Mohana Priya

ఈ మధ్య నిజ జీవిత సంఘటనల ఆధారంగా సినిమాలు రావడం ఎక్కువగా జరుగుతోంది. గతంలో కూడా ఇలాంటి నిజ జీవిత సంఘటనల ఆధారంగా సినిమాలు వచ్చాయి కానీ, చారిత్రాత్మక నేపథ్యం ఉన్న సినిమాలు మాత్రం తక్కువగా వచ్చాయి. కానీ ఇప్పుడు టెక్నాలజీ పెరగడంతో అప్పటి పరిస్థితులని ఇప్పుడు చూపించడం అనేది సులువుగా అవుతోంది. ఈ కారణంగానే చరిత్రలో నిలిచిపోయిన ఎన్నో కథలని ఇప్పుడు ప్రేక్షకుల ముందుకి తీసుకొస్తున్నారు. ఇటీవల అలా హైదరాబాద్ గురించి చూపించిన సినిమా రజాకార్.

నిజ జీవిత సంఘటనల ఆధారంగా రూపొందించిన ఈ సినిమాలో, బాబీ సింహ, అనసూయ భరద్వాజ్ వంటి వారు ముఖ్య పాత్రల్లో నటించారు. 1948 ప్రాంతంలో జరిగిన సంఘటనలని ఈ సినిమాలో చూపించారు. ఈ సినిమా బడ్జెట్ 50 కోట్లు. గత శుక్రవారం ఈ సినిమా విడుదల అయ్యింది. మొదటి వీకెండ్ లో ఈ సినిమా వరల్డ్ వైడ్ గా 1.4 కోట్ల రేంజ్ లో గ్రాస్ చేసింది. 80 లక్షల షేర్ సొంతం చేసుకుంది. ప్రస్తుతం వర్కింగ్ డేస్ అవ్వడం కారణంగా సినిమా కాస్త నెమ్మదించింది. కానీ గత వారం విడుదల అయిన సినిమాలతో పోలిస్తే ఈ సినిమా మాత్రం బాగా నడుస్తోంది.

మొత్తం మీద 80 లక్షల గ్రాస్ రావడంతో, బాక్సాఫీస్ దగ్గర 2.20 కోట్ల గ్రాస్ సొంతం చేసుకొని, 1.20 కోట్ల షేర్ వసూళ్ళని రాబట్టింది. మొత్తంగా ఈ సినిమా బిజినెస్ వాల్యూ 2 కోట్ల వరకు ఉంది. 2. 20 కోట్ల షేర్ టార్గెట్ అందుకోవాలి. ఇందులో ఇప్పుడు ఇంకొక కోటి రూపాయల షేర్ ఇంకా రావాల్సి ఉంది. సినిమా రికవరీ అవ్వాలంటే మాత్రం ఇంకా చాలా వసూలు చేయాలి. ఒకవేళ నాన్ థియేట్రికల్ రైట్స్ కలిపినా కూడా రికవరీ బడ్జెట్ వరకు వెళుతుందా లేదా అనేది చెప్పడం కష్టం.

కానీ కొన్ని సినిమాలు థియేటర్లలో కంటే కూడా ఓటీటీలో విడుదల అయినప్పుడు మంచి రెస్పాన్స్ సొంతం చేసుకుంటున్నాయి. ఎన్నో కారణాల వల్ల థియేటర్లోకి వెళ్ళలేని ప్రేక్షకులు, డిజిటల్ రిలీజ్ అయ్యాక చూసి, సినిమా గురించి సోషల్ మీడియా ద్వారా తమ అభిప్రాయాలను వ్యక్తం చేస్తున్నారు. ఈ సినిమా కంటెంట్ ఓరియంటెడ్ సినిమా కాబట్టి డిజిటల్ రిలీజ్ అయ్యాక ఎక్కువ మంది చూసి సినిమా గురించి మాట్లాడే అవకాశం ఉంది. అలా చూసుకుంటే మాత్రం డిజిటల్ రిలీజ్ హిట్ అయ్యి అవకాశాలు గట్టిగా ఉన్నాయి. ప్రస్తుతం అయితే సినిమా థియేటర్లలో నడుస్తోంది.

