Anudeep

కరోనా వైరస్ థాటికి ప్రపంచదేశాలన్ని వణికిపోతున్నాయి. ఇప్పటివరకు 161 దేశాల్లో కరోనా వైరస్ ప్రభలి తొమ్మిదివేల మంది వరకు ప్రాణనష్టం సంభవించింది. ఇంకా రెండు లక్షల పాతిక వేలమందికి పైగా కరోనా బారిన పడిన వారున్నారు. వాళ్లల్లో పదివేలమంది కండిషన్ చాలా సీరియస్ గాఉంది . మొత్తం దేశాలకు దేశాలే తమని తాము కట్టడి చేసుకుంటున్నాయి. ఇదిలా ఉంటే మొట్టమొదటగా వైరస్ దాడికి గురైన చైనా మాత్రం ఇప్పుడు పూర్తిగా కోలుకుంది.

చైనాలోని వూహాన్ నగరంలో మొదటి కరోనా కేసు నమోదైంది అనే విషయం అందరికి తెలిసిందే. వూహన్ నగరం మొత్తం వైరస్ దాడికి గురై అస్తవ్యస్తం అయింది. వైరస్ బారిన పడుతున్న రోగుల సంఖ్య పెరగడంతో వెయ్యి పడకల హాస్పటల్ ని నిర్మించడమే కాదు, ఎక్కడిక్కడ హోటల్లలాంటి పెద్ద పెద్ద భవనాల్ని హాస్పటిల్స్ గా మార్చేసింది చైనా ప్రభుత్వం.

సుమారు నాలుగు నెలల క్రితం అనగా గతేడాది డిసెంబరు నుండి ఊహాన్ లో ఎక్కడిక్కడ నగరం మొత్తం స్తంబించిపోయింది . ఎక్కడిక్కడ  అపార్ట్మెంట్స్, ఇల్లు వాళ్లకి వాళ్లే ఐసోలేషన్లోకి వెళ్లిపోయిన పరిస్థితి. మొత్తం  వూహాన్ నగరం మొత్తం తనని తాను క్వారెంటైన్లోకి మార్చేసుకుంది. అలాంటి పరిస్తితి నుండి చైనా కోలుకుంది. కొత్తగా నిర్మించిన హాస్పిటల్ నుండి చివరి పేషెంట్ కి క్యూర్ చేసి పంపించేసి, ఊపిరి పీల్చుకుంది.ఇప్పుడు చైనాలో కరోనా కేసుల నమోదు శాతం పూర్తిగా తగ్గిపోయింది. కొత్తగా నమోదైన 34 కేసులు విదేశీయులవే.

చైనా  ప్రభుత్వం, మెడికల్ టీం మొత్తం నాలుగు నెలల పాటు కష్టపడి కరోనాను పూర్తిగా అక్కడ అదుపులోకి తీసుకురాగలిగారు.  వూహాన్ సిటీ ఇప్పుడు వెలిగిపోతుంది. లైట్లతో వెలిగిపోతున్న ఊమాన్ సిటీ బిల్డింగ్ ఫోటోలను ట్విటర్లో పోస్టు చేసింది చైనా మీడియా.  సో షల్ మీడియాలో వైరలవుతున్న ఈ ఫోటోలు చూసిన నెటిజన్లు చైనా కృషిని అభినందిస్తున్నారు. మిగతా ప్రపంచం చైనాను చూసి నేర్చుకోవాలని కామెంట్ చేస్తున్నారు.

ఊహాన్ లో ట్రీట్మెంట్ చేసిన డాక్టర్ల బృందాన్ని చైనా ఇటలీ పంపిన విషయం విధితమే. ఇటలీలో పరిస్థితి చైనాను మించి మరీ దారుణంగా ఉంది. మరో వైపు మన దేశంలో ఐదు మరణాలు నమోదవగా 175 కేసులు నమోదయ్యాయి. చైనా మాదిరిగానే ప్రపంచం మొత్తం కరోనాని ఎదుర్కోవాలని, త్వరగా కోలుకోవాలని ఆశిద్దాం.

