Mohana Priya

గత సంవత్సరం పుష్ప సినిమా థియేటర్లలో విడుదల అయ్యింది. పుష్ప రాజ్ అనే ఒక వ్యక్తి ఒక రోజు వారి కూలీ నుండి ఒక సిండికేట్ స్థాయికి ఎలా ఎదిగాడు? అలా ఎదిగే క్రమంలో అతను ఎదుర్కొన్న సమస్యలు ఏంటి? అనే అంశం చుట్టూ సినిమా మొత్తం తిరుగుతుంది.

దీనికి రెండవ భాగం కూడా ఉంది అనే విషయం తెలిసిందే. ఆ సినిమాకి పుష్ప – ద రూల్ అనే పేరు పెట్టారు. అయితే, పుష్ప సినిమా టాక్ మాత్రం మిక్స్డ్ గానే వస్తోంది. పుష్ప సినిమా థియేటర్లలో నడుస్తుండగానే అమెజాన్ ప్రైమ్ లో విడుదల అయ్యింది. హిందీ వెర్షన్ తప్ప మిగిలిన అన్ని భాషల్లో సినిమా అమెజాన్ ప్రైమ్ లో విడుదల అయ్యింది.

థియేటర్లో చూసినప్పుడు సినిమాకి సంబంధించిన చాలా పొరపాట్లు మనకి అంత పెద్దగా కనిపించవు. అదే సినిమాని టీవీలో చూసినప్పుడు కానీ, లేదా థియేటర్లలోనే ఒకటి గంటలకు సార్లు చూసినప్పుడు కానీ మనం గమనిస్తూ ఉంటాం. అలా పుష్పకి సంబంధించిన ఒక పొరపాటు కూడా ఇప్పుడు వైరల్ అవుతోంది. అదేంటంటే, హీరో ఒక సందర్భంలో వ్యాన్ కొనుక్కోవాలి అని అనుకుంటాడు. అందుకోసం హీరో ఫ్రెండ్ అయిన కేశవకి ఈ విషయం చెప్పి వ్యాన్ కొనుక్కురమ్మని చెప్పాడు. కేశవ హీరో చెప్పినట్టే వ్యాన్ కొనుక్కొని వస్తాడు.

అయితే అంతకుముందు కేశవకి వ్యాన్ డోర్ తీయడం రాదు అన్నట్టు చూపిస్తారు. అంటే కేశవకి వ్యాన్ అలవాటు లేదు అని మనం అర్థం చేసుకోవాలి. కానీ తర్వాత మాత్రం వ్యాన్ డ్రైవ్ చేస్తూ వస్తాడు. కొంత మంది ఈ విషయాన్ని, “పొరపాటు, లాజిక్ మిస్ అయ్యారు” అంటే, ఇంకొంత మంది మాత్రం, “కేశవకి లారీ డ్రైవ్ చేసే అలవాటు ఉంది కాబట్టి వ్యాన్ కూడా అలాగే డ్రైవ్ చేశాడు” అని అంటున్నారు. అసలు ఇది నిజంగా పొరపాటా? లేకపోతే కేశవ కి లారీ డ్రైవింగ్ వచ్చు కాబట్టి వ్యాన్ కూడా డ్రైవ్ చేశాడు అన్నట్టు చూపించారా? అనే విషయం మాత్రం సుకుమార్ కి మాత్రమే తెలియాలి.

మనం ఓ సినిమా ను ఎందుకు చూస్తాం.. సరదాగా టైం గడపడానికి లేకపోతె మన ఫేవరెట్ యాక్టర్ ను చూడడానికి. కేవలం అందుకోసం మాత్రమే కాకుండా, కొంతమంది అభిమానులకు మరొక సరదా కూడా ఉంటుంది. అదే అండి…ఫ్యాన్ వార్స్. సోషల్ మీడియాల్లోను, హీరో పేజీల్లోనూ మా హీరో గొప్ప అంటే మా హీరో గొప్ప అంటూ కామెంటుతూ సరదాలు పడుతుంటారు కొందరు. కానీ, ఒకప్పుడు ఇవేమి లేవు కదా..

Also Read:  ఈ వారం రాశి ఫలాలు ఈ రాశి వారు ఈ వారంలో మరింత జాగ్రత్తగా ఉండాలి !