ALSO READ : “ఎక్కడికి వెళ్ళినా ఇదే చెప్తాం… అంబానీ హోటల్ అయినా కూడా..!” అంటూ… “నెగిటివ్ కామెంట్స్” పై కీర్తి భట్ భర్త రియాక్షన్..! ఏం అన్నారంటే..?

ఈ మధ్య ఏదైనా వెబ్ సిరీస్ కానీ, సినిమా కానీ హిట్ అయితే దానికి రెండవ భాగం వస్తుంది. ఇటీవల అలా గతంలో విడుదల అయ్యి హిట్ అయిన ఒక వెబ్ సిరీస్ కి సెకండ్ పార్ట్ వచ్చింది. అదే సేవ్ ది టైగర్స్. అభినవ్ గోమటం, చైతన్య కృష్ణ, ప్రియదర్శి, దేవయాని, పావని గంగిరెడ్డి, జోర్దార్ సుజాత ఇందులో ముఖ్య పాత్రలు పోషించారు. ఇటీవల దీనికి సెకండ్ పార్ట్ విడుదల అయ్యింది. దానికి కూడా చాలా మంచి రెస్పాన్స్ వచ్చింది. ఈ వెబ్ సిరీస్ రెండవ భాగం ముగిసిన విధానం చూస్తే, దీనికి మూడవ భాగం కూడా ఉన్నట్టు తెలుస్తోంది.

డిస్నీ ప్లస్ హాట్‌స్టార్‌లో ఈ సిరీస్ స్ట్రీమ్ అవుతోంది. అయితే ఈ సిరీస్ లో నటించిన వారందరితో పాటు హైలైట్ అయిన మరొక వ్యక్తి, ప్రియదర్శి, జోర్దార్ సుజాత కూతురిగా నటించిన అమ్మాయి. సెకండ్ పార్ట్ లో ఆ అమ్మాయికి పాత్ర నిడివి చాలా ఎక్కువగా ఉంది. సిరీస్ లో ఆ అమ్మాయి పేరు డింపుల్. నిజ జీవితంలో ఆ అమ్మాయి పేరు శ్రావ్య సంహిత. శ్రావ్య అంతకుముందు చాలా సినిమాల్లో నటించింది. 90 స్ వెబ్ సిరీస్ లో కూడా శివాజీ స్టూడెంట్ గా నటించింది.

ఇటీవల విడుదల అయిన తంత్ర సినిమాలో, అనన్య నాగళ్ళ చిన్నప్పటి పాత్రలో నటించింది. సామజవరగమన, గీత, జెమినీ టీవీలో ప్రసారం అయ్యే ఉప్పెన సీరియల్ లో కూడా శ్రావ్య నటించింది. అల్లరి నరేష్ హీరోగా నటించిన ఉగ్రం సినిమాలో కూడా శ్రావ్య నటించింది. గతంలో కూడా చైల్డ్ ఆర్టిస్ట్ గా కొన్ని సినిమాల్లో నటించింది. ఇప్పుడు శ్రావ్య సేవ్ ది టైగర్స్ సిరీస్ లో చెప్పిన ఒక డైలాగ్ చాలా పాపులర్ అయ్యింది. శ్రావ్య సోషల్ మీడియాలో కూడా చాలా యాక్టివ్ గా ఉంటుంది. తన ప్రాజెక్ట్స్ కి సంబంధించిన విషయాలని షేర్ చేస్తూ ఉంటుంది. అంతే కాకుండా ఇంస్టాగ్రామ్ లో కూడా రీల్స్ చేస్తూ ఉంటుంది.

watch video :

View this post on Instagram

A post shared by Sravya_samhitha(Bujjamma)❤🖤💜👹👹👹 (@sravya_dimple_official)

ALSO READ : చిరంజీవితో యమున కలిసి నటించిన ఈ సినిమా ఏదో తెలుసా? ఇద్దరి డాన్స్ హైలైట్.!

