Anudeep

సినిమాలు అన్నాక హిట్లు, ఫ్లాపులు కామ‌న్.హిట్ వ‌స్తే సినిమా చేసిన న‌టుల‌తో పాటు ద‌ర్శ‌కుడికి మంచి పేరు వ‌స్తుంది. నిర్మాత‌కు కాసుల వ‌ర్షం కురుస్తుంది. అయితే కొన్నిసార్లు సినిమాలు డిజాస్ట‌ర్లు కావ‌డంతో నిర్మాత‌లు కోలుకోలేని దెబ్బ‌తింటారు. అలాంటి సంద‌ర్భాల్లో హీరోలు, హీరోయిన్లు త‌మ రెమ్యున‌రేష‌న్ డ‌బ్బులు తిరిగి ఇవ్వ‌డం. లేదంటే మ‌రో సినిమాలో డ‌బ్బులు తీసుకోకుండా న‌టించ‌డం చేస్తారు.

ఇప్పుడు అలా రెమ్యూనరేషన్ వెనక్కి ఇచ్చేసిన నటులు.. ఆ సినిమాలు ఏవో ఇప్పుడు చూద్దాం..

#1 రజనీకాంత్

బాబా మూవీ రిలీజ్ అయ్యాక డిస్ట్రిబ్యూటర్స్ బాగా లాస్ అవ్వడం తో రజనీకాంత్ తన రెమ్యూనరేషన్ లో చాలా భాగం వాళ్ళకి ఇచ్చేశారట.

#2 సూపర్ స్టార్ కృష్ణ

సూపర్ స్టార్ కృష్ణ ఎన్నో సినిమాలకు తన రెమ్మ్యూనరేషన్ వాపస్ ఇచ్చారు. తన సినిమా బోల్తాకొట్టిందంటే నిర్మాతలను ఆదుకోవడంలో ముందుంటారు కృష్ణ. అందుకే ఆయన్ను నిర్మాతల హీరో అనేవారు.

#3 బాల కృష్ణ

బాలకృష్ణ న‌టించిన గౌతమి పుత్ర శాత‌క‌ర్ణి సినిమా ఆశించిన రిజల్ట్ రాబట్టకపోవడంతో బాలయ్య బాబు తన పారితోషికాన్ని రివర్స్ ఇచ్చేశారు.

#4 ప‌వన్ కళ్యాణ్

పవర్ స్టార్ పవన్ కళ్యాణ్ న‌టించిన జానీ, కొమురంపులి సినిమాలు డిజాస్టర్ అయ్యాయి. దీంతో ప్రొడ్యూస‌ర్ల‌ అంచనాలు తలక్రిందులై భారీ నష్టం వాటిల్లింది. ఈ సమయంలో తాను తీసుకున్న‌ రెమ్యున‌రేష‌న్ వెన‌క్కి ఇచ్చేశారు పవన్ కళ్యాణ్.

#5 మహేష్ బాబు

మ‌హేష్ బాబు హీరోగా తెర‌కెక్కిన సినిమా ఖ‌లేజా సినిమా ఇలాగే బాక్సాఫీస్ వద్ద బోల్తాకొట్టింది. దీంతో నిర్మాత‌కు భారీగా న‌ష్టం వాటిల్లడంతో ఆ స‌మ‌యంలో మ‌హేష్ బాబు త‌న రెమ్యున‌రేష‌న్ అంతా తిరిగి ఇచ్చేశారు.

#6 రామ్ చరణ్

రామ్ చరణ్ హీరోగా వచ్చిన ఆరెంజ్ సినిమా భారీ అంచనాల నడుమ విడుదలై అట్ట‌ర్ ఫ్లాప్ కావడంతో త‌ను కూడా తీసుకున్న పారితోషికాన్ని తిరిగి ఇచ్చేశారు రామ్ చరణ్.

#7 సమంత

రీసెంట్ గా సమంత లీడ్ రోల్ లో వచ్చిన శాకుంతలం సినిమా డిజాస్టర్ అయింది. దీంతో ఈ సినిమాకు గాను తాను తీసుకున్న పారితోషికం మొత్తం వాపస్ చేసిందట.