అప్పట్లో విడుదలైన సినిమాల్లో ఎక్కువ భాగం ఫ్యాన్ వార్స్ అంటే చిరు – బాలయ్య సినిమాల మధ్యే ఉండేవి. ఆ రోజుల్లో వీరిద్దరూ పోటీలు పడి మరీ సినిమాలు రిలీజ్ చేసేవారు. వీరి కాంబో లో వచ్చిన సినిమా లో ఏ హీరో సినిమా హిట్ అయితే.. ఆ హీరో అభిమానులు మరో హీరో అభిమానులను టార్గెట్ చేస్తూ సంబరాలు చేసేవారు.. ఇంకా అప్పటి ఫ్యాన్ వార్స్ రేంజ్ వేరే లెవెల్ ఉండేది. ఒకేసారి ఇద్దరు స్టార్ హీరోల సినిమాల రిలీజ్ అయితే ఆ కిక్ వేరే లెవెల్. అయితే, వీరిద్దరి సినిమాల ఒకేసారి రిలీజ్ అయి బాక్స్ ఆఫీస్ వద్ద క్లాష్ అయిన 15 సినిమాల లిస్ట్ ను మనం ఇప్పుడు చూద్దాం..

#1 చట్టం తో పోరాటం – ఆత్మబలం

ఈ రెండు సినిమాలు 1984 లో ఒకే రోజు రిలీజ్ అయ్యాయి. ఆ రోజుల్లో ఇద్దరు స్టార్ హీరోల సినిమా లు  ఒకేరోజు రిలీజ్ అవడం ఇదే మొదటిసారి. చిరు సినిమా హిట్ కొడితే, బాలయ్య బాబు సినిమా యావరేజ్ గా నిలిచింది.

#2 భార్గవ రాముడు – దొంగ మొగుడు

ఈ రెండు సినిమాలు 1987లో వచ్చాయి. రెండు సూపర్ హిట్ టాక్ తెచ్చుకున్నాయి.

#3 కధానాయకుడు – రుస్తుం

ఈ రెండు సినిమాలు 1984లో వచ్చాయి. కథానాయకుడు సినిమా బాలయ్య బాబు కెరీర్ లో బిగ్గెస్ట్ హిట్. ఓ సక్సెస్ ఫుల్ హీరో గా బాలయ్యను నిలబెట్టింది. మరో వైపు రుస్తుం సినిమా మాత్రం అంతగా ఆడలేదు.

#4 ముద్దుల కృష్ణయ్య – మగధీరుడు

బాలకృష్ణ సినిమా ముద్దుల కృష్ణయ్య విడుదల అయిన వారానికి మెగాస్టార్ మగధీరుడు సినిమా రిలీజ్ అయింది. ఈ రెండు సినిమాలు 1986లో వచ్చాయి. ముద్దుల కృష్ణయ్య ఏమో సూపర్ హిట్ అయిపొయింది. మగధీరుడు యావరేజ్ టాక్ తెచ్చుకుంది.

#5 మంగమ్మ గారి మనవడు – ఇంటిగుట్టు :

ఈ రెండు సినిమాల 1984 లో వచ్చాయి. ఫస్ట్ టైం బాక్స్ ఆఫీస్ క్లాష్ అయిన సినిమాలు ఈ రెండే. బాలకృష్ణ యాక్ట్ చేసిన మంగమ్మ గారి మనవడు సినిమా సూపర్ హిట్ అయింది. చిరంజీవి ఇంటిగుట్టు సినిమా మాత్రం యావరేజ్ టాక్ తెచ్చుకుంది.

#6 నిప్పులాంటి మనిషి – కొండవీటి రాజా:

ఈ సినిమాలు కూడా ఒకేసారి రిలీజ్ అయి బాక్స్ ఆఫీస్ ను బద్దలుకొట్టేశాయి. ఈ రెండు సినిమాలు 1986లో వచ్చాయి.

#7 రాము- పసి వాడి ప్రాణం:

ఈ రెండు సినిమాలు 1987 లో వచ్చాయి. ఈ రెండు సినిమాలు కూడా మంచి టాక్ నే తెచ్చుకున్నాయి. పసి వాడి ప్రాణం సినిమా మాత్రం బిగ్గెస్ట్ ఇండస్ట్రీ హిట్ గా నిలిచింది.

