Harika

సినిమా: పురుషోత్తముడు
నటీనటులు: రాజ్ తరుణ్, హాసిని సుధీర్, ప్రకాశ్ రాజ్, బ్రహ్మానందం, రమ్యకృష్ణ, మురళీశర్మ, ముకేశ్ ఖన్నా తదితరులు
దర్శకుడు: రామ్ భీమన
నిర్మా తలు: రమేశ్ తేజావత్, ప్రకాశ్ తేజావత్
విడుదల తేదీ: 26 జూలై, 2024

ఉయ్యాలా జంపాలా సినిమాతో తెలుగు ప్రేక్షకులకు పరిచయమైన రాజ్ తరుణ్ అతి తక్కువ సమయంలోనే ప్రేక్షకులను ఆకట్టుకున్నాడు.. అలాంటి రాజ్ తరుణ్ కొత్త సినిమా పురుషోత్తముడు విడుదల అయ్యింది.. ప్రస్తుతం ఆ సినిమా రివ్యూ ఎలా ఉందో ఇప్పుడు తెలుసుకుందాం…

కథ:
రామ్‌(రాజ్‌ తరుణ్‌) విదేశాల్లో ఉన్నత చదువులు చదివి ఇండియాకి వస్తాడు. ఆయన ఫ్యామిలీకి హైదరాబాద్లో ఇండస్ట్రీస్‌ ఉంటాయి. ఆ కంపెనీకి సీఈవో ఎంపిక ఘట్టం జరుగుతుంది. రచిత్‌ రామ్ కి, తన పెదమ్మ (రమ్యకృష్ణ‌) కొడుకు మధ్య పోటీ నెలకొంటుంది. రామ్‌ విదేశాల్లో పెరిగిన నేపథ్యంలో ఇక్కడ విషయాలు తెలియవు, అవగాహన లేదు, ఇంత పెద్ద పోస్ట్ కి అర్హుడు కాడనే ప్రతిపాధన వస్తుంది. సీఈవో కావాలంటే వంద రోజులు ఎవరికీ తెలియకుండా ఒక సాధారణ మనిషిలా బతకాలని, ఈ టైమ్ లో ఎవరూ తనని గుర్తించకూడని, ఒకవేళ అలా ఎవరైనా గుర్తిస్తే సీఈవో పోటీ నుంచి తప్పుకోవాల్సి వస్తుంది. ఈ ఛాలెంజ్‌ని స్వీకరించిన రామ్‌ అన్నీ వదులుకుని తన ఇంటిని, కంపెనీ వదిలేసి వెళ్లిపోతాడు. వైజాగ్‌ ట్రైన్‌ ఎక్కి మధ్యలో ఓ మారుమూల గ్రామానికి చేరతాడు. అక్కడ అమ్ములు(హాసినీ సుధీర్‌) తనని మోటర్ సైకిల్ తో గుద్దుతుంది. దీంతో అపస్పారక స్థితిలో పడిపోయిన రామ్‌ని తన ఇంటికి తీసుకెళ్తుంది. తనకు ఎవరూ లేరని, అనాథని అని చెప్పి ఆమె వద్ద వ్యవసాయం పనులు చేసేందుకు పనిలో చేరతాడు రామ్‌. ఈక్రమంలో అమ్ములతో ప్రేమలో పడతాడు. మరోవైపు ఈ ఊర్లో ఎక్కువగా పూలతోటల రైతులు ఉంటారు. మార్కెట్‌లో ఎమ్మెల్యే కొడుకు గిట్టుబాటు ధర ఇవ్వకుండా రైతులను మోసం చేస్తుంటాడు. ఎదురుతిరిగినవారిని అంతం చేస్తుంటాడు. దీంతో వాళ్ల తరఫున నిలబడతాడు రామ్‌. అందుకోసం పెద్ద స్థాయిలో పోరాటం చేపడతాడు. మరి ఆ పోరాటం ఏంటి? రైతుల సమస్యలను ప్రభుత్వం దృష్టికి ఎలా తీసుకెళ్లాడు? మరి వంద రోజులు ఎవరికీ తెలియకుండా ఉండాలనే నిబంధనని పాటించాడా? బ్రేక్‌ చేశాడా? చివరికి సీఈవో ఎవరు అయ్యారు? ఇందులో ప్రకాష్‌ రాజ్‌, బ్రహ్మానందం, ముఖేష్‌ ఖన్నాల పాత్రేంటనేది మిగిలిన కథ.

సాంకేతిక విభాగం:
సినిమాటోగ్రఫీ, సంగీతం బాగుంది. పాటలు బాగున్నాయి. చివర్‌లో ప్రకాశ్ రాజ్ చెప్పిన డైలాగులు బాగా పేలాయి. రన్ టైం రెండు గంటలే ఉండటం ప్లస్ పాయింట్.