Buildings in Wuhan are illuminated with slogans cheering for dedicated medics, as no new infections of the novel coronavirus were reported on Wednesday in the city #COVID19 https://t.co/Y5FHToBNIb pic.twitter.com/tqqeXK0l8d

— China Xinhua News (@XHNews) March 19, 2020

ఈ రోజు ప్రపంచ హ్యాపీనెస్ దినోత్సవం.. ప్రపంచమంతా కరోనా భయంతో హ్యాపిగా  లేదు కాని, భారతదేశం మాత్రం ఖచ్చితంగా కొద్దిగంటలు కరోనాని మర్చిపోయి, ఎన్నో ఏళ్లుగా వేచి ఉన్న నిర్భయ నిందితుల ఉరిశిక్షతో ఖచ్చితంగా హ్యాపిగా ఉంది . నలుగురు నరరూప రాక్షసులని ఒకేసారి ఉరితీసిన ఘటన చరిత్రలోనే మొదటిసారి . మరి కొద్దిగంటల్లో చనిపోతాం అనగా వారి ఆలోచనలు ఎలా ఉన్నాయి? వాళ్లు ఏం చేశారు? చివరి కోరికగా ఏం కోరుకున్నారు? ఎలా ఉరితీశారు? వివరాలు.

నిర్భయ దోషులకి మార్చి  20న  ఉరి శిక్షను ఖరారు చేస్తూ తీర్పునిచ్చింది ఢిల్లీ కోర్టు . ఆసియాలోనే అతిపెద్ద జైలు తీహార్లో వారిని ఉరితీయాలని నిర్ణయం. అందులో భాగంగానే ఉరిశిక్ష అమలు చేసే జైలు నెంబర్ 3కి దగ్గరలోకి జైలు అధికారులు వారిని తరలించారు . దోషులుగా నిర్ధారణ అయిన నాటి నుండి శిక్ష నుండి తప్పించుకోవడానికి ఎన్నో ప్రయత్నాలు చేసిన వారిలో బుధవారం మాత్రం కొద్దిగా మార్పు కనపడింది. సలుగురిని వేరు వేరు సెల్స్ లో ఉంచి, సిసిటివి ద్వారా పర్యవేక్షించారు.

ఉరి తీసే తాడు రెండున్నర సెంటీమీటర్ల వ్యాసం అంటే ఒక అంగుళం, 19 అడుగుల పొడవుండే 10 తాళ్లను బీహార్ లోని బక్సార్ నుండి ముందుగానే తెప్పించారు. ఖైదీ బరువుకు ఒకటిన్నర రెట్లు బరువుండే ఇసుక బస్తాలతో వారం రోజుల ముందు ఒకసారి, మళ్లీ గురువారం ఆ తాళ్లని పరీక్షించారు. ఒక్కొక్కిరికి రెండు ఉరితాళ్లు, అదనంగా మరో రెండు తాళ్లని పరీక్షించి వాటిని ప్రత్యేక లాకర్ లో భద్రపరిచారు.

ఉరి శిక్ష పడిన ఖైదీలు ముకేష్ సింగ్ , అక్షయ్ ఠాకూర్, పవన్ గుప్తా , వినయ్ శర్మలకు ప్రతిరోజులాగే ఒకరితర్వాత ఒకరికి వేర్వేరుగా వైధ్య పరీక్షలు చేశారు. నలుగురూ వారి చివరి కోరిక చెప్పకపోవడం విశేషం, అంతేకాదు నలుగురిలో కూడా భయం కాని, బాధ కాని , పశ్చాత్తాపం కాని ఏ భావాలు కనిపించలేదు.వీలునామా రాసే అవకాశం ఉన్న వినియోగించుకోలేదు. కనీసం భోజనం కూడా చేయకుండా , రెండు సార్లు మంచినీళ్లు తాగి సరిపెట్టుకున్నారు.

తెల్లవారితే శుక్రవారం ఉదయం 5.30కి ఉరి పడుతుందనగా, గురువారం రాత్రి నలుగురూ నిద్రపోలేదని సమాచారం. జైలు నియమాల ప్రకారం ఉదయం 2.30కి  నలుగురిని నిద్రలేపారు. 2.40 ని. కి స్నానం చేయవలసిందిగా చెప్తే, నలుగురూ అన్యమనస్కంగానే స్నానం ముగించారు.

