Anudeep

1990 నాటి కాలంలో తెలుగు, తమిళ, మలయాళ చిత్రంలో ఒక చైల్డ్ ఆర్టిస్ట్ గా అందరిని ఆకర్షించింది. తన నటనతో అభినయంతో ఎంతోమంది అభిమానులను సంపాదించుకుంది. ఆ పాప బేబీ షామిలి.

తెలుగు, తమిళ్, మలయాళం, కన్నడ ఇలా ఎన్నో భాషలో నటించి మంచి గుర్తింపును సంపాదించుకుంది బేబీ షామిలి. తమిళ్ లో నటించిన అంజలి మన తెలుగులో కూడా వచ్చింది. ఈ చిత్రానికిగాను బెస్ట్ చైల్డ్ ఆర్టిస్ట్ గా నేషనల్ ఫిలింఫేర్ అవార్డ్ ను దక్కించుకుంది.

మెగాస్టార్ చిరంజీవి నటించిన జగదేకవీరుడు అతిలోకసుందరి ఈ చిత్రంలో బుజ్జి గా, నాగార్జున సరసన కిల్లర్ చిత్రంలో స్నేహ గాను, జోకర్ చిత్రంలో ఆపిల్ గాను, ఇలా అనేక చిత్రాలలో నటించి చైల్డ్ ఆర్టిస్ట్ గా మన తెలుగు ప్రేక్షకులకు దగ్గరయ్యింది. 2009వ సంవత్సరంలో ఓయ్ చిత్రంలో సిద్ధార్థ పక్కన సంధ్య క్యారెక్టర్ లో హీరోయిన్ గా ఎంట్రీ ఇచ్చింది షామిలి. ఈ చిత్రం షామిలికి అంత మంచి గుర్తింపును సంపాదించలేదు.

మరలా తొమ్మిది సంవత్సరాల గ్యాప్ తో 2018 తెలుగు లో అమ్మమ్మగారిల్లు చిత్రంలో హీరో నాగ శౌర్య సరసన హీరోయిన్ గా సీత క్యారెక్టర్ చేసింది. ఈ చిత్రం కూడా షామిలికి విజయాన్ని సంపాదించలేకపోయింది.

తెలుగుతో పాటు తమిళ్ మరియు మలయాళం లో కూడా నటించిన చిత్రాలలో సక్సెస్ సాధించలేకపోయింది. తాను హీరోయిన్ గా నటించిన చిత్రాలన్నీ సక్సెస్ కాకపోవడంతో సినిమాలకు గుడ్ బై చెప్పేసింది.

చిన్న వయసులోనే అంత అందంగా ఉన్న షామిలి ఇప్పుడు కూడా అదే అందంతో అందరిని తనవైపు ఆకర్షిస్తుంది. లేటెస్ట్ ఫొటోస్ ని ఎప్పటికప్పుడు సోషల్ మీడియాలో పోస్ట్ చేస్తూ ఎంతో మంది అభిమానులను సంపాదించుకుంది.

https://www.instagram.com/p/CelP-9UvDtF/?utm_source=ig_web_copy_link

బుజ్జిగాడు సినిమా అందరూ చూసే ఉంటారు.. ఈ సినిమాలో ప్రభాస్, త్రిష హీరో హీరోయిన్లుగా నటించిన సంగతి తెలిసిందే. ఈ సినిమాలో చిన్నప్పటి ప్రభాస్, త్రిష లుగా నటించింది ఎవరో తెలుసా? దర్శకుడు పూరి జగన్నాధ్ పిల్లలు ఆకాష్, పవిత్రలే. ఈ విషయం చాలా మందికి తెలుసు.

ఇటీవల ఓ ఇంటర్వ్యూ లో పాల్గొన్న పూరి తనయుడు ఆకాష్ “బుజ్జిగాడు” సినిమా షూటింగ్ నాటి ముచ్చట్లను చెప్పుకొచ్చారు. చిన్నప్పుడే తన చెల్లెలు పవిత్రతో కలిసి బుజ్జిగాడు సినిమాలో నటించారు.

బుజ్జిగాడు సమయంలో అన్నా చెల్లెల్లు అయినా పవిత్ర, ఆకాష్ లు లవర్స్ గా నటించారు. ఈ విషయం గురించి ప్రస్తావిస్తూ స్కూల్ లో ఏమి అనలేదా అని ఇంటర్వ్యూ లో అడిగారు. దానికి సమాధానం ఇచ్చిన ఆకాష్.. స్కూల్ లో అందరు కామెడీ చేసి నవ్వేశారని అన్నారు. అయితే.. ఈ సినిమాలో వీరిద్దరి నటన అదిరిపోయిందనే చెప్పాలి.

