్లోనే స్టార్ హీరోయిన్ గా కొనసాగడానికి గోపీచంద్ తండ్రి టీ. కృష్ణ ఓ ముఖ్య కారణం. అప్పట్లో ఆయన పాపులర్ డైరెక్టర్ గా ఉండేవారు. విజయశాంతి మంచి కధాంశాలున్న చిత్రాలను ఎంచుకోవడంలో ఆయన ఎంతగానో దోహదం చేసేవారు. ఆయన గైడెన్స్ సాయంతో విజయశాంతి స్టార్ హీరోయిన్ గా ఎదిగారు.

అప్పటి నుంచే ఆమెకు టి.కృష్ణ కుటుంబంతో మంచి సాన్నిహిత్యం ఉండేది అని వార్తలు వినిపిస్తున్నాయి. గోపీచంద్ చిన్న వయసులో ఉన్నప్పుడే ఆమె దగ్గరుండి చూసుకునేది అనే వార్తలు కూడా అప్పట్లో వచ్చాయి. విజయశాంతికి, గోపీచంద్ కు మధ్య ఈ స్నేహం కొనసాగుతూ వస్తోందని చెప్పవచ్చు.

ఫిల్మ్ ఇండస్ట్రీలో ఎప్పుడూ ఒక ప్రశ్న తిరుగుతూనే ఉంటుంది. ఏ హీరో టాప్, ఏ హీరోయిన్ గ్రేట్, లేదా ఆ డైరెక్టర్ తో పోలిస్తే ఏ డైరెక్టర్ గొప్ప అని సినీ ప్రేమికులు చర్చించుకుంటూనే ఉంటారు. అలాంటిదే ఇప్పుడో కొత్త అంశం తెర మీదకు వచ్చింది. పుష్పతో అందరి దృష్టిని తన వైపు తిప్పుకున్న లెక్కల మాస్టర్ డైరెక్టర్ సుకుమార్ తో.. క్లాసిక్ హిట్లతో దూసుకుపోతున్న మన మాటల మాంత్రికుడిని పోల్చడం ప్రారంభించారు.

అయితే మనం వెనిక్కెళ్లి వీరి ప్రస్థానాన్ని గనుక పరిశీలిస్తే.. ఇద్దరూ ఉపాధ్యాయ వృత్తి నుంచి వచ్చిన వారే. సుకుమార్ మొదట అసిస్టెంట్ డైరెక్టర్ గా తన సినీ కెరీర్ ప్రారంభిస్తే.. త్రివిక్రమ్ మాటల రచయితగా ఇండస్ట్రీలో అడుగు పెట్టాడు.

సుకుమార్ స్క్రీన్ ప్లే తో ప్రేక్షకులను కట్టి పడేస్తే.. త్రివిక్రముడు తన మాటలతో అందరిని ఆలోచింపచేస్తాడు. మొదటి సినిమా అల్లు అర్జున్ హీరోగా నటించిన ఆర్యతోనే బ్లాక్ బాస్టర్ హిట్ అందుకున్నాడు సుకుమార్.  4 కోట్లు పెట్టి తీసిన సినిమా 30 కోట్లు కలెక్ట్ చేసింది. ఆ తరువాత తీసిన “జగడం” కొంత నిరుత్సాహ పరిచినా 100% లవ్ తో మరోసారి  అందరిని ఆకట్టుకున్నాడు. 1 నేనొక్కడినే అంటూ మహేష్ బాబుతో ఓ హాలీవుడ్ రేంజ్ మూవీ తీసాడు సుక్కు సార్ కానీ తెలుగు ప్రేక్షకులు ఆ ప్రయోగాత్మక చిత్రాన్ని అర్థం చేసుకోలేకపోయారు. ఇతర దేశాల్లో 1 నేనొక్కడినే మంచి వసూళ్లను రాబట్టింది. ఉక్రెయిన్ లో విడుదల చేసిన తొలి తెలుగు సినిమా కూడా ఇదే.

ఆ తరువాత జూనియర్ ఎన్టీఆర్ తో కలిసి” నాన్నకు ప్రేమతో” తీసి మళ్ళీ విజయాల బాట పట్టాడు డైరెక్టర్ సుకుమార్. ఇంకా ఆ తరువాత వచ్చిన రంగస్థలం గురించి ఎంత చెప్పుకున్నా తక్కువే. అటు రామ్ చరణ్ కు, ఇటు సుకుమార్ కు తిరుగులేని విజయాన్ని అందించింది. గత సంవత్సరం విడుదలైన పుష్ప గురించి అందరికి తెలిసిందే ‘తగ్గేదెలే’ అంటూ అల్లు అర్జున్ పలికే డైలాగ్ సుకుమార్ రాబోయే సినిమాల్లో ఏ మాత్రం తగ్గకుండా దూసుకుపోతాడు అని అర్థం చేసుకోవచ్చు.

