తెలంగాణలో సార్వత్రిక ఎన్నికల హడావిడి మొదలైంది. నవంబర్ 30న తెలంగాణ ఎన్నికలు జరగనున్నట్లు ఎలక్షన్ కమిషన్ ప్రకటించిన సంగతి తెలిసిందే. అయితే ఇప్పటికే తెలంగాణలో ప్రధాన పార్టీలైన బిఆర్ఎస్, కాంగ్రెస్, బిజెపిలో మొదటి జాబితా అభ్యర్థుల లిస్టులను ప్రకటించేసాయి. ఎవరికివారు తామే అధికారంలోకి వస్తామంటూ ప్రచారాలను వేడెక్కిస్తున్నారు.
అయితే ఎన్నికల్లో తెలుగుదేశం పార్టీ పోటీ చేస్తుందా లేదా అనేదానిపైన క్లారిటీ లేదు. ఒకపక్క టిడిపి అధ్యక్షుడు చంద్రబాబు నాయుడు జైల్లో ఉండడం తెలంగాణ టిడిపి నాయకులకు దిశా దేశం చేసేవారు లేకపోవడం వల్ల సందిగ్ధం నెలకొంది.
తెలంగాణ తెలుగుదేశం పార్టీ అధ్యక్షుడు కాసాని జ్ఞానేశ్వర్ బుధవారం రాజమండ్రి సెంట్రల్ జైల్లో చంద్రబాబు నాయుడుతో ములక్కాత్ అయ్యే అవకాశముంది.ఈ భేటీలో చంద్రబాబు అభిప్రాయాన్ని బట్టి కార్యాచరణ ప్రకటిస్తామని కాసాని తెలియజేశారు. ఇప్పటివరకు ఉన్న పరిణామాలు బట్టి చూస్తే తెలంగాణలో టిడిపి పోటీ చేసే అవకాశాలు తక్కువగానే ఉన్నట్లు కనిపిస్తున్నాయి. ఒకవేళ టిడిపి పోటీ చేయకపోతే ఇది ఏ పార్టీకి మేలు చేస్తుందని దానిపైన రాజకీయ వర్గాలు చర్చించుకుంటున్నాయి.
అయితే సోషల్ మీడియాలో తెలంగాణలో టిడిపి పోటీ చేయడం లేదు అన్న ప్రచారం ఊపందుకుంది. దీనిపై టీటీడీపీ అధ్యక్షుడు కాసాని జ్ఞానేశ్వర్ వెంటనే స్పందించారు. అది తప్పుడు ప్రచారం అని అన్నారు.తెలంగాణ రాష్ట్రంలో ఎన్నికలలో తెలుగుదేశం పార్టీ 87 స్థానాల్లో పోటీకి రెడీ అయిందని, ఈ ఎన్నికలను టిడిపి ప్రతిష్టాత్మకంగా తీసుకుంటుందనిఅన్నారు.119 నియోజకవవర్గాలకు సబంధించిన అప్లికేషన్లు ఇప్పటికే తీసుకున్నామన్నారు.
అయితే తెలంగాణలో టిడిపి పోటీ చేయకూడదనేది బిజెపి అభిప్రాయం అని రాజకీయ వర్గాలు చెబుతున్నాయి. చంద్రబాబు అరెస్ట్ అనంతరం జరుగుతున్న పరిణామాలు బట్టి చూస్తే ఇదే నిజమని అర్థమవుతుంది. తెలంగాణలో టిడిపి పోటీ చేస్తే కనుక ఓట్లు చీలి తమకి నష్టం జరుగుతుందని ఉద్దేశంలో బిజెపి ఉన్నట్లు తెలుస్తుంది. ఆంధ్రప్రదేశ్ లో టిఆర్ఎస్ పార్టీ వైసీపీకి సపోర్ట్ చేస్తుందని ఉద్దేశంలో తెలంగాణలో టిడిపి ఓట్లు బిఆర్ఎస్ కి పడే అవకాశం లేదు. ఒకవేళ టిడిపి కనుక పోటీ చేయకపోతే ఆ ఓట్లన్నీ కాంగ్రెస్ పార్టీకి పడతాయని రాజకీయ నిపుణులు అంచనా వేస్తున్నారు.
Also Read:చంద్రబాబు స్కిల్ డెవలప్‌మెంట్ కేసులో అప్‌డేట్ ఇదే…
20 ఏళ్ల నుండి న్యూజిలాండ్ చేతిలో ప్రపంచ కప్ సిరీస్ లో భారత్ ఓడిపోతూనే ఉంది. న్యూజిలాండ్ ను ఓడించాలి అనేది భారత్ టీం తో పాటు యావత్తు భారత అభిమానులకు చిరకాల కల. అది ఆదివారం నెరవేరింది. ముందుగా బ్యాటింగ్ కు దిగిన న్యూజిలాండ్ టీం ఒక దశలో చాలా బాగా బ్యాటింగ్ చేసింది. భారత్ బౌలర్లకు వికెట్లు తీయడం కష్టంగా మారింది. కానీ భారత్ బౌలర్లు తమ బౌలింగ్ తీరును మార్చుకుని వికెట్లు పడగొట్టడం మొదలుపెట్టారు. 
స్టార్ బౌలర్ షమి అయితే ఏకంగా ఐదు వికెట్లు పడగొట్టి మ్యాన్ ఆఫ్ ది మ్యాచ్ గా ఎన్నికయ్యాడు. బ్యాటింగ్ లో విరాట్ కోహ్లీ తన విశ్వరూపం చూపించగా, జడేజా కోహ్లీకి సహకారం అందించి భారత్ ను విజయతీరాలకు చేర్చారు.దాంతో ఈ ప్రపంచ కప్ లో ఓటమి ఎరగనీ జట్టుగా నిలిచింది. న్యూజిలాండ్ టీమిండియా తో ఓటమి తర్వాత రెండో స్థానానికి పడిపోయింది.భారత జట్టు అధికారికంగా టేబుల్ లో మొదటి స్థానంలో ఉన్న కూడా ఇంకా సెమిస్ కి ప్రవేశించలేదు. 
సెమీఫైనల్ కు అర్హత సాధించాలంటే ఒక జట్టు కనీసం ఆరు విజయాలు సాధించాలి. రోహిత్ సేన ఇప్పటివరకు ఆడిన ఐదు మ్యాచ్ లోనూ విజయం సాధించింది కాబట్టి మరో మ్యాచ్ గెలిస్తే సెమీఫైనల్ బెర్త్ దక్కుతుంది. టీమిండియా కు ఇంకా నాలుగు మ్యాచ్ లు మిగిలి ఉన్నాయి. వీటిలో ఒక్కటి గెలిచిన సరిపోతుంది.భారత్ కు సెమీస్ చేరడం పెద్ద కష్టమేమీ కాదు. దాదాపు భారత్, న్యూజిలాండ్ సెమీస్ కి అర్హత సాధించడం ఖాయమే. వీరితోపాటు మిగతా రెండు జట్లు ఏవి సెమీఫైనల్ కి చేరతాయి అనేది వేచి చూడాలి. 