#8 విజ‌య్ దేవ‌ర‌కొండ‌

విజ‌య్ దేవ‌ర‌కొండ న‌టించిన వ‌ర‌ల్డ్ ఫేమ‌స్ ల‌వ‌ర్ భారీ అంచనాల నడుమ ప్రేక్షకుల ముందుకొచ్చింది. తీరా విడుదల తర్వాత ఈ సినిమా బాక్సాఫీస్ వద్ద డీలా పడింది. దీంతో త‌న పారితోష‌కాన్ని వెన‌క్కి ఇచ్చారు విజయ్ దేవరకొండ.

#9 రవితేజ

మాస్ మహారాజ్ రవితేజ హీరోగా వచ్చిన రామారావు ఆన్ డ్యూటీ మూవీ బాక్సాఫీస్ వద్ద బోల్తా కొట్టింది. దీంతో ఈ సినిమాకు గాను తాను తీసుకున్న పారితోషికాన్ని తిరిగి ఇచ్చేశారు రవితేజ.

#10 సాయి ప‌ల్ల‌వి

సాయి పల్లవి నటించిన ప‌డి ప‌డి లేచే మ‌న‌సు సినిమా ఫ్లాప్ టాక్ తెచ్చుకుంది. దీంతో త‌న రెమ్యున‌రేష‌న్ ను సాయి ప‌ల్ల‌వి వెన‌క్కి ఇచ్చింది.

#11 జూనియర్ ఎన్టీఆర్

నరసింహుడు మూవీ ప్లాప్ కావడం తో జూనియర్ ఎన్టీఆర్ తన రెమ్యూనరేషన్ ని తిరిగి ఇచ్చేసాడు.

ఏ సినిమా లో అయినా ఒక హీరోకి ఎలివేషన్ పడితే ఆ సీన్ రేంజ్ మారిపోతుంది. ఒక్క సీన్ తో సినిమా మొత్తం మారిపోయిన సందర్భాలు కూడా ఉన్నాయి. హీరోలకు సీన్ లో ఎలివేషన్ పడితే థియేటర్ లో ఈలలు, గోలలతో నిండిపోతుంది.

ముఖ్యం గా స్టార్ హీరోలకు ఎలివేషన్స్ పక్కాగా ఉండేలా చూసుకుంటారు మేకర్స్. హీరో ఒక డైలాగ్ చెప్పి.. స్లో మోషన్ లో ఆలా వెళ్తూ ఉంటే మనం ఆ సీన్స్ కి కనెక్ట్ అయిపోతాం. కానీ కొన్ని సార్లు ఈ ఎలివేషన్స్ లో హీరోయిజం మిస్ అయ్యి.. ఆ సీన్స్ తేలిపోతాయి. ఇప్పుడు అలా లాజిక్ కి దూరం గా ఉన్న సీన్స్ ఏవో ఇప్పుడు చూద్దాం..

#1 ప్రాణానికి ప్రాణం 

బాలకృష్ణ, రజని జంటగా నటించిన ప్రాణానికి ప్రాణం చిత్రం లో.. బాలయ్య ఒక సీన్ లో జైలు లో ఉన్నప్పుడు హీరోయిన్ కి తాళి కడతాడు. దీంతో ఆ తాళి జైలు ఊచకి ఉండిపోతుంది. అప్పుడు బాలయ్య ఆ ఊచలు విరిచేసి తాళిని తీసి ఆమెకి ఇస్తాడు. ఈ సీన్ చాలా కృతకంగా ఉంటుంది.

#2 ఇంద్ర

చిరంజీవి హీరోగా నటించిన ఇంద్ర చిత్రం లో ఒక సన్నివేశంలో చిరు మేనకోడలిని విలన్స్ ట్రైన్ లో తీసుకెళ్తుండగా.. చిరు అది హెలీకాఫ్టర్లో నుంచి చూస్తాడు. అసలు అంత హైట్ నుంచి ట్రైన్ లో వాళ్ళు ఎలా కనిపించారు అన్నది ప్రశ్న.