జైలు SP, DSP, ఎగ్జిక్యూటివ్‌ మేజిస్ట్రేట్‌, వైద్యాధికారి నలుగురూ కలిసి ఖైదీలు ఉన్న సెల్‌ వద్దకు చేరుకుని ,’డెత్ వారెంట్‌’లో ఉండే వివరాలతో నలుగురి వివరాలు పోల్చి చూసుకున్నారు. తరువాత ఈ ఖైదీలకు వారి మాతృభాష హిందీలో ‘వారు చేసిన నేరం ఏమిటి..?’ విధించిన శిక్షకు సంబంధించిన తీర్పు, అమలు వారెంట్‌ను చదివి వినిపించారు.

తెల్లవారుజామున 3గంటలకు ఖైదీలకు అల్పాహారం అందించగా,నలుగురూ నిరాకరించారు. ‘ఏదైనా మతపరమైన పుస్తకం కావాలా..’అని అధికారులు ఈ నలుగురిని అడిగినా కూడా ఎలాంటి సమాధానం లేదు, ప్రార్ధనలు చేసుకునే అవకాశం ఉన్నా వారు అలాంటిదేం చేయలేదని, లోపలోపల భయపడుతూ ఉన్నట్టు సమాచారం.

డిప్యూటీ సూపరింటెండెంట్ సమక్షంలో ‘సెల్‌’లోనే ఖైదీల చేతులకు వెనక నుంచి బేడీలు వేశారు. ఒకొక్క ఖైదీని ఇద్దరు వార్డెన్‌లు భుజాలను పట్టుకొని ‘ఉరి కంభం’ వైపు నడిపించారు. ఈ ఖైదీలకు ముందు వైపు ఇద్దరు వార్డెన్‌లు, వెనుక వైపు ఇద్దరు వార్డెన్‌లు ప్రొటోకాల్ ప్రకారం జరిగింది. ఈ సమయంలో జైలు డిప్యూటీ సూపరింటెండెంట్‌తో పాటు హెడ్‌ వార్డెన్, మరో ఆరుగురు వార్డెన్‌లు కూడా ఉన్నట్టు సమాచారం.

ఉరికంభం దగ్గర అప్పటికే సూపరింటెండెంట్, మెజిస్ట్రేట్, వైద్య అధికారి సిద్ధంగా ఉన్నారు. ఉరితీతకు ముందు జరగాల్సిన ప్రక్రియలన్నీ పూర్తయినట్లు సూపరింటెండెంట్, మెజిస్ట్రేట్‌కు వివరించారు. తరువాత ఈ నలుగురు ఖైదీలను తలారీకి అప్పగిస్తారు. ఖైదీలను ఉరి కంభం కింద నిల్చొబెట్టే వరకు వార్డెన్‌లు ఆ నలుగురు ఖైదీల చేతులు పట్టుకొనే ఉన్నారు.  ఉరికంబం ఎక్కించి, ఉరి తీసేప్పుడు కాళ్ళు కదలకుండా రెండు కాళ్ళను చిన్న తాడుతో గట్టిగా కట్టారు. తర్వాత ముఖాలకి నల్లటి ముసుగులు వేశారు. అయితే అరవకుండా నోటిలో గుడ్డలు పెట్టడం, నోటిని మూయటం కానీ చేయలేదు.

సరిగ్గా సమయం ఉదయం 5.30 ని . కి. మేజిస్ట్రేట్ టైం చూసుకొని.. సంకేతం ఇవ్వగానే, ఆ నలుగురు ఖైదీల కాళ్ల కింద ఉన్న తలుపులు తెరుచుకునేలా తలారి ‘లీవర్‌’ ను లాగాడు. ఆ నలుగురి మెడకు ఉరితాడు బిగిసింది. 14 నుంచి 16 నిమిషాల పాటు వారి శరీరాల కదలిక ఆగింది. అరగంట వరకు ఆ ఖైదీల శరీరాన్ని అలాగే ఉంచి, తర్వాత ఖైధీ మరణించినట్టుగా వైద్యాధికారి ధ్రువపరిచారు. ఆ విషయాన్ని హోం శాఖ అధికారులకు అధికారికంగా తెలియజేశారు.