మన దర్శక ధీరుడు రాజమౌళి సైతం మీ అభిమాన డైరెక్టర్ ఎవరు అంటే.. సుకుమార్ అనే చెప్తాడు అంటే సుమార్ డైరెక్షన్ ఏ రేంజ్ లో ఉంటుందో అర్థం చేసుకోవచ్చు. ఆడియన్స్ మెదడుకు పని చెప్పే స్క్రీన్ ప్లే డైరెక్టర్ సుకుమార్ కే  సొంతం. ఇక త్రివిక్రమ్ విషయానికి వస్తే.. పంచ్ లు, ప్రాసలు, జీవిత సత్యాలతో ప్రేక్షకులను ఆకర్షిస్తాడు. తెలుగు రచయితల స్థాయిని పెంచినవాడు త్రివిక్రమ్ శ్రీనివాస్. దర్శకుడు విజయ భాస్కర్ వద్ద డైలాగ్ రైటర్ గా స్వయం వరం, చిరునవ్వుతో, నువ్వు నాకు నచ్చవ్ వంటి సినిమాలకు అద్భుతమైన డైలాగులు రాసి బెస్ట్ డైలాగ్ రైటర్ అవార్డులు కూడా అందుకున్నాడు.

నువ్వే నువ్వే సినిమాకు డైరెక్టర్ గా చేసి కొంత గ్యాప్ తరువాత అతడు, జల్సా, జులాయి, అత్తారింటికి దారేది, అ ఆ, అరవింద సమేత, అల వైకుంఠపురంలో వంటి వరుస హిట్లతో దూసుకుపోతున్నాడు. పదునైన సంభాషణలకు పెట్టించి పేరు. త్రివిక్రమ్ కలంలోంచి వెండి తెరకు జాలువారిన ఎన్నో సంభాషణలు ఎప్పుడు తెలుగు ప్రేక్షకుల మదిలో మెదులుతూనే ఉంటాయి. ‘నువ్వు నాకు నచ్చావ్’ సినిమాలో ఆర్తీ అగర్వాల్ తో సుహాసిని చెప్పే మాటలు మనం ఎప్పటికీ మరిచిపోలేం.
అందుకే అంటారు.. తూటాలాంటి సీన్స్ త్రివిక్రమ్ పెన్ నుంచి గన్ లా పేలుతుంటాయ్ అని.. ప్రేక్షకుడి జ్ఞానస్థాయిని పెంచే వాడు డైరెక్టర్ త్రివిక్రమ్. త్రివిక్రమ్ మాటలు సినిమాలకే పరిమితం అవలేదు. అనేక వేదికలపై అద్భుతమైన ఉపన్యాసాలతో అందరిని ఆకట్టుకుంటాడు. ఇక సుకుమార్, త్రివిక్రమ్ లో ఎవరు ఎక్కువ, తక్కువ అంటే ఏం చెప్పలేం.. ఇద్దరిలో ఎవరి పంథా వారిదే, ఒకరు కథని కొత్తగా ప్రేక్షకుడి మెదడుకి పని చెప్పాలని ప్రయత్నిస్తే .., ఇంకొకరు కుటుంబసమేతంగా సున్నితమమైన హాస్యంతో ఆనందింపజేస్తూనే జీవిత విలువలు నేర్పాలని చూస్తారు.

ఒకరి లక్ష్యం మేధావుల మనసులు గెలవడం అయితే, ఒకరి లక్ష్యం కుటుంబ ప్రేక్షకులతో సహా అన్ని వర్గాలు ఆనందించాలని. ఎవరు గొప్పంటే ఎలా చెప్పగలం . . సింగీతం శ్రీనివాసరావుని ఎక్కువ చేస్తూ జంధ్యాల గారిని తక్కువ చేయగలమా..!??

ఏ మాయ చేసావే.. సినిమాలో జంటగా నటించి, నిజ జీవితంలో కూడా ఒక్కటైన జంట సమంత, నాగ చైతన్య. వీరిని అభిమానులు ముద్దుగా “చైసామ్”  అని పిలుచుకుంటారు. ఈ టాలీవుడ్ స్టార్ కపుల్ గతేడాది విడాకులు తీసుకున్న విషయం అందరికి తెలిసిందే.

వీరి విడాకుల వార్తను అటు సామ్ అభిమానులు, ఇటు చైతూ అభిమానులు కూడా జీర్ణచుకోలేకపోయారు. కొన్నాళ్ళ పరిచయం, ఎన్నోఏళ్ల ప్రేమ.. అనంతరం పెళ్లి చేసుకున్నా ఈ జంట ఐదేళ్లకే వీరి వైవాహిక జీవితానికి శుభం కార్డు వేశారు. విడాకుల అనంతరం కూడా వీళ్ళు మళ్లీ ఒకటవుతారనే అనేక మంది అభిమానులు భావిస్తూ వచ్చారు కానీ కొన్నాళ్ళకు అలా జరిగే అవకాశం లేదని అర్థం అయింది.