#8 పెద్దన్నయ్య – హిట్లర్

1988 లో క్లాష్ అయ్యాక, మళ్ళీ పదేళ్ల తరువాత ఈ సినిమాలతో బాలయ్య చిరు క్లాష్ అయ్యారు. ఈ రెండు సినిమాలు1997 లో వచ్చాయి. ఈ రెండు సూపర్ హిట్ అయ్యాయి. హిట్లర్ మూవీ తో మెగాస్టార్ అప్పట్లో మాస్ కమ్ బ్యాక్ ఇచ్చారు.

#9 అపూర్వ సహోదరులు- రాక్షసుడు

ఈ రెండు సినిమాలు 1986 లో వచ్చాయి. ఈ సినిమాల కూడా పాజిటివ్ టాక్ ను తెచ్చుకున్నాయి.

#10 ఇన్స్పెక్టర్ ప్రతాప్-మంచి దొంగ

ఈ రెండు సినిమాలు 1988 లో వచ్చాయి. ఈ రెండు మాస్ హిట్ లు కొట్టాయి. ఈ రెండు సినిమాల్లోనూ విజయశాంతే హీరోయిన్.

#11 నరసింహ నాయుడు – మృగరాజు

ఈ రెండు సినిమాలు 2001 లో వచ్చాయి.  బాలయ్య బాబు కు సింహా టైటిల్ కలిసిరావడం అనేది అప్పటినుంచే వుంది. ఈ సినిమా కూడా సూపర్ అయింది. అయితే, అంచనాలు అందుకోలేక మృగరాజు మాత్రం హిట్ కాలేదు.

#12 సమర సింహా రెడ్డి – స్నేహం కోసం

ఈ సినిమాలు కూడా ఒకేసారి వచ్చి హిట్ అయ్యాయి. ఈ రెండు సినిమాలు1999 లో వచ్చాయి. సమర సింహా రెడ్డి సినిమా బాలయ్య బాబు ను మాస్ హీరో గా ఓ లెవెల్ కు తీసుకెళ్లింది.

#13 గౌతమి పుత్ర శాతకర్ణి – ఖైదీ నెంబర్ 150

ఈ రెండు సినిమాలు 2017 లో వచ్చాయి. ఈ రెండు సినిమాలు తెలుగు సినీ అభిమానులకు ప్రత్యేకం. ఖైదీ చిరు 150 వ సినిమా కాగా, గౌతమి పుత్ర శాతకర్ణి బాలయ్యకు వందవ సినిమా.

#14 వంశోద్ధారకుడు – అన్నయ్య

ఈ రెండు సినిమాలు 2000 లో వచ్చాయి. మెగాస్టార్, బాలయ్య ఇద్దరు మొదటిసారి సంక్రాంతి కి రిలీజ్ చేసారు. వీటిల్లో అన్నయ్య సినిమా హిట్ అవ్వగా, వంశోద్ధారకుడు సినిమా ఫ్లాప్ అయింది.

#15 అంజి-లక్ష్మి నరసింహ

ఈ రెండు సినిమాలు 2004 లో వచ్చాయి. లక్ష్మి నరసింహ సూపర్ హిట్ అయింది. అంజి మాత్రం ప్లాప్ అయింది.

#16 అగ్నిగుండం – శ్రీ వీరబ్రహ్మేంద్ర స్వామి

ఈ రెండు సినిమాలు 1984 లో వచ్చాయి. బాలకృష్ణ నందమూరి వారసుడి గా శ్రీ మద్విరాట్ వీర బ్రహ్మేంద్ర స్వామి సినిమాలో నటించి మెప్పించారు. ఈ సినిమాను సీనియర్ ఎన్టీఆర్ డైరెక్ట్ చేసారు. అద్భుతమైన ఫలితాలను ఇచ్చింది. మరో వైపు చిరంజీవి అగ్నిగుండం సినిమా అంతగా ఆడలేదు.

17. యుద్ధ భూమి – రాముడు భీముడు

ఈ రెండు సినిమాలు 1988 లో వచ్చాయి. కేవలం ఏడు రోజుల గ్యాప్ లో ఈ సినిమాలు రిలీజ్ అయ్యాయి. రాముడు భీముడు బాక్స్ ఆఫీస్ రికార్డు లను బద్దలు కొత్తగా, యుద్ధ భూమి సినిమా మాత్రం యావరేజ్ టాక్ ను సొంతం చేసుకుంది.