సినిమా ఎలా ఉందంటే?
హీరోకు వందల కోట్ల ఆస్తి ఉన్నా అవన్నీ వదిలేసి సాధారణ జీవితం గడపడం.. ఈ క్రమంలో అన్యాయానికి గుర‌వుతున్న‌ పేద ప్రజల కష్టాలు తెలుసుకుని చలించిపోవడంతో వారికి సాయంగా నిల‌బ‌డ‌తాడు. ఇలాంటి పాయింట్స్‌తో ఇప్ప‌టికే కొన్ని సినిమాలు వ‌చ్చినా కూడా ఈ సినిమా క‌థ‌ను తెరపై కాస్త కొత్తగా చూపించే ప్రయత్నం చేశాడు ద‌ర్శ‌కుడు. చాలా మందికి స్ఫూర్తిగా నిలిచే సీన్లు, మాట‌లు ఉన్నాయి. అన్ని వ‌ర్గాల ప్రేక్ష‌కులు, ఫ్యామిలీతో క‌లిసి చూడ‌ద‌గిన సినిమా.

రేటింగ్: 3/5

మామూలుగా హీరోలంటే అభిమానులకు దేవుళ్లే.. హీరోలకి అభిమానులు, ఆడియెన్స్‌.. ప్రేక్షకుల దేవుళ్లు.. ఇవన్నీ ఇండస్ట్రీలో వినిపించే మాటలే. కానీ ఇప్పుడు దేవుళ్ల మీద సినిమాలు తీస్తే.. బ్లాక్ బస్టర్ హిట్టే. ఇండస్ట్రీలో ఇప్పుడు అదే ట్రెండ్ నడుస్తోంది. ఒకప్పుడు ఇతిహాసాలైన రామాయణ, మహా భారతాల మీద సినిమాలు తీశారు. ఇప్పుడు మళ్లీ అదే ట్రెండ్ నడుస్తోంది. సోషియో ఫాంటసీ చిత్రాలకు గిరాకీ పెరిగింది.

దేవుడ్ని తెరపై అలా ఒక్కసారి చూపించినా కూడా సినిమాకు కలెక్షన్లు మోతమోగిపోతోన్నాయి. అఖండని తీసుకున్నా.. హనుమాన్‌ను తీసుకున్నా.. రీసెంట్‌గా వచ్చిన కల్కిని తీసుకున్నా కూడా ఇప్పుడంతా ఏ ట్రెండ్ నడుస్తోందో చెప్పాల్సిన పని లేదు. దైవ భక్తిని చాటే చిత్రం, దేవుడి శక్తిని చూపించేలా కథ, కథనాలతో ఓ సినిమా వస్తే బాక్సాఫీస్ షేక్ అయిపోవాల్సిందే.

అలాంటి కొన్ని చిత్రాలు ఇంకా టాలీవుడ్‌లో లైన్లో ఉన్నాయి. అఖండ 2 రాబోతోంది. కల్కి 2 ఎలాగూ వస్తోంది. అనసూయ ప్రధాన పాత్రలో నటించిన అరి కూడా రాబోతోంది. సూపర్ హిట్ ఫిల్మ్ పేపర్ బాయ్ దర్శకుడు జయశంకర్ తీసిన ఈ అరి చిత్రం విడుదలకు సిద్దంగా ఉంది. ఇందులో కృష్ణుడిదే మెయిన్ పాత్ర అని తెలుస్తోంది. ఇంత వరకి ఎవరు టచ్ చేయని అరిషడ్వర్గాలనే కాన్సెప్ట్ మీద అరి మూవీని తెరకెక్కించాడు. ఈ మూవీ చివర్లో కృష్ణుడ్ని చూపించే సీన్‌కు గూస్ బంప్స్ పక్కా అని సమాచారం. వచ్చే ఏడాది రానున్న విశ్వంభర సోషియో ఫాంటసీ అన్న సంగతి తెలిసిందే. జై హనుమాన్ సెట్స్ మీద ఉంది. నిఖిల్ స్యయంభు, కార్తికేయ 3లు కూడా దైవ భక్తి చుట్టే తిరుగుతుందని తెలుస్తోంది.