సమంత, నాగచైతన్య విడాకులకు ముందు చాలా సినిమాల్లో కలిసి నటించారు. వీరిద్దరూ కలిసి నటించిన మనం, మజిలీ, ఏ మాయ చేసావే సినిమాలు సూపర్ హిట్ అయ్యాయి. అయితే వీటిలో మజిలీ మాత్రం పెళ్లి తర్వాత నటించారు. ఇప్పటికీ ఈ సినిమా చూసి అభిమానులు ఇంత చక్కటి జంట.. ఎలా అయిపోయింది అని బాధపడుతుంటారు.

ఇక విడాకుల తర్వాత నాగచైతన్య, సమంత సినిమాలతో ఫుల్ బిజీ అయిపోయారు. ప్రస్తుతం సమంత బాలీవుడ్ ప్రాజెక్ట్స్ తో పాటు హాలీవుడ్ లో “ద అర్రెంజ్మెంట్స్ ఆఫ్ లవ్” అనే సినిమాలో నటిస్తోంది. అదే విధంగా తెలుగులో విజయ దేవరకొండతో ఖుషి సినిమాలో నటిస్తుంది. ఈ సినిమా షూటింగ్ ప్రస్తుతం కాశ్మీర్ లో జరుగుతుంది.

ఇటీవల విడుదలైన బంగార్రాజుతో చైతన్య అభిమానులను ఆకట్టుకోగా, విఘ్నేష్ శివన్ దర్శకత్వంలో వచ్చిన “కేఆర్ కే” తో సమంత అలరించింది. మరోవైపు నాగ చైతన్య కూడా రీసెంట్ గా అమీర్ ఖాన్ హీరోగా నటించిన “లాల్ సింగ్ చద్దా” సినిమాలో ఓ ముఖ్యమైన పాత్రలో నటించారు. ఇక ప్రస్తుతం దూత అనే వెబ్ సిరీస్ లో నటిస్తున్నారు.

అయితే నాగ చైతన్యకు ఈ వెబ్ సిరీస్ లో నటించడం పెద్దగా ఇష్టం లేదట. హారర్, థ్రిల్లర్ సినిమాల్లో నటించాలనే ఆలోచన నాగ చైతన్యకు మొదటి నుంచి లేదు. కానీ అప్పట్లో సమంత పట్టుబట్టి నాగ చైతన్యతో ఆ వెబ్ సిరీస్ చేయాలని కోరింద‌ట‌. అలా స‌మంత కోరిక‌తోనే చైతూ ఈ వెబ్ సిరీస్ కు ఒప్పుకున్నారు. దీంతో ప్రస్తుతం సమంత లేకపోయినా ఆమెకు న‌చ్చిన‌ పనులనే చైతూ చేస్తున్నాడంటే నెటిజ‌న్లు సోషల్ మీడియాలో కామెంట్లు పెడుతున్నారు.

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్‌ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రలతో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే.

ఇక సూపర్ స్టార్ కృష్ణ గారి గురించి కూడా ప్రత్యేకంగా చెప్పాల్సిన అవసరం లేదు. అప్పట్లోనే ఎన్నో సినిమాలతో బాక్స్ ఆఫీస్ రికార్డులు బద్దలు కొట్టారు. ఎన్టీఆర్, కృష్ణ, ఏఎన్నార్, శోభన్ బాబు వంటి హీరోలు అప్పట్లో పోటాపోటీగా నటించేవారు.

అయితే… ఒకానొక టైం లో ఎన్టీఆర్ రాజకీయాల్లోకి అడుగుపెట్టిన సంగతి తెలిసిందే. తక్కువ టైం లోనే ఆయన ముఖ్యమంత్రి అయ్యి అందరిని ఆశ్చర్యంలో ముంచెత్తారు. మరోవైపు సూపర్ స్టార్ కృష్ణ హీరోగా నటించిన ఈనాడు సినిమా కూడా అప్పుడే రిలీజ్ అయ్యి బ్లాక్ బస్టర్ టాక్ ను సొంతం చేసుకుంది. మలయాళం లో హిట్ అయిన ఈనాడ్ సినిమాను రీమేక్ చేసి తెలుగులో “ఈనాడు” గా రిలీజ్ చేసారు.

ఈ సినిమాలో సూపర్ స్టార్ కృష్ణ సైకిల్ తొక్కుతూ పాడే పాట సినిమాకే హైలైట్ గా నిలిచింది. ఎన్టీఆర్ కు సపోర్ట్ ఇవ్వడం కోసమే కృష్ణ ఈ పాట చేసారని అప్పట్లో టాక్ కూడా నడిచింది. ఈనాడు మూవీ రిలీజ్ అయిన వారం తరువాత టిడిపి పార్టీ గెలిచి.. ఎన్టీఆర్ ముఖ్యమంత్రి అయ్యారు. ఆ సమయంలో కృష్ణ ఎన్టీఆర్ ను అభినందిస్తూ పేపర్లో ఓ యాడ్ కూడా ఇచ్చారు. అప్పట్లోనే అది చాలా వైరల్ అయింది.