#3 మాస్

కింగ్ నాగార్జున హీరోగా నటించిన మాస్ చిత్రం లో నాగ్ ఒక ఫైట్ కి ముందు కాలితో దుమ్ముని లేపుతాడు.

#4 ఒకే ఒక్కడు

యాక్షన్ కింగ్ అర్జున్ హీరోగా నటించిన ఒకే ఒక్కడు చిత్రం లో అతడు ఒక జర్నలిస్ట్. కానీ ఆ తర్వాత ఒక్క రోజు ముఖ్యమంత్రిగా ఉండే ఛాన్స్ దక్కుతుంది. కానీ అది నిజ జీవితం లో సాధ్యమయ్యే పని కాదు.

#5 అల్లుడా మజాకా

చిరంజీవి హీరోగా నటించిన అల్లుడా మజాకా చిత్రం లో ఒక ఫైట్ సీన్ లో వారిద్దరి ఫైట్ అస్సలు నాచురల్ గా అనిపించదు.

#6 జులాయి

జులాయి మూవీ లో మంత్రి అయిన కోట శ్రీనివాసరావు చనిపోయినా పోలీస్ లు కూడా టీవీ లో చూసి తెలుసుకుంటారు.

#7 అత్తారింటికి దారేది

అత్తారింటికి దారేది చిత్రం క్లైమాక్స్ లో పవన్ రైల్వే స్టేషన్ మొత్తాన్ని కొంటాడు. కానీ అది నిజ జీవితం లో జరిగే విషయం కాదు.

#8 వినయ విధేయ రామ

ఈ చిత్రం లో భారీగా ట్రోల్స్ ఎదుర్కొన్న సీన్ వినయ విధేయ రామ లోది. ఇందులో రామ్ చరణ్ తన అన్నయ్యల కోసం ట్రైన్ పైన ఎక్కి బీహార్ వెళ్తాడు.

#9 ఆగడు

ఆగడు మూవీ లో మహేష్ ఒక సీన్ లో రన్నింగ్ ట్రైన్ బోగీల మధ్య లో నుంచి జంప్ చేస్తాడు.

#10 బాహుబలి

బాహుబలి చిత్రం లో యుద్ధం సమయం లో తాటి చెట్లను వంచి కోటలోకి ప్రవేశించే సీన్. ఇది రియాలిటీ కి చాలా దూరంగా ఉంటుంది.

#11 లైగర్

లైగర్ చిత్రం లో హీరో విజయ్ దేవరకొండ రింగ్ లో ఫైట్ చెయ్యడం మానేసి.. ఎక్కడో ఒక ప్లేస్ లో ఫైట్ చేస్తాడు. ఆ వీడియో లైవ్ స్ట్రీమ్ చెయ్యగా అది చూసి హీరో ని విన్నర్ గా ప్రకటిస్తారు మ్యాచ్ నిర్వాహకులు.

#12 రేసు గుర్రం

రేసు గుర్రం చిత్రం లో అల్లు అర్జున్ తన పగ తీర్చుకోడానికి ఒక్క రోజు పోలీస్ గా ఛార్జ్ తీసుకుంటాడు.

#13 బంగారం

బంగారం మూవీ క్లైమాక్స్ లో పవన్ ని విలన్స్ భూమి లో పాతేస్తారు. కానీ పవన్ భూమిని చీల్చుకొని బయటకి వస్తాడు.

#14 హృదయ కాలేయం

సంపూర్ణేష్ బాబు హీరోగా వచ్చిన హృదయ కాలేయం చిత్రం లో అన్ని సీన్స్ రియాలిటీ కి దూరంగా ఉంటాయి.

#15 ఛత్రపతి

ఈ మూవీ లో హీరో ఇంట్రో సీన్ లో ప్రభాస్ షార్క్ తో ఫైట్ చేస్తాడు. అది అసలు సాధ్యమే కాని పని.

#16 పల్నాటి బ్రహ్మ నాయుడు

ఈ చిత్రం లో బాలయ్య తొడకొడితే ట్రైన్ వెనక్కి వెళ్లడం అనేది ఎప్పటికి ప్రేక్షకులు మర్చిపోలేని సీన్.