ఒక సినిమా అంటే ఫైటింగ్ సీన్లు, భారీ బడ్జెట్ పాటలు ఉండాల్సిన అవసరం లేదు. మామూలు కథని ఆసక్తికరంగా చూపించినా కూడా ప్రేక్షకులు చూస్తారు. అలాంటి ఒక కథతో వచ్చిన సినిమా ఇదే. ఈ సినిమా పేరు, అర్చన 31 నాట్ అవుట్. ఐశ్వర్య లక్ష్మి ముఖ్య పాత్రలో నటించిన ఈ సినిమాకి అఖిల్ అనిల్ కుమార్ దర్శకత్వం వహించారు. ఈ సినిమా కథ విషయానికి వస్తే, ఒక ఊరిలో టీచర్ గా పనిచేస్తూ ఉంటుంది అర్చన (ఐశ్వర్య లక్ష్మి). ఎన్నో పెళ్లి సంబంధాలు చూసిన తర్వాత 31వ పెళ్లి సంబంధం అర్చనకి నచ్చుతుంది. పెళ్లి ఏర్పాట్లు జరుగుతూ ఉంటాయి.

పెళ్లికి ముందు రోజు పెళ్ళికొడుకు గతంలో అతనిని ప్రేమించిన అమ్మాయితో వెళ్ళిపోతున్నట్టు చెప్తాడు. కానీ ఈ విషయాన్ని అర్చన తన ఇంట్లో వాళ్లకు చెప్పదు. పెళ్లి ఏర్పాట్లు అన్నీ కూడా జరుగుతూ ఉంటాయి. కానీ ఇంట్లో వాళ్ళు ఎవరికీ కూడా ఈ విషయం తెలియదు. ఆ తర్వాత ఏం జరిగింది అనేది మిగిలిన కథ. ఒకే ఒక్క రోజులో సినిమా కథ చాలా వరకు మొత్తం నడుస్తుంది. అయినా కూడా తర్వాత ఏమవుతుంది అని ఆసక్తితో సినిమా నడిపించారు. 2022 లో వచ్చిన ఈ సినిమా మలయాళం భాషలో అమెజాన్ ప్రైమ్ లో స్ట్రీమ్ అవుతోంది.

ఈ సినిమాలో డైలాగ్స్ చాలా ఎమోషనల్ గా ఉంటాయి. అందులోనూ సినిమా చివరిలో హీరోయిన్ తీసుకునే నిర్ణయం, అప్పుడు హీరోయిన్ ఇచ్చే స్పీచ్ చాలా బాగా రాశారు. పెళ్లి అనే ఒక విషయం ఒక అమ్మాయి జీవితాన్ని నిర్ణయించదు అనే విషయాన్ని ఈ సినిమాలో చాలా బాగా చూపించారు. పెళ్లికి ముందు రోజు పెళ్లి చేసుకోవాల్సిన అబ్బాయి పారిపోతే, ఈ విషయాన్ని ఆ అమ్మాయి ఎంత జాగ్రత్తగా పరిష్కరించింది అనేదాన్ని ఈ సినిమాలో చూపించారు. సినిమాలో చాలా తక్కువ మంది నటీనటులు ఉంటారు. పెద్ద పెద్ద సెట్టింగ్స్ కూడా ఉండవు. ఒక ఊరిలో ఇంట్లో సినిమా నడుస్తుంది. ఆడపిల్లలు ఈ సమాజంలో ఎన్ని సమస్యలు ఎదుర్కొంటారో చాలా సున్నితంగా ఇందులో చూపించారు. ఎమోషనల్ సీన్స్ చాలా బాగా చూపించారు.

ALSO READ : “పోకిరి” నుండి “పుష్ప” వరకు… సమాజానికి “చెడు సందేశం” ఇచ్చిన 10 హిట్ సినిమాలు..!

ఎన్నో అద్భుతమైన ఎవర్ గ్రీన్ పాటలని అందించి, అందరినీ తన్మయత్వానికి గురి చేసిన మ్యూజిక్ డైరెక్టర్ ఇళయరాజా పక్కన ఉన్న ఆ చిన్న పిల్లాడు ఎవరో గుర్తుపట్టారా??

ఇప్పుడు ఆ చిన్న పిల్లవాడు కూడా పెరిగి పెద్దయ్యి ఎన్నో సినిమాలకి మ్యూజిక్ కంపోజ్ చేసి, సూపర్ హిట్ పాటలనినందించాడు గుర్తుపట్టారా? ఇతను చాలా పెద్ద ఫేమస్ యాక్టర్స్ ఫ్యామిలీకి చెందినవాడు. అతను కజిన్ ఒక డైరెక్టర్. అతని కజిన్ భర్త, తండ్రి కూడా చాలా గొప్ప పేరు తెచ్చుకున్న, ఫేమస్ యాక్టర్స్, గుర్తుపట్టారా??