దేశవ్యాప్తంగా ఎదురు చూసిన ఒక ఘట్టానికి తెరపడింది. నిర్భయ దోషులకి శిక్ష పడింది. ఇదంతా జరిగిన ఖైదీల కుటుంబ సభ్యులెవరూ జైలు పరిసర ప్రాంతాలకు రాలేదు. నిర్భయ తల్లిదండ్రులు,దేశవ్యాప్తంగా ప్రజలందరూ హర్షం వ్యక్తం చేశారు. ఎన్నో ఏళ్లుగా మానసిక క్షోభని అనుభవిస్తూ ఆ తల్లిదండ్రులు పడిన నరకయాతనకు ఇప్పటికైనా న్యాయం జరిగింది.

దోషులని ఉరి తీసిన తర్వాత నిర్భయ తల్లి మాట్లాడుతూ “ఆలస్యంగా అయినా సరే మాకు న్యాయం జరిగింది అనుకుంటున్నాను. న్యాయవ్యవస్థ మీద మాకు నమ్మకం పెరిగింది. నిర్భయ దోషులను ఉరి తీయడం వలన ఈ దేశంలోని తల్లిదండ్రులకి కూడా న్యాయం జరిగింది. . మా అమ్మాయికే కాదు , ఇకపై ఎక్కడ అన్యాయం జరిగినా ప్రతి ఒక్కరి తరపున పోరాడతాం అని అన్నారు.

“నిర్భయ దోషులకి అనేక సార్లు శిక్షలు పడినప్పటికి, తప్పించుకుంటూ వచ్చారు. దీనివల్ల న్యాయవ్యవస్థలో ఎన్ని లొసుగులున్నాయో అవన్ని బయటికి వచ్చాయి. ఆ లోపాలను సరిదిద్దుకుంటూ భవిష్యత్లో ఏ అమ్మాయికి అన్యాయం జరిగిన సత్వరంగా శిక్షపడేలా మార్పులు రావాల్సిన అవసరం ఉంది అని ఆశాభావం వ్యక్తం చేశారు నిర్భయ తండ్రి బద్రినాధ్ సింగ్.

తేదీ 20-03-2020, ఉదయం 5:30ని. టైం తర్వాత.. నిర్భయ నిందితులని తీహార్ జైల్లో “ఉరి తీశారు”. అనే వార్త కళ్లారా చూసే వరకు కానీ ఎవరికి నమ్మాలనిపించలేదు. ఒకటి రెండు కాదు సుమారు ఏడేళ్లుగా జరుగుతున్న న్యాయపోరాటంలో ఎట్టకేలకు  న్యాయం గెలిచింది . చట్టంలో ఎన్ని రకాల మార్గాలున్నాయో అన్నింటిని వాడుకుని తప్పించుకోవాలని చూసిన వారికి శిక్షపడింది.

నిర్భయ తల్లిదండ్రులు అనుభవిస్తున్న మానసిక క్షోభకి కొంతలో కొంత న్యాయం జరిగింది. కూతురిని తీసుకురాలేకపోయినా , కూతురిని అత్యంత పాశవికంగా అత్యచారం చేసి చంపిన ఆ మానవమృగాలకి శిక్ష పడాలనుకున్న ఆ తల్లిదండ్రుల న్యాయపోరాటానికి ఫలితం దక్కింది. నిర్భయకి న్యాయం జరిగింది ,న్యాయం జరిగింది అంటూ యావత్ దేశం ముక్త కంఠంతో మార్మోగిపోతోంది.

“ఆలస్యంగా అయినా సరే మాకు న్యాయం జరిగింది అనుకుంటున్నాను. న్యాయవ్యవస్థ మీద మాకు నమ్మకం పెరిగింది. నిర్భయ దోషులను ఉరి తీయడం వలన ఈ దేశంలోని తల్లిదండ్రులకి కూడా న్యాయం జరిగింది. . మా అమ్మాయికే కాదు , ఇకపై ఎక్కడ అన్యాయం జరిగినా ప్రతి ఒక్కరి తరపున పోరాడతాం అని ఏడేళ్ల సుధీర్ఘ పోరాటం తర్వాత దోషులకి శిక్షపడగానే నిర్భయ తల్లి ఆశా దేవి మాట్లాడిన మాటలు ఇవి.