సాధారణంగా ఎవరైనా సినిమా ఇండస్ట్రీకి వచ్చాక, కొంత మందితో కలిసి పని చేయాలి అని అనుకుంటారు. ముఖ్యంగా నటులు అయితే, కొంత మంది నటులతో కలిసి పని చేయాలి అని, అలా చేస్తే వారు కెరీర్ లో ఒక మెట్టు ఎక్కినట్టే అని భావిస్తారు. అలా చాలా మంది నటులు ఇండస్ట్రీలో ఉన్నారు. హీరోయిన్స్ ఎంతో మంది కొంత మంది హీరోలతో కలిసి పని చేయాలి అని అనుకుంటారు. కొంత మంది ఆ కల నెరవేర్చుకున్నా కూడా, మరి కొంత మందికి మాత్రం కలలు కలలుగానే ఉండిపోతాయి. కానీ కొంత మంది మాత్రం, ఆ హీరోతో కానీ, ఆ యాక్టర్ తో కానీ ఒక్క సీన్ చేసినా కూడా చాలు అని అనుకుంటారు.

అది చాలా అదృష్టంగా భావిస్తారు. తెలుగు సినిమా ఇండస్ట్రీలో హీరోయిన్ గా కెరీర్ మొదలు పెట్టి, తర్వాత సినిమాల్లో నటించి, ఇప్పుడు సీరియల్స్ లో కూడా నటిస్తున్న నటి యమున. సినిమాల ద్వారా యమున ఎంత పాపులర్ అయ్యారో, సీరియల్ ద్వారా కూడా యమున అంతే పాపులర్ అయ్యారు. యమున ఎన్నో మంచి చిత్రాల్లో నటించారు. ముఖ్యంగా ఎన్నో కంటెంట్ ఓరియంటెడ్ సినిమాల్లో, పాత్రకి ప్రాముఖ్యత ఎక్కువగా ఉన్న సినిమాల్లో నటించారు. అయితే యమున ఇటీవల ఒక ఇంటర్వ్యూలో మాట్లాడుతూ, పెద్ద హీరోలతో సినిమా చేయాలి అని, చేయలేకపోయాను అని ఒక వెలితి ఉండేది అని అన్నారు.

అందులోని ముఖ్యంగా చిరంజీవితో సినిమా చేయాలి అని అనుకున్నాను అని చెప్పారు. చిరంజీవితో యమున హీరోయిన్ గా నటించకపోయినా కూడా ఒక సినిమాలో చిరంజీవితో కలిసి యమున నటించారు. ఆ సినిమా శ్రీ మంజునాథ. రాఘవేంద్రరావు గారు దర్శకత్వం వహించిన ఈ సినిమాలో యమున ఒక పాత్రలో నటించారు. గంగాదేవి పాత్రలో యమున నటించారు. చిరంజీవి ఆకాశమే ఆకారమై అనే ఒక పాటలో డాన్స్ చేస్తూ ఉన్నప్పుడు, యమున కూడా డాన్స్ చేస్తారు.

అలా చిరంజీవితో కలిసి డాన్స్ చేయడం అనేది అదృష్టంగా భావిస్తున్నట్టు ఏమైనా చెప్పారు. షాట్ అయిపోయాక, “నేను మీతో కలిసి డాన్స్ చేశాను సర్” అని యమున ఆనందపడ్డారట. రాఘవేంద్రరావు గారు వచ్చి, చిరంజీవి యమున, పెయిర్ బాగున్నారు అని, వీళ్ళు ఇంత బాగుంటారు అని తెలిస్తే, యమునకి ఇంత బాగా క్లాసికల్ డాన్స్ వచ్చు అని తెలిస్తే ముందే సినిమా చేసేవారు అని అన్నారట. ఇది చాలా పెద్ద కాంప్లిమెంట్ గా భావిస్తాను అని యమున చెప్పారు. అలా చిరంజీవి, యమున ఈ సినిమాలో కలిసి నటించారు. ఈ విషయానికి సంబంధించిన జ్ఞాపకాలని యమున ఒక ఇంటర్వ్యూలో చెప్పారు.

watch video :

View this post on Instagram

A post shared by chethan peddireddy (@megastarchiranjeevifanpage)

ALSO READ : “గుప్పెడంత మనసు” సీరియల్ యాక్టర్ ని “హనుమాన్” లో గమనించారా?