మెగాస్టార్ చిరంజీవి హీరోగా నటించిన వాల్తేరు వీరయ్య సినిమా ట్రైలర్ ఇవాళ విడుదల అయ్యింది. సినిమా ట్రైలర్ చూస్తూ ఉంటే ఇది ఒక యాక్షన్ ఎంటర్టైనర్ అని అర్థమవుతుంది. ఇందులో చిరంజీవి గెటప్ కూడా చాలా కొత్తగా ఉంది. ట్రైలర్ చూస్తున్నంత సేపు పాత చిరంజీవిని చూసినట్టు ఉంది. ఈ సినిమాలో చిరంజీవితో పాటు రవితేజ కూడా ఒక ముఖ్య పాత్రలో నటించారు.

అలాగే శృతి హాసన్, కేథరిన్ ట్రెసా హీరోయిన్లుగా నటించారు. ట్రైలర్ లో వీరితోపాటు బాబీ సింహా, సత్య రాజ్, వెన్నెల కిషోర్, ప్రకాష్ రాజ్, శ్రీనివాసరెడ్డి ఇంకా ఎంతోమంది ప్రముఖ నటీనటులు కనిపిస్తున్నారు. అయితే ఈ ట్రైలర్ పై కొన్ని కామెంట్స్ కూడా వస్తున్నాయి. ఇందులో ఈ విషయాలు కొంచెం మైనస్ అయ్యాయి అంటున్నారు. అవేంటో ఇప్పుడు చూద్దాం.

#1 ట్రైలర్ లో చాలా వరకు ఈ యాక్షన్ కనిపిస్తోంది. అంటే ఫైటింగ్ సీన్స్ ఎక్కువగా చూపించారు అని అంటున్నారు. కొంచెం కామెడీ కూడా యాడ్ చేశారు. అవి మాత్రమే కాకుండా కాస్త వేరే ఎమోషనల్ సీన్స్ కూడా ఉండి ఉంటే ట్రైలర్ ఇంకా బాగుండేది అని అంటున్నారు.

#2 ట్రైలర్ మొత్తం డైలాగ్స్ తో నింపేశారు అని అంటున్నారు. అన్ని ఎక్కువ డైలాగ్స్ ఉండకుండా ట్రైలర్ కట్ ఉంటే బాగుండేది అని అన్నారు. కానీ మరి కొంతమంది మాత్రం చివరిలో వచ్చే డైలాగ్ అయితే ట్రైలర్ మొత్తానికి హైలైట్ అయ్యింది అని అంటున్నారు.

#3 ట్రైలర్ చూస్తుంటే కథ చాలా వరకు అర్థమయిపోయింది అని కొంత మంది కామెంట్స్ చేస్తున్నారు. అలాగే అంతకుముందు కూడా చిరంజీవి ఈ సినిమాలో కథలో కొత్తదనం లేకపోయినా సినిమా చాలా బాగుంటుంది అని అర్థం వచ్చేలాగా ఒక కామెంట్ చేశారు. దాంతో కథ అంతకు ముందు చాలా సినిమాల్లో చూసినట్టు ఉంది అని అంటున్నారు.

#4 చిరంజీవి అంటే ముందుగా మనకి గుర్తొచ్చేది డాన్స్. ఈ పాటలో కొన్ని సాంగ్ ట్యూన్స్ చూపించారు కానీ చిరంజీవి డాన్స్ ఇంకా కొంచెం ఎక్కువగా చూపించి ఉంటే బాగుండేది అని అంటున్నారు. పాటలు వింటూ ఉంటేనే చాలా ఎనర్జిటిక్ గా ఉన్నాయి. దాంతో ఇంకా కొన్ని స్టెప్స్ ట్రైలర్ లో చూపించాల్సింది అని అంటున్నారు. కానీ మరి కొంతమంది ఏమో అవన్నీ థియేటర్ లో చూస్తే బాగుంటుంది అని ఉద్దేశంతోనే సినిమా బృందం ట్రైలర్ ఇలా చేసి ఉంటారు అని అంటున్నారు.

#5 సినిమాలో రవితేజ ముఖ్య పాత్ర పోషిస్తున్నారు అన్న సంగతి తెలిసిందే. అయితే రవితేజకు సంబంధించి అంతకుముందు ఒక వీడియో విడుదల చేశారు. టైలర్ లో కూడా అదే వీడియో యాడ్ చేశారు. అదికాకుండా రవితేజ గురించి ఇంకొక స్పెషల్ సీన్ ఏదైనా చూపిస్తే బాగుండేది అని అంటున్నారు.