“నిర్భయ దోషులకి అనేక సార్లు శిక్షలు పడినప్పటికి, తప్పించుకుంటూ వచ్చారు. దీనివల్ల న్యాయవ్యవస్థలో ఎన్ని లొసుగులున్నాయో అవన్ని బయటికి వచ్చాయి. ఆ లోపాలను సరిదిద్దుకుంటూ భవిష్యత్లో ఏ అమ్మాయికి అన్యాయం జరిగిన సత్వరంగా శిక్షపడేలా మార్పులు రావాల్సిన అవసరం ఉంది అని ఆశాభావం వ్యక్తం చేశారు నిర్భయ తండ్రి బద్రినాధ్ సింగ్.

డిసెంబర్ 16,2012 అర్దరాత్రి నిర్భయ అనుభవించిన నరకాన్ని ఇన్నేళ్లపాటు ఆ తల్లిదండ్రులు అనుభవించారు. కూతురిని చిత్రవధ చేసి నరకం చూపించిన ఆ క్రూరాతి క్రూర మృగాలకి శిక్షపడేవరకు అలుపెరగని పోరాటం చేశారు . అన్ని రకాల సాక్ష్యాలు ఉండి , దోషులు కళ్లముందే తిరుగుతున్నా శిక్షించడానికి ఇంత కాలం పట్టింది. అదే ఏ సాక్ష్యాలు మిగలకుండా పోతున్నా నిర్భయల సంగతి ఏంటో?

watch video:

ఏ పాత్రనైనా అలవోకగా నటించగల విలక్షణ నటుడు ప్రకాశ్ రాజ్ .సామాజిక సమస్యలపై గళం విప్పే సినిమా వాళ్ల జాబితాలో ప్రకాశ్ రాజ్ ది మొదటి పేరుంటుంది. సినిమాల్లో ఎక్కువగా విలన్ పాత్రలు పోషించే ప్రకాశ్ రాజ్ రియల్ లైఫ్ హీరో అని ఎనో సార్లు ప్రూవ్ చేసుకున్నారు. ఇటీవల ఒక ఇంటర్వ్యూలో ప్రకాశ్ రాజ్ గురించి ఒక ఆసక్తికరమైన విషయాన్ని మీడియాకి శేర్ చేశారు నటుడు శివాజి రాజా. అదేంటో మీరే చూడండి.

దీపం ఉన్నప్పుడే ఇల్లు చక్కబెట్టుకోవాలనే సామెత సినిమావాళ్లకి సరిగ్గా సూటవుద్ది. అవకాశాలున్నప్పుడే డబ్బులు పోగేసుకోవడం తెలియక ఎందరో నటులు అవస్థలు పడుతుంటారు, కొందరు అడ్డదారులు తొక్కుతారు. అలా ఆర్ధికంగా బాగా చితికిపోయిన ఒక సీనియర్ నటుడు , అప్పుల బాధ తట్టుకోలేక ఆత్మహత్యాయాత్నం చేసారట. తన తోటి నటుడు చనిపోవడానికి సిద్దపడ్డారని తెలుసుకున్న ప్రకాశ్ రాజ్ చలించిపోయారు.వెంటనే ఆ నటున్ని తన వద్దకు తీసుకురమ్మని శివాజిరాజాని అడిగారట.

ప్రకాశ్ రాజ్ అడగడంతో నేను అతన్ని తన వద్దకు తీసుకువెళ్లాను. వెళ్లాక కొద్దిసేపు రిలాక్స్ అవ్వమని చెప్పారు. ఆ తర్వాత జీవితంలో ఎంతపెద్ద సమస్యలొచ్చినా చనిపోవాలనే నిర్ణయం తీసుకోవద్దని కౌన్సిలింగ్ ఇచ్చారట. ఇప్పుడు నీకున్న సమస్యేంటి అప్పు. అంతేకదా, ఆ అప్పు నేను తీరుస్తాను అని అన్నారట.ఇదంతా తన ముందే జరిగిందని చెప్పుకొచ్చారు శివాజి రాజా.