కాలంతో పాటు సినీ ప్రపంచమూ శరవేగంగా మారిపోతుంది. కథలు చెప్పే విధానంలోనూ కొత్త మార్పులొచ్చాయి. సీక్వెళ్లు.. ఫ్రాంఛైజీ సిరీస్‌ల్ని తలదన్నే మరో కొత్త కథా ప్రపంచం ఊపిరిపోసుకుంది. అదే సినిమాటిక్‌ మల్టీ యూనివర్స్‌. ‘అవెంజర్స్‌’, ‘స్పైడర్‌ మ్యాన్‌: నో వే హోమ్‌’ వంటి విజయవంతమైన చిత్రాలతో ఇప్పటికే హాలీవుడ్‌లో ప్రాచుర్యం పొందిన ఈ ట్రెండ్‌ను.. ఇప్పుడు భారతీయ సినీ పరిశ్రమ అందిపుచ్చుకుంటోంది.

అయితే మన దగ్గర కార్తీ నటించిన ఖైదీ చిత్రం తో మల్టీవర్స్ కి శ్రీకారం చుట్టారు దర్శకుడు లోకేష్ కనగరాజ్. ఇప్పుడు అదే దారిలో అడుగు పెట్టనున్నారు దర్శకుడు ప్రశాంత్ నీల్. తన రెండో చిత్రం కెజియఫ్ తో అన్ని ఇండస్ట్రీల్లోనూ ప్రకంపనలు సృష్టించాడు ప్రశాంత్ నీల్.

అలాగే కేజీఎఫ్ 2 మూవీతో ప్రేక్షకుల్లో ఎన్నో అనుమానాలను కలిగించాడు. కేజీఎఫ్3 కూడా ఉండబోతుందని చెప్పేశాడు. రాఖీభాయ్ బతికే ఉంటాడా? 1978 నుంచి 1981 మధ్యలో ఏం జరిగింది? నరాచి నుంచి మరో కొత్త హీరో బయటికొస్తాడా? అన్న ప్రశ్నలతో కేజీఎఫ్2 ను ముగించాడు. ప్రశాంత్ నీల్ అనౌన్స్ చేసిన ‘సలార్‌‌‌‌‌‌‌‌’, ఎన్టీఆర్‌‌‌‌‌‌‌‌ 31 సినిమాల నేపథ్యం కూడా కేజీఎఫ్ తరహాలోనే డార్క్‌‌‌‌‌‌‌‌ గ్రే కలర్‌‌‌‌‌‌‌‌ థీమ్‌‌‌‌‌‌‌‌లో ఉంది.

కోల్ మైనింగ్ నేపథ్యంలో సాగే ‘సలార్’ సినిమాకు ‘కేజీఎఫ్‌‌‌‌‌‌‌‌’తో లింక్ ఉందని టాక్. కేజీఎఫ్‌‌‌‌‌‌‌‌2 లో ఈశ్వరీరావు కొడుకు ‘ఫర్మాన్‌‌‌‌‌‌‌‌’ అధీర చేతికి చిక్కిన తర్వాత అతడిని చంపేశారా? లేదా? అన్నది స్పష్టంగా చూపించలేదు. అంతేకాదు, కేజీఎఫ్2 నుంచే సలార్ సినిమా మొదలవుతుందనీ, చాప్టర్ 2 లో ప్రశాంత్ నీల్ స్పెషల్ ఫోకస్ చేసిన ఫర్మాన్ క్యారెక్టరే సలార్‌‌‌‌‌‌‌‌‌‌‌‌‌‌‌‌గా మారుతుందని టాక్ కూడా నడుస్తోంది.

అయితే ప్రశాంత్ నీల్ యూనివర్స్ గురించి ఆయన అభిమానులు ఎన్నో అంచనాలు పెట్టుకున్నారు. దీనిపై నెట్టింట పలు కథనాలు వస్తున్నాయి. నీల్ వర్స్ ఇలా ఉండబోతుంది అంటూ అనేక కథలు పుట్టుకొస్తున్నాయి. ఆ వివరాల్లోకి వెళ్తే..