అయితే ఈ సినిమా షూటింగ్ మొదలవ్వడానికి ముందే.. ఆకాష్ తండ్రి పూరితో ఇలా పవిత్రతో కలిసి నటించనని, చూడడానికి బాగోదని చెప్పేశాడట. అయితే.. పూరి ఆకాష్ మాటలను పట్టించుకోలేదు. పెద్దయ్యాక నీ హీరోయిన్ నే పెళ్లి చేసుకుందువులే గాని.. ఈసారికి ఇలా చేసేయమని చెప్పారట. ఇది యాక్టింగ్ మాత్రమే.. ఇప్పుడు నటించేసేయ్ అని చెప్పడంతో ఆకాష్, పవిత్రలు ఆ సినిమాలో నటించారట.

ఇటీవల ముఖంపై సెలెబ్రిటీలు చేయించుకునే సర్జరీలు ఒక్కోసారి వికటించడం.. వారి రూపం గుర్తుపట్టలేని విధంగా మారిపోవడం చూస్తూనే ఉన్నాం. కానీ.. దంత సమస్యల కారణంగా రూపు రేఖలు మారిపోయిన సంఘటన ఎప్పుడైనా చూశామా? ప్రస్తుతం దంత వైద్యంలో టెక్నాలజీ బాగానే అభివృద్ధి చెందింది. కానీ.. హీరోయిన్ స్వాతి మాత్రం దంత చికిత్స నిమిత్తం వెళ్లి.. తన రూపు రేఖల్ని కోల్పోవాల్సి వచ్చింది.

వివరాల్లోకి వెళ్తే.. శాండల్ వుడ్ కు చెందిన స్వాతి సతీష్ అనే హీరోయిన్ ఈ సమస్యని ఎదుర్కొంటోంది. సాధారణంగా లైపో సెక్షన్, ప్లాస్టిక్ సర్జరీ వంటివి రిస్క్ తో కూడుకున్నవి. వికటించి అవకాశాలు ఎక్కువ ఉంటాయి.

కానీ, టెక్నాలజీ పరంగా అభివృద్ధి చెందిన దంత వైద్యంలో కూడా సర్జరీ వికటించిన సంఘటన చోటు చేసుకుంది. శాండల్ వుడ్ కు చెందిన హీరోయిన్ స్వాతి ఇటీవల పంటి సమస్య కారణంగా ఇబ్బంది పడుతున్నారు. అయితే.. ఆమె దంత వైద్యుడిని సంప్రదించగా.. రూట్ కెనాల్ ట్రీట్ మెంట్ చేయాలని సూచించారు. అందుకు సిద్దమైన స్వాతి రూట్ కెనాల్ ట్రీట్ మెంట్ ను తీసుకున్నారు. అయితే.. సర్జరీ తరువాత ఆమె మూతి బాగా వాచి ఉబ్బిపోయింది.

అయితే ఆమె సదరు వైద్యుడిని సంప్రదించగా.. ఇది సహజమేనని.. మూడు రోజుల్లో తగ్గిపోతుందని చెప్పి పంపించారు. కానీ, మూడు వారాలు అయినా ఆమె వాపు తగ్గకపోవడంతో మరో వైద్యుడిని సంప్రదించారు. సర్జరీ సమయంలో అన‌స్థిషియా బ‌దులుగా సాలిసిలిక్ యాసిడ్ ను ఇవ్వడం వలన ఇలా జరిగిందని తేలింది. ఇప్పుడు ఏమి చెయ్యాలో తెలియక స్వాతి సతమతమవుతున్నారు. తన రూపు రేఖలు మారిపోయాయని.. ఎవరూ గుర్తుపట్టడం లేదనీ బాధపడుతున్నారు. ప్రస్తుతం ఆమె చికిత్స తీసుకుంటున్నారు. తాను కోలుకున్న తరువాత తనకి తప్పుడు చికిత్స ఇచ్చిన డాక్టర్ పై కేసు పెడతానని చెప్పారు.

సుకుమార్ దర్శకత్వంలో అల్లు అర్జున్ నటించిన “పుష్ప ది రైజ్” గతేడాది చివరిలో విడుదలై ఎంతటి ఘన విజయాన్ని సాధించిందో అందరికీ తెలిసిందే. ముఖ్యంగా బాలీవుడ్ లో ఎలాంటి అంచనాలు లేకుండా, అస్సలు పబ్లిసిటీనే చేయకుండా రిలీజ్ అయ్యి 100 కోట్లకు పైగా వసూలు చేసి ట్రేడ్ నిపుణులను సైతం నివ్వెర పోయేలా చేసింది.