ఇంతకీ ఆ నటుడు అప్పుల విలువ అక్షరాలా యాభై లక్షలు . యాభైలక్షల రుణం తీర్చే బాద్యత తనపై వేసుకున్నారు. అది భారం అనుకోలేదు. తన తోటినటుడు కష్టాల్లో ఉండడం చూడలేక బాద్యతగా తీసుకున్నారు.  ఆ సీనియర్ యాక్టర్ పేరు బయటకి చెప్పడానికి నిరాకరించారు శివాజీరాజా, అంతేకాదు ప్రకాశ్ రాజ్ ఎప్పుడూ తను చేసిన సాయం గురించి చెప్పుకోవాలని చూడరు, కాని ఒక వ్యక్తి ప్రాణాలు కాపాడిన మరో వ్యక్తి గురించి తెలిసి నేను చెప్పకుండా ఉండడం భావ్యం కాదు అందుకే చెప్తున్నాను అంటూ ఉద్వేగానికి గురయ్యారు.

విధి ఎప్పుడు ఎవరితో ఎలా ఆడుకుంటుందో ? ఎవరికి అంతుబట్టదు. ఈ క్షణానికి సంతోషంగా గడిపిన వాళ్లు మరుక్షణం బాగుంటారని చెప్పలేం. అంతా  విధిలీల . వివాహం జరిగి ఆరునెలలు, మరో ఆరునెలల్లో పండంటి బిడ్డకి జన్మనివ్వబోతూ , భవిష్యత్  కోసం కలలు కంటున్న తరుణంలో భర్త చనిపోయాడు. భర్త శవం తనతో పాటే ఒకే విమానంలో ప్రయాణించినా, తర్వాత ఆ విషయం తెలిసి గుండెలు పగిలేలా ఏడ్చింది. కేరళలో చోటు చేసుకున్న విషాద ఘటన వివరాలు.

ముఫ్పై ఏళ్ల మొహమ్మద్ సహీర్ ది  కేరళలలోని కన్నూరుకి దగ్గరలోని చుజాలి గ్రామం. ఆరు నెలల క్రితం షిఫానాతో వివాహం జరిగింది. వివాహం తర్వాత భార్యను తీసుకుని ఒమన్ కి వెళ్లిపోయాడు సహీర్. భర్తతో కలిసి మస్కట్ వచ్చిన షిఫానా సంతోషంగా గడుపుతోంది. వారి దాంపత్య బంధానికి గుర్తుగా తనలో మరో ప్రాణి జీవం పోసుకుంది. దీంతో అటు సహీర్ , ఇటు షిపానా కుటుంబ సభ్యులు ఆనందానికి అవధుల్లేకుండా పోయాయి.

ఒక రోజు స్నేహితులతో  ఫుట్ బాల్ ఆడడానికి వెళ్లిన సహీర్, ఆట ఆడుతూ గ్రౌండ్లో కుప్పకూలిపోయాడు. దీంతో ఫ్రెండ్స్ సహీర్ ను వెంటనే నిజ్వాలోని బదర్ అల్ సమా హాస్పిటల్ కి తీస్కెళ్లారు. పరీక్షించిన డాక్టర్లు తను చనిపోయాడని, గుండెనొప్పి వచ్చిందని చెప్పారు. వారికి కడుపుతో ఉన్న షిపానాకు ఈ విషయం ఎలా చెప్పలో అర్దం కాలేదు.

దాంతో నేరుగా విషయం చెప్పకుండా సహీర్ కి కరోనా లక్షణాలు ఉన్నాయని, హాస్పటల్ ఐసోలేషన్ వార్డులో ఉన్నారని చెప్పారు. తనని చూస్తానంటే, నువ్ ప్రెగ్నెంట్  వి కాబట్టి నిన్ను లోపలకి అనుమతించరని తనను భారత్ కి వెళ్లేందుకు ఒప్పించారు. భర్త ఆరోగ్యం బాగాలేదని తెలిసిన షిఫానా భారంగానే వెనుదిరిగింది.