” సలార్ మూవీ లో అమాయకంగా ఉండే ప్రభాస్.. విలన్ అయిన జగపతిబాబు కి ఎదురు తిరిగి వైలెంట్ గా అయిపోతాడు. అలాగే కేజీఎఫ్ 3 లో రాకీ భాయ్ జిమ్మీ హెల్ప్ తో బయటపడి మళ్ళీ రూలర్ గా మారతాడు. ఆ తర్వాత శృతి హాసన్ ని రాకీ సేవ్ చేసినందుకు సలార్ 2 లో రాకీ భాయ్, సలార్ ఫ్రెండ్స్ గా మారిపోతారు. అప్పుడు ఎన్టీఆర్ 31 లో ఎన్టీఆర్ తన తండ్రి జగపతి బాబు ని , తాత అధీరా ని చంపినందుకు రాకీ భాయ్, సలార్ పై రివెంజ్ తీర్చుకుంటాడు.” అని నీల్ వర్స్ అభిమానులు ఊహించుకుంటున్నారు. ఇదే గనక నిజం అయితే రానున్న రోజుల్లో మరిన్ని అద్భుతాలు మనం చూడొచ్చు.

సాధారణంగా సినిమాలను ఒకరు లేదా ఇద్దరు నిర్మాతలు లేదంటే ఒక నలుగురు, ఐదు మంది నిర్మాతలు కలిసి నిర్మిస్తారు.ఇది మామూలుగా జరుగుతూ ఉంటుంది. ఎక్కువ శాతం సినిమాకు ఒకరు లేదా ఇద్దరు మాత్రమే నిర్మాతలుగా వ్యవహరిస్తూ ఉంటారు.కానీ ఇక్కడ మాత్రం ఒక సినిమాకు ఏకంగా ఒకటి రెండు కాదండోయ్ 5 లక్షల మంది నిర్మాతలు ఒక సినిమాకు నిర్మాతగా వ్యవహరించారు. అదే భారత దేశం లో.. ప్రపంచం లోనే తొలి క్రౌడ్ ఫండింగ్ చిత్రం ‘మంథన్’.

దేశవ్యాప్తంగా పాల ఉత్పత్తిని పెంచడంలో విశేష కృషిచేసి శ్వేత విప్లవ పితామహుడిగా గుర్తింపు తెచ్చుకున్న వర్గీస్ కురియన్ జీవిత కథ నేపథ్యంలో… దిగ్గజ దర్శకుడు అయిన శ్యామ్ బెనెగల్ తెరకెక్కించిన సినిమా ఇది. వర్గీస్ కురియన్ రాకతో గుజరాత్ పాడి రైతుల జీవితాలలో కొత్త వెలుగులు నిండాయి..ఈ సినిమా నిర్మాణానికి రైతులు భాగస్వామ్యం వహించడం అన్నది గొప్ప విశేషం.

ఈ సినిమా నిర్మాణానికి రైతులు భాగస్వామ్యం వహించడం సముచితం అనే శ్యామ్ ఆలోచనకు గుజరాత్ కో ఆపరేటివ్ మిల్క్ మార్కెటింగ్ ఫెడరేషన్ లిమిటెడ్ ముందుకొచ్చింది. ఈ సినిమాకు 5 లక్షల మంది తలో రెండు రూపాయలు అందించారు. ఇలా అందించిన వారు ఎవరో కాదు. పాడి రైతులు. వీరు సినిమా నిర్మించడానికి విరాళం ఇవ్వడమే కాకుండా ఆ సినిమాను చూసి విజయవంతం చేశారు.

గిరీశ్ కర్నాడ్, నసీరుద్దీన్ షా, అమ్రిష్ పురి, స్మితా పాటిల్, తదితరులు కీలక పాత్రల్లో నటించిన మంథన్ సినిమాను విజయవంతం చేసేందుకు గుజరాత్ పాడి రైతులు గుంపులు గుంపులుగా థియేటర్లకు వచ్చారు. వర్గీస్ జీవిత కథను తెలుసుకొని ఎంతో సంతోషించారు. అయితే ఈ సినిమా ప్రేక్షకుల ఆదరణ పొందడమే కాకుండా పలు జాతీయ అవార్డులను కూడా గెలుచుకుంది. వ్యవసాయ రంగంలో ఒక వ్యక్తి సాధించిన విజయాన్ని ప్రపంచానికి తెలియజేసేందుకు 5 లక్షల మంది రైతులు తమ తోడ్పాటునందించడంపై అప్పట్లో అందరూ అభినందించారు.