హీరోయిన్స్ అంటే ఇలాగే ఉండాలి అని ఒక ఆలోచనని బ్రేక్ చేస్తూ, హీరోయిన్స్ అంటే నటన రావడం అనేది ముఖ్యం అనే విషయాన్ని నిరూపించిన నటి సాయి పల్లవి. హీరోయిన్స్ అందరూ ఒకవైపు ఉంటే, సాయి పల్లవి మాత్రం మరొక వైపు ఉంటారు. ఫెయిర్ నెస్ బ్రాండ్స్ ప్రమోట్ చేయడం వంటి వాటి జోలికి వెళ్లరు. ఎన్ని కోట్లు ఇచ్చినా కూడా అలాంటివి చేయను అని చెప్పారు. ఒక మనిషికి కాన్ఫిడెన్స్ చాలా ముఖ్యం అనే విషయాన్ని సాయి పల్లవి చాలా సార్లు చెప్తూ ఉంటారు. అంతే కాకుండా, సాయి పల్లవి తనకి ఏదైనా స్క్రిప్ట్ నచ్చకపోతే కూడా రిజెక్ట్ చేసేస్తారు. అలా చాలా సినిమాలని సాయి పల్లవి రిజెక్ట్ చేశారు.

అందులో విజయ్ దేవరకొండ హీరోగా నటించిన డియర్ కామ్రేడ్ సినిమా కూడా ఉన్నట్టు సమాచారం. ఇందులో ఉన్న కొన్ని అభ్యంతరకరమైన సీన్స్ చేయలేకపోవడం అనే కారణంగా సాయి పల్లవి ఈ సినిమా రిజెక్ట్ చేశారు. కొన్ని పరిమితులు పెట్టుకొని, అవి మాత్రమే ఫాలో అవుతూ, అందులో కూడా తన స్టైల్ నటన చూపిస్తూ స్టార్ హీరోయిన్ గా ఎదిగారు. కేవలం డియర్ కామ్రేడ్ మాత్రమే కాదు. ఇంకా చాలా సినిమాలని సాయి పల్లవి కొన్ని కారణాల వల్ల రిజెక్ట్ చేశారు. కానీ మొదటిసారి సాయి పల్లవిని ఒక సినిమాలోకి తీసుకోవడానికి ఒక హీరో రిజెక్ట్ చేసినట్టు సమాచారం. ఆయన మరెవరో కాదు. విజయ్ దేవరకొండ.

విజయ్ దేవరకొండ హీరోగా నటిస్తున్న ఫ్యామిలీ స్టార్ సినిమా రిలీజ్ కి సిద్ధంగా ఉంది. ఈ సినిమా కోసం మొదటిగా సాయి పల్లవిని హీరోయిన్ గా తీసుకోవాలి అని అనుకున్నారట. కానీ ఇది కూడా ఒక లవ్ స్టోరీ. ఇందులో కూడా కొన్ని హీరో, హీరోయిన్ మధ్య కొన్ని లవ్ సీన్స్ ఉంటాయి. కాబట్టి సాయి పల్లవి ఈ సినిమాకి సూట్ అయ్యే అవకాశం లేదు అనే ఉద్దేశంతో విజయ్ దేవరకొండ సాయి పల్లవిని ఈ సినిమా కోసం వద్దు అని చెప్పారట. దాంతో ఈ సినిమాలో మృణాల్ ఠాకూర్ హీరోయిన్ గా నటించారు. అయితే ఈ వార్తలో ఎంత వరకు నిజం ఉంది అనేది తెలియదు కానీ, ప్రస్తుతం అయితే ఈ విషయం ప్రచారంలో ఉంది.

మరొక పక్క సాయి పల్లవి, శివకార్తికేయన్ హీరోగా నటిస్తున్న అమరన్ సినిమాలో హీరోయిన్ గా నటిస్తున్నారు. అమీర్ ఖాన్ కొడుకు హీరోగా నటిస్తున్న బాలీవుడ్ సినిమాలో కూడా సాయి పల్లవి నటిస్తున్నారు. ఇది సాయి పల్లవి నటిస్తున్న మొదటి బాలీవుడ్ సినిమా. తక్కువ సినిమాలు చేసినా కూడా గుర్తుండిపోయే సినిమాలు చేయాలి అనే ఉద్దేశంతో కేవలం కంటెంట్ ఉన్న సినిమాలని మాత్రమే సాయి పల్లవి ఎంచుకుంటున్నారు. ఏ పాత్ర చేసినా కూడా ప్రాముఖ్యత ఉండాలి అనే ఆలోచనతోనే సాయి పల్లవి ఇలా చేస్తున్నారు.