మస్కట్ నుండి కోజికోడ్ వచ్చే ఎయిరిండియా విమానంలో షిఫానా ఇండియాకి బయల్దేరగా, అదే విమానంలో సహీర్ మృతదేహం ఉన్ శవపేటికను తీసుకొచ్చారు. కన్నూరు చేరుకున్నాక అసలు విషయం షిఫానా కి చెప్పారు. నిజం తెలుసుకున్న షిపానా భోరున ఏడ్చింది.  పండంటి బిడ్డతో ఇండియాకి తిరిగొస్తారనుకుని నిర్జీవంగా వచ్చిన సహీర్ ని చూసి ఇరు వైపుల కుటుంబ సభ్యులు దిగ్భ్రాంతికి గురయ్యారు.

దేశంలో 170 కరోనా పాజిటివ్ కేసులు నమోదవగా, రాష్ట్రంలో నిన్న ఒక్కరోజులోనే ఎనిమిది పాజిటివ్ కేసులు నమోదయ్యాయి. దీంతో ప్రజల్లో రోజురోజుకి పెరిగిపోతున్న భయాందోళనలు మానవత్వాన్ని చంపేస్తున్నాయి. అందుకు ప్రత్యక్ష ఉదాహరణగా వృద్ద దంపతులను ఇంటి నుండి గెంటివేసిన ఘటన హైదరాబాద్లో చోటుచేసుకుంది.

కరోనా వైరస్ ముఖ్యంగా ముసలివారికి, చిన్నపిల్లలకు వస్తుందనే నేపద్యంలో..కరోనా ఉందేమోననే అనుమానంతో ఇద్దరు ముసలివాళ్లని అపార్ట్ మెంట్ నుండి బయటికి పంపించివేశారు. హైదరాబాద్ నగరంలోని అల్వాల్ లో నివాసం ఉండే దంపతులిద్దరూ ఇటీవల విదేశాలకు వెళ్లి మూడు రోజుల క్రితం నగరానికి వచ్చారు. కరోనా వైరస్ ఎక్కువ గా విదేశాల నుండి వచ్చిన వారిలోనే బయటపడుతుంది కాబట్టి, వీళ్లిద్దరు కూడా విదేశాలనుండి వచ్చారనే భయంతో అపార్ట్ మెంట్ లో నివసించే వాళ్లంతా ఆ ముసలివాళ్లని అక్కడి నుండి వెళ్లిపోమని కోరారు.

వాళ్లు వినకపోవడంతో వెళ్లిపోవాల్సిందే అని ఒత్తిడి చేయడం స్టార్ట్ చేశారు. మా ఇంట్లో మేం ఉంటున్నాము, మేం అన్ని టెస్టులు చేయించుకునే వచ్చాం ఎందుకు వెళ్లిపోవాలని ఆ దంపతులు నిరాకరించారు. దాంతో అపార్ట్ మెంట్ వాసులు బలవంతంగా ఇద్దరిని బయటికి గెంటేశారు. అపార్ట్మెంట్ లో సుమారు 50 కుటుంబాలు నివసిస్తున్నాయి. విషయం పోలీసుల వరకు వెళ్లిందా లేదా , తర్వాత ఏం జరిగింది అనే సమాచారం తెలియాల్సి ఉంది.

భయపడినంతా జరుగుతోంది. ఇదే పరిస్థితి ఇలాగే కొనసాగితే మనుషులు ఒకరికొకరు ధైర్యంగా నిలబడాల్సిందిపోయి. ఒకరిని చూసి ఒకరు భయపడే పరిస్థితి ఎదురవుతుంది. కేవలం మన నిర్లక్ష్యం మూలంగా ఎందరో ప్రాణాలను బలిచేయడం సరికాదు. ప్రభుత్వాలు చెప్తున్న సూచనలు పాటించండి. కొద్దిరోజులు సామాజిక జీవనానికి దూరంగా ఉండండి.