అంతే కాకుండా పాల ఉత్పత్తి కోసం ఎంతగానో సేవ చేసిన వర్గీస్ కురియన్ కు కేంద్ర ప్రభుత్వం పలు అవార్డులతో సత్కరించింది.

1963 లో రామన్ మెగాసెసె అవార్డు, 1965 లో పద్మశ్రీ,1966 లో పద్మభూషణ్, 1986 లో కృషి రత్న,1986 లో వాట్లర్ శాంతి బహుమతి, 1989 లో వరల్డ్ ఫుడ్ ప్రైజ్, 1993 లో ఇంటర్నేషనల్ పర్సన్ ఆఫ్ ద ఇయర్, 1997 లో ఆర్డర్ ఆఫ్ అగ్రికల్చరల్ మెరిట్, 1999 లో పద్మ విభూషణ్ అవార్డుతో కేంద్రం ఆయనను సత్కరించింది.

టాలీవుడ్ లో హీరోయిన్లకు కొదవ లేదు. ప్రతి ఏడాది ఎందరో హీరోయిన్లు ఇండస్ట్రీ లోకి అడుగు పెడతారు. అలా ‘ఏజెంట్‌’ చిత్రం ద్వారా తెలుగు చిత్రసీమలోకి అరంగేట్రం చేసింది హీరోయిన్ సాక్షి వైద్య. తొలి సినిమాతోనే తన నటనతో అందరిని ఆకట్టుకుంది సాక్షి వైద్య.

అక్కినేని అఖిల్‌ కథానాయకుడిగా సురేందర్‌ రెడ్డి దర్శకత్వంలో రూపొందిన ఈ చిత్రం ప్రేక్షకులను అంతగా ఆకట్టుకోలేదు. కానీ సాక్షి వైద్య నటన కి మాత్రం మంచి మార్కులే పడ్డాయి. ఇక ఇక ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న సాక్షి వైద్య తన గురించి పలు విషయాలను వెల్లడించారు.

“వృత్తి పరం గా నేను ఫిజియోథెరపిస్ట్ ని. మహారాష్ట్రలోని అహ్మద్‌నగర్‌లోని డాక్టర్ విఠల్‌రావ్ విఖే పాటిల్ ఫౌండేషన్ మెడికల్ కాలేజీలో ఇంటర్న్‌షిప్ చేశాను. కానీ కరోనా సమయం లో ఇంటికే పరిమితం కావాల్సి వచ్చింది. అప్పుడు ఇంస్టాగ్రామ్ లో రీల్స్ చేస్తూ ఉండేదాన్ని. అప్పుడు చాలా ఆదరణ లభించింది. కొన్ని ప్రకటనల్లో కూడా నటించాను.

అవి కాస్త వైరల్ కావడంతో చాలామంది సినిమాలలోకి ట్రై చేయొచ్చు కదా అంటూ సలహాలు ఇచ్చారు. దీంతో నా స్నేహితులు సినిమాల్లో ప్రయత్నించమని అడిగారు. అప్పుడు ముంబై లో కొన్ని ఆడిషన్స్ లో పాల్గొన్నాను. కానీ పాత్రలు నచ్చక వదిలేసాను. ఇక తిరిగి నా లైఫ్ లో బిజీ అయిపోయాను. ఆ సమయంలోనే ఏజెంట్ మూవీ టీం నుంచి తనకు ఫోన్ కాల్ రావడం..మీకు హీరోయిన్ గా ఛాన్స్ వచ్చిందని చెప్పడంతో అదొక పెద్ద స్కాం అనుకొని ఆ ఫోన్ కాల్ లైట్ తీసుకున్నాను.