తాజాగా అతను మ్యూజిక్ కంపోజ్ చేసిన సాంగ్ ప్యాన్ ఇండియా లెవెల్లో క్లిక్ అయ్యి… తెగ వైరల్ అయిపోయింది. ఇంతకీ ఆ చిన్న పిల్లాడు ఎవరో గుర్తు పట్టారా?? అది అతను ఇండియన్ మ్యూజికల్ కంపోజర్, మొదటి సారి వై దిస్ కొలవెరి పాటతో బ్లాక్ బస్టర్ హిట్స్ ఇచ్చిన అనిరుధ్ రవిచందర్. అతను పాత కంపోజ్ చేస్తే కొన్ని రోజుల వరకు అందరి కాలర్ ట్యూన్స్, రింగ్టోన్స్ అవే ఉంటాయి. ముఖ్యంగా ధనుష్, శృతిహాసన్ నటించిన 3 మూవీలో పాటలు అయితే ఇప్పటికీ అభిమానులు ఎంతో పిచ్చిగా వింటుంటారు. ఇప్పటివరకు, విజయ్ అవార్డ్స్, మ్యూజిక్ మిర్చి అవార్డ్స్, ఐఐఎఫ్ఏ అవార్డ్స్, ఫిలిమ్ ఫేర్ అవార్డ్స్ ఎన్నో పొంది, కెరీర్ లో మంచి సక్సెస్ తో దూసుకుపోతున్నాడు యంగ్ అండ్ ఎనర్జిటిక్ మ్యూజిక్ డైరెక్టర్ అనిరుధ్ రవిచందర్.

ప్రభాస్ హీరోగా నటించిన కల్కి 2898 ఏ.డీ. సినిమా ఇవాళ ప్రేక్షకుల ముందుకి వచ్చింది. ఈ సినిమాకి నాగ్ అశ్విన్ దర్శకత్వం వహించారు. ప్రభాస్ తో పాటు, అమితాబ్ బచ్చన్, దీపికా పదుకొనే, కమల్ హాసన్, దిశా పటానీ కూడా ఈ సినిమాలో నటించారు. సినిమాలో ఇంకా చాలా మంది నటీనటులు ఉన్నారు. కొంత మంది అతిధి పాత్రలు కూడా చేశారు. వాళ్లెవరో మీరు సినిమా చూసినప్పుడే చూడాలి. అప్పుడే బాగుంటుంది. అయితే, సినిమాకి ఇప్పటికే హిట్ టాక్ వచ్చింది. కానీ ఒక విషయం మీద కామెంట్స్ కూడా వస్తున్నాయి. ఇందులో హీరోకి, దిశా పటానీకి మధ్యలో ఒక పాట ఉంటుంది.

అసలు సినిమాలో ఆ పాట పెట్టాల్సిన అవసరం కూడా లేదు. పాట ఉంది. ఆలా అని దిశా పటానీ పాత్రకి ఏమైనా ప్రాముఖ్యత ఉందా అంటే, అది కూడా లేదు. సగం సినిమా తర్వాత అసలు దిశా పటానీ ఎక్కడికి వెళ్లిపోయారు అనేది కూడా చూపించలేదు. కేవలం పాట కోసం మాత్రమే దిశా పటానీని పెట్టినట్టు అనిపిస్తుంది.  ఉన్న సీన్స్ కూడా ఏదో ఫ్లోలో ఆపినట్టు అనిపిస్తాయి. ఈ ఒక్క విషయంలో జాగ్రత్త తీసుకొని ఉంటే బాగుండేది ఏమో అని అందరూ అంటున్నారు. సినిమా అన్న తర్వాత చిన్న చిన్న మైనస్ పాయింట్లు ఉండడం అనేది సహజం. కానీ అసలు ఈ పాట ఉన్నా, లేకపోయినా పెద్ద తేడా ఏమి అనిపించదు.

అందుకే ఇలా కామెంట్స్ చేస్తున్నారు. అంతే కాకుండా దీపిక పోషించిన సుమతి పాత్ర గురించి ఇంకా బాగా చూపించి ఉండాల్సింది అని అంటున్నారు. అసలు సుమతి ఎవరు? కాంప్లెక్స్ లోకి ఎలా వెళ్ళింది? ఇవన్నీ కూడా చూపించి ఉంటే సుమతి పాత్ర ఇంకా బాగా అర్ధం అయ్యేది అని అంటున్నారు. మరి కొంత మంది అయితే, ఇవన్నీ సినిమాటిక్ యూనివర్స్ లో వచ్చే నెక్స్ట్ సినిమాల్లో చూపిస్తారు ఏమో అని అంటున్నారు. ఏదేమైనా, సినిమా మాత్రం హిట్ టాక్ తో థియేటర్లలో నడుస్తోంది.