ముఖ్యంగా విదేశాల నుండి వచ్చేవాళ్లు వారి వారి వివరాలు వైద్యశాఖ అధికారులకు ఇవ్వండి. పూర్తి చెకప్ జరిగేంత వరకు డాక్టర్ల పర్యవేక్షణలో ఉండు. విదేశాల నుండి వచ్చే వాళ్లలో కొంతమంది పారాసిటమాల్ వేసుకుని బాడీ టెంపరేచర్ కంట్రోల్ లో ఉండేలా చూస్కుంటున్నారనే వార్తల్లో మరింత కలవరపరుస్తున్నాయి. మన ఒక్కరి నిర్లక్ష్యం ఎంతో పెద్ద విపత్తు తీసుకురావొచ్చు. తస్మాత్ జాగ్రత్త!

కరోనా వైరస్ వ్యాపించకుండా  అవగాహన కల్పించడానికి సెలబ్రిటీలు పోస్టులు పెడుతున్నారు. కాని కాజల్ అగర్వాల్ పెట్టిన పోస్టు అందరిని కంటతడి పెట్టిస్తోంది. అంతేకాదు అందరని ఆలోచనలో పడేసింది. ఇంతకు ముందు కరోనా నుండి కాపాడుకోవడానికి ఏ విధంగా శుభ్రత పాటించాలో పోస్టు చేసిన కాజల్ , ఇప్పుడు ఒక నిజజీవిత  సంఘటనని పోస్టులో శేర్ చేసింది. సోషల్ మీడియాలో వైరల్ అవతున్న పోస్టు యధాతదంగా.

“క్యాబ్ డ్రైవర్ నా ముందు నిల్చుని ఏడ్చాడు . గడిచిన రెండు రోజుల్లో మీరే నా తొలి కస్టమర్ . నా భార్య ఈ రోజైనా నేను సరుకులు తెస్తానా  అని ఎదురు చూస్తూ ఉంటుంది. అంతేకాదు చివరి కస్టమర్ ని దించేసాక 70 కిలో మీటర్లు వెనక్కి  ఖాళీగానే  వెళ్లాల్సి వచ్చింది అంటూ చెప్తూ ఏడ్చాడు. అతను చెప్పింది వినగానే నాకు చాలా బాధ కలిగింది. దాంతో 500 రూపాయలు ఎక్కువగా ఇచ్చాను . మీరే అతని చివరి కస్టమర్ కావొచ్చు” అనే పోస్టుని ఒకతను శేర్ చేసాడు.

ఈ పోస్టు చూసిన కాజల్ పోస్టు చలించిపోయింది.  వైరస్ వ్యాప్తి చెందకుండా ఉండాలంటే అందరూ కొన్న జాగ్రత్తలు పాటించాలని చెప్పాం. దీనితో చాలా మంది చిన్న చిన్న పనులు చేసుకునే వారి జీవితాలు అస్తవ్యస్తం అయిపోతున్నాయి. కాబట్టి అలాంటి వారు మీ చుట్టుపక్కల ఉంటే దయచేసి కొంచెం ఎక్కువ డబ్బలు ఇవ్వండి అంటూ ఫ్యాన్స్ ని కోరింది.కాజల్ చేసిన పోస్టు కి ఫ్యాన్స్ , నెటిజన్లు  ప్రశంసల్లో ముంచెత్తడమే కాదు., మేం కూడా అలాగే చేస్తాం అని కామెంట్ చేస్తున్నారు.

కొన్ని  నెలలుగా కరోనా భూతానికి ప్రపంచం అంతా వణికిపోతున్న విషయం తెలిసిందే. ఈ వైరస్ వ్యాప్తి చెందించకుండా ఉండాలనే ఉద్దేశ్యంతో మన రోజువారి కార్యక్రమాలు ఎక్కడిక్కడ నిలిపివేసి, ఇంటిపట్టునే ఉండాలని ప్రభుత్వాలు సూచించాయి. చాలా కంపెనీలు వర్క్ ఫ్రం హోం ఇచ్చేశాయి. ప్రజలు చాలామంది తమ సోషల్ లైఫ్ కి దూరంగా ఉన్నారు. కాని  దీనివల్ల ఎందరో రోజువారి పనులు చేసుకునే వారి జీవితాలు చిన్నాబిన్నం  అవుతున్నాయనడానికి ఇదే ఉదాహరణ.