ALSO READ : “ఎక్కడికి వెళ్ళినా ఇదే చెప్తాం… అంబానీ హోటల్ అయినా కూడా..!” అంటూ… “నెగిటివ్ కామెంట్స్” పై కీర్తి భట్ భర్త రియాక్షన్..! ఏం అన్నారంటే..?

ఎన్ని సంవత్సరాలు అయినా, ఎన్ని ఛానల్స్ వచ్చినా కూడా దూరదర్శన్ ఛానల్ అంటే మాత్రం ప్రేక్షకులకి ఒక ప్రత్యేక స్థానం ఉంటుంది. ఇది ఒక ఛానల్ మాత్రమే కాదు. ఒక ఎమోషన్. తరతరాల నుండి ఎంతో మంది దూరదర్శన్ ద్వారా వచ్చే ప్రోగ్రామ్స్, వార్తలు చూస్తూ పెరిగారు. ఇప్పటికి కూడా దూరదర్శన్ పేరు చెప్పగానే ఆ లోగో చాలా మందికి గుర్తొస్తుంది. దూరదర్శన్ తర్వాత ఎన్నో న్యూస్ ఛానల్స్, ఎంటర్టైన్మెంట్ ఛానల్స్ వచ్చాయి. ఇప్పటి జనరేషన్ వాళ్ళకి దూరదర్శన్ అంటే పెద్దగా తెలియదు కానీ, అప్పటి జనరేషన్ వాళ్ళు ఇప్పుడు దూరదర్శన్ చూస్తూ ఉన్నా కూడా ఏదో జ్ఞాపకాల్లోకి వెళ్లిపోతారు.

అంతగా ప్రేక్షకులకు చేరువయ్యింది. దూరదర్శన్ మాత్రమే కాదు, అందులో వచ్చే సీరియల్స్, ఆ సీరియల్స్ లో నటించిన నటులు, న్యూస్ రీడర్స్ కూడా ప్రేక్షకులకి తమ ఇంట్లో వారి అంత చేరువయ్యారు. అలా దూరదర్శన్ ద్వారా ఎన్నో సంవత్సరాల నుండి రెండు తెలుగు రాష్ట్రాల్లో తెలిసిన వ్యక్తి శాంతి స్వరూప్ గారు. దూరదర్శన్ ద్వారా పరిచయం అయిన మొదటి తెలుగు న్యూస్ రీడర్ శాంతి స్వరూప్ గారు. శాంతి స్వరూప్ గారి వార్తలు అంటే అప్పట్లో అందరూ కూడా టీవీకి అతుక్కుపోయి చూసేవారు. అంత బాగా చెప్పేవారు. ఒక న్యూస్ చెప్తున్నారు అంటే, అది కళ్ళకి కట్టినట్టు చెప్పడం అనేది కేవలం శాంతి స్వరూప్ గారికి మాత్రమే సాధ్యం. శాంతి స్వరూప్ గారు హైదరాబాద్ లోనే పుట్టి పెరిగారు.

శాంతి స్వరూప్ గారి తండ్రి చిన్నప్పుడే చనిపోవడంతో, శాంతి స్వరూప్ గారి అన్నయ్య ఆయనని పెంచి పెద్ద చేశారు. శాంతి స్వరూప్ గారి అన్నయ్య కూడా తర్వాత ఈ లోకాన్ని విడిచి వెళ్లిపోవడంతో, కుటుంబ బాధ్యతను శాంతి స్వరూప్ గారు చూసుకున్నారు. 1978 లో శాంతి స్వరూప్ గారు ఉద్యోగంలో చేరారు. 1983 లో న్యూస్ రీడర్ గా గుర్తింపు పొందారు. అప్పట్లో టెలీ ప్రాంప్టర్ వంటి వాళ్ళు ఉండేవారు కాదు. అంటే న్యూస్ అందించేవారు, నెక్స్ట్ ఏ న్యూస్ చదవాలి అనే విషయం చెప్పేవారు ఎవరూ లేరు. దాంతో న్యూస్ అంతా కూడా బట్టీ పట్టి తప్పులు జరగకుండా ఒకటే సారి వార్తలు చదవాల్సి వచ్చేది. అలాంటి సమయంలో కూడా శాంతి స్వరూప్ గారు చాలా బాగా వార్తలు చెప్పేవారు.