అంతేకాదు.. క్రికెటర్లు, ఇతర దేశ క్రీడాకారులు కూడా మైదానంలో అల్లు అర్జున్ వేసిన సిగ్నేచర్ స్టెప్పులు వేసారు అంటే పుష్ప రాజ్ అందరిని ఎంతగా ఆకట్టుకున్నాడో అర్థం చేసుకోవచ్చు. “పుష్ప ది రైజ్” (పార్ట్ 1) సినిమా చూసిన వాళ్ళందరూ పుష్ప సీక్వెల్ లో భాగంగా వచ్చే “పుష్ప ది రూల్” (పార్ట్ 2) కోసం ఎదురు చూస్తున్నారనడంలో ఎలాంటి సందేహం లేదు.

మరి “పుష్ప ది రూల్” కూడా బాలీవుడ్ లో అంతటి విజయాన్ని సాధిస్తుందా..? మన సౌత్ ఇండియా నుంచి హిందీలోకి డబ్బింగ్ చేయబడి విజయాన్ని అందుకున్న ‘సీక్వెల్ సినిమాల” ట్రేడ్ లెక్కలపై ఓ లుక్కేద్దాం.. తమిళ సూపర్ స్టార్ రజినీకాంత్ నటించిన, శంకర్ దర్శకత్వంలో 2010లో వచ్చిన “రోబో” (పార్ట్ 1) హిందీలో 22 కోట్లు వసూలు చేయాగా, అదే కాంబినేషన్ లో అక్షయ్ కుమార్ కూడా నటించిన, 2018 లో రిలీజ్ అయిన “2.O” (పార్ట్ 2) ఏకంగా 180 కోట్లు వసూలు చేసింది.

మన దర్శకధీరుడు రాజమౌళి దర్శకత్వంలో ప్రభాస్, అనుష్క, రానా ప్రధాన పాత్రధారులుగా 2015లో వచ్చిన “బాహుబలి ది బిగినింగ్” చిత్రం హిందీలో 115 కోట్లు వసూలు చేయగా, సీక్వెల్ గా 2017 లో రిలీజ్ అయిన “బాహుబలి ది కంక్లూజన్” 510 కోట్లు వసూలు చేసి సినిమా పండితులని సైతం నివ్వెరపోయేలా చేసింది.

కన్నడ దర్శకుడు ప్రశాంత్ నీల్ దర్శకత్వంలో యశ్ హీరోగా నటించిన “కె జీ ఎఫ్ చాప్టర్ 1” 2018 లో విడుదలై హిందీలో 45 కోట్లు వసూలు చేసి అందరి దృష్టినీ ఆకర్షించింది, ఇక ఈ ఏప్రిల్ లో రిలీజ్ అయిన “కె జీ ఎఫ్ చాప్టర్ 2” ఏకంగా 435 కోట్లు వసూలు చేసి హిందీ ట్రేడ్ వర్గాలకు మన సౌత్ సినిమా అంటేనే జలసీ పుట్టేలా చేసింది.

ఈ లెక్కలని గమనిస్తే హిందీ ప్రేక్షకులు మన సౌత్ ఇండియన్ సీక్వెల్ సినిమాలని ఎంతగా ఆదరిస్తున్నారో అర్థమవుతుంది. ఇక మనం ఎప్పుడెప్పుడా అని ఎదురు చూస్తున్న “పుష్ప ది రూల్” రిలీజ్ అయితే బాక్స్ ఆఫీసు దగ్గర వసూళ్లు ఏ రేంజ్ లో ఉంటాయో అని ట్రేడ్ నిపుణులు ఇప్పటి నుంచే లెక్కలు కట్టడం మొదలు పెట్టారు. పుష్ప2 లో నవాజుద్దీన్ సిద్ధిఖీ కూడా ఒక ముఖ్య పాత్రలో నటించనున్నట్టు సమాచారం. అదే నిజం అయితే పుష్ప2 కి విజయావకాశాలు మరింత మెరుగైనట్టే. ఈ సీక్వెల్ సినిమాల విజయపరంపర బాలీవుడ్ లో అలాగే కొనసాగాలని సౌత్ సినీ ప్రేమికులు కోరుకుంటున్నారు.