డిసెంబర్ 22 తారీఖున యంగ్ రెబల్ స్టార్ ప్రభాస్ నటించిన సలార్ సినిమా ప్రపంచవ్యాప్తంగా విడుదల కానుంది. తెలుగు రాష్ట్రాల్లో ఈ సినిమా భారీ ఎత్తున విడుదలవుతుంది. అయితే నార్త్ ఇండియాలో కూడా ప్రభాస్ సినిమా మంచి హైప్ తెచ్చుకుంది. ఈ సినిమాని కూడా భారీ లెవెల్ లో రిలీజ్ చేసేందుకు మీరు మాత్రం ప్లాన్ చేస్తున్నారు. అయితే డిసెంబర్ 21 తారీఖున షారుక్ ఖాన్ నటించిన డంకీ సినిమా కూడా విడుదలవుతుంది.
ఇప్పుడు నార్త్ లో థియేటర్ల విషయంలో సలార్ సినిమాకి చిక్కు వచ్చి పడింది. డంకీ సినిమాని చేస్తున్న పెన్ మూవీస్ వారు నార్త్ ఇండియా లో సింగిల్ స్క్రీన్ లతో అగ్రిమెంట్ చేసుకున్నారట. సింగిల్ స్క్రీన్ లు అన్నిటిలోనూ షారుక్ ఖాన్ డాంకీ సినిమా విడుదల అయ్యేందుకు ప్లాన్ చేశారట. ఈ దెబ్బతో ప్రభాస్ సినిమాకి సింగల్ స్క్రీన్ లు దొరకడం కష్టంగా మారింది. కేవలం మల్టీప్లెక్స్ లో మాత్రమే సినిమా విడుదలవుతుంది. ఒకవేళ సింగల్ స్క్రీన్లు దొరకడం కష్టమైతే ఆ ప్రభావం కలెక్షన్స్ పైన చూపిస్తుంది. ఈ లోపు మేకర్స్ ఏమైనా మ్యాజిక్ చేస్తారేమో వేచి చూడాలి.
1976లో జన్మించిన కల్వకుంట్ల తారక రామారావు యూఎస్ లో ఎంబీఏ చేశారు. ఆ తరువాత అమెరికాలో కొన్నేళ్ల పాటు జాబ్ చేశారు. 2006లో తన జాబ్ కి రాజీనామా చేసి, తెలంగాణ ఉద్యమంలో పాల్గొన్నారు. టీఆర్ఎస్ లో చేరి తన తండ్రి నాయకత్వంలో తెలంగాణ రాష్ట్ర సాధన కోసం కృషి చేశారు. 2009 అసెంబ్లీ ఎన్నికల్లో కేటీఆర్ రాజకీయ ప్రవేశం చేశారు. జూన్ 2014లో తెలంగాణ తొలి ప్రభుత్వంలో క్యాబినెట్ మంత్రిగా బాధ్యతలు చేపట్టారు.డైనమిక్ లీడర్ గా పేరు తెచ్చుకున్నారు. ఎమ్మెల్యేగా, మంత్రిగా ప్రజలకు సేవలందించారు. ప్రస్తుతం ప్రతి పక్ష ఎమ్మెల్యేగా ఉన్నారు.
వ్యక్తిగత జీవితానికి వస్తే, 2003లో డిసెంబర్ 18న కేటీఆర్, శైలిమల పెళ్లి జరిగింది. ఈ దంపతులకు హిమాన్షు రావు, అలేఖ్య రావు అనే పిల్లలు ఉన్నారు. సోమవారం నాడు వీరి పెళ్లిరోజు సందర్భంగా, 20 సంవత్సరాల క్రితం నాటి పెళ్లి ఫొటోను, భార్య పిల్లలతో ఉన్న ఫొటోలను సోషల్ మీడియాలో షేర్ చేసిన కేటీఆర్, “నా అందమైన భార్య శైలిమకు 20వ వార్షికోత్సవ శుభాకాంక్షలు. గత 2 దశాబ్దాలుగా నాకు మద్దతుగా నిలిచినందుకు మరియు నాకు ఇద్దరు అందమైన పిల్లలను అందించినందుకు, ఈ ప్రయాణంలో గొప్ప భాగస్వామిగా ఉన్నందుకు ధన్యవాదాలు.
మన ప్రయాణం ఇలాగే మరెన్నో ఏళ్లపాటు కొనసాగాలని కోరుకుంటున్నాను.” అంటూ తన భార్య శైలిమకు పెళ్లి రోజు విషెస్ తెలిపారు. ప్రస్తుతం ఈ ఫొటోలు నెట్టింట్లో వైరల్గా మారాయి. కేటీఆర్ పోస్ట్ చేసిన కొన్ని గంటలలోనే ఈ ట్వీట్ కు నెటిజెనల నుండి మంచి రెస్పాన్స్ వచ్చింది. ఈ పోస్ట్ కి రిప్లైగా కేటీఆర్ పెళ్లి ఫోటోలతో వీడియోలను క్రియేట్ చేసి షేర్ చేస్తున్నారు.