అందుకే ఆయన అంటే ఇప్పటికి కూడా చాలా మందికి అంత గౌరవం. శాంతి స్వరూప్ గారికి లైఫ్ టైం అచీవ్మెంట్ అవార్డ్ కూడా వచ్చింది. శాంతి స్వరూప్ గారు 1980 లో యాంకర్ రోజా రాణి గారిని పెళ్లి చేసుకున్నారు. 1965 లో వచ్చిన తేనె మనసులు అనే సినిమాలో రోజా రాణి గారు బాలనటిగా నటించారు. రోజా రాణి గారు కొంత కాలం క్రితం ఈ లోకాన్ని విడిచి వెళ్లిపోయారు. వారికి ఇద్దరు పిల్లలు ఉన్నారు. వారిద్దరూ కూడా ఐఐటీలో చదువుకొని అమెరికాలో స్థిరపడ్డారు. శాంతి స్వరూప్ గారు మంచి రచయిత కూడా. రాతి మేఘం, క్రేజ్, అర్ధాగ్ని అనే నవలలు రాశారు. ప్రస్తుతం శాంతి స్వరూప్ గారు హైదరాబాద్ లోనే ఉంటున్నారు. ఇప్పటికి కూడా కొన్ని ఇంటర్వ్యూలలో మాట్లాడుతూ, ప్రస్తుతం జరుగుతున్న సంఘటనల గురించి, న్యూస్ రీడింగ్ అనే విషయం గురించి తన అభిప్రాయాలను వ్యక్తపరుస్తూ ఉంటారు.

watch video :

ALSO READ : REAL STORY: 2014 లో ఫేస్‌బుక్‌లో పరిచయమైన అమ్మాయి…2018 లో పెళ్లి.! ఇలా కేవలం సినిమాల్లోనే జరుగుతుంది అనుకుంట.?

సినిమా అంటే కేవలం ఎంటర్టైన్మెంట్ మాత్రమే కాదు. చాలా మంది సినిమాల ద్వారా మనం బయట మాట్లాడుకోలేని ఎన్నో విషయాల గురించి చెప్తూ ఉంటారు. మన సమాజంలో జరిగే ఎన్నో తప్పుడు పనుల గురించి సినిమాల్లో ప్రస్తావించి, వాటి వల్ల ప్రజలు ఎలాంటి ఇబ్బందులు ఎదుర్కొంటున్నారు అనేది చూపిస్తారు.

అలాగే మానవ సంబంధాల గురించి కూడా సినిమాల్లో చాలా బాగా చూపిస్తారు. ఎంత సొంత వారు అయినా సరే, వారు చేసే పనుల వల్ల వేరే వారికి ఇబ్బంది కలగడం, అహంకారం వల్ల ఇంకా గొడవలు పెరగడం, అవి చాలా దూరం వెళ్లడం వంటివి నిజజీవితంలో చాలా జరుగుతూ ఉంటాయి.

ఇవి ఎంత దూరం వెళ్తాయి అంటే, కొన్ని సార్లు అవతల వ్యక్తి ప్రాణాల మీదకి కూడా ఆ గొడవ వెళ్తుంది. ఇలాంటి గొడవల్లో గృహహింస ఒకటి. ఎన్నో తరాల నుండి గృహహింస జరుగుతూనే ఉంది. తరతరాలు మారుతూ ఉంటే, ఈ విషయం తగ్గినా కూడా పూర్తిగా అయితే పోలేదు. ఏదో ఒక రకంగా ఇంట్లో ఆడవారు ఇలాంటి ఇబ్బందులకు గురవుతూ ఉంటున్నారు. ఈ విషయంపై సినిమాలు కూడా చాలా వచ్చాయి. అందులో చాలా సినిమాలని ప్రేక్షకులు ఆదరిస్తే, కొన్ని సినిమాలకి మాత్రం అంత పెద్దగా స్పందన రాలేదు.