నాకు పరిచయం ఉన్న ఓ కాస్టింగ్ డైరెక్టర్ ఏజెంట్ సినిమా గురించి చెప్పడంతో హైదరాబాద్ కి వచ్చి ఆడిషన్ ఇచ్చాను. ఆడిషన్ లో ఓకే అయి హీరోయిన్ నేనే అని చెప్పడంతో ఒక్కసారిగా నమ్మలేకపోయాను. ప్రస్తుతం తెలుగులో మరిన్ని మంచి అవకాశాల కోసం ఎదురుచూస్తున్నా. వరుణ్‌తేజ్‌తో ఓ సినిమా కన్‌ఫర్మ్‌ అయింది.” అని సాక్షి వైద్య తన గురించి ఒక ఇంటర్వ్యూ లో వెల్లడించింది.

Also read: ACTRESS SAKSHI VAIDYA IMAGES, AGE, PHOTOS, FAMILY, BIOGRAPHY, MOVIES LIST

సుప్రీమ్ హీరో సాయి ధరమ్ తేజ్ యాక్సిడెంట్ తర్వాత చేసిన మొదటి సినిమా విరూపాక్ష. హిట్లు ప్లాప్ లతో సతమతం అవుతున్న సాయి ధరమ్ తేజ్ ఈ సినిమాతో మంచి హిట్ అందుకున్నాడు. హారర్ బ్యాక్ డ్రాప్ లో వచ్చిన ఈ సినిమాకు విడుదలైన రోజు నుంచి ఊహించని విధంగా పాజిటివ్ రెస్పాన్స్ వచ్చింది.

సాయి ధరమ్ తేజ్ సినీ కెరీర్ లో 15వ చిత్రంగా వచ్చిన ఈ మూవీ తో కార్తీక్ వర్మ దండు దర్శకుడిగా పరిచయం అయ్యారు. ఈ సినిమాను సుకుమార్ రైటింగ్స్, శ్రీవెంకటేశ్వర సినీ చిత్ర సంస్థలు నిర్మించాయి.విడుదలకు ముందే ఈ చిత్రానికి పాజిటివ్ బజ్ క్రియేట్ అయింది. దీంతో ప్రపంచవ్యాప్తంగా రూ. 22.20 కోట్ల బిజినెస్ అయింది.

దానికి తగ్గట్టే ఈ చిత్రం అంచనాలను అందుకుంది. విరూపాక్ష సినిమాకు అన్ని ఏరియాల నుంచి మంచి స్పందన వస్తోంది. ఫలితంగా కలెక్షన్స్ తో దూసుకుపోతోంది. ఈ పది రోజులకు గాను ఈ సినిమా ప్రపంచ వ్యాప్తంగా 10 రోజుల్లోనే రూ. 37.76 కోట్లు షేర్‌, రూ. 76 కోట్లు గ్రాస్ వసూలు చేసింది. అంటే ఈ సినిమాకు రూ. 23 కోట్ల బ్రేక్ ఈవెన్ టార్గెట్ పూర్తి కాగా రూ. 14.76 కోట్ల లాభంతో బ్లాక్ బస్టర్ హిట్ అందుకుంది.

ఈ సినిమా బ్లాక్ మ్యాజిక్ నేపథ్యంలో తెరకెక్కింది. సస్పెన్స్ థ్రిల్లర్ గా వచ్చిన ప్రేక్షకులను విపరీతంగా ఆకట్టుకుంది. రీసెంట్ గా వచ్చిన రెండు పెద్ద సినిమాలు ప్రేక్షకులను ఆశించిన స్థాయిలో ప్రేక్షకులను ఆకట్టుకోలేక పోయాయి. దీంతో ఈ చిత్రానికి కలెక్షన్స్ పెరుగుతూనే ఉన్నాయి.

మొదటి రోజే 12 కోట్లు వసూల్ చేసిన ఈ సినిమా. . కేవలం నాలుగు రోజుల్లోనే 50 కోట్ల వసూళ్లు రాబట్టింది. ఇప్పుడు పది రోజుల్లో ఏకంగా విరూపాక్ష సినిమా 76 కోట్ల గ్రాస్ వసూళ్లు చేసి అందరికి షాక్ ఇచ్చింది. రానున్న రోజుల్లో ఈ కలెక్షన్ మరింత పెరిగే అవకాశం ఉంది. త్వరలోనే ఈ సినిమా 100 కోట్ల క్లబ్ లోకి చేరే అవకాశాలు కనిపిస్తున్నాయి.