ఇలాంటి చిన్న చిన్న కామెంట్స్ వస్తున్నా కూడా ట్రైలర్ కి దాదాపు పాజిటివ్ రెస్పాన్స్ వస్తోంది. అసలు చిరంజీవిని ఇలా చూసి చాలా సంవత్సరాలు అయ్యింది అని అంటున్నారు. కొంత మంది అయితే సినిమా కథ ఎలా ఉన్నా కూడా ఖచ్చితంగా హైట్ అవుతుంది. ఎందుకంటే అక్కడ ఉంది మెగాస్టార్ చిరంజీవి అని అంటున్నారు. దాంతో ప్రేక్షకులందరికీ కూడా ఈ ట్రైలర్ తర్వాత సినిమాపై ఇంకా ఆసక్తి పెరిగింది.

ఈ సంవత్సరం సంక్రాంతికి బాలకృష్ణ వీర సింహా రెడ్డి సినిమాతో ప్రేక్షకుల ముందుకి వస్తున్నారు. ఈ సినిమాకి గోపీచంద్ మలినేని దర్శకత్వం వహించారు. ఈ సినిమాలో బాలకృష్ణ గెటప్ ఇప్పటికే చాలా వైరల్ అయ్యింది. ఇందులో బాలకృష్ణతో శృతి హాసన్ హీరోయిన్ గా నటిస్తున్నారు. ఈ సినిమా పాటలు ఇప్పటికే విడుదల అయ్యి చాలా పెద్ద హిట్ అయ్యాయి.

అయితే ఈ సినిమా స్టోరీ ఇదే అంటూ ఒక స్టోరీ మాత్రం ప్రస్తుతం వైరల్ గా అయ్యింది. ఈ సినిమా కథ ఏంటంటే. బాలకృష్ణ ఈ సినిమాలో తండ్రి కొడుకుల పాత్రలో నటిస్తున్నారు. కొడుకు విదేశాల్లో పని చేసే ఒక బ్యాంక్ మేనేజర్. తన తల్లితో కలిసి అక్కడే ఉంటూ ఉంటాడు.

అక్కడే శృతి హాసన్ తో పరిచయం అవుతుంది. శృతి హాసన్ అదే కంపెనీలో పని చేస్తూ ఉంటుంది. ఈ బాలకృష్ణ తండ్రి ఒక పెద్ద ఫ్యాక్షన్ లీడర్. ఆ సమయంలో జరిగిన గొడవల్లో తన చెల్లెలి భర్త అయిన విలన్ కారణంగా ఆయన చనిపోతాడు. తన తండ్రిని చంపిన వారిపై పగ తీర్చుకోవడానికి కొడుకు అయిన బాలకృష్ణ ఇండియాకి వస్తాడు. ఈ స్టోరీ అయితే ప్రస్తుతం వార్తల్లో ఉంది.

సినిమా స్టోరీ వింటూ ఉంటే మాత్రం అంతకుముందు చాలా సినిమాల్లో చూసినట్టే అనిపిస్తోంది. ఇందులో పెద్ద బాలకృష్ణ చెల్లెలి పాత్రలో వరలక్ష్మి శరత్ కుమార్ నటిస్తున్నారు. వరలక్ష్మి శరత్ కుమార్ భర్త పాత్రలో దునియా విజయ్ నటిస్తున్నారు. పెద్ద బాలకృష్ణ పక్కన హీరోయిన్ గా హనీ రోజ్ నటిస్తున్నారు. అలాగే బాలకృష్ణకి సహాయం చేసే వ్యక్తిగా లాల్ నటిస్తున్నారు.

అలాగే పెద్ద బాలకృష్ణ పేరు వీర సింహా రెడ్డి అని అంటున్నారు. స్టోరీ నార్మల్ గా ఉన్నా కూడా పండుగ సమయం కాబట్టి ప్రేక్షకులు ఎంటర్టైన్మెంట్ ఉన్న సినిమాలని కోరుకుంటారు. దాంతో ఈ సినిమాలో ఎంటర్టైన్మెంట్ కావాల్సినంత ఉంది అని, ఇది ఒక మంచి కమర్షియల్ సినిమాగా నిలుస్తుంది అని అంటున్నారు. మరి ఈ కథలో ఎంతవరకు నిజం ఉందో తెలియాలి అంటే సినిమా విడుదల వరకు లేదా కనీసం సినిమా ట్రైలర్ విడుదల అయ్యేంత వరకు ఆగాల్సిందే.