కానీ ఇలా గృ-హహిం-స మీద వచ్చిన చాలా సినిమాలు ఇప్పటికీ కూడా చాలా ప్రేక్షకులకు గుర్తుండిపోయేలాగా ఎంతో మంది దర్శకులు తీశారు. ఇలా గృ-హహిం-స మీద వచ్చిన మరొక సినిమా  అందరూ మాట్లాడుకునేలా చేసింది. ఆ సినిమా పేరు జయ జయ జయ జయ జయహే. ఇది మలయాళంలో రూపొందించిన సినిమా. దీన్ని ఓటీటీలో రిలీజ్ చేసినప్పుడు తెలుగులో కూడా రిలీజ్ చేశారు.

మలయాళంలో 2022  లో  థియేటర్లలో రిలీజ్ అయ్యి ఎంతో మంచి స్పందన తెచ్చుకున్న ఈ సినిమా, ఆ తర్వాత ఓటీటీలో కూడా ఇతర భాషల్లో ఉండడంతో అందరూ చూసి చాలా మెచ్చుకున్నారు. ఇంక కథ విషయానికి వస్తే, జయ అనే ఒక అమ్మాయి చిన్నప్పటినుండి కూడా ఇంట్లో వివక్షకు గురి అవుతుంది. తన అన్నని ఎంతో బాగా చూసుకున్న ఇంట్లో వారు, తనని మాత్రం ఆడపిల్ల అనే ఒక తక్కువ ఆలోచనతో చూస్తారు.

చదువుకుంటూ ఉన్నప్పుడు కూడా తన లెక్చరర్ మాట్లాడే మాటలు విని చాలా మంచి ఆలోచన ఉన్న వ్యక్తి అని ప్రేమిస్తుంది. కానీ ప్రేమించాక అతని ప్రవర్తనలో చాలా మార్పు వస్తుంది. అతను కూడా ఆడపిల్ల అని చులకనగా చూడడం మొదలుపెడతాడు. ఇదంతా ఇంట్లో తెలియడంతో జయకి రాజేష్ అనే ఒక వ్యక్తిని ఇచ్చి పెళ్లి చేస్తారు. మొదట్లో మామూలుగానే ఉన్న రాజేష్ తర్వాత కొట్టడం మొదలు పెడతాడు. చిన్న చిన్న విషయాలకి కూడా కొడుతూ ఉంటాడు. దాంతో విసిగిపోయిన జయ ఎదురు తిరిగి రాజేష్ ని కొడుతుంది.

అప్పుడు జయ ఎదుర్కొన్న పరిణామాలు ఏంటి? ఇదంతా తెలుసుకున్న కుటుంబం వాళ్ళు ఏం చేశారు? దీని చుట్టూ సినిమా తిరుగుతుంది. సినిమా కథ వింటూ ఉంటే చాలా సీరియస్ గా నడిచే సినిమా ఏమో అని అనిపిస్తుంది. అలా అనుకుంటే మాత్రం పొరపాటే. సినిమా కామెడీగా ఉంటూనే వీటన్నిటి చుట్టూ తిరుగుతుంది. అసలు ఇలాంటి ఒక సమస్యని తెరపై చూపించడమే పెద్ద విషయం అంటే, అది మరీ చూసే ప్రేక్షకులకు హెవీ అవ్వకుండా, ఎమోషనల్ గా కాకుండా కామెడీగా చూపించడం అనేది చాలా గొప్ప విషయం.

అందుకే సినిమా చూసినవారు అందరూ కూడా సినిమాని చాలా ప్రశంసించారు. అందులోనూ ముఖ్యంగా జయ పాత్రలో నటించిన దర్శన రాజేంద్రన్ నటనకి చాలా మంచి కామెంట్స్ వచ్చాయి. ఒక పక్క గంభీరంగా ఉంటూనే, మరొక పక్క భార్యకి భయపడే రాజేష్ పాత్రలో బాసిల్ జోసెఫ్ నటించారు. ఈ సినిమా డిస్నీ ప్లస్ హాట్‌స్టార్‌లో ఉంది. మలయాళం సినిమాలు అంటేనే సాధారణంగా సహజంగా ఉంటాయి. అది కూడా ఇలాంటి విషయంపై సినిమా రావడంతో దానికి ఇంకా మంచి రెస్పాన్స్ లభించింది.

ALSO READ : “ఆదిపురుష్” సినిమాలో “ఇంద్రజిత్” గా నటించిన అతను ఎవరో తెలుసా..? అతని బ్యాక్‌గ్రౌండ్‌ ఏంటంటే..?