సూప‌ర్ స్టార్ కృష్ణ ఇంట్లో వ‌రుస విషాదాలు ఆందోళ‌న క‌లిగిస్తున్నాయి. గ‌తేడాది కృష్ణ పెద్ద కుమారుడు ర‌మేష్ బాబు అనారోగ్యంతో క‌న్నుమూసిన సంగ‌తి తెలిసిందే. కాగా తాజాగా కృష్ణ మొద‌టి భార్య, మ‌హేశ్ బాబు త‌ల్లి ఇందిరా దేవి సైతం అనారోగ్యంతో క‌న్నుమూశారు. ఇప్పుడు ఆమె లైఫ్ కు సంబంధించిన ఆసక్తికర విషయాలు బయటకు వస్తున్నాయి.

కృష్ణ స‌తీమ‌ణి అన‌గానే అంద‌రికీ విజ‌య‌నిర్మ‌ల గుర్తుకువ‌స్తారు. కృష్ణ మొద‌ట ఇందిరాదేవిని వివాహం చేసుకోగా ఆ త‌రవాత త‌న కోస్టార్ అయిన విజ‌య నిర్మ‌ల‌ను వివాహం చేసుకున్నారు. కృష్ణకు కుటుంబ స‌భ్యులు సినిమాల్లోకి రాక‌ముందే మేన కోడలు అయిన ఇందిరాదేవితో వివాహం జ‌రిపించారు. వీరికి అయిదుగురు సంతానం.

కృష్ణ… విజయ నిర్మలను ప్రేమించి పెళ్లి చేసుకున్నా సరే ఇందిరా దేవి గారు ఎక్కడా హడావుడి చేయలేదు. అయితే కృష్ణ తో విడాకులు తీసుకోకుండానే ఆమె పిల్లల బాధ్యతలు చూసుకోవడం జరిగింది.
ఇక కృష్ణ విజ‌య నిర్మ‌ల‌తో పలు సూప‌ర్ హిట్ చిత్రాల‌లో న‌టించారు. సినిమాలు చేస్తున్న క్ర‌మంలోనే వీరిద్ద‌రి మ‌ధ్య ప‌రిచ‌యం ఏర్ప‌డింద‌ట‌. 1969 లో కృష్ణ – విజయనిర్మల ఒక గుడిలో పెళ్లి చేసుకోవడం అప్పట్లో సంచలనం. ఆ విష‌యాన్ని ఇందిరాదేవికి చెప్పగా ఆమె ఏమీ మాట్లాడ‌కుండా అలాగే ఉండిపోయార‌ట‌. కృష్ణ మాట‌ను ఆమె గౌర‌వించార‌ట‌. ఎలాంటి గొడ‌వ చేయ‌కుండా మౌన‌మే అర్థాంగికారం అన్న‌ట్టుగా ఉండిపోయార‌ట‌.

కృష్ణ రెండో వివాహం చేసుకున్న‌ప్ప‌టికీ ఇందిరా దేవి మాత్రం ఆయ‌న‌తో విడిపోలేదు. అంతే కాకుండా త‌న కుటుంబాన్ని చూసుకుంటూ మీడియాకు దూరంగా ఉన్నారు. ఇక ఏ సినిమా ఫంక్ష‌న్ అయినా విజ‌య నిర్మ‌ల కృష్ణ క‌లిసి వ‌చ్చేవారు. అంతే కాకుండా ఇందిరాదేవి కూడా విజ‌య‌నిర్మ‌ల‌తో మాట్లాడేవారు. ఫంక్ష‌న్ ల‌లో ఇద్ద‌రూ క‌లుసుకునేవారు.

ఇక కృష్ణకు విజయ నిర్మల వెన్నుముఖ అని తెలుసుకున్న ఇందిరా దేవి ఒప్పుకున్నారు గాని… విజయ నిర్మలతో పిల్లలను కనడానికి మాత్రం నో చెప్పారు. ఆ కండీషన్ తోనే పెళ్లి చేసుకున్నారు.